Hme Kaisi Larki Se Shadi Karni Chahiye?

Hme Kya Dekh kar Shadi Karni Chahiye?
Nabi-E-Kareem (Sallallaho Alayhi Wasallam) Ne Irshad Farmaya:
“Aurato Se Unke Husn Ke Sabab Shaadi Na Karo, Uske Maal Ki Wajah se Shaadi Nahi Karo, Balki Deen Ki Wajah se Nikah Kiya Karo Kali, Chapti, Badsurat Ladkii Agar Deendar Ho To Behtar Hai “
(Ibne Maja, Jild 1, Hadees No 1926, Safa 522)
Farman-E-Mustufa (Sallallahu Alaihi Wasallam)
“Shaadi Karne Me Maal Wa Daulat Husn Wa Jamaal Aur Hasab Wa Nasab Ko Tarjih Na Do Balke Deendar Aurat Se Shadi Kar ke Kamyab Ho Jao”.
(Bukhari Sharif, Hadees: 5090)
Hazrat Abuhuraira wa Hazrat Jaabir Radiallaho Anhu se Riwayat He Ke Nabi E Rehmat Sallalaho Alayhi Wasallam Ne irshad farmaya: “Aurat se 4 chizo ki wajah se nikah kiya jata he
1. Uska Maal 2. Husn wa Jamal 3. Uska Khandan 4. Uske Deendar hone ki wajah se. Lekin tu Deendar Aurat Ko Hasil Kar”(Bukhari sharif Jild 3, Safa 59, Tirmizi sharif, Jild 1, Safa 555)
In Tamaam Hadees Sharif Se Ye Saabit Hai Ke Nikah Karte Waqt Deendari Dekhi Jaye.
Aaj kal Aksar Log Paisa Aur Jaydat (Property) Dekh Kar Shaadi Karte Hai Aur Unka Khayal Hota Hai Ke Ladki Chain Aur Sukoon Ki Zindagi Basar Karegi. Aye Imaan walo, ALLAH Ne Jo Kuch Tumhare Muqaddar Me Likha Hai Usse Jyada Ya Kam Aapko Hargiz Nahi Mil Sakta. Mere Pyare Islami Bhaiyo Aur Behno, Deendar Ladka Ya Ladki Se Shaadi Karne Se Aap ki Zindagi To Sawar Jayegi Hi Sath Me Aap ki Aanewali Nasl Bhi Deendar Hongi.
ALLAH Ham Sabko Nek Taufiq De
Aameen

Share: