Kya Billi Palne Ki Ijazat Islam Deta Hai? ~ Aashiyana-E-Haqeeqat

Kya Billi Palne Ki Ijazat Islam Deta Hai?

Billi Palna Kaisa Hai? Kya Islam Iski Ijazat Deta Hai?

Mujhe yeh to ilm hai ki islam billiyon ko Pakiza aur taher hewanat ki nazar se dekhta hai, lekin mujhe yeh ilm nahi ki usay manoos hewanat ki tarhan ghar mein rakhne ka Hukm kya hai?

Mere paas billiyon ki mukhalfat mein koi Daleel to nahi,lekin mein yeh mehsoos karta hun ki usay ghar mein rehne dena ke woh kitchen aur kamron waghera mein ghoomtay phiray,yeh sahih nahi ?
Aap is silsila mein maloomat faraham Karen....

AlhamDulillah

Insaan ke liye sharai tor par jaaiz hai ke woh Mubah ashya ko apni milkiyat bana sakta hai, jo kisi ki bhi milkiyat mein nahi hon, maslan sehraa se endhan aktha karna, ya jungle se lakdi lena, aur isi tarhan billiyan pakad kar un ko paalna aur tarbiyat karna, aur Mubah cheez par haath rakhne, ya is par faili ghalba haasil Karne se Mubah cheez ki milkiyat haasil ho jati hai, jab ki wo kisi ki milkiyat na ho

Upar jo kuch bayan hua hai us ki bina par jo billiyan kisi ki milkiyat na hon inhen rakhne mein koi harj nahi, lekin shart yeh hai ke insaan inhen khaney peene ko dey, aur inhen takleef na dey, lekin jab ye saabit ho jaye wo billi nuqsaandeh hai maslan woh bemaar ho, ya yeh khadsha ho ke is ki bina par kisi ko koi beemari muntaqil ho jayegi , is ka saboot honay par usay nahi rakhna chahiye, kyunki rasool Karim ﷺ ka farmaan hai

" na to apna nuqsaan karo, aur na hi kisi ko nuqsaan do

to jisay billi ke wujood se nuqsaan aur zarrar pohanchana ho usay billi nahi rakhni chahiye, aur isi terhan jo usay khilane aur pilanay ki istetat na rakhe to wo bhi usay chod de taki woh zameen ke keede makode kha kar guzar-basar kar le, aur wo usay apne ghar mein mahboos na kare

sahih bukhari aur sahih muslim mein Hazrat Abdulllah bin Umar r.a se hadees saabit hai ke rasool Karim ﷺ ne farmaya.
Jo BAtein Quran O HAdees Me NAhi HAi O Ahle HAdees Kyu KArte HAi?

JAb Shaitan HAr JAgah Aaker Gumrah Ker Sakta HAi To NAbi Sallahu Alaihe Wasallam Har JAgah HAzir O NAzir Kyu NAhi HAi?
Kya Ahle HAdees Imaam Ke Dushman Hai? Jo Unhe NAhi MAnte
Shiyon KA Ahle BAit Se Mohabbat Aur MAtam Ki HAqeeqat.
1 aurat ko billi ki Bina par azaab diya gaya, is aurat ne billi ko bandh diya hatta ke wo mar gayi wo usay na to khane ke liye kuch deti aur na hi peenay ke liye, aur na hi usay choda ke wo zameen ke keede makode khaye , to wo aurat billi ki wajah se aag mein daakhil ho gayi

sahih bukhari hadees number 3223 sahih muslim hadees number 1507

aur billi agar khane mein se kuch kha jaye, ya Pani pi jaye to wo palid aur najas nahi ho jata, kyunki abudawood wagera mein hadees hai

1 Aurat ne Ammi Ayesha r.a ko harisa bheja to wo namaz parh rhi thin , unhon ney namaz mein hi ishara kya ke wo usay rakh dey, to billi ayi aur akar is mein se kha gayi , amma aisha r.a ne namaz ke baad use jagah se
Harisa khaya jahan se billi ne khaya tha, aur farmaya : bila shuba rasool Karim ﷺ ka farmaan hai

yeh ( billi ) palid aur najas nahi, Balki ye to tum par anay jaaney waliyan hain

Amma aisha r.a bayaan Karti hain

meine rasool Karim ﷺ ko billi bachay hue pani se wuzu karte hue dekha

sunan abu dawood hadees number 69

aur 1 rivayat mein hai :-

Kabsha Binte Kaab bin Malik jo ke Ibn abi Qatadah ki BIWI hain woh bayan Karti hain ke abu Qatadah r.a hamaray ghar aye to mein ne unke wuzu ke liye pani bartan mein dala to billi ayi aur is se peenay lagi , to unhon ne is ke liye bartan terha kr diya hatta ke us ne pani pe liya

Kabshah bayan Karti hain ke unhon ne mujhe dekha ke me unki taraf ja Rahi hun to wo farmane lagey

Meri bhateeji kya tum tajjub kar Rahi ho ❓

to meine jawab diya : ji han..

to wo kehne lagey : rasool Karim ﷺ ne farmaya hai

" yeh najas aur palidh nahi, balke yeh to tum par ghoomnay phirnay waleyan hain

sunan abbu dawood hadees number 68

un dono riwayton ko imam Bukhari aur daar kutni wagera ne sahih kaha hai

Dekhiye al talkhees li Ibn hajar 1 / 15

Qaul :" tum par anay jaaney aur ghoomnay phirnay waliyan hain

is ka mani ye hai ke ye khadimon
Ki mushaba hain, jo tumhari khidmat karte hain, aur wo logon ke sath hi unke gharon mein rehtay hain, aur unke bartano aur samaan ke paas hotay hain, is se un ka bachna mumkin nahi

is liye jab jab koi billi bartan se pi jaye, ya kuch kha jaye to woh najas aur palidh nahi ho jata, is ke Malik ko ikhtiyar hai ke agar is ka dil chahay aur usay zaroorat ho to wo usay kha aur pi sakta hai, kyunki wo pak aur taher hai, lekin agar is ka zarrar aur nuqsaan saabit ho jaye to phir nahi, aur agar is ka dil na chahay to woh usay na khaye aur piye aur chore day

Lekin yahan 1 cheez.ka tanbiyah karna zaroori hai k baaz log billiyon ka bohat ziyada khayaal rkhte hain, aur inhen khobsorat bananay mein mubaligha karte hain, aur un par bohat ziyada maal kharch karte hain jo ke aqal ke aqal ki kamzor aur zaef, aur raqt deen, aur asayish mein mubaligha par Dalalat krta hai

Halanki mashriq o maghrib ki zameen ko maghrib mein Lakho musalman zarooratmand aur mohtaaj paye jate hain, hum musalmanoon ke liye to bohut unchay maqasid hain jo hamara waqt len, aur usay nafa mand kam se bhar den, aur is fuzool aur be faida kam se door rahen jo Europe aur kuffar se hamaray andar sarahat kar gaya hai jo ke kuttay aur billiyon par apni aulaad se bhi ziyada kharch karte hain, chahein jaye ki wo kisi mohtaaj aur zarooratmand par kharch Karen

balke wo to usay kisi fivestar hotel mein rakhte, aur lamba chaura maal un ko virasat mein dete hain, alhamdulillah Allah ka shukr hai jis ne hamein islam se nawaza aur izzat wa takreem di, aur hamein baki ummato par imtiyaz ata farmaya

Isi terhan is par bhi mutnabba rehna chahiye ke Shariat islamia mein billiyon ki khareed o farokht mana hai

sahih muslim mein abbu Zubair r.h se hadees marvi hai wo kehte hain ke meine jabir r.a se kuttay aur billi ki keemat ke mutaliq daryaft kya to woh kehne lagey :

" Nabi e Kareem ﷺ wasallam ne is se danta hai ❌

sahih muslim hadees number 2933

wallahu alam.........

Allah se dua hai ke wo hame kehne sunne se zyada Amal ki taufeeq ata farmaye ameen ya rabbul alameen
Tik Tok Application Ki Behyayi.
Kahi Jate Waqt Ager Aage Se Billi Gujer JAye To Kya Hmare Liye YAh Khatra Hota HAi?
Janwaron Ke Huqooq Islam Me.
TAlak KA MAsla Kya HAi Islam Me?
Musalman VAnde MArtam Kyu NAhi Padhte?

47 comments:

Unknown14 September 2018 at 14:36
Kali (black) billi palna kesa hai
Rizwan nawaz2 October 2018 at 11:54
Agr bili touch kr jay kapro ko tu namaz hoti he k na.
Kindly information de den
Unknown22 October 2018 at 11:18
Mere paas ek billi hai aur usne Aaj 6 bacche diye , ab meri ye mushkil hai ki main inhe yaani 6 bachho Ko paal nahi sakta tho inhe kab aur Kaise aur kaha chode,
Unknown2 November 2018 at 16:57
Assalam o alaikum mne ak billi li h abi kch dn phle kya m use pl skti ho...Plz mjhe bta de
Unknown9 November 2018 at 20:42
Asslam o alikum!!mery pas 1 bili hai or wo bht bemaar ho gyi hai even wo chl b ni skti uska bht ilaaj krwaya hai lekin thk ni ho ri...to mjhy smjh ni a ri mai kia kru wo bht drd may hai😢
Unknown5 December 2018 at 22:14
Assalamoalaikum,agar billi khanay banany k pateelay may pee kr day tu kya unhay kalmay say pak kr k istemal kr saktay hain?
Aashiyana-E-Haqeeqat6 December 2018 at 08:59
7 Martba us Bartan ko dhole, Pahli ya Aakhiri Martba Mitti Se Jarur dhoye.
Unknown25 January 2019 at 02:00
1...Mai billi palna chahti hu to kia mai billi khareed sakti hu? Q k stray cats ghar par ni rehti to palnay k liye mughe khareedni parray gi?

2...agar khareedna mana ha to kia mai apni kisi dost sai keh sakti hu k mughe tohfa (gift) mai billi dai dy, ta k mai pal sakun?

Shariat islamia mein billiyon ki khareed o farokht mana hai
sahih muslim mein abbu Zubair r.h se hadees marvi hai wo kehte hain ke meine jabir r.a se kuttay aur billi ki keemat ke mutaliq daryaft kya to woh kehne lagey :
" Nabi e Kareem ﷺ wasallam ne is se danta hai ❌
sahih muslim hadees number 2933
wallahu alam.
Aashiyana-E-Haqeeqat25 January 2019 at 17:23
G haa Aap Unse Le Sakte HAi? Ager Aap Billi Ko Palne Ki Shaukeen HAi To?
Unknown25 February 2019 at 18:28
Kal main apni bili ko ghar ko khana khila k ghar chorr k chala gya. jub wapis aaya to wo murda thee... Meri ghalati ye hai k usy band nhi kiya tha. mujhy nhi ptaa uski moat kesy hui... kya mujh py kuch sadqa wajib hai. mujhy buhat pyaar thaa apni cat sy
Report Remark26 April 2019 at 18:44
Mera ek sawal ha mere paas ek Billa ha aur bhaut pyara ha lekin mera ghar kaccha bana huwa ha to bahar ke jungli bille aakar mere bille ko maar dete hain jiski wajha ha usko takleef hoti ha to agar main us jungli bille ko acche se bina zulm pinjre me pakad kar kahin dusri jagha chod doon jaise ki shadi haal ya fir ki rihayshi ilaqe me to kisi tarhan ka koi gunha to nahi hoga. Please reply zaroor karen.
Aashiyana-E-Haqeeqat26 April 2019 at 21:10
Ha Aeisa Kar Sakte Hai Koi Gunah Nahi HAi.
Anonymous29 April 2019 at 19:10
Aslamo-o-Alikum
mere pass ak bili hy new li hy mujy shoq hy palne ka
janna yeh chahta hun ager bili galti sy napak jgah par behth jaye toh
kiya karna chaiye naha le toh theek ?
tarika kiya ho ga
Anonymous7 June 2019 at 09:35
Mere pas ek billi hai wo har kuch month me bacche dedethi hai tho kya hum birth contol injection lagwa sakthe hai??? wo billi ab family ki tarha hai isliye usko chor na nai chathe lekin uske bar bar bacche dene se pareshani horai hai..
Alamgir Shaikh4 October 2019 at 12:26
Assalamualaikum,
Mere ek rishtedar k waha billi hai recently kisi ne kaha ki billi nahi pallna chaye manos hoti hai rizq chin leti hai kya ye sach hai mujhe is baat par yakin nahi hua ??
Alamgir Shaikh4 October 2019 at 12:27
Assalamualaikum,
Mere ek rishtedar k waha billi hai recently kisi ne kaha ki billi nahi pallna chaye manos hoti hai rizq chin leti hai kya ye sach hai mujhe is baat par yakin nahi hua ??
Aashiyana-E-Haqeeqat5 October 2019 at 06:23
Yah sb badsaguni kah lata hai, koi Mahina ya din yah sb Manhoos nahi hota, yah iman ki kamjori hai.
https://findmrf.blogspot.com/2018/11/badsaguni-kya-hai-sitaron-se-baarish.html

Is link pe click karke padhe
Islamic Education20 March 2020 at 15:13
meri khala hain unhone billi paali hui hai aur masla ye hai ke wo pure ghar main jahn usko jaga milti hai pisab kar deti bathroom nhi jati hai maine boht samjya isay ghar napak hojata hai lekin wo log safai ka khyl nhi rakhte aur ghar se bhi boht gandi smell ati ha pisab ki. iske bare main batayin ke unko kya karna chahye.
Unknown17 December 2020 at 22:59
Mene 1 billi pali thi jo 15 din ki thi 2 sal tk usey bchon ki trha hr wqt khayal rkhaa wo persian billi thii balon wali...lekn jb wo 2 sal ki hui achank useyy Daieriya ki bimari hugyii or usey hospital le gyee hr ilaj krwayaa lekn 12 ghanty bad allah k pas chali gyii..
Unknown27 August 2021 at 11:31
Assalamualaikum.
Meri behn k pas do billiyan hen... Or Meri behn ki aulad ni ho paa rhi h.. saari reports or ilaaj normal hen...tou unhen kisi ne kaha k billiyan ghr men aulad paida ni honey detin... Kia esa hota h k billiyan aulad paida ni honey detin..?
Unknown27 August 2021 at 11:33
Assalamualaikum...
Meri behn k pas do billiyan hen..
Or uski Meri ki aulad ni ho paa rhi h .. usko kisi ne kaha k ye billiyan aulad paida ni honey detin.... Tou kia esa hota h k billiyon aulad paida ni honey detin?
Anonymous3 October 2021 at 21:59
Agar billi pero ke darmiyaan se guzar jaye to kya bache nahi hote? Please jawab de
Unknown26 February 2022 at 22:13
Assalam o Alikum...Maine poochna tha k kia billi ka pishab na pak hai.....ghar main 4 billiyan mojood hain jo k har jagha pishab kar deti hain.....wo zyada tar bus khana khanay ati hain warna bahirvrehti hain.....iske bare main kia ehkam hai? or doosra kia napaki nahoosat ki wajha banti hai? jaise betiyon k shadi k masail k koshish k bawajood rishta nahi ho raha...?
Anonymous24 June 2022 at 19:08
Mashaallah
Anonymous27 August 2022 at 01:37
Mae ny ye pochna tha k bili k bachy thy gr unhy hum kisi or jaga chor ay hai to es ka koi gunnah to nh hai..
Anonymous20 September 2022 at 20:27
AOA mre ggr me bili thi usky bachy huy lkn Kuch he din m bari bari bili or bachy sb mrty gay ksi na ksi hadssy ya bger vjaa k b mjy Shuru sy biliyan psnd h Jo b bili aajati m usy garage mn rkh leti hu or daily khanay piny ko deti hu lkn mn Janna chahti hu achank inki moat mre ghr m q huti jari hai sbki bari bari
Aashiyana-E-Haqeeqat21 September 2022 at 11:42
Walaikum Assalam w rahmatullah o barkatahu.
Jiski jab maut likhi hoti hai tabhi maut aati hai, aap khane pine ke saman ko ache se dekh le, kahi usme kisi qism ke zahrilr saman to nahi pad gaye hai.