Bewa Aurat Se Isliye Shadi ki Take Logo Ka Khyal Rakh Sake.

Bahu ya Biwi aur Sasuraal (Saas/Sasur) ki khidmat
Jabir bin Abdullah رضي الله عنه bayan karte hai ke Rasulallah ﷺ ne mujse pucha :
Kya tumne Shadi karli?
To mene Araz kiya : Jii Haan.
Aap ﷺ ne farmaya : Kunwari ya shaadi shudah (bewah/talaqshuda)?

Mene kaha : Balqe Pehle se shadi shudah Aurat se shadi ki

To Rasulallah ﷺ ne Farmaya:  Tumne kisi kunwari ladki se shadi kyu nahi kiya  jo tumhe khilati aur tum se khelte?

Me ne Araz kiya :- Meri behne thi To Maine Pasand kiya ke kisi aeisi Aurat se shadi karu jo unki kanghi kiya kare aur unki dekhbhal kare Aur khyaal Rakhe.
Sahi Bukhari (1991)

Aur Bukhari ki rivayat me jabir bin Abdullah ke alfaaz yeh bhi hai

Inhe Ta'aleem (Education) De aur in ki tarbiyat kare aur Adab Sikhaye.
Sahi Bukhari (2257)

Mazeed rivayat me hai
Aye Allah ke Rasul ﷺ Mere walid faut ho gye ya arz kiya shaheed ho gye to meri choti choti Behne thi is liye mene in Jaisi hum umar ladki se Shadi karna Munasib Na samjha kyu ki Na to woh unko Adab sikhayegi aur na hi Tarbiyat karegi aur na hi inka khyaal rakhegi aur Na dekh bhaal kar sakegi iss liye mene shadi shudah Aurat se shadi ki taaqi woh in ka khyaal Rakhe inhe Adab Sikhaye aur inki dekh Bhaal Kare.
Sahi Bukhari (2805)

Jawab me Rasulallah ﷺ ne kaha Allah Apko barqat se nawaze ya khair wa bhalayi se nawaze ( Sahi Bukhari 5052)

Inhi Hadees me milta hai ke Jabir bin Abdullah ke walid unke pichhe 8 ya 9 Betiya chord gaye They.

Share: