Rajjab Ke Mahine Me Kunde Kyu Karte Hai? (Part 1)

Kunde Ke Niyaz Ki Haqeeqat (Reality Of Kunde Ki Niyaz)
POST : 01
22 Rajjab ko Barre Sageer (Hindustan, Pakistan aur Bangladesh) me ek tyohaar manaya jaata hai, Jisey hum “Kunde ki Niyaj” ya “Kunde ki Eid” ke naam se jante hai. to aayiye iski sharayi hakikat kya hai janne ki koshish karte hai.
Darhakikat Kunde ki Eid ki shariyat me koi asal ya buniyad nahi hai, iss talluk se Imam Jafar Sadiq (Rahmatullahi Alaihi) ka wakiya bayan kiya jata hai ke inhe mansub ya inhi ke Isare Sawab ke liye Nazro Niyaz is din kiya jata hai.
Aayiye ab gour karte hai iski haqeeqat kya hai,  Kya wakay me Shairiyate Islmiya me Kundey ki kisi Eid ka tazkira paya jata hai?
☑ Kunde ke Niyaz ki Shuruwat kaha se hui?
22 Rajjab ko ek Shakhs ka inteqal hota hai, Abdullah Ibne Abbas (Razi’Allahu Anhu) khana kha rahe they, utney me unki Ghulaam/Baandi khabar lekar aati hai. wo khabar sunkar Aap khana chor kar khadey ho jatey hai.
Khabar ye thi ke Sahabi-e-Rasool Ameer Muawiya (Razi’Allahu Anhu) ka inteqal ho gaya 22 Rajjab ko, Ameer Muawiya (Razi’Allahu Anhu) wo shakhsiyat thi jinhone Munafiqo aur Khwarijiyo par lohe ka hath rakha tha. Aapke Dour-e-Hukumat me ye log bebas ho gaye they. inki har Munafiqana harkato ko Ameer Muawiya (Razi’Allahu Anhu) ne naqam kar diya tha.

Lekin jaise hi Ameer Muawiya ka inteqal hua inn Munafiqo aur Kharijiyo me khushi ki lehar daur padti hai ke ab dushman mar gaya humara, aur khushi tou manani hai. Ab khushi manaye tou kaise manaye? hukumat ko pata chal jayega agar khushiya manyenge tou Jaahir si baat hai ke – waqt ka Khalifa inteqal kar gaya aur koi khushiya manaye tou uske Munafi hone me koi shuba hi nahi hogi.
Lehaja tay hua ke Khushiya khufiya manayi jayegi, Ahle Munafiq aur Khwarij apne apne logon ko bulao, khamoshi se saman lao, parde ki aad me wahi banao, aam bartano ke bajaye mitty ke bartano(Kundo) me mithaiya banao, wahi khaawo,.. wahi hath dho lo, bacha kucha khana wahi dafna do, taaki bahar Musalmano ko pata na chale ke andar kis cheez ki khushiya manayi ja rahi hai.
To Be Continued

Share: