Jo Log Deen Ki Baton Ko Apni Jati Fayde Ke Liye Najer Andaaj Karte Unka Hasher.

Jo Log Deen Ki Baton Ko Chhupate Ya Fir Yah Kahte Hai ke Hme to isse Kya Matlab Uska Hasher Kya Hoga?
السلام علیکم ورحمۃ الله وبرکاتہ!!!
جو لوگ دین کی بات نہیں سننا چاہتے اور انہیں صرف اپنے قیاصوں پر ایمان ہوتا ہے ، اور وہ دوسروں کی حق تلفیاں کرتے رہتے ہیں ، تو کیا وہ اس بات پر بچ جائیں گے قیامت میں کہ ہمیں تو کچھ پتا نہیں تھا ؟ جبکہ دنیا میں کہتے ہیں کہ ہمیں سب پتا ہے ہمارا فلاں بھی بہت نمازی ، پردے دار تھا ، ایسے لوگوں کی خیر خواہی کرنی چاہیئے یا حال پر چھوڑدیں انکے؟؟
وَعَلَيْكُم السَّلَام وَرَحْمَةُ اَللهِ وَبَرَكاتُهُ‎
اللہ تعالیٰ کا دین جب ساتویں آسمان سے زمین پر اتر سکتا ہے تو زمینی وسائل تو پھر بہت آسان ہیں کہ انسان دین کا شعور و آگہی سے واقف ہو ۔ دین آج سے چودہ سو سال پہلے مشکل تھا تو صحابہ نے ان مشکلات سے مقابلہ کیا کہ ایک حدیث کے لیے میلوں کا سفر کیا ، اور آج اللہ تعالیٰ نے اونٹوں اور خچروں پر کئی کئی دنوں کے میلوں کا سفر ایک کلک پر محیط کر دیا کہ انسان ایک کلک کرتا ہے تو سات سمندر پار کا نظارہ اپنی آنکھوں سے کر لیتا ہے ، زمین کا کوئی حصہ نہیں جہاں علماء کی رسائی نہیں، جدید سہولیات نے انسان کے لیے علماء سے استفادہ اتنا آسان کر دیا ہے کہ اس سے زیادہ آسانی کی مثال ماضی میں نہیں ملتی ۔
مگرافسوس کہ آج امت کا ایک گروہ جزوی طور پر اس فارمولہ پر عمل پیرا ہے کہ ہم جانتے ہی نہیں ، ہمیں تو علم نہیں ، ہم کوئی عالم تو نہیں ۔ ایسے لوگ دراصل اغیار کی نصرت و حمایت کے حصول کی خاطر اللہ کی نصرت تائید کاسودا کررہے ہیں ۔ نظر دوڑائیے تو ہر جگہ اسلام سے بے اعتنائی ملے گی
👈کوئی سزائے رجم کا انکار رہاہے۔
👈کوئی بے پردگی کی حمایت کررہاہے۔
👈کوئی قربانی کے خلاف احتجاج کررہاے۔
👈کوئی شاتمین رسول کے تحفظ پر کتابیں لکھ رہاہے۔
اللہ تعالیٰ فرماتا ہے
یقینا جو لوگ اُن احکام کو چھپاتے ہیں جو اللہ نے اپنی کتاب میں ناز ل کیے ہیں اور تھوڑے سے دُنیوی فائدوں پرا نہیں بھینٹ چڑھاتے ہیں، وہ دراصل اپنے پیٹ آگ سے بھر رہے ہیں قیامت کے روز اللہ ہرگز ان سے بات نہ کرے گا، نہ اُنہیں پاکیزہ ٹہرائے گا، اور اُن کے لیے دردناک سزا ہے یہ وہ لوگ ہیں جنہوں نے ہدایت کے بدلے ضلالت خریدی اور مغفرت کے بدلے عذاب مول لے لیا کیسا عجیب ہے ان کا حوصلہ کہ جہنم کا عذاب برداشت کرنے کے لیے تیار ہیں یہ سب کچھ اس وجہ سے ہوا کہ اللہ نے تو ٹھیک ٹھیک حق کے مطابق کتاب نازل کی تھی مگر جن لوگوں نے کتاب میں اختلاف نکالے وہ اپنے جھگڑوں میں حق سے بہت دور نکل گئے
البقرة: 174، 176)۔)
اس آیت میں ایسے ہی لوگوں کا بیان ہواہے جو حق جاننے کے باوجود محض دنیاوی مفاد کی خاطر واضح غلطیوں بلکہ گمراہیوں پربھی سمجھوتہ کرلیتے تھے۔ اور وسائل کے ہوتے ہوئے بھی حق کے متلاشی نہیں بنتے ۔ قیامت والے دن ایسے لوگوں کا عذر کام نہیں آئے گا اِلاّٙ مٙاشٙاءاللہ
اللہ تعالیٰ ہم سب کو ایسے افکاراورایسے افکارکے حامل افراد کے شرسے بچائے ، آمین۔۔۔
وَبِاللّٰہِ التَّوْفِیْقُ
ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب
وٙالسَّـــــــلاَمُ عَلَيــْــكُم وَرَحْمَةُ اللهِ وَبَرَكـَـاتُه

Share: