Kisne Aap ko Eid Milad Mnane ka Hukm diya Hai?

Kisne Aap logo ko EID MILAD ke JASHN ka hukm de diya?
Part 06
"Unhone (Allah ko Chhod kar) apne Ulema aur Zaahilon ko RABB bana liya hai."
📖Quran 9: Aayet 31

(Is Ayat ko sun kar) Adiyy Ibn Hatim (RA), Nabi (Sallahu Alaihi Wassalam) se: Yahood-wa-Nasara ne to apne Ulema ki kabhi IBAADAT NAHI ki.

Phir yeh kyon kaha gaya ke unhone apne Ulema ko RABB bana liya?

Nabi (Sallahu Alaihi Wassalam): Unke Ulema ne jis cheez ko Halaal qaraar diya, us ko unhone Halaal, Aur jis cheez ho Haraam kar diya, usko Haraam hi samjha.
Yehi inki Ibaadat karna hai.
📚Tirmizi 3095.

🍃 *Tum us (Quran) ki pairvi karo, jo tumhare Rabb ki taraf se utara gaya hai.*
*Aur BAATIL HAAKIMON aur DOSTON ke peeche MAT chalo. Tum bahut KAM naseehat maante ho.*
📖Quran 7: Aayet 3

🍃Aur duniya mein 'AKSAR log' aise hain agar aap inka kehna maanne lagein, to wo aapko Allah ki Raah se GUMRAAH kar denge.
📖Quran 6:Aayet 116

🍃"Farma dijiye!
Kya hum tumhein aise logon se khabardaar kar dein, jo aamal ke hisaab se Sakht KHASAARA paane wale hain?
Yeh woh log hain jinki SAARI Koshishein Duniya ki zindagi mein hi BARBAAD ho gayi aur woh yeh KHAYAAL karte rahe ke, 'hum bade achche kaam anjaam de rahe hain."
📖Quran 18:Aayet 103-104

🍂Abdullah Ibn UMar (RA) farmate hain: TAMAAM Biddatein GUMRAAHI hain, agarche "Ba-Zaahir woh, logon ko ACHI lagein".
📚Dharmi 82

🍂Nabi (Sallahu Alaihi Wassalam) ne farmaaya :Mujh se pehle jitne bhi Anbiya (AS) guzre, in par WAAJIB tha ke jo bhi Khair-wa-Bhalaai inke liye jaanta tha, apni ummat ki us taraf Rehnumaai kare aur jo bhi Sharr in ke liye jaanta tha, unhe us par mutanabba (Aagaah) kare.
📚Muslim 4882

Kya Nabi (Sallahu Alaihi Wassalam) ne, woh tamaam baatein ummat ko NAHI batlaayi, jin par ummat ko amal karna tha?

🍂Maine ( Nabi Sallahu Alaihi Wassalam) Har woh cheez jo Jannat ki taraf LE JAANE wali hai, aur har woh cheez jo Jahannum se DOOR karne wali hai BATLAA di hai.
📚Musannnaf Abdur-Razzak 20,100.

🍂Main (Nabi Sallahu Alaihi Wassalam)    tumko aise Raaste (Deen) par chhod kar jaa raha hun, jis ki Raat uske Din ki tarah ROSHAN hai.
📚Musnad Ahmad 17,182

💢Ab BAAD mein aane wale Logon ne EID-MILAD/Mehfil-e-Milad ki surat mein Shariyat ke naam par BIDDATEIN jaari kar rakhi hai.

🍃 *Jo cheez tum ko Rasool(Sallahu Alaihi Wassalam) de, WOH le lo;aur jis se MANA'A kare, us se BAAZ raho (Bach jaao).
📖Quran 59: Aayet 7

🚫Quran-wa-Sunnat mein KAHIN par, KISI ke bhi PAIDA hone ya, KISI ke bhi Faut hone par,JASHN MANAANE (Eid-Milad/ Mehfil-e-Milad munaqid karne) ka saboot NAHIN milta.

🚫EID-MILAD, Daairah-e-Islam mein jo EIDEIN hain, un mein se NAHIN hain.

🚫Yeh Jashn 'EID-e-BIDAAT' ka,Islam se KOI Ta'lluq NAHIN hai.

🚫Yeh ek NAYI cheez (BIDDAT) hai.

🚫Yahoodiyon aur Esaaiyon ki EIDON se mushaabihat rakhti hai.

Woh hum (Musalmanon) mein NAHIN hai, jo GAIR ki mushaabihat ikhtiyaar kar le.
📚Tirmidhee 2695

Share: