Babri Masjid Aur India Ke Muslim.
ﻗﻮﻡِ ﻣﺴﻠﻢ ﺳﮯ ﺑﺎﺑﺮﯼ ﻣﺴﺠﺪ ﮐﺎ ﺍﻟﻮﺩﺍﻋﯽ ﺧﻄﺎﺏ
09 ﻧﻮﻣﺒﺮ 2019
ﺗﻘﺮﯾﺒﺎً ﭘﺎﻧﭻ ﺳﻮ ﺑﺮﺳﻮﮞ ﮐﯽ ﺗﺎﺭﯾﺦ ﮐﺎ ﻣﯿﮟ ﺁﺝ ﺗﮏ ﺍﺱ ﺳﺮﺯﻣﯿﻦ ﭘﺮ ﺍﻣﯿﻦ ﺭﮨﯽ ﮨﻮﮞ۔ ﺗﻤﮩﺎﺭﮮ ﻋﺮﻭﺝ ﻭ ﺯﻭﺍﻝ ﮐﮯ ﺻﻔﺤﺎﺕ ﻣﯿﺮﯼ ﺁﻧﮑﮭﻮﮞ ﮐﮯ ﺳﺎﻣﻨﮯ ﮐﺌﯽ ﺑﺎﺭ ﺍﻟﭩﺘﮯ ﭘﻠﭩﺘﮯ ﺭﮨﮯ ﮨﯿﮟ۔ ﻣﯿﮟ ﺗﻤﮩﯿﮟ ﺑﮩﺖ ﻗﺮﯾﺐ ﺳﮯ ﺟﺎﻧﺘﯽ ﮨﻮﮞ۔ ﺗﻤﮩﺎﺭﮮ ﺩﻝ ﮐﮯ ﻧﮩﺎﮞ ﺧﺎﻧﻮﮞ ﻣﯿﮟ ﮐﺮﻭﭨﯿﮟ ﻟﯿﺘﯽ ﮨﻮﺋﯽ ﺗﻤﻨﺎﺅﮞ ﺍﻭﺭ ﺍﻣﻨﮕﻮﮞ ﮐﻮ ﺑﮭﯽ ﺑﮩﺖ ﺁﺳﺎﻧﯽ ﺳﮯ ﻣﺤﺴﻮﺱ ﮐﺮﺗﯽ ﺁﺋﯽ ﮨﻮﮞ۔ ﺁﺝ ﺟﺒﮑﮧ ﻣﺠﮭﮯ ﺟﻤﮩﻮﺭﯾۂ ﮨﻨﺪ ﮐﯽ ﺳﺐ ﺳﮯ ﺍﻭﻧﭽﯽ ﻋﺪﺍﻟﺖ ﻧﮯ ﺍﭘﻨﺎ ﻣﻘﺎﻡ ﭼﮭﻮﮌﻧﮯ ﮐﺎ ﺣﮑﻢ ﺩﮮ ﺩﯾﺎ ﮨﮯ ﺗﻮ ﺍﺏ ﻣﯿﺮﮮ ﭘﺎﺱ ﮐﻮﺋﯽ ﭼﺎﺭﮦ ﻧﮩﯿﮟ ﮨﮯ ﺍﻭﺭ ﺗﻤﮩﺎﺭﮮ ﺑﺲ ﻣﯿﮟ ﻏﻢ ﻭ ﻏﺼﮧ ﮐﮯ ﺳﻮﺍ ﮐﭽﮫ ﮨﮯ ﺑﮭﯽ ﻧﮩﯿﮟ۔
ﺳﯿﮑﻮﻟﺮ ﻣﻠﮏ ﮐﯽ ﻋﺪﺍﻟﺖ ﻣﯿﮟ ﺟﺠﻮﮞ ﮐﮯ ﺳﺎﻣﻨﮯ ﻭﮐﻼﺀ ﮐﮯ ﺫﺭﯾﻌﮧ ﺟﮯ ﺷﺮﯼ ﺭﺍﻡ ﮐﮯ ﺟﻮ ﻧﻌﺮﮮ ﺑﻠﻨﺪ ﮨﻮﺭﮨﮯ ﺗﮭﮯ ﺍﻥ ﮐﻮ ﺗﻮ ﺗﻢ ﻧﮯ ﺑﮭﯽ ﺳﻨﺎ ﮨﻮﮔﺎ۔ ﯾﮩﯽ ﺣﻘﯿﻘﺖ ﮨﮯ ﺟﺲ ﮐﻮ ﺗﻤﮩﯿﮟ ﺳﻤﺠﮭﻨﮯ ﮐﯽ ﺿﺮﻭﺭﺕ ﮨﮯ۔ ﮐﺴﯽ ﺑﮭﯽ ﻧﺎﺍﻧﺼﺎﻓﯽ ﭘﺮ ﻭﻗﺘﯽ ﻃﻮﺭ ﭘﺮ ﻏﺼﮧ ﺁﻧﺎ ﻓﻄﺮﯼ ﺑﺎﺕ ﮨﮯ ﻟﯿﮑﻦ ﺍﺱ ﮐﻮ ﺍﭘﻨﯽ ﻋﺎﺩﺕ ﺑﻨﺎ ﻟﯿﻨﺎ ﺍﻭﺭ ﺧﻮﺩ ﮐﻮ ﻏﻢ ﮐﮯ ﺩﻟﺪﻝ ﻣﯿﮟ ﮈﺍﻝ ﺩﯾﻨﺎ ﺑﺰﺩﻟﯽ، ﺣﺎﻻﺕ ﮐﮯ ﺳﺎﻣﻨﮯ ﺳﭙﺮ ﺍﻧﺪﺍﺯﯼ ﺍﻭﺭ ﮐﻢ ﮨﻤﺘﯽ ﮐﯽ ﺩﻟﯿﻞ ﮨﮯ۔ ﺍﮔﺮ ﺗﻢ ﻭﺍﻗﻌﯽ ﯾﮧ ﺳﻤﺠﮭﺘﮯ ﮨﻮ ﮐﮧ ﺗﻤﮩﺎﺭﮮ ﺳﺎﺗﮫ ﻇﻠﻢ ﮨﻮﺍ، ﺍﻧﺼﺎﻑ ﮐﺎ ﮔﻼ ﺍﻋﻼﻧﯿﮧ ﻃﻮﺭ ﭘﺮ ﺩﻥ ﮐﮯ ﺍﺟﺎﻟﮯ ﻣﯿﮟ، ﮈﻧﮑﮯ ﮐﯽ ﭼﻮﭦ ﭘﺮ ﮔﮭﻮﻧﭩﺎ ﮔﯿﺎ ﺗﻮ ﺗﻤﮩﯿﮟ ﯾﮧ ﺳﻮﭼﻨﺎ ﭼﺎﮨﺌﮯ ﮐﮧ ﺗﻤﮩﺎﺭﮮ ﺳﺎﺗﮫ ﺍﯾﺴﺎ ﮐﯿﻮﮞ ﮨﻮﺍ؟ ﮐﯿﺎ ﯾﮧ ﺳﺐ ﮐﭽﮫ ﺍﭼﺎﻧﮏ ﮨﻮﮔﯿﺎ؟ ﯾﺎ ﺗﻤﮩﺎﺭﯼ ﺑﺮﺳﻮﮞ ﮐﯽ ﺑﮯ ﺣﺴﯽ ﮐﺎ ﻧﺘﯿﺠﮧ ﮨﮯ؟ ﮐﯿﺎ ﯾﮧ ﺳﭻ ﻧﮩﯿﮟ ﮨﮯ ﮐﮧ ﺍﻣﺮﺍﺽ ﮐﺎ ﺣﻤﻠﮧ ﺻﺮﻑ ﺍﻥ ﺟﺴﻤﻮﮞ ﭘﺮ ﺳﺐ ﺳﮯ ﺗﯿﺰ ﺍﻭﺭ ﺳﺨﺖ ﮨﻮﺗﺎ ﮨﮯ ﺟﻮ ﺍﻧﺪﺭﻭﻧﯽ ﻃﻮﺭ ﭘﺮ ﮐﮭﻮﮐﮭﻠﮯ ﮨﻮ ﭼﮑﮯ ﮨﻮﺗﮯ ﮨﯿﮟ؟
ﺍﯾﺴﮯ ﻣﯿﮟ ﺩﻭﺍﺋﯿﻮﮞ ﮐﯽ ﺑﮯ ﺍﺛﺮﯼ ﮐﻮ ﮐﻮﺳﻨﺎ، ﯾﺎ ﮈﺍﮐﭩﺮ ﮐﯽ ﻧﺎﺍﮨﻠﯽ ﭘﺮ ﺑﺤﺚ ﮐﺮﻧﺎ ﮐﺘﻨﺎ ﺑﮯ ﺳﻮﺩ ﮨﻮﺗﺎ ﮨﮯ ﯾﮧ ﻭﺍﺿﺢ ﮨﮯ۔ ﺗﻢ ﺍﭘﻨﯽ ﺭﻭﺣﺎﻧﯽ، ﺍﺧﻼﻗﯽ، ﻓﮑﺮﯼ، ﻋﻠﻤﯽ، ﺳﯿﺎﺳﯽ ﻭ ﺳﻤﺎﺟﯽ ﯾﮩﺎﮞ ﺗﮏ ﮐﮧ ﺍﻗﺘﺼﺎﺩﯼ ﮐﻤﺰﻭﺭﯾﻮﮞ ﮐﺎ ﺧﺎﺗﻤﮧ ﺟﺐ ﺗﮏ ﻧﮩﯿﮟ ﮐﺮﻭﮔﮯ ﺗﺐ ﺗﮏ ﺗﻤﮩﺎﺭﺍ ﮐﻮﺋﯽ ﺑﮭﻼ ﻧﮩﯿﮟ ﮨﻮﮔﺎ، ﻣﯿﺮﺍ ﯾﻘﯿﻦ ﮐﺮﻭ ﮐﯿﻮﻧﮑﮧ ﻣﯿﮟ ﻧﮯ ﻗﻮﻣﻮﮞ ﮐﮯ ﻋﺮﻭﺝ ﻭ ﺯﻭﺍﻝ ﮐﻮ ﺍﭘﻨﯽ ﺁﻧﮑﮭﻮﮞ ﺳﮯ ﺩﯾﮑﮭﺎ ﮨﮯ۔ ﺍﮔﺮ ﺗﻢ ﯾﮧ ﺳﻤﺠﮭﺘﮯ ﮨﻮ ﮐﮧ ﺍﭼﺎﻧﮏ ﺳﮯ ﮐﻮﺋﯽ ﻣﻌﺠﺰﮦ ﮨﻮﺟﺎﺋﮯ ﮔﺎ ﺍﻭﺭ ﺳﺐ ﮐﭽﮫ ﺑﺪﻝ ﺟﺎﺋﮯ ﮔﺎ ﺗﻮ ﯾﮧ ﺗﻤﮩﺎﺭﯼ ﺣﻤﺎﻗﺖ ﮨﮯ۔ ﺍﯾﺴﺎ ﻃﻮﯾﻞ ﺍﻧﺴﺎﻧﯽ ﺗﺎﺭﯾﺦ ﻣﯿﮟ ﮐﺒﮭﯽ ﻧﮩﯿﮟ ﮨﻮﺍ ﺍﻭﺭ ﺁﺋﻨﺪﮦ ﺑﮭﯽ ﻧﮩﯿﮟ ﮨﻮﮔﺎ۔
ﻣﯿﮟ ﺁﺝ ﺟﺒﮑﮧ ﺳﭙﺮﯾﻢ ﮐﻮﺭﭦ ﮐﮯ ﮐﭩﮩﺮﮮ ﻣﯿﮟ ﮐﮭﮍﯼ ﮨﻮﮞ ﺍﻭﺭ ﻣﯿﺮﮮ ﻭﺟﻮﺩ ﮐﮯ ﺧﺎﺗﻤﮧ ﮐﺎ ﻗﺎﻧﻮﻧﯽ ﻃﻮﺭ ﭘﺮ ﺍﻋﻼﻥ ﮐﺮﺩﯾﺎ ﮔﯿﺎ ﮨﮯ۔ ﯾﮩﺎﮞ ﺗﮏ ﮐﮧ ﻣﺠﮭﮯ ﺍﺱ ﮐﯽ ﺍﺟﺎﺯﺕ ﺑﮭﯽ ﻧﮩﯿﮟ ﺩﯼ ﮔﺌﯽ ﮨﮯ ﮐﮧ ﺁﺛﺎﺭِﻗﺪﯾﻤﮧ ﮐﮯ ﻃﻮﺭ ﭘﺮ ﮨﯽ ﺳﮩﯽ ﻟﯿﮑﻦ ﺍﭘﻨﯽ ﺟﮕﮧ ﮐﻢ ﺳﮯ ﮐﻢ ﺩﺭﺱِ ﻋﺒﺮﺕ ﺑﻨﯽ ﮐﮭﮍﯼ ﺭﮨﻮﮞ ﺗﺎﮐﮧ ﺁﺋﻨﺪﮦ ﻧﺴﻞ ﻣﺠﮫ ﺳﮯ ﮐﺒﮭﯽ ﭘﻮﭼﮭﻨﮯ ﺁﺳﮑﮯ ﺍﻭﺭ ﻣﯿﮟ ﺍﺳﮯ ﺑﺘﺎ ﭘﺎﺅﮞ ﮐﮧ ﻣﺠﮫ ﭘﺮ ﮐﯿﺎ ﺑﯿﺘﯽ ﮨﮯ۔ ﺍﯾﺴﮯ ﻣﺸﮑﻞ ﺍﻭﺭ ﺟﺬﺑﺎﺗﯽ ﻭﻗﺖ ﻣﯿﮟ ﺗﻢ ﺳﮯ ﮐﭽﮫ ﺑﺎﺗﯿﮟ ﻣﯿﮟ ﮐﮩﻨﺎ ﭼﺎﮨﺘﯽ ﮨﻮﮞ۔ ﺩﯾﮑﮭﻮ ! ﺗﻢ ﻣﺠﮫ ﭘﺮ ﺁﻧﺴﻮ ﺑﮩﺎﻧﺎ ﭼﮭﻮﮌﻭ۔ ﻣﯿﮟ ﺗﻢ ﺳﮯ ﻭﮨﯽ ﺑﺎﺕ ﮐﮩﻮﮞ ﮔﯽ ﺟﻮ ﻓﺎﻃﻤﮧ ﻧﮯ ﺍﭘﻨﮯ ﺑﯿﭩﮯ ﻋﺒﺪﺍﻟﻠﮧ ﺳﮯ ﺳﻘﻮﻁِ ﺍﺷﺒﯿﻠﯿﮧ ﮐﮯ ﻣﻮﻗﻊ ﭘﺮ ﮐﮩﺎ ﺗﮭﺎ۔ ﻋﺒﺪﺍﻟﻠﮧ ﺍﭘﻨﮯ ﺧﺎﻧﺪﺍﻥ ﮐﮯ ﺳﺎﺗﮫ ﻧﮑﺎﻻ ﺟﺎ ﺭﮨﺎ ﺗﮭﺎ ﺗﻮ ﺍﻟﻮﺩﺍﻋﯽ ﻧﻈﺮ ﺍﻥ ﭘﺮ ﺷﮑﻮﮦ ﻣﺤﻼﺕ ﭘﺮ ﮈﺍﻟﺘﺎ ﺟﺎﺗﺎ ﺗﮭﺎ ﺟﻦ ﺳﮯ ﮐﺒﮭﯽ ﺍﺱ ﮐﮯ ﻓﺮﻣﺎﻥ ﺟﺎﺭﯼ ﮨﻮﺍ ﮐﺮﺗﮯ ﺗﮭﮯ۔ ﺩﯾﮑﮭﺘﮯ ﺩﯾﮑﮭﺘﮯ ﺟﺐ ﺑﮩﺖ ﺟﺬﺑﺎﺗﯽ ﮨﻮﺟﺎﺗﺎ ﺗﮭﺎ ﺗﻮ ﺁﻧﮑﮭﯿﮟ ﺁﺑﺪﯾﺪﮦ ﮨﻮﺟﺎﺗﯿﮟ ﺍﻭﺭ ﺭﻭﻧﮯ ﻟﮕﺘﺎ۔ ﻓﺎﻃﻤﮧ ﻧﮯ ﺟﺐ ﺍﭘﻨﮯ ﺑﯿﭩﮯ ﮐﯽ ﯾﮧ ﺣﺮﮐﺖ ﺩﯾﮑﮭﯽ ﺗﻮ ﺍﺳﮯ ﺑﮍﺍ ﻏﺼﮧ ﺁﯾﺎ۔
ﺍﺱ ﻧﮯ ﻋﺒﺪﺍﻟﻠﮧ ﮐﻮ ﭘﮭﭩﮑﺎﺭ ﺗﮯ ﮨﻮﺋﮯ ﮐﮩﺎ ﮐﮧ ﺟﺐ ﺑﮩﺎﺩﺭﻭﮞ ﮐﯽ ﻃﺮﺡ ﺍﭘﻨﯽ ﺣﮑﻮﻣﺖ ﺍﻭﺭ ﺷﺎﻥ ﻭ ﺷﻮﮐﺖ ﮐﺎ ﺩﻓﺎﻉ ﻧﮩﯿﮟ ﮐﺮ ﺳﮑﮯ ﺗﻮ ﺍﺏ ﺑﺰﺩﻟﻮﮞ ﮐﯽ ﻃﺮﺡ ﺭﻭﻧﺎ ﺑﻨﺪ ﮐﺮﻭ۔ ﻣﯿﮟ ﺑﮭﯽ ﺗﻢ ﺳﮯ ﯾﮩﯽ ﮐﮩﻮﮞ ﮔﯽ ﮐﮧ ﻣﺠﮫ ﭘﺮ ﺁﻧﺴﻮ ﺑﮩﺎﻧﺎ ﺑﻨﺪ ﮐﺮﻭ۔ ﻣﯿﺮﮮ ﺣﺼﮧ ﻣﯿﮟ ﺟﺘﻨﮯ ﺳﺠﺪﮮ ﺁﺋﮯ ﮨﯿﮟ ﻣﯿﮟ ﺍﻧﮩﯿﮟ ﮐﻮ ﺍﭘﻨﮯ ﺁﻧﭽﻞ ﻣﯿﮟ ﺳﻤﯿﭧ ﮐﺮ ﻟﮯ ﺟﺎﺅﮞ ﮔﯽ ﺍﻭﺭ ﺍﭘﻨﮯ ﺭﺏ ﮐﮯ ﺣﻀﻮﺭ ﭘﯿﺶ ﮐﺮﺩﻭﮞ ﮔﯽ۔ ﻣﯿﺮﯼ ﻣﻘﺪﺭ ﻣﯿﮟ ﺑﺲ ﺍﺗﻨﯽ ﮨﯽ ﺳﻌﺎﺩﺕِ ﺫﮐﺮ ﻭ ﺩﻋﺎ ﻟﮑﮭﯽ ﺗﮭﯽ۔ ﺍﮔﺮ ﮐﭽﮫ ﮐﺮﻧﺎ ﭼﺎﮨﻮ ﺗﻮ ﺍﭘﻨﮯ ﻟﺌﮯ ﮐﺮﻭ۔ ﮐﺌﯽ ﺑﺎﺭ ﻣﺠﮭﮯ ﻟﮕﺘﺎ ﮨﮯ ﮐﮧ ﺗﻤﮩﺎﺭﺍ ﯾﮧ ﻏﺼﮧ، ﺭﺩﻋﻤﻞ، ﺟﺬﺑﺎﺕ ﮐﺎ ﺳﯿﻼﺏ، ﻣﺠﮫ ﺳﮯ ﻣﺤﺒﺖ ﮐﺎ ﺍﻇﮩﺎﺭ ﺳﺐ ﮐﮭﻮﮐﮭﻼ ﺍﻭﺭ ﺩﮐﮭﺎﻭﺍ ﮨﮯ۔ ﻣﯿﮟ ﺍﺱ ﻣﺎﮞ ﮐﯽ ﻃﺮﺡ ﮨﻮﮞ ﺟﺲ ﮐﻮ ﺍﺱ ﮐﯽ ﺍﻭﻻﺩ ﺯﻧﺪﮔﯽ ﻣﯿﮟ ﺑﻮﺟﮫ ﺳﻤﺠﮭﺘﯽ ﺭﮨﺘﯽ ﮨﮯ ﺍﻭﺭ ﻣﻮﺕ ﮐﮯ ﺑﻌﺪ ﺁﻧﺴﻮﺅﮞ ﺳﮯ ﺳﺐ ﮐﻮ ﺩﮬﻮﮐﺎ ﺩﯾﺘﯽ ﮨﮯ ﻣﺎﻧﻮ ﮐﮧ ﺟﺪﺍﺋﯽ ﮐﺎ ﻏﻢ ﺍﺳﮯ ﻧﮉﮬﺎﻝ ﮐﺮ ﺭﮨﺎ ﮨﻮ۔ ﺍﺱ ﻣﻨﺎﻓﻘﺖ ﮐﺎ ﻣﺸﺎﮨﺪﮦ ﻣﯿﮟ ﺻﺪﯾﻮﮞ ﺳﮯ ﮐﺮﺗﯽ ﺁﺋﯽ ﮨﻮﮞ ﻟﯿﮑﻦ ﻧﻈﺮ ﺍﻧﺪﺍﺯ ﮐﺮﺗﯽ ﺭﮨﯽ۔ ﺍﻟﺒﺘﮧ ﺁﺝ ﻣﯿﮟ ﺑﮩﺖ ﺻﺎﻑ ﻟﻔﻈﻮﮞ ﻣﯿﮟ ﮐﮩﻨﺎ ﭼﺎﮨﺘﯽ ﮨﻮﮞ ﮐﮧ ﺗﻢ ﺍﭘﻨﯽ ﺍﺱ ﻣﻨﺎﻓﻘﺖ ﮐﯽ ﺩﻧﯿﺎ ﺳﮯ ﺑﺎﮨﺮ ﺁ ﺟﺎﺅ۔ ﺍﮔﺮ ﺗﻢ ﻭﺍﻗﻌﯽ ﻣﺠﮫ ﺳﮯ ﻣﺤﺒﺖ ﮐﺮﺗﮯ ﮨﻮ ﺗﻮ ﭘﮭﺮ ﺑﺘﺎﺅ ﮐﮧ ﺗﻤﮩﺎﺭﯼ ﻣﺴﺠﺪﻭﮞ ﮐﮯ ﺩﺭﻭﺍﺯﻭﮞ ﭘﺮ ﺳﻨّﯽ ﻣﺴﺠﺪ، ﺷﯿﻌﮧ ﻣﺴﺠﺪ، ﻣﺴﺠﺪ ﺍﮨﻠﺤﺪﯾﺚ، ﻣﺴﺠﺪ ﺍﮨﻞِ ﺳﻨﺖ ﻭ ﺍﻟﺠﻤﺎﻋﺖ، ﺣﻨﻔﯽ ﻣﺴﺠﺪ، ﺷﺎﻓﻌﯽ ﻣﺴﺠﺪ ﺍﻭﺭ ﻧﮧ ﺟﺎﻧﮯ ﮐﯿﺎ ﮐﯿﺎ ﻧﺎﻡ ﮐﯽ ﺗﺨﺘﯿﺎﮞ ﺟﻮ ﻟﭩﮏ ﺭﮨﯽ ﮨﯿﮟ ﺍﻥ ﮐﺎ ﮐﯿﺎ ﻣﻄﻠﺐ ﮨﮯ؟ ﺧﻮﺩ ﻣﯿﺮﺍ ﻣﻘﺪﻣﮧ ﻟﮍﻧﮯ ﮐﮯ ﻟﺌﮯ ﺳﻨّﯽ ﺍﻭﺭ ﺷﯿﻌﮧ ﮐﺎ ﺟﮭﮕﮍﺍ ﺗﻢ ﻧﮯ ﺟﺎﺭﯼ ﺭﮐﮭﺎ، ﺁﺝ ﺗﻢ ﺳﺐ ﺩﮐﮫ ﮐﺎ ﺍﻇﮩﺎﺭ ﮐﺮ ﺭﮨﮯ ﮨﻮ ﻟﯿﮑﻦ ﺳﭻ ﺑﺘﺎﺅ ﮐﮧ ﮐﯿﺎ ﻣﯿﮟ ﺳﺐ ﮐﯽ ﻣﺴﺠﺪ ﺗﮭﯽ؟ ﺍﻭﺭ ﺑﺎﺕ ﺻﺮﻑ ﻣﺴﺠﺪ ﮨﯽ ﺗﮏ ﮐﯿﻮﮞ ﻣﺤﺪﻭﺩ ﮨﻮ؟ ﮐﯿﺎ ﺗﻢ ﻧﮯ ﭘﻮﺭﮮ ﭘﻮﺭﮮ ﻣﺤﻠﮧ ﮐﯽ ﻋﻮﺭﺗﻮﮞ ﮐﮯ ﻧﮑﺎﺡ ﮐﻮ ﺻﺮﻑ ﺍﺱ ﻟﺌﮯ ﺑﺎﻃﻞ ﻧﮩﯿﮟ ﻗﺮﺍﺭ ﺩﯾﺎ ﮐﯿﻮﻧﮑﮧ ﺍﺱ ﻧﮑﺎﺡ ﮐﺎ ﭘﮍﮬﺎﻧﮯ ﻭﺍﻻ ﺗﻤﮩﺎﺭﮮ ﻣﺴﻠﮏ ﮐﺎ ﻧﮩﯿﮟ ﺗﮭﺎ؟ ﮐﯿﺎ ﺁﺝ ﺑﮭﯽ ﺗﻤﮩﺎﺭﯼ ﺗﺮﺟﯿﺢ ﯾﮧ ﻧﮩﯿﮟ ﮨﻮﺗﯽ ﮨﮯ ﮐﮧ ﺯﻧﺪﮔﯽ ﺑﮭﺮ ﮐﯽ ﮐﻤﺎﺋﯽ ﺷﺎﺩﯼ ﮐﮯ ﺍﻧﺪﺭ ﺍﯾﮏ ﺭﺍﺕ ﻣﯿﮟ ﮔﻨﻮﺍ ﺩﻭ؟ ﺑﯿﭩﯽ ﮐﯽ ﭘﯿﺪﺍﺋﺶ ﭘﺮ ﮐﯿﺎ ﺗﻢ ﺑﮭﯽ ﻏﯿﺮﻭﮞ ﮐﯽ ﻃﺮﺡ ﺍﻓﺴﺮﺩﮦ ﻧﮩﯿﮟ ﮨﻮﺗﮯ؟ ﺗﻤﮩﺎﺭﮮ ﮐﺘﻨﮯ ﮔﮭﺮ ﺍﯾﺴﮯ ﮨﯿﮟ ﺟﻦ ﻣﯿﮟ ﺗﻤﮩﺎﺭﮮ ﺑﭽﮯ ﺍﭘﻨﮯ ﻣﺎﮞ ﺑﺎﭖ ﺳﮯ ﻣﻔﯿﺪ ﻋﻠﻢ ﺍﻭﺭ ﭘﺎﮐﯿﺰﮦ ﻋﻤﻞ ﮐﺎ ﺩﺭﺱ ﭘﺎﺗﮯ ﮨﯿﮟ؟ ﮐﯿﺎ ﯾﮧ ﺣﻘﯿﻘﺖ ﻧﮩﯿﮟ ﮨﮯ ﮐﮧ ﺗﻢ ﮔﺎﮌﯾﺎﮞ ﺧﺮﯾﺪﻧﮯ ﮐﮯ ﻟﺌﮯ ﺩﻥ ﺭﺍﺕ ﻣﺤﻨﺖ ﮐﺮﺗﮯ ﮨﻮ ﺍﻭﺭ ﭘﮭﺮ ﺟﺐ ﺧﺮﯾﺪ ﻟﯿﺘﮯ ﮨﻮ ﺗﻮ ﺭﺍﺕ ﺑﮭﺮ ﻣﺤﻔﻞ ﺟﻤﺎ ﮐﺮ ﺍﺱ ﮐﯽ ﺧﻮﺑﯿﻮﮞ ﮐﮯ ﺗﺮﺍﻧﮯ ﺍﭘﻨﮯ ﺩﻭﺳﺘﻮﮞ ﮐﻮ ﺳﻨﺎﺗﮯ ﮨﻮ ﺗﺎﮐﮧ ﺩﻭﺳﺮﻭﮞ ﭘﺮ ﺍﭘﻨﯽ ﺑﺮﺗﺮﯼ ﮐﺎ ﺍﺣﺴﺎﺱ ﺗﻢ ﮐﺮ ﺳﮑﻮ؟ ﻟﯿﮑﻦ ﺍﭘﻨﮯ ﺑﭽﻮﮞ ﮐﮯ ﻟﺌﮯ ﻣﻌﯿﺎﺭﯼ ﺍﺳﮑﻮﻝ، ﻋﻤﺪﮦ ﮐﺘﺎﺑﯿﮟ، ﺑﺎﮐﺮﺩﺍﺭ ﺍﻭﺭ ﺍﻋﻠﯽ ﺻﻼﺣﯿﺖ ﮐﮯ ﺍﺳﺎﺗﺬﮦ ﻧﯿﺰ ﺟﺪﯾﺪ ﻭﺳﺎﺋﻞ ﮐﯽ ﻓﺮﺍﮨﻤﯽ ﭘﺮ ﺗﻤﮩﺎﺭﯼ ﺗﻮﺟﮧ ﮐﻮﺋﯽ ﺧﺎﺹ ﻧﮩﯿﮟ ﮨﻮﺗﯽ؟ ﮐﻮﺋﯽ ﮐﻤﺰﻭﺭ ﺍﻧﺴﺎﻥ ﺍﭘﻨﯽ ﻣﺤﻨﺖ ﺳﮯ ﮐﺎﻣﯿﺎﺏ ﮨﻮﺟﺎﺋﮯ ﺍﻭﺭ ﺗﻢ ﺳﮯ ﺑﮩﺘﺮ ﻃﺮﺯِ ﺯﻧﺪﮔﯽ ﮔﺰﺍﺭﻧﮯ ﻟﮓ ﺟﺎﺋﮯ ﺗﻮ ﺣﺴﺪ ﺍﻭﺭ ﻋﺪﺍﻭﺕ ﮐﺎ ﺍﯾﮏ ﻃﻮﻓﺎﻥ ﺗﻤﮩﺎﺭﮮ ﺍﻧﺪﺭ ﮐﮭﮍﺍ ﮨﻮﺟﺎﺗﺎ ﮨﮯ ﺟﻮ ﺗﻤﮩﯿﮟ ﮨﺮ ﻭﻗﺖ ﺟﻨﻮﻧﯽ ﺑﻨﺎﺋﮯ ﺭﮐﮭﺘﺎ ﮨﮯ؟ﺗﻤﮩﺎﺭﮮ ﺩﺭﻣﯿﺎﻥ ﺳﻤﺎﺟﯽ ﻧﺎﺑﺮﺍﺑﺮﯼ ﮐﺎ ﻋﺎﻟﻢ ﯾﮧ ﮨﮯ ﮐﮧ ﺍﯾﮏ ﺧﺎﺹ ﻗﺴﻢ ﮐﮯ ﻟﻮﮒ ﮨﯽ ﺍﭘﻨﮯ ﮨﻢ ﺭﺗﺒﮧ ﺳﮯ ﺷﺎﺩﯼ ﮐﺮﯾﮟ ﮔﮯ ﺟﺒﮑﮧ ﺑﺎﻗﯽ ﺻﺮﻑ ﺍﺱ ﻟﺌﮯ ﮨﯿﭻ ﺳﻤﺠﮭﮯ ﺟﺎﺋﯿﮟ ﮔﮯ ﮐﯿﻮﻧﮑﮧ ﺳﺎﺭﯼ ﺧﻮﺑﯿﻮﮞ ﮐﮯ ﺑﺎﻭﺟﻮﺩ ﻭﮦ ﺗﻤﮩﺎﺭﮮ ﺍﺳﭩﯿﺲ ﮐﮯ ﻧﮩﯿﮟ ﮨﯿﮟ۔ ﺗﻤﮩﺎﺭﮮ ﻣﺤﻠﮯ ﻣﯿﮟ ﮐﺘﺎﺑﻮﮞ ﮐﯽ ﺩﮐﺎﻧﯿﮟ ﻧﺪﺍﺭﺩ ﺟﺒﮑﮧ ﮐﮭﺎﻧﮯ ﮐﮯ ﮨﻮﭨﻠﻮﮞ ﮐﮯ ﺍﻧﺒﺎﺭ ﻟﮕﮯ ﮨﯿﮟ۔ ﺑﺪﻧﻈﻤﯽ ﮐﺎ ﻋﺎﻟﻢ ﯾﮧ ﮨﮯ ﮐﮧ ﺳﮍﮎ ﭘﺮ ﭼﻠﻨﺎ ﺩﺷﻮﺍﺭ، ﺍﮔﺮ ﮐﺴﯽ ﮐﻮ ﻏﻠﻄﯽ ﺳﮯ ﺩﮬﮑﺎ ﻟﮓ ﮔﯿﺎ ﺗﻮ ﮐﺮﺑﻼ ﮐﺎ ﻣﻨﻈﺮ ﺗﯿﺎﺭ، ﺳﺐ ﺍﯾﮏ ﺩﻭﺳﺮﮮ ﮐﮯ ﺩﺭﭘۂ ﺁﺯﺍﺭ، ﻧﮧ ﮐﻮﺋﯽ ﺭﻭﺍﺩﺍﺭﯼ ﺍﻭﺭ ﻧﮧ ﮨﯽ ﺑﺎﮨﻢ ﻟﻄﻒ ﻭ ﻋﻨﺎﯾﺖ ﮐﺎ ﻣﺰﺍﺝ، ﺗﻤﮩﺎﺭﯼ ﻣﺴﺠﺪﯾﮟ ﻓﺮﻗﮧ ﭘﺮﺳﺘﯽ ﺍﻭﺭ ﻋﻨﺎﺩ ﮐﺎ ﻣﺮﮐﺰ، ﺗﻤﮩﺎﺭﮮ ﺍﺩﺍﺭﮮ ﺗﻨﮓ ﻧﻈﺮﯼ ﮐﺎ ﻋﻠﻤﺒﺮﺩﺍﺭ، ﺗﻤﮩﺎﺭﯼ ﻗﯿﺎﺩﺕ ﺗﻨﮏ ﻣﺰﺍﺝ ﺍﻭﺭ ﺑﺪﮐﺮﺩﺍﺭ، ﺗﻤﮩﺎﺭﮮ ﻣﺤﻠﻮﮞ ﻣﯿﮟ ﻧﮧ ﯾﺘﯿﻤﻮﮞ ﮐﺎ ﮐﻮﺋﯽ ﭘﺮﺳﺎﻥِ ﺣﺎﻝ ﮨﮯ ﻧﮧ ﺑﯿﻮﺍﺅﮞ ﮐﺎ ﻣﺪﺩﮔﺎﺭ، ﺯﻣﯿﻦ ﺍﻭﺭ ﺟﺎﺋﺪﺍﺩ ﮐﮯ ﺑﭩﻮﺍﺭﮦ ﻣﯿﮟ ﺍﭘﻨﻮﮞ ﮐﺎ ﺧﻮﻥ ﺍﻭﺭ ﺍﺱ ﮐﯽ ﺗﺬﻟﯿﻞ، ﻣﺴﺠﺪ ﮐﯽ ﺩﯾﻮﺍﺭ ﺳﯿﺪﮬﯽ ﮐﺮﻧﮯ ﮐﮯ ﻟﺌﮯ ﺩﻭ ﺑﺎﻟﺸﺖ ﺯﻣﯿﻦ ﻧﮩﯿﮟ ﺩﮮ ﺳﮑﺘﮯ ﻟﯿﮑﻦ ﺑﺲ ﭼﻠﮯ ﺗﻮ ﻣﺴﺠﺪ ﺗﻮﮌ ﮐﺮ ﺍﭘﻨﮯ ﮔﮭﺮ ﮐﯽ ﺩﯾﻮﺍﺭ ﺍﭨﮭﺎ ﻟﯿﮟ۔ ﺍﺱ ﭘﺮ ﮨﯽ ﺑﺲ ﻧﮩﯿﮟ۔ ﺍﺫﺍﻥ ﮨﻮﺗﯽ ﮨﮯ ﻟﯿﮑﻦ ﺗﻤﮩﺎﺭﯼ ﺍﮐﺜﺮﯾﺖ ﻣﺴﺠﺪ ﮐﮯ ﺑﺠﺎﺋﮯ ﺍﭘﻨﺎ ﻭﻗﺖ ﭼﺎﺋﮯ ﺧﺎﻧﻮﮞ ﺍﻭﺭ ﺳﯿﻨﻤﺎ ﮔﮭﺮﻭﮞ ﻣﯿﮟ ﮔﺰﺍﺭﺗﯽ ﮨﮯ۔ ﻧﮧ ﺧﻮﺩ ﺟﺎﮔﺘﮯ ﮨﻮ ﺍﻭﺭ ﻧﮧ ﺑﭽﻮﮞ ﮐﻮ ﻓﺠﺮ ﮐﯽ ﻧﻤﺎﺯ ﮐﮯ ﻟﺌﮯ ﺟﮕﺎﺗﮯ ﮨﻮ ﮐﯿﻮﻧﮑﮧ ﺭﺍﺕ ﺑﮭﺮ ﺑﯿﮩﻮﺩﮦ ﺑﺎﺗﻮﮞ ﯾﺎ ﮔﯿﻤﺰ ﻣﯿﮟ ﺗﻤﮩﺎﺭﺍ ﻭﻗﺖ ﺟﺎﺗﺎ ﮨﮯ۔
ﺍﯾﮏ ﺍﯾﺴﮯ ﻭﻗﺖ ﻣﯿﮟ ﺟﺒﮑﮧ ﺩﻧﯿﺎ ﮐﯽ ﺗﻤﺎﻡ ﻗﻮﻣﯿﮟ ﺗﺮﻗﯽ ﮐﮯ ﻟﺌﮯ ﺩﻥ ﺭﺍﺕ ﺍﯾﮏ ﮐﺌﮯ ﮨﻮﺋﯽ ﮨﯿﮟ ﺗﻢ ﺑﺲ ﻣﺎﺿﯽ ﮐﯽ ﻋﻈﻤﺘﻮﮞ ﮐﺎ ﺫﮐﺮ ﺣﻘّﻮﮞ ﮐﮯ ﺩﮬﻮﺅﮞ ﮐﮯ ﺑﯿﭻ ﮐﺮﺗﮯ ﻧﮩﯿﮟ ﺗﮭﮑﺘﮯ۔ ﺗﻤﮩﯿﮟ ﮐﻮﻥ ﺳﻤﺠﮭﺎﺋﮯ ﮐﮧ ﺁﺝ ﻣﯿﺮﯼ ﺑﮭﯽ ﺍﯾﺴﯽ ﺣﺎﻟﺖ ﻧﮩﯿﮟ ﮨﻮﺋﯽ ﮨﻮﺗﯽ ﺍﮔﺮ ﺗﻢ ﻧﮯ ﻋﻠﻢ ﮐﻮ ﺩﯾﻦ ﺍﻭﺭ ﺩﻧﯿﺎ ﮐﮯ ﺧﺎﻧﻮﮞ ﻣﯿﮟ ﺗﻘﺴﯿﻢ ﮐﺮﻧﮯ ﮐﺎ ﺟﺮﻡ ﻧﮧ ﮐﯿﺎ ﮨﻮﺗﺎ۔ ﺍﺱ ﺗﻘﺴﯿﻢ ﮐﺎ ﻧﺘﯿﺠﮧ ﯾﮧ ﮨﻮﺍ ﮨﮯ ﮐﮧ ﺗﻤﮩﺎﺭﺍ “ ﺩﯾﻨﯽ ﻋﻠﻮﻡ ” ﮐﺎ ﺣﺎﻣﻞ ﻃﺒﻘﮧ ﺩﻧﯿﺎ ﮐﮯ ﻣﺴﺎﺋﻞ ﺣﻞ ﮐﺮﻧﺎ ﻧﮩﯿﮟ ﺟﺎﻧﺘﺎ ﺍﻭﺭ ﺗﻤﮩﺎﺭﺍ “ ﺩﻧﯿﺎﻭﯼ ﻋﻠﻮﻡ ” ﺳﮯ ﻟﯿﺲ ﺍﺳﭩﻮﮈﻧﭧ ﺍﺳﻼﻡ ﮐﯽ ﻋﻈﻤﺖ ﺳﮯ ﻭﺍﻗﻒ ﻧﮩﯿﮟ ﮨﮯ۔ ﺍﮔﺮ ﺗﻤﮩﺎﺭﮮ ﺑﯿﭻ ﺁﺝ ﻣﺎﮨﺮ ﻋﻤﺮﺍﻧﯿﺎﺕ ﮨﻮﺗﺎ، ﻋﺎﻟﻤﯽ ﺳﻄﺢ ﮐﺎ ﻭﮐﯿﻞ ﮨﻮﺗﺎ، ﺟﺪﯾﺪ ﺍﺻﻮﻝِ ﺗﺎﺭﯾﺦ ﺳﮯ ﺑﺎﺧﺒﺮ ﻣﻮﺭﺥ ﮨﻮﺗﺎ، ﺳﯿﺎﺳﯿﺎﺕ ﮐﯽ ﭘﯿﭽﯿﺪﮔﯿﻮﮞ ﮐﻮ ﺁﺳﺎﻥ ﺯﺑﺎﻥ ﻣﯿﮟ ﺳﻤﺠﮭﺎﻧﮯ ﮐﺎ ﮨﻨﺮ ﺭﮐﮭﻨﮯ ﻭﺍﻻ ﺳﯿﺎﺳﯽ ﻣﺪﺑﺮﮨﻮﺗﺎ، ﻣﺴﻠﻢ ﺍﻗﻠﯿﺖ ﮐﮯ ﺣﻘﻮﻕ ﮐﯽ ﭘﺎﻣﺎﻟﯽ ﮐﮯ ﻧﺘﯿﺠﮧ ﻣﯿﮟ ﺍﻗﺘﺼﺎﺩﯼ ﺧﺴﺎﺭﮮ ﮐﻮ ﻋﻠﻤﯽ ﺍﻧﺪﺍﺯ ﻣﯿﮟ ﺑﯿﺎﻥ ﮐﺮﻧﮯ ﻭﺍﻻ ﮨﻮﺗﺎ ﺍﻭﺭ ﺳﺎﺋﻨﺴﯽ ﻋﻠﻮﻡ ﺍﻭﺭ ﭨﮑﻨﺎﻟﻮﺟﯽ ﮐﯽ ﺩﻧﯿﺎ ﻣﯿﮟ ﺍﭘﻨﯽ ﺍﻣﺘﯿﺎﺯﯼ ﺷﺎﻥ ﺭﮐﮭﺘﺎ ﺍﻭﺭ ﺳﺎﺗﮫ ﮨﯽ ﺍﺳﻼﻡ ﻏﯿﺮﺕ ﺳﮯ ﺑﮭﯽ ﺍﺱ ﮐﺎ ﺳﯿﻨﮧ ﻣﻌﻤﻮﺭ ﮨﻮﺗﺎ ﺗﻮ ﮐﯿﺎ ﺁﺝ ﻣﯿﮟ ﺳﭙﺮﯾﻢ ﮐﻮﺭﭦ ﻣﯿﮟ ﺍﭘﻨﮯ ﺣﻖ ﺳﮯ ﻣﺤﺮﻭﻡ ﮐﯽ ﺟﺎﺗﯽ؟ ﮐﯿﺎ ﺗﻤﮩﺎﺭﮮ ﺍﻭﭘﺮ ﻏﻢ ﻭ ﺍﻧﺪﻭﮦ ﮐﮯ ﺍﺗﻨﮯ ﮔﮩﺮﮮ ﺑﺎﺩﻝ ﭼﮭﺎﺋﮯ ﮨﻮﺗﮯ؟ ﮨﺮﮔﺰ ﻧﮩﯿﮟ۔ ﺗﻢ ﺩﻭﺳﺮﻭﮞ ﭘﺮ ﺍﭘﻨﺎ ﻏﺼﮧ ﺍﺗﺎﺭﻧﺎ ﺑﻨﺪ ﮐﺮﻭ۔ ﺍﭘﻨﯽ ﮐﻤﺰﻭﺭﯾﺎﮞ ﺩﻭﺭ ﮐﺮﻭ، ﻣﺴﺠﺪﻭﮞ ﮐﯽ ﻓﺮﻗﮧ ﻭﺍﺭﯾﺖ ﺍﻭﺭ ﺍﺩﺍﺭﻭﮞ ﮐﯽ ﺗﻨﮓ ﻧﻈﺮﯼ ﭘﺮ ﺗﯿﺸﮧ ﺯﻧﯽ ﮐﺮﻭ۔ ﻣﻨﺼﻮﺑﮧ ﺑﻨﺪﯼ ﮐﮯ ﺳﺎﺗﮫ ﺍﭘﻨﺎ ﮨﺪﻑ ﺍﻭﺭ ﻣﻘﺼﺪ ﻃﮯ ﮐﺮﻭ ﺍﻭﺭ ﭘﮭﺮ ﺍﻧﮩﯿﮟ ﺣﺎﺻﻞ ﮐﺮﻧﮯ ﮐﯽ ﺳﻨﺠﯿﺪﮦ ﻋﻤﻠﯽ ﺳﻌﯽ ﮐﺮﻭ۔ ﺍﭘﻨﮯ ﺟﮭﮕﮍﮮ ﺁﭘﺲ ﻣﯿﮟ ﺣﻞ ﮐﺮﻭ۔ ﺗﻢ ﺍﭘﻨﮯ ﮨﯽ ﻣﻠﮏ ﮐﮯ ﺳﮑﮭﻮﮞ ﺳﮯ ﺳﺒﻖ ﺣﺎﺻﻞ ﮐﺮ ﺳﮑﺘﮯ ﮨﻮ ﺟﻨﮩﻮﮞ ﻧﮯ ﮨﺮ ﺍﻋﺘﺒﺎﺭ ﺳﮯ ﺧﻮﺩ ﮐﻮ ﻣﻨﻈﻢ ﮐﯿﺎ ﮨﮯ۔ ﺍﮔﺮ ﺗﻢ ﺍﯾﺴﺎ ﮐﺮ ﺳﮑﺘﮯ ﮨﻮ ﺗﻮ ﻣﯿﮟ ﺳﻤﺠﮭﻮﮞ ﮔﯽ ﮐﮧ ﻣﯿﺮﯼ ﻗﺮﺑﺎﻧﯽ ﺭﺍﺋﯿﮕﺎﮞ ﻧﮩﯿﮟ ﮔﺌﯽ۔ ﻭﺭﻧﮧ ﻣﯿﮟ ﺧﺪﺍ ﮐﮯ ﺣﻀﻮﺭ ﯾﮧ ﮔﻮﺍﮨﯽ ﺩﻭﮞ ﮔﯽ ﮐﮧ ﯾﮧ ﺍﻣﺖ ﺑﺎﺭﮦ ﺭﺑﯿﻊ ﺍﻻﻭﻝ ﺍﻭﺭ ﯾﻮﻡ ﻋﺎﺷﻮﺭﮦ ﮐﮯ ﻧﺎﻡ ﭘﺮ ﻋﺸﻖ ﺭﺳﻮﻝ ﺍﻭﺭ ﺣﺐّ ﺁﻝِ ﺭﺳﻮﻝ ﮐﺎ ﻧﺎﭨﮏ ﮐﺮﻧﺎ ﺗﻮ ﺳﯿﮑﮫ ﮔﺌﯽ ﮨﮯ ﻟﯿﮑﻦ ﻃﻮﯾﻞ ﻣﺪﺗﯽ ﻣﻨﺼﻮﺑﮧ ﺑﻨﺪﯼ ﮐﮯ ﺫﺭﯾﻌﮧ ﺍﭘﻨﯽ ﺣﺎﻟﺖ ﺑﺪﻟﻨﮯ ﮐﺎ ﮨﻨﺮ ﻧﮩﯿﮟ ﺳﯿﮑﮫ ﭘﺎﺋﯽ۔
ﻣﯿﮟ ﺁﺧﺮﯼ ﺑﺎﺕ ﮐﮩﺘﯽ ﺟﺎﺅﮞ۔ ﺗﻤﮩﺎﺭﯼ ﺑﺴﺎﻁ ﺍﺱ ﻣﻠﮏ ﻣﯿﮟ ﺍﻟﭧ ﺩﯼ ﮔﺌﯽ ﮨﮯ۔ ﺗﻤﮩﺎﺭﯼ ﺁﻧﮑﮭﻮﮞ ﮐﮯ ﺳﺎﻣﻨﮯ ﻃﻼﻕِ ﺛﻼﺛﮧ ﮐﮯ ﻧﺎﻡ ﭘﺮ ﺗﻤﮩﺎﺭﮮ ﮔﮭﺮﻭﮞ ﮐﻮ ﺗﻮﮌ ﺩﯾﺎ ﮔﯿﺎ، 370 ﮐﮯ ﺫﺭﯾﻌﮧ ﺗﻤﮩﯿﮟ ﻗﯿﺪ ﮐﺮ ﺩﯾﺎ ﮔﯿﺎ، ﺍﯾﻦ ﺁﺭ ﺳﯽ ﮐﮯ ﺫﺭﯾﻌﮧ ﺗﻤﮩﯿﮟ ﺁﺳﺎﻡ ﻣﯿﮟ ﺑﮯ ﮔﮭﺮ ﺑﻨﺎ ﺩﯾﺎ ﮔﯿﺎ ﺍﻭﺭ ﺍﺏ ﭘﻮﺭﮮ ﻣﻠﮏ ﻣﯿﮟ ﺗﻤﮩﺎﺭﺍ ﯾﮩﯽ ﺣﺸﺮ ﮨﻮﻧﮯ ﻭﺍﻻ ﮨﮯ۔ ﺍﺏ ﺭﺷﻮﺕ ﺩﮮ ﮐﺮ ﺍﭘﻨﮯ ﮐﺎﻏﺬﺍﺕ ﺩﺭﺳﺖ ﮐﺮﻭﺍﺗﮯ ﺭﮨﻮ ﺍﻭﺭ ﺧﻮﻑ ﻣﯿﮟ ﺟﯿﺘﮯ ﺭﮨﻮ۔ ﺍﺱ ﺳﮯ ﯾﮧ ﺣﻘﯿﻘﺖ ﻧﮩﯿﮟ ﺑﺪﻟﮯ ﮔﯽ ﮐﮧ ﺍﺏ ﺍﺱ ﻣﻠﮏ ﻣﯿﮟ ﺗﻢ ﺩﻭﺳﺮﮮ ﺩﺭﺟﮧ ﮐﮯ ﺷﮩﺮﯼ ﺑﻨﺎ ﺩﯾﺌﮯ ﮔﺌﮯ ﮨﻮ۔ ﺍﺏ ﺑﺲ ﯾﮑﺴﺎﮞ ﺳﻮﻝ ﮐﻮﮈ ﮐﺎ ﻧﻔﺎﺫ ﺑﺎﻗﯽ ﮨﮯ ﺟﻮ ﻋﻨﻘﺮﯾﺐ ﮨﻮ ﺟﺎﺋﮯ ﮔﺎ۔ ﺍﻥ ﺳﺐ ﮐﮯ ﺑﺎﻭﺟﻮﺩ ﺗﻤﮩﯿﮟ ﻟﮕﺘﺎ ﮨﮯ ﮐﮧ ﺳﺐ ﺍﭼﺎﻧﮏ ﺳﮯ ﭨﮭﯿﮏ ﮨﻮﺟﺎﺋﮯ ﮔﺎ ﺗﻮ ﭘﮭﺮ ﺗﻤﮩﺎﺭﺍ ﮐﭽﮫ ﻧﮩﯿﮟ ﮨﻮﺳﮑﺘﺎ۔ ﻣﯿﮟ ﺟﺎﺭﮨﯽ ﮨﻮﮞ۔ ﺗﻢ ﺩﻋﺎﺋﯿﮟ ﻟﯿﻨﮯ ﺩﯾﻨﮯ ﮐﮯ ﺑﮩﺖ ﻋﺎﺩﯼ ﮨﻮﭼﮑﮯ ﮨﻮ ﺍﺱ ﻟﺌﮯ ﺗﻤﮩﺎﺭﯼ ﺗﺴﮑﯿﻦ ﮐﮯ ﻟﺌﮯ ﻣﯿﮟ ﺑﮭﯽ ﺗﻤﮩﺎﺭﮮ ﻟﺌﮯ ﺩﻋﺎ ﮐﺮﺗﯽ ﮨﻮﮞ ﮐﮧ ﺗﻤﮩﺎﺭﯼ ﻋﻘﻞ ﮐﭽﮫ ﮐﺎﻡ ﮐﮯ ﻻﺋﻖ ﮨﻮﺟﺎﺋﮯ۔ ﺍﮔﺮ ﺗﻤﮩﺎﺭﮮ ﺍﻧﺪﺭ ﺍﻧﻘﻼﺑﯽ ﺗﺒﺪﯾﻠﯽ ﭘﯿﺪﺍ ﮨﻮﮔﺌﯽ ﺗﻮ ﻣﯿﮟ ﭘﮭﺮ ﻟﻮﭦ ﺁﺅﮞ ﮔﯽ ﮐﯿﻮﻧﮑﮧ ﺯﻣﯿﻦ ﭘﺮ ﺭﮨﺘﮯ ﮨﻮﺋﮯ ﻣﯿﺮﺍ ﺭﺷﺘﮧ ﺁﺳﻤﺎﻥ ﺳﮯ ﮨﺮ ﺭﻭﺯ ﺭﮨﺘﺎ ﺗﮭﺎ۔ ﺍﺏ ﺁﺳﻤﺎﻥ ﺳﮯ ﺩﯾﮑﮭﻮﮞ ﮔﯽ ﮐﮧ ﺗﻢ ﻭﺍﻗﻌﯽ ﺑﮩﺘﺮ ﺑﺪﻻﺅ ﮐﯽ ﮐﻮﺷﺶ ﻣﯿﮟ ﺳﻨﺠﯿﺪﮦ ﮨﻮﺗﮯ ﮨﻮ ﯾﺎ ﻧﮩﯿﮟ۔ ﻣﯿﮟ ﺩﻭﺑﺎﺭﮦ ﺗﻤﮩﺎﺭﯼ ﻋﻈﻤﺖ ﮐﮯ ﻣﯿﻨﺎﺭ ﺩﯾﮑﮭﻨﮯ ﺁﻧﺎ ﭼﺎﮨﺘﯽ ﮨﻮﮞ۔ ﮐﯿﺎ ﺗﻢ ﺁﺝ ﮨﯽ ﺳﮯ ﺑﮩﺘﺮ ﻣﺴﺘﻘﺒﻞ ﮐﯽ ﺑﻨﯿﺎﺩ ﮈﺍﻟﻨﮯ ﻣﯿﮟ ﻣﺼﺮﻭﻑ ﮨﻮ ﺟﺎﺅ ﮔﮯ؟
No comments:
Post a Comment