Eid Ul fitr Ke Mukhtasar Ahkaam o Masail?
Eid ki namaj padhne ka Sunnat tarika?Eid ul fitr aur Eid ul Azaha Ki namaj kaise padhe?
عید الفطر کے مختصر احکام ومسائل:
١- عید کی نماز سے قبل فطرہ ادا کرنا۔ (الأعلى ١٤-١٥ وبخاری ١٥٠٣ ومسلم ٩٨٤ وابن ماجه ١٨٢٧)
٢- عید کا چاند دیکھنے کے بعد سے نماز عید تک تکبیرات کا اہتمام کرنا۔ (بقرہ ١٨٥ وبخاری ٩٧١ ومسلم ٨٩٠)
٣- مرد بلند آواز سے اور خواتین آہستہ تکبیر کہیں۔ (بخاری ٩٧١ ومسلم ٨٩٠)
٤- اچھے لباس پہننا۔ (بخاری ٩٤٨ ومسلم ٢٠٦٨)
٥- غسل کرنا۔ (موطا عن ابن عمر، اثر نمبر ٢٢٥)
٦- خوشی کا اظہار کرنا۔ (بخاری ٩٤٩ ومسلم ٨٩٢)
٧- طاق کھجور کھا کر عیدگاہ جانا۔ (بخاری ٩٥٣)
٨- عید کی نماز مصلی (عید گاہ) میں ادا کرنا۔ (بخاری ٩٥٦ ومسلم ٨٨٩)
٩- عید کی نماز بغیر اذان واقامت کے ادا کرنا۔ (بخاری ٩٥٩ و ٩٦٠ ومسلم ٨٨٦ و ٨٨٧)
١٠- عید کی نماز میں امام کا سترہ کا اہتمام کرنا۔ (بخاری ٩٧٢و ٩٧٣ ومسلم ٥٠١)
١١- عید کی نماز دورکعت ہے، اس سے پہلے یا بعد میں کوئی نفل نماز نہیں ہے۔ (بخاری ٩٦٤ و ٩٨٩ ومسلم ٨٨٦)
١٢- عید کی نماز میں سورت ق اور سورت قمر کی تلاوت کرنا۔ (مسلم ٨٩١)
یا سورت اعلی اور سورت غاشیہ کی تلاوت کرنا۔ (مسلم ٨٧٨)
١٣- عید کی نماز میں بارہ زائد تکبیریں ہیں: پہلی رکعت میں قراءت سے پہلے سات زائد تکبیریں اور دوسری رکعت میں قراءت سے پہلے پانچ زائد تکبیریں ہیں۔ (ابوداؤد ١١٤٩)
١٤- عید کی نماز خطبہ سے پہلے ادا کرنا۔ (بخاری ٩٥٦و ٩٦٢و ٩٦٣ ومسلم ٨٨٨ و ٨٨٩)
١٥- خطبہ عید کے وقت لوگوں کا اپنی صفوں میں بیٹھے رہنا۔ (بخاری ٩٥٦ ومسلم ٨٨٩)
١٦- خطبہ عید سننا واجب نہیں ہے۔ (نسائی ١٥٧١ وابوداود ١١٥٥ وابن ماجة ١٢٩٠)
١٧- خطبہ عید میں پند وموعظت اور تذکیر کا اسلوب اختیار کرنا۔ (بخاری ٩٥٦ ومسلم ٨٨٤ و ٨٨٩)
١٨- خطبہ عید بغیر منبر کے دینا۔ (بخاری ٩٥٦ ومسلم ٨٨٩)
١٩- خواتین اسلام اور معذور عورتوں کا بھی عید گاہ جانا۔ (بخاری ٣٢٤ و ٩٧١ ومسلم ٨٩٠)
٢٠- جس خاتون کے پاس جلباب (نقاب وبرقع) نہ ہو وہ اپنی سہیلی کے جلباب میں جائے یا اس سے عاریتا لے لے۔ (بخاری ٩٨٠ ومسلم ٨٩٠)
٢١- امام کا عورتوں کو خصوصی نصیحت کرنا۔ (بخاری ٩٧٨ ومسلم ٨٨٤ و ٨٨٥)
٢٢- بچوں کو نماز عید کے لیے عیدگاہ لے جانا۔ (بخاری ٩٧٥ ومسلم ٨٨٤)
٢٣- عیدگاہ آتے جاتے وقت راستہ تبدیل کرنا۔ (بخاری ٩٨٦)
٢٤- عیدگاہ پیدل جانا۔ (ترمذی ٥٣٠ وابن ماجہ ١٢٩٥)
٢٥- عید کی مبارکبادی دینا۔ مثلا "تقبل الله منا ومنكم صالح اعمالنا" یا اس جیسے کلمات کہنا۔ (مجموع الفتاوى ٢٤ / ٢٥٣)
منقول۔
No comments:
Post a Comment