Kya Aurat Apne Chehre ka baal utar sakti Hai?

Aurat ke Liye Apne chehre ka baal Katne ka hukm.
عورت كے ليے اپنے چہرے كے بال اتارنے كا حكم
الحمد للہ:
اول:
مستقل فتوى كميٹى كے فتاوى جات ميں درج ہے:

ابرو كے بال اتارنا جائز نہيں، كيونكہ يہ نمص ميں شامل ہوتا ہے جس پر نبى كريم صلى اللہ عليہ وسلم نے لعنت فرمائى ہے، اور يہ اللہ تعالى كى پيدا كردہ صورت ميں تبديلى ہے جو شيطانى عمل ہے، اور اگر اسے خاوند بھى ايسا كرنے كا حكم دے تو وہ اس كى اطاعت مت كرے؛ كيونكہ يہ معصيت و نافرمانى ہے، اور اللہ خالق كائنات كى معصيت و نافرمانى ميں كسى مخلوق كى اطاعت نہيں ہو سكتى، بلكہ اطاعت تو نيكى ميں ہوگى، جيسا كہ رسول كريم صلى اللہ عليہ وسلم كا حكم بھى ہے " اھـ

ديكھيں: فتاوى اللجنۃ الدائمۃ للبحوث العلميۃ والافتاء ( 17 / 133 ).

دوم:
ابرو كے علاوہ باقى جسم كے سارے بال اتارنے جائز ہيں مستقل فتوى كميٹى كے فتاوى جات ميں درج ہے:

" عورت كا اپنے جسم كے بال اتارنے كى دليل اصل پر عمل ہے، اور عورت سے مطلوب ہے كہ وہ اپنے خاوند كے ليے بناؤ سنگھار كرے اور اس سے منع كرنے كى كوئى دليل نہيں ملتى، صرف وہى كہ جو عورت كو نمص يعنى ابرو كے بال اكھيڑنے سے منع كيا گيا " اھـ

ديكھيں: فتاوى اللجنۃ الدائمۃ للبحوث العلميۃ والافتاء ( 17 / 130 ).

Share: