ﻧﺎﺯﯾﮧ ﮐﯽ ﻧﺌﯽ ﻧﺌﯽ ﺷﺎﺩﯼ ﮨﻮﺋﯽ ﺗﮭﯽ . ﭘﮩﻠﮯ ﭘﮩﻞ ﺗﻮ ﺳﺐ ﮨﯽ ﺧﻮﺵ ﺍﺧﻼﻗﯽ ﺳﮯ ﭘﯿﺶ ﺍٓﺗﮯ ﺭﮨﮯ ﭘﮭﺮ ﺍٓﮨﺴﺘﮧ ﺍٓﮨﺴﺘﮧ ﻣﯿﭩﮭﮯ ﺑﻮﻟﻮﮞ ﮐﯽ ﭘﺮﺕ ﺍﺗﺮﻧﺎ ﺷﺮﻭﻉ ﮨﻮﺋﯽ . ﺩﺑﮯ ﺩﺑﮯ ﻟﻔﻈﻮﮞ ﻣﯿﮟ ﻧﺎﺯﯾﮧ ﮐﯽ ﭘﮑﯽ ﺭﻧﮕﺖ ﭘﺮ ﺑﺎﺗﯿﮟ ﮨﻮﻧﮯ ﻟﮕﯿﮟ . ﻧﺎﺯﯾﮧ ﮐﯽ ﭼﺎﺭ ﻧﻨﺪﯾﮟ ﺗﮭﯿﮟ . ﻧﺎﺯﯾﮧ ﮐﮯ ﺷﻮﮨﺮ ﻃﺎﮨﺮ ﺳﺐ ﺳﮯ ﺑﮍﮮ ﺗﮭﮯ . ﺍﯾﮏ ﺩﻥ ﻭﮦ ﻋﺎﻡ ﺳﮯ ﮐﭙﮍﮮ ﭘﮩﻨﮯ ﮐﭽﻦ ﻣﯿﮟ ﮐﺎﻡ ﮐﺮ ﺭﮨﯽ ﺗﮭﯽ ﮐﮧ ﺍﺱ ﮐﯽ ﭼﮭﻮﭨﯽ ﻭﺍﻟﯽ ﻧﻨﺪ ﺍﻧﺪ ﺭ ﺩﺍﺧﻞ ﮨﻮﺋﯽ . ’’ ﺍﻭﮦ ! ﯾﮧ ﺍٓﭖ ﮨﯿﮟ ﻧﺎﺯﯾﮧ ﺑﮭﺎﺑﮭﯽ ! ﻣﯿﮟ ﺳﻤﺠﮭﯽ ﺳﺎﺗﮫ ﻭﺍﻟﻮﮞ ﮐﯽ ﮐﺎﻡ ﻭﺍﻟﯽ ﺍٓﺋﯽ ﮨﻮﺋﯽ ﮨﮯ . ‘‘ ﻣﺎﺭﯾﮧ ﻧﮯ ﺑﻈﺎﮨﺮ ﮨﻨﺴﺘﮯ ﮨﻮﺋﮯ ﮐﮩﺎ ﻟﯿﮑﻦ ﺍﺱ ﮐﯽ ﺍٓﻧﮑﮭﯿﮟ ﺻﺎﻑ ﻣﺬﺍﻕ ﺍﮌﺍﺭﮨﯽ ﺗﮭﯿﮟ . ﻧﺎﺯﯾﮧ ﮐﺎ ﺩﻝ ﺑﺠﮫ ﮐﺮ ﺭﮦ ﮔﯿﺎ .
ﺍﺱ ﻧﮯ ﺍﺱ ﺩﻥ ﺳﮯ ﺍﭘﻨﺎ ﺧﺎﺹ ﺧﯿﺎﻝ ﺭﮐﮭﻨﺎ ﺷﺮﻭﻉ ﮐﺮ ﺩﯾﺎ . ﮨﺮ ﻭﻗﺖ ﺗﯿﺎﺭ ﺭﮨﻨﮯ ﻟﮕﯽ ﺗﺎﮐﮧ ﺍٓﺋﻨﺪﮦ ﺍﺳﮯ ﮐﻮﺋﯽ ﮐﺎﻡ ﻭﺍﻟﯽ ﺧﺎﻟﮧ ﮐﺎ ﮐﺎﻡ ﻭﺍﻟﯽ ﺧﺎﻟﮧ ﮐﺎ ﻃﻌﻨﮧ ﻧﮧ ﺩﮮ ﺳﮑﮯ ﺟﻦ ﮐﯽ ﺭﻧﮕﺖ ﺑﮯ ﺣﺪ ﮐﺎﻟﯽ ﺗﮭﯽ . ﮐﺎﻟﮯ ﮔﻮﺭﮮ ﺳﺐ ﺍﻟﻠﮧ ﻧﮯ ﭘﯿﺪﺍ ﮐﯿﮯ ﮨﯿﮟ ﻟﯿﮑﻦ ﻇﺎﻟﻢ ﻣﻌﺎﺷﺮﮦ ﯾﮩﺎﮞ ﺑﮭﯽ ﺍﭘﻨﯽ ﺭﻭﺍﯾﺎﺕ ﭼﮭﻮﮌﻧﮯ ﮐﻮ ﺗﯿﺎﺭ ﻧﮩﯿﮟ . ﺍﮐﺜﺮ ﮐﺎﻟﯽ ﺭﻧﮕﺖ ﺭﮐﮭﻨﮯ ﻭﺍﻻ ﺍﻧﺴﺎﻥ ﻣﺬﺍﻕ، ﻃﻌﻨﻮﮞ ﺍﻭﺭ ﻃﻨﺰ ﮐﯽ ﺯﺩ ﻣﯿﮟ ﮨﯽ ﺭﮨﺘﺎ ﮨﮯ . ﺍٓﺝ ﻧﺎﺯﯾﮧ ﺍﭘﻨﯽ ﺑﮩﻦ ﮐﮯ ﮔﮭﺮ ﺟﺎﻧﮯ ﮐﮯ ﻟﯿﮯ ﺗﯿﺎﺭ ﮨﻮﺋﯽ . ﺍﺱ ﻧﮯ ﺑﺎﺩﺍﻣﯽ ﮐﮍﮬﺎﺋﯽ ﻭﺍﻻ ﺳﺮﺥ ﺳﻮﭦ ﭘﮩﻦ ﺭﮐﮭﺎ ﺗﮭﺎ . ﮨﻠﮑﮯ ﭘﮭﻠﮑﮯ ﻣﯿﮏ ﺍﭖ ﮐﮯ ﺳﺎﺗﮫ ﻭﮦ ﯾﻘﯿﻨﺎً ﺑﮩﺖ ﻓﺮﯾﺶ ﺍﻭﺭ ﺍﭼﮭﯽ ﻟﮓ ﺭﮨﯽ ﺗﮭﯽ . ﻃﺎﮨﺮ ﺑﺎﮨﺮ ﻣﻮﭨﺮ ﺳﺎﺋﯿﮑﻞ ﭘﺮ ﺍﺱ ﮐﺎ ﺍﻧﺘﻈﺎﺭ ﮐﺮ ﺭﮨﺎ ﺗﮭﺎ . ﺟﯿﺴﮯ ﮨﯽ ﻭﮦ ﮨﯿﻨﮉ ﺑﯿﮓ ﺳﻨﺒﮭﺎﻟﺘﮯ ﮨﻮﺋﮯ ﮐﻤﺮﮮ ﺳﮯ ﻧﮑﻠﯽ ، ﺍٓﻧﭩﯽ ( ﺳﺎﺱ ) ﮐﯽ ﮐﺎﻧﻮﮞ ﺳﮯ ﭨﮑﺮﺍﺋﯽ . ’’ ﺍٓﺋﮯ ﮨﺎﺋﮯ ! ﺍﯾﮏ ﺗﻮ .… ‘‘! ﺍﺗﻨﺎ ﮐﮩﮧ ﮐﺮ ﻭﮦ ﻣﻨﮧ ﮨﯽ ﻣﻨﮧ ﻣﯿﮟ ﮐﭽﮫ ﺑﺪﺑﺪﺍﺋﯿﮟ ﭘﮭﺮ ﺑﻮﻟﯿﮟ ’’. ﺍﻭﭘﺮ ﺳﮯ ﺳﺮﺥ ﺳﻮﭦ . ﺑﭩﯿﺎ ! ﮐﭽﮫ ﺗﻮ ﺧﯿﺎﻝ ﮐﯿﺎ ﮨﻮﺗﺎ . ﭼﻠﻮ ﺷﺎﺑﺎﺵ ! ﮐﺴﯽ ﮨﻠﮑﮯ ﺭﻧﮓ ﮐﮯ ﮐﭙﮍﮮ ﭘﮩﻦ ﮐﺮ ﺟﺎﻭٔ . ﯾﮧ ﺗﻮ ﺑﺎﻟﮑﻞ ﻧﮩﯿﮟ ﺟﭻ ﺭﮨﮯ ‘‘. ﯾﮧ ﺳﻨﻨﺎ ﺗﮭﺎ ﮐﮧ ﻧﺎﺯﯾﮧ ﮐﯽ ﺳﺎﺭﯼ ﺧﻮﺩ ﺍﻋﺘﻤﺎﺩﯼ ﮨﻮﺍ ﮨﻮ ﮔﺌﯽ ﺍﻭﺭ ﺍﺱ ﮐﻮ ﺍﭘﻨﯽ ﭨﺎﻧﮕﯿﮟ ﺑﮯ ﺟﺎﻥ ﺳﯽ ﻟﮕﻨﮯ ﻟﮕﯿﮟ . ’’ ﺍﻑ ﺑﮭﺎﺑﮭﯽ ! ﺍٓﭖ ﻧﺎﮞ .. ﺑﺲ ﺩﮬﯿﻤﮯ ﺭﻧﮓ ﮐﮯ ﮐﭙﮍﮮ ﭘﮩﻨﺎ ﮐﺮﯾﮟ . ﭘﻠﯿﺰ . ﯾﮧ ﺷﻮﺥ ﺭﻧﮓ ﺍٓﭖ ﮐﻮ ﺑﺎﻟﮑﻞ ﺳﻮﭦ ﻧﮩﯿﮟ ﮐﺮﺗﮯ ‘‘. ﺳﺎﺗﮫ ﺑﯿﭩﮭﯽ ﮨﻮﺋﯽ ﻧﻨﺪ ﻋﺎﺋﺸﮧ ﻧﮯ ﺑﮭﯽ ﻣﺎﮞ ﮐﯽ ﮨﺎﮞ ﻣﯿﮟ ﻣﻼﺋﯽ . ﻋﺎﺋﺸﮧ ﺧﻮﺩ ﺑﮯ ﺣﺪ ﮔﻮﺭﯼ ﺭﻧﮓ ﮐﯽ ﻣﺎﻟﮏ ﺗﮭﯽ . ﺍﺱ ﺩﻥ ﻧﺎﺯﯾﮧ ﮐﺎ ﺩﻝ ﭼﮭﻨﺎﮎ ﺳﮯ ﭨﻮﭦ ﮔﯿﺎ . ﻭﮦ ﭨﻮﭨﮯ ﻗﺪﻣﻮﮞ ﺳﮯ ﺑﺎﮨﺮ ﮐﮭﮍﮮ ﻃﺎﮨﺮ ﮐﻮ ’’ ﭘﺎﻧﭻ ﻣﻨﭧ ﺑﻌﺪ ﺍٓﺋﯽ ‘‘ ﮐﮩﮧ ﮐﺮ ﺍﻧﺪﺭ ﮐﻤﺮﮮ ﻣﯿﮟ ﭼﻠﯽ ﮔﺌﯽ . ﺗﮭﻮﮌﯼ ﺩﯾﺮ ﺑﻌﺪ ﻭﮦ ﻧﮑﻠﯽ ﺗﻮ ﻋﺎﺋﺸﮧ ﻧﮯ ﺩﯾﮑﮭﺎ . ﺍﺱ ﻧﮯ ﮨﻠﮑﮯ ﺑﺮﺍﻭٔﻥ ﺭﻧﮓ ﮐﺎ ﻻﻥ ﮐﺎ ﺳﻮﭦ ﭘﮩﻦ ﻟﯿﺎ ﺗﮭﺎ . ﻣﯿﮏ ﺍﭖ ﺑﮭﯽ ﺻﺎﻑ ﺗﮭﺎ ﺍﻭﺭ ﻭﮦ ﺭﻭﺋﯽ ﺭﻭﺋﯽ ﻟﮓ ﺭﮨﯽ ﺗﮭﯽ . ﺍﯾﮏ ﻟﻤﺤﮯ ﮐﮯ ﻟﯿﮯ ﻋﺎﺋﺸﮧ ﮐﮯ ﺩﻝ ﮐﻮ ﮐﭽﮫ ﮨﻮﺍ . ﺧﻮﺩ ﺍﺱ ﮐﯽ ﺑﮭﯽ ﮐﭽﮫ ﺩﻥ ﺑﻌﺪ ﮨﯽ ﺷﺎﺩﯼ ﻃﮯ ﮨﻮ ﭼﮑﯽ ﺗﮭﯽ . ﺍﺱ ﻧﮯ ﺳﻮﭼﺎ ﺑﮭﺎﺑﮭﯽ ﺳﮯ ﺍﭘﻨﮯ ﺍﻟﻔﺎﻅ ﮐﮯ ﻟﯿﮯ ﻣﻌﺬﺭﺕ ﮐﺮ ﻟﻮﮞ ﻟﯿﮑﻦ ﻧﺎﺯﯾﮧ ﺗﯿﺰ ﻗﺪﻣﻮﮞ ﺳﮯ ﺑﮍﯼ ﺳﯽ ﭼﺎﺩﺭ ﺍﻭﮌﮬﮯ ﮔﯿﭧ ﺳﮯ ﻧﮑﻞ ﮔﺌﯽ . ’’ ﮨﺎﺋﮯ ﯾﮧ ﮐﺎﻟﯽ ﮐﻠﻮﭨﯽ ﺑﮩﻮ ﻣﯿﺮﮮ ﮨﯽ ﭘﻠﮯ ﭘﮍﻧﯽ ﺗﮭﯽ . ﺍﻑ ! ﺍﺗﻨﺎ ﮐﺎﻻ ﺭﻧﮓ .. ﺑﮭﺌﯽ ﻭﮦ ﭨﻮﭨﮑﮯ ﮐﻮﻥ ﺳﮯ ﮨﻮﺗﮯ ﮨﯿﮟ
ﺫﺭﺍ ﺍﻥ ﮐﻮ ﺑﮭﯽ ﮐﻮﺋﯽ ﺑﺘﺎ ﺩﮮ .. ﺍﺭﮮ ﻣﯿﺮﯼ ﺍٓﻧﮑﮭﻮﮞ ﭘﺮ ﺑﮭﯽ ﭘﭩﯽ ﺑﻨﺪﮪ ﮔﺌﯽ ﺗﮭﯽ . ﺟﺐ ﺭﺷﺘﮧ ﻟﯿﻨﮯ ﮔﺌﯽ ﺗﮭﯽ ﺗﻮ ﺑﮍﺍ ﻣﯿﮏ ﺍﭖ ﮐﺮ ﮐﮯ ﺑﯿﭩﮭﯽ ﮨﻮﺋﯽ ﺗﮭﯽ . ﯾﮧ ﺗﻮ ﺑﻌﺪ ﻣﯿﮟ ﮐﮭﻼ ﮐﮧ ﺍﺻﻞ ﺭﻧﮕﺖ ﺗﻮﮮ ﮐﻮ ﺑﮭﯽ ﺷﺮﻣﺎﺗﯽ ﮨﮯ ‘‘. ﻧﺎﺯﯾﮧ ﮐﯽ ﺳﺎﺱ ﻣﺴﻠﺴﻞ ﺑﻮﻟﮯ ﺟﺎﺭﮨﯽ ﺗﮭﯿﮟ . ﺍﺏ ﺗﻮ ﻧﺎﺯﯾﮧ ﺍﻥ ﺍٓﻭﺍﺯﻭﮞ ﺍﻭﺭ ﻃﻌﻨﻮﮞ ﮐﯽ ﻋﺎﺩﯼ ﮨﻮ ﭼﮑﯽ ﺗﮭﯽ . ﺍﺱ ﺩﻥ ﺑﮭﯽ ﻧﺎﺯﯾﮧ ﮐﭽﻦ ﻣﯿﮟ ﭘﯿﺎﺯ ﮐﺎﭦ ﺭﮨﯽ ﺗﮭﯽ ﺟﺐ ﺍﺱ ﮐﯽ ﺳﺎﺱ ﺑﻮﻟﻨﺎ ﺷﺮﻭﻉ ﮨﻮ ﮔﺌﯿﮟ . ’’ ﺩﯾﮑﮫ ﻃﺎﮨﺮ ! ﻣﯿﮟ ﺗﺠﮫ ﺳﮯ ﮐﮩﺘﯽ ﺗﮭﯽ ﮐﮧ ﯾﮧ ﻟﮍﮐﯽ ﺗﺠﮭﮯ ﺧﻮﺵ ﻧﮩﯿﮟ ﮐﺮ ﺳﮑﺘﯽ ﺍﻭﺭ ﺩﯾﮑﮫ ﻟﻮ ﻭﮨﯽ ﮨﻮﺍ . ﺟﺐ ﺩﯾﮑﮭﻮ ﻣﻨﮧ ﺑﻨﺎ ﮐﺮ ﯾﮩﺎﮞ ﻭﮨﺎﮞ ﭘﮭﺮ ﺭﮨﯽ ﮨﮯ . ﻣﺴﮑﺮﺍﮨﭧ ﺗﻮ ﻧﺎﻡ ﮨﯽ ﻧﮩﯿﮟ ﺍٓﺗﯽ ﺍﺱ ﮐﮯ ﭼﮩﺮﮮ ﭘﺮ . ﻣﻨﺤﻮﺳﯿﺖ ﭘﮭﯿﻼﺗﯽ ﮨﮯ ﭘﻮﺭﮮ ﮔﮭﺮ ﻣﯿﮟ . ‘‘ ﻃﺎﮨﺮ ﻣﯿﺎﮞ ﻣﺴﻤﯽ ﺳﯽ ﺻﻮﺭﺕ ﺑﻨﺎ ﮐﺮ ﺑﻮﻟﮯ . ’’ ﺍﻣﺎﮞ ﻣﯿﮟ ﺗﻮ ﮐﮩﺘﺎ ﮨﻮﮞ ﺧﻮﺵ ﺭﮨﺎ ﮐﺮﻭ . ﮐﺲ ﭼﯿﺰ ﮐﯽ ﮐﻤﯽ ﮨﮯ ﺗﻢ ﻣﯿﮟ ‘‘. ’’ ﺍﺋﮯ ﮨﺌﮯ ! ﺑﮭﺌﯽ ﺍﮔﺮ ﻧﮩﯿﮟ ﺳﻨﺘﯽ ﺗﻮ ﻓﺎﺭﻍ ﮐﺮﻭ ﺍﺳﮯ . ﺍﻭﺭ ﺑﮩﺖ ﻣﻞ ﺟﺎﺋﯿﮟ ﮔﯽ ﻣﯿﺮﮮ ﺷﮩﺰﺍﺩﮮ ﮐﻮ . ‘‘ ﻭﮦ ﺗﻮ ﺑﯿﺮﻭﻧﯽ ﺩﺭﻭﺍﺯﮦ ﮐﮭﭩﮑﺎ ﺗﻮ ﺩﻭﻧﻮﮞ ﻣﺎﮞ ﺑﯿﭩﮯ ﮐﺎ ﻧﺎﺯﯾﮧ ﻧﺎﻣﮧ ﺧﺘﻢ ﮨﻮﺍ ﺍﻭﺭ ﻧﺎﺯﯾﮧ ﮐﮯ ﺍٓﻧﺴﻮ !.. ﺟﯽ ﻧﮩﯿﮟ ! ﻭﮦ ﺧﺘﻢ ﮨﯽ ﻧﮩﯿﮟ ﮨﻮﺗﮯ ﺗﮭﮯ . ﭘﺘﮧ ﻧﮩﯿﮟ ﭘﯿﺎﺯ ﺑﮩﺖ ﮐﮍﻭﺍ ﺗﮭﺎ ﯾﺎ ﻟﮩﺠﮯ ! ﻋﺎﺋﺸﮧ ﺷﺎﺩﯼ ﮐﮯ ﺑﻌﺪ ﭘﮩﻠﯽ ﺑﺎﺭ ﺭﮨﻨﮯ ﮐﮯ ﻟﯿﮯ ﺍٓﺋﯽ ﺗﮭﯽ . ﻧﺎﺯﯾﮧ ﮐﭽﻦ ﻣﯿﮟ ﺑﺮﯼ ﻃﺮﺡ ﻣﺼﺮﻭﻑ ﺗﮭﯽ . ﺍﺱ ﻧﮯ ﺑﺮﯾﺎﻧﯽ ﺑﻨﺎﺋﯽ ، ﺳﺎﻟﻦ ﻣﯿﮟ ﮐﻮﻓﺘﮯ ﺑﻨﺎﺋﮯ ﺍﻭﺭ ﻣﯿﭩﮭﮯ ﻣﯿﮟ ﻓﺮﻭﭦ ﭨﺮﺍﺋﻔﻞ . ﺟﺐ ﺭﺍﺋﺘﮧ ﺑﻨﺎﻧﮯ ﮐﮯ ﻟﯿﮯ ﻓﺮﯾﺞ ﮐﮭﻮﻻ ﺗﻮ ﺩﮨﯽ ﻏﺎﺋﺐ ﺗﮭﺎ . ’’ ﺍﻭﮦ ! ﺍٓﻧﭩﯽ ﺳﮯ ﮐﮩﺘﯽ ﮨﻮﮞ . ﺩﮨﯽ ﻣﻨﮕﻮﺍ ﺩﯾﮟ . ﺷﺎﯾﺪ ﺍﻧﮑﻞ ﺑﮭﻮﻝ ﮔﺌﮯ ﮨﻮﮞ ‘‘. ﯾﮧ ﺳﻮﭼﺘﯽ ﮨﻮﺋﯽ ﻭﮦ ﮐﻤﺮﮮ ﮐﯽ ﻃﺮﻑ ﺑﮍﮬﯽ ﺗﻮ ﻋﺎﺋﺸﮧ ﮐﯽ ﺳﺴﮑﯿﻮﮞ ﻧﮯ ﺍﺱ ﮐﮯ ﻗﺪﻡ ﺭﻭﮎ ﻟﯿﮯ . ’’ ﺍﻣﯽ ﺟﯽ ! ﻣﯿﺮﯼ ﺳﺎﺱ ﮐﮩﺘﯽ ﮨﯿﮟ ﺧﺎﻟﯽ ﮔﻮﺭﺍ ﺭﻧﮓ ﮨﯽ ﮐﺎﻓﯽ ﻧﮩﯿﮟ ﮨﻮﺗﺎ . ﺑﻨﺪﮮ ﻣﯿﮟ ﮐﭽﮫ ﺑﺎﺕ ﮨﻮﻧﯽ ﭼﺎﮨﯿﮯ . ﺟﯿﺴﮯ ﮨﯽ ﻣﺠﮫ ﭘﺮ ﻧﻈﺮ ﭘﮍﺗﯽ ﮨﮯ ﮐﻮﺳﻨﮯ ﺩﯾﻨﮯ ﻟﮕﺘﯽ ﮨﯿﮟ . ﭘﺘﮧ ﻧﮩﯿﮟ ﻣﯿﮟ ﻧﮯ ﺍﻥ ﮐﺎ ﮐﯿﺎ ﺑﮕﺎﮌﺍ ﮨﮯ .
ﺍﺱ ﺩﻥ ﻣﯿﺮﮮ ﺳﮯ ﭘﯿﺎﺯ ﺗﮭﻮﮌﺍ ﺯﯾﺎﮦ ﺑﺮﺍﻭٔﻥ ﮨﻮ ﮔﺌﮯ ﺗﻮ ﺳﺎﺭﺍ ﺩﻥ ﻣﺠﮭﮯ ﺑﮯ ﮨﻨﺮ ، ﮐﻮﮌﮪ ﺍﻭﺭ ﭘﮭﻮﮨﮍ ﮐﮩﺘﯽ ﺭﮨﯿﮟ . ﺍﮐﺮﻡ ﺳﮯ ﻣﯿﺮﯼ ﺷﮑﺎﯾﺖ ﺑﮭﯽ ﻟﮕﺎ ﺩﯼ . ﺍﮐﺮﻡ ﻧﮯ ﻣﺠﮭﮯ ﺳﺐ ﮐﮯ ﺳﺎﻣﻨﮯ ﺗﮭﭙﮍ ﻣﺎﺭﺍ ﺍﻣﯽ ﺟﯽ ‘‘..… ﺍﺗﻨﺎ ﮐﮩﮧ ﮐﺮ ﻋﺎﺋﺸﮧ ﭘﮭﺮ ﺭﻭﻧﮯ ﻟﮕﯽ . ﺑﺎﮨﺮ ﮐﮭﮍﯼ ﻧﺎﺯﯾﮧ ﮐﺎ ﺩﻝ ﺟﯿﺴﮯ ﺩﮬﮍﮐﻨﺎ ﺑﮭﻮﻝ ﭼﮑﺎ ﺗﮭﺎ . ﮐﯿﺎ ﻣﮑﺎﻓﺎﺕ ﻋﻤﻞ ﺍﺗﻨﯽ ﺟﻠﺪﯼ ﺑﮭﯽ ﺷﺮﻭﻉ ﮨﻮ ﺳﮑﺘﺎ ﮨﮯ . ﯾﮧ ﺍﺱ ﻧﮯ ﮐﺒﮭﯽ ﻧﮩﯿﮟ ﺳﻮﭼﺎ ﺗﮭﺎ . ﺍﺻﻞ ﺭﻧﮓ ﻣﻦ ﮐﺎ ﺭﻧﮓ ﮨﻮﺗﺎ ﮨﮯ . ﻣﻦ ﮐﺎﻻ ﺗﻮ ﺗﻦ ﮐﺎﻻ . ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺍٰﻟﮧ ﻭﺳﻠﻢ ﻧﮯ ﻓﺮﻣﺎﯾﺎ ’’. ﻣﺴﻠﻤﺎﻥ ﻭﮦ ﮨﮯ ﺟﺲ ﮐﯽ ﺯﺑﺎﻥ ﺍﻭﺭ ﮨﺎﺗﮫ ﮐﮯ ﺷﺮ ﺳﮯ ﺩﻭﺳﺮﮮ ﻣﺴﻠﻤﺎﻥ ﻣﺤﻔﻮﻅ ﺭﮨﯿﮟ ‘‘.
Khush Akhlaqi Kaisi Ho?
No comments:
Post a Comment