Salam Kab Karni Chahiye, Salam Karne Ke Aadab

Salam Karne Ke Aadab.
ﺍﻟﺴَّـــــــﻼَﻡُ ﻋَﻠَﻴــْــﻜُﻢ ﻭَﺭَﺣْﻤَﺔُ ﺍﻟﻠﻪِ ﻭَﺑَﺮَﻛـَـﺎﺗُﻪ
ﻧﺎﻣﺤﺮﻡ ﻣﺮﺩ ﻭ ﻋﻮﺭﺕ ﮐﺎﺍﯾﮑﺪﻭﺳﺮﮮ ﮐﻮﺳﻼﻡ :
ﻋﻮﺭﺕ ﻣﺮﺩ ﮐﻮ ﺳﻼﻡ ﮐﮩﮧ ﺳﮑﺘﯽ ﮨﮯ ﺑﺸﺮﻃﯿﮑﮧ ﻓﺘﻨﮧ ﮐﺎ ﮈﺭ ﻧﮧ ﮨﻮ
ﺻﺤﯿﺢ ﻣﺴﻠﻢ ﻣﯿﮟ ﺍﻡ ﮨﺎﻧﯽ ﮐﯽ ﺣﺪﯾﺚ ﻣﯿﮟ ﮨﮯ ۔
‏« ﺍﺗﻴﺖ ﺍﻟﻨﺒﻲ ﺻﻠﻲ ﺍﻟﻠﻪ ﻋﻠﻴﻪ ﻭﺳﻠﻢ ﻭﻫﻮ ﻳﻐﺘﺴﻞ ﻓﺴﻠﻤﺖ ﻋﻠﻴﻪ
" ﻣﯿﮟ ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯﭘﺎﺱ ﺁﺋﯽ ﺁﭖ ﻏﺴﻞ ﻓﺮﻣﺎﺭﮨﮯ ﺗﮭﮯ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﻮ ﺳﻼﻡ ﮐﮩﺎ ۔ "
ﺻﺤﻴﺢ ﻣﺴﻠﻢ ﻛﺘﺎﺏ ﺍﻟﺼﻼﺓ ﺍﻟﻤﺴﺎﻓﺮﻳﻦ ﺑﺎﺏ ﺍﺳﺘﺤﺒﺎﺏ ﺻﻼﺓ ﺍﻟﻀﺤﻲٰ ‏( ١٦٦٩ ‏)
ﺻﺤﻴﺢ ﺍﻟﺒﺨﺎﺭﻱ ﺩﻭﻥ ﺯﻛﺮ ﺍﻟﺴﻼﻡ ‏( 1103 ‏)
‏( ﯾﺎ ﺩ ﺭﮨﮯ ﺍﻡ ﮨﺎﻧﯽ ﺭﺿﯽ ﺍﻟﻠﮧ ﺗﻌﺎﻟﯽٰ ﻋﻨﮩﺎ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﭼﭽﺎ ﺯﺍﺩ ﺑﮩﻦ ﺗﮭﯽ۔
ﺍﻭﺭ ﺻﺤﯿﺢ ﺑﺨﺎﺭﯼ ﻣﯿﮟ ﮨﮯ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ :
‏« ﻳﺎ ﻋﺎﺋﺸﺔ ! ﻫﺬﺍ ﺟﺒﺮﻳﻞ ﻳﻘﺮﺍ ﻋﻠﻴﻚ ﺍﻟﺴﻼﻡ ‏» ﻗﺎﻟﺖ : ﻗﻠﺖ : ﻭﻋﻠﻴﻪ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﻪ
ﺻﺤﻴﺢ ﺍﻟﺒﺨﺎﺭﻱ ﻛﺘﺎﺏ ﺍﻻﺳﺘﺌﺬﺍﻥ ﺡ ‏( ٦٢٤٩ ‏)
ﺍﮮ ﻋﺎﺋﺸﮧ ﯾﮧ ﺟﺒﺮﺍﺋﯿﻞ ﮨﯿﮟ ﺍﻧﮩﯿﮟ ﺳﻼﻡ ﮐﺮﻭ ‏( ﺣﻀﺮﺕ ﻋﺎﺋﺸﮧؓ ﻧﮯﮐﮩﺎ ‏) ﻋﻠﯿﮧ ﺍﻟﺴﻼﻡ ﻭﺭﺣﻤﺔﺍﻟﻠﮧ ﻭﺑﺮﮐﺎﺗﮧ
ﺍﻣﺎﻡ ﺑﺨﺎﺭﯼ ﺭﺣﻤۃ ﺍﻟﻠﮧ ﻋﻠﯿﮧ ﻧﮯ ﺍﭘﻨﯽ ﺻﺤﯿﺢ ﻣﯿﮟ ﺑﺎ ﯾﮟ ﺍﻟﻔﺎﻅ ﺗﺒﻮ ﯾﺐ ﻗﺎﺋﻢ ﮐﯽ ﮨﮯ ۔
‏« ﺑﺎﺏ ﺗﺴﻠﻴﻢ ﺍﻟﺮﺟﺎﻝ ﻋﻠﻲ ﺍﻟﻨﺴﺎﺀ ﻭﺍﻟﻨﺴﺎﺀ ﻋﻠﻲ ﺍﻟﺮﺟﺎﻝ ‏» ﺻﺤﻴﺢ ﺍﻟﺒﺨﺎﺭﻱ ﻛﺘﺎﺏ ﺍﻻﺳﺘﺌﺬﺍﻥ ﺭﻗﻢ ﺍﻟﺒﺎﺏ ‏( ١٦ ‏)
ﯾﻌﻨﯽ " ﻣﺮﺩ ﻋﻮﺭﺗﻮﮞ ﮐﻮ ﺳﻼﻡ ﮐﮩﮧ ﺳﮑﺘﮯ ﮨﯿﮟ ﺍﻭﺭ ﻋﻮﺭﺗﯿﮟ ﻣﺮﺩﻭﮞ ﮐﻮ ۔ "
ﭘﮭﺮ ﻋﻮﺭﺗﻮﮞ ﮐﮯ ﺟﻮﺍﺯ ﮐﮯ ﻟﯿﮯ ﺳﻼﻡ ﺟﺒﺮﯾﻞ ﻋﻠﯿﮧ ﺍﻟﺴﻼﻡ ﺍﻭﺭ ﺟﻮﺍﺏ ﻋﺎﺋﺸﮧ ﺭﺿﯽ ﺍﻟﻠﮧ ﺗﻌﺎﻟﯽٰ ﻋﻨﮩﺎ ﺳﮯ ﺍﺳﺘﺪﻻﻝ ﮐﯿﺎ ﮨﮯ
ﺷﺎﺭﺡ ﺑﺨﺎﺭﯼ ﺍﺑﻦ ﺑﻄﺎﻝ ﻧﮯ ﺍﻟﻤﮩﻠﺐ ﺳﮯ ﻧﻘﻞ ﮐﯿﺎ ﮨﮯ ۔
‏« ﺳﻼﻡ ﺍﻟﺮﺟﺎﻝ ﻋﻠﻲ ﺍﻟﻨﺴﺎﺀ ﻭﺍﻟﻨﺴﺎﺀ ﻋﻠﻲ ﺍﻟﺮﺟﺎﻝ ﺟﺎﺋﺰ ﺍﺫﺍ ﺍﻣﻨﺖ ﺍﻟﻔﺘﻨﺔ ‏»
" ﻣﺮﺩﻭﮞ ﺍﻭﺭ ﻋﻮﺭﺗﻮﮞ ﮐﺎ ﺍﯾﮏ ﺩﻭﺳﺮﮮ ﮐﺎ ﺳﻼﻡ ﮐﮩﻨﺎ ﺟﺎ ﺋﺰ ﮨﮯ ﺑﺸﺮﻃﯿﮑﮧ ﻓﺘﻨﮧ ﮐﺎ ﮈﺭ ﻧﮧ ﮨﻮ ۔ " ﻋﻮﺭﺕ ﮐﺎ ﻣﺮﺩ ﮐﻮ ﺳﻼﻡ ﮐﮩﻨﮯ ﮐﺎ ﺟﻮﺍﺯ ﻋﺎﻡ ﮨﮯ ﭼﺎﮨﮯ ﺍﺱ ﮐﺎ ﺗﻌﻠﻖ ﮐﺴﯽ ﻣﺠﻤﻊ ﺳﮯ ﮨﻮ ﯾﺎ ﻣﺨﺼﻮﺹ ﻣﻘﺎﻡ ﺳﮯ ﺑﺸﺮﻃﯿﮑﮧ ﻓﺘﻨﮧ ﮐﺎ ﮈﺭﻧﮧ ﮨﻮ۔
‏( ﻓﺘﺢ ﺍﻟﺒﺎﺭﯼ : 11/24 ‏)
ﻓﺘﺎﻭﯼٰ ﺛﻨﺎﺋﯿﮧ ﻣﺪﻧﯿﮧ / ﺟﻠﺪ /1 ﺻﻔﺤﮧ 816
ﻧﺎﻣﺤﺮﻡ ﺳﮯ ﻣﺼﺎﻓﺤﮧ ﮐﺮﻧﺎ ﯾﺎ ﺑﻮﺳﮧ ﺩﯾﻨﺎ :
ﻣﺴﻠﻤﺎﻥ ﮐﮯ ﻟﯿﮯ ﯾﮧ ﺟﺎﺋﺰ ﻧﮩﯿﮟ ﮐﮧ ﻭﮦ ﺍﭘﻨﯽ ﺑﯿﻮﯼ ﺍﻭﺭ ﺩﻭﺳﺮﯼ ﻣﺤﺮﻣﺎﺕ ﮐﮯ ﻋﻼﻭﮦ ﮐﺴﯽ ﻋﻮﺭﺕ ﺳﮯ ﮨﺎﺗﮫ ﻣﻼﺋﮯ ﯾﺎ ﺍﻧﮩﯿﮟ ﺑﻮﺳﮧ ﺩﮮ۔ ﺑﻠﮑﮧ ﯾﮧ ﺑﺎﺕ ﺣﺮﺍﻡ، ﻓﺘﻨﮧ ﺍﻭﺭ ﻓﻮﺍﺣﺶ ﮐﮯ ﻇﮩﻮﺭ ﮐﺎ ﺳﺒﺐ ﮨﮯ
ﺍﻭﺭ ﻭﮦ ﺣﺪﯾﺚ ﺟﺴﮯ ﺍﻣﺎﻡ ﺍﺣﻤﺪ ﻧﮯ ﺻﺤﯿﺢ ﺳﻨﺪ ﮐﮯ ﺳﺎﺗﮭـ ﺣﻀﺮﺕ ﺍﻣﯿﻤﮧ ﺑﻨﺖ ﺭﻗﯿﻘﮧ ﺳﮯ ﺭﻭﺍﯾﺖ ﮐﯿﺎ ﮨﮯ ﻭﮦ ﮐﮩﺘﯽ ﮨﯿﮟ ﮐﮧ :
ﻣﯿﮟ ﻋﻮﺭﺗﻮﮞ ﮐﮯ ﺳﺎﺗﻬـ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﭘﺎﺱ ﺁﺋﻲ ﺗﺎﮐﮧ ﮨﻢ ﺑﯿﻌﺖ ﮐﺮﯾﮟ، ﺗﻮ ﺁﭖ ﻧﮯ ﮨﻢ ﺳﮯ ﻗﺮﺁﻥ ﮐﮯ ﻣﻄﺎﺑﻖ ﻋﮩﺪ ﻟﯿﺎ ۔۔۔۔ ﭘﮭﺮ ﻭﮦ ﮐﮩﺘﯽ ﮨﯿﮟ ﮐﮧ : ﮨﻢ ﻧﮯ ﭘﻮﭼﮭﺎ : ﺍﮮ ﺍﻟﻠﮧ ﮐﮯ ﺭﺳﻮﻝ : ﮐﯿﺎ ﺁﭖ ﮨﻤﺎﺭﮮ ﺳﺎﺗﮭـ ﻣﺼﺎﻓﺤﮧ ﻧﮩﯿﮟ ﮐﺮﯾﮟ ﮔﮯ؟ ﺗﻮ ﺁﭖ ﻧﮯ ﻓﺮﻣﺎﯾﺎ : ﻣﯿﮟ ﻋﻮﺭﺗﻮﮞ ﮐﮯ ﺳﺎﺗﮭـ ﻣﺼﺎﻓﺤﮧ ﻧﮩﯿﮟ ﮐﺮﺗﺎ، ﻣﯿﺮﯼ ﺑﺎﺕ ﺍﯾﮏ ﻋﻮﺭﺕ ﻛﮯ ﻟﺌﮯ ﺟﻴﺴﮯ ﺍﻳﮏ ﺳﻮﻋﻮﺭﺕ ﻛﮯ ﻟﺌﮯ ﮨﮯ۔
ﻣﺴﻨﺪﺍﺣﻤﺪ 270,163/6
ﺻﺤﯿﺢ ﺑﺨﺎﺭﯼ / ﻓﺘﺢ ﺍﻟﺒﺎﺭﯼ / 7214,4891,41814180
ﺷﺮﺡ ﻧﻮﻭﯼ 10/13 - ﺳﻨﻦ ﺗﺮﻣﺬﯼ -3306 ﺳﻨﻦ ﺍﺑﻦ ﻣﺎﺟﮧ 2875
ﺣﻀﺮﺕ ﻋﺎﺋﺸﮧ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﻋﻮﺭﺗﻮﮞ ﺳﮯ ﺑﯿﻌﺖ ﮐﺎ ﻭﺍﻗﻌﮧ ﺑﯿﺎﻥ ﮐﺮﺗﮯ ﮨﻮﺋﮯ ﮐﮩﺘﯽ ﮨﯿﮟ ﮐﮧ :
ﺍﻟﻠﻪ ﻛﻰ ﻗﺴﻢ ﺍﻥ ﮐﮯ ﮨﺎﺗﮭـ ﻧﮯ ﺑﯿﻌﺖ ﮐﮯ ﻭﻗﺖ ﮐﺒﮭﯽ ﮐﺴﯽ ﻋﻮﺭﺕ ﮐﮯ ﮨﺎﺗﮭـ ﮐﻮ ﻧﮩﯿﮟ ﭼﮭﻮﯾﺎ، ﺍﻥ ﺳﮯ ﺻﺮﻑ ﯾﮧ ﮐﮩﮧ ﮐﺮ ﺑﯿﻌﺖ ﻟﯽ ﮐﮧ ﻣﯿﮟ ﻧﮯ ﺍﺱ ﭼﯿﺰ ﭘﺮ ﺗﻤﮩﺎﺭﯼ ﺑﯿﻌﺖ ﻟﯽ ﮨﮯ۔
ﻣﺴﻨﺪﺍﺣﻤﺪ -6/357 ﺍﻟﻤﻮﻃﺎ -2/982 ﺳﻨﻦ ﺍﺑﻦ ﻣﺎﺟﮧ 2874
ﺍﻭﺭ ﻏﯿﺮ ﻣﺤﺮﻡ ﻋﻮﺭﺗﻮﮞ ﮐﻮ ﺑﻮﺳﮧ ﺩﯾﻨﺎ ﺗﻮ ﻣﺼﺎﻓﺤﮧ ﺳﮯ ﺑﮭﯽ ﺑﺮﯼ ﭼﯿﺰ ﮨﮯ۔ ﺍﺱ ﺳﮯ ﮐﭽﮫ ﻓﺮﻕ ﻧﮩﯿﮟ ﭘﮍﺗﺎ ﮐﮧ ﻭﮦ ﭼﭽﺎ ﮐﯽ ﺑﯿﭩﯿﺎﮞ ﮨﯿﮟ ﯾﺎ ﻣﺎﻣﻮﮞ ﮐﯽ ﺑﯿﭩﯿﺎﮞ ﮨﯿﮟ ﯾﺎ ﮨﻤﺴﺎﺋﯿﺎﮞ ﮨﯿﮟ ﯾﺎ ﻗﺒﯿﻠﮧ ﮐﯽ ﻋﻮﺭﺗﯿﮟ ﮨﯿﮟ ۔ ﻣﺴﻠﻤﺎﻧﻮﮞ ﮐﮯ ﺍﺟﻤﺎﻉ ﮐﮯ ﻣﻄﺎﺑﻖ ﯾﮧ ﮐﺎﻡ ﺣﺮﺍﻡ ﮨﮯ ﺍﻭﺭ ﺣﺮﺍﻡ ﺑﮯ ﺣﯿﺎﺋﯿﻮﮞ ﮐﮯ ﻭﺍﻗﻊ ﮨﻮﻧﮯ ﮐﮯ ﻭﺳﺎﺋﻞ ﻣﯿﮟ ﺳﮯ ﺍﯾﮏ ﺑﮩﺖ ﺑﮍﺍ ﻭﺳﯿﻠﮧ ﮨﮯ۔ ﻟﮩٰﺬﺍ ﮨﺮ ﻣﺴﻠﻤﺎﻥ ﮐﮯ ﻟﯿﮯ ﺍﺱ ﺳﮯ ﺑﭽﻨﺎ ﻻﺯﻡ ﮨﮯ ﺍﻭﺭ ﺍﻥ ﮐﺎﻣﻮﮞ ﮐﯽ ﻋﺎﺩﯼ ﺗﻤﺎﻡ ﻋﻮﺭﺗﻮﮞ ﮐﻮ ﺍﻗﺎﺭﺏ ﺳﮯ ﺍﻭﺭ ﺩﻭﺳﺮﻭﮞ ﺳﮯ ﭘﺮﺩﮦ ﮐﺮﻧﺎ ﻭﺍﺟﺐ ﮨﮯ۔ ﮐﯿﻮﻧﮑﮧ ﯾﮧ ﺳﺐ ﺑﺎﺗﯿﮟ ﺣﺮﺍﻡ ﮨﯿﮟ ۔ ﺍﮔﺮﭼﮧ ﻟﻮﮒ ﺍﻥ ﮐﮯ ﻋﺎﺩﯼ ﮨﻮﮞ ﺍﻭﺭ ﮐﺴﯽ ﻣﺴﻠﻤﺎﻥ ﻣﺮﺩ ﯾﺎ ﻋﻮﺭﺕ ﮐﻮ ﺍﯾﺴﺎ ﮐﺮﻧﺎ ﺟﺎﺋﺰ ﻧﮩﯿﮟ ۔ ﺍﮔﺮﭼﮧ ﺍﻥ ﮐﮯ ﺭﺷﺘﮧ ﺩﺍﺭ ﯾﺎ ﺍﮨﻞ ﻭﻃﻦ ﺍﯾﺴﺎ ﮐﺮﻧﮯ ﮐﮯ ﻋﺎﺩﯼ ﮨﻮﮞ ۔ ﺑﻠﮑﮧ ﺍﺱ ﮐﺎ ﺍﻧﮑﺎﺭ ﺍﻭﺭ ﭘﻮﺭﮮ ﻣﻌﺎﺷﺮﮦ ﮐﻮ ﺍﺱ ﺳﮯ ﮈﺭﺍﻧﺎ ﻭﺍﺟﺐ ﮨﮯ ﺍﻭﺭ ﻣﺼﺎﻓﺤﮧ ﯾﺎ ﺑﻮﺳﮧ ﮐﮯ ﺑﻐﯿﺮ ﺻﺮﻑ ﺳﻼﻡ ﮐﮯ ﺳﺎﺗﮫ ﮐﻼﻡ ﭘﺮ ﺍﮐﺘﻔﺎ ﮐﺮﻧﺎ ﭼﺎﮨﯿﮯ۔
ﻓﺘﺎﻭﯼ ﺑﻦ ﺑﺎﺯ ﺭﺣﻤﮧ ﺍﻟﻠﮧ / ﺟﻠﺪﺍﻭﻝ / ﺻﻔﺤﮧ 186
ﺁﺩﻣﯽ ﮐﺎﺍﭘﻨﯽ ﺑﺎﻟﻎ ﺑﯿﭩﯽ ‏( ﺧﻮﺍﮦ ﺷﺎﺩﯼ ﺷﺪﮦ ﮨﻮﯾﺎﻏﯿﺮﺷﺎﺩﯼ ﺷﺪﮦ ‏) ﮐﻮﺑﻮﺳﮧ ﺩﯾﻨﺎ :
ﺍﺱ ﻣﯿﮟ ﮐﻮﺋﯽ ﺣﺮﺝ ﻧﮩﯿﮟ ﮐﮧ ﺍٓﺩﻣﯽ ﺍﭘﻨﯽ ﭼﮭﻮﭨﯽ ﯾﺎ ﺑﮍﯼ ﺑﯿﭩﯽ ﮐﻮ ﺷﮩﻮﺕ ﮐﮯ ﺑﻐﯿﺮ ﺑﻮﺳﮧ ﺩﮮ ﺍﻭﺭ ﺍﮔﺮ ﺑﭽﯽ ﺑﮍﯼ ﮨﻮ ﺗﻮ ﺑﻮﺳﮧ ﺭﺧﺴﺎﺭ ﭘﺮ ﮨﻮﻧﺎ ﭼﺎﮨﯿﮯ ﺟﯿﺴﺎ ﮐﮧ ﺣﻀﺮﺕ ﺍﺑﻮ ﺑﮑﺮ ﺻﺪﯾﻖؓ ﺳﮯ ﺛﺎﺑﺖ ﮨﮯ ﮐﮧ ﺍﻧﮩﻮﮞ ﻧﮯ ﺍﭘﻨﯽ ﻟﺨﺖ ﺟﮕﺮ ﺣﻀﺮﺕ ﻋﺎﺋﺸﮧؓ ﮐﮯ ﺭﺧﺴﺎﺭ ﭘﺮ ﺑﻮﺳﮧ ﺩﯾﺎ ﺗﮭﺎ۔
ﻣﻨﮧ ﭘﺮ ﺑﻮﺳﮧ ﺩﯾﻨﮯ ﺳﮯ ﺟﻨﺴﯽ ﺷﮩﻮﺕ ﮐﻮ ﺗﺤﺮﯾﮏ ﮨﻮﺗﯽ ﮨﮯ ﻟﮩٰﺬﺍ ﺯﯾﺎﺩﮦ ﺑﮩﺘﺮ ﺍﻭﺭ ﺯﯾﺎﺩﮦ ﻣﺤﺘﺎﻁ ﺑﺎﺕ ﯾﮧ ﮨﮯ ﮐﮧ ﻣﻨﮧ ﭘﺮ ﺑﻮﺳﮧ ﻧﮧ ﺩﯾﺎ ﺟﺎﺋﮯ، ﺍﺳﯽ ﻃﺮﺡ ﺑﯿﭩﯽ ﺑﮭﯽ ﺷﮩﻮﺕ ﮐﮯ ﺑﻐﯿﺮ ﺍﭘﻨﮯ ﺑﺎﭖ ﮐﯽ ﻧﺎﮎ ﭘﺮ ﺍﺱ ﮐﮯ ﺳﺮ ﭘﺮ ﺑﻮﺳﮧ ﺩﮮ ﺳﮑﺘﯽ ﮨﮯ، ﺷﮩﻮﺕ ﮐﮯ ﺳﺎﺗﮫ ﺑﻮﺳﮧ ﺳﺐ ﮐﮯ ﻟﺌﮯ ﺣﺮﺍﻡ ﮨﮯ ﺗﺎﮐﮧ ﻓﺘﻨﮯ ﮐﻮ ﺧﺘﻢ ﺍﻭﺭ ﻓﺤﺎﺷﯽ ﮐﺎ ﺳﺪﺑﺎﺏ ﮐﯿﺎ ﺟﺎ ﺳﮑﮯ۔
ﻓﺘﺎﻭﯼٰ ﺍﺳﻼﻣﯿﮧ ﺟﻠﺪ /3 ﺻﻔﺤﮧ 92
. ﻃﺎﻟﺐ ﻋﻠﻢ ﮐﺎﮐﻼﺱ ﮐﯽ ﻃﺎﻟﺒﮧ ﮐﻮﺳﻼﻡ،ﺑﻮﺳﮧ ﯾﺎﻣﺼﺎﻓﺤﮧ ﮐﺮﻧﺎ :
ﭘﮩﻠﯽ ﺑﺎﺕ ﺗﻮ ﯾﮧ ﮨﮯ ﮐﮧ ﻃﻠﺒﮧ ﮐﮯ ﻟﺌﮯ ﯾﮧ ﺟﺎﺋﺰ ﻧﮩﯿﮟ ﮐﮧ ﻭﮦ ﻟﮍﮐﯿﻮﮞ ﮐﮯ ﺳﺎﺗﮫ ﺍﯾﮏ ﮨﯽ ﻣﻘﺎﻡ ﭘﺮ، ﺍﯾﮏ ﮨﯽ ﻣﺪﺭﺳﮧ ﻣﯿﮟ، ﺍﯾﮏ ﮨﯽ ﺑﻨﭻ ﭘﺮ ﺑﯿﭩﮫ ﮐﺮ ﺗﻌﻠﯿﻢ ﺣﺎﺻﻞ ﮐﺮﯾﮟ ﮐﯿﻮﻧﮑﮧ ﯾﮧ ﻓﺘﻨﮯ ﮐﺎ ﺍﯾﮏ ﺑﮩﺖ ﺑﮍﺍ ﺳﺒﺐ ﮨﮯ ﻟﮩٰﺬﺍ ﻓﺘﻨﮯ ﮐﯽ ﻭﺟﮧ ﺳﮯ ﻃﻠﺒﮧ ﻭ ﻃﺎﻟﺒﺎﺕ ﮐﮯ ﻟﺌﮯ ﯾﮧ ﺍﺧﺘﻼﻁ ﺟﺎﺋﺰ ﻧﮩﯿﮟ ﮨﮯ ﮨﺎﮞ ﺍﻟﺒﺘﮧ ﺍﻧﮩﯿﮟ ﺷﺮﻋﯽ ﺳﻼﻡ ﮐﮩﻨﮯ ﻣﯿﮟ ﮐﻮﺋﯽ ﺣﺮﺝ ﻧﮩﯿﮟ ﮨﮯ ﺟﺒﮑﮧ ﺍﺳﺒﺎﺏ ﻓﺘﻨﮧ ﮐﮯ ﺩﺭﭘﮯ ﮨﻮﻧﺎ ﻣﻘﺼﻮﺩ ﻧﮧ ﮨﻮ، ﺍﺱ ﻃﺮﺡ ﻃﺎﻟﺒﺎﺕ ﺑﮭﯽ ﻃﻠﺒﮧ ﮐﻮ ﺳﻼﻡ ﮐﮩﮧ ﺳﮑﺘﯽ ﮨﯿﮟ ﻟﯿﮑﻦ ﻣﺼﺎﻓﺤﮧ ﻧﮩﯿﮟ ﮐﺮ ﺳﮑﺘﯿﮟ ﮐﯿﻮﻧﮑﮧ ﮐﺴﯽ ﺍﺟﻨﺒﯽ ﺳﮯ ﻣﺼﺎﻓﺤﮧ ﮐﺮﻧﺎ ﺟﺎﺋﺰ ﻧﮩﯿﮟ ﺑﻠﮑﮧ ﭘﺮﺩﮦ ﮐﯽ ﭘﺎﺑﻨﺪﯼ ﮐﮯ ﺳﺎﺗﮫ ﺳﻼﻡ ﺩﻭﺭ ﮨﯽ ﺳﮯ ﮨﻮﻧﺎ ﭼﺎﮨﯿﮯ، ﺍﺳﺒﺎﺏ ﻓﺘﻨﮧ ﺳﮯ ﺑﮭﯽ ﺩﻭﺭﯼ ﺍﺧﺘﯿﺎﺭ ﮐﯽ ﺟﺎﺋﮯ ﺍﻭﺭ ﺧﻠﻮﺕ ﺳﮯ ﺑﮭﯽ ﺍﺟﺘﻨﺎﺏ ﮐﯿﺎ ﺟﺎﺋﮯ، ﻭﮦ ﺷﺮﻋﯽ ﺳﻼﻡ ﺟﺲ ﻣﯿﮟ ﻓﺘﻨﮧ ﻧﮧ ﮨﻮ ﺍﺱ ﻣﯿﮟ ﮐﻮﺋﯽ ﺣﺮﺝ ﻧﮩﯿﮟ ﺍﻭﺭ ﺍﮔﺮ ﻃﺎﻟﺐ ﻋﻠﻢ ﯾﺎ ﻃﺎﻟﺒﮧ ﮐﺎ ﺳﻼﻡ ﻓﺘﻨﮯ ﮐﺎ ﺳﺒﺐ ﮨﻮ ﯾﻌﻨﯽ ﺍﮔﺮ ﯾﮧ ﺷﮩﻮﺕ ﯾﺎ ﺣﺮﺍﻡ ﮐﯽ ﺭﻏﺒﺖ ﮐﯽ ﻭﺟﮧ ﺳﮯ ﮨﻮ ﺗﻮ ﭘﮭﺮ ﯾﮧ ﺑﮭﯽ ﺷﺮﻋﺎً ﻣﻤﻨﻮﻉ ﮨﮯ۔
ﻓﺘﺎﻭﯼٰ ﺍﺳﻼﻣﯿﮧ / ﺟﻠﺪ /3 ﺻﻔﺤﮧ 83
ﺑﺪﻋﺘﯽ ﮐﻮ ﺳﻼﻡ ﯾﺎ ﺟﻮﺍﺏ :
ﺍﮔﺮ ﺍﯾﺴﺎ ﺑﺪﻋﺘﯽ ﮐﺎﻓﺮ ﯾﺎ ﻣﺸﺮﮎ ﮨﮯ ﺗﻮ ﺟﻮﺍﺏ ﻣﯿﮟ ﻋﻠﯿﮏ ﯾﺎ ﻋﻠﯿﮑﻢ ﻭﺭﻧﮧ ﻭﻋﻠﯿﮏ ﺍﻟﺴﻼﻡ ﯾﺎ ﻭﻋﻠﯿﮑﻢ ﺍﻟﺴﻼﻡ ﮐﮩﺎ ﺟﺎﺋﮯ ﺍﺳﯽ ﻃﺮﺡ ﺍﮔﺮ ﺑﺪﻋﺘﯽ ﮐﺎﻓﺮ ﯾﺎ ﻣﺸﺮﮎ ﮨﮯ ﺗﻮ ﺳﻼﻡ ﮐﮩﻨﮯ ﻣﯿﮟ ﺍﺑﺘﺪﺍﺀ ﻧﮧ ﮐﺮﮮ ۔
ﻗﺮﺁﻥ ﻭﺣﺪﯾﺚ ﮐﯽ ﺭﻭﺷﻨﯽ ﻣﯿﮟ ﺍﺣﮑﺎﻡ ﻭﻣﺴﺎﺋﻞ
ﺟﻠﺪ 01 / ﺻﻔﺤﮧ /532 ﻣﺤﺪﺙ ﻓﺘﻮﯼٰ
ﮨﺎﺗﮫ ﮐﮯ ﺍﺷﺎﺭﮦ ﮐﮯ ﺳﺎﺗﮫ ﺳﻼﻡ ﮐﺮﻧﺎ :
ﺍﺷﺎﺭﮦ ﮐﮯ ﺳﺎﺗﮫ ﺳﻼﻡ ﮐﺮﻧﺎ ﺟﺎﺋﺰ ﻧﮩﯿﮟ ﺑﻠﮑﮧ ﺳﻨﺖ ﯾﮧ ﮨﮯ ﮐﮧ ﺳﻼﻡ ﮐﻼﻡ ﮐﮯ ﺳﺎﺗﮫ ﮨﻮ ﺧﻮﺍﮦ ﺳﻼﻡ ﻣﯿﮟ ﭘﮩﻞ ﮐﯽ ﺟﺎﺋﮯ ﯾﺎ ﺳﻼﻡ ﮐﺎ ﺟﻮﺍﺏ ﺩﯾﺎ ﺟﺎﺋﮯ ﺍﻭﺭﺍﺷﺎﺭﮦ ﮐﮯ ﺳﺎﺗﮫ ﺳﻼﻡ ﮐﺮﻧﺎ ﺟﺎﺋﺰ ﻧﮩﯿﮟ ﮨﮯ ﮐﯿﻮﻧﮑﮧ ﺍﺱ ﻣﯿﮟ ﺑﻌﺾ ﮐﺎﻓﺮﻭﮞ ﮐﮯ ﺳﺎﺗﮫ ﻣﺸﺎﺑﮩﺖ ﮨﮯ ﺍﻭﺭ ﭘﮭﺮ ﺍﻟﻠﮧ ﺗﻌﺎﻟﯽ ﮐﮯ ﻣﻘﺮﺭﮐﺮﺩﮦ ﻃﺮﯾﻘﮯ ﮐﮯ ﺑﮭﯽ ﺧﻼﻑ ﮨﮯ۔
ﮨﺎﮞ ﺍﻟﺒﺘﮧ ﺍﮔﺮ ﺩﻭﺭﮨﻮﻧﮯ ﮐﯽ ﻭﺟﮧ ﺳﮯ ﺳﻼﻡ ﺯﺑﺎﻧﯽ ﺑﮭﯽ ﮐﮩﮧ ﺩﮮ ﺍﻭﺭﮨﺎﺗﮫ ﺳﮯ ﺍﺷﺎﺭﮦ ﮮﺑﮭﯽ ﮐﺮﺩﮮ ﺗﺎﮐﮧ ﺟﺲ ﮐﻮ ﺳﻼﻡ ﮐﯿﺎ ﮔﯿﺎ ﮨﻮﻭﮦ ﺳﻤﺠﮫ ﺟﺎﺋﮯ ﺗﻮﺍﺱ ﻣﯿﮟ ﮐﻮﺋﯽ ﺣﺮﺝ ﻧﮩﯿﮟ ﮐﯿﻮﻧﮑﮧ ﺩﻟﯿﻞ ﺳﮯ ﯾﮧ ﺛﺎﺑﺖ ﮨﮯ ،ﺍﺳﯽ ﻃﺮﺡ ﺟﺲ ﮐﻮ ﺳﻼﻡ ﮐﯿﺎ ﮔﯿﺎ ﮨﻮ ﺍﮔﺮ ﻭﮦ ﻧﻤﺎﺯ ﻣﯿﮟ ﻣﺸﻐﻮﻝ ﮨﻮ ﺗﻮ ﻭﮦ ﺑﮭﯽ ﺍﺷﺎﺭﮦ ﮐﮯ ﺳﺎﺗﮫ ﺟﻮﺍﺏ ﺩﮮ ﺳﮑﺘﺎ ﮨﮯ ﺟﯿﺴﺎ ﮐﮧ ﻧﺒﯽ ﮐﺮﯾﻢﷺﮐﯽ ﺳﻨﺖ ﺳﮯ ﯾﮧ ﺛﺎﺑﺖ ﮨﮯ ۔
ﻣﻘﺎﻻﺕ ﻭﻓﺘﺎﻭﯼٰ ﺍﺑﻦ ﺑﺎﺯ
ﺻﻔﺤﮧ /411 ﻣﺤﺪﺙ ﻓﺘﻮﯼٰ
ﺩﻭﺭﺍﻥِ ﺟﻤﺎﻋﺖ ﺁﻧﮯﻭﺍﻟﮯﺷﺨﺺ ﮐﺎﺳﻼﻡ ﺍﻭﺭﺣﺎﻟﺖِ ﻧﻤﺎﺯ ﮐﺎ ﺟﻮﺍﺏ :
ﻧﻤﺎﺯﯼ ﻧﻤﺎﺯ ﭘﮍﮪ ﺭﮨﮯ ﮨﻮﮞ ﺍﮐﯿﻠﮯ ﯾﺎ ﺑﺎﺟﻤﺎﻋﺖ ﺗﻮ ﺑﻌﺪ ﻣﯿﮟ ﺁﻧﮯ ﻭﺍﻻ ﺑﻠﻨﺪ ﺁﻭﺍﺯ ﺳﮯ ﺍﻟﺴﻼﻡ ﻋﻠﯿﮑﻢ ﮐﮩﮯ ﺭﺳﻮﻝ ﺍﻟﻠﮧﷺ ﻧﻤﺎﺯ ﭘﮍﮪ ﺭﮨﮯ ﮨﻮﺗﮯ ﺑﻌﺪ ﻣﯿﮟ ﺁﻧﮯ ﻭﺍﻟﮯ ﺻﺤﺎﺑﯽ﷢ ﺁﭖ ﮐﻮ ﺍﻟﺴﻼﻡ ﻋﻠﯿﮑﻢ ﮐﮩﺘﮯ ﺗﮭﮯ ﺍﻟﺒﺘﮧ ﺍﺗﻨﯽ ﺑﻠﻨﺪ ﺁﻭﺍﺯ ﺳﮯ ﺳﻼﻡ ﮐﮩﻨﺎ ﺟﺲ ﻣﯿﮟ ﺍﯾﮍﯼ ﭼﻮﭨﯽ ﮐﺎ ﺯﻭﺭ ﮨﻮ ﺗﻮ ﻭﮦ ﻭﯾﺴﮯ ﺑﮭﯽ ﺩﺭﺳﺖ ﻧﮩﯿﮟ ﴿ﺇِﻥَّ ﺃَﻧْﮑَﺮَ ﺍﻟْﺎَﺻْﻮَﺍﺕِ ﻟَﺼَﻮْﺕُ ﺍﻟْﺤَﻤِﯿْﺮِ)﴾ﻟﻖﻣﺎﻥ 19 ‏) ’’ ﺳﺐ ﺳﮯ ﺑﺮﯼ ﺁﻭﺍﺯ ﮔﺪﮬﮯ ﮐﯽ ﺁﻭﺍﺯ ﮨﮯ ‘‘ ﺭﮨﺎ ﺍﯾﺴﯽ ﺻﻮﺭﺕ ﻣﯿﮟ ﻧﻤﺎﺯ ﭘﮍﮬﻨﮯ ﻭﺍﻟﮯ ﮐﮯ ﺟﻮﺍﺏ ﺩﯾﻨﮯ ﮐﺎ ﻣﻌﺎﻣﻠﮧ ﺗﻮ ﻭﮦ ﺑﻮﻝ ﮐﺮ ﺯﺑﺎﻥ ﮐﮯ ﺳﺎﺗﮫ ﻭﻋﻠﯿﮑﻢ ﺍﻟﺴﻼﻡ ﻧﮩﯿﮟ ﮐﮩﮧ ﺳﮑﺘﺎ ﮨﺎﮞ ﮨﺎﺗﮫ ﻭﻏﯿﺮﮦ ﮐﮯ ﺍﺷﺎﺭﮮ ﮐﮯ ﺳﺎﺗﮫ ﺟﻮﺍﺏ ﺩﮮ ﺳﮑﺘﺎ ﮨﮯ ﺟﯿﺴﺎ ﮐﮧ ﺭﺳﻮﻝ ﺍﻟﻠﮧﷺﺳﮯ ﺛﺎﺑﺖ ﮨﮯ۔ ‏( ﺍﺑﻮﺩﺍﻭﺩ ﺍﻟﺼﻠﻮۃ ﺑﺎﺏ ﺭﺩ ﺍﻟﺴﻼﻡ ﻓﯽ ﺍﻟﺼﻠﻮۃ ، ﺗﺮﻣﺬﯼ ﺍﻟﺼﻠﻮۃ۔ ﺑﺎﺏ ﻣﺎ ﺟﺎﺀ ﻓﯽ ﺍﻹﺷﺎﺭۃ ﻓﯽ ﺍﻟﺼﻠﻮۃ ‏)
ﺍﺣﮑﺎﻡ ﻭ ﻣﺴﺎﺋﻞ ﻧﻤﺎﺯ ﮐﺎ ﺑﯿﺎﻥ / ﺟﻠﺪ /1 ﺻﻔﺤﮧ 160
ﻧﻤﺎﺯ ﮐﯽ ﺣﺎﻟﺖ ﻣﯿﮟ ﺳﻼﻡ ﮐﺮﻧﺎ ﺟﺎﺋﺰ ﮨﮯ ۔ ﺍﻟﻠﮧ ﮐﮯ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﺻﺤﺎﺑﮧ ﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮩﻢ ﺟﺐ ﻣﺴﺠﺪ ﻣﯿﮟ ﺁﺗﮯ ﺗﻮ ﺳﻼﻡ ﮐﮩﺘﮯ۔ ﺍﻟﻠﮧ ﮐﮯ ﺭﺳﻮﻝ ﻧﻤﺎﺯ ﻣﯿﮟ ﮨﻮﺗﮯ ﺗﻮ ﮨﺎﺗﮫ ﮐﮯ ﺳﺎﺗﮫ ﺍﺷﺎﺭﮦ ﮐﺮ ﺩﯾﺘﮯ ﺗﮭﮯ۔ ﺍﺱ ﮐﯽ ﺩﻟﯿﻞ
ﻋﺒﺪﺍﻟﻠﮧ ﺑﻦ ﻋﻤﺮﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮧ ﮐﯽ ﺣﺪﯾﺚ ﮨﮯ۔ ﮐﮩﺘﮯ ﮨﯿﮟ
'' ﻣﯿﮟ ﻧﮯ ﺑﻼﻝ ﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮧ ﺳﮯ ﮐﮩﺎ ﮐﮧ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺟﺐ ﻧﻤﺎﺯ ﭘﮍﮪ ﺭﮨﮯ ﮨﻮﺗﮯ ﺍﻭﺭ ﮐﻮﺋﯽ ﺳﻼﻡ ﮐﮩﮧ ﺩﯾﺘﺎ ﺗﻮ ﮐﯿﺴﮯ ﺟﻮﺍﺏ ﺩﯾﺘﮯ ﺗﮭﮯ ؟ ﺑﻼﻝ ﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮧ ﻧﮯ ﮐﮩﺎ ﮐﮧ ﺍﭘﻨﮯ ﮨﺎﺗﮫ ﺳﮯ ﺍﺷﺎﺭﮦ ﮐﺮ ﺩﯾﺘﮯ ﺗﮭﮯ۔ ‏( ﺍﻟﺘﺮﻣﺬﯼ ﻭﻗﺎﻝ ﺣﺴﻦ ﺻﺤﯿﺢ ‏)
ﻋﻼﻣﮧ ﻧﺎﺻﺮ ﺍﻟﺪﯾﻦ ﺍﻻ ﻟﺒﺎﻧﯽ ﻓﺮﻣﺎﺗﮯ ﮨﯿﮟ ﮐﮧ ﯾﮧ ﺣﺪﯾﺚ ﺑﺨﺎﺭﯼ ﻭ ﻣﺴﻠﻢ ﮐﯽ ﺷﺮﻁ ﭘﺮ ﮨﮯ ۔
‏( ﻣﺸﮑﻮۃ ﺟﻠﺪ۱، ﺻﻔﺤﮧ۳۱۴ ‏)
ﯾﮧ ﺣﺪﯾﺚ ﺍﺱ ﺑﺎﺕ ﮐﯽ ﺩﻟﯿﻞ ﮨﮯ ﮐﮧ ﺑﺎﮨﺮ ﺳﮯ ﻣﺴﺠﺪ ﻣﯿﮟ ﺩﺍﺧﻞ ﮨﻮﻧﮯ ﻭﺍﻻ ﺳﻼﻡ ﮐﮩﮧ ﺳﮑﺘﺎ ﮨﮯ ۔ ﺧﻮﺍﮦ ﺟﻤﺎﻋﺖ ﺑﮭﯽ ﮨﻮ ﺭﮨﯽ ﮨﻮ ۔ ﺍﮔﺮ ﯾﮧ ﺩﺭﺳﺖ ﻧﮧ ﮨﻮ ﺗﺎ ﺗﻮ ﺍﻟﻠﮧ ﮐﮯ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺧﻮﺩ ﮨﺎﺗﮫ ﮐﮯ ﺍﺷﺎﺭﮮ ﺳﮯ ﺟﻮﺍﺏ ﮨﯽ ﻧﮧ ﺩﯾﺘﮯ ، ﺑﻠﮑﮧ ﺍﺳﮯ ﺳﮯ ﺭﻭﮎ ﺩﯾﺘﮯ۔ ﺟﯿﺴﺎ ﮐﮧ ﻣﻨﮧ ﺳﮯ ﺟﻮﺍﺏ ﺩﯾﻨﮯ ﺳﮯ ﺭﻭﮎ ﺩﯾﺎ ﺗﮭﺎ۔
ﻋﺒﺪﺍﻟﻠﮧ ﺑﻦ ﻣﺴﻌﻮﺩﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮧ ﮐﮩﺘﮯ ﮨﯿﮟ ﮐﮧ ﮨﻢ ﺣﺒﺸﮧ ﺟﺎﻧﮯ ﺳﮯ ﭘﮩﻠﮯ ﺍﻟﻠﮧ ﮐﮯ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﻮ ﺳﻼﻡ ﮐﮩﺘﮯ ﺗﮭﮯ ﺗﻮ ﻧﺒﯽ ﮐﺮﯾﻢ ﻧﻤﺎﺯ ﮐﮯ ﺩﻭﺭﺍﻥ ﮨﯽ ﮨﻤﯿﮟ ﺟﻮﺍﺏ ﺩﮮ ﺩﯾﺘﮯ ﺗﮭﮯ۔ ﺟﺐ ﮨﻢ ﺣﺒﺸﮧ ﺳﮯ ﻭﺍﭘﺲ ﺁﺋﮯ ﺗﻮ ﻣﯿﮟ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﮯ ﭘﺎﺱ ﺁﯾﺎ۔ ﺩﯾﮑﮭﺎ ﮐﮧ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﻤﺎﺯ ﻣﯿﮟ ﻣﺸﻐﻮﻝ ﮨﯿﮟ۔ ﻣﯿﮟ ﻧﮯ ﺳﻼﻡ ﮐﯿﺎ ﺁﭖ ﻧﮯ ﺟﻮﺍﺏ ﻧﮧ ﺩﯾﺎ ﻧﻤﺎﺯ ﮐﮯ ﺑﻌﺪ ﻓﺮﻣﺎﯾﺎ :
)) ﺃﻥ ﺍﻟﻠﻪ ﻳﺤﺪﺙ ﻣﻦ ﺍﻣﺮﻩ ﻣﺎ ﻳﺸﺎﺀ ﻭ ﺇﻥ ﻣﻤﺎ ﺃﺣﺪﺙ ﺃﻥ ﻻ ﺗﺘﻜﻠﻤﻮﺍ ﻓﻰ ﺍﻟﺼﻠﻮﺓ ((. ‏( ﺭﻭﺍﻩ ﺃﺑﻮ ﺩﺍﺅﺩ ﻭﻗﺎﻝ ﺍﻟﺒﺎﻧﻰ ﺣﺴﻦ ‏)
'' ﮐﮧ ﺍﻟﻠﮧ ﺗﻌﺎﻟﯽٰ ﺍﭘﻨﺎ ﺟﻮ ﺣﮑﻢ ﻧﯿﺎ ﺩﯾﻨﺎ ﭼﺎﮨﺘﺎ ﮨﮯ، ﺩﮮ ﺩﯾﺘﺎ ﮨﮯ ﺍﻭﺭ ﺍﻟﻠﮧ ﺗﻌﺎﻟﯽٰ ﻧﮯ ﺟﻮ ﺍﯾﮏ ﻧﯿﺎ ﺣﮑﻢ ﺩﯾﺎ ﮨﮯ ﻭﮦ ﯾﮧ ﮐﮧ ﻧﻤﺎﺯ ﻣﯿﮟ ﮐﻼﻡ ﻧﮧ ﮐﺮﻭ '' ۔
ﺍﻥ ﺍﺣﺎﺩﯾﺚ ﺭﺳﻮﻝ ﺍ ﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺳﮯ ﺛﺎﺑﺖ ﮨﻮﺍ ﮐﮧ ﻣﺴﺠﺪ ﻣﯿﮟ ﺩﺍﺧﻞ ﮨﻮﻧﮯ ﻭﺍﻻ ﺳﻼﻡ ﮐﮩﮯ ﺍﻭﺭ ﻧﻤﺎﺯ ﻣﯿﮟ ﻣﺸﻐﻮﻝ ﺁﺩﻣﯽ ﮨﺎﺗﮫ ﮐﮯ ﺍﺷﺎﺭﮮ ﺳﮯ ﺟﻮﺍﺏ ﺩﮮ ۔ ﻣﻨﮧ ﺳﮯ ﺟﻮﺍﺏ ﺩﯾﻨﺎ ﺍﺱ ﺣﺎﻟﺖ ﻣﯿﮟ ﺩﺭﺳﺖ ﻧﮩﯿﮟ ۔
ﺁﭖ ﮐﮯ ﻣﺴﺎﺋﻞ ﺍﻭﺭ ﺍﻥ ﮐﺎ ﺣﻞ / ﺟﻠﺪ /1 ﻣﺤﺪﺙ ﻓﺘﻮﯼٰ
ﺩﻭﺭﺍﻥ ﻧﻤﺎﺯ ﺍﻧﺴﺎﻥ ﮐﻮ ﺍﯾﺴﺎ ﮐﺎﻡ ﻧﮩﯿﮟ ﮐﺮﻧﺎ ﭼﺎﮨﯿﮯ ﺟﻮ ﻧﻤﺎﺯ ﮐﺎ ﺣﺼﮧ ﻧﮩﯿﮟ ﮨﮯ ﺍﻭﺭ ﻧﮧ ﮨﯽ ﺑﺎﮨﺮ ﺳﮯ ﺍٓﻧﮯ ﻭﺍﻟﮯ ﮐﻮﮐﻮﺋﯽ ﺍﯾﺴﺎ ﮐﺎﻡ ﮐﺮﻧﮯ ﮐﯽ ﺍﺟﺎﺯﺕ ﮨﮯ ﺟﺲ ﺳﮯ ﻧﻤﺎﺯﯼ ﺣﻀﺮﺍﺕ ﮐﺎ ﺧﺸﻮﻉ ﻣﺘﺎﺛﺮ ﮨﻮ ،ﻟﯿﮑﻦ ﺑﻌﺾ ﮐﺎﻡ ﺍﯾﺴﮯ ﮨﯿﮟ ﺟﻮ ﻧﻤﺎ ﺯ ﮐﺎ ﺣﺼﮧ ﻧﮧ ﮨﻮﻧﮯ ﮐﮯ ﺑﺎﻭﺟﻮﺩ ﺑﮭﯽ ﺩﻭﺭﺍﻥ ﻧﻤﺎﺯ ﮐﺌﮯ ﺟﺎﺳﮑﺘﮯ ﮨﯿﮟ ﮐﯿﻮﻧﮑﮧ ﺷﺮﯾﻌﺖ ﻧﮯ ﺍﻥ ﮐﯽ ﺍﺟﺎﺯﺕ ﺩﯼ ﮨﮯ،ﺍﺱ ﻃﺮﺡ ﮐﭽﮫ ﮐﺎﻡ ﺍﯾﺴﮯ ﮨﯿﮟ ﮐﮧ ﺑﺎﮨﺮ ﺳﮯ ﺍٓﻧﮯ ﻭﺍﻻ ﺍﻧﮩﯿﮟ ﺳﺮﺍﻧﺠﺎﻡ ﺩﮮ ﺳﮑﺘﺎ ﮨﮯ،ﺍﮔﺮﭼﮧ ﺍﺱ ﺳﮯ ﮐﺴﯽ ﺣﺪﺗﮏ ﻧﻤﺎﺯﯼ ﮐﺎ ﺧﺸﻮﻉ ﻣﺘﺎﺛﺮ ﮨﻮﺗﺎ ﮨﮯ۔ ﺍﻥ ﻣﯿﮟ ﺳﻼﻡ ﮐﺎ ﮐﮩﻨﺎ ﺍﻭﺭ ﺍﺱ ﮐﺎ ﻣﺨﺼﻮﺹ ﺍﻧﺪﺍﺯ ﺳﮯ ﺟﻮﺍﺏ ﺩﯾﻨﺎ ﺑﮭﯽ ﮨﮯ ﻭﺍﺿﺢ ﺭﮨﮯ ﮐﮧ ﻧﻤﺎﺯ ﺳﮯﻣﺘﻌﻠﻘﮧ ﺍﺣﮑﺎﻡ ﮐﯽ ﺗﮑﻤﯿﻞ ﮐﺌﯽ ﺍﯾﮏ ﻣﺮﺍﺣﻞ ﻣﯿﮟ ﮨﻮﺗﯽ ﮨﮯ۔ﭼﻨﺎﻧﭽﮧ ﭘﮩﻠﮯ ﺩﻭﺭﺍﻥ ﻧﻤﺎﺯ ﺑﺎﮨﺮ ﺳﮯ ﺍٓﻧﮯ ﻭﺍﻟﻮﮞ ﮐﻮ ﺳﻼﻡ ﮐﮩﻨﮯ ﺍﻭﺭ ﻧﻤﺎﺯﯾﻮﮞ ﮐﻮ ﺍﺱ ﮐﺎ ﺟﻮﺍﺏ ﺩﯾﻨﮯ ﮐﯽ ﺍﺟﺎﺯﺕ ﺗﮭﯽ ،ﻟﯿﮑﻦ ﺑﻌﺪ ﻣﯿﮟ ﺍﺱ ﺍﺟﺎﺯﺕ ﮐﻮ ﺧﺘﻢ ﮐﺮﺩﯾﺎﮔﯿﺎ۔
ﺣﻀﺮﺕ ﻋﺒﺪﺍﻟﻠﮧ ﺑﻦ ﻣﺴﻌﻮﺩؓ ﮐﮩﺘﮯ ﮨﯿﮟ ﮐﮧ ﺭﺳﻮﻝ ﺍﻟﻠﮧﷺ ﺟﺐ ﻧﻤﺎﺯ ﭘﮍﮪ ﺭﮨﮯ ﮨﻮﺗﮯ ﺗﻮ ﮨﻢ ﺍٓﭖ ﮐﻮ ﺳﻼﻡ ﮐﮩﺘﮯ ﺍﻭﺭ ﺍٓﭖ ﺍﺱ ﮐﺎ ﺩﻭﺭﺍﻥ ﻧﻤﺎﺯ ﺟﻮﺍﺏ ﺑﮭﯽ ﺩﯾﺘﮯ ﺗﮭﮯ ﻟﯿﮑﻦ ﺣﺒﺸﮧ ﮐﮯﻓﺮﻣﺎﻧﺮﻭﺍ ﺣﻀﺮﺕ ﻧﺠﺎﺷﯽ ﮐﮯ ﭘﺎﺱ ﺳﮯ ﻭﺍﭘﺲ ﻣﺪﯾﻨﮧ ﺍٓﺋﮯ ﺗﻮ ﻣﯿﮟ ﻧﮯ ﺭﺳﻮﻝ ﺍﻟﻠﮧﷺ ﮐﻮ ﺣﺴﺐ ﻣﻌﻤﻮﻝ ﺩﻭﺭﺍﻥ ﻧﻤﺎﺯ ﺳﻼﻡ ﮐﮩﺎ ﻟﯿﮑﻦ ﺍٓﭖ ﻧﮯ ﺍﺱ ﮐﺎ ﺟﻮﺍﺏ ﻧﮧ ﺩﯾﺎ ﻣﯿﺮﮮ ﺩﻝ ﻣﯿﮟ ﺍﺱ ﺳﮯﻣﺘﻌﻠﻖ ﻃﺮﺡ ﻃﺮﺡ ﮐﮯ ﺧﯿﺎﻻﺕ ﺍٓﻧﮯ ﻟﮕﮯ۔ ﺟﺐ ﺍٓﭖ ﻧﮯ ﺳﻼﻡ ﭘﮭﯿﺮﺍ ﺗﻮ ﻣﯿﮟ ﻧﮯ ﺍﺱ ﮐﮯ ﻣﺘﻌﻠﻖ ﺍٓﭖ ﺳﮯ ﺩﺭﯾﺎﻓﺖ ﮐﯿﺎ ۔ﺍٓﭖ ﻧﮯ ﻓﺮﻣﺎﯾﺎ ‘‘: ﻧﻤﺎﺯ ﻣﯿﮟ ﻣﺼﺮﻭﻓﯿﺖ ﮨﻮﺗﯽ ﮨﮯ۔ ’’
‏( ﺻﺤﯿﺢ ﻣﺴﻠﻢ ،ﺍﻟﻤﺴﺎﺟﺪ : ۱۲۰۱ ‏)
ﺍﯾﮏ ﺭﻭﺍﯾﺖ ﻣﯿﮟ ﮨﮯ ﮐﮧ ﺟﺐ ﻣﯿﮟ ﻧﮯ ﺍٓﭖ ﮐﻮ ﺳﻼﻡ ﮐﮩﺎ ﺗﻮ ﺍٓﭖ ﻧﮯ ﻣﯿﺮﯼ ﻃﺮﻑ ﺍﺷﺎﺭﮦ ﻓﺮﻣﺎﯾﺎ۔
‏( ﺻﺤﯿﺢ ﻣﺴﻠﻢ : ۱۲۰۵ ‏)
ﺍﻥ ﺭﻭﺍﯾﺎﺕ ﺳﮯﻣﻌﻠﻮﻡ ﮨﻮﺗﺎ ﮨﮯ ﮐﮧ ﺩﻭﺭﺍﻥ ﻧﻤﺎﺯ ﺳﻼﻡ ﮐﮩﺎ ﺟﺎ ﺳﮑﺘﺎ ﮨﮯ ﻟﯿﮑﻦ ﺍﯾﺴﺎ ﮐﺮﻧﺎ ﺿﺮﻭﺭﯼ ﻧﮩﯿﮟ ﮨﮯ ﮐﮧ ﺍﮔﺮ ﻧﮧ ﮐﮩﺎ ﺟﺎﺋﮯ ﺗﻮ ﮐﺴﯽ ﻓﺮﺽ ﮐﺎ ﺗﺎﺭﮎ ﻗﺮﺍﺭ ﭘﺎﺋﮯ،ﺍ ﺱ ﻟﺌﮯ ﺑﺎﮨﺮ ﺳﮯ ﺍٓﻧﮯ ﻭﺍﻟﮯ ﮐﻮ ﭼﺎﮨﯿﮯ ﮐﮧ ﺍﮔﺮ ﻭﮦ ﺳﻼﻡ ﮐﮩﻨﺎ ﭼﺎﮨﺘﺎ ﮨﮯ ﺗﻮ ﺑﺎٓﻭﺍﺯ ﺑﻠﻨﺪ ﺳﻼﻡ ‘‘ ﭘﮭﯿﻨﮑﻨﮯ ’’ ﮐﯽ ﺑﺠﺎﺋﮯ ﻧﮩﺎﯾﺖ ﺷﺎﺋﺴﺘﮕﯽ ﺍﻭﺭ ﺍٓﮨﺴﺘﮕﯽ ﺳﮯﺳﻼﻡ ﮐﮩﮯ۔ﻧﻤﺎﺯ ﻣﯿﮟ ﻣﺼﺮﻭﻑ ﺍﻧﺴﺎﻥ ﮐﮯﻟﺌﮯ ﺍﺱ ﮐﺎ ﺟﻮﺍﺏ ﮐﮩﻨﺎ ﺩﻭﻃﺮﺡ ﺳﮯ ﺟﺎﺋﺰ ﮨﮯ۔
‏( ۱ ‏) ﻧﻤﺎﺯ ﺳﮯ ﻓﺮﺍﻏﺖ ﮐﮯﺑﻌﺪ ﺯﺑﺎﻥ ﺳﮯ ﺍﺱ ﮐﺎ ﺟﻮﺍﺏ ﺩﮮ ﺩﮮ، ﺟﯿﺴﺎﮐﮧ ﺣﻀﺮﺕ ﻋﺒﺪﺍﻟﻠﮧ ﺑﻦ ﻣﺴﻌﻮﺩؓ ﺭﻭﺍﯾﺖ ﮐﺮﺗﮯ ﮨﯿﮟ ﮐﮧ ﺍﻧﮩﻮﮞ ﻧﮯ ﺭﺳﻮﻝ ﺍﻟﻠﮧﷺ ﮐﻮ ﺩﻭﺭﺍﻥ ﻧﻤﺎﺯ ﺳﻼﻡ ﮐﮩﺎ ﺗﻮ ﺍٓﭖ ﻧﮯ ﻓﺮﺍﻏﺖ ﮐﮯﺑﻌﺪ ﺍﺱ ﮐﺎ ﺟﻮﺍﺏ ﺩﯾﺎ ﺍﻭﺭ ﺍﺱ ﮐﮯ ﺳﺎﺗﮫ ﺳﺎﺗﮫ ﻭﺿﺎﺣﺖ ﺑﮭﯽ ﮐﺮﺩﯼ۔
‏( ﺍﺑﻮﺩﺍﺅﺩ،ﺍﻟﺼﻠﻮٰۃ : ۹۴۲ ‏)
‏( ۲ ‏) ﺩﻭﺭﺍﻥ ﻧﻤﺎﺯ ﺍﭘﻨﮯ ﮨﺎﺗﮫ ﮐﮯﺍﺷﺎﺭﮦ ﺳﮯ ﺑﮭﯽ ﺟﻮﺍﺏ ﺩﯾﺎ ﺟﺎﺳﮑﺘﺎ ﮨﮯ ﻟﯿﮑﻦ ﺯﺑﺎﻥ ﺳﮯﮐﭽﮫ ﻧﮩﯿﮟ ﮐﮩﻨﺎ ﭼﺎﮨﯿﮯ۔ﭼﻨﺎﻧﭽﮧ ﺣﻀﺮﺕ ﻋﺒﺪﺍﻟﻠﮧ ﺑﻦ ﻋﻤﺮؓ ﺭﻭﺍﯾﺖ ﮐﺮﺗﮯ ﮨﯿﮟ ﮐﮧ ﺭﺳﻮﻝ ﺍﻟﻠﮧﷺ ﺍﯾﮏ ﺩﻓﻌﮧ ﻣﺴﺠﺪ ﻗﺒﺎﺗﺸﺮﯾﻒ ﻟﮯﮔﺌﮯ۔ﻭﮨﺎﮞ ﺍٓﭖ ﻧﮯ ﻧﻤﺎﺯ ﭘﮍﮬﯽ ﺗﻮ ﻭﮨﺎﮞ ﻣﻘﯿﻢ ﺍﻧﺼﺎﺭﯼ ﺣﻀﺮﺍﺕ ﺩﻭﺭﺍﻥ ﻧﻤﺎﺯ ﺍٓﭖ ﮐﻮ ﺳﻼﻡ ﮐﺮﻧﮯ ﻟﮕﮯ۔ﺭﺳﻮﻝ ﺍﻟﻠﮧﷺ ﮐﮯﮨﻤﺮﺍﮦ ﺣﻀﺮﺕ ﺻﮩﯿﺐ ؓ ﺗﮭﮯ،ﺍﺱ ﻟﯿﮯ ﻣﯿﮟ ﻧﮯ ﺍﻥ ﺳﮯﺩﺭﯾﺎﻓﺖ ﮐﯿﺎ ﮐﮧ ﺭﺳﻮﻝ ﺍﻟﻠﮧﷺ ﺍﻥ ﮐﮯ ﺳﻼﻡ ﮐﺎ ﺟﻮﺍﺏ ﮐﯿﺴﮯ ﺩﯾﺘﮯ ﺗﮭﮯﺍﻧﮩﻮﮞ ﻧﮯ ﮐﮩﺎ ﺍٓﭖ ﺍﭘﻨﮯ ﮨﺎﺗﮫ ﺳﮯ ﺍﺷﺎﺭﮦ ﮐﺮﺗﮯ ﺗﮭﮯ۔
‏( ﺍﺑﻦ ﻣﺎﺟﮧ،ﺍﻗﺎﻣۃ ﺍﻟﺼﻠﻮٰۃ : ۱۰۱۷ ‏)
ﺣﻀﺮﺕ ﻋﺒﺪﺍﻟﻠﮧ ﺑﻦ ﻋﻤﺮؓ ﻧﮯ ﺣﻀﺮﺕ ﺑﻼ ﻝ ؓ ﺳﮯ ﺑﮭﯽ ﯾﮩﯽ ﺳﻮﺍﻝ ﮐﯿﺎ ﺗﮭﺎ ﺗﻮ ﺍﻧﮩﻮﮞ ﻧﮯ ﺑﮭﯽ ﻭﮨﯽ ﺟﻮﺍﺏ ﺩﯾﺎ ﺟﻮ ﺣﻀﺮﺕ ﺻﮩﯿﺐ ؒ ﻧﮯ ﺩﯾﺎ ﺗﮭﺎ۔
‏( ﺟﺎﻣﻊ ﺗﺮﻣﺬﯼ،ﺍﻟﺼﻠﻮٰۃ : ۳۶۸ )
ﺟﺒﮑﮧ ﺍﺑﻮﺩﺍﺅﺩ ﻣﯿﮟ ﮨﮯ ﮐﮧ ﺣﻀﺮﺕ ﺑﻼﻝ ؓ ﻧﮯ ﺍﭘﻨﺎ ﮨﺎﺗﮫ ﭘﮭﯿﻼ ﮐﺮ ﻭﺿﺎﺣﺖ ﻓﺮﻣﺎﺋﯽ ﮐﮧ ﺭﺳﻮﻝ ﺍﻟﻠﮧﷺ ﺩﻭﺭﺍﻥ ﻧﻤﺎﺯ ﺍﺱ ﻃﺮﺡ ﺟﻮﺍﺏ ﺩﯾﺘﮯ ﺗﮭﮯ۔ ‏( ﺍﺑﻮﺩﺍﺅﺩ،ﺍﻟﺼﻠﻮٰۃ : ۹۲۷ ‏)
ﺩﺭﺍﺻﻞ ﺷﺮﯾﻌﺖ ﺑﻌﺾ ﺍﻭﻗﺎﺕ ﮐﺴﯽ ﺍﻧﺴﺎﻥ ﮐﯽ ﺣﺴﻦ ﻧﯿﺖ ﮐﮯ ﭘﯿﺶ ﻧﻈﺮ ﺍﺱ ﮐﮯ ﮐﺴﯽ ﻋﻤﻞ ﮐﻮ ﺻﺮﻑ ﺟﻮﺍﺯ ﮐﯽ ﺣﺪ ﺗﮏ ﻧﮧ ﮐﮧ ﺍﻓﻀﻞ ﮨﻮﻧﮯﮐﯽ ﺣﯿﺜﯿﺖ ﺳﮯ ﮔﻮﺍﺭﺍ ﮐﺮﻟﯿﺘﯽ ﮨﮯ۔ﺍﺱ ﻟﺌﮯ ﺍﯾﺴﮯ ﺍﻋﻤﺎﻝ ﮐﻮ ﻣﺴﻨﻮﻥ ﮨﻮﻧﮯ ﮐﺎ ﺩﺭﺟﮧ ﻧﮩﯿﮟ ﺩﯾﺎ ﺟﺎﺳﮑﺘﺎ ،ﺟﯿﺴﺎ ﮐﮧ ﺍﯾﮏ ﺍٓﺩﻣﯽ ﻧﮯ ﺩﻭﺭﺍﻥ ﺟﻤﺎﻋﺖ ﺭﮐﻮﻉ ﺳﮯ ﺍﭨﮫ ﮐﺮ ﺑﺎٓﻭﺍﺯ ﺑﻠﻨﺪ ‘‘ ﮐﻠﻤﺎﺕ ﺗﺤﻤﯿﺪ ’’ ﺍﺩﺍ ﮐﺌﮯ ﺗﮭﮯ۔ﺭﺳﻮﻝ ﺍﻟﻠﮧﷺ ﻧﮯ ﺍﺱ ﮐﮯ ﺍﺧﻼﺹ ﮐﮯﭘﯿﺶ ﻧﻈﺮ ﺍﺱ ﮐﯽ ﺗﺤﺴﯿﻦ ﻓﺮﻣﺎﺋﯽ ﻟﯿﮑﻦ ﺧﻮﺩ ﺍﺱ ﭘﺮ ﻋﻤﻞ ﻧﮩﯿﮟ ﮐﯿﺎ ﺍﻭﺭ ﻧﮧ ﮨﯽ ﺩﻭﺳﺮﻭﮞ ﮐﻮ ﯾﮧ ﻋﻤﻞ ﺑﺠﺎﻻﻧﮯ ﮐﯽ ﺗﻠﻘﯿﻦ ﻓﺮﻣﺎﺋﯽ ،ﺩﻭﺭﺍﻥ ﺟﻤﺎﻋﺖ ﺳﻼﻡ ﮐﮩﻨﺎ ﺑﮭﯽ ﺍﺳﯽ ﻗﺒﯿﻞ ﺳﮯ ﮨﮯ۔ ﺭﺳﻮﻝ ﺍﻟﻠﮧﷺ ﺍﭘﻨﯽ ﺯﻧﺪﮔﯽ ﻣﯿﮟ ﮐﻢ ﺍﺯﮐﻢ ﺗﯿﻦ ﻣﺮﺗﺒﮧ ﺩﻭﺭﺍﻥ ﻧﻤﺎﺯ ﺷﺎﻣﻞ ﮨﻮﺋﮯ ﮨﯿﮟ ،ﻟﯿﮑﻦ ﺍٓﭖ ﮐﺎ ﻧﻤﺎﺯﯾﻮﮞ ﮐﻮﺳﻼﻡ ﮐﮩﻨﺎ ﮐﺴﯽ ﺭﻭﺍﯾﺖ ﺳﮯ ﺛﺎﺑﺖ ﻧﮩﯿﮟ ﮨﮯ،ﺍﮔﺮ ﯾﮧ ﺍﻓﻀﻞ ﻋﻤﻞ ﮨﻮﺗﺎ ﺗﻮ ﺍٓﭖ ﺍﺳﮯ ﺿﺮﻭﺭ ﺑﺠﺎﻻﺗﮯ ،ﺍﺳﯽ ﻃﺮﺡ ﺍﮐﺎﺑﺮ ﺻﺤﺎﺑﮧ ﮐﺮﺍﻡ ؓ ﻧﮯ ﺍﺳﮯ ﺟﻮﺍﺯ ﮐﯽ ﺣﺪ ﺗﮏ ﺑﺮﻗﺮﺍﺭ ﺭﮐﮭﺎ ﮨﮯ۔ﭘﮭﺮ ﺍٓﭖ ﮐﮯ ﺟﻮﺍﺏ ﺩﯾﻨﮯ ﮐﯽ ﺟﻮ ﺻﻮﺭﺗﯿﮟ ﮨﯿﮟ ﺍﻥ ﺳﮯ ﺑﮭﯽ ﺍﺱ ﮐﺎ ﺍﻓﻀﻞ ﮨﻮﻧﺎ ﺛﺎﺑﺖ ﻧﮩﯿﮟ ﺑﻠﮑﮧ ﺻﺮﻑ ﺟﻮﺍﺯ ﺛﺎﺑﺖ ﮨﻮﺗﺎ ﮨﮯ۔
ﻓﺘﺎﻭﯼٰ ﺍﺻﺤﺎﺏ ﺍﻟﺤﺪﯾﺚ
ﺟﻠﺪ /2 ﺻﻔﺤﮧ 11
ﺩﻭﺭﺍﻥِ ﺍﺫﺍﻥ ﺍﻭﺭ ﺧﻄﺒﮧ ﺳﻼﻡ ﻭ ﺟﻮﺍﺏ :
ﺍﺫﺍﻥ ﮨﻮﺗﮯ ﮨﻮﺋﮯ ﺳﻼﻡ ﮐﮩﻨﺎ ﮐﺴﯽ ﺣﺪﯾﺚ ﺳﮯ ﻣﻨﻊ ﻧﮩﯿﮟ ﮨﮯ۔
‏( ﺣﻀﺮﺕ ﻣﻮﻻﻧﺎ ‏) ﺛﻨﺎﺀ ﺍﻟﻠﮧ، ﻓﺘﺎﻭﯼٰ ﺛﻨﺎﺋﯿﮧ ﺟﻠﺪ ﺍﻭﻝ ﺹ ۳۲۳ ‏)
ﻓﺘﺎﻭﯼٰ ﻋﻠﻤﺎﺋﮯ ﺣﺪﯾﺚ / ﮐﺘﺎﺏ ﺍﻟﺼﻼۃ
ﺟﻠﺪ 1 / ﺻﻔﺤﮧ 159
ﺍﺫﺍﻥ ﮐﮯ ﻭﻗﺖ ﺍﻟﺴﻼﻡ ﻋﻠﯿﮑﻢ ﮐﮩﻨﺎ ﺍﻭﺭ ﺍﺱ ﮐﮯ ﺟﻮﺍﺏ ﻣﯿﮟ ﺑﮭﯽ ﮐﻮﺋﯽ ﺷﺒﮧ ﻧﮩﯿﮟ، ﮐﯿﻮﮞ ﮐﮧ ﺍﺫﺍﻥ ﮐﮯ ﺟﻮﺍﺏ ﮐﺎ ﺫﮐﺮ ﺍٓﯾﺎ ﮨﮯ۔ ﺍﺫﺍﻥ ﮐﮯ ﺳﻤﺎﻉ ﻣﯿﮟ ﺍﺱ ﺳﮯ ﮐﻮﺋﯽ ﻓﺮﻕ ﻧﮩﯿﮟ ﭘﮍﺗﺎ، ﮐﯿﻮﮞ ﮐﮧ ﻣﻮٔﺫﻥ ﮐﻠﻤﺎﺕ ﮐﮭﯿﻨﭻ ﮐﺮ ﮐﮩﺘﺎ ﮨﮯ۔ ‏( ﺗﻨﻈﯿﻢ ﺍﮨﻞ ﺣﺪﯾﺚ ﺟﻠﺪ ﻧﻤﺒﺮ ۶ ﺷﻤﺎﺭﮦ ﻧﻤﺒﺮ ۱۷ ‏)
ﻓﺘﺎﻭﯼٰ ﻋﻠﻤﺎﺋﮯ ﺣﺪﯾﺚ / ﮐﺘﺎﺏ ﺍﻟﺼﻼۃ
ﺟﻠﺪ 1 / ﺻﻔﺤﮧ 159
ﺩﻭﺭﺍﻥِ ﺧﻄﺒﮧ ﺳﻼﻡ :
ﺍﻧﺴﺎﻥ ‏( ﺟﺐ ﻣﺴﺠﺪ ﻣﯿﮟ ‏) ﺁﺋﮯ ﺍﻭﺭ ﺍﻣﺎﻡ ﺧﻄﺒﮧ ﺩﮮ ﺭﮨﺎ ﮨﻮ ﺗﻮ ﻭﮦ ﮨﻠﮑﯽ ﭘﮭﻠﮑﯽ ﺩﻭ ﺭﮐﻌﺘﯿﮟ ﭘﮍﮪ ﮐﺮ ﺑﯿﭩﮫ ﺟﺎﺋﮯ ﺍﻭﺭ ﮐﺴﯽ ﮐﻮ ﺳﻼﻡ ﻧﮧ ﮐﮩﮯ۔ ﺍﺱ ﺣﺎﻝ ﻣﯿﮟ ﻟﻮﮔﻮﮞ ﮐﻮ ﺳﻼﻡ ﮐﮩﻨﺎ ﺣﺮﺍﻡ ﮨﮯ ﮐﯿﻮﻧﮑﮧ ﻧﺒﯽ ﮐﺮﯾﻢ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﻓﺮﻣﺎﯾﺎ ﮨﮯ :
‏« ﺇِﺫَﺍ ﻗُﻠْﺖَ ﻟِﺼَﺎﺣِﺒِﮏ ﺍٔﻧﺼﺖَ ﻳَﻮْﻡَ ﺍﻟْﺠُﻤُﻌَﺔِ ﻭَﺍﻟْﺈِﻣَﺎﻡُ ﻳَﺨْﻄُﺐُ ﻓَﻘَﺪْ ﻟَﻐَﻮْﺕَ ‏» ﻭﺻﺤﻴﺢ ﺍﻟﺒﺨﺎﺭﯼ، ﺍﻟﺠﻤﻌﺔ، ﺑﺎﺏ ﺍﻻﻧﺼﺎﺕ ﻳﻮﻡ ﺍﻟﺠﻤﻌﺔ ﻭﺍﻻﻣﺎﻡ ﻳﺨﻄﺐ، ﺡ : ۹۳۴، ﻭﺻﺤﻴﺢ ﻣﺴﻠﻢ، ﺍﻟﺠﻤﻌﺔ، ﺑﺎﺏ ﻓﯽ ﺍﻻﻧﺼﺎﺕ ﻳﻮﻡ ﺍﻟﺠﻤﻌﺔ ﻓﯽ ﺍﻟﺨﻄﺒﺔ، ﺡ : ۸۵۱ ‏( ۱۱ ‏) ﻭﺍﻟﻠﻔﻆ ﻟﻤﺴﻠﻢ۔
’’ ﺟﺐ ﺟﻤﻌﮧ ﮐﮯ ﺩﻥ ﺩﻭﺭﺍﻥ ﺧﻄﺒﮧ ﺗﻢ ﺍﭘﻨﮯ ﺳﺎﺗﮭﯽ ﺳﮯ ﯾﮧ ﮐﮩﻮ ﮐﮧ ﺧﺎﻣﻮﺵ ﮨﻮ ﺟﺎﺅ ﺗﻮ ﺑﮭﯽ ﺗﻢ ﻧﮯ ﻟﻐﻮ ﮐﺎﻡ ﮐﯿﺎ۔ ‘‘
ﺍﺳﯽ ﻃﺮﺡ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﯾﮧ ﺑﮭﯽ ﻓﺮﻣﺎﯾﺎ :
‏« ﻭَﻣَﻦْ ﻣَﺲَّ ﺍﻟْﺤَﺼٰﯽ ﻓَﻘَﺪْ ﻟَﻐَﺎ ‏» ﺳﻨﻦ ﺍﺑﯽ ﺩﺍﻭﺩ، ﺍﻟﺼﻼﺓ، ﺑﺎﺏ ﻓﻀﻞ ﺍﻟﺠﻤﻌﺔ، ﺡ : ۱۰۵۰، ﻭﺟﺎﻣﻊ ﺍﻟﺘﺮﻣﺬﯼ، ﺍﻟﺼﻼﺓ، ﺑﺎﺏ ﻣﺎﺟﺎﺀ ﻓﯽ ﺍﻟﻮﺿﻮﺀ ﻳﻮﻡ ﺍﻟﺠﻤﻌﺔ، ﺡ : ۴۹۸۔
’’ ﺟﺲ ﻧﮯ ﮐﻨﮑﺮﯼ ﮐﻮ ﭼﮭﻮﺍ، ﺍﺱ ﻧﮯ ﻟﻐﻮ ﮐﺎﻡ ﮐﯿﺎ۔ ‘‘
ﺍﺱ ﻟﻐﻮ ﮐﺎﻡ ﺳﮯ ﺟﻤﻌﮯ ﮐﺎ ﺛﻮﺍﺏ ﺧﺘﻢ ﺑﮭﯽ ﮨﻮ ﺳﮑﺘﺎ ﮨﮯ، ﺍﺳﯽ ﻟﯿﮯ ﺣﺪﯾﺚ ﻣﯿﮟ ﺁﯾﺎ ﮨﮯ :
‏« ﻭَﻣَﻦْ ﻟَﻐَﺎ ﻓﻼ ﺟﻤﻌﺔ ﻟﻪ ‏» ﺳﻨﻦ ﺍﺑﯽ ﺩﺍﻭﺩ، ﺍﻟﺼﻼﺓ، ﺑﺎﺏ ﻓﻀﻞ ﺍﻟﺠﻤﻌﺔ، ﺡ : ۱۰۵۱۔
’’ ﺟﺲ ﻧﮯ ﻟﻐﻮ ﮐﺎﻡ ﮐﯿﺎ، ﺍﺳﮯ ﺍﺱ ﮐﻮﺟﻤﻌﮧ ﺳﮯ ﮐﭽﮫ ﺣﺎﺻﻞ ﻧﮧ ﮨﻮﺍ۔ ‘‘
ﺍﮔﺮ ﮐﻮﺋﯽ ﺗﻤﮩﯿﮟ ﺳﻼﻡ ﮐﮩﮯ ﺗﻮ ﺗﻢ ﺍﻟﻔﺎﻅ ﮐﮯ ﺳﺎﺗﮫ ﺍﺱ ﮐﺎ ﺟﻮﺍﺏ ﻧﮧ ﺩﻭ، ﯾﻌﻨﯽ ﺍﺳﮯ ﻭﻋﻠﯿﮏ ﺍﻟﺴﻼﻡ ﻧﮧ ﮐﮩﻮ، ﺧﻮﺍﮦ ﺍﺱ ﻧﮯ ﺗﻤﮩﯿﮟ ﺍﻟﺴﻼﻡ ﻋﻠﯿﮏ ﮐﮯ ﺍﻟﻔﺎﻅ ﮐﮩﮯ ﮨﻮﮞ، ﺍﻟﺒﺘﮧ ﻣﺼﺎﻓﺤﮧ ﮐﺮﻧﮯ ﻣﯿﮟ ﮐﻮﺋﯽ ﺣﺮﺝ ﻧﮩﯿﮟ ﺍﮔﺮﭼﮧ ﺯﯾﺎﺩﮦ ﺑﮩﺘﺮ ﮨﮯ ﮐﮧ ﻣﺼﺎﻓﺤﮧ ﺑﮭﯽ ﻧﮧ ﮐﯿﺎ ﺟﺎﺋﮯ۔ ﺑﻌﺾ ﺍﮨﻞ ﻋﻠﻢ ﻧﮯ ﮐﮩﺎ ﮨﮯ ﮐﮧ ﺑﻨﺪﮦ ﺳﻼﻡ ﮐﺎ ﺟﻮﺍﺏ ﺩﮮ ﺳﮑﺘﺎ ﮨﮯ ﻟﯿﮑﻦ ﺻﺤﯿﺢ ﺑﺎﺕ ﯾﮧ ﮨﮯ ﮐﮧ ﺍﺳﮯ ﺳﻼﻡ ﮐﺎ ﺟﻮﺍﺏ ﻧﮩﯿﮟ ﺩﯾﻨﺎ ﭼﺎﮨﯿﮯ ﮐﯿﻮﻧﮑﮧ ﺧﻄﺒﮧ ﺳﻨﻨﮯ ﮐﺎ ﻭﺟﻮﺏ ﺳﻼﻡ ﮐﺎ ﺟﻮﺍﺏ ﺩﯾﻨﮯ ﮐﮯ ﻭﺟﻮﺏ ﺳﮯ ﻣﻘﺪﻡ ﮨﮯ، ﭘﮭﺮ ﮐﺴﯽ ﻣﺴﻠﻤﺎﻥ ﮐﻮ ﯾﮧ ﺣﻖ ﺣﺎﺻﻞ ﻧﮩﯿﮟ ﮐﮧ ﻭﮦ ﺍﺱ ﺣﺎﻟﺖ ﻣﯿﮟ ﺳﻼﻡ ﮐﺮﮮ ﮐﯿﻮﻧﮑﮧ ﺍﺱ ﮐﺎ ﺳﻼﻡ ﮐﺮﻧﺎ ﻟﻮﮔﻮﮞ ﮐﻮ ﺧﻄﺒﮧ ﺳﻨﻨﮯ ﺳﮯ ﺩﻭﺳﺮﯼ ﻃﺮﻑ ﻣﺸﻐﻮﻝ ﮐﺮ ﺩﮮ ﮔﺎ ﺟﺒﮑﮧ ﺧﻄﺒﮧ ﺳﻨﻨﺎ ﻭﺍﺟﺐ ﮨﮯ، ﻟﮩٰﺬﺍ ﺻﺤﯿﺢ ﺑﺎﺕ ﯾﮧ ﮨﮯ ﮐﮧ ﺟﺐ ﺍﻣﺎﻡ ﺧﻄﺒﮧ ﺩﮮ ﺭﮨﺎ ﮨﻮ ﺗﻮ ﻧﮧ ﺗﻮ ﺳﻼﻡ ﮐﯿﺎ ﺟﺎﺋﮯ ﺍﻭﺭ ﻧﮧ ﮨﯽ ﺳﻼﻡ ﮐﺎ ﺟﻮﺍﺏ ﺩﯾﺎ ﺟﺎﺋﮯ ۔
ﻓﺘﺎﻭﯼٰ ﺍﺭﮐﺎﻥ ﺍﺳﻼﻡ / ﻧﻤﺎﺯﮐﮯ ﻣﺴﺎﺋﻞ
ﻭﺑﺎﻟﻠﮧ ﺍﻟﺘﻮﻓﯿﻖ
ﮬٰﺬﺍ ﻣﺎﻋﻨﺪﯼ ﻭﺍﻟﻠﮧ ﺗﻌﺎﻟﯽٰ ﺍﻋﻠﻢ ﺑﺎﻟﺼﻮﺍﺏ
ﻭٙﺍﻟﺴَّـــــــﻞﺍَﻡُ ﻋَﻠَﻴــْــﻜُﻢ ﻭَﺭَﺣْﻤَﺔُ ﺍﻟﻠﻪِ ﻭَﺑَﺮَﻛـَـﺎﺗُﻪ

Share: