Chand Dekhane ki Dua .. Naye Saal (New year) Par Chand dekhne ke Bad ki Dua.

Naye Saal Par Chand dekhne ke bad Kaun si Dua Padhe?

New Year ke mauke par Chand dekhane ki dua.

Shamsi Tarikh (Angreji Calendar) ke mahino ke nam kaise pada?

 

  السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
نئے سال کا چاند دیکھنے پر پڑھی جانے والی ضعیف دعاء :

عَنْ أَبِي عُقَيْلٍ زُهْرَةُ بْنُ مَعْبَدٍ ، عَنْ جَدِّهِ عَبْدُ اللَّهِ بْنُ هِشَام ، قَالَ : " كَانَ أَصْحَابُ النَّبِيِّ صَلَّى اللَّهُ عَلَيْهِ وَسَلَّمَ ، يَتَعَلَّمُونَ هَذَا الدُّعَاءَ إِذَا دَخَلْتِ السَّنَةُ أَوِ الشَّهْرُ : اللَّهُمَّ أَدْخِلْهُ عَلَيْنَا بِالأَمْنِ ، وَالإِيمَانِ ، وَالسَّلامَةِ ، وَالإِسْلامِ ، وَرِضْوَانٍ مِنَ الرَّحْمَنِ ، وَجَوَازٍ مِنَ الشَّيْطَانِ " .
لا يُرْوَى هَذَا الْحَدِيثُ عَنْ عَبْدِ اللَّهِ بْنِ هِشَامٍ إِلا بِهَذَا الإِسْنَادِ ، تَفَرَّدَ بِهِ : رِشْدِينُ بْنُ سَعْدٍ.
ابو عقیل  زھرہ بن معبد اپنے دادا عبداللہ بن ھشام سے روایت کرتے ہیں کہ جب نیا مہینہ یا نئے سال کا پہلا مہینہ شروع ہوتا تو رسول صلی اللہ علیہ وسلم کے صحابہ کرام رضوان اللہ عنھم اجمعین ،ایک دوسرے کو یہ دعا سکھایا کرتے تھے: اے اللہ اس نئے سال کو ہمارے حق میں امن وایمان، سلامتی و اسلام او   ر رحمٰن کی رضامندی دلانے والا اور ساتھ ہی شیطان سے پناہ  میں رکھنے والا بنا کر داخل فرما۔"
- اس حدیث کو عبداللہ بن ھشام سے اسی سند کے ساتھ روایت کیا گیا ہے اور اس میں ایک راوی، رشد (راء کے زیر کے ساتھ) بن سعد  منفرد ہے۔
- المعجم الاوسط للطبرانی 6/221 حدیث: 6241، ناشر:دارالحرمین قاہرہ

تبصرہ : 

اس کی سند میں رشد بن سعد ہے جس کو خود ابن حجر نے ضعیف قرار دیا۔ابو حاتم علیہ ابن ھیعہ نے اسی بات کو راجح قرار دیا۔ اور ابن یونس کہتے ہیں کہ وہ دیندار شخص تھا تاہم  وہ  صالحیت کی غفلت کا شکار ہوکر حدیث میں خلط ملط کرنے لگے۔امام ذھبی کے نزدیک ان کا مرتبہ، خراب حفظ رکھنے والےکا تھا ، تاہم وہ نیکوکار، عبادت گزار اور بدعتیں ایجاد کرنے والے تھے، ابوزرعہ کہتے ہیں کہ وہ ضعیف ہے۔

شیخ البانی رحمہ اللہ نے" سلسلة الأحاديث الضعيفة والموضوعة ( ج 8 / ص 6 حديث رقم 3504)  " میں فرمایا:" اس حدیث میں رشد ین بن سعد ہے اور وہ ضعیف ہے۔
۔=========================
چاند دیکھنے پر نبی کریم ﷺ سے ثابت شدہ صحیح دعاء :
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
"اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ۔"
عَن طَلْحَةَ بْنِ عُبَيْدِ اللَّهِ، أَنّ النَّبِيَّ صَلَّى اللَّهُ عَلَيْهِ وَسَلَّمَ:‏‏‏‏ " كَانَ إِذَا رَأَى الْهِلَالَ قَالَ:‏‏‏‏ اللَّهُمَّ أَهْلِلْهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللَّهُ ".

طلحہ بن عبیداللہ سے روایت ہے کہ نبی اکرم صلی اللہ علیہ وسلم جب چاند دیکھتے تھے تو کہتے تھے: "اللهم أهلله علينا باليمن والإيمان والسلامة والإسلام ربي وربك الله""اے اللہ! مبارک کر ہمیں یہ چاند، برکت اور ایمان اور سلامتی اور اسلام کے ساتھ، (اے چاند!) میرا اور تمہارا رب اللہ ہے"۔()

سنن ترمذی / کتاب: مسنون ادعیہ و اذکار / باب : نیا چاند ( ہلال ) دیکھے تو کیا پڑھے ؟ حدیث نمبر: 3451،تحفة الأشراف: 5015،شیخ البانی رحمہ اللہ نے سلسلۃ الاحادیثالصحيحة (1816)اور صحیح الترمذی، صفحہ یا نمبر:3451 ، الكلم الطيب (161 / 114) میں اس حدیث کو صحیح قرار دیا۔

فقط واللہ تعالیٰ اعلم بالصواب

Share: