Sasural Walo ke bura Suluk karne par Ladki ko kya karna chahiye?

Agar Gharwale Acha suluk nahi karte ho to kya Larki Talaq le sakti hai?

Sasural walo ke bure suluk par Dulhan ko kya karna chahiye?
Sawal: Sir ek bat puchni hai ke agar ek larki ki shadi hui. uske gharwale aur uske Mia uske sath acha sulook nahi rakhte aur kuch kamata nahi hai to Kya us larki ko usse talak de Deni Chahiye ya nahi?

جواب تحریری

الحمد لله، والصلاة والسلام علىٰ رسول الله، أما بعد!

بلاشبہ شریعت نے ان تمام مسائل کا حل رکھا ہے اور وہ یہ کہ عورت خلع کی طرف رجوع کرے۔ اگر عورت مذخورہ اسباب کی وجہ سے خاوند کو ناپسند کرتی ہو اور وہ اس ناپسندیدگی میں حق پر ہو تو خاوند کو جائز نہیں ہے کہ وہ بیوی کو بلاوجہ مارپیٹ کرے۔ اگر وہ کسی وجہ سے بیوی کو سزا دینا چاہے تو وہ سزا وعظ و نصیحت اس کو بستر پر چھوڑنے اور اس قسم کی کاروائی کے بعد ہونی چاہیے خاص طور پر اس نرمی کا بیان عائشہ رضی اللہ تعالیٰ عنہا کی اس حدیث میں بھی موجود ہے جو صحیح مسلم میں ہے کہ نبی  صلی اللہ علیہ وسلم   نے فرمایا:

"مَا كَانَ الرِّفْقُ فِي شَيْءٍ إِلا زَانَهُ ، وَلا نُزِعَ مِنْ شَيْءٍ إِلا شَانَهُ " .[1]

"نرمی جس معاملے میں بھی ہوتی ہے وہ اس کو مزین کر دیتی ہے اور جس معاملے میں نرمی نہ ہو وہ اس کو عیب دار کر دیتی ہے۔"

صحیح مسلم میں ہی عائشہ رضی اللہ تعالیٰ عنہا    کی حدیث ہے کہ نبی  صلی اللہ علیہ وسلم   نے فرمایا:

"إِنَّ اللَّهَ رَفِيقٌ يُحِبُّ الرِّفْقَ ، وَيُعْطِي عَلَى الرِّفْقِ مَا لا يُعْطِي عَلَى الْعُنْفِ"[2]

"بلا شبہ اللہ تعالیٰ نرم ہیں اور نرمی کو پسند کرتے ہیں اور نرمی سے وہ چیز عطا کر دیتے ہیں جو سختی کے ساتھ عطا نہیں کرتے ۔"

لہٰذا یہ مذکورہ شخص احمق ہے شریعت کی حدوں کو پھلانگ رہا ہے اس شخص پر نبی  صلی اللہ علیہ وسلم کا وہ فرمان صادق آتا ہے جو بخاری و مسلم کی عائذبن عمرو کی حدیث میں ہے۔

(إِنَّ شَرَّ الرِّعَاءِ الحُطَمَةُ)[3]

"بلاشبہ ظالم حکمران بد ترین حاکم ہے۔

اس کی بیوی اس کو ناپسند کرتی ہے پس اگر یہ اس کو طلاق دے دے گا یا وہ اس سے خلع لے لے گی تو اس کی بچیاں آوارہ ہو جائیں گی جبکہ ان کوماں باپ کی تربیت کی ضرورت ہے۔

تو ہم کہتے ہیں کہ مرد کے لیے اپنی بیوی کو مارنا درست نہیں ہے الایہ کہ وہ کسی بے حیائی کا ارتکاب کرے اور"فاحشہ "کے مفہوم میں "نشوز"(نافرمانی ) بھی شامل ہے جیسا کہ یہ امام احمد رحمۃ اللہ علیہ  کا قول ہے اور ہم دیکھتے ہیں کہ ابو داؤد اور ترمذی میں معاویہ بن حیدہکی روایت میں ہے کہ بلا شبہ معاویہ رضی اللہ تعالیٰ عنہ   نے کہا:یا رسول اللہ  صلی اللہ علیہ وسلم  ! ہم میں سے کسی شخص کی بیوی کا اس پر کیا حق ہے؟آپ  صلی اللہ علیہ وسلم   نے فرمایا:

"أَنْ تُطْعِمَهَا إِذَا طَعِمْتَ ، وَتَكْسُوَهَا إِذَا اكْتَسَيْتَ ، أَوْ اكْتَسَبْتَ ، وَلَا تَضْرِبْ الْوَجْهَ ، وَلَا تُقَبِّحْ ، وَلَا تَهْجُرْ إِلَّا فِي الْبَيْتِ"[4]

"جب تم کھاؤ تو اس کو بھی کھلاؤ جب لباس خرید کر پہنو تو اس کو بھی پہناؤاور چہرے پر مت مارو اور اس کو گالی گلوچ نہ کرو اور اس سے قطع تعلقی صرف گھر میں ہی رہ کر کرو۔"

چنانچہ خاوند پر واجب ہے کہ وہ اپنی بیوی اور بچوں کے معاملے میں عزوجل سے ڈرے وہ اپنے گھر کا نگران ہے اس سے اس کی نگرانی کے متعلق سوال کیا جائے گا خاص طور پر جب ان کو اس کی انتہائی ضرورت ہو۔ اس پر لازم ہے کہ جب اس کو غصہ آئے تو وہ نماز کی طرف لپکے اور اسکے لیے رسول کریم  صلی اللہ علیہ وسلم   کی ذات بہترین نمونہ ہے ہم اللہ سے ہدایت اور توفیق کا سوال کرتے ہیں۔(محمد بن عبد المقصود)

[1] ۔صحیح مسند احمد (206/6)

[2]۔صحیح مسلم رقم الحدیث (1830)

[3] ۔صحیح مسلم رقم الحدیث (1830)

[4]۔صحیح سنن ابی داؤد رقم الحدیث (2142)

ھذا ما عندی والله اعلم بالصواب

Share: