Rab-E-Karim ki Muhabbat ke Ashrat.

🌹
رب کریم کی محبت کے اثرات۔۔۔۔۔۔۔۔۔۔

انسان جب اللّہٰ تعالیٰ کی طرف رجوع کرتا ھے ۔۔۔۔ تو اللہ بھی محبت سے فوری نوازتا ھے۔۔۔۔ اللہ تعالی کی محبت جب انسان کے دل مین رچ بس جاتی ہے ۔۔۔۔تو انسان کے دل سے دنیا کی چیزوں کی وقعت ختم ہوجاتی ہے۔۔۔۔۔۔۔ جب وقعت ختم ہوجاتی ہے توسادگی پیداہوتی ہے۔۔۔۔۔ جب سادگی پیدا ہوتی ہے تو حرص و ہوس ختم ہو جاتی ہے۔۔۔۔۔۔
جب حرص و ہوس ختم ہوجاتی ہے۔۔۔ تو قناعت پیدا ہوتی ہے ۔۔۔۔ جب قناعت پیدا ہوجاتی ہے ۔۔۔۔ تو انسان غنی ہوجاتا ہے اور دنیا کے غموں سے نجات مل جاتی ہے۔۔۔۔۔۔۔۔۔

اللہ کی عظمت وکبریائی جب دل ودماغ پرچھا جاتی ہے ۔۔۔۔۔ تو اسکا اپنا کبر و تکبر ختم ہوجاتا ہے ۔۔۔۔ اور عاجزی پیدا ہوجاتی ہے ۔۔۔۔۔ جب انسان کے دل میں اللہ تعالی کی محبت ہوتی ہے ۔۔۔۔۔ تو اسے اللہ کی مخلوق سے بھی پیار ہو جاتا ہے ۔۔۔۔ اور جب مخلوق سے پیار ہوجاتا ہے۔۔۔۔تو غیبت، نفرت بغض، حسدو عنادو دشمنی ختم ہوکر تواضع پیدا ہو جاتی ہے ۔۔۔۔۔ اور مخلوق کی خدمت کرکے اسے خوشی ہوتی ہے۔۔۔۔ جب کوئی بندہ اللہ تعالی سے محبت کرتا ہے ۔۔۔۔ تو اللہ بھی اس سے محبت کرتے ہیں ۔۔۔۔ اور جس بندے سے اللہ محبت کرتے ہیں اسکو دین کی سمجھ بوجھ عطا فرما دیتے ہیں اور جسکو دین کی سمجھ مل جاتی ہے ۔۔۔۔ اس کو دین پر چلنا آسان ہوجاتا ہے ۔۔۔۔۔ اور جو دین پر چلنے لگتا ہے ۔۔۔۔ تو جہنم سے دور ہوتا جاتا ہے ۔۔۔ اور جنت سے قریب ہوتا جاتا ہے۔۔۔۔ انسان سخی ہو جاتا ہے ۔۔۔ اسکے دل میں مخلوق کیلئے ہمدردی پیدا ہوجاتی ہے ۔۔۔۔ اور اسطرح بخیلی کنجوسی اور خود غرضی ختم ہوجاتی ہے ۔۔۔۔۔ جب خود غرضی ختم ہو جاتی ہے ۔۔۔۔ تو انصاف پیدا ہوجاتا ہے ۔۔۔۔۔۔ جب انصاف پیدا ہوتا ہے ۔۔۔۔ تولوگوں کے دلوں میں اسکی عزت و احترام پیداہوجاتا ہے۔۔۔۔۔۔۔۔۔۔۔۔

جب اللہ سے محبت ہو جاتی ہے ۔۔۔۔ تو دنیا کے مال و دولت اور جاہ و حشم سب ہیچ ہوجاتے ہیں ۔۔۔۔۔ نہ کسی چیز کے جانے سے غم ہوتا ہے ۔۔۔۔ نہ آنے کی خوشی ۔۔۔۔ ہرچیز کو بندہ اللہ کی امانت سمجھتا ہے ۔۔۔۔۔ اور اس وجہ سے چوری، دغابازی، فریب، اور ظلم و تشددسے کوئی چیز حاصل کرنے کی کوشش نہیں کرتا۔۔۔۔۔۔ کوئی چیز چلی جائے توصبر کرتا ہے ۔۔۔۔۔ اور اگر مل جائے تو شکر بجا لاتا ہے ۔۔۔۔ یعنی صبر و شکر کی خوبی پیدا ہو جاتی ہے ۔۔۔۔۔۔ اس محبت کے حاصل کرنے کاطریقہ یہ ہے۔۔۔۔ کہ دنیا کی محبت اور اسکی چیزوں کی محبت دل سے نکال دو ۔۔۔۔۔ اللہ کی محبت دل میں بسالو پھر دیکھو تم میں کیا کچھ خوبیاں پیداہوتی ہیں ۔۔۔۔۔۔ اللہ کی محبت انسان کو انسان بنادیتی ہے ۔۔۔۔۔۔ ولی بنا دیتی ہے ۔۔۔۔۔ اور سب سے بڑھ کر صحیح میں اشرف المخلوقات بنا دیتی ھے۔۔۔۔۔۔۔۔۔۔۔۔۔

***

Share: