Nabi Per Durud o Salam Bhejne ki Fazilat.

RasoolAllah Sallallahu Alaihi Wasallam par durud aur salam bhejne ki fazilat

Beshak Allah subhanahu aur uske farishte Nabee Sallallahu Alaihi Wasallam par durud bhejte hain, Eh imaan walo tum bhi un par durud aur salam bheja karo

Al Quran, Surah Al-Ahzab (33), Aayah 56

Rasool-Allah Sallallahu Alaihi Wasallam ne farmaya

Jo shaksh mujh par Ek martaba Durud bhejega to Allah subhanahu us par 10 martaba rahmat bhejega aur uskey 10 gunaah maaf honge aur 10 darjaat buland hongey
Sunan An Nasaii, Jild 1, 1300 -Sahih

Ek din Rasool-Allah Sallallahu Alaihi Wasallam tashreef laaye to aapkey chehre Mubarak par khushi mehsus ho rahi thi to humney Aap Sallallahu Alaihi Wasallam se pucha ki aapkey chehrey Mubarak par khushi ki wajah kya hai?

To Aap Sallallahu Alaihi Wasallam ne farmaya

Abhi mere pass Jibril tashreef laaye aur kaha ki ( Allah farmata hai) kya tum is baat se khush nahi ho ki tumhari ummat mein se jo shaksh ek martaba durud bhejega to main us par 10 rahmat nazil karunga aur tumhari ummmat mein se jo shaksh ek martaba Salam bhejega to main us par 10 martaba salamati bhejunga

Sunan Nasai, Jild 2, 1298-Hasan

Rasool-Allah Sallallahu Alaihi Wasallam ne farmaya

Qayamat ke din mere sabse nazdeek wo log honge jo mujh par zyada durud bhejte hain. wo Bakheel hai jiske samne mera Zikr ho aur wo mujh par Durud na bhejey

Jamia Tirmidhi, Vol 1, 466-Hasan*

Rasool-Allah Sallallahu alaihi wasallam ne farmaya

Mujh par Durud bhejtey rahna kyunki tumhara durud mujh tak pahucha diya jata hai chahe tum kisi bhi jagah ho

Sunan Abu Dawud, vol2, 274-Sahih

Logon ne kaha Ya RasoolAllah SallallahuAlalhi Wasallam Hamara Durud Parhna Aap par kis tarah se pesh hoga jabki Aap to Mitti ho gaye hongey,to

Aap SallallahuAlalhi wasallam ne farmaya

Allah taala ne Anbiya karam ke Jism ko Mititi par haram kar diya hai

Sunan Abu Dawud, Vol 1,1035-Sahih

Al-Silsila As-Sahiha , 2779

Rasool-Allah Sallallahu Alaihi Wasallam ne farmaya

Beshak Allah ke farishte zameen mein ghumte rahte hain aur meri Ummat ka salam mujh tak pahuchate hain

Sunan Nasai,Jild 2, 1285-Sahih

Rasool-Allah Sal-Allahu Alaihi Wasallam ne farmaya

Agar tum mein se koi mujhe salam karta hai to Allah Subhanhu meri rooh ko wapas lauta deta hai aur main uske salam ka jawab deta hu

Sunan Abu Dawud,Jild 2,273-Hasan

Masnad Ahmed, 10590-Hasan

Rasool-Allah Sal-Allahu Alaihi Wasallam ne farmaya

Mujh par durud bheja karo kyunki mujh par durud bhejna tumhare liye pakizgi ka sabab hai Allah subhanahu ne meri Qabr ke paas ek farishta muqarrar kiya hai jab mera koi ummati mujh par durud bhejta hai to wo farishta mujhse kahta hai ki Eh Muhammed  Sal-Allahu Alaihi Wasallam Falah bin Falah ne aap par durud bheja hai

Al Silsila As Sahiha, 2863, 2778

Rasool-Allah Sal-Allahu Alaihi Wasallam ne farmaya

Jab tak Rasool-Allah Sal-Allahu Alaihi Wasallam par durud na bheja jaye har dua rok li jati hai

Al Silsila Ashai, 291*
__________By ShAmIm AlaM

Share: