گیت
..
ہیوے عظیم غلطی کہیں نال پیار پاون
یارو عذاب بن گے لحظے دا مسکراون
..
اے لوک حسن والے کھل کھل تے پیار پیندن
قرآن قسماں چا چا عتبار ڈاڈھے ڈیندن
وعدہ کریندے ھن پر بھل ویندے ھن نبھاون
..
اے چندر وی کئ شۓ نی میڈا تاں یار ایجھا
ہک پل نہ وسدے ہاسے تھی گیا ھا پیار ایجھا
ہن ڈیکھدے تاں میں توں پۓ ویندے مونہہ لکاون
..
سورج دی گرمی کولھوں میکوں ہا ایں بچیندا
خود دھپ تے کھڑ تے میں توں زلفاں چا ہا کھنڈیندا
ہن تاں او لگیاں بھاہیں آندا نہیں بجھاون
..
مینہہ وچ نکل تے باہرو ڈکھلیندا ہا نظارے
تلکن توں ہا بچیندا باہیں دے ڈے سہارے
ہن سٹ ہجر دے کھوہ وچ گاندے خوشی دے گاون
..
کھل تے ہا میڈے گل وچ باہیں دے ہار پیندا
گوڈی اتے سما تے والیں کوں ہا ٹھہیندا
نازش گناہ سمجھدے میں نال ہتھ ملاون
ہیوے عظیم غلطی کہیں نال پیار پاون
..
.
No comments:
Post a Comment