Husn Bin Sba aur Uski Bnayi hui Duniyawi Jannat ka Tarikhi Dastan. (Part 26)

Husn Bin Sba aur Uski Bnayi hui Duniyawi Jannat ka Tarikhi Dastan. (Part 26)
Husn Bin Sba ki Bnayi hui Jannat Jise Khud Dekh Na Ska.
┈❂❀﷽❀❂┅ *❂•
─•┈┈┈✶⁩* ﷺ *✶┈┈┈•─
○•═════╗ ﺍ ஜ۩۞۩ ஜ ﺍ ╔══════•○
ﺣﺴـــﻦ ﺑـﻦ ﺻـــﺒـﺎﺡ ﺍﻭﺭ ﺍﺳﮑﯽ ﻣﺼﻨـــﻮﻋﯽ ﺟﻨـــــﺖ
○•═════╝ ﺍ ஜ۩۞۩ ஜ ﺍ ╚══════•○
ﻗﺴﻂ ﻧﻤﺒﺮ 26/
ﻟﺸﮑﺮ ﮐﻮ ﺍﯾﮏ ﺑﺎﺭ ﭘﮭﺮ ﭘﮩﺎﮌﯼ ﺭﺍﺳﺘﮯ ﭘﺮ ﺍﻭﭘﺮ ﺟﺎﻧﺎ ﭘﮍﺍ، ﮔﺰﺷﺘﮧ ﺭﺍﺕ ﺍﻥ ﮐﺎ ﺍﯾﮏ ﮔﮭﻮﮌﺍ ﺍﻭﺭ ﺍﺱ ﮐﺎ ﺳﻮﺍﺭ ﺿﺎﺋﻊ ﮨﻮ ﭼﮑﮯ ﺗﮭﮯ، ﯾﮧ ﺭﺍﺳﺘﮧ ﺍﺱ ﺳﮯ ﺯﯾﺎﺩﮦ ﺗﻨﮓ ﺍﻭﺭ ﺧﻄﺮﻧﺎﮎ ﺗﮭﺎ ،ﮔﮭﻮﮌﮮ ﺍﯾﮏ ﺩﻭﺳﺮﮮ ﮐﮯ ﭘﯿﭽﮭﮯ ﺟﺎﺭﮨﮯ ﺗﮭﮯ ﺍﻥ ﮐﯽ ﺭﻓﺘﺎﺭ ﺑﮩﺖ ﮨﯽ ﺳﺴﺖ ﺗﮭﯽ، ﻭﮦ ﺟﻮﮞ ﺟﻮﮞ ﺁﮔﮯ ﺑﮍﮬﺘﮯ ﺟﺎﺭﮨﮯ ﺗﮭﮯ ﺭﺍﺳﺘﮧ ﺗﻨﮓ ﮨﯽ ﮨﻮﺗﺎ ﺟﺎ ﺭﮨﺎ ﺗﮭﺎ ﺍﻭﺭ ﺁﮔﮯ ﺟﺎﮐﺮ ﺭﺍﺳﺘﮧ ﺧﺘﻢ ﮨﻮﮔﯿﺎ، ﺁﮔﮯ ﭘﮩﺎﮌﯼ ﺩﯾﻮﺍﺭ ﮐﯽ ﻃﺮﺡ ﮐﮭﮍﯼ ﺗﮭﯽ۔
ﮐﯿﺎ ﺍﺱ ﺣﺎﺟﯽ ﻧﮯ ﯾﮩﯽ ﺭﺍﺳﺘﮧ ﺑﺘﺎﯾﺎ ﺗﮭﺎ۔۔۔ ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﺍﭘﻨﮯ ﻣﺎﺗﺤﺘﻮﮞ ﺳﮯ ﭘﻮﭼﮭﺎ ﺟﻮ ﺍﺱ ﮐﮯ ﭘﯿﭽﮭﮯ ﭘﯿﭽﮭﮯ ﺁ ﺭﮨﮯ ﺗﮭﮯ۔
ﺍﺱ ﻧﮯ ﮐﮩﺎ ﺗﮭﺎ ﮐﮧ ﯾﮧ ﺭﺍﺳﺘﮧ ﺍﻭﭘﺮ ﺟﺎ ﮐﺮ ﻧﯿﭽﮯ ﺍﺗﺮﮮ ﮔﺎ۔۔۔ ﺍﯾﮏ ﻣﺎﺗﺤﺖ ﻧﮯ ﮐﮩﺎ۔۔۔ ﯾﮩﺎﮞ ﺍﻭﺭ ﮐﻮﺋﯽ ﺭﺍﺳﺘﮧ ﮨﮯ ﮨﯽ ﻧﮩﯿﮟ۔
ﻗﺰﻝ ﺳﺎﺭﻭﻕ ﻧﮯ ﺍﺱ ﭘﮩﺎﮌﯼ ﮐﯽ ﮈﮬﻼﻥ ﮐﻮ ﺩﯾﮑﮭﺎ ﺍﺱ ﺳﮯ ﺁﺩﻣﯽ ﺳﻨﺒﮭﻞ ﺳﻨﺒﮭﻞ ﮐﺮ ﺍﺗﺮ ﺳﮑﺘﺎ ﺗﮭﺎ ﺍﻭﺭ ﮔﮭﻮﮌﮮ ﺑﮭﯽ ﺍﺗﺮ ﺳﮑﺘﮯ ﺗﮭﮯ ﻟﯿﮑﻦ ﺳﻮﺍﺭﻭﮞ ﮐﮯ ﺑﻐﯿﺮ ۔
ﮐﺴﯽ ﺍﯾﮏ ﺳﻮﺍﺭ ﮐﻮ ﻧﯿﭽﮯ ﺍﺗﺎﺭﻭ ۔۔۔ﻗﺰﻝ ﺳﺎﺭﻭﻕ ﻧﮯ ﺍﭘﻨﮯ ﻣﺎﺗﺤﺖ ﮐﻤﺎﻧﮉﺭﻭﮞ ﺳﮯ ﮐﮩﺎ۔۔۔ ﮔﮭﻮﮌﮮ ﺳﮯ ﺍﺗﺮ ﮐﺮ ﮔﮭﻮﮌﮮ ﮐﻮ ﺳﺎﺗﮫ ﺭﮐﮭﯿﮟ۔
ﺍﯾﮏ ﺟﮕﮧ ﺍﯾﺴﯽ ﻣﻞ ﮔﺌﯽ ﺟﮩﺎﮞ ﮈﮬﻼﻥ ﮐﺎ ﺯﺍﻭﯾﮧ ﺯﯾﺎﺩﮦ ﺧﻄﺮﻧﺎﮎ ﻧﮩﯿﮟ ﺗﮭﺎ ،ﺍﯾﮏ ﺳﻮﺍﺭ ﮔﮭﻮﮌﮮ ﺳﮯ ﺍﺗﺮﺍ ﺍﻭﺭ ﺑﺎﮒ ﭘﮑﮍ ﮐﺮ ﮈﮬﻼﻥ ﺳﮯ ﺍﺗﺮﻧﮯ ﻟﮕﺎ ،ﻭﮦ ﮐﺒﮭﯽ ﺩﺍﯾﺎﮞ ﮐﺒﮭﯽ ﺑﺎﯾﺎﮞ ﺟﮩﺎﮞ ﭘﺎﺅﮞ ﺟﻤﺎﻧﮯ ﮐﻮ ﺟﮕﮧ ﻣﻠﺘﯽ ﭘﺎﺅﮞ ﺟﻤﺎ ﮐﺮ ﺍﺗﺮ ﮔﯿﺎ، ﮔﮭﻮﮌﮮ، ﺧﭽﺮ ﺍﻭﺭ ﮔﺪﮬﮯ ﮐﻮ ﭘﮩﺎﮌﯼ ﭘﺮ ﭼﮍﮬﻨﮯ ﺍﻭﺭ ﺍﺗﺮﻧﮯ ﻣﯿﮟ ﮐﻮﺋﯽ ﺩﺷﻮﺍﺭﯼ ﭘﯿﺶ ﻧﮩﯿﮟ ﺁﺗﯽ، ﻗﺪﺭﺕ ﻧﮯ ﺍﻥ ﮐﮯ ﭘﺎﺅﮞ ﺍﯾﺴﮯ ﺑﻨﺎﺋﮯ ﮨﯿﮟ ﮐﮧ ﭘﮩﺎﮌﯼ ﺳﮯ ﭘﮭﺴﻠﺘﮯ ﻧﮩﯿﮟ۔
ﺑﻠﻨﺪﯼ ﺧﺎﺻﯽ ﺯﯾﺎﺩﮦ ﺗﮭﯽ ﻭﮦ ﺳﻮﺍﺭ ﺁﺧﺮ ﺍﺗﺮ ﮔﯿﺎ ﻗﺰﻝ ﺳﺎﺭﻭﻕ ﻧﮯ ﺣﮑﻢ ﺩﯾﺎ ﮐﮯ ﺗﻤﺎﻡ ﺳﻮﺍﺭ ﺍﺳﯽ ﻃﺮﺡ ﻧﯿﭽﮯ ﺍﺗﺮﯾﮟ، ﯾﻮﮞ ﻟﮕﺎ ﺟﯿﺴﮯ ﭘﮩﺎﮌﯼ ﮐﺎ ﺑﺎﻻﺋﯽ ﺣﺼﮧ ﭨﻮﭦ ﮐﺮ ﺑﮩﺖ ﺑﮍﮮ ﺑﮍﮮ ﺗﻮﺩﻭﮞ ﮐﯽ ﻃﺮﺡ ﻧﯿﭽﮯ ﮐﻮ ﺳﺮﮎ ﺭﮨﺎ ﮨﻮ، ﭼﻨﺪ ﺍﯾﮏ ﮔﮭﻮﮌﮮ ﮔﺮﮮ ﻟﮍﮬﮑﮯ ﺍﻭﺭ ﺳﻨﺒﮭﻞ ﮐﺮ ﮐﮭﮍﮮ ﮨﻮﮔﺌﮯ، ﺁﺩﻣﯽ ﮔﺮﺗﮯ ﺳﻨﺒﮭﻠﺘﮯ ﺍﺗﺮﺗﮯ ﮔﺌﮯ ﺍﻭﺭ ﺟﺐ ﺳﺐ ﺍﺗﺮ ﮔﺌﮯ ﺗﻮ ﺳﻮﺭﺝ ﺍﭘﻨﺎ ﺑﮩﺖ ﺳﺎ ﺳﻔﺮ ﻃﮯ ﮐﺮ ﮔﯿﺎ ﺗﮭﺎ۔
ﺳﻮﺍﺭﻭﮞ ﮐﻮ ﺍﮐﭩﮭﺎ ﮐﺮﮐﮯ ﮐﻮﭺ ﺷﺮﻭﻉ ﮨﻮﺍ ،ﺣﺎﺟﯽ ﮐﯽ ﺑﺘﺎﺋﯽ ﮨﻮﺋﯽ ﻧﺸﺎﻧﯿﻮﮞ ﮐﻮ ﺩﯾﮑﮭﺘﮯ ﻭﮦ ﭼﻠﺘﮯ ﮔﺌﮯ، ﺑﮩﺖ ﺩﻭﺭ ﺟﺎ ﮐﺮ ﺍﯾﮏ ﭘﮩﺎﮌﯼ ﮐﮯ ﺩﺭﻣﯿﺎﻥ ﺳﮯ ﺍﻧﮩﯿﮟ ﺭﺍﺳﺘﮧ ﻣﻞ ﮔﯿﺎ، ﻗﺪﺭﺕ ﻧﮯ ﯾﮩﺎﮞ ﺳﮯ ﭘﮩﺎﮌﯼ ﮐﻮ ﮐﺎﭦ ﺩﯾﺎ ﺗﮭﺎ ﺍﺱ ﺳﮯ ﻧﮑﻞ ﮐﺮ ﺁﮔﮯ ﮔﺌﮯ ﺗﻮ ﺍﯾﮏ ﭘﺮ ﺷﻮﺭ ﻧﺪﯼ ﻧﮯ ﺭﺍﺳﺘﮧ ﺭﻭﮎ ﻟﯿﺎ، ﭼﻮﻧﮑﮧ ﯾﮧ ﻋﻼﻗﮧ ﭘﮩﺎﮌﯼ ﺗﮭﺎ ﺍﺱ ﻟﺌﮯ ﻧﺪﯼ ﮐﺎ ﺑﮩﺎﺅ ﺑﮩﺖ ﮨﯽ ﺗﯿﺰ ﺗﮭﺎ، ﭘﺎﻧﯽ ﺍﺗﻨﺎ ﺷﻔﺎﻑ ﮐﮯ ﺍﺱ ﮐﯽ ﺗﮩﮧ ﻣﯿﮟ ﮐﻨﮑﺮﯾﺎﮞ ﺑﮭﯽ ﺩﮐﮭﺎﺋﯽ ﺩﮮ ﺭﮨﯽ ﺗﮭﯿﮟ، ﻧﺪﯼ ﮐﻢ ﻭ ﺑﯿﺶ ﺑﯿﺲ ﮔﺰ ﭼﻮﮌﯼ ﺗﮭﯽ ،ﺩﺭﻣﯿﺎﻥ ﻣﯿﮟ ﺍﺱ ﮐﺎ ﺑﮩﺎﺅ ﺑﮩﺖ ﮨﯽ ﺗﯿﺰ ﺗﮭﺎ ﮔﮩﺮﺍﺋﯽ ﺍﺗﻨﯽ ﻧﮩﯿﮟ ﺗﮭﯽ ﮐﮧ ﮔﮭﻮﮌﮮ ﮈﻭﺏ ﺟﺎﺗﮯ ،ﮔﮭﻮﮌﮮ ﻧﺪﯼ ﻣﯿﮟ ﮈﺍﻝ ﺩﯾﺌﮯ ﮔﺌﮯ ﺩﺭﻣﯿﺎﻥ ﻣﯿﮟ ﮔﮩﺮﺍﺋﯽ ﺍﺗﻨﯽ ﮨﯽ ﺗﮭﯽ ﮐﮧ ﭘﺎﻧﯽ ﺭﮐﺎﺑﻮﮞ ﺗﮏ ﺁﺗﺎ ﺗﮭﺎ ﻟﯿﮑﻦ ﺑﮩﺎﺅ ﺍﺗﻨﺎ ﺗﯿﺰ ﮐﮯ ﮔﮭﻮﮌﮮ ﮐﮯ ﭘﺎﺅﮞ ﺍﮐﮭﮍﻧﮯ ﺍﻭﺭ ﮔﮭﻮﮌﮮ ﭘﮩﻠﻮ ﺑﮧ ﭘﮩﻠﻮ ﺍﯾﮏ ﺩﻭﺳﺮﮮ ﺳﮯ ﭨﮑﺮﺍﻧﮯ ﻟﮕﮯ ،ﺑﻌﺾ ﮔﮭﻮﮌﮮ ﺑﮩﺎﺅ ﮐﮯ ﺳﺎﺗﮫ ﮨﯽ ﭼﻠﮯ ﮔﺌﮯ ﺍﻭﺭ ﺩﻭﺭ ﺟﺎ ﮐﺮ ﮐﻨﺎﺭﮮ ﻟﮕﮯ۔
ﺁﮔﮯ ﮔﮭﻨﺎ ﺟﻨﮕﻞ ﺗﮭﺎ ،ﺍﯾﺴﺎ ﮔﮭﻨﺎ ﺑﮭﯽ ﻧﮩﯿﮟ ﮐﮧ ﺍﺱ ﻣﯿﮟ ﺳﮯ ﮔﺰﺭﺍ ﮨﯽ ﻧﮩﯿﮟ ﺟﺎﺳﮑﺘﺎ، ﻟﯿﮑﻦ ﺯﻣﯿﻦ ﮨﻤﻮﺍﺭ ﻧﮩﯿﮟ ﺗﮭﯽ ﻧﺸﯿﺐ ﻓﺮﺍﺯ ﺗﮭﯽ، ﮔﮭﺎﭨﯿﺎﮞ ﺍﻭﺭ ﭨﯿﮑﺮﯾﺎﮞ ﺗﮭﯿﮟ، ﺍﻭﺭ ﺟﮕﮧ ﺟﮕﮧ ﭘﺎﻧﯽ ﺟﻤﻊ ﺗﮭﺎ ،ﺍﺱ ﮐﮯ ﺍﺭﺩﮔﺮﺩ ﭘﮭﻠﻦ ﺍﻭﺭ ﺩﻟﺪﻝ ﺗﮭﯽ، ﮔﮭﻮﮌﻭﮞ ﮐﻮ ﺍﺳﯽ ﻣﯿﮟ ﺳﮯ ﮔﺰﺍﺭﺍ ﮔﯿﺎ۔
÷=÷=÷=÷=* ۔ *÷=÷=÷=
ﻭﮦ ﺑﮩﺖ ﮨﯽ ﭘﺮﺍﻧﺎ ﻗﻠﻌﮧ ﺗﮭﺎ ﺍﻭﺭ ﯾﮧ ﮐﻮﺋﯽ ﺑﮍﺍ ﻗﻠﻌﮧ ﻧﮧ ﺗﮭﺎ ،ﺍﯾﮏ ﺟﮕﮧ ﺳﮯ ﺩﯾﻮﺍﺭ ﮐﮯ ﭘﺘﮭﺮ ﮔﺮ ﭘﮍﮮ ﺗﮭﮯ ﺍﻭﺭ ﺩﯾﻮﺍﺭ ﮐﯽ ﺑﻠﻨﺪﯼ ﺁﺩﮬﯽ ﺑﮭﯽ ﻧﮩﯿﮟ ﺭﮦ ﮔﺌﯽ ﺗﮭﯽ ﺁﺩﻣﯽ ﮔﮭﻮﮌﮮ ﮐﯽ ﭘﯿﭩﮫ ﭘﺮ ﮐﮭﮍﮮ ﮨﻮ ﮐﺮ ﻗﻠﻌﮯ ﮐﮯ ﺍﻧﺪﺭ ﺩﯾﮑﮫ ﺳﮑﺘﺎ ﺗﮭﺎ ،ﺩﺭﻭﺍﺯﻭﮞ ﮐﯽ ﻟﮑﮍﯼ ﮐﻮ ﺩﯾﻤﮏ ﻧﮯ ﭼﺎﭦ ﻟﯿﺎ ﺗﮭﺎ، ﺍﻥ ﮐﮯ ﻟﻮﮨﮯ ﮐﮯ ﻓﺮﯾﻢ ﺳﻼﻣﺖ ﺗﮭﮯ، ﺍﻥ ﻓﺮﯾﻤﻮﮞ ﻧﮯ ﺍﺩﮪ ﮐﮭﺎﺋﯽ ﻟﮑﮍﯼ ﮐﻮ ﺗﮭﺎﻡ ﺭﮐﮭﺎ ﺗﮭﺎ۔
ﻗﻠﻌﮯ ﮐﮯ ﺍﻧﺪﺭ ﺑﮩﺖ ﮨﯽ ﻭﺳﯿﻊ ﮐﮭﻠﯽ ﺯﻣﯿﻦ ﺗﮭﯽ، ﺍﺱ ﭘﺮ ﻣﮑﺎﻧﻮﮞ ﮐﺎ ﻣﻠﺒﮧ ﺑﮑﮭﺮﺍ ﮨﻮﺍ ﺗﮭﺎ، ﯾﮧ ﺍﻥ ﻟﻮﮔﻮﮞ ﮐﮯ ﮐﭽﮯ ﭘﮑﮯ ﻣﮑﺎﻥ ﺗﮭﮯ ﺟﻮ ﮐﺒﮭﯽ ﯾﮩﺎﮞ ﺁﺑﺎﺩ ﺗﮭﮯ ،ﺍﺱ ﻣﻠﺒﮯ ﮐﮯ ﺍﺭﺩﮔﺮﺩ ﻗﻠﻌﮯ ﮐﮯ ﮐﻤﺮﮮ ﺗﮭﮯ، ﺯﯾﺎﺩﮦ ﺗﺮ ﮐﻤﺮﻭﮞ ﮐﯽ ﭼﮭﺘﯿﮟ ﺑﯿﭩﮫ ﮔﺌﯽ ﺗﮭﯿﮟ، ﮐﺌﯽ ﺍﯾﮏ ﮐﻤﺮﮮ ﺍﺑﮭﯽ ﺳﻼﻣﺖ ﺗﮭﮯ، ﺍﻥ ﮐﯽ ﭼﮭﺘﻮﮞ ﻣﯿﮟ ﭼﻤﮕﺎﺩﮌﻭﮞ ﻧﮯ ﺑﺴﯿﺮﺍ ﮐﺮ ﺭﮐﮭﺎ ﺗﮭﺎ۔
ﺑﮍﮮ ﺩﺭﻭﺍﺯﮮ ﮐﮯ ﭘﯿﭽﮭﮯ ﮈﯾﻮﮌﮬﯽ ﺗﮭﯽ ﺍﺱ ﮐﮯ ﭘﮩﻠﻮ ﻣﯿﮟ ﺑﮍﮮ ﮐﻤﺮﮮ ﺗﮭﮯ، ﺩﯾﻮﺍﺭﻭﮞ ﮐﺎ ﺭﻧﮓ ﺳﯿﺎﮦ ﮨﻮ ﮔﯿﺎ ﺗﮭﺎ، ﻓﺮﺵ ﺍﻭﺭ ﺩﯾﻮﺍﺭﻭﮞ ﭘﺮ ﮐﺎﺋﯽ ﺍُﮒ ﮐﺮ ﺧﺸﮏ ﮨﻮ ﮔﺌﯽ ﺗﮭﯽ، ﻣﻌﻠﻮﻡ ﻧﮩﯿﮟ ﻭﮦ ﮐﻮﻥ ﺗﮭﮯ ﺟﻨﮩﻮﮞ ﻧﮯ ﯾﮧ ﻗﻠﻌﮧ ﺑﻨﺎﯾﺎ ﺗﮭﺎ ،ﺍﺱ ﺳﻮﺍﻝ ﮐﺎ ﺟﻮﺍﺏ ﺑﮭﯽ ﻧﮩﯿﮟ ﻣﻠﺘﺎ ﮐﮧ ﺍﺱ ﺩﺷﻮﺍﺭ ﮔﺰﺍﺭ ﻋﻼﻗﮯ ﻣﯿﮟ ﺁﮐﺮ ﯾﮧ ﻗﻠﻌﮧ ﮐﯿﻮﮞ ﺗﻌﻤﯿﺮ ﮐﯿﺎ ﮔﯿﺎ ﺗﮭﺎ ،ﻋﻼﻗﮧ ﺳﺮﺳﺒﺰ ﺍﻭﺭ ﺧﻮﺑﺼﻮﺭﺕ ﺗﮭﺎ، ﺷﺎﯾﺪ ﺻﺪﯾﻮﮞ ﭘﮩﻠﮯ ﯾﮧ ﻋﻼﻗﮧ ﺁﺑﺎﺩ ﮨﻮﮔﺎ ،ﺍﺏ ﺗﻮ ﯾﮧ ﭼﻤﮕﺎﺩﮌﻭﮞ ﺍﻭﺭ ﺑﺪﺭﻭﺣﻮﮞ ﮐﺎﻣﺴﮑﻦ ﺗﮭﺎ ،ﮐﻮﺋﯽ ﺯﻧﺪﮦ ﺍﻧﺴﺎﻥ ﺗﻮ ﺍﺱ ﻣﯿﮟ ﺟﮭﺎﻧﮑﻨﮯ ﮐﯽ ﺑﮭﯽ ﺟﺮﺍﺕ ﻧﮩﯿﮟ ﮐﺮﺗﺎ ﺗﮭﺎ، ﻧﮧ ﺟﮭﺎﻧﮑﻨﮯ ﮐﯽ ﺿﺮﻭﺭﺕ ﻣﺤﺴﻮﺱ ﮐﺮﺗﺎ ﺗﮭﺎ۔
ﯾﮧ ﻗﻠﻌﮧ ﮔﺰﺭﮔﺎﮨﻮﮞ ﺳﮯ ﺑﮩﺖ ﺩﻭﺭ ﺗﮭﺎ ،ﺷﺎﯾﺪ ﮈﺍﮐﻮ ﺍﻭﺭ ﺭﮨﺰﻥ ﮐﺒﮭﯽ ﯾﮩﺎﮞ ﭼﮭﭙﻨﮯ ﮐﮯ ﻟﯿﮯ ﺁﺗﮯ ﮨﻮﮞ ﮔﮯ، ﻟﯿﮑﻦ ﮐﭽﮫ ﺩﻧﻮﮞ ﺳﮯ ﯾﮧ ﻗﻠﻌﮧ ﭘﮭﺮ ﺳﮯ ﺁﺑﺎﺩ ﮨﻮ ﮔﯿﺎ ﺗﮭﺎ، ﺁﺑﺎﺩ ﮨﻮﻧﮯ ﻭﺍﻟﻮﮞ ﮐﯽ ﺗﻌﺪﺍﺩ ﮐﻢ ﻭ ﺑﯿﺶ ﺗﯿﻦ ﺳﻮ ﺗﮭﯽ، ﺍﻥ ﻣﯿﮟ ﺳﺎﺕ ﺁﭨﮫ ﻋﻮﺭﺗﯿﮟ ﺑﮭﯽ ﺗﮭﯿﮟ، ﺁﺩﻣﯽ ﺟﻮ ﺗﮭﮯ ﺍﻥ ﻣﯿﮟ ﮐﺌﯽ ﺍﯾﮏ ﺯﺧﻤﯽ ﺗﮭﮯ، ﺷﺪﯾﺪ ﺯﺧﻤﯽ ﺑﮭﯽ ﺗﮭﮯ، ﺍﻥ ﮐﮯ ﮔﮭﻮﮌﮮ ﺑﮭﯽ ﺗﮭﮯ ﺍﻭﺭ ﺍﻭﻧﭧ ﺑﮭﯽ، ﻭﮦ ﻋﺎﺭﺿﯽ ﻃﻮﺭ ﭘﺮ ﯾﮩﺎﮞ ﺁﺋﮯ ﺗﮭﮯ، ﯾﮩﺎﮞ ﺳﮯ ﺍﻧﮩﯿﮟ ﺍﭘﻨﯽ ﻣﻨﺰﻝ ﮐﻮ ﺭﻭﺍﻧﮧ ﮨﻮﻧﺎ ﺗﮭﺎ ،ﻟﯿﮑﻦ ﺍﺑﮭﯽ ﺍﻧﮩﻮﮞ ﻧﮯ ﻣﻨﺰﻝ ﮐﮯ ﺭﺍﺳﺘﮯ ﮐﺎ ﺗﻌﯿﻦ ﻧﮩﯿﮟ ﮐﯿﺎ ﺗﮭﺎ۔
ﺳﻠﺠﻮﻗﯽ ﺳﺎﻻﺭ ﻗﺰﻝ ﺳﺎﺭﻭﻕ ﮐﯽ ﯾﮩﯽ ﻣﻨﺰﻝ ﺗﮭﯽ، ﺍﻭﺭ ﯾﮩﯽ ﺍﺱ ﮐﺎ ﮨﺪﻑ ﺗﮭﺎ، ﺍﺱ ﮐﺎ ﺷﮑﺎﺭ ﺍﺳﯽ ﻗﻠﻌﮯ ﻣﯿﮟ ﻣﻮﺟﻮﺩ ﺗﮭﺎ ﻭﮦ ﺣﺴﻦ ﺑﻦ ﺻﺒﺎﺡ ﺗﮭﺎ۔
ﺣﺴﻦ ﺑﻦ ﺻﺒﺎﺡ ﺗﺒﺮﯾﺰ ﺧﺎﻟﯽ ﮐﺮ ﺁﯾﺎ ﺗﮭﺎ ، ﺍﺳﮯ ﻣﻌﻠﻮﻡ ﺗﮭﺎ ﮐﮧ ﭘﺎﻧﭻ ﺳﻮ ﺳﻠﺠﻮﻗﯽ ﺳﻮﺍﺭﻭﮞ ﺍﻭﺭ ﺍﻥ ﮐﮯ ﺳﺎﻻﺭ ﮐﻮ ﻣﺎﺭ ﮐﺮ ﺍﺱ ﮐﺎ ﺭﺍﺳﺘﮧ ﺻﺎﻑ ﻧﮩﯿﮟ ﮨﻮﮔﯿﺎ، ﺑﻠﮑﮧ ﺭﺍﺳﺘﮯ ﮐﯽ ﺩﺷﻮﺍﺭﯾﺎﮞ ﭘﯿﺪﺍ ﮨﻮﺋﯽ ﮨﯿﮟ۔ ﺳﻠﺠﻮﻗﯿﻮﮞ ﮐﮯ ﺳﺎﺗﮫ ﺍﺱ ﮐﺎ ﯾﮧ ﭘﮩﻼ ﺗﺼﺎﺩﻡ ﺗﮭﺎ ﺍﺱ ﻧﮯ ﺳﻠﺠﻮﻗﯿﻮﮞ ﮐﻮ ﺍﭘﻨﺎ ﺧﻮﻧﯽ ﺩﺷﻤﻦ ﺑﻨﺎ ﻟﯿﺎ ﺗﮭﺎ ،ﭘﮩﻠﮯ ﺗﻮ ﺍﻥ ﮐﮯ ﺳﺎﺗﮫ ﺍﺱ ﮐﺎ ﻧﻈﺮﯾﺎﺗﯽ ﺍﺧﺘﻼﻑ ﺗﮭﺎ ،ﺣﺴﻦ ﺑﻦ ﺻﺒﺎﺡ ﺑﺎﻃﻞ ﻋﻘﯿﺪﮮ ﮐﺎ ﺑﺎﻧﯽ ﺍﻭﺭ ﻋﻠﻤﺒﺮﺩﺍﺭ ﺗﮭﺎ ،ﺳﻠﺠﻮﻗﯽ ﺻﺤﯿﺢ ﺍﻟﻌﻘﯿﺪﮦ ﻣﺴﻠﻤﺎﻥ ﺗﮭﮯ ﻭﮦ ﺍﯾﮏ ﺍﺳﻼﻣﯽ ﺳﻠﻄﻨﺖ ﻣﯿﮟ ﺣﺴﻦ ﺑﻦ ﺻﺒﺎﺡ ﮐﺎ ﻭﺟﻮﺩ ﺑﺮﺩﺍﺷﺖ ﻧﮩﯿﮟ ﮐﺮ ﺳﮑﺘﮯ ﺗﮭﮯ ،ﺍﺏ ﻧﻈﺮﯾﺎﺗﯽ ﺍﺧﺘﻼﻑ ﻣﺮﻧﮯ ﻣﺎﺭﻧﮯ ﻭﺍﻟﯽ ﻋﺪﺍﻭﺕ ﮐﯽ ﺷﮑﻞ ﺍﺧﺘﯿﺎﺭ ﮐﺮ ﮔﯿﺎ ﺗﮭﺎ۔
ﺗﺒﺮﯾﺰ ﮐﮯ ﺧﻮﻧﺮﯾﺰ ﺗﺼﺎﺩﻡ ﮐﮯ ﺑﻌﺪ ﺣﺴﻦ ﺑﻦ ﺻﺒﺎﺡ ﺧﻠﺠﺎﻥ ﺷﺎﮦ ﺩﺭ ﺍﻭﺭ ﺍﭘﻨﮯ ﭘﯿﺮﻭﻣﺮﺷﺪ ﺍﺣﻤﺪ ﺑﻦ ﻋﻄﺎﺵ ﮐﯽ ﺗﺤﻮﯾﻞ ﻣﯿﮟ ﮐﺴﯽ ﺑﮭﯽ ﻗﻠﻌﮯ ﻣﯿﮟ ﺟﺎ ﺳﮑﺘﺎ ﺗﮭﺎ ،ﻣﮕﺮ ﻭﮦ ﺟﺎﻧﺘﺎ ﺗﮭﺎ ﮐﮧ ﺳﻠﻄﺎﻥ ﻣﻠﮏ ﺷﺎﮦ ﺍﻭﺭ ﺧﺼﻮﺻﺎً ﺍﺑﻮ ﻣﺴﻠﻢ ﺭﺍﺯﯼ ﺟﻮﺍﺑﯽ ﮐﺎﺭﺭﻭﺍﺋﯽ ﮐﺮﯾﮟ ﮔﮯ، ﺍﻭﺭ ﻓﻮﺭﺍً ﮐﺮﯾﮟ ﮔﮯ، ﺍﻭﺭ ﺍﺳﮯ ﺯﻣﯿﻦ ﮐﯽ ﺳﺎﺗﻮﯾﮟ ﺗﮩﮧ ﻣﯿﮟ ﺳﮯ ﺑﮭﯽ ﮈﮬﻮﻧﮉ ﻧﮑﺎﻟﯿﮟ ﮔﮯ۔
ﯾﮧ ﺳﻮﭺ ﮐﺮ ﺗﺒﺮﯾﺰ ﻣﯿﮟ ﺍﺱ ﮐﮯ ﺟﺘﻨﮯ ﭘﯿﺮﻭﮐﺎﺭ ﻓﺪﺍﺋﯿﻦ ﺍﻭﺭ ﻭﮨﺎﮞ ﺗﮭﻮﮌﮮ ﺳﮯ ﺟﻮ ﻟﻮﮒ ﺁﺑﺎﺩ ﺗﮭﮯ ﺍﻥ ﺳﺐ ﮐﻮ ﺳﺎﺗﮫ ﻟﮯ ﮐﺮ ﺍﺱ ﻗﺪﯾﻢ ﻗﻠﻌﮯ ﻣﯿﮟ ﺁﮔﯿﺎ ﺗﮭﺎ ،ﯾﮧ ﺑﺘﺎﻧﺎ ﻣﺸﮑﻞ ﮨﮯ ﮐﮧ ﺍﺳﮯ ﮐﺲ ﻧﮯ ﻣﺸﻮﺭﮦ ﺩﯾﺎ ﺗﮭﺎ، ﯾﺎ ﺍﺳﮯ ﮐﺲ ﻧﮯ ﺍﺱ ﻗﻠﻌﮯ ﮐﯽ ﻧﺸﺎﻧﺪﮨﯽ ﮐﺮ ﮐﮯ ﮐﮩﺎ ﺗﮭﺎ ﮐﮧ ﻭﮨﺎﮞ ﺟﺎ ﮐﺮ ﺭﻭﭘﻮﺵ ﮨﻮ ﺟﺎﺋﮯ۔
ﺗﺎﺭﯾﺨﻮﮞ ﻣﯿﮟ ﺁﯾﺎ ﮨﮯ ﮐﮧ ﺍﺱ ﻧﮯ ﺍﺣﻤﺪ ﺑﻦ ﻋﻄﺎﺵ ﮐﻮ ﺍﻃﻼﻉ ﺩﮮ ﺩﯼ ﺗﮭﯽ ﮐﮧ ﺗﺒﺮﯾﺰ ﻣﯿﮟ ﮐﯿﺴﯽ ﺧﻮﻥ ﺭﯾﺰﯼ ﮨﻮﺋﯽ ﮨﮯ ﺍﻭﺭ ﺍﺏ ﻭﮦ ﺍﯾﮏ ﺍﯾﺴﮯ ﻗﻠﻌﮯ ﮐﮯ ﮐﮭﻨﮉﺭﻭﮞ ﻣﯿﮟ ﺭﻭﭘﻮﺵ ﮨﮯ ﺟﮩﺎﮞ ﺗﮏ ﮐﻮﺋﯽ ﻧﮩﯿﮟ ﭘﮩﻨﭻ ﺳﮑﺘﺎ۔
÷=÷=÷=÷=* ۔ *÷=÷=÷=÷=
ﺳﻮﺭﺝ ﻏﺮﻭﺏ ﮨﻮﻧﮯ ﻣﯿﮟ ﺍﺑﮭﯽ ﺑﮩﺖ ﻭﻗﺖ ﺭﮨﺘﺎ ﺗﮭﺎ، ﺣﺴﻦ ﺑﻦ ﺻﺒﺎﺡ ﺍﯾﮏ ﮐﻤﺮﮮ ﻣﯿﮟ ﻓﺮﺵ ﭘﺮ ﺑﯿﭩﮭﺎ ﺗﮭﺎ ،ﯾﮧ ﮐﻤﺮﮦ ﺍﺱ ﮐﮯ ﻟﯿﮯ ﺧﺎﺹ ﻃﻮﺭ ﭘﺮ ﺻﺎﻑ ﮐﯿﺎ ﮔﯿﺎ ﺗﮭﺎ، ﺍﺱ ﮐﮯ ﺳﺎﺗﮫ ﺟﻮ ﻟﻮﮒ ﺁﺋﮯ ﺗﮭﮯ ﺍﻧﮭﻮﮞ ﻧﮯ ﻓﺮﺵ ﭘﺮ ﮐﻤﺒﻞ ﺭﮐﮭﯿﮯ ﺍﻭﺭ ﺍﻥ ﭘﺮ ﺻﺎﻑ ﺳﺘﮭﺮﯼ ﭼﺎﺩﺭﯾﮟ ﺑﭽﮭﺎ ﺩﯾﮟ ﺗﮭﯿﮟ، ﺗﮑﯿﺌﮯ ﺑﮭﯽ ﺭﮐﮫ ﺩﯾﮯ ﺗﮭﮯ، ﺍﻭﺭ ﯾﮧ ﺍﻥ ﻟﻮﮔﻮﮞ ﮐﺎ ﺳﺮﺩﺍﺭ ﯾﺎ ﺳﺎﻻﺭ ﻧﮩﯿﮟ ﺑﻠﮑﮧ ﺍﻥ ﮐﺎ ﺭﻭﺣﺎﻧﯽ ﭘﯿﺸﻮﺍ ﺗﮭﺎ۔ ﺑﻌﺾ ﻧﮯ ﺍﺳﮯ ﭘﯿﻐﻤﺒﺮﯼ ﮐﺎ ﺩﺭﺟﮧ ﺩﮮ ﺩﯾﺎ ﺗﮭﺎ۔ ﺗﺒﺮﯾﺰ ﻭﺍﻟﻮﮞ ﻧﮯ ﺩﯾﮑﮭﺎ ﺗﮭﺎ ﮐﮧ ﻭﮦ ﺑﮭﺎﮔﻨﮯ ﮐﺎ ﺭﺍﺳﺘﮧ ﺩﯾﮑﮫ ﺭﮨﮯ ﺗﮭﮯ ﺗﻮ ﺣﺴﻦ ﺑﻦ ﺻﺒﺎﺡ ﻧﮯ ﺍﻟﻠﮧ ﮐﻮ ﭘﮑﺎﺭﺍ ﺗﮭﺎ ،ﭘﮭﺮ ﺍﺱ ﻧﮯ ﺍﻋﻼﻥ ﮐﯿﺎ ﺗﮭﺎ ﮐﮧ ﻭﺣﯽ ﺁ ﮔﺌﯽ ﮨﮯ ،ﺍﻟﻠﮧ ﮐﯽ ﻣﺪﺩ ﺁ ﺭﮨﯽ ﮨﮯ، ﭘﮭﺮ ﺗﯿﻦ ﺳﻮ ﺳﻮﺍﺭ ﺁﮔﺌﮯ ﺗﮭﮯ ﺟﻨﮩﻮﮞ ﻧﮯ ﺳﻠﺠﻮﻗﯽ ﺳﻮﺍﺭﻭﮞ ﮐﻮ ﺑﮯ ﺧﺒﺮﯼ ﻣﯿﮟ ﺁ ﻟﯿﺎ ﺍﻭﺭ ﺍﻧﮩﯿﮟ ﺍﻥ ﮐﮯ ﺳﺎﻻﺭ ﺳﻤﯿﺖ ﮐﺎﭦ ﮐﺮ ﭘﮭﯿﻨﮏ ﮈﺍﻻ ﺗﮭﺎ۔
،،،،،،، ﺍﻭﺭ ﺗﻢ ﺟﺎﻧﺘﮯ ﮨﻮ ۔۔۔ﺣﺴﻦ ﺑﻦ ﺻﺒﺎﺡ ﮐﻤﺮﮮ ﻣﯿﮟ ﺍﭘﻨﮯ ﺳﺎﻣﻨﮯ ﺑﯿﭩﮭﮯ ﮨﻮﺋﮯ ﭼﻨﺪ ﺍﯾﮏ ﺁﺩﻣﯿﻮﮞ ﺳﮯ ﮐﮩﮧ ﺭﮨﺎ ﺗﮭﺎ۔۔۔۔ ﮐﮧ ﮨﺮ ﭘﯿﻐﻤﺒﺮ ﮐﻮ ﺑﮭﺎﮔﻨﺎ ﭘﮍﺍ ﺭﻭﭘﻮﺵ ﮨﻮﻧﺎ ﭘﮍﺍ، ﻣﺼﺎﺋﺐ ﺑﺮﺩﺍﺷﺖ ﮐﺮﻧﮯ ﭘﮍﮮ، ﺍﻭﺭ ﺍﻧﮩﯿﮟ ﮐﮩﯿﮟ ﭘﻨﺎﮦ ﻟﯿﻨﯽ ﭘﮍﯼ، ﺣﻀﺮﺕ ﻋﯿﺴﯽ ﻋﻠﯿﮧ ﺍﻟﺴﻼﻡ ﮐﻮ ﺻﻠﯿﺐ ﭘﺮ ﭼﮍﮬﺎﯾﺎ ﮔﯿﺎ، ﺣﻀﺮﺕ ﻣﻮﺳﯽ ﻋﻠﯿﮧ ﺍﻟﺴﻼﻡ ﮐﻮ ﻓﺮﻋﻮﻥ ﻧﮯ ﻗﺘﻞ ﮐﺮﻧﮯ ﮐﯽ ﮐﻮﺷﺶ ﮐﯽ، ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﮐﻮ ﻣﮑﮧ ﺳﮯﻧﮑﻞ ﮐﺮﻣﺪﯾﻨﮧ ﻣﯿﮟ ﭘﻨﺎﮦ ﻟﯿﻨﯽ ﭘﮍﯼ، ﺍﮔﺮ ﻣﯿﮟ ﺁﺝ ﺍﻥ ﮐﮭﻨﮉﺭﻭﮞ ﻣﯿﮟ ﺁ ﺑﯿﭩﮭﺎ ﮨﻮﮞ ﺗﻮ ﯾﮧ ﻧﮧ ﺳﻤﺠﮭﻨﺎ ﮐﮧ ﻣﺠﮭﮯ ﺍﻟﻠﮧ ﻧﮯ ﻓﺮﺍﻣﻮﺵ ﮐﺮﺩﯾﺎ ﮨﮯ، ﯾﮧ ﺍﻟﻠﮧ ﮐﺎ ﺍﺷﺎﺭﮦ ﺗﮭﺎ ﮐﮧ ﻣﯿﮟ ﯾﮩﺎﮞ ﺁﮔﯿﺎ ﮨﻮﮞ، ﭘﯿﻐﻤﺒﺮﻭﮞ ﮐﮯ ﺳﺎﺗﮭﯿﻮﮞ ﮐﻮ ﺍﻟﻠﮧ ﻧﮯ ﻋﺎﻡ ﻟﻮﮔﻮﮞ ﺳﮯ ﺯﯾﺎﺩﮦ ﺍﻭﻧﭽﺎ ﺭﺗﺒﮧ ﺩﯾﺎ ﮨﮯ، ﺗﻢ ﺳﺐ ﺍﻟﻠﮧ ﮐﯽ ﻧﮕﺎﮨﻮﮞ ﻣﯿﮟ ﺍﻭﻧﭽﮯ ﺭﺗﺒﮯ ﮐﮯ ﺍﻓﺮﺍﺩ ﮨﻮ، ﺗﻢ ﭘﺮ ﺟﺐ ﺑﮭﯽ ﻣﺸﮑﻞ ﻭﻗﺖ ﺁﺋﮯ ﮔﺎ ﺍﻟﻠﮧ ﺗﻤﮩﺎﺭﯼ ﻣﺪﺩ ﮐﻮ ﭘﮩﻨﭽﮯ ﮔﺎ،،،،،،،
ﻭﮦ ﯾﮩﯿﮟ ﺗﮏ ﮐﮩﮧ ﭘﺎﯾﺎ ﺗﮭﺎ ﮐﮧ ﺑﺎﮨﺮ ﺳﮯ ﺍﯾﮏ ﺁﺩﻣﯽ ﮐﯽ ﺑﮍﯼ ﺑﻠﻨﺪ ﺁﻭﺍﺯ ﺳﻨﺎﺋﯽ ﺩﯼ۔۔۔ ﺣﻤﻠﮧ ﺁﺭﮨﺎ ﮨﮯ،،،،،، ﮬﻮﺷﯿﺎﺭ ﮨﻮﺟﺎﺅ ۔
ﺣﺴﻦ ﺑﻦ ﺻﺒﺎﺡ ﭼﭗ ﮨﻮ ﮔﯿﺎ ﺍﻭﺭ ﺍﺱ ﮐﮯ ﮐﺎﻥ ﮐﮭﮍﮮ ﮨﻮﮔﺌﮯ۔
ﺳﻠﺠﻮﻗﯿﻮﮞ ﮐﺎ ﻟﺸﮑﺮ ﺁ ﺭﮨﺎ ﮨﮯ۔
ﺑﮩﺖ ﺑﮍﺍ ﻟﺸﮑﺮ ﮨﮯ ۔
ﻭﻟﯽ ﮐﻮ ﺍﻃﻼﻉ ﺩﮮ ﺩﻭ۔
ﺍﻥ ﺁﻭﺍﺯﻭﮞ ﮐﮯ ﺳﺎﺗﮫ ﺟﺐ ﺩﻭﮌﺗﮯ ﻗﺪﻣﻮﮞ ﮐﯽ ﺁﮨﭩﯿﮟ ﺳﻨﺎﺋﯽ ﺩﯾﻨﮯ ﻟﮕﯽ ﺗﻮ ﺣﺴﻦ ﺑﻦ ﺻﺒﺎﺡ ﺍﭨﮭﺎ ﺍﻭﺭ ﺑﺎﮨﺮ ﻧﮑﻞ ﮔﯿﺎ، ﺍﺱ ﻧﮯ ﺍﭘﻨﮯ ﺁﺩﻣﯿﻮﮞ ﻣﯿﮟ ﮨﮍﺑﻮﻧﮓ ﻣﭽﯽ ﺩﯾﮑﮭﯽ، ﮐﭽﮫ ﺁﺩﻣﯽ ﻗﻠﻌﮯ ﮐﯽ ﭨﻮﭨﯽ ﮨﻮﺋﯽ ﺧﺴﺘﮧ ﺣﺎﻝ ﺳﯿﮍﮬﯿﻮﮞ ﺳﮯ ﺍﻭﭘﺮ ﺟﺎ ﺭﮨﮯ ﺗﮭﮯ ﺍﻭﺭ ﮐﭽﮫ ﺩﻭﺳﺮﯼ ﻃﺮﻑ ﮐﯽ ﺳﯿﮍﮬﯿﻮﮞ ﺳﮯ ﺍﺗﺮ ﺭﮨﮯ ﺗﮭﮯ، ﺍﻧﮩﻮﮞ ﻧﮯ ﮔﮭﺒﺮﺍﮨﭧ ﮐﮯ ﻋﺎﻟﻢ ﻣﯿﮟ ﺷﻮﺭ ﻭ ﻏﻞ ﺑﺮﭘﺎ ﮐﺮ ﺭﮐﮭﺎ ﺗﮭﺎ ۔
ﺯﺧﻤﯿﻮﮞ ﮐﺎ ﮐﯿﺎ ﺑﻨﮯ ﮔﺎ۔
ﮨﻢ ﺍﺗﻨﮯ ﺑﮍﮮ ﻟﺸﮑﺮ ﺳﮯ ﻧﮩﯿﮟ ﻟﮍ ﺳﮑﺘﮯ۔
ﺭﮎ ﺟﺎﺅ ! ،،،،،،ﺣﺴﻦ ﺑﻦ ﺻﺒﺎﺡ ﻧﮯ ﺍﭘﻨﯽ ﻣﺨﺼﻮﺹ ﮔﺮﺟﺪﺍﺭ ﺁﻭﺍﺯ ﻣﯿﮟ ﮐﮩﺎ۔۔۔ ﺟﻮ ﺟﮩﺎﮞ ﮨﮯ ﻭﮨﯿﮟ ﺭﮨﮯ۔
ﺣﺴﻦ ﺑﻦ ﺻﺒﺎﺡ ﺑﮍﮮ ﺗﺤﻤﻞ ﺍﻭﺭ ﺍﻃﻤﯿﻨﺎﻥ ﺳﮯ ﺳﯿﮍﮬﯿﺎﮞ ﭼﮍﮪ ﮔﯿﺎ ﺍﻭﺭ ﺍﺱ ﻃﺮﻑ ﺩﯾﮑﮭﺎ ﺟﺲ ﻃﺮﻑ ﺍﺱ ﮐﮯ ﺁﺩﻣﯽ ﺩﯾﮑﮫ ﺭﮨﮯ ﺗﮭﮯ، ﮐﻢ ﻭ ﺑﯿﺶ ﮈﯾﮍﮪ ﻣﯿﻞ ﺩﻭﺭ ﺍﯾﮏ ﮨﺰﺍﺭ ﺳﻮﺍﺭ ﺳﻤﻨﺪﺭ ﮐﯽ ﻟﮩﺮ ﮐﯽ ﻃﺮﺡ ﭼﻠﮯ ﺁ ﺭﮨﮯ ﺗﮭﮯ، ﺍﯾﮏ ﮨﺰﺍﺭ ﺳﻮﺍﺭ ﺑﮩﺖ ﺑﮍﯼ ﻃﺎﻗﺖ ﺗﮭﯽ، ﻗﻠﻌﮧ ﺗﻮ ﻣﺤﺾ ﺍﯾﮏ ﮐﮭﻨﮉﺭ ﺗﮭﺎ ﺟﺲ ﮐﮯ ﺩﺭﻭﺍﺯﮮ ﺩﯾﻤﮏ ﻧﮯ ﮐﮭﺎ ﻟﺌﮯ ﺗﮭﮯ، ﺣﺴﻦ ﺑﻦ ﺻﺒﺎﺡ ﮐﮯ ﺳﺎﺗﮫ ﺗﯿﻦ ﺳﻮ ﺳﮯ ﮐﭽﮫ ﮨﯽ ﺯﯾﺎﺩﮦ ﺁﺩﻣﯽ ﺗﮭﮯ ﺟﻦ ﻣﯿﮟ ﺁﺩﮬﮯ ﺗﺒﺮﯾﺰ ﮐﯽ ﻟﮍﺍﺋﯽ ﮐﮯ ﺯﺧﻤﯽ ﺗﮭﮯ، ﺍﺑﻮ ﻋﻠﯽ ﻧﮯ ﻗﺰﻭﯾﻦ ﺳﮯ ﺗﯿﻦ ﺳﻮ ﺁﺩﻣﯽ ﺑﮭﯿﺠﮯ ﺗﮭﮯ ﺍﻥ ﻣﯿﮟ ﺳﮯ ﺯﯾﺎﺩﮦ ﺗﺮ ﻭﺍﭘﺲ ﭼﻠﮯ ﮔﺌﮯ ﺗﮭﮯ۔
ﺯﺧﻤﯿﻮﮞ ﻣﯿﮟ ﭼﻨﺪ ﺍﯾﮏ ﮨﯽ ﺗﮭﮯ ﺟﻮ ﻟﮍﻧﮯ ﮐﮯ ﻗﺎﺑﻞ ﺗﮭﮯ، ﺍﻥ ﺳﺐ ﮐﺎ ﯾﮧ ﻭﺍﻭﯾﻼ ﺑﺠﺎ ﺗﮭﺎ ﮐﮧ ﻭﮦ ﺍﺗﻨﮯ ﺑﮍﮮ ﻟﺸﮑﺮ ﺳﮯ ﻧﮩﯿﮟ ﻟﮍ ﺳﮑﯿﮟ ﮔﮯ، ﻟﯿﮑﻦ ﻭﮦ ﺍﭘﻨﮯ ﭘﯿﺮﻭﻣﺮﺷﺪ ﯾﺎ ﺍﻣﺎﻡ ﺣﺴﻦ ﺑﻦ ﺻﺒﺎﺡ ﮐﮯ ﭼﮩﺮﮮ ﭘﺮ ﺳﮑﻮﻥ ﺍﻭﺭ ﺍﻃﻤﯿﻨﺎﻥ ﺩﯾﮑﮫ ﺭﮨﮯ ﺗﮭﮯ۔ ﺳﺎﻻﺭ ﻗﺰﻝ ﺳﺎﺭﻭﻕ ﮐﮯ ﺍﯾﮏ ﮨﺰﺍﺭ ﺳﻮﺍﺭ ﻗﺮﯾﺐ ﺁﺗﮯ ﮔﺌﮯ، ﺍﻥ ﮐﯽ ﺭﻓﺘﺎﺭ ﺍﺗﻨﯽ ﺳﺴﺖ ﺗﮭﯽ ﺟﯿﺴﮯ ﻭﮦ ﺁﺭﺍﻡ ﺁﺭﺍﻡ ﺳﮯ ﺳﻔﺮ ﭘﺮ ﺟﺎ ﺭﮨﮯ ﮨﻮﮞ۔
ﮐﯿﺎ ﺧﯿﺎﻝ ﮨﮯ ؟،،،،،،ﺣﺴﻦ ﺑﻦ ﺻﺒﺎﺡ ﻧﮯ ﺍﯾﮏ ﺁﺩﻣﯽ ﺳﮯ ﭘﻮﭼﮭﺎ ﺟﻮ ﺍﺱ ﮐﮯ ﺳﺎﺗﮫ ﮐﮭﮍﺍ ﺗﮭﺎ۔
ﺍﻭﺭ ﻗﺮﯾﺐ ﺁﻧﮯ ﺩﯾﮟ۔۔۔ ﺳﺎﺗﮫ ﻭﺍﻟﮯ ﺁﺩﻣﯽ ﻧﮯ ﮐﮩﺎ ۔۔۔ﺍﻥ ﮐﯽ ﺭﻓﺘﺎﺭ ﺑﺘﺎﺗﯽ ﮨﮯ ﮐﮧ ﻭﺍﺭ ﺧﺎﻟﯽ ﻧﮩﯿﮟ ﮔﯿﺎ۔
ﯾﮧ ﺗﻮ ﻣﯿﮟ ﺩﯾﮑﮫ ﺭﮨﺎ ﮨﻮﮞ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﯾﮩﺎﮞ ﺳﮯ ﺍﻧﮩﯿﮟ ﮔﮭﻮﮌﮮ ﺩﻭﮌﺍ ﺩﯾﻨﮯ ﭼﺎﮨﯿﺌﮯ ﺗﮭﮯ، ﻣﯿﮟ ﮐﭽﮫ ﺍﺛﺮ ﺩﯾﮑﮫ ﺭﮨﺎ ﮨﻮﮞ۔
ﻗﻠﻌﮯ ﮐﯽ ﺩﯾﻮﺍﺭ ﭘﺮ ﺍﻭﺭ ﻧﯿﭽﮯ ﺣﺴﻦ ﺑﻦ ﺻﺒﺎﺡ ﮐﮯ ﺁﺩﻣﯿﻮﮞ ﻧﮯ ﺍﯾﺴﺎ ﻏﻞ ﻏﭙﺎﮌﮦ ﺑﭙﺎ ﮐﺮ ﺭﮐﮭﺎ ﺗﮭﺎ ﮐﮧ ﮐﺎﻧﻮﮞ ﭘﮍﯼ ﺁﻭﺍﺯ ﺳﻨﺎﺋﯽ ﻧﮩﯿﮟ ﺩﯾﺘﯽ ﺗﮭﯽ۔
ﮨﺮ ﺁﺩﻣﯽ ﺍﭘﻨﺎ ﮨﺘﮭﯿﺎﺭ ﻟﮯ ﮐﺮ ﻟﮍﻧﮯ ﮐﮯ ﻟﯿﮯ ﺗﯿﺎﺭ ﮨﻮ ﺟﺎﺋﮯ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﺩﯾﻮﺍﺭ ﺳﮯ ﺍﻧﺪﺭ ﮐﯽ ﻃﺮﻑ ﻣﻨﮧ ﮐﺮﮐﮯ ﺍﭘﻨﮯ ﺁﺩﻣﯿﻮﮞ ﮐﻮ ﺣﮑﻢ ﺩﯾﺎ۔۔۔ ﺗﯿﺮﺍﻧﺪﺍﺯ ﺍﻭﭘﺮ ﺁ ﺟﺎﺋﯿﮟ۔
ﭼﻮﻧﮑﮧ ﯾﮧ ﺣﺴﻦ ﺑﻦ ﺻﺒﺎﺡ ﮐﺎ ﺣﮑﻢ ﺗﮭﺎ ﺍﻭﺭ ﺳﺐ ﺍﺳﮯ ﻭﻟﯽ ﺑﮭﯽ ﻣﺎﻧﺘﮯ ﺗﮭﮯ، ﺍﻣﺎﻡ ﺑﮭﯽ ﺍﻭﺭ ﺑﻌﺾ ﻧﮯ ﺗﻮ ﺍﺳﮯ ﭘﯿﻐﻤﺒﺮ ﺑﮭﯽ ﺑﻨﺎ ﺩﯾﺎ ﺗﮭﺎ، ﺍﻧﮩﻮﮞ ﻧﮯ ﺣﮑﻢ ﮐﯽ ﺗﻌﻤﯿﻞ ﮐﯽ ﻟﯿﮑﻦ ﺑﺪﺩﻟﯽ ﺍﻭﺭ ﺑﺰﺩﻟﯽ ﺍﻥ ﮐﮯ ﭼﮩﺮﻭﮞ ﭘﺮ ﺻﺎﻑ ﻧﻈﺮ ﺁﺭﮨﯽ ﺗﮭﯽ، ﺯﺧﻤﯿﻮﮞ ﻧﮯ ﺍﻟﮓ ﮨﻨﮕﺎﻣﮧ ﻣﭽﺎ ﺭﮐﮭﺎ ﺗﮭﺎ ،ﻭﮦ ﺟﺎﻧﺘﮯ ﺗﮭﮯ ﮐﮧ ﻭﮦ ﺗﻮ ﻣﻌﺬﻭﺭﯼ ﺍﻭﺭ ﺑﮯ ﺑﺴﯽ ﮐﯽ ﺣﺎﻟﺖ ﻣﯿﮟ ﮨﯿﮟ ﻣﺎﺭﮮ ﺟﺎﺋﯿﮟ ﮔﮯ۔
ﺩﻭﺳﺮﯼ ﻃﺮﻑ ﺳﮯ ﻧﮑﻞ ﺑﮭﺎﮔﻮ۔۔۔ ﻗﻠﻌﮯ ﺳﮯ ﺍﯾﮏ ﺁﻭﺍﺯ ﺍﭨﮭﯽ۔
ﮨﻤﯿﮟ ﺳﺎﺗﮫ ﻟﮯ ﭼﻠﻮ ﺑﮭﺎﺋﯿﻮ ! ،،،،،ﯾﮧ ﺯﺧﻤﯿﻮﮞ ﮐﯽ ﺁﮦ ﻭ ﺑﮑﺎ ﺗﮭﯽ۔
ﺣﺴﻦ ﺑﻦ ﺻﺒﺎﺡ ﻧﮯ ﺩﯾﻮﺍﺭ ﭘﺮ ﮐﮭﮍﮮ ﺗﯿﺮ ﺍﻧﺪﺍﺯﻭﮞ ﮐﻮ ﺩﯾﮑﮭﺎ ،ﭘﮭﺮ ﺍﻧﺪﺭ ﮐﯽ ﻃﺮﻑ ﺍﭘﻨﮯ ﺁﺩﻣﯿﻮﮞ ﮐﻮ ﺩﯾﮑﮭﺎ ﺍﻭﺭ ﺍﻥ ﮐﯽ ﺑﺎﺗﯿﮟ ﺳﻨﯿﮟ، ﺑﺎﮨﺮ ﺩﯾﮑﮭﺎ ﺗﻮ ﺍﯾﮏ ﮨﺰﺍﺭ ﺳﻮﺍﺭﻭﮞ ﮐﺎ ﻟﺸﮑﺮ ﻗﻠﻌﮯ ﮐﮯ ﻗﺮﯾﺐ ﺁ ﮔﯿﺎ ﺗﮭﺎ ،ﺍﻭﺭ ﮔﮭﻮﮌﮮ ﻗﻠﻌﮯ ﮐﮯ ﺩﺍﺋﯿﮟ ﺑﺎﺋﯿﮟ ﭘﮭﯿﻠﺘﮯ ﺟﺎﺭﮨﮯ ﺗﮭﮯ ،ﺳﺎﻻﺭ ﻗﺰﻝ ﺳﺎﺭﻭﻕ ﺍﻭﺭ ﺍﺱ ﮐﮯ ﺳﻮﺍﺭﻭﮞ ﮐﮯ ﭼﮩﺮﻭﮞ ﭘﺮ ﻭﮦ ﻏﯿﻆ ﻭﻏﻀﺐ ﻧﮩﯿﮟ ﺗﮭﺎ ﺟﻮ ﺣﻤﻠﮧ ﺁﻭﺭﻭﮞ ﮐﮯ ﭼﮩﺮﻭﮞ ﭘﺮ ﮨﻮﺍ ﮐﺮﺗﺎ ﮨﮯ۔
ﻗﺰﻝ ﺳﺎﺭﻭﻕ ﮐﻮ ﺗﻮ ﺁﮒ ﺑﮕﻮﻻ ﮨﻮﻧﺎ ﭼﺎﮨﯿﮯ ﺗﮭﺎ، ﮐﯿﻮﻧﮑﮧ ﺍﻥ ﺑﺎﻃﻨﯿﻮﮞ ﻧﮯ ﺍﺱ ﮐﮯ ﺳﺎﺗﮭﯽ ﺳﺎﻻﺭ ﺍﻣﯿﺮ ﺍﺭﺳﻼﻥ ﮐﻮ ﻗﺘﻞ ﮐﯿﺎ ﺗﮭﺎ ،ﺍﻭﺭ ﺍﻧﮩﻮﮞ ﻧﮯ ﭘﺎﻧﭻ ﺳﻮ ﺳﻠﺠﻮﻗﯽ ﺳﻮﺍﺭ ﻣﺎﺭ ﮈﺍﻟﮯ ﺗﮭﮯ، ﻟﯿﮑﻦ ﻗﺰﻝ ﺳﺎﺭﻭﻕ ﮐﮯ ﭼﮩﺮﮮ ﭘﺮ ﺍﻃﻤﯿﻨﺎﻥ ﺳﺎ ﺗﮭﺎ۔
÷=÷=÷=* ۔ *÷=÷=÷=÷=
ﺣﺴﻦ ﺑﻦ ﺻﺒﺎﺡ ﻧﮯ ﺍﭘﻨﮯ ﺁﺩﻣﯿﻮﮞ ﮐﺎ ﺟﺎﺋﺰﮦ ﻟﮯ ﻟﯿﺎ ﺗﮭﺎ، ﺍﺱ ﻧﮯ ﺩﯾﮑﮫ ﻟﯿﺎ ﺗﮭﺎ ﮐﮧ ﺍﻥ ﻣﯿﮟ ﻟﮍﻧﮯ ﮐﺎ ﺩﻡ ﻧﮩﯿﮟ ﺍﻭﺭ ﻧﮧ ﮨﯽ ﺍﻥ ﻣﯿﮟ ﺟﺬﺑﮧ ﮨﮯ، ﺍﺱ ﺣﻘﯿﻘﺖ ﺳﮯ ﺗﻮ ﻭﮦ ﺁﮔﺎﮦ ﺗﮭﺎ ﮐﮧ ﺍﺗﻨﮯ ﺗﮭﻮﮌﮮ ﺳﮯ ﺁﺩﻣﯽ ﺍﯾﮏ ﮨﺰﺍﺭ ﺳﻮﺍﺭﻭﮞ ﮐﺎ ﻣﻘﺎﺑﻠﮧ ﻧﮩﯿﮟ ﮐﺮ ﺳﮑﯿﮟ ﮔﮯ، ﻭﮦ ﺍﭼﺎﻧﮏ ﺩﯾﻮﺍﺭ ﺳﮯ ﮨﭧ ﮐﺮ ﭘﯿﭽﮭﮯ ﮐﻮ ﻣﮍﺍ ﺍﻭﺭ ﻭﮨﯿﮟ ﺳﮯ ﺍﻧﺪﺭ ﮐﯽ ﻃﺮﻑ ﻣﻨﮧ ﮐﺮﮐﮯ ﮐﮭﮍﺍ ﮨﻮﮔﯿﺎ۔
ﺍﻟﻠﮧ ،،،،،،ﻣﺠﮭﮯ ﺯﻣﯿﻦ ﭘﺮ ﺍﺗﺎﺭﻧﮯ ﻭﺍﻟﮯ ﺍﻟﻠﮧ،،،،،، ﺣﺴﻦ ﺑﻦ ﺻﺒﺎﺡ ﻧﮯ ﺩﻭﻧﻮﮞ ﮨﺎﺗﮫ ﺍﻭﺭ ﻣﻨﮧ ﺁﺳﻤﺎﻥ ﮐﯽ ﻃﺮﻑ ﮐﺮﮐﮯ ﺑﮍﯼ ﮨﯽ ﺑﻠﻨﺪ ﺁﻭﺍﺯ ﻣﯿﮟ ﮐﮩﺎ۔۔۔ ﺗﯿﺮﺍ ﺍﯾﻠﭽﯽ ﺟﺴﮯ ﺗﻮ ﻧﮯ ﺍﻣﺎﻣﺖ ﺑﺨﺸﯽ ﮨﮯ ﺑﮩﺖ ﺑﮍﯼ ﻣﺸﮑﻞ ﻣﯿﮟ ﺁﮔﯿﺎ ﮨﮯ، ﺍﭘﻨﯽ ﺭﺍﮦ ﻣﯿﮟ ﻟﮍ ﮐﺮ ﺯﺧﻤﯽ ﮨﻮﻧﮯ ﻭﺍﻟﮯ ﺑﻨﺪﻭﮞ ﭘﺮ ﺭﺣﻢ ﻓﺮﻣﺎ، ﺍﻭﺭ ﺍﭘﻨﯽ ﺧﺪﺍﺋﯽ ﮐﯽ ﻻﺝ ﺭﮐﮫ ﻟﮯ۔
ﺣﺴﻦ ﺑﻦ ﺻﺒﺎﺡ ﭘﻠﭧ ﮐﺮ ﺩﯾﻮﺍﺭ ﮐﯽ ﺑﯿﺮﻭﻧﯽ ﻃﺮﻑ ﭼﻼ ﮔﯿﺎ، ﺳﺎﻻﺭ ﻗﺰﻝ ﺳﺎﺭﻭﻕ ﺍﺱ ﮐﮯ ﺳﺎﻣﻨﮯ ﺗﮭﺎ، ﺍﺱ ﺳﻠﺠﻮﻗﯽ ﺳﺎﻻﺭ ﻧﮯ ﺍﭘﻨﮯ ﺳﻮﺍﺭﻭﮞ ﮐﻮ ﮐﻮﺋﯽ ﺣﮑﻢ ﻧﮩﯿﮟ ﺩﯾﺎ ﺗﮭﺎ ،ﻭﮦ ﺣﺴﻦ ﺑﻦ ﺻﺒﺎﺡ ﮐﻮ ﯾﻮﮞ ﺩﯾﮑﮫ ﺭﮨﺎ ﺗﮭﺎ ﺟﯿﺴﮯ ﺍﺳﮯ ﭘﮩﭽﺎﻧﻨﮯ ﮐﯽ ﮐﻮﺷﺶ ﮐﺮ ﺭﮨﺎ ﮨﻮ۔
ﺗﻢ ﻟﻮﮒ ﯾﮩﺎﮞ ﮐﯿﺎ ﻟﯿﻨﮯ ﺁﺋﮯ ﮨﻮ؟،،،، ﺣﺴﻦ ﺑﻦ ﺻﺒﺎﺡ ﻧﮯ ﭘﻮﭼﮭﺎ۔
ﮨﻢ ﻟﻮﮒ ﯾﮩﺎﮞ ﮐﯿﺎ ﻟﯿﻨﮯ ﺁﺋﮯ ﮨﯿﮟ۔۔۔ ﻗﺰﻝ ﺳﺎﺭﻭﻕ ﻧﮯ ﺍﭘﻨﮯ ﺍﯾﮏ ﻣﺎﺗﺤﺖ ﺳﮯ ﭘﻮﭼﮭﺎ ﺟﻮ ﺍﺱ ﮐﮯ ﭘﺎﺱ ﻣﻮﺟﻮﺩ ﺗﮭﺎ ۔
ﻣﺎﺗﺤﺖ ﻧﮯ ﺍﺱ ﮐﮯ ﻣﻨﮧ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﭘﮭﺮ ﻣﻨﮧ ﺍﻭﭘﺮ ﮐﺮﮐﮯ ﺩﯾﻮﺍﺭ ﭘﺮ ﮐﮭﮍﮮ ﺣﺴﻦ ﺑﻦ ﺻﺒﺎﺡ ﮐﻮ ﺩﯾﮑﮭﻨﮯ ﻟﮕﺎ۔
ﺣﺴﻦ ﺑﻦ ﺻﺒﺎﺡ ﺍﯾﮏ ﺑﺎﺭ ﭘﮭﺮ ﭘﯿﭽﮭﮯ ﮐﻮ ﻣﮍﺍ ﺍﺱ ﻧﮯ ﺑﺎﺯﻭ ﺍﻭﭘﺮ ﮐﺌﮯ ﺍﻭﺭ ﺑﮍﯼ ﮨﯽ ﮔﺮﺟﺪﺍﺭ ﺁﻭﺍﺯ ﻣﯿﮟ ﺍﻋﻼﻥ ﮐﯿﺎ ۔۔۔ﻓﺮﺷﺘﮯ ﺍﺗﺮ ﺁﺋﮯ ﮨﯿﮟ ،،،،،ﺣﻮﺻﻠﻮﮞ ﮐﻮ ﻣﻀﺒﻮﻁ ﺭﮐﮭﻮ،،،، ﺩﺷﻤﻦ ﺑﮭﺎﮒ ﺭﮨﺎ ﮨﮯ۔
ﻭﮦ ﭘﮭﺮ ﺩﯾﻮﺍﺭ ﮐﮯ ﺑﺎﮨﺮ ﮐﯽ ﻃﺮﻑ ﻣﮍﺍ ،ﺩﻭ ﺗﯿﺮ ﺍﻧﺪﺍﺯﻭﮞ ﮐﻮ ﺑﻼﯾﺎ، ﺍﻧﮩﯿﮟ ﮐﭽﮫ ﮐﮩﺎ ،ﺍﻧﮩﻮﮞ ﻧﮯ ﺍﯾﮏ ﺍﯾﮏ ﺗﯿﺮ ﭼﻼﯾﺎ ،ﺍﯾﮏ ﺗﯿﺮ ﺍﯾﮏ ﺳﻮﺍﺭ ﮐﮯ ﺳﯿﻨﮯ ﻣﯿﮟ ﺍﻭﺭ ﺩﻭﺳﺮﺍ ﺗﯿﺮ ﺍﯾﮏ ﺍﻭﺭ ﺳﻮﺍﺭ ﮐﯽ ﺷﮧ ﺭﮒ ﻣﯿﮟ ﺍﺗﺮ ﮔﯿﺎ ،ﺩﻭﻧﻮﮞ ﺳﻮﺍﺭ ﮔﮭﻮﮌﻭﮞ ﺳﮯ ﮔﺮ ﭘﮍﮮ۔
ﺗﻢ ﻧﮯ ﻣﯿﺮﮮ ﺳﻮﺍﺭﻭﮞ ﮐﻮ ﮐﯿﻮﮞ ﻣﺮﻭﺍﯾﺎ ﮨﮯ؟،،،،، ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﺣﺴﻦ ﺑﻦ ﺻﺒﺎﺡ ﺳﮯ ﭘﻮﭼﮭﺎ۔
ﺍﭘﻨﮯ ﺳﻮﺍﺭﻭﮞ ﮐﻮ ﯾﮩﺎﮞ ﺳﮯ ﻟﮯ ﺟﺎﺅ ۔۔۔ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﻭﺭﻧﮧ ﺗﻤﮩﺎﺭﺍ ﮨﺮ ﺳﻮﺍﺭ ﺍﺳﯽ ﻃﺮﺡ ﻣﺎﺭﺍ ﺟﺎﺋﮯ ﮔﺎ، ﭘﮭﺮ ﺗﻤﮩﯿﮟ ﮔﮭﻮﮌﮮ ﮐﮯ ﭘﯿﭽﮭﮯ ﺑﺎﻧﺪﮪ ﮐﺮ ﮔﮭﻮﮌﮮ ﮐﻮ ﺑﮭﮕﺎ ﺩﯾﺎ ﺟﺎﺋﮯ ﮔﺎ۔
ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﮐﭽﮫ ﺑﮭﯽ ﻧﮧ ﮐﮩﺎ ،ﺍﺱ ﻧﮯ ﺍﭘﻨﺎ ﮔﮭﻮﮌﺍ ﭘﯿﭽﮭﮯ ﮐﻮ ﻣﻮﮌﺍ ﺍﻭﺭ ﭼﻞ ﺩﯾﺎ ،ﺗﻤﺎﻡ ﺳﺎﻻﺭ ﺍﺱ ﮐﮯ ﭘﯿﭽﮭﮯ ﭘﯿﭽﮭﮯ ﭼﻞ ﭘﮍﮮ۔
ﺍﻣﺎﻡ ﻧﮯ ﺩﺷﻤﻦ ﮐﻮ ﺑﮭﮕﺎ ﺩﯾﺎ ﮨﮯ۔۔۔۔ﻗﻠﻌﮯ ﮐﯽ ﺩﯾﻮﺍﺭ ﺳﮯ ﺑﮍﯼ ﮨﯽ ﺑﻠﻨﺪ ﺁﻭﺍﺯ ﺍﭨﮭﯽ۔۔۔ ﺍﻭﭘﺮ ﺁ ﮐﺮ ﺩﯾﮑﮭﻮ ۔
ﺍﭘﻨﮯ ﭘﯿﺮ ﻭ ﻣﺮﺷﺪ ﮐﺎ ﻣﻌﺠﺰﺍ ﺩﯾﮑﮭﻮ۔۔۔ ﺍﯾﮏ ﺍﻭﺭ ﺁﻭﺍﺯ ﺍﭨﮭﯽ۔
ﭘﯿﺮﻭﻣﺮﺷﺪ ﻧﮩﯿﮟ ۔۔۔ﮐﺴﯽ ﻧﮯ ﮔﻼ ﭘﮭﺎﮌ ﮐﺮ ﮐﮩﺎ۔۔۔ ﻧﺒﯽ ﮐﮩﻮ،،،،،،،،،ﺧﺪﺍ ﮐﺎ ﺑﮭﯿﺠﺎ ﮨﻮﺍ ﺍﻣﺎﻡ ﮐﮩﻮ۔
ﻧﯿﭽﮯ ﻭﺍﻟﮯ ﺗﻤﺎﻡ ﺁﺩﻣﯽ ﺟﻦ ﻣﯿﮟ ﭼﻨﺪ ﺍﯾﮏ ﻋﻮﺭﺗﯿﮟ ﺑﮭﯽ ﺗﮭﯿﮟ ﺩﻭﮌﺗﮯ ﮨﻮﺋﮯ ﺍﻭﭘﺮ ﮔﺌﮯ ﺍﻭﺭ ﺣﯿﺮﺕ ﺯﺩﮔﯽ ﮐﮯ ﻋﺎﻟﻢ ﻣﯿﮟ ﺟﺎﺗﮯ ﮨﻮﺋﮯ ﺳﻮﺍﺭﻭﮞ ﮐﻮ ﺩﯾﮑﮭﻨﮯ ﻟﮕﮯ، ﺳﻠﺠﻮﻗﯽ ﺳﻮﺍﺭ ﺟﺎﺗﮯ ﺟﺎﺗﮯ ﺟﻨﮕﻞ ﮐﯽ ﮨﺮﯾﺎﻟﯽ ﻣﯿﮟ ﺗﺤﻠﯿﻞ ﮨﻮ ﮔﺌﮯ، ﺍﻭﺭ ﺍﺱ ﮐﮯ ﺳﺎﺗﮫ ﮨﯽ ﺳﻮﺭﺝ ﻣﻐﺮﺏ ﻭﺍﻟﯽ ﺑﻠﻨﺪ ﻭ ﺑﺎﻻ ﭘﮩﺎﮌ ﯾﻮﮞ ﮐﮯ ﭘﯿﭽﮭﮯ ﭼﻼ ﮔﯿﺎ۔
÷=÷=÷=* ۔ *÷=÷=÷=
ﺣﺴﻦ ﺑﻦ ﺻﺒﺎﺡ ﺩﯾﻮﺍﺭ ﭘﺮ ﮨﯽ ﮐﮭﮍﺍ ﺭﮨﺎ ﺍﻭﺭ ﺍﺱ ﮐﯽ ﻧﻈﺮﯾﮟ ﺍﺩﮬﺮ ﮨﯽ ﻟﮕﯽ ﺭﮨﯿﮟ ﺟﺪﮬﺮ ﺳﺎﻻﺭ ﻗﺰﻝ ﺳﺎﺭﻭﻕ ﺍﻭﺭ ﺍﺱ ﮐﮯ ﺳﻮﺍﺭ ﻧﻈﺮﻭﮞ ﺳﮯ ﺍﻭﺟﮭﻞ ﮨﻮ ﮔﺌﮯ ﺗﮭﮯ۔
ﺍﻣﺎﻡ ﮐﻮ ﺳﺠﺪﮦ ﮐﺮﻭ ۔۔۔۔ﮐﺴﯽ ﮐﯽ ﺁﻭﺍﺯ ﺍﭨﮭﯽ۔
ﺳﺐ ﻟﻮﮒ ﺟﯿﺴﮯ ﺍﺳﯽ ﺁﻭﺍﺯ ﮐﮯ ﻣﻨﺘﻈﺮ ﺗﮭﮯ ﺟﻮ ﺩﯾﻮﺍﺭ ﭘﺮ ﺗﮭﮯ، ﻭﮦ ﺩﻭﮌﺗﮯ ﺁﺋﮯ ﺍﻭﺭ ﺣﺴﻦ ﺑﻦ ﺻﺒﺎﺡ ﮐﮯ ﺳﺎﻣﻨﮯ ﺳﺠﺪﮦ ﺭﯾﺰ ﮨﻮ ﮔﺌﮯ۔
ﻧﯿﭽﮯ ﻭﺍﻟﮯ ﺁﺩﻣﯽ ﺟﮩﺎﮞ ﺗﮭﮯ ﻭﮨﯿﮟ ﺳﮯ ﺍﻧﮩﻮﮞ ﻧﮯ ﻣﻨﮧ ﺣﺴﻦ ﺑﻦ ﺻﺒﺎﺡ ﮐﯽ ﻃﺮﻑ ﮐﺮ ﻟﺌﮯ ﺍﻭﺭ ﺳﺠﺪﮮ ﻣﯿﮟ ﭼﻠﮯ ﮔﺌﮯ۔
ﺣﺴﻦ ﺑﻦ ﺻﺒﺎﺡ ﮐﺎ ﺳﯿﻨﮧ ﺗﻦ ﮔﯿﺎ ،ﺷﺮﻭﻉ ﺳﮯ ﺍﺱ ﮐﮯ ﺳﺎﺗﮫ ﺟﻮ ﺍﺩﮬﯿﮍ ﻋﻤﺮ ﺁﺩﻣﯽ ﻣﻮﺟﻮﺩ ﺭﮨﺎ ﺗﮭﺎ ﺟﺴﮯ ﺍﺱ ﻧﮯ ﮐﮩﺎ ﺗﮭﺎ ﮐﮧ ﻣﯿﮟ ﮐﭽﮫ ﺍﺛﺮ ﺩﯾﮑﮫ ﺭﮨﺎ ﮨﻮﮞ ﻭﮦ ﺑﮭﯽ ﺳﺠﺪﮮ ﻣﯿﮟ ﺗﮭﺎ، ﺣﺴﻦ ﺑﻦ ﺻﺒﺎﺡ ﻧﮯ ﺍﺳﮯ ﺁﮨﺴﺘﮧ ﺳﮯ ﭘﺎﺅﮞ ﮐﯽ ﭨﮭﻮﮐﺮ ﻣﺎﺭﯼ، ﺍﺱ ﺁﺩﻣﯽ ﻧﮯ ﺳﺮ ﺍﭨﮭﺎ ﮐﺮ ﺩﯾﮑﮭﺎ، ﺣﺴﻦ ﺑﻦ ﺻﺒﺎﺡ ﻧﮯ ﺍﺳﮯ ﺍﭨﮭﻨﮯ ﮐﺎ ﺍﺷﺎﺭﮦ ﮐﯿﺎ ﻭﮦ ﺁﺩﻣﯽ ﺍﭨﮭﺎ ﺗﻮ ﺣﺴﻦ ﺑﻦ ﺻﺒﺎﺡ ﻧﮯ ﺍﺱ ﮐﮯ ﮐﺎﻥ ﻣﯿﮟ ﮐﻮﺋﯽ ﺑﺎﺕ ﮐﮩﯽ۔
ﮐﯿﺎ ﮨﻢ ﺍﭘﻨﮯ ﻓﺮﺷﺘﻮﮞ ﮐﻮ ﻭﺍﭘﺲ ﺑﻼ ﻟﯿﮟ ؟،،،،،ﺍﺱ ﺁﺩﻣﯽ ﻧﮯ ﺍﭘﻨﯽ ﺁﻭﺍﺯ ﮐﻮ ﺑﮭﺎﺭﯼ ﮐﺮﮐﮯ ﺟﻼﻟﯽ ﻟﮩﺠﮯ ﻣﯿﮟ ﮐﮩﺎ۔۔۔ ﺑﻮﻟﻮ ﻣﯿﺮﮮ ﺍﻣﺎﻡ !
ﮨﺎﮞ ﺧﺪﺍﻭﻧﺪ ﺩﻭ ﻋﺎﻟﻢ ! ،،،،،،،ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﻣﯿﮟ ﺍﭘﻨﮯ ﺑﻨﺪﻭﮞ ﮐﯽ ﻃﺮﻑ ﺳﮯ ﺗﯿﺮﯼ ﺫﺍﺕ ﺑﺎﺭﯼ ﮐﺎ ﺷﮑﺮ ﺍﺩﺍ ﮐﺮﺗﺎ ﮨﻮﮞ، ﺗﯿﺮﮮ ﻓﺮﺷﺘﻮﮞ ﻧﮯ ﮨﻤﺎﺭﮮ ﺩﺷﻤﻦ ﮐﻮ ﺑﮭﮕﺎ ﺩﯾﺎ ﮨﮯ۔
ﺳﺐ ﻟﻮﮒ ﺍﺑﮭﯽ ﺗﮏ ﺳﺠﺪﮮ ﻣﯿﮟ ﺗﮭﮯ، ﻭﮦ ﺣﺴﻦ ﺑﻦ ﺻﺒﺎﺡ ﮐﮯ ﺳﺎﺗﮭﯽ ﮐﯽ ﺁﻭﺍﺯ ﮐﻮ ﺧﺪﺍ ﮐﯽ ﺁﻭﺍﺯ ﺳﻤﺠﮭﮯ ﺗﮭﮯ۔
ﺍﭨﮭﻮ ! ،،،،ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﺗﻢ ﻧﮯ ﺍﻟﻠﮧ ﮐﯽ ﺁﻭﺍﺯ ﺳﻦ ﻟﯽ ﮨﮯ۔
ﺳﺐ ﺳﺠﺪﮮ ﺳﮯ ﺍﭨﮭﮯ، ﺍﺏ ﺍﻥ ﮐﮯ ﭼﮩﺮﻭﮞ ﭘﺮ ﮐﭽﮫ ﺍﻭﺭ ﮨﯽ ﺗﺎﺛﺮ ﺗﮭﺎ ،ﺑﻌﺾ ﮐﮯ ﻣﻨﮧ ﺳﮯ ﺣﯿﺮﺕ ﯾﺎ ﺟﻮﺵ ﻋﻘﯿﺪﺕ ﺳﮯ ﮐﮭﻞ ﮔﺌﮯ ﺗﮭﮯ، ﺍﻭﺭ ﻭﮦ ﺣﺴﻦ ﺑﻦ ﺻﺒﺎﺡ ﮐﻮ ﯾﻮﮞ ﺩﯾﮑﮫ ﺭﮨﮯ ﺗﮭﮯ ﺟﯿﺴﮯ ﻭﮦ ﺑﮭﯽ ﺍﻟﻠﮧ ﮐﺎ ﺑﮭﯿﺠﺎ ﮨﻮﺍ ﻓﺮﺷﺘﮧ ﺗﮭﺎ، ﺍﻭﺭ ﻭﮦ ﺍﺑﮭﯽ ﻏﺎﺋﺐ ﮨﻮ ﺟﺎﺋﮯ ﮔﺎ ﺍﻭﺭ ﺁﺳﻤﺎﻥ ﭘﺮ ﺟﺎ ﭘﮩﻨﭽﮯ ﮔﺎ۔
ﻋﻮﺭﺗﯿﮟ ﺟﻮ ﻧﯿﭽﮯ ﺗﮭﯿﮟ ﺩﻭﮌﺗﯽ ﺍﻭﭘﺮ ﺁﺋﯿﮟ، ﮨﺮ ﺍﯾﮏ ﻧﮯ ﺑﺎﺭﯼ ﺑﺎﺭﯼ ﺁﮔﮯ ﺑﮍﮪ ﮐﺮ ﺣﺴﻦ ﺑﻦ ﺻﺒﺎﺡ ﮐﺎ ﺩﺍﯾﺎﮞ ﮨﺎﺗﮫ ﭘﮑﮍﺍ ﺁﻧﮑﮭﻮﮞ ﺳﮯ ﻟﮕﺎﯾﺎ ﺍﻭﺭ ﭼﻮﻣﺎ۔
ﺷﺎﻡ ﮐﺎ ﺩﮬﻨﺪﻟﮑﺎ ﮔﮩﺮﮦ ﮨﻮ ﺭﮨﺎ ﺗﮭﺎ ﻗﻠﻌﮯ ﮐﮯ ﺍﻧﺪﺭ ﻣﺸﻌﻠﯿﮟ ﺟﻞ ﺍﭨﮭﯽ ﺗﮭﯿﮟ، ﺣﺴﻦ ﺑﻦ ﺻﺒﺎﺡ ﺁﮨﺴﺘﮧ ﺁﮨﺴﺘﮧ ﭼﻠﺘﺎ ﺳﯿﮍﮬﯿﻮﮞ ﺳﮯ ﺍﺗﺮﺍ ،ﺍﺱ ﮐﯽ ﭼﺎﻝ ﻣﯿﮟ ﺍﻭﺭ ﺍﺱ ﮐﮯ ﭼﮩﺮﮮ ﭘﺮ ﺟﻼﻟﯽ ﺗﺎﺛﺮ ﺗﮭﺎ، ﺍﺱ ﮐﮯ ﮨﺮ ﺁﺩﻣﯽ ﮐﯽ ﯾﮧ ﮐﻮﺷﺶ ﺗﮭﯽ ﮐﮧ ﻭﮦ ﺍﺱ ﮐﮯ ﻗﺮﯾﺐ ﮨﻮ ﮐﺮ ﺍﺳﮯ ﮨﺎﺗﮫ ﻟﮕﺎﺋﮯ ﺍﻭﺭ ﺩﯾﮑﮭﮯ ﮐﮧ ﯾﮧ ﺷﺨﺺ ﺍﻧﺴﺎﻥ ﮨﮯ ﯾﺎ ﺍﻟﻠﮧ ﮐﯽ ﭘﺴﻨﺪﯾﺪﮦ ﮐﻮﺋﯽ ﺁﺳﻤﺎﻧﯽ ﻣﺨﻠﻮﻕ ﮨﮯ، ﺗﺒﺮﯾﺰ ﻣﯿﮟ ﺑﮭﯽ ﺍﺱ ﻧﮯ ﺍﻟﻠﮧ ﺳﮯ ﻣﺪﺩ ﻣﺎﻧﮕﯽ ﺗﮭﯽ ﺗﻮ ﺍﻟﻠﮧ ﻧﮯ ﺍﯾﺴﯽ ﻣﺪﺩ ﺑﮭﯿﺠﯽ ﺗﮭﯽ ﮐﮧ ﺳﻠﺠﻮﻗﯿﻮﮞ ﮐﮯ ﺗﻤﺎﻡ ﮐﮯ ﺗﻤﺎﻡ ﺳﻮﺍﺭ ﻣﺎﺭﮮ ﮔﺌﮯ ﺗﮭﮯ۔
÷=÷=÷=÷=* ۔ *÷=÷=÷=÷=
ﺷﺎﻡ ﮐﮭﺎﻧﮯ ﮐﮯ ﺑﻌﺪ ﻗﻠﻌﮯ ﻣﯿﮟ ﺟﺸﻦ ﮐﺎ ﺳﻤﺎﮞ ﺑﻨﺪﮪ ﮔﯿﺎ ﻋﻮﺭﺗﻮﮞ ﻧﮯ ﮔﯿﺖ ﮔﺎﺋﮯ ﺁﺩﻣﯽ ﭘﺎﮔﻠﻮﮞ ﮐﯽ ﻃﺮﺡ ﻧﺎﭼﮯ، ﺍﻧﮩﻮﮞ ﻧﮯ ﺍﯾﮏ ﺍﻭﻧﭧ ﺫﺑﺢ ﮐﺮ ﻟﯿﺎ ﺗﮭﺎ ﺍﻭﺭ ﺗﮭﻮﮌﮮ ﺳﮯ ﻭﻗﺖ ﻣﯿﮟ ﭘﮑﺎ ﺑﮭﯽ ﻟﯿﺎ ﺗﮭﺎ، ﻭﮨﺎﮞ ﮐﻮﺋﯽ ﭼﯿﺰ ﻧﮩﯿﮟ ﺗﮭﯽ ﺗﻮ ﺷﺮﺍﺏ ﻧﮩﯿﮟ ﺗﮭﯽ، ﺷﺮﺍﺏ ﺣﺴﻦ ﺑﻦ ﺻﺒﺎﺡ ﻧﮯ ﺍﭘﻨﮯ ﻟﺌﮯ ﺭﮐﮭﯽ ﮨﻮﺋﯽ ﺗﮭﯽ ،ﺍﺱ ﮐﮯ ﭘﯿﺮﻭﮐﺎﺭ ﺍﻭﺭ ﻣﺮﯾﺪ ﺷﺮﺍﺏ ﮐﻮ ﺍﻟﻠﮧ ﮐﮯ ﺣﻀﻮﺭ ﭘﮩﻨﭽﻨﮯ ﮐﺎ ﺫﺭﯾﻌﮧ ﺳﻤﺠﮭﺘﮯ ﺗﮭﮯ۔
ﻓﺘﺢ ﮐﺎ ﯾﮧ ﺟﺸﻦ ﺑﮩﺖ ﺩﯾﺮ ﺑﻌﺪ ﺧﺘﻢ ﮨﻮﺍ ،ﺳﺐ ﺳﮯ ﺯﯾﺎﺩﮦ ﺧﻮﺵ ﺗﻮ ﻭﮦ ﺯﺧﻤﯽ ﺗﮭﮯ ﺟﻮ ﻟﮍﻧﺎ ﺗﻮ ﺩﻭﺭ ﮐﯽ ﺑﺎﺕ ﮨﮯ ﭼﻠﻨﮯ ﭘﮭﺮﻧﮯ ﮐﮯ ﻗﺎﺑﻞ ﻧﮩﯿﮟ ﺗﮭﮯ ﻭﮦ ﺑﺎﻝ ﺑﺎﻝ ﺑﭻ ﮔﺌﮯ ﺗﮭﮯ۔
ﻭﻗﺖ ﺁﺩﮬﯽ ﺭﺍﺕ ﮐﺎ ﺗﮭﺎ ، ﺣﺴﻦ ﺑﻦ ﺻﺒﺎﺡ ﺍﭘﻨﮯ ﮐﻤﺮﮮ ﻣﯿﮟ ﺑﯿﭩﮭﺎ ﺗﮭﺎ ،ﻓﺎﻧﻮﺱ ﺟﻞ ﺭﮨﺎ ﺗﮭﺎ ﺷﺮﺍﺏ ﮐﯽ ﺻﺮﺍﺣﯽ ﺍﻭﺭ ﭘﯿﺎﻟﮯ ﺳﺎﻣﻨﮯ ﺭﮐﮭﮯ ﺗﮭﮯ، ﻭﮦ ﺍﮐﯿﻼ ﻧﮩﯿﮟ ﺗﮭﺎ ﺍﺱ ﮐﮯ ﭘﺎﺱ ﺍﯾﮏ ﺍﺩﮬﯿﮍ ﻋﻤﺮ ﺁﺩﻣﯽ ﺑﯿﭩﮭﺎ ﺗﮭﺎ ﺍﻭﺭ ﺍﯾﮏ ﺟﻮﺍﮞ ﺳﺎﻝ ﻋﻮﺭﺕ ﺑﮭﯽ ﺗﮭﯽ، ﻭﮦ ﺍﯾﮏ ﺣﺴﯿﻦ ﻋﻮﺭﺕ ﺗﮭﯽ ﺟﺲ ﮐﯽ ﺁﻧﮑﮭﯿﮟ ﻣﺴﮑﺮﺍﺗﯽ ﺗﮭﯿﮟ، ﺍﺱ ﮐﮯ ﮨﻮﻧﭩﻮﮞ ﮐﮯ ﺗﺒﺴﻢ ﻣﯿﮟ ﺍﯾﺴﺎ ﺗﺎﺛﺮ ﺗﮭﺎ ﮐﮧ ﺩﯾﮑﮭﻨﮯ ﻭﺍﻻ ﺍﺱ ﺳﮯ ﻧﻈﺮﯾﮟ ﮨﭩﺎ ﻧﮩﯿﮟ ﺳﮑﺘﺎ ﺗﮭﺎ۔
ﯾﮧ ﺍﺩﮬﯿﮍ ﻋﻤﺮ ﺁﺩﻣﯽ ﻭﮨﯽ ﺗﮭﺎ ﺟﻮ ﻗﺰﻝ ﺳﺎﺭﻭﻕ ﮐﻮ ﺻﺒﺢ ﺳﻮﯾﺮﮮ ﻭﺍﺩﯼ ﻣﯿﮟ ﻣﻼ ﺗﮭﺎ ﺍﻭﺭ ﺍﺱ ﻧﮯ ﺍﭘﻨﺎ ﺗﻌﺎﺭﻑ ﮐﺮﺍﯾﺎ ﺗﮭﺎ ﮐﮧ ﻭﮦ ﺍﭘﻨﯽ ﺑﯿﻮﯼ ﺍﻭﺭ ﺍﭘﻨﮯ ﺩﻭ ﺑﯿﭩﻮﮞ ﮐﮯ ﺳﺎﺗﮫ ﺣﺞ ﮐﺮ ﮐﮯ ﺁﯾﺎ ﮨﮯ ،ﺍﺱ ﮐﮯ ﺳﺎﺗﮫ ﺟﻮ ﺑﯿﻮﯼ ﺗﮭﯽ ﻭﮦ ﯾﮩﯽ ﻋﻮﺭﺕ ﺗﮭﯽ ﺟﻮ ﺣﺴﻦ ﺑﻦ ﺻﺒﺎﺡ ﮐﮯ ﭘﺎﺱ ﺑﯿﭩﮭﯽ ﺷﺮﺍﺏ ﭘﯽ ﺭﮨﯽ ﺗﮭﯽ ،ﯾﮧ ﺍﺱ ﺷﺨﺺ ﮐﯽ ﺑﯿﻮﯼ ﻧﮩﯿﮟ ﺗﮭﯽ ﯾﮧ ﺣﺴﻦ ﺑﻦ ﺻﺒﺎﺡ ﮐﮯ ﺧﺼﻮﺻﯽ ﺍﻭﺭ ﺧﻔﯿﮧ ﮔﺮﻭﮦ ﮐﯽ ﻋﻮﺭﺕ ﺗﮭﯽ، ﺍﻭﺭ ﺍﻥ ﮐﮯ ﺳﺎﺗﮫ ﻭﺍﺩﯼ ﻣﯿﮟ ﺟﻮ ﺩﻭ ﻟﮍﮐﮯ ﺗﮭﮯ ﻭﮦ ﺍﻥ ﮐﮯ ﮐﭽﮫ ﻧﮩﯿﮟ ﻟﮕﺘﮯ ﺗﮭﮯ، ﻭﮦ ﺗﺒﺮﯾﺰ ﺳﮯ ﺁﺋﮯ ﮨﻮﺋﮯ ﺍﯾﮏ ﺁﺩﻣﯽ ﮐﮯ ﺩﻭ ﺑﯿﭩﮯ ﺗﮭﮯ ۔
ﯾﮧ ﺻﺮﻑ ﺗﻤﮩﺎﺭﺍ ﮐﻤﺎﻝ ﮨﮯ ﺍﺳﻤﺎﻋﯿﻞ ! ،،،،، ﺣﺴﻦ ﺑﻦ ﺻﺒﺎﺡ ﻧﮯ ﺍﺱ ﺁﺩﻣﯽ ﺳﮯ ﮐﮩﺎ۔۔۔ ﻣﺠﮭﮯ ﺗﻮﻗﻊ ﻧﮩﯿﮟ ﺗﮭﯽ ﮐﮧ ﺗﻢ ﺍﺗﻨﯽ ﺟﻠﺪﯼ ﯾﮧ ﮐﺎﻡ ﮐﺮ ﺳﮑﻮ ﮔﮯ، ﻧﮧ ﮐﺮ ﺳﮑﺘﮯ ﺗﻮ ﻣﯿﮟ ﺗﻤﮩﯿﮟ ﺑﮯ ﻗﺼﻮﺭ ﺍﻭﺭ ﻣﺠﺒﻮﺭ ﺳﻤﺠﮭﺘﺎ ۔
ﻭﮨﺎﮞ ﻧﮧ ﺳﮩﯽ۔۔۔ ﻋﻮﺭﺕ ﻧﮯ ﮐﮩﺎ۔۔۔ ﯾﮧ ﺳﻠﺠﻮﻗﯽ ﻭﮨﺎﮞ ﻧﮧ ﻣﻠﺘﮯ ﺗﻮ ﮐﮩﯿﮟ ﺍﻭﺭ ﻣﻞ ﺟﺎﺗﮯ، ﺧﻮﺵ ﻧﺼﯿﺒﯽ ﯾﮧ ﮨﻮﺋﯽ ﮐﮯ ﯾﮧ ﮨﻤﯿﮟ ﺟﻠﺪﯼ ﻣﻞ ﮔﺌﮯ۔
ﻣﯿﮟ ﻧﮯ ﺍﻧﮩﯿﮟ ﻏﻠﻂ ﺭﺍﺳﺘﮯ ﭘﺮ ﮈﺍﻝ ﺩﯾﺎ ﺗﮭﺎ۔۔۔ ﺍﺳﻤﺎﻋﯿﻞ ﻧﮯ ﮐﮩﺎ۔۔۔ﻭﮦ ﭨﮭﯿﮏ ﺭﺍﺳﺘﮯ ﭘﺮ ﺁ ﺭﮨﮯ ﺗﮭﮯ ،ﺍﺱ ﺭﺍﺳﺘﮯ ﺳﮯ ﻭﮦ ﺟﻠﺪﯼ ﯾﮩﺎﮞ ﺗﮏ ﭘﮩﻨﭻ ﺟﺎﺗﮯ، ﻣﯿﮟ ﻧﮯ ﯾﮧ ﺳﻮﭺ ﮐﺮ ﺍﻧﮩﯿﮟ ﻏﻠﻂ ﺭﺍﺳﺘﮯ ﭘﺮ ﮈﺍﻝ ﺩﯾﺎ ﺗﮭﺎ ﮐﮧ ﮐﮭﺠﻮﺭﻭﮞ ﺍﻭﺭ ﭘﺎﻧﯽ ﮐﻮ ﺍﭘﻨﺎ ﺍﺛﺮ ﭘﻮﺭﺍ ﮐﺮﻧﮯ ﮐﺎ ﻭﻗﺖ ﻣﻞ ﺟﺎﺋﮯ، ﺁﭖ ﻧﮯ ﺑﺘﺎﯾﺎ ﺗﮭﺎ ﮐﮧ ﺍﻥ ﻣﯿﮟ ﺟﻮ ﭼﯿﺰ ﻣﻼﺋﯽ ﮔﺌﯽ ﮨﮯ ﺍﺱ ﮐﺎ ﺍﺛﺮ ﺩﯾﺮ ﺳﮯ ﺷﺮﻭﻉ ﮨﻮﺗﺎ ﮨﮯ۔
ﻣﯿﮟ ﺗﻤﮩﯿﮟ ﺧﺮﺍﺝ ﺗﺤﺴﯿﻦ ﭘﯿﺶ ﮐﺮﺗﺎ ﮨﻮﮞ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﻣﺠﮭﮯ ﺍﯾﮏ ﺧﻮﺷﯽ ﯾﮧ ﺑﮭﯽ ﮨﮯ ﮐﮧ ﺍﺱ ﺩﻭﺍﺋﯽ ﮐﺎ ﯾﮧ ﭘﮩﻼ ﺗﺠﺮﺑﮧ ﮐﯿﺎ ﮔﯿﺎ ﮨﮯ، ﻣﺠﮭﮯ ﯾﻘﯿﻦ ﻧﮩﯿﮟ ﺗﮭﺎ ﮐﮧ ﯾﮧ ﺍﺱ ﺣﺪ ﺗﮏ ﮐﺎﻣﯿﺎﺏ ﮨﻮﮔﺎ ﮐﮧ ﺍﯾﮏ ﮨﺰﺍﺭ ﮐﮯ ﻟﺸﮑﺮ ﮐﻮ ﺫﮨﻨﯽ ﻃﻮﺭ ﭘﺮ ﻣﻔﻠﻮﺝ ﮐﺮ ﺩﮮ ﮔﺎ، ﺍﻭﺭ ﻣﻔﻠﻮﺝ ﺑﮭﯽ ﺍﺱ ﻃﺮﺡ ﮐﺮﮮ ﮔﺎ ﮐﮧ ﻣﺘﺎﺛﺮﮦ ﺁﺩﻣﯽ ﮨﺮ ﮐﺎﻡ ﭨﮭﯿﮏ ﭨﮭﺎﮎ ﮐﺮﮮ ﮔﺎ ﻟﯿﮑﻦ ﺟﺬﺑﺎﺗﯽ ﻟﺤﺎﻅ ﺳﮯ ﺍﺗﻨﺎ ﺳﺮﺩ ﮨﻮﺟﺎﺋﮯ ﮔﺎ ﮐﮧ ﮐﺴﯽ ﮐﻮ ﻟﮍﻧﮯ ﺟﮭﮕﮍﻧﮯ ﮐﮯ ﻟﯿﮯ ﻧﮩﯿﮟ ﻟﻠﮑﺎﺭﮮ ﮔﺎ، ﺍﻭﺭ ﺍﮔﺮ ﺍﺳﮯ ﮐﻮﺋﯽ ﻟﻠﮑﺎﺭﮮ ﮔﺎ ﺗﻮ ﻭﮦ ﺑﺰﺩﻟﻮﮞ ﮐﯽ ﻃﺮﺡ ﻣﻨﮧ ﻣﻮﮌ ﺟﺎﺋﮯ ﮔﺎ۔
ﺗﻮ ﮐﯿﺎ ﯾﮧ ﻟﺸﮑﺮ ﺻﺤﯿﺢ ﻭﺳﻼﻣﺖ ﺍﭘﻨﯽ ﻣﻨﺰﻝ ﭘﺮ ﭘﮩﻨﭻ ﺟﺎﺋﮯ ﮔﺎ؟،،،، ﺍﺳﻤﺎﻋﯿﻞ ﻧﮯ ﭘﻮﭼﮭﺎ ۔
ﮐﯿﺎ ﻭﮦ ﯾﮩﺎﮞ ﺗﮏ ﺻﺤﯿﺢ ﺳﻼﻣﺖ ﻧﮩﯿﮟ ﭘﮩﻨﭻ ﮔﺌﮯ ﺗﮭﮯ ۔۔۔ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﻭﮦ ﺟﻮ ﺗﻤﮩﺎﺭﮮ ﺑﺘﺎﺋﮯ ﮨﻮﺋﮯ ﺍﺗﻨﮯ ﺩﺷﻮﺍﺭ ﺭﺍﺳﺘﮯ ﺳﮯ ﯾﮩﺎﮞ ﺗﮏ ﭘﮩﻨﭻ ﮔﺌﮯ ﺗﮭﮯ، ﻭﺍﭘﺲ ﺑﮭﯽ ﭼﻠﮯ ﺟﺎﺋﯿﮟ ﮔﮯ ۔
ﯾﮧ ﺍﺛﺮ ﮐﺐ ﺗﮏ ﺭﮨﮯ ﮔﺎ؟،،،،، ﺍﺳﻤﺎﻋﯿﻞ ﻧﮯ ﭘﻮﭼﮭﺎ۔
ﺷﺎﯾﺪ ﺩﻭ ﺩﻥ ﺗﮏ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﺟﻮﺍﺏ ﺩﯾﺎ۔
ﺍﯾﮏ ﺍﻭﺭ ﺑﺎﺕ ﺍﻣﺎﻡ ! ،،،،، ﺍﺱ ﺟﻮﺍﮞ ﺳﺎﻝ ﻋﻮﺭﺕ ﻧﮯ ﭘﻮﭼﮭﺎ ﺟﻮ ﺍﺱ ﮐﺎﻡ ﻣﯿﮟ ﺷﺎﻣﻞ ﺗﮭﯽ۔۔۔ ﺍﯾﺴﺎ ﮐﯿﻮﮞ ﻧﮧ ﮐﯿﺎ ﮔﯿﺎ ﮐﮧ ﺍﺳﯽ ﺩﻭﺍﺋﯽ ﮐﯽ ﺯﯾﺎﺩﮦ ﻣﻘﺪﺍﺭ ﮐﮭﺠﻮﺭﻭﮞ ﺍﻭﺭ ﭘﺎﻧﯽ ﻣﯿﮟ ﻣﻼ ﺩﯼ ﺟﺎﺗﯽ ﺗﺎﮐﮧ ﯾﮧ ﻟﺸﮑﺮ ﺟﮩﺎﮞ ﺗﮭﺎ ﻭﮨﯿﮟ ﺳﮯ ﻭﺍﭘﺲ ﭼﻼ ﺟﺎﺗﺎ۔
ﺍﺱ ﻣﯿﮟ ﺍﯾﮏ ﺭﺍﺯ ﮨﮯ ۔۔۔ﺣﺴﻦ ﺑﻦ ﺻﺒﺎﺡ ﻧﮯ ﮨﻨﺴﺘﮯ ﮨﻮﺋﮯ ﮐﮩﺎ ۔۔۔۔ﺍﺱ ﻟﺸﮑﺮ ﮐﻮ ﻭﮨﯿﮟ ﺳﮯ ﻭﺍﭘﺲ ﺑﮭﯿﺠﺎ ﺟﺎ ﺳﮑﺘﺎ ﺗﮭﺎ ﺍﻭﺭ ﺟﺲ ﻋﻘﯿﺪﮮ ﺳﮯ ﺍﻧﮩﻮﮞ ﻧﮯ ﺗﻤﮩﺎﺭﯼ ﺩﯼ ﮨﻮﺋﯽ ﮐﮭﺠﻮﺭﯾﮟ ﺍﻭﺭ ﻧﺪﯼ ﮐﮯ ﭘﺎﻧﯽ ﮐﻮ ﺁﺏ ﺯﻣﺰﻡ ﺳﻤﺠﮫ ﮐﺮ ﻣﻨﮧ ﻣﯿﮟ ﮈﺍﻝ ﻟﯿﺎ ﺗﮭﺎ ،ﺍﻧﮩﯿﮟ ﺍﻧﮩﯽ ﮐﮭﺠﻮﺭﻭﮞ ﺍﻭﺭ ﭘﺎﻧﯽ ﻣﯿﮟ ﺯﮨﺮ ﺑﮭﯽ ﺩﯾﺎ ﺟﺎﺳﮑﺘﺎ ﺗﮭﺎ، ﺟﺲ ﮐﺎ ﻧﮧ ﮐﻮﺋﯽ ﺫﺍﺋﻘﮧ ﮨﻮﺗﺎ ﮨﮯ ﻧﮧ ﺑﻮ، ﻟﯿﮑﻦ ﺍﻧﮩﯿﮟ ﯾﮩﺎﮞ ﺗﮏ ﺯﻧﺪﮦ ﺁﻧﮯ ﺍﻭﺭ ﺯﻧﺪﮦ ﻭﺍﭘﺲ ﺟﺎﻧﮯ ﺩﯾﺎ ﮔﯿﺎ،،،،، ﻭﻟﯽ ﺍﻭﺭ ﭘﯿﻐﻤﺒﺮ ﮨﺮ ﮐﻮﺋﯽ ﻧﮩﯿﮟ ﺑﻦ ﺳﮑﺘﺎ، ﺑﻨﺘﺎ ﻭﮦ ﮨﮯ ﺟﺲ ﮐﯽ ﺳﻮﭺ ﺁﺳﻤﺎﻧﻮﮞ ﺗﮏ ﭼﻠﯽ ﺟﺎﺗﯽ ﮨﮯ، ﻣﯿﮟ ﻧﮯ ﺍﻥ ﻟﻮﮔﻮﮞ ﮐﻮ ﯾﮧ ﻣﻌﺠﺰﮦ ﺩﮐﮭﺎﻧﺎ ﺗﮭﺎ ﺟﻮ ﮨﻤﺎﺭﮮ ﺳﺎﺗﮫ ﮨﯿﮟ، ﺍﻧﮩﻮﮞ ﻧﮯ ﯾﮧ ﺩﯾﮑﮭﺎ ﮐﮧ ﻣﯿﺮﮮ ﮐﮩﻨﮯ ﭘﺮ ﺁﺳﻤﺎﻥ ﺳﮯ ﻣﺪﺩ ﺁﺋﯽ ﺟﻮ ﻧﻈﺮ ﻧﮩﯿﮟ ﺁﺗﯽ ﺗﮭﯽ، ﭘﮭﺮ ﺍﻥ ﺁﺩﻣﯿﻮﮞ ﻧﮯ ﺩﯾﮑﮭﺎ ﮐﮧ ﺍﺗﻨﺎ ﻃﺎﻗﺘﻮﺭ ﮔﮭﻮﮌﺳﻮﺍﺭ ﻟﺸﮑﺮ ﻣﯿﺮﯼ ﮨﻠﮑﯽ ﺳﯽ ﻟﻠﮑﺎﺭ ﭘﺮ ﻭﺍﭘﺲ ﭼﻼ ﮔﯿﺎ، ﺍﺏ ﯾﮧ ﻟﻮﮒ ﺟﮩﺎﮞ ﺟﺎﺋﯿﮟ ﮔﮯ ﻣﯿﺮﺍ ﯾﮧ ﻣﻌﺠﺰﮦ ﺳﻨﺎﺋﯿﮟ ﮔﮯ، ﺍﻧﺴﺎﻧﯽ ﻓﻄﺮﺕ ﻣﯿﮟ ﺯﯾﺐ ﺩﺍﺳﺘﺎﻥ ﺑﮭﯽ ﻣﻮﺟﻮﺩ ﮨﮯ ،ﺍﺱ ﻟﯿﮯ ﯾﮧ ﻟﻮﮒ ﻣﯿﺮﺍ ﻣﻌﺠﺰﮦ ﺑﯿﺎﻥ ﮐﺮﺗﮯ ﺯﯾﺐ ﺩﺍﺳﺘﺎﻥ ﮐﮯ ﻟﺌﮯ ﻣﺒﺎﻟﻐﮧ ﺁﺭﺍﺋﯽ ﺑﮭﯽ ﮐﺮﯾﮟ ﮔﮯ ﮐﮧ ﺗﯿﻦ ﺳﻮ ﺍﻧﺴﺎﻥ ﺗﯿﻦ ﮨﺰﺍﺭ ﺑﻠﮑﮧ ﺍﺱ ﺳﮯ ﺑﮭﯽ ﺯﯾﺎﺩﮦ ﺗﻌﺪﺍﺩ ﮐﻮ ﻣﯿﺮﮮ ﭘﺎﺱ ﮐﮭﯿﻨﭻ ﻻﯾﺌﮟ ﮔﮯ۔
ﺑﻠﮑﮧ ﯾﮧ ﺗﻌﺪﺍﺩ ﮐﮭﻨﭽﯽ ﮨﻮﺋﯽ ﺁﺋﮯ ﮔﯽ۔۔۔ ﺍﺳﻤﺎﻋﯿﻞ ﻧﮯ ﮐﮩﺎ ۔۔۔ﻣﺴﻠﻤﺎﻥ ﮐﯽ ﻋﻘﯿﺪﺕ ﻣﻨﺪﯼ ﮐﯽ ﺑﮭﯽ ﮐﻮﺋﯽ ﺣﺪ ﻧﮩﯿﮟ، ﺍﺳﮯ ﮐﮩﯿﮟ ﮐﯽ ﺫﺭﺍ ﺳﯽ ﻣﭩﯽ ﭘﮍﯾﺎ ﻣﯿﮟ ﺑﺎﻧﺪﮪ ﮐﺮ ﺩﮮ ﺩﻭ ﺍﻭﺭ ﮐﮩﻮ ﮐﮧ ﯾﮧ ﻣﮑﮧ ﺍﻭﺭ ﻣﺪﯾﻨﮧ ﮐﯽ ﺳﻮﻏﺎﺕ ﮨﮯ ﺗﻮ ﻭﮦ ﺑﻼ ﺳﻮﭼﮯ ﺳﻤﺠﮭﮯ ﯾﮧ ﻣﭩﯽ ﮐﮭﺎ ﻟﮯ ﮔﺎ ،ﺍﯾﺴﮯ ﮨﯽ ﺍﺱ ﺳﻠﺠﻮﻗﯽ ﺳﺎﻻﺭ ﺍﻭﺭ ﺍﺱ ﮐﮯ ﺳﺎﺗﮭﯿﻮﮞ ﻧﮯ ﻣﯿﺮﯼ ﺩﯼ ﮨﻮﺋﯽ ﮐﮭﺠﻮﺭ ﺣﺠﺎﺯ ﮐﯽ ﮐﮭﺠﻮﺭﯾﮟ ﺳﻤﺠﮫ ﮐﺮ ﺑﮍﮮ ﺍﺣﺘﺮﺍﻡ ﺳﮯ ﮐﮭﺎﻟﯽ، ﺍﻭﺭ ﺟﺐ ﻣﯿﮟ ﻧﮯ ﻧﺪﯼ ﻣﯿﮟ ﺳﮯ ﺑﮭﺮﯼ ﮨﻮﺋﯽ ﺻﺮﺍﺣﯽ ﺩﮐﮭﺎ ﮐﺮ ﮐﮩﺎ ﮐﮧ ﯾﮧ ﺯﻡ ﺯﻡ ﮐﺎ ﭘﺎﻧﯽ ﮨﮯ ﺗﻮ ﺳﺎﻻﺭ ﻧﮯ ﻓﻮﺭﺍً ﺍﯾﺴﺎ ﺍﻧﺘﻈﺎﻡ ﮐﺮ ﻟﯿﺎ ﮐﮧ ﺳﺎﺭﮮ ﻟﺸﮑﺮ ﮐﻮ ﭘﺎﻧﯽ ﭘﻼ ﺩﯾﺎ۔
ﺗﻢ ﺑﮍﮮ ﮐﺎﻡ ﮐﯽ ﭼﯿﺰ ﮨﻮ ﺧﺪﯾﺠﮧ ! ،،،،،ﺣﺴﻦ ﺑﻦ ﺻﺒﺎﺡ ﻧﮯ ﺍﺱ ﺟﻮﺍﮞ ﺳﺎﻝ ﺍﻭﺭ ﺩﻟﻨﺸﯿﻦ ﻋﻮﺭﺕ ﮐﻮ ﺑﺎﺯﻭ ﺳﮯ ﭘﮑﮍ ﮐﺮ ﺍﭘﻨﮯ ﻗﺮﯾﺐ ﮐﺮﺗﮯ ﮨﻮﺋﮯ ﮐﮩﺎ۔۔۔ ﺍﺑﮭﯽ ﺗﻮ ﻣﯿﮟ ﻧﮯ ﺗﻢ ﺳﮯ ﺑﮩﺖ ﮐﺎﻡ ﻟﯿﻨﺎ ﮨﮯ ،ﺣﺴﻦ ﺑﻦ ﺻﺒﺎﺡ ﻧﮯ ﺧﺪﯾﺠﮧ ﮐﻮ ﺍﭘﻨﮯ ﺑﺎﺯﻭ ﮐﮯ ﮔﮭﯿﺮﮮ ﻣﯿﮟ ﻟﮯ ﻟﯿﺎ ﺍﻭﺭ ﺍﺳﻤﺎﻋﯿﻞ ﮐﯽ ﻃﺮﻑ ﺩﯾﮑﮭﺎ۔
ﺍﺳﻤﺎﻋﯿﻞ ﺍﺷﺎﺭﮦ ﺳﻤﺠﮫ ﮔﯿﺎ ﻭﮦ ﮐﻤﺮﮮ ﺳﮯ ﻧﮑﻞ ﮔﯿﺎ۔
÷=÷=÷=÷=* ۔ *÷=÷=÷=
ﺑﯿﺸﺘﺮ ﻣﺆﺭﺧﻮﮞ ﻧﮯ ﺗﺒﺮﯾﺰ ﮐﯽ ﻟﮍﺍﺋﯽ ﮐﺎ ﺫﮐﺮ ﮐﯿﺎ ﮨﮯ ،ﺍﻧﮩﻮﮞ ﻧﮯ ﻟﮑﮭﺎ ﮨﮯ ﮐﮧ ﺳﺎﻻﺭ ﺍﻣﯿﺮ ﺍﺭﺳﻼﻥ ﺍﻭﺭ ﺍﺱ ﮐﮯ ﺳﻮﺍﺭ ﻣﺎﺭﮮ ﮔﺌﮯ، ﺍﻧﮩﻮﮞ ﻧﮯ ﯾﮧ ﺑﮭﯽ ﻟﮑﮭﺎ ﮨﮯ ﮐﮧ ﺍﯾﮏ ﺑﺎﻃﻨﯽ ﺳﺮﺩﺍﺭ ﺍﺑﻮ ﻋﻠﯽ ﻧﮯ ﻗﺰﻭﯾﻦ ﺳﮯ ﺗﯿﻦ ﺳﻮ ﺑﺎﻃﻨﯽ ﺳﻮﺍﺭﻭﮞ ﮐﯽ ﮐﻤﮏ ﺑﮭﯿﺠﯽ ﺗﮭﯽ، ﭘﮭﺮ ﺍﻧﮩﻮﮞ ﻧﮯ ﯾﮧ ﺑﮭﯽ ﻟﮑﮭﺎ ﮨﮯ ﮐﮧ ﺳﻠﻄﺎﻥ ﻣﻠﮏ ﺷﺎﮦ ﻧﮯ ﻏﺼﮯ ﮐﮯ ﻋﺎﻟﻢ ﻣﯿﮟ ﺳﺎﻻﺭ ﻗﺰﻝ ﺳﺎﺭﻭﻕ ﮐﻮ ﺍﯾﮏ ﮨﺰﺍﺭ ﺳﻮﺍﺭ ﺩﮮ ﮐﺮ ﺑﮭﯿﺠﺎ ﺗﮭﺎ، ﺍﻭﺭ ﺍﺱ ﮐﮯ ﺳﺎﺗﮫ ﺣﮑﻢ ﯾﮧ ﺩﯾﺎ ﺗﮭﺎ ﮐﮧ ﻭﺍﭘﺲ ﺁﺅ ﺗﻮ ﺣﺴﻦ ﺑﻦ ﺻﺒﺎﺡ ﺗﻤﮩﺎﺭﮮ ﺳﺎﺗﮫ ﮨﻮ ،ﺯﻧﺪﮦ ﯾﺎ ﻣﺮﺩﮦ۔
ﯾﮧ ﺳﺐ ﺑﺎﺗﯿﮟ ﺗﻮ ﺍﻥ ﻣﺆﺭﺧﻮﮞ ﻧﮯ ﻟﮑﮭﯽ ﮨﮯ ﺍﻭﺭ ﯾﮧ ﺑﮭﯽ ﻟﮑﮭﺎ ﮨﮯ ﮐﮧ ﯾﮧ ﮐﻮﺋﯽ ﮔﻤﻨﺎﻡ ﺳﺎ ﻗﻠﻌﮧ ﺗﮭﺎ ﯾﮩﺎﮞ ﺳﮯ ﺑﮭﯽ ﺣﺴﻦ ﺑﻦ ﺻﺒﺎﺡ ﮐﮯ ﭘﯿﺮﻭﮐﺎﺭ ﺑﮭﺎﮒ ﻧﮑﻠﻨﮯ ﭘﺮ ﺍﺗﺮ ﺁﺋﮯ ﺗﮭﮯ، ﺍﻭﺭ ﺣﺴﻦ ﺑﻦ ﺻﺒﺎﺡ ﻧﮯ ﺗﺒﺮﯾﺰ ﻭﺍﻻ ﻣﻈﺎﮨﺮﮦ ﮐﯿﺎ ﺗﮭﺎ ﮐﮧ ﻭﺣﯽ ﻧﺎﺯﻝ ﮨﻮ ﮔﺌﯽ ﮨﮯ ﺍﻭﺭ ﺧﺪﺍﺋﯽ ﻣﺪﺩ ﺁ ﺭﮨﯽ ﮨﮯ ،ﯾﮧ ﺳﻦ ﮐﺮ ﺳﺐ ﮐﮯ ﺣﻮﺻﻠﮯ ﻗﺎﺋﻢ ﮨﻮﮔﺌﮯ ﺗﮭﮯ، ﺍﺱ ﮐﮯ ﺑﻌﺪ ﮐﯿﺎ ﮨﻮﺍ؟،،،،، ﺍﻥ ﻣﺆﺭﺧﻮﮞ ﻣﯿﮟ ﺳﮯ ﮐﺴﯽ ﻧﮯ ﺑﮭﯽ ﻧﮩﯿﮟ ﻟﮑﮭﺎ ﮐﮧ ﺍﺱ ﻟﮍﺍﺋﯽ ﮐﺎ ﺍﻧﺠﺎﻡ ﮐﯿﺎ ﮨﻮﺍ ، ﯾﮩﺎﮞ ﺁ ﮐﺮ ﺍﻥ ﮐﯽ ﻟﮑﮭﯽ ﮨﻮﺋﯽ ﺗﺎﺭﯾﺦ ﺍﯾﺴﮯ ﺍﻧﺪﮬﯿﺮﮮ ﻣﯿﮟ ﭼﻠﯽ ﺟﺎﺗﯽ ﮨﮯ ﺟﮩﺎﮞ ﮐﭽﮫ ﻧﻈﺮ ﻧﮩﯿﮟ ﺁﺗﺎ ،ﺍﻟﺒﺘﮧ ﯾﮧ ﺑﺘﺎﯾﺎ ﮔﯿﺎ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﻗﻠﻌﮧ ﺍﻟﻤُﻮﺕ ﻣﯿﮟ ﭘﮩﻨﭻ ﮔﯿﺎ۔
ﺩﺍﺳﺘﺎﻥ ﮔﻮ ﻧﮯ ﻗﺰﻝ ﺳﺎﺭﻭﻕ ﺍﻭﺭ ﺍﺱ ﮐﮯ ﺳﻮﺍﺭﻭﮞ ﮐﻮ ﺫﮨﻨﯽ ﻃﻮﺭ ﭘﺮ ﻣﻔﻠﻮﺝ ﮐﺮﻧﮯ ﮐﺎ ﺟﻮ ﻭﺍﻗﻌﮧ ﺳﻨﺎﯾﺎ ﮨﮯ ﯾﮧ ﺗﯿﻦ ﻏﯿﺮ ﻣﻌﺮﻭﻑ ﺳﮯ ﻣﺆﺭﺧﻮﮞ ﻧﮯ ﮐﭽﮫ ﺍﯾﺴﮯ ﺣﻮﺍﻟﻮﮞ ﺍﻭﺭ ﺩﻻﺋﻞ ﺳﮯ ﻟﮑﮭﺎ ﮨﮯ ﮐﮧ ﯾﮧ ﻗﺎﺑﻞ ﻗﺒﻮﻝ ﺍﻭﺭ ﻣﺴﺘﻨﺪ ﺳﻤﺠﮭﺎ ﺟﺎﺗﺎ ﮨﮯ، ﺍﻥ ﻣﯿﮟ ﺍﭨﻠﯽ ﮐﺎ ﺍﯾﮏ ﺗﺎﺭﯾﺦ ﻧﻮﯾﺲ ﺑﺎﻧﺴﻮﻟﯿﻨﯽ ﺧﺎﺹ ﻃﻮﺭ ﭘﺮ ﻗﺎﺑﻞ ﺫﮐﺮ ﮨﮯ، ﺍﺱ ﮐﯽ ﺗﺤﺮﯾﺮﯼ ﺍﻃﺎﻟﻮﯼ ﺯﺑﺎﻥ ﻣﯿﮟ ﻣﻠﺘﯽ ﮨﯿﮟ ﺟﻦ ﮐﺎ ﺗﺮﺟﻤﮧ ﺍﻧﮕﺮﯾﺰﯼ ﺯﺑﺎﻥ ﻣﯿﮟ ﮐﯿﺎ ﮔﯿﺎ ﮨﮯ۔
ﺑﻈﺎﮨﺮ ﯾﮧ ﻭﺍﻗﻌﮧ ﺍﻓﺴﺎﻧﻮﯼ ﺳﺎ ﻟﮕﺘﺎ ﮨﮯ ﻟﯿﮑﻦ ﺣﺴﻦ ﺑﻦ ﺻﺒﺎﺡ ﮐﻮ ﺧﺪﺍ ﻧﮯ ﺍﯾﺴﺎ ﺩﻣﺎﻍ ﺩﯾﺎ ﺗﮭﺎ ﺟﺴﮯ ﺍﮔﺮ ﻣﺎﻓﻮﻕ ﺍﻟﻔﻄﺮﺕ ﯾﺎ ﺑﺎﻻﺋﯽ ﺳﻄﺢ ﺍﻧﺴﺎﻧﯽ ﮐﮩﺎ ﺟﺎﺋﮯ ﺗﻮ ﻏﻠﻂ ﻧﮧ ﮨﻮﮔﺎ، ﺍﺱ ﮐﯽ ﺗﺎﺭﯾﺦ ﮐﺎ ﻣﻄﺎﻟﻌﮧ ﮔﮩﺮﺍﺋﯽ ﻣﯿﮟ ﺟﺎ ﮐﺮ ﮐﯿﺎ ﺟﺎﺋﮯ ﺗﻮ ﭘﺘﮧ ﭼﻠﺘﺎ ﮨﮯ ﮐﮧ ﺍﺱ ﻧﮯ ﺍﭘﻨﮯ ﺍﺑﻠﯿﺴﯽ ﻓﺮﻗﮯ ﮐﯽ ﺑﻨﯿﺎﺩ ﺍﻧﺴﺎﻥ ﮐﯽ ﻓﻄﺮﯼ ﮐﻤﺰﻭﺭﯾﻮﮞ ﭘﺮ ﺭﮐﮭﯽ ﺗﮭﯽ، ﺍﻥ ﻣﯿﮟ ﺍﯾﮏ ﺗﻮ ﻋﻮﺭﺕ ﺍﻭﺭ ﺩﻭﺳﺮﯼ ﺗﮭﯽ ﻧﺸﮧ، ﯾﮧ ﺩﻭﻧﻮﮞ ﭼﯿﺰﯾﮟ ﺟﺐ ﺍﻧﺴﺎﻥ ﮐﮯ ﺩﻣﺎﻍ ﭘﺮ ﻏﺎﻟﺐ ﺁﺟﺎﺗﯽ ﮨﯿﮟ ﺗﻮ ﭘﮭﺮ ﻭﮦ ﺍﻧﺴﺎﻥ ﺍﮔﺮ ﺿﺮﻭﺭﺕ ﭘﮍﮮ ﺗﻮ ﺍﭘﻨﮯ ﺑﭽﻮﮞ ﺗﮏ ﮐﻮ ﻗﺘﻞ ﮐﺮﺩﯾﺘﺎ ﮨﮯ، ﻟﯿﮑﻦ ﭘﮩﻠﮯ ﺑﯿﺎﻥ ﮨﻮ ﭼﮑﺎ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﮐﯽ ﮐﺎﻣﯿﺎﺑﯽ ﮐﺎ ﺭﺍﺯ ﺣﺸﯿﺶ ﺍﻭﺭ ﺣﺴﯿﻦ ﻋﻮﺭﺗﯿﮟ ﺗﮭﯿﮟ۔
ﺣﺴﻦ ﺑﻦ ﺻﺒﺎﺡ ﺟﮩﺎﮞ ﺑﮭﯽ ﺟﺎﺗﺎ ﺗﮭﺎ ﺍﺱ ﮐﺎ ﺟﺎﺳﻮﺳﯽ ﮐﺎ ﻧﻈﺎﻡ ﺍﺱ ﮐﮯ ﺳﺎﺗﮫ ﮨﻮﺗﺎ ﺗﮭﺎ، ﻭﮦ ﺗﺒﺮﯾﺰ ﺳﮯ ﻧﮑﻼ ﺗﻮ ﺍﺱ ﻧﮯ ﺍﭘﻨﮯ ﺩﻭ ﺗﯿﻦ ﺁﺩﻣﯽ ﺍﺱ ﻋﻼﻗﮯ ﻣﯿﮟ ﭼﮭﻮﮌ ﺩﯾﮯ ﺗﮭﮯ، ﺳﺎﻻﺭ ﻗﺰﻝ ﺳﺎﺭﻭﻕ ﺗﺒﺮﯾﺰ ﭘﮩﻨﭽﺎ ﺗﻮ ﺍﺗﻨﯽ ﺩﻭﺭ ﺑﯿﭩﮭﮯ ﮨﻮﺋﮯ ﺣﺴﻦ ﺑﻦ ﺻﺒﺎﺡ ﮐﻮ ﺍﻃﻼﻉ ﻣﻞ ﮔﺌﯽ، ﺍﮔﺮ ﻧﯿﻢ ﭘﺎﮔﻞ ﺳﺎ ﺷﺨﺺ ﻗﺰﻝ ﺳﺎﺭﻭﻕ ﮐﮯ ﺟﺎﺳﻮﺱ ﮐﻮ ﻧﮧ ﺑﺘﺎﺗﺎ ﮐﮧ ﺣﺴﻦ ﺑﻦ ﺻﺒﺎﺡ ﮐﺎ ﻗﺎﻓﻠﮧ ﻓﻼﮞ ﻃﺮﻑ ﮔﯿﺎ ﮨﮯ ﺗﻮ ﻭﮨﺎﮞ ﺗﮏ ﮐﻮﺋﯽ ﺑﮭﯽ ﻧﮧ ﭘﮩﻨﭻ ﺳﮑﺘﺎ ،ﻟﯿﮑﻦ ﺍﻧﮩﯿﮟ ﺩﻭ ﺗﯿﻦ ﻣﮑﺎﻧﻮﮞ ﻣﯿﮟ ﺳﮯ ﺍﯾﮏ ﺁﺩﻣﯽ ﻧﮯ ﺣﺴﻦ ﺑﻦ ﺻﺒﺎﺡ ﺗﮏ ﺍﻃﻼﻉ ﭘﮩﻨﭽﺎ ﺩﯾﮟ ﮐﮧ ﺍﺱ ﮐﯽ ﻧﺸﺎﻧﺪﮨﯽ ﮨﻮﮔﺌﯽ ﮨﮯ ﺍﻭﺭ ﺍﯾﮏ ﮨﺰﺍﺭ ﺳﻮﺍﺭﻭﮞ ﮐﺎ ﻟﺸﮑﺮ ﺁ ﺭﮨﺎ ﮨﮯ۔
ﺣﺴﻦ ﺑﻦ ﺻﺒﺎﺡ ﮐﻮ ﺍﻃﻼﻉ ﻣﻠﯽ ﺗﻮ ﺍﺱ ﻧﮯ ﻭﮨﺎﮞ ﺳﮯ ﮐﮩﯿﮟ ﺍﻭﺭ ﺑﮭﺎﮒ ﺟﺎﻧﮯ ﮐﯽ ﺑﺠﺎﺋﮯ ﯾﮧ ﻃﺮﯾﻘﮧ ﺳﻮﭺ ﻟﯿﺎ ﺟﻮ ﺑﯿﺎﻥ ﮐﯿﺎ ﮔﯿﺎ ﮨﮯ، ﺍﺱ ﻧﮯ ﺍﭘﻨﺎ ﺧﻔﯿﮧ ﮔﺮﻭﮦ ﺳﺎﺗﮫ ﺭﮐﮭﺎ ﮨﻮﺍ ﺗﮭﺎ ،ﺟﺲ ﻣﯿﮟ ﺍﺳﻤﺎﻋﯿﻞ ﺑﮭﯽ ﺗﮭﺎ ﺍﻭﺭ ﺧﺪﯾﺠﮧ ﺑﮭﯽ ، ﻓﻮﺭﺍً ﯾﮧ ﻃﺮﯾﻘﮧ ﺳﻮﭺ ﻟﯿﺎ ﮔﯿﺎ ﭘﮭﺮ ﺟﺲ ﻃﺮﺡ ﺍﺳﻤﺎﻋﯿﻞ ﺍﻭﺭ ﺧﺪﯾﺠﮧ ﻣﯿﺎﮞ ﺑﯿﻮﯼ ﮐﮯ ﺭﻭﭖ ﻣﯿﮟ ﺩﻭ ﻟﮍﮐﻮﮞ ﺍﻭﺭ ﺍﯾﮏ ﭨﭩﻮ ﮐﮯ ﺳﺎﺗﮫ ﺭﻭﺍﻧﮧ ﮨﻮ ﮔﺌﮯ ﯾﮧ ﺣﺴﻦ ﺑﻦ ﺻﺒﺎﺡ ﮐﮯ ﺩﻣﺎﻍ ﮐﺎ ﺑﮯ ﻣﺜﺎﻝ ﮐﻤﺎﻝ ﺗﮭﺎ، ﺍﺳﻤﺎﻋﯿﻞ ﺍﻭﺭ ﺧﺪﯾﺠﮧ ﺭﺍﺕ ﺑﮭﺮ ﺍﻥ ﺳﻮﺍﺭﻭﮞ ﮐﮯ ﺍﻧﺘﻈﺎﺭ ﻣﯿﮟ ﺍﯾﮏ ﺟﮕﮧ ﺑﯿﭩﮭﮯ ﺭﮨﮯ ﺗﮭﮯ، ﺻﺒﺢ ﺍﻧﮩﯿﮟ ﯾﮧ ﻟﺸﮑﺮ ﻣﻞ ﮔﯿﺎ۔
÷=÷=÷=÷=* ۔ *=÷÷=
ﺳﺎﻻﺭ ﻗﺰﻝ ﺳﺎﺭﻭﻕ ﺍﭘﻨﮯ ﺳﻮﺍﺭﻭﮞ ﮐﮯ ﺁﮔﮯ ﺁﮔﮯ ﮔﮭﻮﮌﮮ ﭘﺮ ﺳﻮﺍﺭ ﭼﻠﺘﺎ ﮔﯿﺎ ،ﯾﻮﮞ ﻣﻌﻠﻮﻡ ﮨﻮﺗﺎ ﺗﮭﺎ ﺟﯿﺴﮯ ﺍﺱ ﮐﮯ ﺫﮨﻦ ﺳﮯ ﯾﮧ ﺍﺗﺮ ﮨﯽ ﮔﯿﺎ ﮨﻮﮞ ﮐﮧ ﻭﮦ ﮐﺲ ﻣﻘﺼﺪ ﮐﮯ ﻟﯿﮯ ﺍﺩﮬﺮ ﺁﯾﺎ ﺗﮭﺎ ،ﺍﺱ ﮐﺎ ﺍﻧﺪﺍﺯ ﺍﯾﺴﺎ ﺗﮭﺎ ﺟﯿﺴﮯ ﻟﻮﮒ ﺳﯿﺮ ﺳﭙﺎﭨﮯ ﮐﮯ ﻟﺌﮯ ﺁﺋﮯ ﮨﻮﮞ، ﺍﻥ ﮐﮯ ﺩﻣﺎﻍ ﺻﺤﯿﺢ ﮐﺎﻡ ﮐﺮ ﺭﮨﮯ ﺗﮭﮯ ﻭﮦ ﺭﺍﺳﺘﮧ ﺑﮭﻮﻟﮯ ﻧﮩﯿﮟ ﺗﮭﮯ، ﺍﻥ ﮐﮯ ﺩﻣﺎﻍ ﺍﺱ ﻭﻗﺖ ﺑﮭﯽ ﺣﺎﺿﺮ ﺗﮭﮯ ﺟﺐ ﻭﮦ ﺑﮍﯼ ﺧﻄﺮﻧﺎﮎ ﺣﺪ ﺗﮏ ﭘﮩﺎﮌﯼ ﺭﺍﺳﺘﻮﮞ ﭘﺮ ﺟﺎ ﺭﮨﮯ ﺗﮭﮯ، ﺍﻟﺒﺘﮧ ﺍﻧﮩﯿﮟ ﯾﮧ ﺍﺣﺴﺎﺱ ﻧﮩﯿﮟ ﺗﮭﺎ ﮐﮧ ﮐﮩﯿﮟ ﺭﺍﺕ ﺑﮭﺮ ﮐﮯ ﻟﯿﮯ ﭘﮍﺍﺅ ﺑﮭﯽ ﮐﺮﻧﺎ ﮨﮯ ۔
ﺍﻧﮩﻮﮞ ﻧﮯ ﺩﻥ ﮐﮯ ﻭﻗﺖ ﭘﮍﺍﺅ ﮐﯿﺎ، ﮐﮭﺎﻧﺎ ﺗﯿﺎﺭ ﮐﯿﺎ ﮐﮭﺎﯾﺎ ﺑﮭﯽ ﺍﻭﺭ ﺳﻮ ﮔﺌﮯ، ﭼﻮﻧﮑﮧ ﺍﻥ ﮐﮯ ﺍﺣﺴﺎﺱ ﺯﻧﺪﮦ ﻧﮩﯿﮟ ﺗﮭﺎ ﺍﻭﺭ ﯾﮧ ﺍﺣﺴﺎﺱ ﺳﻮﯾﺎ ﮨﻮﺍ ﺗﮭﺎ ﻭﮦ ﺍﯾﺴﮯ ﺳﻮﺋﮯ ﮐﮧ ﺍﮔﻠﯽ ﺻﺒﺢ ﺟﺎﮔﮯ ﺍﻭﺭ ﭼﻞ ﭘﮍﮮ۔
ﺗﺎﺭﯾﺨﻮﮞ ﻣﯿﮟ ﯾﮧ ﮐﮭﻮﺝ ﻧﮩﯿﮟ ﻣﻠﺘﺎ ﮐﮧ ﻭﮦ ﮐﺘﻨﮯ ﭘﮍﺍﺅ ﮐﺮ ﮐﮯ ﻣﺮﻭ ﭘﮩﻨﭽﮯ، ﯾﮧ ﺳﺮﺍﻍ ﻣﻠﺘﺎ ﮨﮯ ﮐﮧ ﻭﮦ ﻣﺮﻭ ﺳﮯ ﺍﺑﮭﯽ ﮐﭽﮫ ﺩﻭﺭ ﮨﯽ ﺗﮭﮯ ﺗﻮ ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﺍﭘﻨﮯ ﺳﺮ ﮐﻮ ﺯﻭﺭ ﺳﮯ ﮨﻼﯾﺎ ﺍﻭﺭ ﻟﺸﮑﺮ ﮐﻮ ﺭﻭﮎ ﻟﯿﺎ ،ﺍﺱ ﻧﮯ ﺍﭘﻨﮯ ﻣﺎﺗﺤﺘﻮﮞ ﮐﻮ ﺑﻼﯾﺎ ،ﻭﮨﯽ ﻣﺎﺗﺤﺖ ﺟﻮ ﺧﻮﺵ ﻭﺧﺮﻡ ﭼﻠﮯ ﺁﺭﮨﮯ ﺗﮭﮯ ﺍﺏ ﮐﺴﯽ ﺍﻭﺭ ﮨﯽ ﺫﮨﻨﯽ ﮐﯿﻔﯿﺖ ﻣﯿﮟ ﺗﮭﮯ، ﺍﻥ ﮐﮯ ﭼﮩﺮﻭﮞ ﭘﺮ ﺣﯿﺮﺕ ﺍﻭﺭ ﺗﺬﺑﺬﺏ ﮐﮯ ﺗﺎﺛﺮﺍﺕ ﺗﮭﮯ۔
ﺗﻢ ﮐﯿﺎ ﻣﺤﺴﻮﺱ ﮐﺮ ﺭﮨﮯ ﮨﻮ ؟،،،،ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﺍﻥ ﺳﮯ ﭘﻮﭼﮭﺎ ۔۔۔ﺍﻭﺭ ﺍﭘﻨﯽ ﮐﯿﻔﯿﺖ ﯾﻮﮞ ﺑﯿﺎﻥ ﮐﯽ،،،، ﻟﮕﺘﺎ ﮨﮯ ﮨﻢ ﺧﻮﺍﺏ ﻣﯿﮟ ﮐﮩﯿﮟ ﮔﮭﻮﻣﺘﮯ ﭘﮭﺮﺗﮯ ﺭﮨﮯ ﮨﯿﮟ، ﺍﻭﺭ ﺷﺎﯾﺪ ﺣﺴﻦ ﺑﻦ ﺻﺒﺎﺡ ﮐﻮ ﺩﯾﮑﮭﺎ ﺗﮭﺎ۔
ﻣﯿﮟ ﺑﮭﯽ ﯾﮩﯽ ﻣﺤﺴﻮﺱ ﮐﺮ ﺭﮨﺎ ﮨﻮﮞ۔۔۔۔ ﺍﯾﮏ ﺍﺩﮬﯿﮍ ﻋﻤﺮ ﻣﺎﺗﺤﺖ ﻧﮯ ﮐﮩﺎ۔۔۔ ﮐﭽﮫ ﮐﭽﮫ ﯾﺎﺩ ﺁﺭﮨﺎ ﮨﮯ ﮐﮧ ﮨﻢ ﻭﮨﺎﮞ ﺗﮏ ﭘﮩﻨﭽﮯ ﺗﮭﮯ۔
ﻣﺠﮭﮯ ﯾﺎﺩ ﮨﮯ ﮐﮧ ﺍﯾﮏ ﺣﺎﺟﯽ ﺍﺱ ﮐﯽ ﺑﯿﻮﯼ ﺍﻭﺭ ﺩﻭ ﺑﯿﭩﮯ ﻣﻠﮯ ﺗﮭﮯ۔۔۔ ﺍﯾﮏ ﺍﻭﺭ ﻣﺎﺗﺤﺖ ﮐﻤﺎﻧﮉﺭ ﻧﮯ ﮐﮩﺎ۔۔۔۔ ﭘﮭﺮ ﻣﺠﮭﮯ ﻧﺪﯼ ﺗﮏ ﯾﺎﺩ ﮨﮯ۔
ﺳﺎﻻﺭ ﻗﺰﻝ ﺳﺎﺭﻭﻕ ﯾﻮﮞ ﭼﻮﻧﮏ ﮐﺮ ﺳﯿﺪﮬﺎ ﮨﻮﮔﯿﺎ ﺟﯿﺴﮯ ﺳﺐ ﮐﭽﮫ ﯾﺎﺩ ﺁﮔﯿﺎ ﮨﻮ۔
ﮨﻤﺎﺭﮮ ﺳﺎﺗﮫ ﺩﮬﻮﮐﺎ ﮨﻮﺍ ﮨﮯ۔۔۔۔ ﺍﺱ ﻧﮯ ﮐﮩﺎ۔۔۔ ﮨﻢ ﺳﻠﻄﺎﻥ ﮐﻮ ﻣﻨﮧ ﺩﮐﮭﺎﻧﮯ ﮐﮯ ﻗﺎﺑﻞ ﻧﮩﯿﮟ ﺭﮨﮯ، ﻟﯿﮑﻦ ﻣﯿﺮﮮ ﺭﻓﯿﻘﻮ ! ،،،، ﺳﻠﻄﺎﻥ ﮐﮯ ﺁﮔﮯ ﺟﮭﻮﭦ ﻧﮩﯿﮟ ﺑﻮﻟﻨﺎ ،ﺟﻮ ﮨﻮﺍ ﮨﮯ ﻭﮦ ﻣﻦ ﻭ ﻋﻦ ﺑﯿﺎﻥ ﮐﺮﻧﺎ ﮨﮯ، ﺍﮔﺮ ﺳﻠﻄﺎﻥ ﮐﻮ ﺭﺣﻢ ﺁﮔﯿﺎ ﺗﻮ ﻭﮦ ﮨﻤﯿﮟ ﻣﻌﺎﻑ ﮐﺮ ﺩﮮ ﮔﺎ ،ﻭﺭﻧﮧ ﻭﮦ ﺟﻮ ﺑﮭﯽ ﺳﺰﺍ ﺩﮮ ﮔﺎ ﻭﮦ ﮨﻢ ﺩﻝ ﻭ ﺟﺎﻥ ﺳﮯ ﻗﺒﻮﻝ ﮐﺮﯾﮟ ﮔﮯ
ﭘﮭﺮ ﯾﻮﮞ ﮐﺮﻭ ﺩﻭﺳﺘﻮ ! ،،،،،ﺍﯾﮏ ﻣﺎﺗﺤﺖ ﮐﻤﺎﻧﺪﺍﺭ ﻧﮯ ﮐﮩﺎ ۔۔۔ﺍﮔﺮ ﺳﻠﻄﺎﻥ ﻧﮯ ﮨﻤﯿﮟ ﺳﺒﮑﺪﻭﺵ ﮐﺮ ﺩﯾﺎ ﺗﻮ ﺁﺅ ﺣﻠﻔﯿﮧ ﯾﮧ ﻋﮩﺪ ﮐﺮﯾﮟ ﮐﮧ ﮨﻢ ﺍﭘﻨﮯ ﻃﻮﺭ ﭘﺮ ﺳﺐ ﻣﻞ ﮐﺮ ﺣﺴﻦ ﺑﻦ ﺻﺒﺎﺡ ﮐﻮ ﺯﻧﺪﮦ ﯾﺎ ﻣﺮﺩﮦ ﺳﻠﻄﺎﻥ ﮐﮯ ﺳﺎﻣﻨﮯ ﭘﯿﺶ ﮐﺮﯾﮟ ﮔﮯ، ﺍﻭﺭ ﺍﺱ ﮐﮯ ﮔﺮﻭﮦ ﮐﮯ ﺍﯾﮏ ﺑﮭﯽ ﺁﺩﻣﯽ ﮐﻮ ﺯﻧﺪﮦ ﻧﮩﯿﮟ ﭼﮭﻮﮌﯾﮟ ﮔﮯ۔
ﺍﮔﺮ ﺳﻠﻄﺎﻥ ﻧﮯ ﮨﻤﯿﮟ ﻗﯿﺪ ﻣﯿﮟ ﮈﺍﻝ ﺩﯾﺎ ۔۔۔۔ﺍﯾﮏ ﺍﻭﺭ ﮐﻤﺎﻧﺪﺍﺭ ﻧﮯ ﮐﮩﺎ ۔۔۔۔ﺗﻮ ﮨﻢ ﺍﺳﮯ ﮐﮩﯿﮟ ﮔﮯ ﮐﮧ ﮨﻤﯿﮟ ﺍﭘﻨﯽ ﺍﺱ ﻏﻠﻄﯽ ﮐﺎ ﮐﻔﺎﺭﮦ ﺍﺩﺍ ﮐﺮﻧﮯ ﮐﮯ ﻟﺌﮯ ﺁﺯﺍﺩ ﮐﺮﮮ۔
ﯾﮧ ﺑﮭﯽ ﺳﻮﭺ ﻟﻮ ﺩﻭﺳﺘﻮ ! ،،،،،ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﮐﮩﺎ ۔۔۔۔ﺣﺴﻦ ﺑﻦ ﺻﺒﺎﺡ ﮐﯽ ﺟﮕﮧ ﮐﻮﺋﯽ ﺍﻭﺭ ﺩﺷﻤﻦ ﮨﻮﺗﺎ ﺗﻮ ﺳﻠﻄﺎﻥ ﮨﻤﺎﺭﯼ ﺍﺱ ﻏﻠﻄﯽ ﮐﻮ ﺟﻮ ﮨﻢ ﺳﮯ ﺩﮬﻮﮐﮯ ﻣﯿﮟ ﮨﻮﺋﯽ ﻣﻌﺎﻑ ﮐﺮ ﺩﯾﺘﺎ ،ﻟﯿﮑﻦ ﯾﮩﺎﮞ ﻣﻌﺎﻣﻠﮧ ﺣﺴﻦ ﺑﻦ ﺻﺒﺎﺡ ﺍﻭﺭ ﺍﺳﻼﻡ ﮐﮯ ﺗﺤﻔﻆ ﮐﺎ ﮨﮯ ،ﺳﻠﻄﺎﻥ ﻣﺠﮭﮯ ﺍﻭﺭ ﺗﻢ ﺳﺐ ﮐﻤﺎﻧﺪﺍﺭﻭﮞ ﮐﻮ ﺳﺰﺍﺋﮯ ﻣﻮﺕ ﺑﮭﯽ ﺩﮮ ﺳﮑﺘﺎ ﮨﮯ، ﺍﻭﺭ ﻣﺠﮭﮯ ﺗﻮﻗﻊ ﺳﺰﺍﺋﮯ ﻣﻮﺕ ﮐﯽ ﮨﯽ ﮨﮯ ،ﻟﯿﮑﻦ ﮨﻤﺎﺭﯼ ﻭﻓﺎﺩﺍﺭﯼ ﯾﮧ ﮨﮯ ﮐﮧ ﮨﻢ ﺍﺱ ﮐﮯ ﺳﺎﻣﻨﮯ ﺟﺎﺋﯿﮟ ﮔﮯ ﺍﻭﺭ ﻣﺮﻧﮯ ﮐﮯ ﻟﯿﮯ ﺗﯿﺎﺭ ﮨﻮ ﮐﺮ ﺟﺎﺋﯿﮟ ﮔﮯ۔
=========>* ۔ *<========
* ﺟﺎﺭﯼ ﮨﮯ ﺑﻘﯿﮧ ﻗﺴﻂ۔ 27 ۔ﻣﯿﮟ ﭘﮍﮬﯿﮟ *
========>* ۔ *<=========
─━━━═•✵⊰✿⊱✵•═━━━─

Share: