Husn Bin Sba aur Uski Bnayi hui Duniyawi Jannat ka Tarikhi Dastan. (Part 27)

Husn Bin Sba aur Sultan Mulk Shah Ka Saltnat
Husn Bin Sba aur Uski Bnayi hui Duniyawi Jannat ka Tarikhi Dastan. (Part 27)
┈❂❀﷽❀❂┅ *❂•
─•┈┈┈✶⁩* ﷺ *✶┈┈┈•─
○•═════╗ ﺍ ஜ۩۞۩ ஜ ﺍ ╔══════•○
ﺣﺴـــﻦ ﺑـﻦ ﺻـــﺒـﺎﺡ ﺍﻭﺭ ﺍﺳﮑﯽ ﻣﺼﻨـــﻮﻋﯽ ﺟﻨـــــﺖ
○•═════╝ ﺍ ஜ۩۞۩ ஜ ﺍ ╚══════•○
ﻗﺴﻂ ﻧﻤﺒﺮ 27/
ﺳﻠﻄﺎﻥ ﻣﻠﮏ ﺷﺎﮦ ﮐﻮ ﺳﺎﻻﺭ ﻗﺰﻝ ﺳﺎﺭﻭﻕ ﭘﺮ ﺍﺗﻨﺎ ﺯﯾﺎﺩﮦ ﺍﻋﺘﻤﺎﺩ ﺗﮭﺎ ﮐﮧ ﺍﺱ ﻧﮯ ﺍﯾﮏ ﺑﺎﺭ ﺑﮭﯽ ﺍﯾﺴﮯ ﺷﮏ ﮐﺎ ﺍﻇﮩﺎﺭ ﻧﮩﯿﮟ ﮐﯿﺎ ﺗﮭﺎ ﮐﮧ ﺍﺱ ﮐﺎ ﯾﮧ ﺳﺎﻻﺭ ﻧﺎﮐﺎﻡ ﻟﻮﭨﮯ ﮔﺎ ،ﺍﺱ ﮐﺎ ﺩﺍﻧﺸﻤﻨﺪ ﻭﺯﯾﺮ ﺧﻮﺍﺟﮧ ﺣﺴﻦ ﻃﻮﺳﯽ ﻧﻈﺎﻡ ﺍﻟﻤﻠﮏ ﺩﻭ ﺗﯿﻦ ﺑﺎﺭ ﮐﮩﮧ ﭼﮑﺎ ﺗﮭﺎ ﮐﮧ ﻗﺰﻝ ﺳﺎﺭﻭﻕ ﮐﺎ ﮐﻮﺋﯽ ﭘﯿﻐﺎﻡ ﻧﮩﯿﮟ ﺁﯾﺎ ،ﮐﻢ ﺍﺯ ﮐﻢ ﺍﯾﮏ ﭘﯿﻐﺎﻡ ﺗﻮ ﺁﻧﺎ ﭼﺎﮨﯿﮯ ﺗﮭﺎ۔
ﻟﻮﻣﮍﯼ ﮐﺎ ﺷﮑﺎﺭ ﺁﺳﺎﻥ ﻧﮩﯿﮟ ﮨﻮﺗﺎ ﺧﻮﺍﺟﮧ ! ،،،،،،ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﮐﯿﺎ ﺁﭖ ﻧﮩﯿﮟ ﺟﺎﻧﺘﮯ ﮐﮧ ﺣﺴﻦ ﺑﻦ ﺻﺒﺎﺡ ﺟﻨﮕﺠﻮ ﺩﺷﻤﻦ ﻧﮩﯿﮟ، ﻭﮦ ﻟﻮﻣﮍﯼ ﮨﮯ، ﻭﮦ ﺩﮐﮭﺎﺗﺎ ﺗﻠﻮﺍﺭ ﮨﮯ ﺍﻭﺭ ﻣﺎﺭﺗﺎ ﺑﺮﭼﮭﯽ ﮨﮯ، ﮨﻤﺎﺭﺍ ﺳﺎﻻﺭ ﺍﻣﯿﺮ ﺍﺭﺳﻼﻥ ﺍﺱ ﮐﮯ ﺩﮬﻮﮐﮯ ﻣﯿﮟ ﻣﺎﺭﺍ ﮔﯿﺎ ﮨﮯ، ﻭﮦ ﺍﻥ ﺑﺎﻃﻨﯿﻮﮞ ﺳﮯ ﺩﻭ ﺑﺪُﻭ ﻟﮍﺍﺋﯽ ﻟﮍﺍ ﮨﮯ ،ﻟﯿﮑﻦ ﺍﺱ ﭘﺮ ﻭﺍﺭ ﭘﯿﭩﮫ ﭘﯿﭽﮭﮯ ﺳﮯ ﮨﻮﺍ ﺗﮭﺎ ،ﻗﺰﻝ ﺳﺎﺭﻭﻕ ﺩﮬﻮﮐﮯ ﻣﯿﮟ ﻧﮩﯿﮟ ﺁﺋﮯ ﮔﺎ ،ﻭﮦ ﻭﺛﻮﻕ ﺳﮯ ﮐﮩﮧ ﮔﯿﺎ ﺗﮭﺎ ﮐﮧ ﻭﮦ ﻭﺍﭘﺲ ﺁﺋﮯ ﮔﺎ ﺗﻮ ﺣﺴﻦ ﺑﻦ ﺻﺒﺎﺡ ﺯﻧﺪﮦ ﯾﺎ ﻣﺮﺩﮦ ﺍﺱ ﮐﮯ ﺳﺎﺗﮫ ﮨﻮﮔﺎ ،ﻧﮧ ﮨﻮﺍ ﺗﻮ ﻭﮦ ﺧﻮﺩ ﺑﮭﯽ ﻭﺍﭘﺲ ﻧﮩﯿﮟ ﺁﺋﮯ ﮔﺎ۔
ﻧﻈﺎﻡ ﺍﻟﻤﻠﮏ ﺧﺎﻣﻮﺵ ﺭﮨﺎ ﺟﯿﺴﮯ ﺳﻠﻄﺎﻥ ﻣﻠﮏ ﺷﺎﮦ ﮐﯽ ﺍﺱ ﺑﺎﺕ ﮐﻮ ﻭﮦ ﺧﻮﺵ ﻓﮩﻤﯽ ﺳﻤﺠﮭﺎ ﮨﻮ ﺍﻭﺭ ﺍﺳﮯ ﻗﺰﻝ ﺳﺎﺭﻭﻕ ﮐﯽ ﮐﺎﻣﯿﺎﺑﯽ ﻣﺸﮑﻮﮎ ﻧﻈﺮ ﺁﺭﮨﯽ ﮨﮯ، ﺗﺎﺭﯾﺦ ﺷﺎﮨﺪ ﮨﮯ ﮐﮧ ﺧﻮﺍﺟﮧ ﺣﺴﻦ ﻃﻮﺳﯽ ﺩﺍﻧﺸﻤﻨﺪ ﺍﻭﺭ ﺩﻭﺭﺍﻧﺪﯾﺶ ﺗﮭﺎ، ﺍﺱ ﮐﯽ ﻧﮕﺎﮨﯿﮟ ﺍﺱ ﺣﺪ ﺳﮯ ﺁﮔﮯ ﻧﮑﻞ ﺟﺎﯾﺎ ﮐﺮﺗﯽ ﺗﮭﯽ ﺟﺲ ﺣﺪ ﺗﮏ ﻣﻠﮏ ﺷﺎﮦ ﮐﯽ ﻧﮕﺎﮨﯽ ﺩﯾﮑﮫ ﺳﮑﺘﯽ ﺗﮭﯿﮟ، ﻣﻠﮏ ﺷﺎﮦ ﺍﺱ ﮐﯽ ﺩﻭﺭ ﺍﻧﺪﯾﺸﯽ ﮐﺎ ﻗﺎﺋﻞ ﺗﮭﺎ، ﯾﮧ ﺍﻟﻔﺎﻅ ﺳﻠﻄﺎﻥ ﻣﻠﮏ ﺷﺎﮦ ﮐﮯ ﮨﯽ ﮨﯿﮟ ﮐﮧ ﺧﻮﺍﺟﮧ ﺣﺴﻦ ﻃﻮﺳﯽ ﺭﻭﺡ ﮐﯽ ﺁﻧﮑﮫ ﺳﮯ ﺩﯾﮑﮭﺘﺎ ﺍﻭﺭ ﺭﻭﺣﺎﻧﯽ ﻃﺎﻗﺖ ﺳﮯ ﻣﺸﮑﻼﺕ ﭘﺮ ﻗﺎﺑﻮ ﭘﺎ ﻟﯿﺘﺎ ﮨﮯ۔
ﭘﮭﺮ ﺍﯾﮏ ﺭﻭﺯ ﺟﺐ ﺳﻮﺭﺝ ﮈﮬﻞ ﺭﮨﺎ ﺗﮭﺎ، ﺳﻠﻄﺎﻥ ﻣﻠﮏ ﺷﺎﮦ ﮐﮯ ﻣﺤﻞ ﮐﮯ ﻗﺮﯾﺐ ﺍﯾﮏ ﺑﮍﯼ ﮨﯽ ﺑﻠﻨﺪ ﺁﻭﺍﺯ ﺍﭨﮭﯽ،،،،، ﻟﺸﮑﺮ ﻭﺍﭘﺲ ﺁ ﺭﮨﺎ ﮨﮯ۔
ﭘﮭﺮ ﺩﻭﮌﺗﮯ ﻗﺪﻣﻮﮞ ﮐﮯ ﺳﺎﺗﮫ ﺁﻭﺍﺯﻭﮞ ﮐﺎ ﻃﻮﻓﺎﻥ ﺁﮔﯿﺎ ۔
ﺳﺎﻻﺭ ﻗﺰﻝ ﺳﺎﺭﻭﻕ ﺁ ﺭﮨﺎ ﮨﮯ۔
ﻟﺸﮑﺮ ﭘﻮﺭﺍ ﻣﻌﻠﻮﻡ ﮨﻮﺗﺎ ﮨﮯ ۔
ﻓﺎﺗﺢ ﺁ ﺭﮨﮯ ﮨﯿﮟ ۔
ﺳﻠﻄﺎﻥ ﻋﺎﻟﯽ ﻣﻘﺎﻡ ! ،،،،،ﺩﺭﺑﺎﻥ ﻧﮯ ﺳﻠﻄﺎﻥ ﻣﻠﮏ ﺷﺎﮦ ﮐﻮ ﺍﻃﻼﻉ ﺩﯼ۔۔۔۔ ﺳﺎﻻﺭ ﻗﺰﻝ ﺳﺎﺭﻭﻕ ﮐﺎ ﻟﺸﮑﺮ ﻭﺍﭘﺲ ﺁ ﺭﮨﺎ ﮨﮯ، ﺷﮩﺮ ﺳﮯ ﺍﺑﮭﯽ ﮐﭽﮫ ﺩﻭﺭ ﮨﮯ۔
ﮨﻤﺎﺭﺍ ﺍﻭﺭ ﻧﻈﺎﻡ ﺍﻟﻤﻠﮏ ﮐﺎ ﮔﮭﻮﮌﺍ ﻓﻮﺭﺍً ﺗﯿﺎﺭ ﮐﺮﻭ۔۔۔ ﻣﻠﮏ ﺷﺎﮦ ﻧﮯ ﮐﮩﺎ ۔
ﻧﻈﺎﻡ ﺍﻟﻤﻠﮏ ﺑﺎﮨﺮ ﮐﯽ ﺁﻭﺍﺯﯾﮟ ﺳﻦ ﮐﺮ ﻣﻠﮏ ﺷﺎﮦ ﮐﮯ ﭘﺎﺱ ﭘﮩﻨﭻ ﮔﯿﺎ۔
ﮨﻢ ﻗﺰﻝ ﺳﺎﺭﻭﻕ ﮐﺎ ﺍﺳﺘﻘﺒﺎﻝ ﺷﮩﺮ ﺳﮯ ﺑﺎﮨﺮ ﮐﺮﯾﮟ ﮔﮯ ۔۔۔ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔
ﺳﻠﻄﺎﻥ ﺍﻭﺭ ﻧﻈﺎﻡ ﺍﻟﻤﻠﮏ ﮔﮭﻮﮌﻭﮞ ﭘﺮ ﺳﻮﺍﺭ ﺷﮩﺮ ﺳﮯ ﻧﮑﻞ ﮔﺌﮯ، ﻣﺤﺎﻓﻆ ﺩﺳﺘﮯ ﮐﮯ ﭼﺎﺭ ﺳﻮﺍﺭ ﺍﻥ ﮐﮯ ﺁﮔﮯ ﺍﻭﺭ ﺑﺎﺭﮦ ﭘﯿﭽﮭﮯ ﺟﺎﺭﮨﮯ ﺗﮭﮯ ،ﺳﺎﻻﺭ ﻗﺰﻝ ﺳﺎﺭﻭﻕ ﺍﻭﺭ ﺍﺱ ﮐﮯ ﺍﯾﮏ ﮨﺰﺍﺭ ﺳﻮﺍﺭ ﺷﮩﺮ ﺳﮯ ﺗﮭﻮﮌﯼ ﮨﯽ ﺩﻭﺭ ﺭﮦ ﮔﺌﮯ ﺗﮭﮯ ۔
ﻗﺰﻝ ﺳﺎﺭﻭﻕ ﻧﮯ ﮨﻤﯿﮟ ﺩﯾﮑﮫ ﮐﺮ ﺑﮭﯽ ﺍﭘﻨﮯ ﮔﮭﻮﮌﮮ ﮐﻮ ﺍﯾﮍ ﻧﮩﯿﮟ ﻟﮕﺎﺋﯽ۔۔۔ ﻣﻠﮏ ﺷﺎﮦ ﻧﮯ ﻧﻈﺎﻡ ﺍﻟﻤﻠﮏ ﺳﮯ ﮐﮩﺎ۔۔۔ ﮐﯿﺎ ﯾﮧ ﻓﺘﺢ ﮐﮯ ﻧﺸﮯ ﮐﺎ ﺍﻇﮩﺎﺭ ﮨﮯ؟
ﺍﺱ ﮐﺎ ﭼﮩﺮﮦ ﺍﻭﺭ ﺍﺱ ﮐﺎ ﺍﻧﺪﺍﺯ ﻓﺘﺢ ﻭﺍﻻ ﻧﮩﯿﮟ ﻟﮕﺘﺎ ۔۔۔۔ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﺍﮔﺮ ﯾﮧ ﻓﺘﺢ ﮐﮯ ﻧﺸﮯ ﺳﮯ ﺳﺮﺷﺎﺭ ﮨﻮﺗﺎ ﺗﻮ ﮨﻤﯿﮟ ﺩﯾﮑﮭﺘﮯ ﮨﯽ ﮔﮭﻮﮌﮮ ﮐﻮ ﺳﺮﭘﭧ ﺩﻭﮌﺍﺗﺎ ﮨﻢ ﺗﮏ ﭘﮩﻨﭻ ﭼﮑﺎ ﮨﻮﺗﺎ، ﯾﮧ ﺗﻮ ﻟﮕﺘﺎ ﮨﮯ ﺑﮍﯼ ﻣﺸﮑﻞ ﺳﮯ ﮔﮭﻮﮌﮮ ﭘﺮ ﺑﯿﭩﮭﺎ ﮨﻮﺍ ﮨﮯ ۔
ﺍﻭﺭ ﻟﺸﮑﺮ ﺑﮭﯽ ﺧﺎﻣﻮﺷﯽ ﺳﮯ ﺁﺭﮨﺎ ﮨﮯ۔۔۔۔ ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ ﺍﻭﺭ ﮔﮭﻮﮌﮮ ﮐﻮ ﮨﻠﮑﯽ ﺳﯽ ﺍﯾﮍ ﻟﮕﺎﺋﯽ۔
ﻗﺮﯾﺐ ﺁﮐﺮ ﻗﺰﻝ ﺳﺎﺭﻭﻕ ﻧﮯ ﺍﭘﻨﺎ ﮔﮭﻮﮌﺍ ﻟﺸﮑﺮ ﮐﮯ ﺁﮔﮯ ﺳﮯ ﺍﯾﮏ ﻃﺮﻑ ﮐﺮ ﻟﯿﺎ ﺍﻭﺭ ﻣﻠﮏ ﺷﺎﮦ ﮐﮯ ﺳﺎﻣﻨﮯ ﺭﮎ ﮔﯿﺎ۔
÷=÷=÷=÷=÷=* ۔ *÷=÷=
ﺧﻮﺵ ﺁﻣﺪﯾﺪ ﺳﺎﺭﻭﻕ ! ،،،،،،،ﺳﻠﻄﺎﻥ ﻣﻠﮏ ﺷﺎﮦ ﻧﮯ ﺍﭘﻨﺎ ﮨﺎﺗﮫ ﺍﺱ ﮐﯽ ﻃﺮﻑ ﺑﮍﮬﺎﺗﮯ ﮨﻮﺋﮯ ﮐﮩﺎ ۔۔۔ﺍﮔﺮ ﺗﻢ ﺣﺴﻦ ﺑﻦ ﺻﺒﺎﺡ ﮐﻮ ﺯﻧﺪﮦ ﯾﺎ ﻣﺮﺩﮦ ﺍﭘﻨﮯ ﺳﺎﺗﮫ ﻧﮩﯿﮟ ﻻ ﺳﮑﮯ ﺗﻮ ﯾﮧ ﺷﺮﻡ ﺳﺎﺭﯼ ﮐﯽ ﻣﻌﻘﻮﻝ ﻭﺟﮧ ﻧﮩﯿﮟ ،ﺳﻠﻄﺎﻥ ﻣﻠﮏ ﺷﺎﮦ ﻧﮯ ﺩﯾﮑﮭﺎ ﮐﮧ ﺍﺱ ﻧﮯ ﻣﺼﺎﻓﺤﮧ ﮐﮯ ﻟﺌﮯ ﮨﺎﺗﮫ ﺑﮍﮬﺎﯾﺎ ﺍﻭﺭ ﻗﺰﻝ ﺳﺎﺭﻭﻕ ﻧﮯ ﺍﭘﻨﺎ ﮨﺎﺗﮫ ﺁﮔﮯ ﻧﮩﯿﮟ ﮐﯿﺎ۔
ﺳﺎﻻﺭ ﻗﺰﻝ ﺳﺎﺭﻭﻕ ! ،،،، ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﺳﻠﻄﺎﻥ ﻣﮑﺮﻡ ﻧﮯ ﻣﺼﺎﻓﺤﮧ ﮐﮯ ﻟﯿﮯ ﮨﺎﺗﮫ ﺁﮔﮯ ﮐﺮ ﺭﮐﮭﺎ ﮨﮯ، ﻣﯿﺮﺍ ﺧﯿﺎﻝ ﮨﮯ ﺳﺎﻻﺭ ﮐﺎ ﺭﺗﺒﮧ ﺍﺗﻨﺎ ﺍﻭﻧﭽﺎ ﻧﮩﯿﮟ ﮐﮧ ﻭﮦ ﺳﻠﻄﺎﻥ ﮐﮯ ﮨﺎﺗﮫ ﮐﻮ ﯾﻮﮞ ﻧﻈﺮ ﺍﻧﺪﺍﺯ ﮐﺮﺩﮮ ۔
ﭨﮭﯿﮏ ﻓﺮﻣﺎﯾﺎ ﻣﺤﺘﺮﻡ ﻭﺯﯾﺮﺍﻋﻈﻢ ! ،،،،، ﻗﺰﻝ ﺳﺎﺭﻭﻕ ﻧﮯ ﮐﮩﺎ ۔۔۔ﻟﯿﮑﻦ ﺁﭖ ﮐﺎ ﯾﮧ ﺳﺎﻻﺭ ﺍﺱ ﻗﺎﺑﻞ ﻧﮩﯿﮟ ﺭﮨﺎ ﮐﮧ ﺳﻠﻄﺎﻥ ﻋﺎﻟﯽ ﻣﻘﺎﻡ ﮐﺎ ﮨﺎﺗﮫ ﺍﭘﻨﮯ ﮨﺎﺗﮫ ﻣﯿﮟ ﻟﮯ۔
ﮐﯿﻮﮞ ؟،،،،،ﺳﻠﻄﺎﻥ ﻣﻠﮏ ﺷﺎﮦ ﻧﮯ ﺍﭘﻨﺎ ﮨﺎﺗﮫ ﭘﯿﭽﮭﮯ ﮐﺮﺗﮯ ﮨﻮﺋﮯ ﭘﻮﭼﮭﺎ ۔۔۔ﮐﯿﺎ ﮨﻢ ﻏﻠﻂ ﺳﻤﺠﮫ ﺭﮨﮯ ﮨﯿﮟ ﮐﮧ ﺗﻢ ﻓﺎﺗﺢ ﻟﻮﭨﮯ ﮨﻮ ،ﺳﻠﺠﻮﻗﯽ ﺳﺎﻻﺭ ﺷﮑﺴﺖ ﺳﮯ ﻧﮧ ﺁﺷﻨﺎ ﮨﻮﺗﺎ ﮨﮯ۔
ﺳﻠﻄﺎﻥ ﻣﮑﺮﻡ ! ،،،،،،ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﮐﮩﺎ۔۔۔۔ ﻣﯿﺮﯼ ﻓﺘﺢ ﯾﮩﯽ ﮨﮯ ﮐﮧ ﻣﯿﮟ ﭘﻮﺭﮮ ﺩﺳﺘﮯ ﮐﻮ ﺯﻧﺪﮦ ﻟﮯ ﺁﯾﺎ ﮨﻮﮞ ،ﺻﺮﻑ ﺩﻭ ﺳﻮﺍﺭ ﺿﺎﺋﻊ ﮨﻮﺋﮯ ﮨﯿﮟ، ﻟﯿﮑﻦ ﯾﮧ ﻓﺘﺢ ﺣﺴﻦ ﺑﻦ ﺻﺒﺎﺡ ﮐﯽ ﮨﮯ ﮐﮧ ﮨﻢ ﻟﮍﮮ ﺑﻐﯿﺮ ﻭﺍﭘﺲ ﺁﮔﺌﮯ ﮨﯿﮟ، ﺍﮔﺮ ﻭﮦ ﮨﻢ ﭘﺮ ﺣﻤﻠﮧ ﮐﺮ ﺩﯾﺘﺎ ﺗﻮ ﮨﻢ ﻣﯿﮟ ﺳﮯ ﮐﻮﺋﯽ ﺑﮭﯽ ﺯﻧﺪﮦ ﻭﺍﭘﺲ ﻧﮧ ﺁﺗﺎ ،ﮐﯿﺎ ﺳﻠﻄﺎﻥ ﻣﮑﺮﻡ ﺍﺟﺎﺯﺕ ﺩﯾﮟ ﮔﮯ ﮐﮧ ﺁﺭﺍﻡ ﺳﮯ ﺑﯿﭩﮫ ﮐﺮ ﭘﻮﺭﺍ ﻭﺍﻗﻌﮧ ﺳﻨﺎﺅﮞ۔
ﺍﯾﮏ ﮨﺰﺍﺭ ﺳﻮﺍﺭﻭﮞ ﮐﺎ ﻟﺸﮑﺮ ﺟﺲ ﻣﯿﮟ ﺳﮯ ﺻﺮﻑ ﺩﻭ ﺁﺩﻣﯽ ﮐﻢ ﮨﻮﺋﮯ ﺗﮭﮯ ﺍﻥ ﮐﮯ ﻗﺮﯾﺐ ﺳﮯ ﮔﺰﺭﺗﺎ ﺟﺎ ﺭﮨﺎ ﺗﮭﺎ ،ﺳﻠﻄﺎﻥ ﻣﻠﮏ ﺷﺎﮦ ﺳﻮﺍﺭﻭﮞ ﮐﮯ ﭼﮩﺮﮮ ﺩﯾﮑﮫ ﺭﮨﺎ ﺗﮭﺎ، ﮨﺮ ﭼﮩﺮﮮ ﺳﭙﺎﭦ ﺗﮭﺎ ﯾﮧ ﻣﺎﺗﻤﯽ ﺟﻠﻮﺱ ﻟﮕﺘﺎ ﺗﮭﺎ۔
ﮨﻤﺎﺭﮮ ﺳﺎﺗﮫ ﺁﺅ۔۔۔ ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔
ﺳﻠﻄﺎﻥ ﮐﮯ ﯾﮩﺎﮞ ﺟﺎﮐﺮ ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﺳﻠﻄﺎﻥ ﺍﻭﺭ ﻧﻈﺎﻡ ﺍﻟﻤﻠﮏ ﮐﻮ ﺗﻤﺎﻡ ﻭﺍﻗﻌﮧ ﺳﻨﺎﺩﯾﺎ، ﮐﭽﮫ ﺑﮭﯽ ﻧﮧ ﭼﮭﭙﺎﯾﺎ۔
ﺍﺱ ﻗﺪﯾﻢ ﻗﻠﻌﮯ ﮐﯽ ﺩﯾﻮﺍﺭ ﺳﮯ ﺩﻭ ﺗﯿﺮﺍ ﺁﮰ۔۔۔۔ ﺳﺎﻻﺭ ﻗﺰﻝ ﺳﺎﺭﻭﻕ ﻧﮯ ﮐﮩﺎ ۔۔۔ﺍﻭﺭ ﻣﯿﺮﮮ ﺩﻭ ﺳﻮﺍﺭ ﻣﺎﺭﮮ ﮔﺌﮯ، ﻣﯿﮟ ﺑﮩﺖ ﺣﯿﺮﺍﻥ ﮨﻮﺍ ﮐﮧ ﺍﻥ ﺗﯿﺮ ﺍﻧﺪﺍﺯﻭﮞ ﻧﮯ ﺍﻥ ﺳﻮﺍﺭﻭﮞ ﮐﻮ ﮐﯿﻮﮞ ﻣﺎﺭ ﮈﺍﻻ ﮨﮯ ،ﺩﯾﻮﺍﺭ ﭘﺮ ﺍﯾﮏ ﺍﻭﺭ ﺁﺩﻣﯽ ﮐﮭﮍﺍ ﺗﮭﺎ ﻭﮦ ﺣﺴﻦ ﺑﻦ ﺻﺒﺎﺡ ﺗﮭﺎ ،ﻟﯿﮑﻦ ﺍﺱ ﻭﻗﺖ ﻭﮦ ﮐﻮﺋﯽ ﺍﻭﺭ ﻟﮓ ﺭﮨﺎ ﺗﮭﺎ ،ﺍﺱ ﻧﮯ ﭘﻮﭼﮭﺎ ﺗﻢ ﯾﮩﺎﮞ ﮐﯿﻮﮞ ﺁﺋﮯ ﮨﻮ ﻣﯿﮟ ﻧﮯ ﺍﭘﻨﮯ ﺳﺎﺗﮭﯿﻮﮞ ﺳﮯ ﭘﻮﭼﮭﺎ ﮨﻢ ﯾﮩﺎﮞ ﮐﯿﻮﮞ ﺁﺋﮯ ﮨﯿﮟ ،ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ﯾﮩﺎﮞ ﺳﮯ ﭼﻠﮯ ﺟﺎﺅ،،،،،،،
ﺍﻭﺭ ﺗﻢ ﻭﺍﭘﺲ ﭼﻠﮯ ﺁﺋﮯ۔۔۔ ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔
ﮨﺎﮞ ﺳﻠﻄﺎﻥ ﻣﮑﺮﻡ ! ،،،،،ﻗﺰﻝ ﺳﺎﺭﻭﻕ ﻧﮯ ﮐﮩﺎ۔۔۔ ﻣﯿﮟ ﮐﭽﮫ ﻧﮩﯿﮟ ﺳﻤﺠﮫ ﺳﮑﺎ ۔۔۔ﺍﺱ ﮐﮯ ﺁﻧﺴﻮ ﺑﮩﮧ ﻧﮑﻠﮯ۔
ﮐﯿﺎ ﺁﭖ ﮐﻮ ﯾﺎﺩ ﮨﮯ ﻭﮨﺎﮞ ﺍﻭﺭ ﮐﯿﺎ ﮐﭽﮫ ﮨﻮﺍ ﺗﮭﺎ؟،،،،،، ﻧﻈﺎﻡ ﺍﻟﻤﻠﮏ ﻧﮯ ﭘﻮﭼﮭﺎ ۔
ﯾﺎﺩ ﮨﮯ۔۔۔۔ ﻗﺰﻝ ﺳﺎﺭﻭﻕ ﻧﮯ ﺭﻧﺪﮬﯽ ﮨﻮﺋﯽ ﺁﻭﺍﺯ ﻣﯿﮟ ﮐﮩﺎ ۔۔۔ﺳﺐ ﮐﭽﮫ ﯾﺎﺩ ﮨﮯ ﻟﯿﮑﻦ ﺧﻮﺍﺏ ﮐﯽ ﻃﺮﺡ۔
ﺣﻮﺻﻠﮧ ﻣﺖ ﮨﺎﺭﻭ ﺳﺎﺭﻭﻕ ! ،،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﮨﻢ ﺟﺎﻧﺘﮯ ﮨﯿﮟ ﯾﮧ ﮐﯿﺎ ﮨﻮﺍ ﺗﮭﺎ ،ﯾﮧ ﺑﺘﺎﺅ ﮐﮧ ﻭﺍﭘﺴﯽ ﺳﻔﺮ ﮐﮯ ﺩﻭﺭﺍﻥ ﺗﻢ ﺍﭘﻨﮯ ﺁﭖ ﻣﯿﮟ ﺁﺋﮯ ﺗﻮ ﺗﻢ ﻧﮯ ﯾﮧ ﻧﮩﯿﮟ ﺳﻮﭼﺎ ﺗﮭﺎ ﮐﮧ ﻭﺍﭘﺲ ﺟﺎ ﮐﺮ ﻗﻠﻌﮯ ﭘﺮ ﺣﻤﻠﮧ ﮐﺮ ﺩﻭ؟
ﺳﻮﭼﺎ ﺗﮭﺎ ﺳﻠﻄﺎﻥ ﻋﺎﻟﯽ ﻣﻘﺎﻡ ! ،،،،،ﻗﺰﻝ ﺳﺎﺭﻭﻕ ﻧﮯ ﺟﻮﺍﺏ ﺩﯾﺎ۔۔۔ ﺍﭘﻨﮯ ﺳﺎﺗﮭﯽ ﮐﻤﺎﻧﮉﺭﻭﮞ ﮐﮯ ﺳﺎﺗﮫ ﺻﻠﺢ ﻣﺸﻮﺭﮦ ﮐﯿﺎ ﺗﻮ ﺳﺐ ﻧﮯ ﮐﮩﺎ ﮐﮧ ﻭﺍﭘﺲ ﺟﺎﻧﺎ ﺑﯿﮑﺎﺭ ﮨﮯ، ﺟﺲ ﻃﺮﺡ ﺑﺎﻃﻨﯽ ﺗﺒﺮﯾﺰ ﻣﯿﮟ ﺳﺎﻻﺭ ﺍﻣﯿﺮ ﺍﺭﺳﻼﻥ ﺍﻭﺭ ﺍﺱ ﮐﮯ ﭘﺎﻧﭻ ﺳﻮ ﺳﻮﺍﺭﻭﮞ ﮐﻮ ﻗﺘﻞ ﮐﺮ ﮐﮯ ﺁﮔﮯ ﻧﮑﻞ ﮔﺌﮯ ﺗﮭﮯ ﺍﺳﯽ ﻃﺮﺡ ﺍﻥ ﮐﮭﻨﮉﺭﻭﮞ ﺳﮯ ﻧﮑﻞ ﮐﺮ ﮐﮩﯿﮟ ﺍﻭﺭ ﭼﻠﮯ ﮔﺌﮯ ﮨﻮﻧﮕﮯ، ﺣﻘﯿﻘﺖ ﯾﮧ ﮨﮯ ﺳﻠﻄﺎﻥ ﻣﺤﺘﺮﻡ ﻣﺠﮭﮯ ﺍﯾﺴﺎ ﺻﺪﻣﮧ ﮨﻮﺍ ﮐﮧ ﻣﯿﮟ ﮐﭽﮫ ﺑﮭﯽ ﻓﯿﺼﻠﮧ ﻧﮧ ﮐﺮ ﺳﮑﺎ ،ﻣﯿﮟ ﻧﮯ ﺟﻮ ﻟﮍﺍﺋﯿﺎﮞ ﻟﮍﯼ ﮨﯿﮟ ﻭﮦ ﺁﭖ ﮐﻮ ﯾﺎﺩ ﮨﻮﻧﮕﯽ ،ﻣﯿﮟ ﺧﻮﺩ ﺑﮭﯽ ﻧﮩﯿﮟ ﮔﻦ ﺳﮑﺘﺎ ﮐﮧ ﻣﯿﺮﮮ ﺟﺴﻢ ﭘﺮ ﮐﺘﻨﮯ ﺯﺧﻤﻮﮞ ﮐﮯ ﻧﺸﺎﻥ ﮨﯿﮟ، ﺳﻠﻄﻨﺖ ﺳﻠﺠﻮﻗﯽ ﮐﯽ ﺑﻨﯿﺎﺩﻭﮞ ﻣﯿﮟ ﻣﯿﺮﺍ ﺍﺗﻨﺎ ﺯﯾﺎﺩﮦ ﺧﻮﻥ ﺭﭼﺎ ﺑﺴﺎ ﮨﻮﺍ ﮨﮯ ﮐﮧ ﺁﺝ ﺁﭖ ﺑﮭﯽ ﺍﺱ ﮐﯽ ﺑﻮ ﺳﻮﻧﮕﮫ ﺳﮑﺘﮯ ﮨﯿﮟ، ﮐﯿﺎ ﮐﻮﺋﯽ ﻣﺎﻥ ﺳﮑﺘﺎ ﮨﮯ ﮐﮧ ﻣﯿﮟ ﮈﺭ ﮐﺮ ﺑﻐﯿﺮ ﻟﮍﮮ ﻭﺍﭘﺲ ﺁ ﮔﯿﺎ ﮨﻮﮞ۔
ﺗﻢ ﭘﺮ ﮐﻮﺋﯽ ﺍﻟﺰﺍﻡ ﻧﮩﯿﮟ ﺳﺎﺭﻭﻕ ! ،،،، ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ ۔۔۔ﺗﻤﮩﺎﺭﮮ ﺍﻭﺭ ﺗﻤﮩﺎﺭﮮ ﻟﺸﮑﺮ ﮐﮯ ﮨﻮﺵ ﻭ ﺣﻮﺍﺱ ﺍﻥ ﮐﮭﺠﻮﺭﻭﮞ ﻧﮯ ﮔﻢ ﮐﯿﮯ ﺗﮭﮯ ﺟﻮ ﺗﻢ ﻣﮑﮧ ﻣﻌﻈﻤﮧ ﮐﯽ ﺳﻮﻏﺎﺕ ﺳﻤﺠﮫ ﮐﺮ ﮐﮭﺎ ﮔﺌﮯ ﺗﮭﮯ، ﺍﻭﺭ ﺗﻢ ﺳﺐ ﮐﯽ ﺳﻮﭼﻨﮯ ﮐﯽ ﺻﻼﺣﯿﺖ ﺍﺱ ﭘﺎﻧﯽ ﻧﮯ ﺳﻠﺐ ﮐﯽ ﺗﮭﯽ ﺟﺴﮯ ﺗﻢ ﺁﺏ ﺯﻣﺰﻡ ﺳﻤﺠﮭﮯ ﺗﮭﮯ۔
ﺧﻮﺍﺟﮧ ﻃﻮﺳﯽ ! ،،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﻓﻮﺝ ﮐﮯ ﻟﺌﮯ ﺁﺝ ﺣﮑﻢ ﺟﺎﺭﯼ ﮐﺮ ﺩﻭ ﮐﮧ ﺑﺎﮨﺮ ﺟﺎﮐﺮ ﮐﻮﺋﯽ ﻓﻮﺟﯽ، ﻭﮦ ﺳﺎﻻﺭ ﮨﮯ ﯾﺎ ﺳﭙﺎﮨﯽ ﮐﺴﯽ ﺍﺟﻨﺒﯽ ﮐﮯ ﮨﺎﺗﮫ ﺳﮯ ﮐﻮﺋﯽ ﭼﯿﺰ ﻧﮩﯿﮟ ﮐﮭﺎﺋﮯ ﮔﺎ، ﻧﮧ ﮐﺴﯽ ﺑﮭﯽ ﻗﺴﻢ ﮐﺎ ﻣﺸﺮﻭﺏ ﭘﺌﮯ ﮔﺎ ﻧﮧ ﭘﺎﻧﯽ،،،،،،،، ﻗﺰﻝ ﺳﺎﺭﻭﻕ ! ،،،ﺗﻢ ﺩﮬﻮﮐﮯ ﻣﯿﮟ ﺁ ﮔﺌﮯ ﺗﮭﮯ، ﺟﺎﺅ ﺁﺭﺍﻡ ﮐﺮﻭ، ﺍﭘﻨﮯ ﺗﻤﺎﻡ ﻟﺸﮑﺮ ﺳﮯ ﮐﮩﮧ ﺩﯾﻨﺎ ﮐﮧ ﺗﻢ ﭘﺮ ﮐﻮﺋﯽ ﺍﻟﺰﺍﻡ ﻧﮩﯿﮟ، ﺍﻭﺭ ﺗﻤﺎﻡ ﺳﻮﺍﺭﻭﮞ ﮐﻮ ﺑﺘﺎ ﺩﯾﻨﺎ ﮐﮧ ﺗﻤﮩﯿﮟ ﮐﮭﺠﻮﺭ ﺍﻭﺭ ﭘﺎﻧﯽ ﻣﯿﮟ ﮐﻮﺋﯽ ﺍﯾﺴﺎ ﻧﺸﮧ ﻣﻼﯾﺎ ﮔﯿﺎ ﺗﮭﺎ ﺟﺲ ﻧﮯ ﺗﻤﮩﺎﺭﯼ ﻋﻘﻞ ﺍﻭﺭ ﺟﺬﺑﮯ ﮐﻮ ﺳﻼ ﺩﯾﺎ ﺗﮭﺎ ،ﺍﻧﮩﯿﮟ ﯾﮧ ﺑﺘﺎﻧﺎ ﺍﺱ ﻟﯿﮯ ﺿﺮﻭﺭﯼ ﮨﮯ ﮐﮧ ﻭﮦ ﺍﺱ ﻭﮨﻢ ﻣﯿﮟ ﻣﺒﺘﻼ ﻧﮧ ﮨﻮ ﺟﺎﺋﯿﮟ ﮐﮧ ﺣﺴﻦ ﺑﻦ ﺻﺒﺎﺡ ﮐﮯ ﭘﺎﺱ ﮐﻮﺋﯽ ﺍﯾﺴﯽ ﻃﺎﻗﺖ ﮨﮯ ﺟﺲ ﺳﮯ ﻭﮦ ﺩﺷﻤﻦ ﮐﯽ ﭘﻮﺭﯼ ﻓﻮﺝ ﮐﻮ ﺫﮨﻨﯽ ﻃﻮﺭ ﭘﺮ ﻣﻔﻠﻮﺝ ﮐﺮ ﺩﯾﺘﺎ ﮨﮯ۔
ﻟﺸﮑﺮ ﮐﮯ ﻣﺘﻌﻠﻖ ﺗﻮ ﻣﯿﮟ ﻧﮯ ﺑﺘﺎﯾﺎ ﮨﯽ ﻧﮩﯿﮟ۔۔۔۔ ﻗﺰﻝ ﺳﺎﺭﻭﻕ ﻧﮯ ﮐﮩﺎ۔۔۔ ﻣﯿﮟ ﻧﮯ ﺍﻭﺭ ﻣﯿﺮﮮ ﻣﺎﺗﺤﺖ ﮐﻤﺎﻧﺪﺭﻭﮞ ﻧﮯ ﺳﻮﺍﺭﻭﮞ ﮐﻮ ﯾﮧ ﺑﺘﺎﯾﺎ ﺗﮭﺎ، ﻟﯿﮑﻦ ﻣﺠﮭﮯ ﺑﺘﺎﯾﺎ ﮔﯿﺎ ﮨﮯ ﮐﮧ ﮐﺌﯽ ﺍﯾﮏ ﺳﻮﺍﺭ ﺍﺱ ﻭﮨﻢ ﮐﻮ ﻗﺒﻮﻝ ﮐﺮ ﭼﮑﮯ ﮨﯿﮟ ﮐﮧ ﺣﺴﻦ ﺑﻦ ﺻﺒﺎﺡ ﮐﻮ ﺧﺪﺍ ﻧﮯ ﺍﯾﺴﯽ ﺭﻭﺣﺎﻧﯽ ﻃﺎﻗﺖ ﺩﯼ ﮨﮯ ﮐﮧ ﻭﮦ ﺍﭘﻨﮯ ﺟﺲ ﺩﺷﻤﻦ ﮐﯽ ﻃﺮﻑ ﺩﯾﮑﮭﺘﺎ ﮨﮯ ﻭﮦ ﺩﺷﻤﻦ ﮨﻼﮎ ﮨﻮ ﺟﺎﺗﺎ ﮨﮯ ﯾﺎ ﮨﻤﺎﺭﯼ ﻃﺮﺡ ﺣﺴﻦ ﺑﻦ ﺻﺒﺎﺡ ﮐﯽ ﻃﺮﻑ ﭘﯿﭩﮫ ﮐﺮﮐﮯ ﻭﮨﺎﮞ ﺳﮯ ﻏﺎﺋﺐ ﮨﻮ ﺟﺎﺗﺎ ﮨﮯ، ﯾﮧ ﺳﺐ ﺳﻮﺍﺭ ﻣﯿﺮﮮ ﺳﺎﺗﮫ ﺁ ﮔﺌﮯ ﮨﯿﮟ ﻟﯿﮑﻦ ﺍﻥ ﮐﮯ ﺩﻟﻮﮞ ﻣﯿﮟ ﻭﮨﻢ ﻣﻮﺟﻮﺩ ﮨﮯ۔
ﮨﻢ ﺍﺱ ﮐﺎ ﺍﻧﺘﻈﺎﻡ ﺑﮭﯽ ﮐﺮ ﻟﯿﮟ ﮔﮯ۔۔۔ ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﺗﻢ ﺟﺎﺅ۔
ﻣﯿﮟ ﺁﭖ ﮐﺎ ﻣﻤﻨﻮﻥ ﮨﻮﮞ ﺳﻠﻄﺎﻥ ﻋﺎﻟﯽ ﻣﻘﺎﻡ ! ،،،،،ﻗﺰﻝ ﺳﺎﺭﻭﻕ ﻧﮯ ﮐﮩﺎ ۔۔۔ﺁﭖ ﻧﮯ ﻣﯿﺮﯼ ﺧﻄﺎ ﻣﻌﺎﻑ ﮐﯽ ﻟﯿﮑﻦ ﻣﯿﮟ ﺍﭘﻨﮯ ﺁﭖ ﮐﻮ ﻣﻌﺎﻑ ﻧﮩﯿﮟ ﮐﺮ ﺳﮑﺘﺎ ،ﻣﯿﮟ ﺍﺱ ﺩﮬﻮﮐﮯ ﮐﺎ ﺍﻧﺘﻘﺎﻡ ﻟﻮﻧﮕﺎ ،ﻣﯿﮟ ﮔﻨﺎﮦ ﮐﺎ ﮐﻔﺎﺭﮦ ﺍﺩﺍ ﮐﺮﻭﮞ ﮔﺎ۔
ﻣﯿﮟ ﺗﻤﮩﺎﺭﮮ ﺟﺬﺑﺎﺕ ﮐﻮ ﺳﻤﺠﮭﺘﺎ ﮨﻮﮞ ﺳﺎﺭﻭﻕ ! ،،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ ۔۔۔ﻟﯿﮑﻦ ﺗﻢ ﻧﮯ ﻭﮦ ﺩﺷﻤﻦ ﺩﯾﮑﮫ ﻟﯿﺎ ﮨﮯ ﺟﺲ ﺳﮯ ﺗﻢ ﺍﻧﺘﻘﺎﻡ ﻟﯿﻨﺎ ﭼﺎﮨﺘﮯ ﮨﻮ، ﯾﮧ ﺁﻣﻨﮯ ﺳﺎﻣﻨﮯ ﺁ ﮐﺮ ﻟﮍﻧﮯ ﻭﺍﻻ ﺩﺷﻤﻦ ﻧﮩﯿﮟ، ﺍﺱ ﮐﮯ ﻟﯿﮯ ﮨﻤﯿﮟ ﮐﻮﺋﯽ ﺍﻭﺭ ﻃﺮﯾﻘﮧ ﺳﻮﭼﻨﺎ ﭘﮍﮮ ﮔﺎ، ﺍﻟﻠﮧ ﮐﺎ ﺷﮑﺮ ﺍﺩﺍ ﮐﺮﻭ ﮐﮧ ﺗﻢ ﺟﻮ ﺗﺠﺮﺑﮯ ﮐﺎﺭ ﺳﺎﻻﺭ ﮨﻮ ﺍﭘﻨﮯ ﻣﻨﺘﺨﺐ ﺳﻮﺍﺭﻭﮞ ﮐﮯ ﺳﺎﺗﮫ ﺯﻧﺪﮦ ﻭﺍﭘﺲ ﺁﮔﺌﮯ ﮨﻮ، ﺍﻣﯿﺮ ﺍﺭﺳﻼﻥ ﮐﯽ ﻃﺮﺡ ﺗﻤﺎﻡ ﺳﻮﺍﺭﻭﮞ ﮐﮯ ﺳﺎﺗﮫ ﻣﺎﺭﮮ ﻧﮩﯿﮟ ﮔﺌﮯ، ﺍﺱ ﺩﺷﻤﻦ ﮐﯽ ﺳﺮﮐﻮﺑﯽ ﻣﯿﺮﺍ ﻓﺮﺽ ﮨﮯ، ﺍﻭﺭ ﺍﺱ ﻓﺮﺽ ﮐﯽ ﺍﺩﺍﺋﯿﮕﯽ ﺟﮩﺎﺩ ﮨﮯ، ﺣﺴﻦ ﺑﻦ ﺻﺒﺎﺡ ﺍﻭﺭ ﺍﺣﻤﺪ ﺑﻦ ﻋﻄﺎﺵ ﻧﮯ ﺍﺳﻼﻡ ﮐﮯ ﻧﺎﻡ ﭘﺮ ﺍﯾﮏ ﺍﻭﺭ ﻓﺮﻗﮧ ﺑﻨﺎ ﻟﯿﺎ ﮨﮯ ﺍﻭﺭ ﻟﻮﮒ ﺩﮬﮍﺍ ﺩﮬﮍ ﺍﺱ ﻓﺮﻗﮯ ﻣﯿﮟ ﺷﺎﻣﻞ ﮨﻮ ﺭﮨﮯ ﮨﯿﮟ۔
ﺳﺎﻻﺭ ﻗﺰﻝ ﺳﺎﺭﻭﻕ ﻭﮨﺎﮞ ﺳﮯ ﭼﻼ ﮔﯿﺎ ،ﻟﯿﮑﻦ ﺍﺱ ﮐﮯ ﭼﮩﺮﮮ ﭘﺮ ﺍﯾﺴﮯ ﺗﺎﺛﺮﺍﺕ ﺗﮭﮯ ﺟﯿﺴﮯ ﻭﮦ ﺳﻠﻄﺎﻥ ﻣﻠﮏ ﺷﺎﮦ ﺍﻭﺭ ﺍﺱ ﮐﮯ ﻭﺯﯾﺮﺍﻋﻈﻢ ﻧﻈﺎﻡ ﺍﻟﻤﻠﮏ ﮐﯽ ﺑﺎﺗﻮﮞ ﺳﮯ ﻣﻄﻤﺌﻦ ﻧﮧ ﮨﻮﺍ ﮨﻮ ،ﺍﺱ ﮐﺎ ﺳﻮﺍﺭ ﺩﺳﺘﮧ ﺍﭘﻨﮯ ﭨﮭﮑﺎﻧﮯ ﭘﺮ ﭘﮩﻨﭻ ﮐﺮ ﮔﮭﻮﮌﮮ ﮐﮭﻮﻝ ﭼﮑﺎ ﺗﮭﺎ، ﮨﺮ ﺳﻮﺍﺭ ﮐﻮ ﺁﭨﮫ ﺩﺱ ﻓﻮﺟﯿﻮﮞ ﻧﮯ ﮔﮭﯿﺮ ﻟﯿﺎ ﺍﻭﺭ ﺍﻥ ﺳﮯ ﺳﻦ ﺭﮨﮯ ﺗﮭﮯ ﮐﮧ ﻭﮦ ﮐﯿﺎ ﮐﺮ ﮐﮯ ﺁﺋﮯ ﮨﯿﮟ۔
÷=÷=÷=÷=* ۔ *÷=÷=÷=
ﺁﭖ ﻧﮯ ﮐﯿﺎ ﺳﻮﭼﺎ ﮨﮯ ﺧﻮﺍﺟﮧ ! ،،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﻧﻈﺎﻡ ﺍﻟﻤﻠﮏ ﺳﮯ ﭘﻮﭼﮭﺎ ۔
ﮨﻤﺎﺭﮮ ﭘﺎﺱ ﻓﻮﺝ ﮨﮯ۔۔۔ ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﺑﺎﻃﻨﯿﻮﮞ ﮐﯽ ﮐﻮﺋﯽ ﻓﻮﺝ ﻧﮩﯿﮟ ،ﻟﯿﮑﻦ ﮨﻢ ﻧﮯ ﺍﻥ ﭘﺮ ﺩﻭﺑﺎﺭﮦ ﺣﻤﻠﮧ ﮐﺮﮐﮯ ﮐﯿﺎ ﺣﺎﺻﻞ ﮐﯿﺎ ﮨﮯ، ﮨﻤﺎﺭﮮ ﺍﯾﮏ ﺳﺎﻻﺭ ﺍﻭﺭ ﭘﺎﻧﭻ ﺳﻮ ﺳﻮﺍﺭﻭﮞ ﮐﻮ ﮐﺲ ﻧﮯ ﻗﺘﻞ ﮐﯿﺎ ﮨﮯ؟،،،،،، ﺍﻥ ﻟﻮﮔﻮﮞ ﻧﮯ ﺟﻦ ﭘﺮ ﺣﺴﻦ ﺑﻦ ﺻﺒﺎﺡ ﻧﮯ ﺍﭘﻨﯽ ﻋﻘﯿﺪﺕ ﻣﻨﺪﯼ ﮐﺎ ﺟﻨﻮﻥ ﻃﺎﺭﯼ ﮐﺮ ﺭﮐﮭﺎ ﮨﮯ، ﺍﻧﮩﻮﮞ ﻧﮯ ﺍﭘﻨﯽ ﺟﺎﻧﯿﮟ ﺍﺱ ﺷﺨﺺ ﮐﮯ ﻟﯿﮯ ﻭﻗﻒ ﮐﺮ ﺭﮐﮭﯽ ﮨﯿﮟ، ﺩﻭﺳﺮﮮ ﺣﻤﻠﮯ ﮐﺎ ﺍﻧﺠﺎﻡ ﺩﯾﮑﮫ ﻟﯿﮟ ،ﺍﺱ ﺳﮯ ﮨﻤﯿﮟ ﯾﮧ ﺳﺒﻖ ﻣﻼ ﮨﮯ ﮐﮧ ﯾﮧ ﺷﺨﺺ ﺟﺲ ﮐﺎ ﻧﺎﻡ ﺣﺴﻦ ﺑﻦ ﺻﺒﺎﺡ ﮨﮯ ﺍﭘﻨﮯ ﻣﺮﯾﺪﻭﮞ ﺍﻭﺭ ﺍﻧﺪﮬﯽ ﻋﻘﯿﺪﺕ ﺭﮐﮭﻨﮯ ﻭﺍﻟﮯ ﭘﯿﺮﻭﮐﺎﺭﻭﮞ ﺳﮯ ﮨﻤﺎﺭﯼ ﻓﻮﺝ ﮐﻮ ﺧﻮﻥ ﻣﯿﮟ ﻧﮩﻼ ﺳﮑﺘﺎ ﮨﮯ، ﺟﺲ ﻃﺮﺡ ﺍﺱ ﻧﮯ ﺳﺎﻻﺭ ﺍﻭﺭ ﺍﺱ ﮐﮯ ﺩﺳﺘﮯ ﮐﻮ ﺑﮯ ﮐﺎﺭ ﮐﯿﺎ ﮨﮯ۔
ﻟﯿﮑﻦ ﺧﻮﺍﺟﮧ ! ،،،،ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﻣﯿﮟ ﺁﭖ ﮐﺎ ﯾﮧ ﻣﺸﻮﺭﮦ ﻧﮩﯿﮟ ﻣﺎﻧﻮﮞ ﮔﺎ ﮐﮧ ﺣﺴﻦ ﺑﻦ ﺻﺒﺎﺡ ﮐﻮ ﮨﻢ ﺑﮭﻮﻝ ﺟﺎﺋﯿﮟ ۔
ﻣﯿﮟ ﺍﯾﺴﺎ ﻣﺸﻮﺭﮦ ﺩﻭﮞ ﮔﺎ ﺑﮭﯽ ﻧﮩﯿﮟ ﺍﻋﻠﯽ ﻣﻘﺎﻡ ! ،،،،، ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ ۔۔۔ﻣﯿﮟ ﻧﮯ ﻋﮩﺪ ﮐﺮ ﺭﮐﮭﺎ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﮐﻮ ﮔﺮﻓﺘﺎﺭ ﮐﺮﮐﮯ ﺍﺳﮯ ﺟﻼﺩ ﮐﮯ ﺣﻮﺍﻟﮯ ﮐﺮﺩﻭﮞ ﮔﺎ ۔
ﮔﺮﻓﺘﺎﺭ ﮐﯿﺴﮯ ﮐﺮﯾﮟ ﮔﮯ؟
ﺍﺑﮭﯽ ﺍﺱ ﺳﻮﺍﻝ ﮐﺎ ﺟﻮﺍﺏ ﻧﮩﯿﮟ ﺩﮮ ﺳﮑﻮﮞ ﮔﺎ۔۔۔ ﻧﻈﺎﻡ ﺍﻟﻤﻠﮏ ﻧﮯ ﺟﻮﺍﺏ ﺩﯾﺎ ۔۔۔ﺍﺑﮭﯽ ﯾﮩﯽ ﮐﮩﻮﮞ ﮔﺎ ﮐﮧ ﺿﺮﻭﺭﯼ ﻧﮩﯿﮟ ﺣﺴﻦ ﺑﻦ ﺻﺒﺎﺡ ﮐﯽ ﺳﺮﮐﻮﺑﯽ ﮐﮯ ﻟﯿﮯ ﻓﻮﺝ ﮨﯽ ﺍﺳﺘﻌﻤﺎﻝ ﮐﯽ ﺟﺎﺋﮯ ،ﻣﯿﮟ ﺍﺩﮬﺮ ﺳﮯ ﻏﺎﻓﻞ ﻧﮩﯿﮟ ﻋﺎﻟﯽ ﺟﺎﮦ ،ﻣﯿﮟ ﻧﮯ ﺟﺎﺳﻮﺱ ﺑﮭﯿﺞ ﺭﮐﮭﯿﮟ ﮨﯿﮟ ،ﺍﺏ ﺗﮏ ﻣﺠﮭﮯ ﺟﻮ ﺍﻃﻼﻋﯿﮟ ﻣﻠﯽ ﮨﯿﮟ ﺍﻥ ﺳﮯ ﺑﮍﯼ ﺑﮭﺪﯼ ﺍﻭﺭ ﺧﻄﺮﻧﺎﮎ ﺗﺼﻮﯾﺮ ﺳﺎﻣﻨﮯ ﺁﺗﯽ ﮨﮯ، ﯾﮧ ﺁﭖ ﮐﻮ ﭘﮩﻠﮯ ﮨﯽ ﻣﻌﻠﻮﻡ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﺍﻥ ﻋﻼﻗﻮﮞ ﮐﺎ ﺑﮯ ﺗﺎﺝ ﺑﺎﺩﺷﺎﮦ ﺑﻦ ﭼﮑﺎ ﮨﮯ ﺍﻭﺭ ﻭﮦ ﻟﻮﮔﻮﮞ ﮐﮯ ﺩﻟﻮﮞ ﭘﺮ ﺣﮑﻮﻣﺖ ﮐﺮﺗﺎ ﮨﮯ، ﺍﻭﺭ ﺍﺱ ﮐﯽ ﻣﻘﺒﻮﻟﯿﺖ ﺑﮍﯼ ﺗﯿﺰﯼ ﺳﮯ ﺑﮍﮬﺘﯽ ﺟﺎ ﺭﮨﯽ ﮨﮯ۔
ﺧﻮﺍﺟﮧ ﺣﺴﻦ ﻃﻮﺳﯽ ! ،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﯾﻮﮞ ﮐﮩﺎ ﺟﯿﺴﮯ ﺍﭼﺎﻧﮏ ﺑﯿﺪﺍﺭ ﮨﻮ ﮔﯿﺎ ﮨﻮ۔۔۔ ﮨﻢ ﻧﮯ ﮐﻮﺋﯽ ﻋﻼﻗﮧ ﺍﻭﺭ ﮐﻮﺋﯽ ﻣﻠﮏ ﻓﺘﺢ ﻧﮩﯿﮟ ﮐﺮﻧﺎ، ﺁﭖ ﮐﮩﺘﮯ ﮨﯿﮟ ﮐﮧ ﺣﺴﻦ ﺑﻦ ﺻﺒﺎﺡ ﻟﻮﮔﻮﮞ ﮐﮯ ﺩﻟﻮﮞ ﭘﺮ ﺣﮑﻮﻣﺖ ﮐﺮﺗﺎ ﮨﮯ، ﮨﻢ ﻧﮯ ﻟﻮﮔﻮﮞ ﮐﮯ ﺩﻟﻮﮞ ﮐﻮ ﺑﺎﻃﻞ ﺍﻭﺭﺍﺑﻠﯿﺴﯿﺖ ﺳﮯ ﺁﺯﺍﺩ ﮐﺮﺍﻧﺎ ﮨﮯ ﺍﻭﺭ ﯾﮧ ﻣﮩﻢ ﺗﺒﻠﯿﻎ ﺳﮯ ﻧﮩﯿﮟ ﮨﻮﮔﯽ، ﯾﮧ ﻣﺒﻠﻐﻮﮞ ﮐﺎ ﻧﮩﯿﮟ ﯾﮧ ﻣﺠﺎﮨﺪﯾﻦ ﮐﺎ ﮐﺎﻡ ﮨﮯ،،،،،،، ﺁﭖ ﮐﻮ ﮨﻤﺎﺭﯼ ﺳﻠﻄﻨﺖ ﮐﯽ ﺗﺎﺭﯾﺦ ﺗﻮ ﻣﻌﻠﻮﻡ ﮨﯽ ﮨﮯ ﺧﻮﺍﺟﮧ ! ،،،، ﺍﮨﻞ ﺳﻠﺠﻮﻕ ﺍﺳﻼﻡ ﻗﺒﻮﻝ ﮐﺮﮐﮯ ﯾﮧ ﺳﻠﻄﻨﺖ ﻗﺎﺋﻢ ﻧﮧ ﮐﺮﺗﮯ ﺗﻮ ﺍﺳﻼﻡ ﮐﯽ ﺑﻨﯿﺎﺩﯾﮟ ﮨﻞ ﭼﮑﯽ ﮨﻮﺗﯿﮟ، ﺍﻭﺭ ﺍﻟﻠﮧ ﮐﺎ ﯾﮧ ﺩﯾﻦ ﺑﮍﺍ ﭘﺮﺍﻧﺎ ﻗﺼﮧ ﺑﻦ ﭼﮑﺎ ﮨﻮﺗﺎ، ﭘﮩﻼ ﺩﻓﺎﻉ ﺍﭘﻨﮯ ﺩﯾﻦ ﮐﺎ ﭘﮭﺮ ﺍﭘﻨﯽ ﺳﻠﻄﻨﺖ ﮐﺎ ،ﺩﯾﻦ ﻗﺎﺋﻢ ﻭ ﺩﺍﺋﻢ ﮨﮯ ﺗﻮ ﮨﻢ ﺳﺐ ﻗﺎﺋﻢ ﮨﯿﮟ، ﺟﺲ ﮐﺎ ﺩﯾﻦ ﺍﻭﺭ ﺍﯾﻤﺎﻥ ﮨﯽ ﻧﮧ ﺭﮨﮯ ﺍﺱ ﮐﯽ ﻧﮕﺎﮨﻮﮞ ﻣﯿﮟ ﺁﺯﺍﺩﯼ ﺍﻭﺭ ﻏﻼﻣﯽ ﻣﯿﮟ ﮐﻮﺋﯽ ﻓﺮﻕ ﻧﮩﯿﮟ ﺭﮨﺘﺎ،،،،،،،،ﺍﺳﻞﺍﻡ ﮐﻮ ﺳﺎﻣﻨﮯ ﺭﮐﮭﻮ ﯾﮧ ﺟﻮ ﮐﭽﮫ ﮨﻮﺭﮨﺎ ﮨﮯ ﺍﺳﻼﻡ ﮐﯽ ﺑﯿﺦ ﮐﻨﯽ ﮐﮯ ﻟﺌﮯ ﮨﻮ ﺭﮨﺎ ﮨﮯ۔
ﺳﻠﻄﺎﻥ ﻋﺎﻟﯽ ﻣﻘﺎﻡ ! ،،،،،ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﮐﯽ ﭘﯿﺸﻦ ﮔﻮﺋﯽ ﭘﻮﺭﯼ ﮨﻮ ﺭﮨﯽ ﮨﮯ، ﺁﭖ ﻧﮯ ﻓﺮﻣﺎﯾﺎ ﺗﮭﺎ ﮐﮧ ﻣﯿﺮﮮ ﺑﻌﺪ ﻣﯿﺮﯼ ﺍﻣﺖ ﻓﺮﻗﻮﮞ ﻣﯿﮟ ﺑﭧ ﺟﺎﺋﮯ ﮔﯽ، ﺍﺳﻼﻡ ﮐﯽ ﺑﯿﺦ ﮐﻨﯽ ﺗﻮ ﯾﮧ ﻓﺮﻗﮧ ﺑﻨﺪﯼ ﮐﺮ ﺭﮨﯽ ﮨﮯ ۔
ﺑﺎﺗﻮﮞ ﮐﺎ ﻭﻗﺖ ﻧﮩﯿﮟ ﺭﮨﺎ ﺧﻮﺍﺟﮧ ! ،،،،، ﺳﻠﻄﺎﻥ ﻣﻠﮏ ﺷﺎﮦ ﻧﮯ ﮐﮩﺎ ... ﺍﺏ ﮨﻤﯿﮟ ﮐﭽﮫ ﮐﺮﻧﺎ ﮨﻮﮔﺎ۔
ﺳﻠﻄﺎﻥ ﻣﻌﻈﻢ ! ،،،،، ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﺻﺮﻑ ﺩﻭ ﺁﺩﻣﯿﻮﮞ ﮐﻮ ﺭﻭﺋﮯ ﺯﻣﯿﻦ ﺳﮯ ﺍﭨﮭﺎ ﺩﯾﺎ ﺟﺎﺋﮯ ﺗﻮ ﯾﮧ ﻓﺘﻨﮧ ﺍﭘﻨﮯ ﺁﭖ ﮨﯽ ﺧﺘﻢ ﮨﻮ ﺟﺎﺋﮯ ﮔﺎ۔
ﺣﺴﻦ ﺑﻦ ﺻﺒﺎﺡ ﺍﻭﺭ ﺍﺣﻤﺪ ﺑﻦ ﻋﻄﺎﺵ ﮐﻮ ! ،،،،ﻣﻠﮏ ﺷﺎﮦ ﻧﮯ ﮐﮩﺎ۔۔۔ ﯾﮧ ﻣﯿﮟ ﺳﻮﭺ ﭼﮑﺎ ﮨﻮﮞ ،ﮐﺮﻧﺎ ﯾﮩﯽ ﭘﮍﮮ ﮔﺎ۔
ﻟﯿﮑﻦ ﯾﮧ ﮐﺎﻡ ﺁﺳﺎﻥ ﻧﮩﯿﮟ۔۔۔۔ ﻧﻈﺎﻡ ﺍﻟﻤﻠﮏ ﻧﮯ ﮐﮩﺎ۔۔۔ ﭘﮭﺮ ﺑﮭﯽ ﻣﯿﮟ ﺍﺱ ﮐﺎ ﺍﻧﺘﻈﺎﻡ ﮐﺮﻭﮞ ﮔﺎ،،،،ﯾﮧ ﺍﻧﺘﻈﺎﻡ ﮐﺮﻧﺎ ﭘﮍﮮ ﮔﺎ۔
÷=÷=÷=÷=* ۔ *÷=÷=÷=÷=
ﺳﻠﺠﻮﻗﯽ ﺳﻠﻄﺎﻥ ﻣﻠﮏ ﺷﺎﮦ ﺍﻭﺭ ﺍﺱ ﮐﮯ ﻭﺯﯾﺮﺍﻋﻈﻢ ﺧﻮﺍﺟﮧ ﺣﺴﻦ ﻃﻮﺳﯽ ﮐﺎ ﺟﺬﺑﮧ ﻗﺎﺑﻞ ﻗﺪﺭ ﺗﮭﺎ، ﻣﻠﮏ ﺷﺎﮦ ﺗﻮ ﺍﻧﺘﻘﺎﻡ ﮐﯽ ﺁﮒ ﻣﯿﮟ ﺟﻠﻨﮯ ﻟﮕﺎ ﺗﮭﺎ، ﺍﺱ ﮐﯽ ﺟﮕﮧ ﮐﻮﺋﯽ ﺍﻭﺭ ﮨﻮﺗﺎ ﺗﻮ ﺳﻠﻄﺎﻧﯽ ﯾﺎ ﺑﺎﺩﺷﺎﮨﯽ ﮐﮯ ﻧﺸﮯ ﻣﯿﮟ ﻻﺅ ﻟﺸﮑﺮ ﻟﮯ ﮐﺮ ﭼﮍﮪ ﺩﻭﮌﺗﺎ ﺍﻭﺭ ﻧﻘﺼﺎﻥ ﺍﭨﮭﺎﺗﺎ ،ﺳﻠﻄﺎﻥ ﻣﻠﮏ ﺷﺎﮦ ﺩﺍﻧﺶ ﻣﻨﺪ ﺗﮭﺎ ﺍﻭﺭ ﮨﺮ ﻃﺮﺡ ﮐﯽ ﺻﻮﺭﺗﺤﺎﻝ ﻣﯿﮟ ﮨﻮﺵ ﻭ ﺣﻮﺍﺱ ﻗﺎﺋﻢ ﺭﮐﮭﺘﺎ ﺗﮭﺎ ،ﻧﻈﺎﻡ ﺍﻟﻤﻠﮏ ﺍﺱ ﺳﮯ ﺯﯾﺎﺩﮦ ﺩﺍﻧﺶ ﻣﻨﺪ ﺍﻭﺭ ﺩﻭﺭﺍﻧﺪﯾﺶ ﺗﮭﺎ۔
ﻧﻈﺎﻡ ﺍﻟﻤﻠﮏ ﻧﮯ ﮐﭽﮫ ﻋﺮﺻﮯ ﺳﮯ ﺍﻥ ﻋﻼﻗﻮﮞ ﻣﯿﮟ ﺟﺎﺳﻮﺱ ﺑﮭﯿﺞ ﺭﮐﮭﮯ ﺗﮭﮯ ،ﺟﻦ ﻋﻼﻗﻮﮞ ﻣﯿﮟ ﻟﻮﮒ ﺣﺴﻦ ﺑﻦ ﺻﺒﺎﺡ ﮐﮯ ﻣﺮﯾﺪ ﺍﻭﺭ ﭘﯿﺮﻭﮐﺎﺭ ﮨﻮ ﮔﺌﮯ ﺗﮭﮯ، ﺑﻠﮑﮧ ﺑﻌﺾ ﻟﻮﮔﻮﮞ ﻧﮯ ﺍﺳﮯ ﺍﻣﺎﻡ ﮐﯽ ﺑﺠﺎﺋﮯ ﭘﯿﻐﻤﺒﺮ ﺳﻤﺠﮭﻨﺎ ﺷﺮﻭﻉ ﮐﺮ ﺩﯾﺎ ﺗﮭﺎ ،ﺍﻥ ﺟﺎﺳﻮﺳﻮﮞ ﻣﯿﮟ ﺳﮯ ﮐﻮﺋﯽ ﻧﮧ ﮐﻮﺋﯽ ﺁﺗﺎ ﺍﻭﺭ ﺍﭘﻨﮯ ﻣﺸﺎﮨﺪﺍﺕ ﺑﯿﺎﻥ ﮐﺮ ﺟﺎﺗﺎ ﺗﮭﺎ، ﺍﻥ ﮐﺎ ﻟﺐ ﻟﺒﺎﺏ ﯾﮩﯽ ﮨﻮﺗﺎ ﺗﮭﺎ ﮐﮧ ﻣﺒﻠﻐﻮﮞ ﮐﺎ ﺍﯾﮏ ﮔﺮﻭﮦ ﺳﺎﺭﮮ ﻋﻼﻗﻮﮞ ﻣﯿﮟ ﭘﮭﯿﻼ ﮨﻮﺍ، ﺣﺴﻦ ﺑﻦ ﺻﺒﺎﺡ ﮐﮯ ﻣﻌﺠﺰﮮ ﺍﻭﺭ ﮐﺮﺍﻣﺎﺕ ﺑﯿﺎﻥ ﮐﺮﺗﺎ ﮨﮯ۔
ﯾﮧ ﺭﭘﻮﺭﭦ ﺗﻮ ﮨﺮ ﺟﺎﺳﻮﺱ ﺩﯾﺘﺎ ﺗﮭﺎ ﮐﮧ ﯾﮧ ﻟﻮﮒ ﺍﺳﻼﻡ ﮐﮯ ﺣﻮﺍﻟﮯ ﺳﮯ ﺑﺎﺕ ﮐﺮﺗﮯ ﮨﯿﮟ ،ﺍﭘﻨﮯ ﺁﭖ ﮐﻮ ﺻﺤﯿﺢ ﺍﻟﻌﻘﯿﺪﮦ ﻣﺴﻠﻤﺎﻥ ﮐﮩﺘﮯ ﮨﯿﮟ۔
" ﺗﻠﺒﯿﺲ ﺍﺑﻠﯿﺲ " ﺍﻭﺭ " ﺁﺋﻤﮧ ﺗﻠﺒﯿﺲ " ﻣﯿﮟ ﺑﮭﯽ ﯾﮩﯽ ﺁﯾﺎ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﮐﮯ ﭘﯿﺮﻭﮐﺎﺭﻭﮞ ﮐﻮ ﺷﮏ ﺗﮏ ﻧﮧ ﮨﻮﺗﺎ ﺗﮭﺎ ﮐﮧ ﺟﺴﮯ ﻭﮦ ﺍﻣﺎﻡ ﺍﻭﺭ ﻧﺒﯽ ﻣﺎﻧﺘﮯ ﮨﯿﮟ ﻭﮦ ﺑﺎﻃﻨﯽ ﮨﮯ، ﺍﺱ ﮐﮯ ﻣﺒﻠﻎ ﺑﮍﮮ ﮨﯽ ﺩﺭﺩﻧﺎﮎ ﺍﻧﺪﺍﺯ ﻣﯿﮟ ﻟﻮﮔﻮﮞ ﮐﻮ ﺍﺱ ﻗﺴﻢ ﮐﯽ ﺣﮑﺎﯾﺘﯿﮟ ﺳﻨﺎﺗﮯ ﺗﮭﮯ ﮐﮧ ﮐﻔﺎﺭ ﻧﮯ ﺭﺳﻮﻝ ﺍﮐﺮﻡ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﭘﺮ ﮐﯿﺎ ﮐﯿﺎ ﻇﻠﻢ ﮐﯿﺎ، ﺍﻭﺭ ﮐﯿﺴﮯ ﮐﯿﺴﮯ ﺳﺘﻢ ﮈﮬﺎﺋﮯ، ﺍﻭﺭ ﺻﺤﺎﺑﮧ ﮐﺮﺍﻡ ﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮩﻢ ﻧﮯ ﺍﻭﺭ ﺭﺳﺎﻟﺖ ﮐﮯ ﺩﻭﺳﺮﮮ ﺷﯿﺪﺍﺋﯿﻮﮞ ﻧﮯ ﮐﺲ ﻃﺮﺡ ﻧﺎﻣﻮﺱ ﺭﺳﺎﻟﺖ ﭘﺮ ﺟﺎﻥ ﻗﺮﺑﺎﻥ ﮐﯽ ﺗﮭﯿﮟ۔
ﻣﻮﺭﺧﻮﮞ ﻧﮯ ﻟﮑﮭﺎ ﮨﮯ ﮐﮧ ﺍﻥ ﻋﻼﻗﻮﮞ ﻣﯿﮟ ﻏﺎﻟﺐ ﺍﮐﺜﺮﯾﺖ ﻣﺴﻠﻤﺎﻧﻮﮞ ﮐﯽ ﺗﮭﯽ ﺍﻭﺭ ﯾﮧ ﻟﻮﮒ ﻋﻠﻢ ﺍﻭﺭ ﺗﻌﻠﯿﻢ ﺳﮯ ﺑﮯ ﺑﮩﺮﮦ ﺗﮭﮯ ﺍﻭﺭ ﺍﺳﻼﻡ ﮐﮯ ﻣﻌﺎﻣﻠﮯ ﻣﯿﮟ ﺑﮩﺖ ﮨﯽ ﺟﺬﺑﺎﺗﯽ، ﺍﻧﮩﯿﮟ ﺭﺳﻮﻝ ﺍﮐﺮﻡ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﭘﺮ ﯾﮩﻮﺩ ﻭ ﻧﺼﺎﺭﯼٰ ﮐﮯ ﻇﻠﻢ ﻭ ﺳﺘﻢ ﺍﺷﺘﻌﺎﻝ ﺍﻧﮕﯿﺰ ﺍﻟﻔﺎﻅ ﺍﻭﺭ ﺩﺭﺩﻧﺎﮎ ﻟﮩﺠﮯ ﻣﯿﮟ ﺳﻨﺎﺋﮯ ﺟﺎﺗﮯ ﺗﮭﮯ ﮐﮧ ﻟﻮﮒ ﺑﮭﮍﮎ ﺍﭨﮭﺘﮯ ﺗﮭﮯ، ﻇﻠﻢ ﻭ ﺳﺘﻢ ﮐﯽ ﺍﻥ ﺣﮑﺎﯾﺘﻮﮞ ﻣﯿﮟ ﺯﯾﺎﺩﮦ ﺗﺮ ﻣﻦ ﮔﮭﮍﺕ ﮨﻮﺗﯽ ﺗﮭﯿﮟ۔
ﯾﻮﮞ ﻟﻮﮔﻮﮞ ﮐﻮ ﻣﺸﺘﻌﻞ ﮐﺮ ﮐﮯ ﺍﻧﮩﯿﮟ ﺑﺘﺎﯾﺎ ﺟﺎﺗﺎ ﮐﮧ ﺣﺴﻦ ﺑﻦ ﺻﺒﺎﺡ ﻭﮦ ﺍﺳﻼﻡ ﻟﮯ ﮐﺮ ﺁﺳﻤﺎﻥ ﺳﮯ ﺍﺗﺮﺍ ﮨﮯ ﺟﻮ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﻟﮯ ﮐﺮ ﺁﺋﮯ ﺗﮭﮯ ،ﺍﻭﺭ ﮐﻔﺎﺭ ﻧﮯ ﺳﺎﺯﺵ ﮐﮯ ﺗﺤﺖ ﺍﺱ ﮐﯽ ﺭﻭﺡ ﺑﺪﻝ ﮈﺍﻟﯽ ﺍﻭﺭ ﭼﮩﺮﮦ ﺑﮕﺎﮌ ﺩﯾﺎ ﮨﮯ، ﺍﻭﺭ ﺍﺏ ﺣﺴﻦ ﺑﻦ ﺻﺒﺎﺡ ﭘﺮ ﮐﻔﺎﺭ ﮨﯽ ﻧﮩﯿﮟ ﺑﻠﮑﮧ ﺑﮕﮍﮮ ﮨﻮﺋﮯ ﻧﻈﺮﯾﺎﺕ ﺍﻭﺭ ﻏﻠﻂ ﻋﻘﯿﺪﻭﮞ ﮐﻮ ﺻﺤﯿﺢ ﻣﺎﻧﻨﮯ ﻭﺍﻟﮯ ﻣﺴﻠﻤﺎﻥ ﺑﮭﯽ ﺣﺴﻦ ﺑﻦ ﺻﺒﺎﺡ ﺍﻭﺭ ﺍﺱ ﮐﮯ ﻣﻌﺎﻭﻥ ﺳﺎﺗﮭﯿﻮﮞ ﭘﺮ ﻇﻠﻢ ﻭ ﺗﺸﺪﺩ ﮐﺮ ﺭﮨﮯ ﮨﯿﮟ۔
ﻧﻈﺎﻡ ﺍﻟﻤﻠﮏ ﮐﮯ ﺟﺎﺳﻮﺱ ﺍﺳﯽ ﻗﺴﻢ ﮐﯽ ﺧﺒﺮﯾﮟ ﺩﮮ ﮐﺮ ﭘﮭﺮ ﭼﻠﮯ ﺟﺎﺗﮯ ﺗﮭﮯ، ﺗﯿﻦ ﭼﺎﺭ ﺟﺎﺳﻮﺱ ﺗﻮ ﻭﮨﯿﮟ ﺟﺎ ﮐﺮ ﺁﺑﺎﺩ ﮨﻮ ﮔﺌﮯ ﺗﮭﮯ، ﻭﮦ ﻣﻌﻠﻮﻣﺎﺕ ﺍﻭﺭ ﺧﺒﺮﯾﮟ ﺍﮐﭩﮭﯽ ﮐﺮﺗﮯ ﺭﮨﺘﮯ، ﺍﭘﻨﮯ ﺳﺎﺗﮭﯽ ﺟﺎﺳﻮﺳﻮﮞ ﮐﻮ ﺑﺘﺎﺗﮯ ﺍﻭﺭ ﯾﮧ ﺟﺎﺳﻮﺱ ﺑﺎﺭﯼ ﺑﺎﺭﯼ ﺧﺒﺮﯾﮟ ﻣﺮﻭ ﭘﮩﻨﭽﺎﺗﮯ ﺭﮨﺘﮯ ﺗﮭﮯ۔
ﻣﯿﺮﮮ ﺩﻭﺳﺘﻮ ! ،،،،ﺍﯾﮏ ﺑﺎﺭ ﻧﻈﺎﻡ ﺍﻟﻤﻠﮏ ﻧﮯ ﺍﺩﮬﺮ ﺳﮯ ﺁﺋﮯ ﮨﻮﺋﮯ ﺩﻭ ﺟﺎﺳﻮﺳﻮﮞ ﺳﮯ ﮐﮩﺎ ﺗﮭﺎ۔۔۔ ﺁﺝ ﺗﮏ ﺗﻢ ﺟﺘﻨﯽ ﺧﺒﺮﯾﮟ ﻻﺋﮯ ﮨﻮ ﺍﻥ ﻣﯿﮟ ﮐﻮﺋﯽ ﻧﺌﯽ ﺑﺎﺕ ﻧﮩﯿﮟ ﺗﮭﯽ، ﻣﯿﮟ ﺟﺎﻧﺘﺎ ﮨﻮﮞ ﮐﮧ ﻭﮨﺎﮞ ﺩﺭ ﭘﺮﺩﮦ ﮐﯿﺎ ﮨﻮﺗﺎ ﮨﮯ، ﻣﯿﮟ ﺍﺗﻨﺎ ﮨﯽ ﺟﺎﻧﺘﺎ ﮨﻮﮞ ﮐﮧ ﮐﺴﯽ ﻧﺸﮯ ﺍﻭﺭ ﺑﮍﯼ ﮨﯽ ﺧﻮﺑﺼﻮﺭﺕ ﺍﻭﺭ ﭼﻨﭽﻞ ﻟﮍﮐﯿﻮﮞ ﮐﮯ ﺫﺭﯾﻌﮯ ﺑﻌﺾ ﺍﮨﻢ ﺍﻓﺮﺍﺩ ﮐﻮ ﻭﮦ ﺍﭘﻨﺎ ﻏﻼﻡ ﺑﻨﺎ ﻟﯿﺘﮯ ﮨﯿﮟ ،ﮨﻤﺎﺭﯼ ﺿﺮﻭﺭﺕ ﯾﮧ ﮨﮯ ﮐﮧ ﻭﮨﺎﮞ ﭘﺮﺩﻭﮞ ﮐﮯ ﭘﯿﭽﮭﮯ ﺑﻨﺪ ﮐﻤﺮﻭﮞ ﻣﯿﮟ ﺟﻮ ﮐﭽﮫ ﮨﻮ ﺭﮨﺎ ﮨﮯ ﻭﮦ ﻣﻌﻠﻮﻡ ﮨﻮ ﺟﺎﺋﮯ، ﺍﻭﺭ ﯾﮧ ﺑﮭﯽ ﺩﯾﮑﮭﺎ ﺟﺎﺋﮯ ﮐﮧ ﺣﺴﻦ ﺑﻦ ﺻﺒﺎﺡ ﺍﻭﺭﺍﺳﮑﮯ ﺍﺳﺘﺎﺩ ﺍﺣﻤﺪ ﺑﻦ ﻋﻄﺎﺵ ﮐﻮ ﻗﺘﻞ ﮐﺲ ﻃﺮﺡ ﮐﯿﺎ ﺟﺎ ﺳﮑﺘﺎ ﮨﮯ۔
ﺍﺑﮭﯽ ﺗﮏ ﮐﻮﺋﯽ ﺟﺎﺳﻮﺱ ﺣﺴﻦ ﺑﻦ ﺻﺒﺎﺡ ﮐﮯ ﺍﻧﺪﺭﻭﻧﯽ ﺣﻠﻘﮯ ﻣﯿﮟ ﺩﺍﺧﻞ ﻧﮩﯿﮟ ﮨﻮﺳﮑﺎ ﺗﮭﺎ، ﺍﺱ ﻟﯿﮯ ﯾﮧ ﺑﺘﺎﻧﺎ ﻣﻤﮑﻦ ﻧﮩﯿﮟ ﺗﮭﺎ ﮐﮧ ﭘﺮﺩﻭﮞ ﮐﮯ ﭘﯿﭽﮭﮯ ﮐﯿﺎ ﮨﻮﺗﺎ ﮨﮯ۔
÷=÷=÷=÷=÷=* ۔ *÷÷=÷=
ﺍﺏ ﻧﻈﺎﻡ ﺍﻟﻤﻠﮏ ﻧﮯ ﺍﯾﺴﮯ ﺟﺎﺳﻮﺳﻮﮞ ﮐﯽ ﺗﻼﺵ ﺷﺮﻭﻉ ﮐﺮ ﺩﯼ ﺟﻮ ﺣﺴﻦ ﺑﻦ ﺻﺒﺎﺡ ﮐﮯ ﺍﺗﻨﮯ ﻗﺮﯾﺐ ﭘﮩﻨﭻ ﺟﺎﺋﯿﮟ ﮐﮧ ﺍﺱ ﮐﮯ ﺧﺎﺹ ﻣﺼﺎﺣﺒﻮﮞ ﻣﯿﮟ ﺷﺎﻣﻞ ﮨﻮ ﺟﺎﺋﯿﮟ ﺍﻭﺭ ﺍﻧﺪﺭ ﮐﯽ ﺧﺒﺮﯾﮟ ﻻﺋﯿﮟ۔ ﺩﺍﺳﺘﺎﻥ ﮔﻮ ﻣﻮﺯﻭﮞ ﺳﻤﺠﮭﺘﺎ ﮨﮯ ﮐﮧ ﺍﺱ ﺩﺍﺳﺘﺎﻥ ﮐﻮ ﻭﺍﭘﺲ ﻗﺪﯾﻢ ﻗﻠﻌﮯ ﮐﮯ ﺍﻥ ﮐﮭﻨﮉﺭﺍﺕ ﻣﯿﮟ ﻟﮯ ﺟﺎﺋﮯ ﺟﮩﺎﮞ ﺳﮯ ﺣﺴﻦ ﺑﻦ ﺻﺒﺎﺡ ﻧﮯ ﺳﻠﺠﻮﻗﯽ ﺳﺎﻻﺭ ﻗﺰﻝ ﺳﺎﺭﻭﻕ ﺍﻭﺭ ﺍﺱ ﮐﮯ ﺳﻮﺍﺭﻭﮞ ﮐﮯ ﻟﺸﮑﺮ ﮐﻮ ﮐﭽﮫ ﭘﻼ ﮐﺮ ﻭﺍﭘﺲ ﺑﮭﯿﺞ ﺩﯾﺎ ﺗﮭﺎ ۔
ﭘﮭﺮ ﮐﯿﺎ ﺣﺴﻦ ﺑﻦ ﺻﺒﺎﺡ ﺍﻧﮩﯿﮟ ﮐﮭﻨﮉﺭﺍﺕ ﻣﯿﮟ ﺑﯿﭩﮭﺎ ﺭﮨﺎ ﺗﮭﺎ؟
ﻧﮩﯿﮟ،،،،، ﺭﺍﺕ ﺍﺱ ﮐﮯ ﭘﯿﺮﻭﮐﺎﺭﻭﮞ ﻧﮯ ﻓﺘﺢ ﮐﺎ ﺟﺸﻦ ﻣﻨﺎﯾﺎ ﺍﻭﺭ ﺍﮔﻠﯽ ﺻﺒﺢ ﻭﮨﺎﮞ ﺳﮯ ﺍﺱ ﺳﻤﺖ ﮐﻮﭺ ﮐﺮ ﮔﯿﺎ ﺗﮭﺎ ﺟﺲ ﻃﺮﻑ ﻣﺸﮩﻮﺭ ﺗﺎﺭﯾﺨﯽ ﻗﻠﻌﮧ ﺍﻟﻤُﻮﺕ ﺗﮭﺎ، ﺍﺱ ﮐﯽ ﺍﻭﺭ ﺍﺱ ﮐﮯ ﭘﯿﺮﻭﻣﺮﺷﺪ ﮐﯽ ﻧﻈﺮﯾﮟ ﺍﺱ ﻗﻠﻌﮯ ﭘﺮ ﻟﮕﯽ ﮨﻮﺋﯽ ﺗﮭﯿﮟ، ﺣﺴﻦ ﺑﻦ ﺻﺒﺎﺡ ﮐﯽ ﻣﻨﺰﻝ ﯾﮩﯽ ﻗﻠﻌﮧ ﺗﮭﺎ، ﺍﺳﮯ ﺍﺱ ﻧﮯ ﺍﭘﻨﺎ ﻣﺴﺘﻘﺒﻞ ﺍﮈﮦ ﺑﻨﺎﻧﺎ ﺗﮭﺎ، ﺍﻭﺭ ﺍﺳﯽ ﻗﻠﻌﮯ ﮐﮯ ﺍﻧﺪﺭ ﺍﻭﺭ ﺍﺱ ﮐﮯ ﺍﺭﺩ ﮔﺮﺩ ﺍﺱ ﻧﮯ ﺍﭘﻨﯽ ﺟﻨﺖ ﺑﻨﺎﻧﯽ ﺗﮭﯽ، ﻭﮦ ﺟﻨﺖ ﺟﺲ ﻧﮯ ﺗﺎﺭﯾﺦ ﮐﻮ ﺍﻧﮕﺸﺖ ﺑﺪﻧﺪﺍﮞ ﮐﺮ ﺩﯾﺎ ﺗﮭﺎ، ﯾﮧ ﺟﻨﺖ ﺍﯾﺴﯽ ﺣﯿﺮﺍﻥ ﮐﻦ ﺣﻘﯿﻘﺖ ﺗﮭﯽ ﮐﮧ ﺁﺝ ﮐﮯ ﺩﻭﺭ ﮐﮯ ﮐﭽﮫ ﻟﻮﮒ ﺍﺳﮯ ﻣﺤﺾ ﺍﯾﮏ ﺍﻓﺴﺎﻧﮧ ﺍﻭﺭ ﻣﺒﺎﻟﻐﮧ ﮐﮩﺘﮯ ﮨﯿﮟ
ﻗﻠﻌﮧ ﺍﻟﻤُﻮﺕ ﮐﮯ ﮐﮭﻨﮉﺭﺍﺕ ﺁﺝ ﺑﮭﯽ ﺍﯾﮏ ﻭﺳﯿﻊ ﻭ ﻋﺮﯾﺾ ﭨﯿﮑﺮﯼ ﮐﯽ ﺑﻠﻨﺪﯼ ﭘﺮ ﻣﻮﺟﻮﺩ ﮨﯿﮟ، ﺍﯾﺮﺍﻥ ﮐﮯ ﺍﺱ ﻋﻼﻗﮯ ﮐﻮ ﻃﺎﻟﻘﺎﻥ ﮐﮩﺘﮯ ﮨﯿﮟ، ﯾﮧ ﺑﻠﻨﺪ ﭨﯿﮑﺮﯼ ﺷﮩﺮ ﻗﺰﻭﯾﻦ ﺍﻭﺭ ﺩﺭﯾﺎﺋﮯ ﺧﺰﺯﮐﮯ ﺩﺭﻣﯿﺎﻥ ﮨﮯ ،ﯾﮧ ﻗﻠﻌﮧ ﯾﻮﮞ ﺗﻌﻤﯿﺮ ﮨﻮﺍ ﺗﮭﺎ ﮐﮧ ﮐﺴﯽ ﺯﻣﺎﻧﮯ ﻣﯿﮟ ﺍﺱ ﺧﻮﺑﺼﻮﺭﺕ ﺧﻄﮯ ﻣﯿﮟ ﺩﻟﯿﻤﯽ ﺳﻼﻃﯿﻦ ﮐﯽ ﺣﮑﻤﺮﺍﻧﯽ ﺗﮭﯽ ،ﺍﯾﮏ ﺭﻭﺯ ﺍﯾﮏ ﺳﻠﻄﺎﻥ ﺍﭘﻨﺎ ﻋﻘﺎﺏ ﺳﺎﺗﮫ ﻟﮯ ﮐﺮ ﺷﮑﺎﺭ ﮐﻮ ﮔﯿﺎ ،ﺍﺱ ﻧﮯ ﺍﮌﺗﮯ ﮨﻮﺋﮯ ﺍﯾﮏ ﭘﺮﻧﺪﮮ ﮐﮯ ﭘﯿﭽﮭﮯ ﻋﻘﺎﺏ ﭼﮭﻮﮌﺍ، ﻋﻘﺎﺏ ﻧﮯ ﭘﺮﻧﺪﮮ ﮐﻮ ﮐﭽﮫ ﺩﻭﺭ ﺟﺎ ﮐﺮ ﭘﮑﮍ ﻟﯿﺎ، ﻟﯿﮑﻦ ﭘﺮﻧﺪﮦ ﺍﺱ ﮐﮯ ﭘﻨﺠﻮﮞ ﺳﮯ ﻧﮑﻞ ﮔﯿﺎ ،ﯾﮧ ﺍﺗﻨﺎ ﺯﺧﻤﯽ ﺗﮭﺎ ﮐﮧ ﺯﯾﺎﺩﮦ ﺩﻭﺭ ﺗﮏ ﺍﮌ ﻧﮩﯿﮟ ﺳﮑﺘﺎ ﺗﮭﺎ ،ﮔﺮﺗﮯ ﮔﺮﺗﮯ ﭨﯿﮑﺮﯼ ﮐﯽ ﭼﻮﭨﯽ ﭘﺮ ﺟﺎ ﮔﺮﺍ، ﯾﮧ ﮐﻮﺋﯽ ﭼﮭﻮﭨﺎ ﺳﺎ ﭘﺮﻧﺪﮦ ﻧﮩﯿﮟ ﺍﯾﮏ ﺑﮍﺍ ﺍﻭﺭ ﮐﻤﯿﺎﺏ ﻧﺴﻞ ﮐﺎ ﭘﺮﻧﺪﮦ ﺗﮭﺎ۔
ﻋﻘﺎﺏ ﻧﮯ ﺍﺱ ﭘﺮ ﺍﯾﮏ ﺑﺎﺭ ﭘﮭﺮ ﺟﮭﭙﭩﺎ ﻣﺎﺭﺍ ﺍﻭﺭ ﺍﺳﮯ ﻭﮨﯿﮟ ﺩﺑﻮﭺ ﻟﯿﺎ ،ﺳﻠﻄﺎﻥ ﺟﻮ ﮔﮭﻮﮌﮮ ﭘﺮ ﺳﻮﺍﺭ ﺗﮭﺎ ﮔﮭﻮﮌﺍ ﺩﻭﮌﺍﺗﺎ ﭨﯿﮑﺮﯼ ﭘﺮ ﭼﮍﮪ ﮔﯿﺎ، ﺍﺱ ﮐﮯ ﺳﺎﺗﮫ ﺍﺱ ﮐﮯ ﻣﺤﺎﻓﻆ ﺍﻭﺭ ﮐﭽﮫ ﻣﺼﺎﺣﺐ ﺗﮭﮯ، ﺳﻠﻄﺎﻥ ﻧﮯ ﭘﺮﻧﺪﮦ ﻋﻘﺎﺏ ﺳﮯ ﻟﮯ ﻟﯿﺎ ﺍﻭﺭ ﺟﺐ ﺍﺱ ﺑﻠﻨﺪﯼ ﺳﮯ ﭼﺎﺭﺳﻮ ﻧﻈﺮ ﺩﻭﮌﺍﺋﯽ ﺗﻮ ﺍﺱ ﮐﯽ ﺗﻮ ﺟﯿﺴﮯ ﺭﻭﺡ ﺑﮭﯽ ﻣﺨﻤﻮﺭ ﮨﻮ ﮔﺌﯽ ﮨﻮ ،ﯾﮧ ﺧﻄﮧ ﮨﺮﯾﺎﻟﯽ ﮐﯽ ﺑﺪﻭﻟﺖ ﺑﮩﺖ ﮨﯽ ﺧﻮﺑﺼﻮﺭﺕ ﺗﮭﺎ، ﺍﯾﮏ ﻃﺮﻑ ﺩﺭﯾﺎ ﺗﮭﺎ ﺟﺲ ﮐﺎ ﺍﭘﻨﺎ ﮨﯽ ﺣﺴﻦ ﺗﮭﺎ،
ﭨﯿﮑﺮﯼ ﺩﺍﻣﻦ ﺳﮯ ﺍﻭﭘﺮ ﺗﮏ ﮔﮭﻨﮯ ﺩﺭﺧﺘﻮﮞ ﺍﻭﺭ ﻣﺨﻤﻞ ﺟﯿﺴﯽ ﮔﮭﺎﺱ ﺳﮯ ﮈﮬﮑﯽ ﮨﻮﺋﯽ ﺗﮭﯽ، ﺑﻌﺾ ﺩﺭﺧﺖ ﭘﮭﻮﻝ ﺩﺍﺭ ﺗﮭﮯ ﺟﻦ ﮐﯽ ﺑﮭﯿﻨﯽ ﺑﮭﯿﻨﯽ ﺧﻮﺷﺒﻮ ﺧﻤﺎﺭ ﺳﺎ ﻃﺎﺭﯼ ﮐﺮﺗﯽ ﺗﮭﯽ، ﭨﯿﮑﺮﯼ ﮐﮯ ﭼﺎﺭﻭﮞ ﻃﺮﻑ ﺩﻭﺭ ﺩﻭﺭ ﺗﮏ ﺍﯾﺴﺎ ﺳﺒﺰﮦ ﺯﺍﺭ ﺗﮭﺎ ﮐﮧ ﺍﺳﮯ ﺟﻨﺖ ﻧﻈﯿﺮ ﮨﯽ ﮐﮩﺎ ﺟﺎ ﺳﮑﺘﺎ ﺗﮭﺎ، ﺩﻭ ﺟﮕﮩﻮﮞ ﺳﮯ ﭼﺸﻤﮯ ﭘﮭﻮﭨﺘﮯ ،ﺩﻭﻧﻮﮞ ﺟﮕﮩﻮﮞ ﭘﺮ ﭘﭽﯿﺲ ﺗﯿﺲ ﮔﺰ ﭼﻮﮌﯼ ﺟﮭﯿﻠﯿﮟ ﺑﻨﯽ ﮨﻮﺋﯽ ﺗﮭﯽ، ﺍﻥ ﮐﺎ ﺷﻔﺎﻑ ﭘﺎﻧﯽ ﭼﮭﻮﭨﯽ ﭼﮭﻮﭨﯽ ﻧﺪﯾﻮﮞ ﮐﯽ ﺷﮑﻞ ﻣﯿﮟ ﺑﮩﺘﺎ ﭘﺘﮭﺮﻭﮞ ﺍﻭﺭ ﮐﻨﮑﺮﯾﻮﮞ ﭘﺮ ﺟﻠﺘﺮﻧﮓ ﺑﺠﺎﺗﺎ ﺩﺭﯾﺎ ﻣﯿﮟ ﺟﺎ ﮔﺮﺗﺎ ﺗﮭﺎ، ﺑﻌﺾ ﺟﮕﮩﻮﮞ ﭘﺮ ﻗﺮﯾﺐ ﻗﺮﯾﺐ ﮐﮭﮍﮮ ﺗﯿﻦ ﺗﯿﻦ ﭼﺎﺭ ﭼﺎﺭ ﺩﺭﺧﺘﻮﮞ ﮐﮯ ﺗﻨﻮﮞ ﮐﻮ ﭘﮭﻮﻟﻮﮞ ﮐﯽ ﺑﯿﻠﻮﮞ ﻧﮯ ﮐﭽﮫ ﺍﺱ ﻃﺮﺡ ﺍﭘﻨﯽ ﻟﭙﯿﭧ ﻣﯿﮟ ﻟﮯ ﺭﮐﮭﺎ ﺗﮭﺎ ﮐﮧ ﮔﻮﻓﮯ ﺳﮯ ﺑﻨﯽ ﮔﺌﯽ ﺗﮭﯽ، ﺩﺍﺋﯿﮟ ﺑﺎﺋﯿﮟ ﺍﻭﺭ ﭘﯿﭽﮭﮯ ﮨﺮﮮ ﭘﺘﻮﮞ ﺍﻭﺭ ﭘﮭﻮﻟﻮﮞ ﮐﯽ ﺩﯾﻮﺍﺭﯾﮟ ﺍﻭﺭ ﺍﻭﭘﺮ ﭼﮭﺘﯿﮟ ﺑﻨﯽ ﮨﻮﺋﯽ ﺗﮭﯿﮟ ،ﯾﻮﮞ ﻟﮕﺘﺎ ﺗﮭﺎ ﺟﯿﺴﮯ ﯾﮧ ﮔﻔﯿﮟ ﺍﻧﺴﺎﻧﻮﮞ ﻧﮯ ﺑﯿﻠﻮﮞ ﮐﻮ ﺗﺮﺍﺵ ﮐﺮ ﺑﻨﺎﺋﯽ ﮨﻮ، ﻟﯿﮑﻦ ﯾﮧ ﻗﺪﺭﺕ ﮐﯽ ﺻﻨﺎﻋﯽ ﮐﺎ ﺷﺎﮨﮑﺎﺭ ﺗﮭﺎ، ﺍﯾﮏ ﯾﻮﺭﻭﭘﯽ ﻣﺆﺭﺥ ﻧﮯ ﻟﮑﮭﺎ ﮨﮯ ﮐﮧ ﮐﻮﺋﯽ ﮐﮩﮯ ﮐﮧ ﯾﮧ ﺧﻄﮧ ﺑﮩﺸﺖ ﮐﺎ ﺣﺼﮧ ﺗﮭﺎ ﺍﻭﺭ ﮐﺴﯽ ﻭﺟﮧ ﺳﮯ ﺯﻣﯿﻦ ﭘﺮ ﺁﻥ ﮔﺮﺍ ﺗﮭﺎ ،ﯾﺎ ﯾﮧ ﮐﮩﮯ ﮐﮧ ﺁﺩﻡ ﺍﻭﺭ ﺣﻮﺍ ﮐﻮ ﺧﺪﺍ ﻧﮯ ﺑﮩﺸﺖ ﮐﮯ ﺍﺱ ﺣﺼﮯ ﻣﯿﮟ ﺭﮐﮭﺎ ﺗﮭﺎ ﺗﻮ ﻣﯿﮟ ﺍﺳﮯ ﺳﭻ ﻣﺎﻥ ﻟﻮﮞ ﮔﺎ۔
ﺳﻠﻄﺎﻥ ﮐﻮ ﺍﺱ ﺧﻄﮯ ﮐﮯ ﺣﺴﻦ ﻧﮯ ﻣﺴﺤﻮﺭ ﺗﻮ ﮐﺮﮨﯽ ﻟﯿﺎ ﺗﮭﺎ، ﺍﺱ ﻧﮯ ﺩﯾﮑﮭﺎ ﮐﮧ ﺩﻓﺎﻋﯽ ﻟﺤﺎﻅ ﺳﮯ ﺑﮭﯽ ﯾﮧ ﺟﮕﮧ ﻣﻮﺯﻭﮞ ﮨﮯ، ﯾﮧ ﭨﯿﮑﺮﯼ ﺍﻭﭘﺮ ﺳﮯ ﻧﻮﮐﯿﻠﯽ ﯾﺎ ﮔﻮﻝ ﻧﮩﯿﮟ ﺑﻠﮑﮧ ﭼﭙﭩﯽ ﺗﮭﯽ ﺍﻭﺭ ﺍﺱ ﮐﯽ ﻃﻮﻝ ﺍﯾﮏ ﻣﯿﻞ ﺳﮯ ﺫﺭﺍ ﮨﯽ ﮐﻢ ﺍﻭﺭ ﻋﺮﺽ ﺑﮭﯽ ﮐﭽﮫ ﺍﺗﻨﺎ ﮨﯽ ﺗﮭﺎ۔
ﺑﻼﺷﺒﮧ ﻣﯿﮟ ﻧﮯ ﺍﺗﻨﯽ ﺩﻟﻔﺮﯾﺐ ﺯﻣﯿﻦ ﺁﺝ ﮨﯽ ﺩﯾﮑﮭﯽ ﮨﮯ ۔۔ ﺳﻠﻄﺎﻥ ﻧﮯ ﮐﮩﺎ۔۔۔ ﮐﯿﺎ ﺗﻢ ﻣﯿﮟ ﮐﻮﺋﯽ ﮨﮯ ﺟﻮ ﻣﺠﮭﮯ ﯾﮧ ﻣﺸﻮﺭﮦ ﻧﮧ ﺩﯾﻨﺎ ﭼﺎﮨﮯ ﮐﮧ ﻣﯿﮟ ﯾﮩﺎﮞ ﺍﯾﮏ ﺍﯾﺴﺎ ﻗﻠﻌﮧ ﺗﻌﻤﯿﺮ ﮐﺮﻭﮞ ﺟﻮ ﺍﺱ ﺧﻄﮯ ﺟﯿﺴﺎ ﺩﻟﻨﺸﯿﻦ ﺍﻭﺭ ﭼﭩﺎﻧﻮﮞ ﺟﯿﺴﺎ ﻣﻀﺒﻮﻁ ﮨﻮ۔
ﮐﻮﺋﯽ ﻧﮩﯿﮟ ﻋﺎﻟﯽ ﺟﺎﮦ ! ،،،،،،، ﻣﺼﺎﺣﺒﻮﮞ ﮐﯽ ﻣﻠﯽ ﺟﻠﯽ ﺁﻭﺍﺯ ﺍﭨﮭﯽ۔۔۔ ﺍﺱ ﺳﮯ ﺯﯾﺎﺩﮦ ﺩﻟﻔﺮﯾﺐ ﺟﮕﮧ ﺍﻭﺭ ﮐﮩﯿﮟ ﻧﮩﯿﮟ، ﻗﻠﻌﮧ ﺟﻮ ﯾﮩﺎﮞ ﺑﻨﮯ ﮔﺎ ﺍﺱ ﮐﯽ ﺩﯾﻮﺍﺭﻭﮞ ﺍﻭﺭ ﺍﺱ ﮐﮯ ﺩﺭﻭﺍﺯﻭﮞ ﺗﮏ ﮐﻮﺋﯽ ﺩﺷﻤﻦ ﻧﮩﯿﮟ ﭘﮩﻨﭻ ﺳﮑﮯ ﮔﺎ ،ﺩﺷﻤﻦ ﮐﺎ ﻟﺸﮑﺮ ﮐﺘﻨﺎ ﮨﯽ ﺑﮍﺍ ﮐﯿﻮﮞ ﻧﮧ ﮨﻮ ،ﭨﯿﮑﺮﯼ ﭘﺮ ﭼﮍﮬﺘﮯ ﮨﻤﺎﺭﮮ ﺗﯿﺮﻭﮞ ﮐﯽ ﺑﻮﭼﮭﺎﮌﻭﮞ ﺳﮯ ﻟﮍﮬﮑﺘﺎ ﻧﯿﭽﮯ ﺟﺎﺋﮯ ﮔﺎ۔
ﺳﻠﻄﺎﻥ ﻧﮯ ﺷﮑﺎﺭ ﺳﮯ ﻭﺍﭘﺲ ﺁ ﮐﺮ ﭘﮩﻼ ﮐﺎﻡ ﯾﮧ ﮐﯿﺎ ﮐﮧ ﺍﺱ ﭨﯿﮑﺮﯼ ﭘﺮ ﻗﻠﻌﮯ ﮐﯽ ﺗﻌﻤﯿﺮ ﮐﺎ ﺣﮑﻢ ﺩﯾﺎ ،ﺩﻭﺭ ﺩﻭﺭ ﺳﮯ ﻣﺎﮨﺮ ﻣﻌﻤﺎﺭ ﺑﻠﻮﺍﺋﮯ ﮔﺌﮯ، ﺍﻥ ﺳﮯ ﻧﻘﺸﮯ ﺑﻨﻮﺍﺋﮯ ﮔﺌﮯ، ﺍﻥ ﻣﯿﮟ ﺭﺩﻭﺑﺪﻝ ﮐﯿﺎ ﮔﯿﺎ ،ﻧﻘﺸﮯ ﮐﻮ ﺑﮍﯼ ﻣﺤﻨﺖ ﺳﮯ ﺁﺧﺮﯼ ﺷﮑﻞ ﺩﯼ، ﺍﺱ ﺩﻟﯿﻤﯽ ﺳﻠﻄﺎﻥ ﻧﮯ ﻧﻘﺸﮯ ﻣﯿﮟ ﺟﻮ ﻧﺌﯽ ﭼﯿﺰﯾﮟ ﺷﺎﻣﻞ ﮐﯿﮟ، ﺍﻧﮩﻮﮞ ﻧﮯ ﺗﻌﻤﯿﺮﺍﺕ ﮐﮯ ﻣﺎﮨﺮﯾﻦ ﮐﻮ ﺣﯿﺮﺍﻥ ﮐﺮ ﺩﯾﺎ ،ﻗﻠﻌﮯ ﮐﯽ ﺗﻌﻤﯿﺮ ﮐﻮﺋﯽ ﭘﯿﭽﯿﺪﮦ ﮐﺎﻡ ﻧﮩﯿﮟ ﮨﻮﺍ ﮐﺮﺗﺎ ﺗﮭﺎ ،ﻟﯿﮑﻦ ﺍﺱ ﺳﻠﻄﺎﻥ ﻧﮯ ‏( ﺟﺲ ﮐﺎ ﺗﺎﺭﯾﺦ ﻣﯿﮟ ﻧﺎﻡ ﻧﮩﯿﮟ ﻣﻠﺘﺎ ‏) ﺟﻮ ﻧﻘﺸﮧ ﻣﻌﻤﺎﺭﻭﮞ ﮐﻮ ﺩﯾﺎ ﻭﮦ ﻗﻠﻌﮧ ﺑﮭﯽ ﺗﮭﺎ ﻣﺤﻞ ﺑﮭﯽ ،ﺍﻭﺭ ﺑﺎﻗﯽ ﺟﻮ ﮐﭽﮫ ﺗﮭﺎ ﻭﮦ ﭘﺮﺍﺳﺮﺍﺭ ﺗﮭﺎ، ﺍﺱ ﻣﯿﮟ ﺗﮩﮧ ﺧﺎﻧﮧ ﺑﮭﯽ ﺗﮭﺎ، ﺟﺲ ﻣﯿﮟ ﺑﮯ ﺷﻤﺎﺭ ﮐﻤﺮﮮ ﺗﮭﮯ، ﺍﻥ ﮐﮯ ﺁﮔﮯ ﭘﯿﭽﮭﮯ ﺍﻭﺭ ﺩﺍﺋﯿﮟ ﺑﺎﺋﯿﮟ ﮔﻠﯿﺎﮞ ﺗﮭﯿﮟ ﺟﻮ ﺑﮭﻮﻝ ﺑﮭﻠﯿﺎﮞ ﺗﮭﯿﮟ، ﺍﻥ ﻣﯿﮟ ﭼﮭﻮﭨﮯ ﮐﻤﺮﮮ ﺗﮭﮯ، ﺑﮍﮮ ﺑﮍﮮ ﺑﮭﯽ، ﺍﻭﺭ ﺑﮩﺖ ﺑﮍﮮ ﺑﮭﯽ، ﺍﻭﺭ ﺗﮩﮧ ﺧﺎﻧﮯ ﺳﮯ ﺍﯾﮏ ﺳﺮﻧﮓ ﺑﮭﯽ ﻧﮑﺎﻟﻨﯽ ﺗﮭﯽ، ﺍﺳﮯ ﺍﺗﻨﺎ ﮐﮭﻼ ﺍﻭﺭ ﺍﻭﻧﭽﺎ ﺭﮐﮭﻨﺎ ﺗﮭﺎ ﮐﮧ ﺗﯿﻦ ﺁﺩﻣﯽ ﭘﮩﻠﻮ ﺑﮧ ﭘﮩﻠﻮ ﺍﺱ ﻣﯿﮟ ﺳﮯ ﮔﺰﺭ ﺳﮑﯿﮟ، ﺳﺮﻧﮓ ﺑﮭﯽ ﺑﮭﻮﻝ ﺑﮭﻠﯿﻮﮞ ﺟﯿﺴﯽ ﺑﻨﺎﻧﯽ ﺗﮭﯽ۔
ﻗﻠﻌﮯ ﮐﯽ ﺗﻌﻤﯿﺮ ﺷﺮﻭﻉ ﮨﻮﮔﺌﯽ، ﻣﻠﮏ ﮐﮯ ﺑﮯ ﺷﻤﺎﺭ ﻣﻌﻤﺎﺭﻭﮞ ﮐﻮ ﺍﺱ ﮐﺎﻡ ﭘﺮ ﻟﮕﺎ ﺩﯾﺎ ﮔﯿﺎ، ﻣﻠﮏ ﮐﯽ ﺁﺩﮬﯽ ﺁﺑﺎﺩﯼ ﻣﺰﺩﻭﺭﯼ ﮐﮯ ﻟﯿﮯ ﭘﮩﻨﭻ ﮔﺌﯽ، ﺍﺗﻨﯽ ﺯﯾﺎﺩﮦ ﻣﺨﻠﻮﻕ ﭼﯿﻮﻧﭩﯿﻮﮞ ﮐﯽ ﻃﺮﺡ ﮐﺎﻡ ﮐﺮﻧﮯ ﻟﮕﯽ۔
ﺍﺱ ﻗﻠﻌﮯ ﮐﺎ ﻧﺎﻡ ﺁﻟﮧ ﻣُﻮﺕ ﺭﮐﮭﺎ ﮔﯿﺎ ، ﺩﯾﻠﻤﯽ ﺯﺑﺎﻥ ﻣﯿﮟ ﻣﻮﺕ ﻋﻘﺎﺏ ﮐﻮ ﮐﮩﺘﮯ ﮨﯿﮟ، ﺍﻭﺭ ﺁﻟﮧ ﮐﮯ ﻣﻌﻨﮯ ﺗﺮﺑﯿﺖ ﮔﺎﮦ ﮨﻮﺗﮯ ﺗﮭﮯ، ﺳﻠﻄﺎﻥ ﻋﻘﺎﺏ ﮐﮯ ﭘﯿﭽﮭﮯ ﺍﺱ ﺟﮕﮧ ﮔﯿﺎ ﺗﮭﺎ ﺍﮔﺮ ﺍﺱ ﮐﮯ ﻋﻘﺎﺏ ﮐﺎ ﺷﮑﺎﺭ ﺍﺱ ﭨﯿﮑﺮﯼ ﭘﺮ ﻧﮧ ﮔﺮﺗﺎ ﺗﻮ ﺳﻠﻄﺎﻥ ﮐﺒﮭﯽ ﺍﺱ ﺣﺴﯿﻦ ﭨﯿﮑﺮﯼ ﮐﻮ ﻧﮧ ﺩﯾﮑﮫ ﺳﮑﺘﺎ ﻧﮧ ﺍﺳﮯ ﺍﯾﺴﺎ ﺑﻨﺎﻧﮯ ﮐﺎ ﺧﯿﺎﻝ ﺁﺗﺎ ﺟﻮ ﺍﺱ ﺩﻭﺭ ﮐﺎ ﺍﯾﮏ ﺍﻭﺭ ﻋﺠﻮﺑﮧ ﺗﮭﺎ ﺍﻭﺭ ﺟﻮ ﺑﻌﺪ ﻣﯿﮟ ﺣﺴﻦ ﺑﻦ ﺻﺒﺎﺡ ﮐﯽ ﺟﻨﺖ ﺑﻨﺎ ۔
ﺍﺱ ﻗﻠﻌﮯ ﮐﺎ ﻧﺎﻡ ﺁﻟﮧ ﻣُﻮﺕ ﺭﮐﮭﺎ ﮔﯿﺎ ﺗﮭﺎ، ﺟﻮ ﺑﮕﮍﺗﮯ ﺑﮕﮍﺗﮯ ﺍﻟﻤُﻮﺕ ﺑﻦ ﮔﯿﺎ۔
÷=÷=÷=÷=÷=* ۔ *÷=÷=÷=
ﺣﺴﻦ ﺑﻦ ﺻﺒﺎﺡ ﮐﮯ ﺯﻣﺎﻧﮯ ﻣﯿﮟ ﯾﮧ ﻗﻠﻌﮧ ﺍﭘﻨﯽ ﺍﺻﻞ ﺣﺎﻟﺖ ﻣﯿﮟ ﺗﮭﺎ ،ﺍﺱ ﻋﻼﻗﮯ ﮐﺎ ﺣﮑﻤﺮﺍﻥ ﺍﻣﯿﺮ ﺟﻌﻔﺮﯼ ﺗﮭﺎ ،ﮐﺴﯽ ﺑﮭﯽ ﻣﻮﺭﺥ ﻧﮯ ﺍﺱ ﮐﺎ ﭘﻮﺭﺍ ﻧﺎﻡ ﻧﮩﯿﮟ ﻟﮑﮭﺎ، ﺍﻣﯿﺮ ﺟﻌﻔﺮﯼ ﻧﮯ ﺍﭘﻨﯽ ﺣﯿﺜﯿﺖ ﮐﮯ ﺍﯾﮏ ﺳﺮﮐﺮﺩﮦ ﻓﺮﺩ ﻣﮩﺪﯼ ﻋﻠﻮﯼ ﮐﻮ ﻗﻠﻌﮧ ﺍﻟﻤُﻮﺕ ﮐﺎ ﺣﺎﮐﻢ ﻣﻘﺮﺭ ﮐﺮ ﺭﮐﮭﺎ ﺗﮭﺎ، ﺣﺴﻦ ﺑﻦ ﺻﺒﺎﺡ ﺍﻟﻤﻮﺕ ﺳﮯ ﺗﮭﻮﮌﯼ ﮨﯽ ﺩﻭﺭ ﺭﮎ ﮔﯿﺎ ، ﺍﺱ ﮐﮯ ﺳﺎﺗﮫ ﻗﺪﯾﻢ ﻗﻠﻌﮯ ﻣﯿﮟ ﺗﯿﻦ ﺳﻮ ﮐﮯ ﻟﮓ ﺑﮭﮓ ﺁﺩﻣﯽ ﺗﮭﮯ، ﺍﻥ ﺳﺐ ﻧﮯ ﺍﺱ ﮐﮯ ﺳﺎﺗﮫ ﺟﺎﻧﺎ ﺗﮭﺎ، ﻟﯿﮑﻦ ﺍﻥ ﻣﯿﮟ ﺳﮯ ﺑﮩﺖ ﺳﮯ ﺁﺩﻣﯿﻮﮞ ﮐﻮ ﭘﮩﻠﮯ ﮨﯽ ﺭﻭﺍﻧﮧ ﮐﺮ ﺩﯾﺎ ﮔﯿﺎ ﺗﮭﺎ ،ﺍﻧﮭﯿﮟ ﺑﺘﺎﯾﺎ ﮔﯿﺎ ﺗﮭﺎ ﮐﮧ ﻭﮦ ﺍﻟﻤُﻮﺕ ﮐﮯ ﺭﺍﺳﺘﮯ ﻣﯿﮟ ﺁﻧﮯ ﻭﺍﻟﯽ ﺁﺑﺎﺩﯾﻮﮞ ﻣﯿﮟ ﺟﺎ ﮐﺮ ﻟﻮﮔﻮﮞ ﮐﻮ ﺣﺴﻦ ﺑﻦ ﺻﺒﺎﺡ ﮐﮯ ﯾﮧ ﻣﻌﺠﺰﮦ ﺳﻨﺎﺗﮯ ﺟﺎﺋﯿﮟ ﮐﮧ ﺗﺒﺮﯾﺰ ﻣﯿﮟ ﺻﺮﻑ ﺳﺘﺮ ﺁﺩﻣﯽ ﺗﮭﮯ ﺟﻦ ﭘﺮ ﺳﻠﺠﻮﻗﯿﻮﮞ ﮐﮯ ﭘﺎﻧﭻ ﺳﻮ ﺳﮯ ﺯﺍﺋﺪ ﺳﻮﺍﺭﻭﮞ ﻧﮯ ﺣﻤﻠﮧ ﮐﺮﺩﯾﺎ، ﺣﺴﻦ ﺑﻦ ﺻﺒﺎﺡ ﻧﮯ ﺧﺪﺍ ﺳﮯ ﻣﺪﺩ ﻣﺎﻧﮕﯽ ﺗﻮ ﻏﯿﺐ ﺳﮯ ﺳﯿﮑﮍﻭﮞ ﺳﻮﺍﺭ ﺁﮔﺌﮯ ﺍﻭﺭ ﺗﻤﺎﻡ ﮐﮯ ﺗﻤﺎﻡ ﺳﻠﺠﻮﻗﯽ ﺳﻮﺍﺭﻭﮞ ﮐﻮ ﻗﺘﻞ ﮐﺮ ﺩﯾﺎ، ﭘﮭﺮ ﻗﺪﯾﻢ ﻗﻠﻌﮯ ﻣﯿﮟ ﺗﯿﻦ ﺳﻮ ﺁﺩﻣﯿﻮﮞ ﭘﺮ ﺍﯾﮏ ﮨﺰﺍﺭ ﺳﮯ ﺯﺍﺋﺪ ﺳﻮﺍﺭﻭﮞ ﻧﮯ ﺣﻤﻠﮧ ﮐﺮﺩﯾﺎ ،ﺣﺴﻦ ﺑﻦ ﺻﺒﺎﺡ ﻧﮯ ﻗﻠﻌﮯ ﮐﯽ ﺩﯾﻮﺍﺭ ﭘﺮ ﮐﮭﮍﮮ ﮨﻮﮐﺮ ﺍﺱ ﮔﮭﻮﮌﺳﻮﺍﺭ ﻟﺸﮑﺮ ﮐﮯ ﺳﺎﻻﺭ ﮐﯽ ﻃﺮﻑ ﺩﯾﮑﮭﺎ ﭘﮭﺮ ﮐﮩﺎ ﻭﺍﭘﺲ ﭼﻠﮯ ﺟﺎﺅ، ﻟﺸﮑﺮ ﻧﮯ ﻣﺤﺎﺻﺮﮦ ﺍﭨﮭﺎ ﻟﯿﺎ ﺍﻭﺭ ﻭﺍﭘﺲ ﭼﻼ ﮔﯿﺎ۔
ﺍﻥ ﺗﯿﻦ ﺳﻮ ﺁﺩﻣﯿﻮﮞ ﻣﯿﮟ ﺻﺮﻑ ﺗﯿﻦ ﺁﺩﻣﯽ ﺗﮭﮯ ﺟﻮ ﺣﻘﯿﻘﺖ ﺳﮯ ﺁﮔﺎﮦ ﺗﮭﮯ، ﺍﻭﺭ ﺍﯾﮏ ﻋﻮﺭﺕ ﺗﮭﯽ ﺟﻮ ﺣﺴﻦ ﺑﻦ ﺻﺒﺎﺡ ﮐﯽ ﺭﺍﺯ ﺩﺍﺭ ﺗﮭﯽ، ﺍﻥ ﺗﯿﻦ ﺁﺩﻣﯿﻮﮞ ﻣﯿﮟ ﺍﯾﮏ ﺍﺳﻤﺎﻋﯿﻞ ﺗﮭﺎ ﺍﻭﺭ ﯾﮧ ﻋﻮﺭﺕ ﺧﺪﯾﺠﮧ ﺗﮭﯽ، ﺍﻥ ﺩﻭﻧﻮﮞ ﻧﮯ ﺣﺞ ﺳﮯ ﺁﺋﮯ ﮨﻮﺋﮯ ﻣﯿﺎﮞ ﺑﯿﻮﯼ ﺑﻦ ﮐﺮ ﺳﺎﻻﺭ ﻗﺰﻝ ﺳﺎﺭﻭﻕ ﺍﻭﺭ ﺍﺳﮑﮯ ﻟﺸﮑﺮ ﮐﻮ ﺁﺏ ﺯﻣﺰﻡ ﭘﻼﯾﺎ ﺍﻭﺭ ﺫﮨﻨﯽ ﻃﻮﺭ ﭘﺮ ﻣﻔﻠﻮﺝ ﮐﺮﺩﯾﺎ ﺗﮭﺎ۔
ﺻﺮﻑ ﯾﮧ ﺗﯿﻦ ﺁﺩﻣﯽ ﺍﻭﺭ ﺍﯾﮏ ﻋﻮﺭﺕ ﺗﮭﯽ ﺟﻨﮩﯿﮟ ﺣﺴﻦ ﺑﻦ ﺻﺒﺎﺡ ﮐﮯ ﺍﻥ ﻣﻌﺠﺰﻭﮞ ﮐﯽ ﺣﻘﯿﻘﺖ ﻣﻌﻠﻮﻡ ﺗﮭﯽ، ﺑﺎﻗﯽ ﺳﺐ ﻧﮯ ﺍﻥ ﻣﻌﺠﺰﻭﮞ ﮐﻮ ﺣﻘﯿﻘﺖ ﺗﺴﻠﯿﻢ ﮐﺮ ﻟﯿﺎ ﺗﮭﺎ ،ﺍﻧﮩﯿﮟ ﯾﮧ ﺑﺘﺎﻧﮯ ﮐﯽ ﺿﺮﻭﺭﺕ ﻧﮩﯿﮟ ﺗﮭﯽ ﮐﮧ ﻭﮦ ﺍﻥ ﻣﻌﺠﺰﻭﮞ ﮐﯽ ﺗﺸﮩﯿﺮ ﮐﺮﯾﮟ، ﻭﮦ ﺗﻮ ﺍﻧﮩﻮﮞ ﻧﮯ ﮐﮩﮯ ﺑﻐﯿﺮ ﺑﮭﯽ ﮐﺮﻧﯽ ﺗﮭﯽ، ﯾﮧ ﺍﻧﺴﺎﻧﯽ ﻓﻄﺮﺕ ﮐﺎ ﺧﺎﺻﮧ ﮨﮯ ﺍﻭﺭ ﯾﮧ ﺍﻧﺴﺎﻥ ﮐﯽ ﮐﻤﺰﻭﺭﯼ ﮨﮯ ﮐﮧ ﻭﮦ ﮐﻮﺋﯽ ﻋﺠﻮﺑﮧ ﺩﯾﮑﮭﺘﺎ ﮨﮯ ﯾﺎ ﮐﻮﺋﯽ ﭘﺮﺍﺳﺮﺍﺭ ﻭﺍﻗﻌﮧ ﺍﺱ ﮐﮯ ﺳﺎﻣﻨﮯ ﺭﻭﻧﻤﺎ ﮨﻮﺗﺎ ﮨﮯ ﺗﻮ ﻭﮦ ﺍﺱ ﮐﯽ ﺗﮩﮧ ﺗﮏ ﻧﮩﯿﮟ ﭘﮩﻨﭽﺘﺎ، ﺍﺱ ﮐﺎ ﺗﺠﺰﯾﮧ ﻧﮩﯿﮟ ﮐﺮﺗﺎ ،ﺑﻠﮑﮧ ﺍﭘﻨﮯ ﺁﭖ ﭘﺮ ﮨﯿﺠﺎﻧﯽ ﮐﯿﻔﯿﺖ ﻃﺎﺭﯼ ﮐﺮﮐﮯ ﯾﮧ ﻭﺍﻗﻌﮧ ﮨﺮ ﮐﺴﯽ ﮐﻮ ﺳﻨﺴﻨﯽ ﺧﯿﺰ ﻟﮩﺠﮯ ﻣﯿﮟ ﺳﻨﺎﺗﺎ ﮨﮯ، ﺍﻭﺭ ﺍﺱ ﻭﮨﻢ ﻣﯿﮟ ﻣﺒﺘﻼ ﮨﻮ ﮐﺮ ﮐﮧ ﺍﺱ ﮐﯽ ﺑﺎﺕ ﮐﻮ ﮐﭽﮫ ﻟﻮﮒ ﺳﭻ ﻧﮩﯿﮟ ﻣﺎﻧﯿﮟ ﮔﮯ ﺳﻨﺎﻧﮯ ﻭﺍﻻ ﺯﯾﺐ ﺩﺍﺳﺘﺎﻥ ﮐﺎ ﺳﮩﺎﺭﺍ ﻟﯿﺘﺎ ﺍﻭﺭ ﻣﺒﺎﻟﻐﮧ ﺁﺭﺍﺋﯽ ﮐﺮﺗﺎ ﮨﮯ۔
ﺣﺴﻦ ﺑﻦ ﺻﺒﺎﺡ ﮐﻮ ﺧﺪﺍ ﻧﮯ ﺍﯾﺴﺎ ﺩﻣﺎﻍ ﺩﯾﺎ ﺗﮭﺎ ﮐﮧ ﻭﮦ ﺍﻧﺴﺎﻥ ﮐﯽ ﮐﻤﺰﻭﺭﯾﻮﮞ ﮐﻮ ﺳﻤﺠﮭﺘﺎ ﺍﻭﺭ ﺍﻧﮩﯿﮟ ﺍﭘﻨﮯ ﻣﻘﺎﺻﺪ ﮐﮯ ﻟﺌﮯ ﺍﺳﺘﻌﻤﺎﻝ ﮐﺮﻧﺎ ﺟﺎﻧﺘﺎ ﺗﮭﺎ۔ ﺍﺱ ﻧﮯ ﺍﭘﻨﮯ ﺗﯿﻦ ﺳﻮ ﻣﯿﮟ ﺳﮯ ﺩﻭ ﺳﻮ ﺳﮯ ﺯﺍﺋﺪ ﺁﺩﻣﯿﻮﮞ ﮐﻮ ﺧﻮﺩ ﺍﭘﻨﯽ ﺯﺑﺎﻥ ﺳﮯ ﻧﮩﯿﮟ ﺑﻠﮑﮧ ﺍﭘﻨﮯ ﺧﺎﺹ ﻣﺼﺎﺣﺒﻮﮞ ﮐﯽ ﺯﺑﺎﻥ ﺳﮯ ﮐﮩﻠﻮﺍﯾﺎ ﮐﮧ ﻭﮦ ﺁﺑﺎﺩﯾﻮﮞ ﻣﯿﮟ ﺍﻣﺎﻡ ﮐﮯ ﻣﻌﺠﺰﮮ ﺳﻨﺎﺗﮯ ﺟﺎﺋﯿﮟ۔
ﯾﮧ ﺣﮑﻢ ﺍﻣﺎﻡ ﮐﺎ ﻧﮩﯿﮟ۔۔۔ ﻣﺼﺎﺣﺒﻮﮞ ﻧﮯ ﺍﻥ ﺗﯿﻦ ﺳﻮ ﺍﻓﺮﺍﺩ ﺳﮯ ﮐﮩﺎ ۔۔۔ﯾﮧ ﮨﻤﺎﺭﺍ ﻓﺮﺽ ﮨﮯ ﮐﮧ ﮨﺮ ﮐﺴﯽ ﮐﻮ ﻣﻌﻠﻮﻡ ﮨﻮ ﺟﺎﺋﮯ ﮐﮧ ﻭﮦ ﺍﻣﺎﻡ ﺟﺴﮯ ﺧﺪﺍ ﻧﮯ ﻣﻠﺖ ﺭﺳﻮﻝ ﺻﻠﯽ ﺍﻟﻠﮧ ﺗﻌﺎﻟﯽ ﻋﻠﯿﮧ ﻭﺳﻠﻢ ﮐﻮ ﺻﺤﯿﺢ ﺭﺍﺳﺘﮧ ﺩﮐﮭﺎﻧﮯ ﮐﮯ ﻟﺌﮯ ﺁﺳﻤﺎﻥ ﺳﮯ ﺍﺗﺎﺭﺍ ﮨﮯ، ﺍﺱ ﻧﮯ ﮐﯿﺎ ﻣﻌﺠﺰﮮ ﺩﮐﮭﺎﺋﮯ ﮨﯿﮟ ﻟﻮﮔﻮﮞ ﺳﮯ ﮐﮩﻮ ﮐﮧ ﻭﮦ ﺍﻣﺎﻡ ﮐﻮ ﺧﺪﺍ ﮐﺎ ﺑﮭﯿﺠﺎ ﮨﻮﺍ ﺍﻣﺎﻡ ﻣﺎﻥ ﻟﮯ ﺣﺴﻦ ﺑﻦ ﺻﺒﺎﺡ ﺟﺐ ﺍﻟﻤﻮﺕ ﺳﮯ ﺗﮭﻮﮌﯼ ﺩﻭﺭ ﺭﮐﺎ ﺍﺱ ﻭﻗﺖ ﺍﺱ ﮐﮯ ﺳﺎﺗﮫ ﺗﯿﻦ ﺳﻮ ﮐﮯ ﺑﺠﺎﺋﮯ ﺗﯿﻦ ﮨﺰﺍﺭ ﺳﮯ ﺯﺍﺋﺪ ﻟﻮﮒ ﺗﮭﮯ، ﺗﺎﺭﯾﺦ ﻣﯿﮟ ﯾﮧ ﭘﺘﺎ ﻧﮩﯿﮟ ﻣﻠﺘﺎ ﮐﮧ ﭘﮩﺎﮌﯾﻮﮞ ﮐﮯ ﺍﻧﺪﺭ ﻗﺪﯾﻢ ﻗﻠﻌﮯ ﺳﮯ ﺍﻟﻤُﻮﺕ ﺗﮏ ﮐﺘﻨﺎ ﻓﺎﺻﻠﮧ ﺗﮭﺎ ،ﺍﻟﺒﺘﮧ ﯾﮧ ﺑﺎﺕ ﺻﺎﻑ ﮨﮯ ﮐﮧ ﺣﺴﻦ ﺑﻦ ﺻﺒﺎﺡ ﮐﮯ ﺁﺩﻣﯿﻮﮞ ﻧﮯ ﺍﺱ ﻋﻼﻗﮯ ﮐﯽ ﺁﺑﺎﺩﯾﻮﮞ ﻣﯿﮟ ﺧﺪﺍ ﮐﮯ ﺑﮭﯿﺠﮯ ﮨﻮﺋﮯ ﺍﻣﺎﻡ ﮐﮯ ﻣﻌﺠﺰﮮ ﺍﯾﺴﮯ ﺍﻧﺪﺍﺯ ﺳﮯ ﺳﻨﺎﺋﮯ ﮐﮯ ﻟﻮﮒ ﺣﺴﻦ ﺑﻦ ﺻﺒﺎﺡ ﮐﮯ ﭘﯿﭽﮭﮯ ﭘﯿﭽﮭﮯ ﭼﻞ ﭘﮍﮮ۔ ﺣﺴﻦ ﺑﻦ ﺻﺒﺎﺡ ﻧﮯ ﺍﯾﮏ ﺟﮕﮧ ﺭﮎ ﮐﺮ ﮈﯾﺮﮮ ﮈﺍﻝ ﺩﯾﺌﮯ، ﺍﺱ ﮐﮯ ﻟﯿﮯ ﺑﮍﮮ ﺳﺎﺋﺰ ﮐﺎ ﺷﺎﮨﺎﻧﮧ ﺧﯿﻤﮧ ﻟﮕﺎ ﺩﯾﺎ ﮔﯿﺎ ﺗﮭﺎ، ﺗﺸﮩﯿﺮ ﺍﻭﺭ ﭘﺮﻭﭘﯿﮕﻨﮉﮮ ﮐﺎ ﮐﺎﻡ ﺻﺮﻑ ﺣﺴﻦ ﺑﻦ ﺻﺒﺎﺡ ﻧﮯ ﮨﯽ ﻧﮩﯿﮟ ﮐﯿﺎ ﺗﮭﺎ، ﺍﺣﻤﺪ ﺑﻦ ﻋﻄﺎﺵ ﺍﺱ ﮐﺎﻡ ﻣﯿﮟ ﮨﻤﮧ ﺗﻦ ﻣﺼﺮﻭﻑ ﺭﮨﺘﺎ ﺗﮭﺎ، ﺍﺱ ﻧﮯ ﻣﺒﻠﻐﻮﮞ ﮐﯽ ﺟﻤﺎﻋﺘﯿﮟ ﺑﻨﺎ ﺩﯼ ﺗﮭﯿﮟ، ﺟﺲ ﮐﮯ ﺍﺭﮐﺎﻥ ﺍﺳﻼﻡ ﮐﮯ ﺣﻮﺍﻟﮯ ﺳﮯ ﺑﺎﻃﻨﯽ ﻧﻈﺮﯾﮯ ﮐﯽ ﺗﺒﻠﯿﻎ ﮐﺮﺗﮯ ﺗﮭﮯ، ﺑﮍﮮ ﻣﺆﺭﺧﻮﮞ ﺧﺼﻮﺻﺎً ﺍﺑﻦ ﺧﻠﺪﻭﻥ " ﺍﺑﻮﺍﻟﻘﺎﺳﻢ ﺭﻓﯿﻖ ﺩﻻﻭﺭﯼ " ﺍﺑﻦ ﺍﺛﯿﺮ " ﻧﮯ ﺗﻮ ﯾﻮﮞ ﻟﮑﮭﺎ ﮨﮯ ﮐﮧ ﻭﮦ ﺑﺎﻃﻨﯽ ﻧﻈﺮﯾﮯ ﮐﯽ ﺗﺒﻠﯿﻎ ﮐﺮﺗﮯ ﺗﮭﮯ، ﺗﻔﺼﯿﻼﺕ ﻟﮑﮭﻨﮯ ﻭﺍﻟﮯ ﻭﻗﺎﺋﻊ ﻧﮕﺎﺭﻭﮞ ﺍﻭﺭ ﻣﺒﺼﺮﻭﮞ ﻧﮯ ﻟﮑﮭﺎ ﮨﮯ ﮐﮧ ﯾﮧ ﺗﺒﻠﯿﻎ ﺩﺭﺍﺻﻞ ﺗﺸﮩﯿﺮ ﺗﮭﯽ ﺣﺴﻦ ﺑﻦ ﺻﺒﺎﺡ ﮐﯽ، ﺍﻭﺭ ﻟﻮﮒ ﺟﻮﻕ ﺩﺭ ﺟﻮﻕ ﺣﺴﻦ ﺑﻦ ﺻﺒﺎﺡ ﮐﯽ ﺍﯾﮏ ﺟﮭﻠﮏ ﺩﯾﮑﮭﻨﮯ ﮐﮯ ﻟﺌﮯ ﺍﮐﭩﮭﮯ ﮨﻮﺗﮯ ﺟﺎ ﺭﮨﮯ ﺗﮭﮯ، ﻟﯿﮑﻦ ﺣﺴﻦ ﺑﻦ ﺻﺒﺎﺡ ﮐﯽ ﺟﮭﻠﮏ ﺍﻧﮩﯿﮟ ﻧﻈﺮ ﻧﮩﯿﮟ ﺁﺭﮨﯽ ﺗﮭﯽ۔
ﺣﺴﻦ ﺑﻦ ﺻﺒﺎﺡ ﮐﺎ ﺧﯿﻤﮧ ﮐﭙﮍﮮ ﮐﺎ ﺍﯾﮏ ﮐﻤﺮﮦ ﺗﮭﺎ ﭼﻮﮐﻮﺭ ﺍﻭﺭ ﺧﺎﺻﮧ ﮐﺸﺎﺩﮦ ،ﭼﺎﺭﻭﮞ ﻃﺮﻑ ﻗﻨﺎﺗﯿﮟ ﺗﮭﯿﮟ ﺍﻭﺭ ﺍﻥ ﭘﺮ ﻣﺨﺮﻭﻃﯽ ﺷﺎﻣﯿﺎﻧﮧ ﺗﮭﺎ ،ﻟﻮﮔﻮﮞ ﮐﻮ ﯾﮧ ﺑﺘﺎﯾﺎ ﺟﺎ ﺭﮨﺎ ﺗﮭﺎ ﮐﮧ ﺍﻣﺎﻡ ﺧﯿﻤﮯ ﻣﯿﮟ ﻧﮩﯿﮟ ، ﺍﻭﺭ ﺍﺱ ﮐﮯ ﻗﺮﯾﺒﯽ ﻣﺼﺎﺣﺒﻮﮞ ﮐﻮ ﺑﮭﯽ ﻣﻌﻠﻮﻡ ﻧﮩﯿﮟ ﮐﮧ ﻭﮦ ﮐﮩﺎﮞ ﻏﺎﺋﺐ ﮨﻮ ﮔﯿﺎ ﮨﮯ ۔
ﺍﻣﺎﻡ ﮐﻮ ﺧﺪﺍ ﮐﺒﮭﯽ ﮐﺒﮭﯽ ﺍﭘﻨﮯ ﭘﺎﺱ ﺑﻼ ﻟﯿﺘﺎ ﮨﮯ۔۔۔ ﺍﯾﮏ ﻣﺼﺎﺣﺐ ﻧﮯ ﺷﻮﺷﮧ ﭼﮭﻮﮌﺍ ۔۔۔ﻭﮦ ﮐﺴﯽ ﺑﮭﯽ ﻭﻗﺖ ﻭﺍﭘﺲ ﺁ ﺳﮑﺘﺎ ﮨﮯ۔
ﺟﺲ ﺟﮕﮧ ﺣﺴﻦ ﺑﻦ ﺻﺒﺎﺡ ﮐﺎ ﺧﯿﻤﮧ ﺗﮭﺎ ﻭﮨﺎﮞ ﺗﮏ ﮐﺴﯽ ﮐﻮ ﺟﺎﻧﮯ ﮐﯽ ﺍﺟﺎﺯﺕ ﻧﮩﯿﮟ ﺗﮭﯽ، ﺍﺱ ﺳﮯ ﺫﺭﺍ ﭘﺮﮮ ﮨﭧ ﮐﺮ ﺍﻥ ﮐﮯ ﺍﭘﻨﮯ ﺁﺩﻣﯿﻮﮞ ﮐﮯ ﺧﯿﻤﮯ ﺗﮭﮯ، ﻟﻮﮔﻮﮞ ﮐﻮ ﺣﺴﻦ ﺑﻦ ﺻﺒﺎﺡ ﮐﮯ ﺧﯿﻤﮯ ﺳﮯ ﺩﻭﺭ ﺭﻭﮎ ﻟﯿﺎ ﺟﺎﺗﺎ ﺗﮭﺎ۔
÷=÷=÷=÷=÷=* ۔ *÷=÷=÷=
ﺣﺴﻦ ﺑﻦ ﺻﺒﺎﺡ ﯾﮩﺎﮞ ﭘﮩﻨﭽﺎ ﺗﻮ ﺗﯿﺴﺮﯼ ﺭﺍﺕ ﺧﻠﺠﺎﻥ ﺳﮯ ﺍﺱ ﮐﺎ ﭘﯿﺮﻭﻣﺮﺷﺪ ﺍﺣﻤﺪ ﺑﻦ ﻋﻄﺎﺵ ﺍﺱ ﮐﮯ ﭘﺎﺱ ﺁ ﮔﯿﺎ ﺗﮭﺎ، ﺍﻥ ﮐﯽ ﻣﻼﻗﺎﺕ ﺩﻭ ﺍﮌﮬﺎﺋﯽ ﺳﺎﻝ ﺑﻌﺪ ﮨﻮ ﺭﮨﯽ ﺗﮭﯽ، ﺍﺣﻤﺪ ﺑﻦ ﻋﻄﺎﺵ ﻧﮯ ﺣﺴﻦ ﺑﻦ ﺻﺒﺎﺡ ﮐﻮ ﻣﺼﺮ ﺑﮭﯿﺠﺎ ﺗﮭﺎ، ﺍﺱ ﮐﮯ ﺑﻌﺪ ﯾﮧ ﺩﻭﻧﻮﮞ ﭘﮩﻠﯽ ﺑﺎﺭ ﻣﻞ ﺭﮨﮯ ﺗﮭﮯ ،ﺣﺴﻦ ﺑﻦ ﺻﺒﺎﺡ ﻧﮯ ﺍﭘﻨﮯ ﺍﺳﺘﺎﺩ ﮐﻮ ﺍﭘﻨﯽ ﮐﺎﺭﮔﺰﺍﺭﯼ ﺳﻨﺎﺋﯽ ﺍﻭﺭ ﺍﺳﺘﺎﺩ ﻧﮯ ﺟﺐ ﺣﺴﻦ ﺑﻦ ﺻﺒﺎﺡ ﮐﻮ ﺑﺘﺎﯾﺎ ﮐﮧ ﺍﺱ ﻧﮯ ﺍﭘﻨﮯ ﻗﻠﻌﮧ ﺧﻠﺠﺎﻥ ﻣﯿﮟ ﮐﯿﺴﮯ ﮐﯿﺴﮯ ﺧﻔﯿﮧ ﺍﻧﺘﻈﺎﻡ ﮐﯿﮯ ﮨﯿﮟ ﺗﻮ ﺣﺴﻦ ﺑﻦ ﺻﺒﺎﺡ ﺣﯿﺮﺍﻥ ﺭﮦ ﮔﯿﺎ۔
ﺍﺏ ﻗﻠﻌﮧ ﺍﻟﻤُﻮﺕ ﭘﺮ ﻗﺒﻀﮧ ﮐﺮﻧﺎ ﮨﮯ۔۔۔ ﺍﺣﻤﺪ ﺑﻦ ﻋﻄﺎﺵ ﻧﮯ ﮐﮩﺎ۔۔۔ ﺟﻮ ﺑﻈﺎﮨﺮ ﻧﺎﻣﻤﮑﻦ ﻧﻈﺮ ﺁﺗﺎ ﮨﮯ، ﺍﻣﯿﺮ ﻣﮩﺪﯼ ﻋﻠﻮﯼ ﮐﮯ ﭘﺎﺱ ﺗﯿﻦ ﺳﻮ ﺳﻮﺍﺭﻭﮞ ﮐﺎ ﺻﺮﻑ ﺍﯾﮏ ﺩﺳﺘﮧ ﮨﮯ ﯾﮧ ﺍﺱ ﮐﺎ ﻣﺤﺎﻓﻆ ﺩﺳﺘﮧ ﮨﮯ، ﺍﺱ ﮐﯽ ﻓﻮﺝ ﮨﮯ ﮨﯽ ﻧﮩﯿﮟ۔
ﭘﮭﺮ ﺗﻮ ﺍﺱ ﻗﻠﻌﮯ ﭘﺮ ﻗﺒﻀﮧ ﮐﺮ ﻟﯿﻨﺎ ﮐﻮﺋﯽ ﻣﺸﮑﻞ ﻧﮩﯿﮟ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ ۔۔۔ﻣﯿﺮﮮ ﭘﺎﺱ ﺗﯿﻦ ﺳﻮ ﺳﮯ ﮐﭽﮫ ﺯﺍﺋﺪ ﺗﺠﺮﺑﮯ ﮐﺎﺭ ﻟﮍﻧﮯ ﻭﺍﻟﮯ ﺁﺩﻣﯽ ﮨﯿﮟ،،،،، ﺍﻭﺭ ﯾﮧ ﺟﻮ ﻣﯿﺮﯼ ﺯﯾﺎﺭﺕ ﮐﮯ ﻟﺌﮯ ﮨﺠﻮﻡ ﺁﮔﯿﺎ ﮨﮯ ﮐﺌﯽ ﺳﻮ ﺍﺱ ﻣﯿﮟ ﻟﮍﻧﮯ ﻭﺍﻟﮯ ﻣﻞ ﺟﺎﺋﯿﮟ ﮔﮯ۔
ﻧﮩﯿﮟ ﺣﺴﻦ ! ،،،،،، ﺍﺣﻤﺪ ﺑﻦ ﻋﻄﺎﺵ ﻧﮯ ﮐﮩﺎ۔۔۔ﻣﯿﮟ ﺣﯿﺮﺍﻥ ﮨﻮﮞ ﮐﮧ ﯾﮧ ﺑﺎﺕ ﺗﻢ ﮐﮩﮧ ﺭﮨﮯ ﮨﻮ، ﮐﯿﺎ ﮨﻢ ﻧﮯ ﭘﮩﻠﮯ ﺟﻮ ﻗﻠﻌﮯ ﻟﯿﮯ ﮨﯿﮟ ﻭﮦ ﻟﮍ ﮐﺮ ﻟﯿﮯ ﮨﯿﮟ؟،،،،،،، ﺧﻮﻥ ﮐﺎ ﺍﯾﮏ ﻗﻄﺮﮦ ﻧﮩﯿﮟ ﺑﮩﮯ ﮔﺎ ،ﺍﻭﺭ ﺍﻟﻤُﻮﺕ ﮨﻤﺎﺭﺍ ﮨﻮﮔﺎ،،،،، ﺳﻨﻮ ﮨﻢ ﮐﯿﺎ ﮐﺮﯾﮟ ﮔﮯ۔
ﺍﺣﻤﺪ ﺑﻦ ﻋﻄﺎﺵ ﺍﻭﺭ ﺣﺴﻦ ﺑﻦ ﺻﺒﺎﺡ ﮐﯽ ﺑﺎﺗﯿﮟ ﺳﺮﮔﻮﺷﯿﻮﮞ ﻣﯿﮟ ﺑﺪﻝ ﮔﺌﯿﮟ ،ﺳﺮﮔﻮﺷﯿﺎﮞ ﺑﮭﯽ ﺍﯾﺴﯽ ﺟﻮ ﺧﯿﻤﮯ ﮐﮯ ﮐﭙﮍﮮ ﮐﯽ ﺩﯾﻮﺍﺭﯾﮟ ﺑﮭﯽ ﻧﮧ ﺳﻦ ﺳﮑﯿﮟ، ﺍﺣﻤﺪ ﺑﻦ ﻋﻄﺎﺵ ﺳﺤﺮﯼ ﮐﮯ ﻭﻗﺖ ﺧﯿﻤﮯ ﺳﮯ ﻧﮑﻼ ﺍﻭﺭ ﺧﻠﺠﺎﻥ ﮐﻮ ﭼﻼ ﮔﯿﺎ۔
ﺗﯿﻦ ﭼﺎﺭ ﺭﺍﺗﯿﮟ ﮔﺰﺭﮔﺌﯿﮟ ﺍﻟﻠﮧ ﮐﮯ ﺍﻣﺎﻡ ﺍﻭﺭ ﺍﺱ ﮐﮯ ﻣﻌﺠﺰﻭﮞ ﮐﮯ ﭼﺮﭼﮯ ﺍﺗﻨﯽ ﺯﯾﺎﺩﮦ ﺍﻭﺭ ﺍﯾﺴﮯ ﺍﻧﺪﺍﺯ ﺳﮯ ﮐﯿﮯ ﺟﺎ ﺭﮨﮯ ﺗﮭﮯ ﮐﮧ ﺗﺠﺴﺲ ﺍﻭﺭ ﭘﺴﻤﺎﻧﺪﮔﯽ ﮐﮯ ﮨﺎﺗﮭﻮﮞ ﻣﺠﺒﻮﺭ ﮨﻮ ﮐﺮ ﻟﻮﮒ ﺣﺴﻦ ﺑﻦ ﺻﺒﺎﺡ ﮐﯽ ﺯﯾﺎﺭﺕ ﮐﮯ ﻟﯿﮯ ﭼﻠﮯ ﺁﺭﮨﮯ ﺗﮭﮯ۔ ﺩﺍﺳﺘﺎﻥ ﮔﻮ ﺳﻨﺎ ﭼﮑﺎ ﮨﮯ ﮐﮧ ﭘﮩﻠﮯ ﺑﮭﯽ ﻟﻮﮔﻮﮞ ﻧﮯ ﺳﻨﺎ ﺗﮭﺎ ﮐﮧ ﺧﺪﺍ ﮐﺎ ﺍﯾﻠﭽﯽ ﺁﺳﻤﺎﻥ ﺳﮯ ﺍﺗﺮﻧﮯ ﻭﺍﻻ ﮨﮯ ﺗﻮ ﻟﻮﮒ ﺍﺳﯽ ﻃﺮﺡ ﺍﮐﭩﮭﮯ ﮨﻮﮔﺌﮯ ﺗﮭﮯ، ﺍﻭﺭ ﺍﻧﮩﻮﮞ ﻧﮯ ﻭﮨﯿﮟ ﮈﯾﺮﮮ ﮈﺍﻝ ﺩﯾﮯ ﺗﮭﮯ، ﻟﻮﮔﻮﮞ ﮐﯽ ﻓﻄﺮﺕ ﻣﯿﮟ ﮐﻮﺋﯽ ﺍﻧﻘﻼﺏ ﺗﻮ ﻧﮩﯿﮟ ﺁ ﮔﯿﺎ ﺗﮭﺎ، ﺍﻥ ﻣﯿﮟ ﻓﻄﺮﯼ ﮐﻤﺰﻭﺭﯾﺎﮞ ﺟﻮﮞ ﮐﯽ ﺗﻮﮞ ﻣﻮﺟﻮﺩ ﺗﮭﯿﮟ، ﺍﺏ ﻭﮦ ﺍﺱ ﺟﮕﮧ ﮨﺠﻮﻡ ﮐﺮ ﮐﮯ ﺁ ﮔﺌﮯ ﺗﮭﮯ۔
÷=÷=÷=÷==* ۔ *÷=÷=÷=
ﺩﺍﺳﺘﺎﻥ ﮔﻮ ﮐﮩﮧ ﺭﮨﺎ ﺗﮭﺎ ﮐﮧ ﻟﻮﮔﻮﮞ ﻧﮯ ﺣﺴﻦ ﺑﻦ ﺻﺒﺎﺡ ﮐﯽ ﺯﯾﺎﺭﺕ ﮐﮯ ﻟﺌﮯ ﻭﮨﯿﮟ ﮈﯾﺮﮮ ﮈﺍﻝ ﺩﯾﮯ ﺗﮭﮯ، ﺍﺣﻤﺪ ﺑﻦ ﻋﻄﺎﺵ ﺣﺴﻦ ﺑﻦ ﺻﺒﺎﺡ ﺳﮯ ﻣﻞ ﮐﺮ ﺍﻭﺭ ﮐﻮﺋﯽ ﻧﯿﺎ ﻣﻨﺼﻮﺑﮧ ﺗﯿﺎﺭ ﮐﺮ ﮐﮯ ﭼﻼ ﮔﯿﺎ۔ ﺗﺎﺭﯾﺦ ﻣﯿﮟ ﺍﯾﮏ ﺷﮩﺎﺩﺕ ﯾﮧ ﺑﮭﯽ ﻣﻠﺘﯽ ﮨﮯ ﮐﮧ ﺍﺣﻤﺪ ﺑﻦ ﻋﻄﺎﺵ ﮔﯿﺎ ﻧﮩﯿﮟ ﺗﮭﺎ ﻭﮨﯿﮟ ﺭﻭﭘﻮﺵ ﺭﮨﺎ ﺗﮭﺎ ،ﺍﺱ ﻣﻨﺼﻮﺑﮯ ﻣﯿﮟ ﺍﺳﮯ ﭘﺲ ﻣﻨﻈﺮ ﻣﯿﮟ ﺭﮐﮭﻨﺎ ﺗﮭﺎ۔
ﺍﯾﮏ ﺭﺍﺕ ﺁﺩﮬﯽ ﮔﺰﺭ ﮔﺌﯽ ﺗﮭﯽ ،ﺭﺍﺕ ﮐﮯ ﺳﻨﺎﭨﮯ ﮐﻮ ﺗﯿﻦ ﭼﺎﺭ ﺩﮬﻤﺎﮐﮧ ﻧﻤﺎ ﺁﻭﺍﺯﻭﮞ ﻧﮯ ﺗﮩﮧ ﻭ ﺑﺎﻻ ﮐﺮ ﮈﺍﻻ۔
ﻭﮦ ﺩﯾﮑﮭﻮ،،،ﻟﻮﮔﻮﮞ،،،ﺍﺩﮬﺮ ﺩﯾﮑﮭﻮ۔
ﺯﻣﯿﻦ ﺳﮯ ﺑﺎﺩﻝ ﺍﭨﮫ ﺭﮨﮯ ﮨﯿﮟ۔
ﻟﻮﮔﻮﮞ ﺟﺎﮔﻮ،،،ﺑﺎﺩﻟﻮﮞ ﮐﮯ ﺭﻧﮓ ﺩﯾﮑﮭﻮ۔
ﯾﮧ ﺿﺮﻭﺭ ﺍﻣﺎﻡ ﮐﺎ ﻇﮩﻮﺭ ﮨﻮ ﺭﮨﺎ ﮨﮯ۔
ﭘﮭﺮ ﺍﯾﮏ ﮨﮍﺑﻮﻧﮓ ﺗﮭﯽ، ﺍﯾﮏ ﺷﻮﺭ ﺗﮭﺎ ،ﺑﮭﺎﮒ ﺩﻭﮌ ﺗﮭﯽ ،ﻧﻔﺴﺎ ﻧﻔﺴﯽ ﺟﯿﺴﯽ ﺣﺎﻟﺖ ﺗﮭﯽ، ﻟﻮﮒ ﺩﮬﮑﮯ ﺩﮮ ﺭﮨﮯ ﺗﮭﮯ، ﺩﮬﮑﮯ ﮐﮭﺎ ﺭﮨﮯ ﺗﮭﮯ ﺍﻭﺭ ﺍﺱ ﻃﺮﻑ ﺩﻭﮌﮮ ﺟﺎ ﺭﮨﮯ ﺗﮭﮯ ﺟﺪﮬﺮ ﺯﻣﯿﻦ ﺳﮯ ﺑﺎﺩﻝ ﺍﭨﮫ ﺭﮨﺎ ﺗﮭﺎ۔
ﻭﮦ ﮨﺮﯼ ﺳﺮﺳﺒﺰ ﮔﮭﺎﺱ ﺍﻭﺭ ﺟﮭﺎﮌﯾﻮﮞ ﺳﮯ ﮈﮬﮑﯽ ﮨﻮﺋﯽ ﺍﯾﮏ ﭨﯿﮑﺮﯼ ﺗﮭﯽ ،ﺟﻮ ﺯﯾﺎﺩﮦ ﺍﻭﻧﭽﯽ ﻧﮩﯿﮟ ﺗﮭﯽ، ﭘﻨﺪﺭﮦ ﻧﮩﯿﮟ ﺗﻮ ﺳﺘﺮﮦ ﮨﺎﺗﮫ ﺍﻭﻧﭽﯽ ﮨﻮﮔﯽ،ﺍﺱ ﮐﯽ ﻟﻤﺒﺎﺋﯽ ﺍﮌﮬﺎﺋﯽ ﺗﯿﻦ ﻓﺮﻻﻧﮓ ﺗﮭﯽ، ﺍﺱ ﮐﯽ ﮈﮬﻼﻥ ﭘﺮ ﺍﻭﭘﺮ ﺑﮭﯽ ﺍﯾﮏ ﺩﻭﺳﺮﮮ ﺳﮯ ﮐﭽﮫ ﺩﻭﺭ ﺩﻭﺭ ﭼﮭﺎﺗﻮﮞ ﮐﯽ ﻃﺮﺡ ﭘﮭﯿﻠﮯ ﮨﻮﺋﮯ ﺍﻭﺭ ﻟﻤﺒﻮﺗﺮﮮ ﺑﮭﯽ ﺩﺭﺧﺖ ﺗﮭﮯ۔
ﺍﺱ ﭨﯿﮑﺮﯼ ﮐﮯ ﭘﯿﭽﮭﮯ ﺍﯾﮏ ﺍﻭﺭ ﭨﯿﮑﺮﯼ ﺗﮭﯽ ﺟﻮ ﺍﮔﻠﯽ ﭨﯿﮑﺮﯼ ﺳﮯ ﺯﯾﺎﺩﮦ ﺑﻠﻨﺪ ﺗﮭﯽ ،ﺍﻥ ﮐﮯ ﺩﺍﻣﻦ ﺁﭘﺲ ﻣﯿﮟ ﻣﻠﮯ ﮨﻮﺋﮯ ﺗﮭﮯ۔
ﻟﻮﮔﻮﮞ ﻧﮯ ﺯﻣﯿﻦ ﺳﮯ ﺍﭨﮭﺘﺎ ﮨﻮﺍ ﺟﻮ ﺑﺎﺩﻝ ﺩﯾﮑﮭﺎ ﺗﮭﺎ ﺑﻠﮑﮧ ﺩﯾﮑﮫ ﺭﮨﮯ ﺗﮭﮯ ﻭﮦ ﺁﮔﮯ ﻭﺍﻟﯽ ﮐﻢ ﺑﻠﻨﺪ ﭨﯿﮑﺮﯼ ﮐﮯ ﻋﻘﺐ ﺳﮯ ﺍﭨﮫ ﺭﮨﺎ ﺗﮭﺎ ،ﯾﮧ ﺁﮒ ﮐﮯ ﺩﮬﻮﺋﯿﮟ ﮐﺎ ﺑﺎﺩﻝ ﻧﮩﯿﮟ ﺗﮭﺎ، ﯾﮧ ﺑﺎﺩﻝ ﺑﺎﺩﻟﻮﮞ ﮐﮯ ﺍﻥ ﭨﮑﮍﻭﮞ ﺟﯿﺴﺎ ﺗﮭﺎ ﺟﻮ ﺑﺮﺳﺎﺕ ﮐﮯ ﺑﻌﺪ ﺳﺮﺳﺒﺰ ﭘﮩﺎﮌﯾﻮﮞ ﺳﮯ ﻧﯿﭽﮯ ﺁﺟﺎﺗﮯ ﺍﻭﺭ ﻭﺍﺩﯾﻮﮞ ﻣﯿﮟ ﻣﻨﮉﻻﺗﮯ ﺭﮨﺘﮯ ﮨﯿﮟ۔
ﻭﮦ ﺭﺍﺕ ﺗﮭﯽ ﺍﻭﺭ ﺭﺍﺕ ﺗﺎﺭﯾﮏ ﺗﮭﯽ، ﻟﯿﮑﻦ ﺑﺎﺩﻝ ﮐﺎ ﯾﮧ ﺩﻭﺩﮪ ﺟﯿﺴﺎ ﺳﻔﯿﺪ ﺍﻭﺭ ﺑﮩﺖ ﺑﮍﺍ ﭨﮑﮍﺍ ﺭﻭﺷﻦ ﺗﮭﺎ، ﺍﻭﺭ ﺻﺎﻑ ﻧﻈﺮ ﺁﺭﮨﺎ ﺗﮭﺎ ،ﯾﮩﯽ ﻧﮩﯿﮟ ﺑﻠﮑﮧ ﺍﺱ ﻣﯿﮟ ﺳﺮﺥ ،ﺳﺒﺰ، ﻧﯿﻠﯽ ﺍﻭﺭ ﭘﯿﻠﯽ ﺭﻭﺷﻨﯿﺎﮞ ﺗﯿﺮ ﺭﮨﯽ ﺗﮭﯿﮟ، ﯾﻮﮞ ﻟﮕﺘﺎ ﺗﮭﺎ ﺟﯿﺴﮯ ﻗﻮﺱ ﻭ ﻗﺰﺡ ﮐﮯ ﺭﻧﮓ ﺑﮑﮭﺮ ﮐﺮ ﺍﭨﮭﮑﯿﻠﯿﺎﮞ ﮐﺮﺗﮯ ﭘﮭﺮ ﺭﮨﮯ ﮨﻮﮞ۔
ﺑﺎﺩﻝ ﭨﯿﮑﺮﯼ ﭘﺮ ﺁ ﮔﯿﺎ ﺍﻭﺭ ﺁﮨﺴﺘﮧ ﺁﮨﺴﺘﮧ ﻓﻀﺎ ﻣﯿﮟ ﺗﺤﻠﯿﻞ ﮨﻮﻧﮯ ﻟﮕﺎ، ﺍﻭﺭ ﺍﺱ ﻣﯿﮟ ﺍﯾﮏ ﺁﺩﻣﯽ ﮐﺎ ﮨﯿﻮﻟﮧ ﻧﻈﺮ ﺁﻧﮯ ﻟﮕﺎ، ﺍﺱ ﮐﮯ ﺑﺎﺯﻭ ﺩﺍﺋﯿﮟ ﺑﺎﺋﯿﮟ ﭘﮭﯿﻠﮯ ﮨﻮﺋﮯ ﺗﮭﮯ۔
ﻟﻮﮔﻮ ! ،،،،،، ﺑﮍﯼ ﮨﯽ ﺑﻠﻨﺪ ﺁﻭﺍﺯ ﻣﯿﮟ ﮐﺴﯽ ﻧﮯ ﺍﻋﻼﻥ ﮐﯿﺎ ۔۔۔ﺑﺴﻢ ﺍﻟﻠﮧ ﭘﮍﮬﻮ،،، ﮐﻠﻤﮧ ﻃﯿﺒﮧ ﭘﮍﮬﻮ،،،، ﺍﻭﺭ ﺳﺠﺪﮮ ﻣﯿﮟ ﭼﻠﮯ ﺟﺎﺅ ،ﺍﻟﻠﮧ ﺗﺒﺎﺭﮎ ﻭ ﺗﻌﺎﻟﯽ ﻧﮯ ﺍﻣﺎﻡ ﺣﺴﻦ ﺑﻦ ﺻﺒﺎﺡ ﮐﻮ ﺯﻣﯿﻦ ﭘﺮ ﺍﺗﺎﺭ ﺩﯾﺎ ﮨﮯ۔
ﺟﺴﮯ ﺩﺷﻤﻦ ﮐﮯ ﻟﺸﮑﺮ ﺩﯾﮑﮭﺘﮯ ﮨﯽ ﻭﺍﭘﺲ ﭼﻠﮯ ﺟﺎﺗﮯ ﮨﯿﮟ، ﺍﺱ ﮐﺎ ﻇﮩﻮﺭ ﮨﻮ ﮔﯿﺎ ﮨﮯ ۔۔۔ﮐﺴﯽ ﺍﻭﺭ ﻧﮯ ﺍﻋﻼﻥ ﮐﯿﺎ۔
ﻟﻮﮒ ﺳﺠﺪﮮ ﻣﯿﮟ ﭼﻠﮯ ﮔﺌﮯ۔
ﺣﺴﻦ ﺑﻦ ﺻﺒﺎﺡ ﮐﮯ ﺗﯿﻦ ﺳﻮ ﺁﺩﻣﯿﻮﮞ ﮐﮯ ﺟﮩﺎﮞ ﺧﯿﻤﮯ ﻟﮕﮯ ﮨﻮﺋﮯ ﺗﮭﮯ ﻭﮨﺎﮞ ﺳﮯ ﺟﻠﺘﯽ ﮨﻮﺋﯽ ﺩﺱ ﺑﺎﺭﮦ ﻣﺸﻌﻠﯿﮟ ﻧﮑﻠﯿﮟ ﺟﻮ ﭨﯿﮑﺮﯼ ﭘﺮ ﭼﮍﮪ ﮔﺌﯿﮟ ، ﮨﻮﺍ ﺫﺭﺍ ﺗﯿﺰ ﭼﻞ ﺭﮨﯽ ﺗﮭﯽ ﺍﺱ ﻟﺌﮯ ﺑﺎﺩﻝ ﮐﺎ ﯾﮧ ﭨﮑﮍﺍ ﺍﯾﮏ ﻃﺮﻑ ﮨﭧ ﮔﯿﺎﺍﻭﺭ ﻓﻀﺎ ﻣﯿﮟ ﺗﺤﻠﯿﻞ ﮨﻮﺗﮯ ﮨﻮﺗﮯ ﻏﺎﺋﺐ ﮨﻮ ﮔﯿﺎ، ﺍﻭﺭ ﺍﺱ ﺟﮕﮧ ﭨﯿﮑﺮﯼ ﭘﺮ ﺣﺴﻦ ﺑﻦ ﺻﺒﺎﺡ ﺭﮦ ﮔﯿﺎ ﺟﻮ ﺑﺎﺯﻭ ﭘﮭﯿﻼﺋﮯ ﮐﮭﮍﺍ ﺗﮭﺎ، ﻭﮦ ﺳﺒﺰ ﺭﻧﮓ ﮐﮯ ﭼﻤﮑﺪﺍﺭ ﭼﻐﮯ ﻣﯿﮟ ﻣﻠﺒﻮﺱ ﺗﮭﺎ، ﺳﺮ ﭘﺮ ﭘﮕﮍﯼ ﺍﻭﺭ ﺍﺱ ﭘﺮ ﺍﺗﻨﺎ ﺑﮍﺍ ﺳﺒﺰ ﺭﻭﻣﺎﻝ ﭘﮍﺍ ﮨﻮﺍ ﺗﮭﺎ ﺟﺲ ﻧﮯ ﮐﻨﺪﮬﮯ ﺑﮭﯽ ﮈﮬﺎﻧﭗ ﺭﮐﮭﮯ ﺗﮭﮯ۔
ﺳﺠﺪﮮ ﺳﮯ ﺍﭨﮭﻮ ﻟﻮﮔﻮ ! ۔۔۔ ﺍﯾﮏ ﺍﻋﻼﻥ ﮨﻮﺍ۔۔۔ ﺍﻭﺭ ﭨﯿﮑﺮﯼ ﮐﮯ ﻗﺮﯾﺐ ﺁ ﺟﺎﺅ ۔
ﻟﻮﮒ ﺍﭨﮫ ﺩﻭﮌﮮ، ﺍﻧﮩﯿﮟ ﺗﻠﻮﺍﺭﻭﮞ ﺍﻭﺭ ﺑﺮﭼﮭﯿﻮﮞ ﺳﮯ ﻣﺴﻠﺢ ﮐﭽﮫ ﺁﺩﻣﯿﻮﮞ ﻧﮯ ﭨﯿﮑﺮﯼ ﮐﮯ ﻗﺮﯾﺐ ﺭﻭﮎ ﮐﺮ ﺑﯿﭩﮫ ﺟﺎﻧﮯ ﮐﻮ ﮐﮩﺎ ،ﺩﺱ ﺑﺎﺭﮦ ﻣﺸﻌﻠﻮﮞ ﮐﯽ ﺭﻭﺷﻨﯽ ﻣﯿﮟ ﻟﻮﮔﻮﮞ ﮐﻮ ﺣﺴﻦ ﺑﻦ ﺻﺒﺎﺡ ﮐﺎ ﭼﮩﺮﮦ ﺻﺎﻑ ﺩﮐﮭﺎﺋﯽ ﺩﮮ ﺭﮨﺎ ﺗﮭﺎ۔
ﻣﯿﮟ ﺁﮔﯿﺎ ﮨﻮﮞ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﺑﻠﻨﺪ ﺁﻭﺍﺯ ﺳﮯ ﮐﮩﺎ۔۔۔ ﺍﻟﻠﮧ ﺳﮯ ﯾﮧ ﻭﻋﺪﮦ ﻟﮯ ﮐﺮ ﺁﯾﺎ ﮨﻮﮞ ﮐﮧ ﺍﻥ ﻣﺴﻠﻤﺎﻧﻮﮞ ﮐﻮ ﺟﻮ ﻣﯿﺮﮮ ﺩﺍﺋﺮﮮ ﻣﯿﮟ ﺁ ﺟﺎﺋﯿﮟ ﮔﮯ ﺩﻧﯿﺎ ﻣﯿﮟ ﮨﯽ ﺟﻨﺖ ﺩﮐﮭﺎ ﺩﯼ ﺟﺎﺋﮯ ﮔﯽ، ﻣﯿﮟ ﺗﻢ ﺳﺐ ﮐﮯ ﮔﻨﺎﮦ ﺑﺨﺸﻮﺍ ﺁﯾﺎ ﮨﻮﮞ۔
ﺍﮮ ﺍﻟﻠﮧ ﮐﯽ ﻃﺮﻑ ﺳﮯ ﺁﻧﮯ ﻭﺍﻟﮯ۔۔۔ ﻟﻮﮔﻮﮞ ﻣﯿﮟ ﺳﮯ ﺍﯾﮏ ﻧﮯ ﭘﻮﭼﮭﺎ ۔۔۔ﮨﻢ ﺗﺠﮭﮯ ﺍﻣﺎﻡ ﮐﮩﯿﮟ،،، ﻧﺒﯽ ﮐﮩﯿﮟ۔
ﻣﯿﮟ ﺗﻢ ﻣﯿﮟ ﺳﮯ ﮨﻮﮞ۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ۔۔۔ ﻣﺠﮭﮯ ﺟﻮ ﮐﮩﻨﺎ ﭼﺎﮨﺘﮯ ﮨﻮ ﮐﮩﮧ ﻟﻮ ،ﯾﮧ ﺳﻮﭺ ﻟﻮ ﮐﮧ ﻣﯿﺮﮮ ﺭﺍﺳﺘﮯ ﭘﺮ ﭼﻠﻮ ﮔﮯ ﺗﻮ ﺭﻧﺞ ﻭ ﺁﻻﻡ ﺳﮯ ،ﻣﺸﮑﻼﺕ ﺍﻭﺭ ﻣﺼﺎﺋﺐ ﺳﮯ، ﺗﻨﮕﺪﺳﺘﯽ ﺍﻭﺭ ﺑﯿﻤﺎﺭﯼ ﺳﮯ، ﻣﺤﻔﻮﻅ ﺭﮨﻮ ﮔﮯ ،ﺷﯿﻄﺎﻥ ﺳﮯ ﺍﻭﺭ ﺟﻨﺎﺕ ﺳﮯ ﻣﺤﻔﻮﻅ ﺭﮨﻮ ﮔﮯ۔
ﮨﻢ ﻧﮯ ﺗﺠﮭﮯ ﻣﺎﻥ ﻟﯿﺎ ﮨﮯ۔۔۔ ﺍﯾﮏ ﺁﺩﻣﯽ ﺑﻮﻻ۔۔۔ ﺍﻣﺎﻡ ﺑﮭﯽ، ﻧﺒﯽ ﺑﮭﯽ، ﮐﻮﺋﯽ ﻣﻌﺠﺰﮦ ﺩﮐﮭﺎ۔
ﻟﻮﮔﻮﮞ ﮐﮯ ﮨﺠﻮﻡ ﭘﺮ ﺍﯾﺴﺎ ﺳﻨﺎﭨﺎ ﻃﺎﺭﯼ ﺗﮭﺎ ﺟﯿﺴﮯ ﻭﮨﺎﮞ ﮐﻮﺋﯽ ﺍﯾﮏ ﺑﮭﯽ ﺍﻧﺴﺎﻥ ﻧﮧ ﮨﻮ ،ﯾﮧ ﺗﻘﺪﺱ ﺍﻭﺭ ﻋﻘﯿﺪﺕ ﻣﻨﺪﯼ ﮐﯽ ﺍﻧﺘﮩﺎ ﺗﮭﯽ ﮐﮧ ﻟﻮﮒ ﺟﯿﺴﮯ ﺍﭘﻨﯽ ﺳﺎﻧﺴﻮﮞ ﮐﻮ ﺑﮭﯽ ﺭﻭﮐﻨﮯ ﮐﯽ ﮐﻮﺷﺶ ﮐﺮ ﺭﮨﮯ ﮨﻮﮞ ﮐﮧ ﺍﻣﺎﻡ ﻧﺎﺭﺍﺽ ﮨﻮ ﺟﺎﺋﮯ ﮔﺎ ،ﺍﻥ ﮐﮯ ﮐﺎﻧﻮﮞ ﻣﯿﮟ ﺟﺐ ﮐﺴﯽ ﮐﯽ ﺁﻭﺍﺯ ﭘﮍﯼ ﮐﮯ ﮐﻮﺋﯽ ﻣﻌﺠﺰﮦ ﺩﮐﮭﺎ ﺗﻮ ﺳﻨﺎﭨﺎ ﺍﻭﺭ ﮔﮩﺮﺍ ﮨﻮ ﮔﯿﺎ۔
ﮐﯿﺎ ﯾﮧ ﻣﻌﺠﺰﮦ ﻧﮩﯿﮟ ﺟﻮ ﺗﻢ ﻧﮯ ﺩﯾﮑﮭﺎ ﮨﮯ؟۔۔۔ ﺣﺴﻦ ﺑﻦ ﺻﺒﺎﺡ ﻧﮯ ﮐﮩﺎ۔۔۔ ﺍﻟﻠﮧ ﻧﮯ ﻣﺠﮭﮯ ﺟﻨﺖ ﮐﮯ ﺑﺎﺩﻟﻮﮞ ﮐﮯ ﺍﯾﮏ ﭨﮑﮍﮮ ﭘﺮ ﺳﻮﺍﺭ ﮐﺮ ﮐﮯ ﺯﻣﯿﻦ ﭘﺮ ﺍﺗﺎﺭﺍ ﮨﮯ، ﮐﯿﺎ ﺗﻢ ﻧﮯ ﺩﯾﮑﮭﺎ ﻧﮩﯿﮟ ﮐﮧ ﯾﮧ ﺑﺎﺩﻝ ﻗﻮﺱ ﻭ ﻗﺰﺡ ﮐﮯ ﺭﻧﮕﻮﮞ ﺳﮯ ﺳﺠﺎ ﮨﻮﺍ ﺗﮭﺎ، ﻣﺠﮭﮯ ﺯﻣﯿﻦ ﭘﺮ ﺍﺗﺎﺭ ﮐﺮ ﺟﻨﺖ ﮐﺎ ﺑﺎﺩﻝ ﻭﺍﭘﺲ ﭼﻼ ﮔﯿﺎ ﮨﮯ۔
ﮨﻢ ﻧﮯ ﺩﯾﮑﮭﺎ ﮨﮯ ۔۔۔ﺑﮩﺖ ﺳﯽ ﺁﻭﺍﺯﯾﮟ ﺍﭨﮭﯿﮟ۔
ﺑﮯ ﺷﮏ ﮨﻢ ﻧﮯ ﺩﯾﮑﮭﺎ ﮨﮯ ﯾﺎ ﺍﻣﺎﻡ ۔۔۔ﺍﻭﺭ ﺑﮭﯽ ﺁﻭﺍﺯ ﺍﭨﮭﯿﮟ۔
ﺣﺴﻦ ﺑﻦ ﺻﺒﺎﺡ ﮐﻮ ﻣﺸﻌﻞ ﺑﺮﺩﺍﺭ ﭨﯿﮑﺮﯼ ﺳﮯ ﺍﺗﺎﺭ ﮐﺮ ﺍﺱ ﺧﯿﻤﮯ ﻣﯿﮟ ﻟﮯ ﮔﺌﮯ ﺟﻮ ﮐﭙﮍﮮ ﮐﯽ ﺩﯾﻮﺍﺭﻭﮞ ﺍﻭﺭ ﮐﭙﮍﮮ ﮐﯽ ﭼﮭﺖ ﮐﺎ ﺧﻮﺵ ﻧﻤﺎ ﮐﻤﺮﮦ ﺗﮭﺎ ،ﺍﺳﯽ ﺧﯿﻤﮯ ﻣﯿﮟ ﺍﺣﻤﺪ ﺑﻦ ﻋﻄﺎﺵ ﺳﮯ ﺍﺱ ﮐﯽ ﻣﻼﻗﺎﺕ ﮨﻮﺋﯽ ﺗﮭﯽ، ﺍﻭﺭ ﺷﺎﯾﺪ ﺍﺣﻤﺪ ﺑﻦ ﻋﻄﺎﺵ ﺍﺑﮭﯽ ﻭﮨﯿﮟ ﺗﮭﺎ۔
ﺯﯾﺎﺭﺕ ﮐﮯ ﻟﺌﮯ ﺁﺋﮯ ﮨﻮﺋﮯ ﮨﺠﻮﻡ ﻣﯿﮟ ﻣﺨﺘﻠﻒ ﻗﺒﯿﻠﻮﮞ ﮐﮯ ﺳﺮﺩﺍﺭ ﺍﻭﺭ ﺩﯾﮕﺮ ﺳﺮﮐﺮﺩﮦ ﺍﻓﺮﺍﺩ ﺑﮭﯽ ﺗﮭﮯ، ﺍﮔﻠﯽ ﺻﺒﺢ ﺍﻥ ﻟﻮﮔﻮﮞ ﻧﮯ ﺣﺴﻦ ﺑﻦ ﺻﺒﺎﺡ ﮐﯽ ﺑﯿﻌﺖ ﮐﺎ ﺳﻠﺴﻠﮧ ﺷﺮﻭﻉ ﮐﺮ ﺩﯾﺎ۔
========>* ۔ *<=========
ﺟﺎﺭﯼ ﮨﮯ ﺑﻘﯿﮧ ﻗﺴﻂ۔ 28 ۔ﻣﯿﮟ ﭘﮍﮬﯿﮟ
========>* ۔ *<=========
─━━━═•✵⊰✿⊱

Share: