Qaum Ke Naw-Jawano ke Liye Ek Bahen Ka Khas Paigham.
.jpg "Musalman Apne Bacche Ki achi tarbiyat kaise Kare?")
ﺁﭖ ﺧﻮﺩ ﻧﻮﭦ ﮐﺮﻟﯿﮟ ﮐﮧ ﺟﺐ ﮨﻢ ﮐﺴﯽ ﮔﮩﺮﮮ ﺳﻨﺠﯿﺪﮦ ﻣﻮﺿﻮﻉ ﭘﺮ ﮐﻮﺋﯽ ﭨﻮﯾﭧ ﮐﺮﺗﮯ ﮨﯿﮟ ﺗﻮ ﺍﺱ ﮐﮯ ﻧﯿﭽﮯ ﺩﯾﺌﮯ ﮔﺌﮯ ﮐﻤﻨﭩﺲ ﮐﺎ ﻣﻌﯿﺎﺭ ﮐﯿﺎ ﮨﻮﺗﺎ ﮨﮯ۔ ﺑﮩﺖ ﺗﻌﺮﯾﻒ ﮐﺮﻧﯽ ﮨﻮ ﺗﻮ ” ﻣﺎﺷﺎﺀﺍﻟﻠﮧ “ ، ” ﺍﻥ ﺷﺎﺀﺍﻟﻠﮧ “ ، ” ﺯﺑﺮﺩﺳﺖ “ ، ” ﻭﺍﮦ ﺟﯽ ﻭﺍﮦ “ ، ﮐﮯ ﻋﻼﻭﮦ ﮐﻮﺋﯽ ﺳﻨﺠﯿﺪﮦ ﺗﺒﺼﺮﮦ ﻧﮩﯿﮟ ﮨﻮﺗﺎ۔
ﺍﺭﺩﻭ ﺍﻭﺭ ﺍﻧﮕﺮﯾﺰﯼ ﺯﺑﺎﻧﻮﮞ ﮐﺎ ﻣﻌﯿﺎﺭ ﺍﺱ ﻗﺪﺭ ﭘﺴﺖ ﮨﻮﺗﺎ ﮨﮯ ﮐﮧ ﺧﻮﻑ ﺁﺗﺎ ﮨﮯ ﻗﻮﻡ ﮐﮯ ﻣﺴﺘﻘﺒﻞ ﭘﺮ۔
ﭘﮍﮬﮯ ﻟﮑﮭﮯ ﻧﻮﺟﻮﺍﻧﻮﮞ ﮐﺎ ﺣﺎﻝ ﯾﮧ ﮨﮯ ﮐﮧ ﺍﻧﮕﺮﯾﺰﯼ ﺯﺑﺎﻥ ﻣﯿﮟ ﮐﻮﺋﯽ ﺳﻨﺠﯿﺪﮦ ﺗﺒﺼﺮﮦ ﻧﮩﯿﮟ ﮐﺮﺳﮑﺘﮯ۔ ﺍﻧﮕﺮﯾﺰﯼ ﻣﯿﮟ ﺍﺭﺩﻭ ﺍﺱ ﻟﯿﮯ ﻟﮑﮭﺘﮯ ﮨﯿﮟ ﮐﮧ ﺩﻣﺎﻍ ﺍﺭﺩﻭ ﻣﯿﮟ ﺳﻮﭼﺘﺎ ﮨﮯ، ﮨﺎﺗﮫ ﺍﺭﺩﻭ ﻣﯿﮟ ﭨﺎﺋﭗ ﻧﮩﯿﮟ ﮐﺮﺳﮑﺘﮯ، ﺍﻧﮕﺮﯾﺰﯼ ﺁﺗﯽ ﻧﮩﯿﮟ ﮨﮯ، ﻟﮩﺬﺍ ﺁﺧﺮﯼ ﺁﺳﺮﺍ ﭘﮭﺮ ﺭﻭﻣﻦ ﺍﺭﺩﻭ ﮐﺎ ﮨﯽ ﺭﮦ ﺟﺎﺗﺎ ﮨﮯ ﮐﮧ ﺟﻮ ﻭﯾﺴﮯ ﮨﯽ ﺍﺭﺩﻭ ﺯﺑﺎﻥ ﮐﺎ ﻗﺘﻞ ﮨﮯ۔
ﺑﭽﻮ ! ﺧﺪﺍ ﮐﮯ ﻭﺍﺳﻄﮯ ﺍﭘﻨﯽ ﺯﺑﺎﻧﯿﮟ ﺑﮩﺘﺮ ﮐﺮﻭ۔ ﮐﻢ ﺍﺯ ﮐﻢ ﺍﺭﺩﻭ ﺍﻭﺭ ﺍﻧﮕﺮﯾﺰﯼ ﻣﯿﮟ ﺗﻮ ﮐﻮ ﺍﺱ ﻗﺪﺭ ﻣﺎﮨﺮ ﮨﻮﻧﺎ ﭼﺎﮨﯿﮯ ﮐﮧ ﺩﻭﻧﻮﮞ ﺯﺑﺎﻧﻮﮞ ﻣﯿﮟ ﮔﻔﺘﮕﻮ ﮨﻮ ﯾﺎ ﺗﺤﺮﯾﺮ، ﺗﻢ ﮐﻢ ﺍﺯ ﮐﻢ ﺍﻋﻠﯽٰ ﺩﺭﺟﮯ ﺗﮏ ﺍﭘﻨﯽ ﻓﮑﺮ ﻭ ﺳﻮﭺ ﮐﻮ ﺑﯿﺎﻥ ﺗﻮ ﮐﺮﺳﮑﻮ۔ ﺑﯽ ﺍﮮ ﺍﻭﺭ ﺍﯾﻢ ﺍﮮ ﮐﯽ ﮈﮔﺮﯾﻮﮞ ﮐﺎ ﮐﯿﺎ ﻓﺎﺋﺪﮦ ﺍﮔﺮ ﺍﯾﮏ ﺯﺑﺎﻥ ﺑﮭﯽ ﺳﻠﯿﻘﮯ ﺳﮯ ﻧﮧ ﺑﻮﻝ ﺳﮑﻮ ﺗﻮ۔
ﺩﻭﺳﺮﯼ ﺟﺎﻧﺐ ﺗﺎﺭﯾﺦ ﺍﻭﺭ ﺟﻐﺮﺍﻓﯿﮯ ﮐﮯ ﻋﻠﻢ ﮐﯽ ﺣﺎﻟﺖ ﺑﮭﯽ ﺷﺮﻣﻨﺎﮎ ﮨﮯ۔ ﮨﻤﺎﺭﮮ ﺍﺱ ﺻﻔﺤﮯ ﭘﺮ ﺍ ﮐﺜﺮ ﻣﻮﺿﻮﻋﺎﺕ ﮐﺎ ﺗﻌﻠﻖ ﮨﯽ ﺳﯿﺎﺳﺖ، ﺗﺎﺭﯾﺦ ﺍﻭﺭ ﺟﻐﺮﺍﻓﯿﮯ ﺳﮯ ﮨﻮﺗﺎ ﮨﮯ، ﺍﻭﺭ ﺍﻥ ﻋﻠﻮﻡ ﻣﯿﮟ ﺍﻧﺘﮩﺎﺋﯽ ﮐﻤﺰﻭﺭﯼ ﮐﮯ ﺑﺎﻋﺚ ﻧﮧ ﺗﻮ ﮨﻤﺎﺭﯼ ﺑﺎﺕ ﮐﻮ ﺳﻤﺠﮭﺎ ﺟﺎﺗﺎ ﮨﮯ ﺍﻭﺭ ﻧﮧ ﮨﯽ ﮐﻮﺋﯽ ﺳﻨﺠﯿﺪﮦ ﺭﺍﺋﮯ ﺩﯼ ﺟﺎﺳﮑﺘﯽ ﮨﮯ۔ ﻧﺘﯿﺠﮧ ﺻﺮﻑ ﺑﭽﮕﺎﻧﮧ ﺷﻮﺭ ﺷﺮﺍﺑﮯ ﻣﯿﮟ ﻧﮑﻠﺘﺎ ﮨﮯ۔
ﺧﻮﺩ ﺳﻮﭼﯿﮟ ﺍﻭﺭ ﻏﻮﺭ ﮐﺮﯾﮟ۔ ﺁﭖ ﻧﮯ ﭘﭽﮭﻠﮯ ﺍﯾﮏ ﺳﺎﻝ ﻣﯿﮟ ﮐﺘﻨﯽ ﮐﺘﺎﺑﯿﮟ ﭘﮍﮬﯽ ﮨﯿﮟ؟ ﺁﭖ ﮐﮯ ﻋﻠﻢ ﺣﺎﺻﻞ ﮐﺮﻧﮯ ﮐﺎ ﺫﺭﯾﻌﮧ ﮐﯿﺎ ﮨﮯ؟ ﮐﯿﺎ ﺁﭖ ﺍﭼﮭﮯ ﺍﺳﺎﺗﺬﮦ ﺳﮯ ﻋﻠﻢ ﺳﯿﮑﮫ ﺭﮨﮯ ﮨﯿﮟ ﯾﺎ ﺍﭼﮭﯽ ﮐﺘﺎﺑﻮﮞ ﺳﮯ ﻋﻠﻢ ﺳﯿﮑﮫ ﺭﮨﮯ ﮨﯿﮟ ﯾﺎ ﺁﭖ ﮐﮯ ﻋﻠﻢ ﮐﺎ ﺫﺭﯾﻌﮧ ﺻﺮﻑ ﻣﯿﮉﯾﺎ ﺍﻭﺭ ﺳﻮﺷﻞ ﻣﯿﮉﯾﺎ ﮐﺎ ﻓﺴﺎﺩ ﮨﮯ ﮐﮧ ﺟﺲ ﻣﯿﮟ ﺳﭻ ﺍﻭﺭ ﺟﮭﻮﭦ ﮐﯽ ﮐﻮﺋﯽ ﺗﻤﯿﺰ ﻧﮩﯿﮟ ﮨﮯ؟
ﯾﺎﺩ ﺭﮐﮭﯿﮟ ! ﺍﻟﻠﮧ ﭘﺎﮐﺴﺘﺎﻥ ﮐﯽ ﮈﯾﻮﭨﯽ ﺑﯿﻮﻗﻮﻓﻮﮞ، ﺟﺎﮨﻠﻮﮞ ﺍﻭﺭ ﺍﺣﻤﻘﻮﮞ ﺳﮯ ﻧﮩﯿﮟ ﻟﮯ ﮔﺎ۔ ﺍﯾﮏ ﻋﺎﻡ ﮐﻤﭙﻨﯽ ﺑﮭﯽ ﺟﺐ ﻣﻨﯿﺠﺮ ﺭﮐﮭﺘﯽ ﮨﮯ ﺗﻮ ﺍﺱ ﮐﯽ ﭘﻮﺭﯼ ﻗﺎﺑﻠﯿﺖ ﮐﻮ ﭼﮭﺎﻥ ﺑﯿﻦ ﮐﺮﮐﮯ ﺫﻣﮧ ﺩﺍﺭﯼ ﺩﯾﺘﯽ ﮨﮯ۔ ﯾﮧ ﭘﺎﮐﺴﺘﺎﻥ ﺗﻮ ﺍﻟﻠﮧ ﺍﻭﺭ ﺍﺳﮑﮯ ﺭﺳﻮﻝﷺ ﮐﯽ ﺍﻣﺎﻧﺖ ﮨﮯ، ﻭﮦ ﺍﺱ ﮐﯽ ﮈﯾﻮﭨﯽ ﮐﻮ ﮐﺴﯽ ﻧﺘﮭﻮ ﺧﯿﺮﮮ ﮐﻮ ﻧﮩﯿﮟ ﺩﯾﻨﮕﮯ۔
ﺍﭘﻨﮯ ﺁﭖ ﮐﻮ ﺍﺱ ﻗﺎﺑﻞ ﺑﻨﺎﺋﯿﮟ ﮐﮧ ﺍﻟﻠﮧ ﺗﻌﺎﻟﯽٰ ﺁﭖ ﮐﻮ ﺍﭘﻨﮯ ﺩﯾﻦ ﺍﻭﺭ ﭘﺎﮎ ﺳﺮﺯﻣﯿﻦ ﮐﯽ ﺧﺪﻣﺖ ﮐﯿﻠﺌﮯ ﻗﺒﻮﻝ ﮐﺮﻟﮯ۔ ﺧﻮﺩﯼ ﮐﻮ ﺍﺗﻨﺎ ﺑﻠﻨﺪ ﮐﺮﯾﮟ ﮐﮧ ﺧﺪﺍ ﺧﻮﺩ ﺑﻨﺪﮮ ﺳﮯ ﭘﻮﭼﮭﮯ ﮐﮧ ﺑﺘﺎ ﺗﯿﺮﯼ ﺭﺿﺎ ﮐﯿﺎ ﮨﮯ۔
ﺍﻟﻠﮧ ﺍﭘﻨﮯ ﺩﯾﻦ ﮐﺎ ﮐﺎﻡ ﺷﯿﺮﻭﮞ ﺍﻭﺭ ﺩﻟﯿﺮﻭﮞ ﺳﮯ ﻟﮯ ﮔﺎ ﺍﻭﺭ ﯾﺎﺩ ﺭﮐﮭﯿﮟ ﮐﮧ ﻣﻮﻣﻦ ﮐﺒﮭﯽ ﺍﺣﻤﻖ ﺍﻭﺭ ﺑﯿﻮﻗﻮﻑ ﻧﮩﯿﮟ ﮨﻮﺗﺎ۔ ﺍﺱ ﮐﯽ ﻓﺮﺍﺳﺖ ﺳﮯ ﺑﭽﻨﮯ ﮐﺎ ﺣﮑﻢ ﮨﮯ ﮐﮧ ﻭﮦ ﺍﻟﻠﮧ ﮐﮯ ﻧﻮﺭ ﺳﮯ ﺩﯾﮑﮭﺘﺎ ﮨﮯ۔۔۔ !
ﻋﻠﻢ ﺣﺎﺻﻞ ﮐﺮﻧﮯ ﮐﺎ ﺳﺐ ﺳﮯ ﺍﮨﻢ ﺗﺮﯾﻦ ﺭﺍﺯ ﺑﺎﺍﺩﺏ ﮨﻮﻧﺎ ﮨﮯ ﮐﮧ ﺍﺩﺏ ﭘﮩﻼ ﻗﺮﯾﻨﮧ ﮨﮯ ﻣﺤﺒﺖ ﮐﮯ ﻗﺮﯾﻨﻮﮞ ﻣﯿﮟ۔
ﺑﺎ ﺍﺩﺏ ﮨﯽ ﺑﺎﻧﺼﯿﺐ ﮨﻮﺗﺎ ﮨﮯ ﺍﻭﺭ ﺑﮯ ﺍﺩﺏ ﮨﯽ ﺑﺪﻧﺼﯿﺐ ﮨﻮﺗﺎ ﮨﮯ۔
ﺟﻮ ﺑﮍﻭﮞ ﮐﺎ ﺍﺩﺏ ﻧﮧ ﮐﺮﮮ، ﺟﻮ ﮔﺴﺘﺎﺥ ﺍﻭﺭ ﻣﻨﮧ ﭘﮭﭧ ﮨﻮ، ﻭﮦ ﭼﺎﮨﮯ ﮐﺘﻨﯽ ﮨﯽ ﮈﮔﺮﯾﺎﮞ ﮐﯿﻮﮞ ﻧﮧ ﮐﻤﺎ ﻟﮯ، ﺟﺎﮨﻞ ﺍﻭﺭ ﺑﺪﻧﺼﯿﺐ ﮨﯽ ﺭﮨﮯ ﮔﺎ۔
No comments:
Post a Comment