Kya Baap ke Saali se Bete ka Nikah ho sakta hai, Koi Ladka Khala se nikah kar sakta hai?

Kya koi Ladka apne walid ki Sali se shadi kar Sakta hai?
Kya Baap ki Saali se Bete ka Nikah jayez hai?

Shama Khalid
السلام عليكم ورحمة الله وبركاته
سسٹر کسی نہ سوال پوچھا ہے کہ باپ کی شادی جہاں ہوٸی ہے۔۔۔۔اسی کے بیٹے کا نکاح یعنی باپ کی سالی سے جاٸز ہے یا نہیں۔ مطلب باپ بیٹے کی ساس ایک ہی ہو!!

۔.............................................................

وَعَلَيْكُمُ السَّلاَمُ وَرَحْمَةُ اللهِ وَبَرَكَاتُهُ معزز و مکرم اختی ۔۔۔۔

آپ نے سوال میں یہ نہیں بتایا اختی کہ باپ اور بیٹے کا نسبی رشتہ کون سا ہے ، بیٹا علاتی ہے ، اخیافی ہے یا عینی ہے ؟

واضح ہو کہ ماں باپ یا دونوں میں سے کسی ایک سے تعلق رکھنے والے بہن بھائی نسبی بہن بھائی کہلاتے ہیں ۔ نسبی بہن بھائی تین ہیں.

١- اخیافی
٢- عینی
٣- علاتی

1- اخیافی بہن بھائیوں کی ماں ایک ہوتی ہے لیکن باپ دوسرا ہوتا ہے ۔
2- عینی بہن بھائی ایک ہی ماں اور ایک ہی باپ کے سگے بہن بھائی ہوتے ہیں ۔
3- علاتی بہن بھائیوں کا باپ ایک ہوگا مگر ماں دوسری ہوگی ۔

اگر تو سوال میں مذکور بیٹا عینی یا اخیافی بیٹا ہے تو ان دونوں صورتوں میں باپ کی سالی اس بیٹے کی ماں کی بہن اور اس کی خالہ ہے ، اور ازروئے شریعئت خالہ محرم ہوتی ہے ، خالہ سے نکاح جائز نہیں ۔

بصورتِ دیگر اگر بیٹا علاتی ہے اور باپ کا سالی سے مزید کوئی دوسرا رکاوٹی رشتہ نہیں ہے تو پھر باپ کا اس علاتی بیٹے کا جس کی ماں دوسری ہو ، اپنی سالی سے نکاح کرانا جائز ہوگا ۔

نوٹ : درج بالا تفصیل کو بغور پڑھا جائے ۔۔۔۔
فقط واللہ تعالیٰ اعلم بالصواب

Share: