Aaj kal Muslim Ladkiya Parda aur Hijab se kyu nafrat kar rahi hai?

Musalaman Ladkiyo ka Parda karne se Bagawat.

Muslim Khawateen Parde ko kyu napasand kar rahi hai?

¤...... #ﭘﺮﺩﮦ ......¤
ﺟﺐ ﻣﺴﻠﻤﺎﻥ ﺑﮩﻨﻮﮞ ﮐﻮ ﭘﺮﺩﮮ ﮐﮯ ﺑﺎﺭﮮ ﻣﯿﮟ ﮐﮩﺎ ﺟﺎﺋﮯ ﺗﻮ ﮐﮩﺘﯽ ﮨﯿﮟ ﮐﮧ ﭘﺮﺩﮦ ﮐﺮﻧﺎ ﺿﺮﻭﺭﯼ ﺗﻮ ﻧﮩﯿﮟ ﮨﮯ۔ ﭘﺮﺩﮦ ﺗﻮ ﺩﻝ ﮐﺎ ﮨﻮﺗﺎ ﮨﮯ۔ ﺍﻧﺴﺎﻥ ﮐﯽ ﺁﻧﮑﮭﻮﮞ ﻣﯿﮟ ﺣﯿﺎ ﮨﻮ ، ﻧﯿﺖ ﺻﺎﻑ ﮨﻮ ، ﺗﻮ ﮐﻮﺋﯽ ﮐﭽﮫ ﮐﮩﮧ ﮨﯽ ﻧﮩﯿﮟ ﺳﮑﺘﺎ۔

ﺟﺐ ﺍﯾﺴﯽ ﺑﺎﺗﯿﮟ ﺳﻨﺘﯽ ﮨﻮﮞ ﺗﻮ ﺑﮩﺖ ﺩﮐﮫ ﮨﻮﺗﺎ ﮨﮯ ۔ ﮐﯿﺎ ﮨﻤﺎﺭﯼ ﺍﻣﺎﮞ ﻋﺎﺋﺸﮧ ﺭﺿﯽ ﺍﻟﻠﮧ ﺗﻌﺎﻟﯽ ﻋﻨﮩﺎ ﺍﻭﺭ ﻓﺎﻃﻤﮧ ﺑﻨﺖ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﯽ ﺁﻧﮑﮭﻮﮞ ﻣﯿﮟ۔ ) ﻧﻌﻮﺫ ﺑﺎﺍﻟﻠﮧ ( ﺣﯿﺎ ﻧﮧ ﺗﮭﯽ۔ ﯾﺎ ﺍﻧﮑﯽ ﻧﯿﺘﯿﮟ ﺻﺎﻑ ﻧﮧ ﺗﮭﯽ ، ﯾﮩﯽ ﮨﺴﺘﯿﺎﮞ ﺗﻮ ﮨﻤﺎﺭﮮ ﻟﯿﮯ ﻧﻤﻮﻧﮧ ﻋﻤﻞ ﮨﯿﮟ۔ ¤

ﺣﺪﯾﺚ ِﻧﺒﻮﯼ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮨﮯ : ﺑﺪﻥ ﻣﯿﮟ ﺍﯾﮏ ﭨﮑﮍﺍ ﮨﮯ ﺍﮔﺮ ﻭﮦ ﺻﺤﯿﺢ ﮨﻮ ﺗﻮ ﺗﻤﺎﻡ ﺟﺴﻢ ﺻﺤﯿﺢ ﮨﻮﺟﺎﺗﺎ ﮨﮯ ﺍﻭﺭ ﻭﮦ ﺧﺮﺍﺏ ﮨﻮ ﺗﻮ ﺗﻤﺎﻡ ﺟﺴﻢ ﺧﺮﺍﺏ ﮨﻮﺟﺎﺗﺎ ﮨﮯ، ﺧﺒﺮﺩﺍﺭ ! ﻭﮦ ﺩﻝ ﮨﮯ۔ " ) ﺑﺨﺎﺭﯼ ﻭ ﻣﺴﻠﻢ (
ﯾﻌﻨﯽ ﺩﻝ ﻣﯿﮟ ﺟﻮ ﮐﭽﮫ ﮨﻮ۔ ﺍﺱ ﮐﺎ ﺍﺛﺮ ﺟﺴﻢ ﭘﺮ ﻣﺮﺗﺐ ﮨﻮﺗﺎ ﮨﮯ۔
ﺍﮔﺮ ﺩﻝ ﻣﯿﮟ ﭘﺮﺩﮦ ﮨﮯ ﺗﻮ ﭘﮭﺮ ﺍﺱ ﮐﻮ ﺑﺎﮨﺮ ﺑﮭﯽ ﻧﻈﺮ ﺁﻧﺎ ﭼﺎﮨﺌﮯ۔ ﻭﺭﻧﮧ ﺁﭖ ﺍﭘﻨﮯ ﺩﻋﻮﯼٰ ﻣﯿﮟ ﺳﭽﯽ ﻧﮩﯿﮟ۔

ﺍﻭﺭ ﺑﻌﺾ ﮐﮩﺘﯽ ﮨﯿﮟ۔ ﮨﻢ ﺗﻮ ﭘﺮﺩﮦ ﮐﺮﻧﺎ ﭼﺎﮨﺘﯽ ﮨﯿﮟ ﻣﮕﺮ ﮔﮭﺮ ﻭﺍﻟﮯ ﺍﻭﺭ ﻭﺍﻟﺪﯾﻦ ﻧﮩﯿﮟ ﮐﺮﻧﮯ ﺩﯾﺘﮯ۔ ﺍﻭﺭ ﻭﺍﻟﺪﯾﻦ ﮐﯽ ﻧﺎﻓﺮﻣﺎﻧﯽ ﮐﺮﻧﺎ ﺑﮭﯽ ﮔﻨﺎﮦ ﮨﮯ۔ ﺗﻮ ﺟﺎﻥ ﻟﯿﺠﺌﮯ ﮐﮧ ﻭﺍﻟﺪﯾﻦ ﮐﯽ ﺍﻃﺎﻋﺖ ﮐﺮﻧﺎ ﺍﺱ ﻭﻗﺖ ﻭﺍﺟﺐ ﮨﮯ ﺟﺐ ﺍﻧﮑﯽ ﺑﺎﺕ ﺷﺮﻋﯽ ﺣﮑﻢ ﮐﮯ ﺧﻼﻑ ﻧﮧ ﮨﻮ۔ ﺍﮔﺮ ﺷﺮﻋﯽ ﺣﮑﻢ ﮐﮯ ﺧﻼﻑ ﮨﻮ ﺗﻮ ﺍﻥ ﮐﯽ ﺍﻃﺎﻋﺖ ﺑﮭﯽ ﺟﺎﺋﺰ ﻧﮩﯿﮟ ﮨﮯ ،

ﻣﺨﻠﻮﻕ ﮐﯽ ﺍﻃﺎﻋﺖ ﻣﯿﮟ ﺧﺎﻟﻖ ﮐﯽ ﻧﺎﻓﺮﻣﺎﻧﯽ ﺷﺮﻋﺎ ﻋﻘﻼ ﺍﻭﺭ ﻋﺮﻓﺎ ﮐﺴﯽ ﻃﺮﺡ ﺑﮭﯽ ﺻﺤﯿﺢ ﻧﮩﯿﮟ ﮨﮯ۔

ﺟﯿﺴﺎ ﮐﮧ ﺣﺪﯾﺚ ﻣﺒﺎﺭﮎ ﮨﮯ۔
ﻟَﺎ ﻃَﺎﻋَۃَ ﻟِﻤَﺨْﻠُﻮْﻕٍ ﻓِﯽْ ﻣَﻌﺼِﯿَۃِ ﺍﻟْﺨَﺎﻟِﻖِ
ﺍﻟﻠﮧ ﮐﯽ ﺗﺎﺑﻌﺪﺍﺭﯼ ﮐﮯ ﺧﻼﻑ ﮐﺴﯽ ﻣﺨﻠﻮﻕ ﮐﯽ ﺗﺎﺑﻌﺪﺍﺭﯼ ﻧﮧ ﮐﺮﻭ۔ ) ﺑﺨﺎﺭﯼ ﻭ ﻣﺴﻠﻢ (
ﺍﻭﺭ ﮐﭽﮫ ﺻﺮﻑ ﻣﻮﺳﻤﯽ ﭘﺮﺩﮦ ﮐﺮﺗﯽ ﮨﯿﮟ۔ ﺟﺐ ﺳﺮﺩﯼ ﮐﺎ ﻣﻮﺳﻢ ﮨﻮﺍ ﺗﻮ ﭘﺮﺩﮦ ﮐﺮ ﻟﯿﺎ ﺟﺐ ﮔﺮﻣﯽ ﺁﺋﯽ ﺗﻮ ﭼﮭﻮﮌ ﺩﯾﺎ ﮐﮧ ﮔﺮﻣﯽ ﻣﯿﮟ ﺣﺠﺎﺏ ﻧﮩﯿﮟ ﭘﮩﻨﺎ ﺟﺎﺗﺎ۔ ﺗﻮ ﻣﯿﺮﯼ ﺑﮩﻨﻮﮞ ﺍﻟﻠﮧ ﺗﻌﺎﻟﯽ ﮐﺎ ﯾﮧ ﻓﺮﻣﺎﻥ ﯾﺎﺩ ﺭﮐﮭﻨﺎ ﭼﺎﮨﯿﮯ ۔

¤ ﻗُﻞْ ﻧَﺎﺭُ ﺟَﮩَﻨَّﻢَ ﺍَﺷَﺪُّ ﺣَﺮَّﺍ۔ ﻟَﻮْﮐَﺎﻧُﻮْﺍ ﯾَﻔﻘَﮭُﻮْﻥَ ¤
ﮐﮩﮧ ﺩﯾﺠﺌﮯ ﮐﮧ ﺟﮩﻨﻢ ﮐﯽ ﺁﮒ ﺯﯾﺎﺩﮦ ﮔﺮﻡ ﮨﮯ۔ ﮐﺎﺵ ﻭﮦ ﺳﻤﺠﮫ ﻟﯿﺘﮯ۔

ﮨﻢ ﺳﮯ ﺩﻧﯿﺎ ﮐﯽ ﮔﺮﻣﯽ ﺑﺮﺩﺍﺷﺖ ﻧﮩﯿﮟ ﮨﻮﺗﯽ ﺗﻮ ﺟﮩﻨﻢ ﮐﯽ ﺁﮒ ﮐﯿﺴﮯ ﺑﺮﺩﺍﺷﺖ ﮐﺮﯾﮟ ﮔﯽ۔ ؟

ﺣﺪﯾﺚ ﻣﺒﺎﺭﮎ ﮨﮯ۔

ﺣُﺠِﺒَﺖِ ﺍﻟﻨَّﺎﺭُ ﺑِﺎﻟﺸَّﮭَﻮَﺍﺕِ ﻭَ ﺣُﺠِﺒَﺖِ ﺍﻟْﺠَﻨَّۃُ ﺑِﺎﺍﻟْﻤَﮑَﺎﺭِﮦِ ۔
ﺍﻭﺭ ﮐﭽﮫ ﺑﮩﻨﯿﮟ ﺍﺱ ﮈﺭ ﺳﮯ ﭘﺮﺩﮦ ﻧﮩﯿﮟ ﮐﺮﺗﯽ ﮐﮧ ﺑﻌﺪ ﻣﯿﮟ ﭼﮭﻮﮌ ﻧﮧ ﺩﻭﮞ۔ ﺍﮔﺮ ﯾﮩﯽ ﺳﻮﭺ ﮨﻮ ﺗﻮ ﮐﻮﺋﯽ ﺑﻨﺪﮦ ﺑﮭﯽ ﻧﯿﮑﯽ ﻧﮧ ﮐﺮﺳﮑﮯ ۔ ﻧﯿﮑﯽ ﮐﯽ ﺗﻮﻓﯿﻖ ﺍﻟﻠﮧ ﮐﯽ ﻃﺮﻑ ﺳﮯ ﻣﻠﺘﯽ ﮨﮯ۔ ﺍﺧﻼﺹ ﮐﮯ ﺳﺎﺗﮫ ﻋﻤﻞ ﮐﯿﺎ ﺟﺎﺋﮯ ﺍﻭﺭ ﺍﻟﻠﮧ ﺳﮯ ﺍﺳﺘﻘﺎﻣﺖ ﮐﯽ ﺩﻋﺎ ﮐﺮﺗﮯ ﺭﮨﯿﮟ ﺗﻮ ﺍﻟﻠﮧ ﺍﺳﺘﻘﺎﻣﺖ ﻋﻄﺎ ﻓﺮﻣﺎﺩﯾﺘﮯ ﮨﯿﮟ۔

ﺑﻌﺾ ﺑﮩﻨﻮﮞ ﮐﮯ ﭘﺮﺩﮦ ﻧﮧ ﮐﺮﻧﮯ ﮐﯽ ﻭﺟﮧ ﯾﮧ ﮨﻮﺗﯽ ﮨﮯ ﮐﮧ ﻭﺍﻟﺪﯾﻦ ﮐﮩﺘﮯ ﭘﺮﺩﮦ ﮐﺮﻭﮔﯽ ﺗﻮ ﮐﻮﺋﯽ ﺷﺎﺩﯼ ﻧﮩﯿﮟ ﮐﺮﮮ ﮔﺎ۔
ﺟﻮ ﻣﺮﺩ ﭘﺮﺩﮦ ﮐﯽ ﻭﺟﮧ ﺳﮯ ﺷﺎﺩﯼ ﻧﮩﯿﮟ ﮐﺮﯾﮕﺎ ﻭﮦ ﺍﻟﻠﮧ ﮐﮯ ﺍﺣﮑﺎﻣﺎﺕ ﮐﺎ ﭘﺎﺑﻨﺪ ﻧﮩﯿﮟ ﮨﻮﮔﺎ۔ ﺟﻮ ﺍﻟﻠﮧ ﮐﮯ ﺍﺣﮑﺎﻣﺎﺕ ﮐﺎ ﭘﺎﺑﻨﺪ ﻧﮩﯿﮟ ﻭﮦ ﺍﭼﮭﺎ ﺷﻮﮨﺮ ﺛﺎﺑﺖ ﻧﮩﯿﮟ ﮨﻮ ﺳﮑﺘﺎ۔

ﺟﺲ ﮔﮭﺮ ﮐﯽ ﺑﻨﯿﺎﺩ ﮔﻨﺎﮦ ﭘﺮ ﮨﻮ ﻭﮦ ﺩﻧﯿﺎ ﻭ ﺁﺧﺮﺕ ﮐﯽ ﺑﺮﺑﺎﺩﯼ ﺳﮯ ﺑﭻ ﻧﮩﯿﮟ ﺳﮑﺘﮯ۔ ﯾﮧ ﺳﺐ ﺷﯿﻄﺎﻧﯽ ﺧﯿﺎﻻﺕ ﮨﯿﮟ۔۔ ﺍﻟﻠﮧ ﻧﮯ ﻗﺮﺁﻥ ﻣﯿﮟ ﭘﺮﺩﮦ ﮐﺎ ﺣﮑﻢ ﺩﯾﺎ ﮨﮯ۔
¤ ﯾٰﺎَﯾُّﮭَﺎﺍﻟﻦَّﺑِﯽُّ ﻗُﻞ ﻟِّﺎَﺯْﻭَﺍﺟِﻚَ ﻭَﺑَﻨٰﺘِﻚَ ﻭَ ﻧِﺴَﺂﺀِ ﺍﻟْﻤُﺆْﻣِﻨِﯿﻦَ ﯾُﺪْﻧِﯿْﻦَ ﻋَﻠَﯿﮭِﻦَّ ﻣِﻦْ ﺟَﻠَﺎﺑِﯿﺒِﮭِﻦَّ ¤
ﺍﮮ۔ ﻧﺒﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺗﻢ ﺍﭘﻨﯽ ﺑﯿﻮﯾﻮﮞ ، ﺑﯿﭩﯿﻮﮞ ﺍﻭﺭ ﻣﺴﻠﻤﺎﻥ ﻋﻮﺭﺗﻮﮞ ﺳﮯ ﮐﮩﮧ ﺩﯾﺠﺌﮯ ﮐﮧ ﻭﮦ ﺍﭘﻨﯽ ﭼﺎﺩﺭﯾﮟ ﺍﭘﻨﮯ ﻣﻨﮧ ﭘﮧ ﺟﮭﮑﺎ ﻟﯿﺎ ﮐﺮﯾﮟ.

۔۔۔ ﺳﭽﮯ ﺍﯾﻤﺎﻥ ﮐﺎ ﺗﻘﺎﺿﺎ ﯾﮧ ﮨﮯ ﮐﮧ ﺟﺐ ﺍﻟﻠﮧ ﮐﺎ ﺣﮑﻢ ﺁﯾﺎ ﺗﻮ ۔ ¤ ﺳَﻤِﻌْﻨﺎَ ﻭَﺍَﻃَﻌْﻨَﺎ ¤ ﮐﮩﯿﮟ ﺍﻭﺭ ﺍﺱ ﭘﺮ ﻋﻤﻞ ﺑﮭﯽ ﮐﺮﯾﮟ ۔ ﻭﮔﺮﻧﮧ ﺯﺑﺎﻧﯽ ﺍِﻗﺮﺍﺭ ﮐﺴﯽ ﮐﺎﻡ ﮐﺎ ﻧﮩﯿﮟ۔

ﻧﯿﮑﯽ ﮐﯽ ﺗﻢ ﺗﺼﻮﯾﺮ ﮨﻮ، ﻋﻔﺖ ﮐﯽ ﺗﻢ ﺗﺪﺑﯿﺮ ﮨﻮ !
ﮨﻮ ﺩﯾﻦ ﮐﯽ ﺗﻢ ﭘﺎﺳﺒﺎﮞ،ﺍﯾﻤﺎﻥ ﺳﻼﻣﺖ ﺗﻢ ﺳﮯ ﮨﮯ.

Share: