Kabhi bhi Kisi Na Mehram Se Bat karne ki Galti Nahi kare Aur Larko se Hoshiyar Rahe.
Never Chat with Boys: This Is Not I Love You, it's I Need You.Larke, Larkiyo ko social media pe kaun kaun se Tarike Apnate hai Unki Zindagi Barbad Karne Ke Liye?
How Muslim girls should use social media wisely?
Islamic guidelines for social media use.
Muslim girls' online safety tips.
Islamic Perspective on Digital Conduct.
Social media etiquette for Muslim females.
Smart Social Media Habits for Muslim Girls.
Muslim Women: Safe & Ethical Social Media Use.
Digital Dignity: Social Media Tips for Muslim Women.
Faith & Filters: A Muslim Girl’s Guide to Social Media.
Muslim Girls Online: Navigating Social Media with Wisdom.
Conclusion: Balancing Faith and Technology.
 |
| Islamic guidelines: Smart Social Media Habits for Muslim Girls. |
"Agar Tum ALLAH Se Darnay Wali Ho Tou Baat Mein ‘Naram ‘ Andaaz Na Ikhtiyar Kro Ke Dil Ki Kharabi Mein Mubtala Koi Shakhs Laalach Mein Par Jaye.”
[ Sura-e-Ahzab: 32]
Meri islami baheno Aap sabse guzarish hai ke is Post ko zaroor Share karen is Post ke zariye hum wo Paigham dena chahte hain jo aksar hum ne apni zindagi me dekha or samjha mera maqsad sirf or sirf apni islami baheno ki islaah hai or hum insha ALLAH Aap sabke Saamne wo baate rakhenge jo har larke ke andar maujood hoti hai or wo kis tarah apni khwahish e nafsiyaat ko poora karne ke liye kaun kaun se tareeqe apnate hain or bholi bhali hamari bahno ki izzat Aabru se khelte hain or kisi bhi tarah ki larki ho islami ho nek ho ya jo bhi school College waali larkiya jo talima'at e deen se door hain jis tarah ki bhi larki hogi ye larke bhi usi andaaz me saamne pesh Aate hain or Aapke izzat o Aabroo ka mazak banate hain
or apni duniya or Aakhirat bhi barbaad karte hain or apni hi bholi bhali Muslim bahno ki bhi zindagi barbaad karte hain or gunaaho me mubtila karte hain
or ye bhool jate hain ke agar hum kisi ki beti ya behen ki izzat o waqar se khelenge to hamari bahene bhi mahfooz nahi rahengi.
»»»► Ay Shakhs Agar Tu AqalMand Hai Tu Is ko Jaan Le, Jo Zina/Burai Krta Hai Wo Apne GHAR Ki Taraf RASTA Deta Hai, Zina se tangdasti aati he.
Par baheno mera wada hai agar Aap sabne meri Aane waali post ko padh kar samajhne ki koshis ki to insha ALLAH Ta'ala Aap sabko ek bahut saaf Safaf raasta dikhayi dega or kabhi koi larka Aap ki izzat se nahi khel payega aur aisa bhi nahi hai ke sab larke ek jaise hote hai kyu ke islam wo Deen hai jo har buraayi se rokta hai or usse bachne ka bhi raasta farhaam karta jin larko ki tarbiyat acche mahaul me or deeni taleemaat ke saath hoti hai or unke dil me khauf e khuda hota hai wo in tama'am khwahish e nafsiyaat pe kaabu pa lete hain par iska Matlab ye nahi ke unme wo khatam ho jaati hai Her insaan ke ander Nafsiyati Khwahishaat hoti hai yah Fitrat hai insaan ki.
BALKE ALLAH OR RASOOL SALLALLAHU ALAIHI WA SALLAM KI MOHABBAT ki barkat se wo us par kaabu pa lete hain
par kuch aeise bhi hote hain jinki parwarish acche Mahaul me hui hoti hai acchi family se ta'aluk rakhte hain or ilm e deen bhi hasil kiya hota hai par dil me khauf e khuda aur Rasool sallallahu alaihi wa sallam ki mohabbat muqammal taur pe paida nahi hui hoti to wo aksar gunah ko jaante hue bhi karte hain aur kuch aise hain jinka deeni ta'aleem se koi ta'aluk hi nahi hota or school colleges ki padhayi me maharat hansil kiye hote hain
to mera maksad sirf wohi hai jo hamare RAB TA'ALA NE HUQUM DIYA aur Nabi ﷺ ke Ita'at karni hai.
Bahut Maazrat ke sath yeh post khas taur par un naadan ya bewaqoof ladkio ko khabardar (sawdhan) karne ke liye kar raha hu, jo kabhi kabhar Apne gharelu halaat se pareshan hoti hain aur jo bhi unse pyar se bate kare usko apna humdard samajh kar bharosa kar leti hai, aur apni nadani me galeez mardo (be-haya mard) ki hawas ka shikar ban jati hai, aaj kal net par bhi kayi bad-kirdar, aawara, aur ayyash fitrat log sirf ladkiya fasane, aur unki masoomiyat ka fayeda uthane k liye aate hai, unka ek khas tareeqa hota hai jispr amal kar ke woh ladkio ko bahut Aasani ke sath sheeshe me utar lete hai yani unhe apni jaal me fansa lete hai, kabhi Mazhab ka libada orh kr khud ko parsa (paak o saaf) sabit karne ki koshish karte hai toh kabhi bahut meetha, ba akhlak ban kr etmaad (bharosa) jeetne ki koshish karte hai, fir shuru ho jate hai Facebook inbox message,
Aaj ke naujawan ladke bholi bhali ladkiyo ko jaal me fasane me maharat hasil kar chuke hain. Aam taur par ladkiya tajrabakar nahi hoti or ladke har nayi ladki ko aisi chalaki se karib karte hain k aqal dang rah jati he. Agar ladki unko deendar nazar aati he to us se neki or Namaz ki baate shuru kar dete hain, us ladki ko kehte hain ke tumhari wajah se mere dil me nek banne ka shauk paida ho gaya hai, or bahut saari deeni bante bhi karne lag jate hain agar ladki ke andar hamdardi nazar aati he to uske samne apni pareshaniya sunana shuru kar dete hain.or Aeisi Aeisi bate batate hain ke ilm yaafta ladki bhi inki baato me Aane lagti hai or humdardi se baat karne par majboor ho jati hain Agar ladki garib hoti he to usko naukri dilwane ya apne pair par khada hone ka mashwara dete hain.
Agar ladki naaz nakhre wali ho to uski tarifo ke pul baandh dete hain Agar ladki nek parhezgaar hai to usse kahte hain Aap ki baato me paakeezgi jhalak ti hai Aap jaisi deendaar ladki to bahut kam hoti hain
or agar ladki dekhne me ya baat karne me sida sada mijaaz rakhti he or baato me bhi naram or seedha rawayya rakhti hai to usko kehte hain ke Aap me sadgi ka noor nazar aata he.Aap or tarah tarah ki tareefo ke pul baandhne lag jaate hain
Agar kuchh samajh me na aaye to kehte hain k mere dil me aap ka bada Ehteram or izzat he, aap ki sharafat mujhe achchhi lagi, garz koi na koi aisi baat karte hain jo us ladki ki dukhti rag hoti he. Jab ladki baat-chit karna shuru kar deti he to fir dhire dhire use shishe me utarna shuru kar dete hain.yaani apni baato ke jaal me fansana shuru kar dete hain or unki ye sabse pahli koshis hoti hai ke ladki ka mobile no Le liya jaye or Aakhir kaar inki ye koshis bhi kamyab ho jaati hai or ladki inki is dhoke or fareb me Apni barbadi ka pahla kadam rakh deti hai or inhe apna personal number de deti hai
Phir ye Aeisi cheeze yaad rakhna shuru kar dete hai jisse ke ladki ke dil me apni mohabbat paida kar sake jaise birthdate likh lete hai take use mubarakbad di ja sake, sms me aisi shayeriya likhte hain ke padhne wala dil tham ke reh jaye, kabhi kehte hain ke mujhe aap khate waqt yaad aayi, Namaz me yaad aayi agar che wo inki apni zina khor soch me hi doob ke yaad aayi ho. Agar ladki Namazi ho to kehte hain k mere liye duwa karna mujhe ap ki duwa ke qabul hone ka bada yaqin he.
Jo bhi post ki jaa rahi hai iska ta'aluk sirf social media se nahi hai real life me bhi ladke isi tarah se pesh Aate hain or bholi bhali ladkiyo ko apni ( Nafsani khwahishat )poori karne ke liye hi pyar mohabbat ke jaal me fansate hain
Ladkiyo ki ek sabse badi kamzori ye hoti hai ke unhe tareef e bahut pasand hoti hain or isi kamzori ka fayeda aksar ladke uthate hain ladko pe bharosa bhi bahut jald hi kar leti hain zara si kisi ladke ne deeni baate kya karli inko unpe Yakeen ho jata hai ye tak nahi sochti ke jo mujhse is tarah baat kar sakta hai wo kya or ladkiyon se nahi kar sakta
In ladko ka Maqsad sirf ye hi hota he ke wo ladki bhi koi baat kare fir baat se baat aage badhe. In sab hathkando se ladki hamse baat-chit kare, hansi mazak kare, apni persnal baate kare. Uske baad ladki ko yaqin dilate hain ke hum bhi gunahgaar nahi hain meri niyyat buri nahi he or bahut saari acchi or meethi meethi baate karte hai jiska unki life se door door ka rishta tak nahi hota jab ladki me koi sakht rawayya nahi paate to phir ye apni doosri khwahish zaahir karte hain or kahte hain ke meri hasrat hai ke Aap jaisi paakiza ladki ko ek baar dekhu bahut khwahish hai dil me
or agar ladki nek nahi hai to Aap jaisi khoobsurat ladki ko ek baar dekhne ki khwahish hai or tarah tarah ki baate karke ye apni chaal me kamyab ho hi jate hain
phir jab ladki in par bharosa kar leti hai or apni life ki kuch personal baate share karna shuru kar deti hai to ye uski ek baat pe spni chaar baate jhooti banawati share karte hain or isi tarah bahut si baate hona shuru ho jaati hain or Aakhir kaar wo waqt Aata hai jab ladka ladki se kahta hai ke mai bura nahi hoon mera dil saaf hai bohat par Aapki Mohabbat mere dil me paida ho gayi hai mujhe aap se pyar ho gaya he. Zaban se kehte hain I LOVE U magar Dil me kehte hain I NEED U (mujhe aap ki zarurat hai) agar ladki khamoshi ikhtiyar karti hai to ye dekhte hain ke ab ek kadam or Aage badhaya ja sakta he to us ladki ko apne jhute ishq ki dastan sunate hai, use apne khwab sunate hain ke aaj raat mene khwab me Aapko dekha Aapke saath ye baate ki wo baate ki or baate aisi batate hain ke jaise ladki ne khwab me nahi original me aisi baate ki ho
Is par bhi agar ladki kuchh na bole to phir deeni baato pe Aa jate Hai or us topic ko waiting list me daal dete hain or ye jaante hain ke agar ladki nek parhezgaar hai to usse kis tarah baat ki ja sakti hai
ye usse deeni topic pe hi baat karte phir kuch din tak acche banne ke liye acchi acchi deeni bate karte hain
or agar ladki nek nahi hoti hai to fir filmo or gaano ke baare me baat chit shuru kar dete hai, puchhte hain tumhe konsa gana pasand he mujhe to ye pasand he, tumhe kaunsi film pasand he mujhe to ye pasand hai.
Phir agar ye sab baate karne ke baad bhi ladki me koi sakhti waala andaaz nazar nahi aata to ye samajh jaate hain inki chaal kamyab ho gayi hai or ladki ab mere jhoote pyar ke jaal me fans chuki hai
Phir us ladki se kehte hain k mera dil chahta he ke aap ke pas beth kar aamne saamne ji bharke baate karu mere liye kuchh waqt nikalo.hum ek baar Aap se milna chahte hain Aap ko ek baar dekhna chahte hain sirf ek baar milenge phir kabhi nahi sirf ek baar meri ye khwahish poori kardo agar ladki tayyar ho jati hai to inki baato me hi iska farq nazar Aane lagta hai or phir is tarah ki baate karte hai
Garmi ke mosam me kehte hain ke thandi sadak ho or ham dono us par nange paaw chalte chalte thak jaye or usi par so jaye. Sardi k mosam me kehte hain ke ham ek charpayi par bethe baate karte rahe or hamare hath-pair kambal me lipte ho.
Agar ladki aisi baat bhi khushi se sun le to samajhte hain k manzil karib he. Fir us ladki se akele me milne ko kehte hain.
Or ladki jab ek baar milne ka mauka de deti hai or apni izzat or Aabroo ko khatre me daal deti hai to ab ye poori tarah se uske jaal me fans jaati hai ek mulakaat se hazaro zina ke raaste khul jaate hain
Phir ladka Thode din ke baad kehta hai ke gale mil lo, ek baar apni aankho ka bosa lene do fir kabhi aisa nahi karunga. Agar ijazat mile to har mulaqat me khulte jate hain or aakhir me zina kar bethte hain. Maqsad sirf ladki se apni (nafsani khwahishat) ko pura karna hota he. Lekin jis ladki se ek baar apni shahwat (khwahish) puri kar lete hain us se kabhi shadi ke liye tayyar nahi hote. Dil me ye hi baat hoti he ke jo ladki kunwari hote huwe mujhse jismani talluq rakh sakti he wo meri biwi ban gayi to dusro se jismani ta'alluk kyu nahi jodegi.
par ye baat agar ladkiya bhi samajhti ke jo ladka mere saath aise pesh Aa sakta hai wo or ladkiyo ke saath bhi aise hi kar rishta jod sakta hai par ye baat ladkiyo ko us waqt samajh Aati hai jab ye apni izzat o Aabroo or Apni zindagi kharab o barbaad kar chuki hoti hain
Ladke kabhi bhi ladki par poori tarah se bharosa nahi karte or hamesha unhe ye hi shaq hota hai ke agar ladki mujhse baat kar rahi hai to or kisi se bhi kar sakti hai inka maksad or soch sirf ye hi hoti hai ke kaunsa mujhe is ladki se shaadi karni hai par shadi ke jhoote waade is kadar karte hain aisi mohabbat dikhate hain ke ladki ko kabhi in par shak na ho or ye uska fayeda uthate rahe
yaad rakhe meri Muslim baheno Nikah se pahle ki Mohabbat kahin fayeda nahi pohanchati duniya me zilkat o ruswayi or Aakhirat me bhi, ek baar meri Muslim baheno apne Aaqa ki Mohabbat apni ummat se kitni hai bas itna soch len dil se to Aap kabhi in gunaho me mubtila hi na hongi insha ALLAH jo Aaqa maidan e mahshar me apni ummat ko bakshwane ke liye Apne Rab se hamari khataye muaaf kar wayenge
Ab Aage bolne ki zarurat Nahi hame kya hum is kaabil the jis kaabil hamare RAB TA'ALA ne banaya hame jis nabi sallallahu alaihi Wa sallam ke hum Ummati hain hamari shaan or pahchan kya honi chahiye ek baar zaroor gaur o fikar karen mere bhai baheno ye topic iska nahi hai ke Hum is topic pe kuch baat karen
Nikahse pahle ki Na'mehram seMohabbat sacchi ho ya jhooti sab Najayaz o haraam or jo ladka ladki shadi se pahle zina jaisa kabeera gunah kar bathte hain phir agar ye shadi karna bhi chahe to
Aam taur par aisi shadiya nahi hoti hain or agar ho bhi jaye to do reason ki wajah se talaq ho jati hai.
(1) shohar apni biwi ke baare me shakki ban jata he, yaha tak k agar ladki apne sage bhai se bhi muskura kar baat kar le to shohar ko shak hota he, agar ladki apne maayke jane ki ijazat mangti he to shohar mana kar deta he. Sochta he ke maike jakar kisi ke sath mil na jaye.
Ek talim yafta naujawan ki pasand ki shadi hui to wo office jate waqt ghar ko tala lagakar jata tha, kisi ne puchha ke ghar me biwi ko urgent zarurat pad sakti he. Aap use band kyu kar dete hain ? To usne jawab diya k jo ladki apne maa-baap se chhupa kar Muhabbat kar sakti he wo mujhse chhup kar kisi padoshi se Muhabbat kyu nahi kar sakti. Is se andaza lagana chahiye ke chhupi dosti karne wali ladkiya kis tarah apna bharosa kho bethti hain.
2) Shadi ke naakaam hone ki dusri wajah ye hoti he ke shadi se pehle ladka har baat me ladki ki tarif karta tha, uski har ulti ko sidhi kehta tha. Ab shadi ke baad haqiqat me wo husband ban kar rahta he, sahi ko sahi or galat ko galat kehta he. Ladki samajhti he ke pehle me achchhi thi ab kya huwa ke mujhme khamiya nazar aane lagi is tarah aapas me jhagde shuru ho jate hain. Kabhi aisa hota he ke ladka shadi to kar leta he par usko chhupi Muhabbat ki lat lag jati he. Fir wo dusri ladki se wahi pyar Muhabbat shuru kar deta he jis ki wajah se pehli shadi naakaam ho jati he, or isse sirf or sirf zindagi ladki ki hi barbaad or tabha hoti hai or agar bacche hue to baccho ki bhi
Halanki Kuchh Ladkiya Shadi K Baad Bhi khud ko Badal Leti Hai,
Zyada Tar ko Azdwazi Zindagi me Khushiya Nahi Milti ,Ek Aurat Phir Bhi Bardasht kar Leti Hai Ke Shadi Se Pahle Iske ke Shauhar Ka Kisi Larki ke Saath Mashuqa Hua ho Hatta k Shadi ke Baad Hue Mashuqa Yahan Tak ke Dusri Shadi ko BHI AURAT BARDASH KAR LETI HAI, LEKIN MARDO KI AISI FITRAT NAHI HOTI EK SHOHAR KABHI BHI YE BARDASH NAHI KARTA Ki USKI BIWI NE SHAADI SE PAHLE KISI SE ISHQ KIYA HO, YA PHIR KISI MARD SE ISKI DOSTI RAHI HO,
SHAADI K BAAD ITTEFAAQ SE SHOHAR KO ISKI BIWI KI FACEBOOK ACCOUNT Ya ISKE DOSTO Ke BAARE ME PATA CHALE TO USPER SHAQ KARNA SHURU KAR DETA HAI, AUR AISE MUAMLO ME NATIJA SIRF TALLAAQ HI HOTA HAI,
PICHLE KAYI SAALO ME TALAAQ Ke Beshumar WAQIYAAT SAMNE AAYE HAI, JAHAN SHAADI EK DUSRE KI PASAND YANI LOVE MARRIAGE THI,
SHAADI Ke KUCH MAHINO TAK SAB KUCH THIK THA LEKIN ISKE BAAD MOHABBAT NAFRATH ME BADAL GAYI,
AUR WO PHIR EK DUSRE SE ALAG HOGAYE, FILHAAL MUSLIM Muashera EK KHAASI Tadad AISE TALAAQ SHUDA KHAWATEEN KI HAI JINKI UMAR 19 ya 25 SAAL K DARMIYAAN HAI., FACEBOOK NE KAYI JAGAH PER SAHI ISTEMAAL KIYA HAI PROFESSIONAL KO EK DUSRE KO JODNE KA KAAM KIYA HAI,
LEKIN KUCH MUSLIM LADKE AUR LADKIYO NE APNE ISHQ BAAZI K LIYE ISTEMAAL KARKE KHUD KO APNE POORE KHAANDAN AUR SAARE MUSLIM SAMAJH KO RUSWA KAR RAHE HAI, KAASH YE NOUJAWAAN FACEBOOK Ke GHALAT ISTEMAAL Ke ASRAAT KO SAMAJH le.
AB BHI WAQT HAI LADKIYA YAA TO APNI FACEBOOK ACCOUNT KO DEACTIVATE HI KARDE YAA PHIR KAM SE KAM APNI TASVEER NIKAL DE,
Agar koi ladki is darr se apni pic tho nahi lagati magar masti ke irade se kisi aur ladki ki pic laga rahi hai tou ye bhi Gunah hai, agar uski wajah se woh ladki ki pic kisi ne galat irade se save karli aur badnami huwi tou usme woh ladki ko bhi gunah hoga jisne woh pic lagai thi, jab ki woh uski apni pic na thi
Aurat ka mana (matlab) chhupane ki chiz hai, chupane se murad khud aurat ki apni zimmedari nahi balke har sakhs ki zimmedari hai ki use chhupa kar rakhe, na ki zahir kare.
Sarkare Madina Sallalaho Alaihi Wasallam ne Irshad farmaya Aurat, Aurat hai yani chupane ki cheez hai . Jab wo nikalti hai tho use shaitan zhak kar dekhta hai. Yani use dekhna shaitani kaam hai..
[Tirmizi sharif, Jild 1, Baab 796, Safa 600, Hadees 1173]
aur woh aurat jho jaan bujh kar ye kaam karti hai aur apni pic logo ki Numayish ke liye rakh chodti hai unke liye ye hadeese mubaraka ibarat hai.
Allah ke Nabi ﷺ ne Irshad farmaya Jis gair Aurat ko jan buz kar dekha jaye aur jo aurat apne ko jan buz kar gair mardo ko dikhlaye us mard aur aurat par Allah ki la'anat......
[Mishkat sharif, Jild 2, Safa 77, Hadees 2991]
MERI MUSLIM BAHNO AGAR AAP FB USE KARNA HI CHAHTI HAIN TO CHAT KARNE SE KHUD KO PAAK KARLEN kyu KE GUNAAHO KI SHURUAAT YAHIN SE SHURU HOTI HAI OR DUNIYA OR AAKHRITAT DONO BARBAAD HO JAATI HAI AUR FACEBOOK PER POORI DUNIYA Ke SAAMNE ISHQ BAAZI NA KARE., OR APNI TANHAYI KO BHI PAAK KAREN.
YEHI FACEBOOK Ke ZARIYE DEEN KI BAATE SHARE KI JAATI HAI, HAME BahuT KHUSHI HOTI HAI JAB KOI HAMARI ISLAMI BAHEN SIRF DEEN KI BAATE SHARE KARTI HAI ISLAMIC GROUPS/PAGES Ke ZARIYE., QURAAN AUR AHADEESE MUBARAK KA PAIGHAM AAM KARTI HAI, UNKE LIYE BHI ek Acha Paigham HAI DHYAAN RAHE Ke FACEBOOK PER AAP JAB ISLAMI KNOWLEDGE SHARE KARTI HAI AGAR MAJBOORI Ke HALAT ME MARDO SE BAATH KARNA PADHE TO NARM GUFTUGU IQTIYAAR NA KARE.,
Quraan kahta hai ki majburi ke mauke par unse (yani gair mardo se) baat karni pad jaye to zara bhi naram Andaz me baat na kare ki koi kamzor dil mard dil me kuch khayal kar baithe. Aise me yehi hukm hai ki unse rukhe andaaz me hi baat kare ki jiski wajah se woh aurat ke narm andaz ki taraf raghib na ho aur rukhe andaaz ki wajah se dil me kuch khayal hi na kar paaye. Aalim ho hafiz mufti koi bhai hon agar na'mehram hain to shariyat ka kanoon sabke liye ek hi hai
(AL QUR'AN )
Agar Tum ALLAH Se Darnay Wali Ho Tou Baat Mein ‘ Naram ‘ Andaaz Na Ikhtiyar Kro Ke Dil Ki Kharabi Mein Mubtala Koi Shakhs Laalach Mein Par Jaye [ Sura-e-Ahzab : 32]
Jab Koi Ladki Ladke Ke Saath Kahin Tanhaayi Me milte Hain ya baat karte hain Toh Ladke Ke Mind Me Ye Baat Zaroor Aati Hai Ke "Jo Ladki apne Maa, baap, Apne Bahen Bhai Ki Izzat ki Paasdaari Nahin Kar Sakti Jinke Saath Khoon Ka Rishta hai, Toh Kya meri Izzat Karegi" Ladka Aisa Ladki Ko Date Par Toh Zaroor Le Jaayega, Magar Jab Shadi Ki baat Aayegi Toh Nek Aur Paakeeza Aurat Ko Hi Choose (PASAND) Karega, Isliye Apne Aapko Aisa Chand Na Banaao Jis par Har Kisi Ki Nazar Pade Balke Aisa Sooraj Banaao Jis par Nazar padhte Hi Jhuk Jaaye Allah Ne Beti Ko Rahmat Banaa kar Bheja hai, Ise Rahmat Bankar Rahna Chahiye Na Ke Zahmat..
Aakhir me itna hi kahunga k jo ladkiyaa apni izzat ki kadar o kimat janti hain wo lakho pareshaniyo ke hote huwe bhi gair mahram ki taraf baal barabar bhi mutawajjeh nahi hoti, naa hi unko karib aane ka mauka deti hain. Aisi aurto (ladkiyo) ko ALLAH ta'ala apne karib kar leta hai or apni marifat ka noor ataa farmata hai.
Dua hai Ya Rabbul Izzat Sab
Musalman Aurton Ko Achhi Beti,
Bahen, Biwi Aur Maa Banne Ki
Taufeeq ataa farma
Ladkiyo k sath friendship se dil me yahi baat hoti he k ladki se apni khwahish puri karo jitna arsaa daaw lag sake. Jab ladki majbur kare ke apni walida ko rishta lekar kyu nahi bhejte to bahane banate hain.
Agar Sadki Samajhdar hoti Hai to pichhe hatne lagti he, to use burayi ke liye majbur karte hain. Ladki ko kabhi kehte hain ke me goliyaa kha lunga, me pankhe se latak jaunga, me tumhare name khat likh kar chhat se kud jaunga.
Agar tum mujhe nahi mili to. Is tarah jitna waqt nikal sakta he nikalte hain, Agar ladki ke parents uska rishta kisi or jagah karna chahte hain to ladki ke samne udasi ki baate karte hain, ke me tumhare bagair zinda nahi rah sakunga, tum ne mera sukun chhin liya, tumhari wajah se mera padhai me dil nahi lagta is wajah se me fail ho gaya, agar tum mere sath shadi na karogi to me thik us waqt khud kushi karunga jab tumhari widayi hogi, yaad rakhna agar tumne mere sath shadi na ki to me tumhare hone wale khawind ko sab bata dunga, me tumhare khawind ko tumhare khat dikhaunga, tumhare photo dikhaunga, tumko talaq dilwakar rahunga, ab tum meri biwi ban kar hi zinda rah sakogi, Ladki bechari in jhuti makkaariyo se achchhe achchhe rishte thukra deti he, walidain ke samne zillat or ruswai bardasht karti he magar zid karti he k mera rishta fula ladke se hi kiya jaye warna mai khud kushi kar lungi, kahi chali jaungi.
Fir agar ladki us ladke se kehti he apni walida ko hamare ghar bhejo mere ghar wale haa kar denge. To ladka jab dekhta he ke ladki har taraf se kat kar mere liye farig ho gai to wo us se jinsi ta'alluqat (sharirik sambandh) bar qarar rakhta he magar walida ko bhejne ke baare me bahane karta he. Kabhi kehta he k fula kaam ki wajah se Ammi masroof hain, kabhi kehta he ke flaa baat paish aag gai to ghar me baat kaise karu samajh me nahi aata.
Jab ladki ziyada Majbur karti Hai to ladka keh deta he ke meri Ammi nahi manti, kya karu mere abbu nahi mante. Is tarah waqt guzar deta he. Ladki ko musibat me dal deta he. Wo na idhar ki rehti he na udhar ki, Aise mod par pahunch kar kuchh ladkiyaa khud kushi kar leti hain. Kuchh apni galati ko manne ke bajae namaz padhna chhod deti hain ke Allah ta'aala meri duwa kabul hi nahi karte. Galati aapni hoti he. Ladka us ladki se shahwat puri kar chuka hota he, ab wo ladki uski nazar me istimal kiye (...... )paper ki tarah hoti he, is wajah se wo ladki ko taalta rehta he or milna band kar deta he.
Meri Muslim baheno Nikah se pahle koi Mohabbat kitni hi kyu na sacchi ho wo kamyabi hansil nahi karti ..!!! Mohhabbat Aur Hawas ke Beech Mein Bahot Bada Farq Hota Hai.
Adab_E_Mohhabbat Mein Sabse Ziyada Ahmiyat Izzat Rakhti Hai. Jo Shaks"Aapki" Izzat Ka Khayal Nahi Rakhta Wo Kya Khaak Mohhabbat Karega???? Ye Mohhabbat Ki Kaunsi Qism Hai Jo Hotels ,Parks , Fb Aur Theatres Mein Parwaan Chadti Hai????
Ek Aurat Ko Izzat Dene Ka Ye Kaunsa Tariqa Hai Ke Uski Asmath daari (izzat) Pyar Ki Duhaayi Dekar Looti Jaye ??? Astagfirullah
Aur Sabse Badi Baat To Ye Hai K Mard Aisi Aurat Se Shadi Kabhi Nahi Karta Jo Aasani Se Hasil Hojaye Aur Maano Agar Shadi Kar Bhi Le To Wo Izzat Kabhi Nahi De Paata
Jo Ek Paarsa Shareek E Hayat Ki Honi Chahiye .
Ab Faisla Apke Hathon Mein Hai Aashiqi Kar Ke Apni Aur Apne Waldain (Maa Baap) Ki Izzat Ko Mitti Mein Milane Aur Zina karke Gunah E Kabira Ka Ba'es Banney Ki Qaayal Hai Aap Ya Phir Shariat ke Mutabiq Nikah Kar ke Kamiyab Azwaji Zindagi Baser karna Chahiye ????
ALLAH TA'ALA ne Na-Mehram se dosti yaari karne se mana kiya hai lekin aaj kal log bahut shouq se ladkiyon se dosti karte hai aur yaha tak ladkiyan bhi ladko se bohat shouq se dosti karti hai yeh shaitani kaam hai.
Shaitan chahta hai k log ALLAH ke khilaaf jaye lekin log phir bhi nahi samjhte
Al Qur'an:::::
Aur Uski Nishaniyon se Hai Ke Tumhare Liye Tumhari Hi Jins Se JODE banaye ke Unse Aaraam Paao Aur Tumhare Aapas Me MOHABBAT Aur Rehmat Rakkhi.
Besak Isme Nishaniyan Hai Dhyaan Karne Walon Ke Liye.
[ SURAH ROOM : 21 ]
ISLAM Nikaah Se Pehle Ishq Ki Is Liye Mazammat Karta Hai Ke Insaan Apni Saari Mohabbaten Us Ke Liye Bacha Kar Rakhe Jo Inka Asal Haq'dar Hai.
Shaadi Se Pehle Ki M0HABBAT Goya Is Tarah Hai Jaise AFTARI Se Pehle Koi AFTAAR Kar Le, AFTAAR Ka Maza Bhi Na Raha, Gunaah Ka Mustahiq Bhi Hua, Kaffare Ka Kharcha Bhi, aur Saza Bhi.
Jub Hum khud ke Liye Pak Daman Shareek-E-Safr ki Tamnna karte Hai To Hame khud Bhi Waisa Hi Banna Chahiye.. Think About It! Hadees Paak me hai:::: Hazrate Jabir RadiALLAH TA'ALA Anhu Bin Abdullah se riwayat hai k maine RasoolALLAH *Sallallahu Alaihi Wasallam* se Na'Mehram Auraton per achanak nazar pad jane k mutalliq hukm daryaft kiya to mujhe Rasool Pak *Sallallaho Alaihi Wasallam Ne hukm diya k fouran nazar hata loon.
Hamari bahne jo Fb per hai unme se kuch shayad aisi hi milenge ke ham fb per sirf deen Sikhne aur sikhane ke liye hai, magar afsos behad afsos kuch bahne deen ke 10 message share kare to 50 messsage behayi aur boori baatho ki karti hai hamare hi qoum ki ladkiya apna time pass karne fb per aate hai aur khud apni duniya aur aakhirat tabah wo barbaad ke saath saath dusro ko bhi iski taraf bulati hai. ALLAHU AKBAR … ALLAH ki panah Aur hamare ladke to ALLAH apna rahem wa karam farmaye inper Humne dekha hai kuch ladko ko apne fb id me saare k saare females hi add kiye hai, Agarche wo deen ki baath bhi kare to sirf ladkio ko share karte aur ladkio ke comment hi Like karte, Hamari bholi bhaali islami bahne unka maqsad nahi samajhti unka aim nahi samajhti unke dikhawe ki buniyaad per unse ghul mil jaati hai,
( Kuchh Ladkiyan Thori Baaton me hi Na Mehram ko Apna Khair-Khawah Samjh ne Lagti Hai, Aur Baten karne Lagti hai, )
Woh NALAYAK LADKON (Boys) Aur LADKIYON (Girls) Ko Kya Qur'an Ka Faisalaa Pata Nahi hai ? ? ?
Al QUR'AN:::::
Gandi (Dirty women) Gandon (Dirty men) ke Liye aur gande gandiyo ke Liye aur Pak Daman Auratein (Clean women) Pak Daman mardo (Clean men) ke Liye.
[ S.NOOR(24) :26 ]
Nabi e karim ﷺ ne Farmaya
"Dusro Ki Aurton Se Door Raho, Tumhari Aurtein Bhi Paak Daaman Rahegi"
[ Mustadrak,Hadis No. 7258 ]
Aei Shakhs Agar Tu Aqal Mand Hai Tu Is ko Jaan Le,
Jo Zina/Burai Krta Hai Wo Apne GHAR Ki Taraf RASTA Deta Hai.
( Sachche Dil se Taubah Karlo, Otherwise Be ready For Allah's Justice )
Aur meri Behno Tumhe Qur'an Ki Taalim Ka Zaraa Bhi Khayaal Nahi ?? Betiyan Ghar Ki Izzat Hoti hai, Tumhari Izzat Ko Huzoor Ne Kaabe Se Bhi Buland kiya Hai, Tumhe Apni Izzat Ka Zaraa Bhi Khayal nahi ?? Agar Tum ALLAH Se Darne Wali Ho Tou Baat Me Naram Andaaz Na Ikhtiyar Karo Ke Dil Ki Kharabi Me Mubtala Koi Shakhs Laalach Me Par Jaye
(Sura-e-Ahzab : 32)
Qur'an To ye Ailaan Kar Raha hai Ki Agar MAJBOORI me Bhi Kisi Na Mehram Se Baat Karni par jaye to Naram Andaz Ikhtiyar Na Karo, Magar Tum To Saamne Se Baat Karne Ke Liye Ladkon Ko Motivate Kar Rahi ho. Isi tarah Fir Baton ka silsila Start Hota hai aur Duniya w Akhirat Barbaad Hoti hai.....!!!
Al Qur’an: (To My Dear Sisters and Bro.) :
Jis Din Hum Logon Ke Chehre Jahannam Ki AAG Me Ulat Pulat Karenge, Wo Kahenge, Kaash! Hum Allah Aur Uske Rasool Ki Pairvi Karte.
[QURAN:33:66]
Meri baheno net (social site) par kisi bhi shaqs par Aitbaar (WISHWAS) na kare jo aapse Mohabbat ke naam pr bate karta ho, ya mazhab ka sahara le kar aapke qareeb hone ki koshish kr raha ho, ye bhi ho sakta hai ki wo aapke sath bahut si ladkio ko bewaqoof bana raha ho isliye khud bhi bache aur apni dosto or Muslim baheno ko bhi bachaye, baraye meharbani net par ladko se rishtedaariya na banaye na hi ladko ko apne photo wagairah dikhaye, zaroorat kya hai aakhir khud ko numaaish ke liye pesh karne ki ????? Or naahi kisi ko apna mobile number den
kya aapko hone wale in nuksanat ka andaza hai jo aapki aane wali zindagi tak tabah kar sakte hai ??
halan ki tasweer najayaz o haraam hai agar Tauba ki taufeeq nahi mil pa rahi to kam se kam apni photo apni family ke liye rakhe net pr in tasveero ka bina izazat copy kar ke galat istemaal bhi ho sakta hai aur aapko khabar tak nahi hoti aur ye chiz aapke liye nuksan ka baais bhi ban sakti hai aise kayi waqiyat samne aaye hai jaha ladkio ki Aisi tasveer ya video ya voice ladko ke paas save hoti aur fir inhe blackmale kar ke galat kaam karne par mazboor kiya jata jiske Nateeje me kayi ladkio ne khudkushi kar li kyu ke ye Aisi ruswai hoti jab kisi ladki ki izzat o Aaroo duniya ke saamne Aajati or ye ruswai har ladki bardasht nahi kar pati or khud khushi kar leti ALLAH bachye hame Aise fitno se
Bahut mazrat ke saath or muaafi ke saath meri baheno thodi dair ke liye maan lijiye agar aap Aeisi hi ek ladki ho jo aise kisi be-gairat insan ke hatthe charh gayi ho or ab tauba karna bhi chahti ho aur ghar walo k darr se kisi ko bata bhi nahi sakti ki kaise in logo ya halaat se chhutkara paya jaye or gunaaho se bacha jaye toh meri baheno ek galti toh aapse ho chuki jaise bhi hui magar ab iss darr se ke ghar wale kya kahenge, aap khamosh na rahe please, isse pahle kahi dair ho jaye aap apni Ammi bahen wagairah ko bata kar unse madad mange unka gussa thodi dair ke liye hoga magar hoga aapki hi bhalai me, aur aapko uss galazat se nikalne me madad dega aur Aainda ke liye ek sabak bhi baki maaf karne wali zaat ALLAH TA'ALA ki hai
Agae is khata'kaar se likhne me galtu hui hi or meri kisi baat se kisi bhi bahen ka dil dukha ho to ALLAH ke waste is khata'kaar ko muaaf farma den ,,,,,,,
hai wo bahot meharban aur maaf karne wala hai,,
Ab aakhir me AAWARA AYYASH LADKO AUR MARDO Ke LIYE EK PAIGAAM
Aurat muqaddas hai uske taqaddus ko apne Aamaal se pamaal mat kijiye
yaad rakhiye ki aap aaj jis tarah kisi ki bahen beti ko bahela fusla kar uske sath zina karna chahte ho kal ko yahi sab aapke ghar walo pr bhi hoga kyu ki duniya makafate amal hai, kisi ke beti se tan (badan)se chadar hatane se pahle sochna ki kal yahi kuchh aapki bahen beti ke sath bhi ho sakta hi nahi balki lazim hoga,maa baap ke kiye huye kuchh gunah sirf unki apni zindagi barbad nahi karte woh Wirasat ki tarah chalte huye unki aulad k samne pataal bankr aa jate hai aur kis tarah ki insan kabhi soch bhi nahi sakta,,,
agar aap apne liye ek Nek biwi aur nek Beti ki tamanna rakhte ho toh dusro ki maao baheno aur betio ko bhi izzat ki nazar se dekho,,
Agar likhne me koi galti hui ho toh mujh khatakar ko maaf farma de, meri bahene Aapka ye bhai apni tama'am baheno ki fiqr or apni bahno ka dard rakhta hai apne dil me or jab hum ne is topic pe likhna or post banana shuru kiya meri kayi mauko par Aankhe nam bhi hui or Aansu bhi jaari hue jab hum dekhte hain ke hamari bahene in sab gunaahho me mubtila hoti hain or chah kar bhi kuch nahi kar pate
Or ek baat apni baheno ko batana chahte ke aksar log jo chup kar gunaho ko anjaam dete hain wo aksar ladkiyo ko bahen bana lete hain yaad rahe meri baheno ke.koi kitna hi nek o parhezgaar ho har mayne me wo gunaho se door ho phir bhi wo Aap ka bhai nahi ban sakta
Na Mehram Ku Bahen Ka Lubada Udakar Isse Taluqat JudNe Ke Bajaye Apne Haqiqi Bhaiyon Ku Waqt Den In se Husn E Suluk karen Aur INke Huquq Ka Khayal Rakhen-
Yaad Rakhen..! Shariat Me Kisi Ko Behan Ya Bhai Keh dene Se Wo Behan Bhai Nahin ban Jata Behan ya Bhai Wahi Hota Hai Jis Ku Allah Subhan Wa Ta'ala Ne Behan Bhai Banaya hai
Meri baheno Sachche Dil se Taubah Kar le, ke in sha ALLAH hum apni izzat Aabroo ki hifazat karenge hamesha or ba'parda apne rab ta'ala ki raza or apne Aaqa muhammad mustafa sallallahu alaihi wa sallam ki sunnato or farman pe amal karte hue apni zindagi ka har lamha guzarengi. In sha Allah Tala
Aameen
Meri Behno Qur’an ki taleem par Zaraa Khayaal karen or gaur fiqr karen? Betiyan Ghar Ki Izzat Hoti hai, Aap ki Izzat Ko Huzur Ne Kaabe Se Bhi Buland kiya Hai,
Aapko Apni Izzat Ka Zaraa Bhi Khayal nahi hota hai or or ladko ke dhoke or fareb me apni duniya or Aakhritat dono tabha o barbaad kar leti
( AL Qur'an )
Agar Tum ALLAH Se Darnay Wali Ho Tou Baat Mein Naram Andaaz Na Ikhtiyar Kro K Dil Ki Kharabi Mein Mubtala Koi Shakhs Laalach Mein Par Jaye
(Sura-e-Ahzab : 32)
Qur’an To ye Ailaan Kar Raha hai Ki
Agar MAJBOORI me Bhi Kisi NaMehram Se Baat Karni par jaye to Naram Andaz Ikhtiyar Na Karo,Is aayat mein Allah Taala ne ghair mehramon se guftgu karne ke liye mazeed do usool bayan farmaaye hain:
1. Lehja pur-kashish na ho.
2. Maroof baat ho.
Yani agar koi aurat guftgu ke dauraan aise lehje mein baat kare jis se mardon ke dil mein “ishq” ka marz janam le sakta ho, to woh lehja Shari'at mein haraam hai. Isi tarah tehreeri (written) guftgu mein bhi is baat ka khayaal rakhna zaroori hai ke aise alfaaz se bacha jaaye jo sinfi kashish ka sabab bante hon.
Aur jo guftgu mard o aurat kar rahe hain woh maroof yani achchaayi, bhalaayi aur neki ki guftgu ho jise Shari'at e Islamiya mana nahi karti.
Upar zikr kiye qawaaid o zawaabit ka khayaal rakh kar ghair mehram mard o aurat aapas mein baat cheet kar sakte hain. Is ummat ki sab se pakeezah khawateen yani Muhammad Sallallahu Alaihi Wa sallam ki azwaaj e mutahharaat bhi ghair mehram mardon se inhi usoolon ko madd e nazar rakh kar guftgu karti aur isi tarah RasoolAllah Sallallahu Alaihi Wasallam ki baraah e raast shaagirdaat yani Sahabiyat bhi inhi zaabiton ki paaband reh kar baat cheet kiya karti thein. So aaj bhi agar koi in zaabiton ki paabandi kare to unki guftgu mein koi harz nahi hai. Yani baat aisi ho jo ke mard ko us aurat se ya aurat ko us mard se “khud” karna zaroori ho, guftgu ka andaaz pur-kashish na ho, maroof baat ho, aur hijaab ke ahkaamaat malhooz e khaatir hon, to koi harj nahi hai. Shaadi se pehle mangetar bhi “na mehram” hi shumaar hote hain. Lehaza un se bhi guftgu inhi zawaabit ki paaband hai. Yahan ek ahem baat samjhna bahut zaroori hai, khusoosan khawateen ke liye ke:
Unki Social Media ID unke zimmedaar (mehram mard rishtedaar jo aurat ka sarparast hai) ke ilm mein honi chaahiye. Aur agar khawateen Social Media masalan Facebook, Twitter, Whatsapp, Telegram waghera ka istemaal karti hain to unhein bahut ziyadah khabardaar rehna hoga. Aur neeche bataayi jaa rahi ghalatiyon se mukammal taur par bachna hoga:
Social media khawateen hazrat Kaise Deen Ka Ilm Hasil Karengi jisse ke Fitne se bhi Bacha Ja sake?
1- Ladkon ko add karna: Kisi bhi aisi ID jo mardon ya ladkon ke naam se hon un ko add na karen aur agar aap ko ladki ke naam se friend request aayi hai to aap ko ma’loom hona chaahiye ke yeh real mein kisi bahen ki ID hai, kahin aisa to nahi ke ladki ke naam se fake ID bana kar ladke aap ko friend request bhej rahe hain. Jin par ladkiyon ki photos lagi hoti hain taaki aise ladkiyon ki profile mein ghusa jaa sake. Unse baat ki ja sake Algharz aap sirf aur sirf ladkiyon ko hi apni friend list mein add karen aur woh bhi aisi ladkiyaan jinhein aap jaanti hon ke real mein yeh ladkiyaan hi hain aur Shari'at ki paaband bhi! Agar aap ko deeni maloomaat chaahiye, to aap Facebook par aise pages ko like kar len jo sirf authentic Islaami maloomaat dete hain. Un se hi aap ki ilmi zaroorat poori ho jaayegi.
2- Ladkon se chat:
Ladkon se chat karne ki bilkul bhi zaroorat nahi jaisa ke upar dalaail se yeh baat wazeh ki gayi hai ke “gap shap” lagane ya phir sirf “salaam dua, haal chaal” ki gharz se na-mehramon se chat ya guftgu karne ki Shari'at mein hargiz ijazat nahi hai. Haan zaroorat ke waqt zaroorat ke baqadr jitni Shari'at ne ijazat di hai uske mutaabiq koi baat ki jaa sakti hai, lekin yeh zehan mein rahe ke yeh ijazat sirf rukhsat hai, lehaza iska kam se kam istemaal karen. (Aur yeh zaroor soch len ki kya haqeeqat mein aapka maqsad sahih aur Shari'at ke mutaabiq hai? Aur yeh bhi sooch len ki kahin aap ke baat karne se fitne ka andesha to nahi hai?)
3- Zaroorat aur bila wajah ki guftgu ke bareek farq ko samjhen: Agar aap ko kisi alim e deen se maloomaat chaahiye to teen (3) se chaar (4) lines mein apna sawaal likh kar send karen, warna guftgu lambi ho jaayegi aur kahin jaa kar bhi nahi rukegi jis se fitne ka andeesha (khauf, darr) hai. Khawateen aam taur se mard ko deendaar, muttaqi, alim e deen samajh kar “gap shap” karna shuru kar deti hain jo ke Shari'at mein haraam hai. Is se bachen. To the point yani jaami' o maane' baat karen. mai to kahunga ke Aap ko jo bhi sawal poochne hon wo kisi Aalima ya apne ghar ke hi kisi mard ke zariye Aalim e deen se jawab hansil karen
Yahan yeh baat bhi yaad rahe ke aap jab bhi kisi ghair mehram mard se chat karen to apne kisi mehram ki maujoodgi mein karen, fitne se mehfooz rahne ka yeh bahut muassir zariya hai.
4- Doosron ki posts par comment karna:
Kisi bhi deeni ya falaahi tanzeem ya jama'at ke page par maujood posts par apni ID se comment na karen, warna iske nateeja mein aap ki ID hazaaron balki laakhon mardon tak pahunch jaayegi aur yeh fitne ka sabab ban jaayegi! Bohat mushkil ye sab kar pana par ALLAH jise taufeeq ata karde to koi mushkil nahi or zarurat bhi kya hai comment karne ki jisse Aap sabki nazar me Aajaye
5- Profile Picture:
Apni profile par apni tasweer na lagaayen, chaahe naqaab waali hi kiun na ho. Kuch ladkiyaan apne haathon, pairon, libaas waghera ki photos ko apni profile par laga deti hain jabki Shari'at ne in sab ko chupane ka hukm diya hai.
6- Post karne mein Ahtiyaat barten:
Apne dukh aur gham masalan: Main pareshaan hun, depression mein hun, main bahut museebat mein hun waghera Internet par Ajnabiyon se hargiz share na karen, aur na hi apni jaanne waali ladkiyon se. Yeh woh ghalati hai jo har ladki internet par karti hai aur uske baad nuqsaan uthaati hai. Isi tarah apne rawayye aur pasand na-pasand, colour kaisa pasand hai, khaane mein kya pasand hai, joote kaun se pasand hain, yeh maloomaat agar aap internet pe daalengi to woh kisi na kisi tak to pahunchengi jis se nuqsaan ka darr hai. Copied
ALLAH TA'ALA SE DUA HAI KE HUM TAMA'AM MUSLIM BHAI BAHENO KO APNI IZZAT O AABROO KI HIFAZAT KARNE KI TAUFEEQ ATA FARMAYE OR HAMARE DILO ME KHAUF E KHUDA OR Nabi-E-Akram ﷺ ki SACCHI MOHABBAT ATA FARMAYE OR BIKHUSOOS YA ALLAH TA'ALA HAMARI Muslim BAHNO KO APNI IZZAT AABRU KI HIFAZAT OR BA'PARDA ZINDAGI GUZARNE KI TAUFEEQ ATA FARMA. Aameen Summa Aameen.
