Qurani Aayat Ka Taweej Bnaker Gale Me Pahanna Jayez Hai?

Kya Qurani Aayat ko Taweej Banker Gale me ya Hatho me Pahanna Jayez Hai?
ﺑِﺴْـــــــــــــــــــــــﻢِ ﺍﻟﻠﮧِ ﺍﻟﺮَّﺣْﻤٰﻦِ ﺍﻟﺮَّﺣِﯿْﻢِ
ﺍﻟﺴَّــــــــﻼﻡَ ﻋَﻠَﻴــْـــــــﻛُﻢ ﻭَﺭَﺣْﻤَــــــــــﺔُﺍﻟﻠﻪِ ﻭَﺑَﺮَﻛـَـــــــــﺎﺗُﻪ
ﺗﺤﺮﯾﺮ : ﻣﺴﺰﺍﻧﺼﺎﺭﯼ Mrs Ansari
ﻗﺮﺍٓﻧﯽ ﺍٓﯾﺎﺕ ﺍﻭﺭ ﺩﻋﺎ ﻣﺎﺛﻮﺭﮦ ﺳﮯ ﻣﺮﺗﺐ ﺗﻌﻮﯾﺬ ﺷﺮﮎ ﮐﮯ ﺯﻣﺮﮮ ﻣﯿﮟ ﻧﮩﯿﮟ ﺁﺗﮯ ۔ ﻟﯿﮑﻦ ﺍﮐﺜﺮ ﺻﺤﺎﺑﮧ ﮐﺮﺍﻡ ﺍﻭﺭ ﺍﻥ ﮐﮯ ﺑﻌﺪ ﮐﮯ ﺍﮨﻞ ﻋﻠﻢ ﮐﺎ ﺧﯿﺎﻝ ﮨﮯ ﮐﮧ ﻗﺮﺍٓﻥ ﮐﺮﯾﻢ ﺍﻭﺭ ﻣﺎﺛﻮﺭ ﺩﻋﺎﻭٔﮞ ﮐﮯ ﺗﻌﻮﯾﺬ ﺑﮭﯽ ﻟﭩﮑﺎﻧﺎ ‏( ﭘﮩﻨﻨﺎ ‏) ﺟﺎﺋﺰ ﻧﮩﯿﮟ، ﺍﻥ ﻣﯿﮟ ﺍﺑﻦ ﻣﺴﻌﻮﺩ، ﺍﺑﻦ ﻋﺒﺎﺱ، ﺣﺬﯾﻔﮧ، ﻋﻘﺒﮧ ﺑﻦ ﻋﺎﻣﺮ ﺍﻭﺭ ﺍﺑﻦ ﺣﮑﯿﻢ ﮨﯿﮟ، ﻧﯿﺰ ﺍﺑﺮﺍﮨﯿﻢ ﻧﺨﻌﯽ، ﺍﻣﺎﻡ ﺍﺣﻤﺪ ﮐﯽ ﺍﯾﮏ ﺭﻭﺍﯾﺖ، ﺍﺑﻦ ﺍﻟﻌﺮﺑﯽ، ﺷﯿﺦ ﻋﺒﺪﺍﻟﺮﺣﻤٰﻦ ﺑﻦ ﺣﺴﻦ ﺍٓﻝ ﺷﯿﺦ، ﺷﯿﺦ ﺳﻠﯿﻤﺎﻥ ﺑﻦ ﻋﺒﺪﺍﻟﻠّٰﮧ ﺑﻦ ﻣﺤﻤﺪ ﺑﻦ ﻋﺒﺪﺍﻟﻮﮨﺎﺏ، ﺷﯿﺦ ﻋﺒﺪﺍﻟﺮﺣﻤٰﻦ ﺑﻦ ﺳﻌﺪﯼ، ﺣﺎﻓﻆ ﺣﮑﻤﯽ ﺍﻭﺭ ﺣﺎﻣﺪ ﺍﻟﻔﻘﯽ﷭ ﮨﯿﮟ، ﻧﯿﺰ ﺩﻭﺭِﺣﺎﺿﺮ ﮐﮯ ﻋﻠﻤﺎ ﻣﯿﮟ ﺳﮯ ﺷﯿﺦ ﺍﻟﺒﺎﻧﯽ ﺍﻭﺭ ﺷﯿﺦ ﻋﺒﺪﺍﻟﻌﺰﯾﺰ ﺍﺑﻦ ﺑﺎﺯ ﮨﯿﮟ۔
ﺍﻥ ﻋﻠﻤﺎ ﮐﮯ ﺍﻗﻮﺍﻝ ﻭ ﻓﺘﺎﻭﮮ ﻣﻨﺪﺭﺟﮧ ﺫﯾﻞ ﮐﺘﺎﺑﻮﮞ ﻣﯿﮟ ﺩﯾﮑﮭﮯ ﺟﺎﺳﮑﺘﮯ ﮨﯿﮟ : ﻣﺼﻨﻒ ﺍﺑﻦ ﺍﺑﯽ ﺷﯿﺒﮧ، ﮐﺘﺎﺏ ﺍﻟﻄﺐ 7: ؍ 374 ﻭﻣﺎﺑﻊﺩ، ﺳﻨﻦ ﺑﯿﮩﻘﯽ 9: ؍ 516 ﻭﻣﺎﺑﻌﺪ ، ﻣﺴﺘﺪﺭﮎ ﺣﺎﮐﻢ 4: ؍ 216 ﻭﻣﺎﺑﻌﺪ، ﺗﯿﺴﯿﺮ ﺍﻟﻌﺰﯾﺰ ﺍﻟﺤﻤﯿﺪ ﺹ 168 ، 174 ؛ ﺳﻠﺴﻠﮧ ﺍﺣﺎﺩﯾﺚِ ﺻﺤﯿﺤﮧ 1 ؍ 585 ؛ ﺍﻟﻘﻮﻝ ﺍﻟﺴﺪﯾﺪ : ﺹ 38 ؛ ﻣﻌﺎﺭﺝ ﺍﻟﻘﺒﻮﻝ 1: ؍ 382 ؛ ﻓﺘﺎﻭﯼٰ ﺷﯿﺦ ﺍﺑﻦ ﺑﺎﺯ 820:
ﻟﮩٰﺬﺍ ﮨﻤﯿﮟ ﺻﺮﻑ ﺩَﻡ ﭘﺮ ﺍﮐﺘﻔﺎ ﮐﺮﻧﺎ ﭼﺎﮨﯿﮯ۔ ﮐﯿﻮﻧﮑﮧ ﺭﺳﻮﻝ ﺍﻟﻠﮧ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﻧﮯ ﺩَﻡ ﭘﺮ ﮨﯽ ﺍﮐﺘﻔﺎ ﮐﯿﺎ ﮨﮯ ﺗﻮ ﮨﻤﯿﮟ ﺑﮭﯽ ﺍﺳﯽ ﭘﺮ ﺍﮐﺘﻔﺎ ﮐﺮﻧﺎ ﭼﺎﮨﯿﮯ۔ ﺍﻭﺭ ﺍﮔﺮ ﮐﻮﺋﯽ ﺗﻮﺣﯿﺪﯼ ﺷﺨﺺ ﺍﮔﺮ ﻗﺮﺁﻧﯽ ﺗﻌﻮﯾﺬ ﯾﺎ ﺍﻟﻠﮧ ﮐﮯ ﺍﺳﻤﺎﺀ ﻭ ﺻﻔﺎﺕ ﭘﺮ ﻣﺸﺘﻤﻞ ﺗﻌﻮﯾﺬ ﻟﮑﮭﺘﺎ ﮨﮯ۔ ﺗﻮ ﺑﮯ ﺷﮏ ﺍﺱ ﮐﮯ ﺍﻭﺭ ﮨﻤﺎﺭﮮ ﻧﻈﺮﯾﺎﺕ ﻣﯿﮟ ﺍﺧﺘﻼﻑ ﮨﮯ ، ﻟﯿﮑﻦ ﻭﮦ ﻣﺸﺮﮎ ﺷﻤﺎﺭ ﻧﮩﯿﮟ ﮨﻮﮔﺎ ، ﻧﮧ ﺍﺱ ﮐﮯ ﭘﯿﭽﮭﮯ ﻧﻤﺎﺯ ﭼﮭﻮﮌﯼ ﺟﺎ ﺳﮑﺘﯽ ﮨﮯ۔ ﻟﯿﮑﻦ ﮨﺎﮞ ﺍﺱ ﮐﺎ ﻋﻤﻞ ﻓﺘﻨﻮﮞ ﺍﻭﺭ ﺑﺪﻋﺎﺕ ﮐﺎ ﺩﺭﻭﺍﺯﮦ ﮐﮭﻮﻟﻨﮯ ﻣﯿﮟ ﮐﺎﺭﮔﺮ ﺛﺎﺑﺖ ﮨﻮ ﺳﮑﺘﺎ ﮨﮯ ، ﺍﺳﻠﯿﮯ ﻋﻠﻤﺎﺀ ﻭ ﻓﻘﮩﺎ ﻧﮯ ﺍﺱ ﺳﮯ ﻣﻨﻊ ﮐﯿﺎ ﮨﮯ ۔
ﻗﺮﺁﻧﯽ ﺗﻌﻮﯾﺬﺍﺕ ﭘﮩﻦ ﮐﺮ ﺍﺱ ﺳﮯ ﺷﻔﺎﺀ ﮐﯽ ﺍﻣﯿﺪﯾﮟ ﻟﮕﺎﻧﮯ ﻭﺍﻟﻮﮞ ﮐﯽ ﻣﺜﺎﻝ ﯾﮧ ﮨﮯ ﮐﮧ ﺷﺮﻋﺌﯽ ﻋﻠﻮﻡ ﮐﯽ ﺳﻮ ﺟﻠﺪﻭﮞ ﮐﯽ ﮔﭩﮭﮍﯼ ﺑﺎﻧﺪﮪ ﮐﺮ ﺑﮭﯽ ﺍﺱ ﭘﺮ ﻻﺩ ﺩﯾﺠﯿﮯ ، ﺍﺱ ﺳﮯ ﺍﺱ ﮐﮯ ﺍﻧﺪﺭ ﻧﮧ ﺗﻮ ﮐﻮﺋﯽ ﻓﻠﺴﻔﯿﺎﻧﮧ ﺑﺼﯿﺮﺕ ﭘﯿﺪﺍ ﮨﻮ ﮔﯽ ﺍﻭﺭ ﻧﮧ ﮨﯽ ﺣﮑﻤﺖ ﺍﻭﺭ ﺩﺍﻧﺎﺋﯽ ﮐﯽ ﮐﻮﺋﯽ ﺑﺎﺕ ﺍﺳﮯ ﺣﺎﺻﻞ ﮨﻮ ﮔﯽ . ﯾﮧ ﻣﺜﺎﻝ ﮨﻤﺎﺭﯼ ﻗﻮﻡ ﮐﯽ ﮨﮯ ﺟﻮ ﮐﺘﺎﺏِ ﺍﻟٰﮩﯽ ﮐﯽ ﺣﺎﻣﻞ ﺑﻨﺎﺋﯽ ﮔﺌﯽ ﺗﮭﯽ ﺍﻭﺭ ﭘﮭﺮ ﺍﺱ ﻧﮯ ﺍﺱ ﮐﺘﺎﺏ ﮐﺎ ﺣﻖ ﺍﺩﺍ ﻧﮧ ﮐﯿﺎ ﺑﻠﮑﮧ ﺍﺱ ﺭﺷﺪ ﻭ ﮨﺪﺍﯾﺖ ﮐﯽ ﮐﺘﺎﺏ ﮐﻮ ﮔﻠﻮﮞ ﻣﯿﮟ ﻟﭩﮑﺎﻧﮯ ﺍﻭﺭ ﺑﺎﺯﻭﻭﮞ ﭘﺮ ﺑﺎﻧﺪﮬﻨﮯ ﮐﯽ ﭼﯿﺰ ﺑﻨﺎ ﮈﺍﻻ ۔
ﻏﻠﻂ ﻋﻘﺎﺋﺪ ﮐﻮ ﺭﻭﮐﻨﮯ ﮐﮯ ﻟﯿﮯ ﻗﺮﺁﻧﯽ ﺗﻌﻮﯾﺬﺍﺕ ﮐﯽ ﻣﻤﺎﻧﻌﺖ ﻣﺌﻮﺛﺮ ﮨﮯ ۔ ﺍﺱ ﻋﻤﻞ ﮐﻮ ﺍﻥ ﺻﺤﺎﺑﮧ ، ﺍﺳﻼﻑ ﺍﻭﺭ ﺗﺎﺑﻌﯿﻦ ﻧﮯ ﻣﮑﺮﻭﮦ ﺟﺎﻧﺎ ﺟﻮ ﺍﺱ ﺻﺎﻑ ﺳﺘﮭﺮﯼ ﻓﻀﺎ ﻣﯿﮟ ﺗﮭﮯ ﺟﮩﺎﮞ ﺳﯿﻨﻮﮞ ﮐﮯ ﮐﻮﺯﮮ ﺍﯾﻤﺎﻥ ﮐﮯ ﺳﻤﻨﺪﺭ ﮐﻮ ﻧﮧ ﺑﮭﺮ ﺳﮑﺘﮯ ﺗﮭﮯ ، ﺍﺱ ﻣﻘﺪﺱ ﺩﻭﺭ ﮐﮯ ﺁﮨﻨﯽ ﺍﻭﺭ ﭘﮩﺎﮌ ﺟﯿﺴﺎ ﺍﯾﻤﺎﻥ ﺭﮐﮭﻨﮯ ﻭﺍﻟﮯ ﺻﺎﻟﺤﯿﻦ ﻧﮯ ﺑﮭﯽ ﮐﺒﮭﯽ ﺗﻌﻮﯾﺬﺍﺕِ ﻗﺮﺁﻧﯽ ﮐﻮ ﻟﭩﮑﺎﻧﮯ ﮐﯽ ﺭﻏﺒﺖ ﻧﮩﯿﮟ ﺩﯼ ۔
ﺩﺭﺍﺻﻞ ﻗﺮﺁﻧﯽ ﺗﻌﻮﯾﺬ ﮐﺎ ﮐﺎﺭﻭﺑﺎﺭ ﮐﺮﻧﮯ ﻭﺍﻟﮯ ﺍﺱ ﺭﺧﺼﺖ ﮐﮯ ﭼﻮﺭ ﺩﺭﻭﺍﺯﮮ ﺳﮯ ﻣﺤﺮﻣﺎﺕ ﺗﮏ ﭘﮩﻨﭻ ﺟﺎﺗﮯ ﮨﯿﮟ ﺍﻭﺭ ﻗﺮﺍٓﻧﯽ ﺗﻌﻮﯾﺬﻭﮞ ﮐﻮ ﺍﻥ ﻣﺤﺮﻣﺎﺕ ﮐﺎ ﺑﮩﺎﻧﮧ ﺍﻭﺭ ﺫﺭﯾﻌﮧ ﺑﻨﺎﺗﮯ ﮨﯿﮟ ، ﺍﺱ ﻣﯿﮟ ﺍﭘﻨﮯ ﺷﯿﻄﺎﻧﯽ ﻃﻠﺴﻤﺎﺗﯽ ﺣﺮﻭﻑ ﮐﮯ ﺳﺎﺗﮫ ﮐﭽﮫ ﻗﺮﺍٓﻧﯽ ﺍٓﯾﺘﯿﮟ ﺑﮭﯽ ﻟﮑﮫ ﺩﯾﺘﮯ ﮨﯿﮟ ، ﺍﺱ ﺳﮯ ﺯﯾﺎﺩﮦ ﻗﺮﺁﻥ ﮐﯽ ﺍﻭﺭ ﮐﯿﺎ ﺗﻮﮨﯿﻦ ﮨﻮﮔﯽ ﮐﮧ ﺍﻧﮩﯿﮟ ﭘﮩﻨﻨﮯ ﻭﺍﻻ ﻧﺎﭘﺎﮐﯽ ﮐﯽ ﺣﺎﻟﺖ ﻣﯿﮟ ﺑﮭﯽ ﺍﺳﮯ ﭘﮩﻨﮯ ﺭﮨﺘﺎ ﮨﮯ، ﭼﮭﻮﭨﯽ ﺑﮍﯼ ﮨﺮ ﻃﺮﺡ ﮐﯽ ﻧﺠﺎﺳﺖ ﮨﻮﺗﯽ ﺭﮨﺘﯽ ﮨﮯ ﺍﻭﺭ ﻗﺮﺍٓﻥ ﺍﺱ ﮐﮯ ﺳﺎﺗﮫ ﮨﻮﺗﺎ ﮨﮯ ۔ ﺭﺏِ ﮐﻌﺒﮧ ﮐﯽ ﻗﺴﻢ ﮐﺴﯽ ﺩﺷﻤﻦ ﺍﺳﻼﻡ ﻧﮯ ﮐﺘﺎﺏ ﺍﻟﻠّٰﮧ ﮐﯽ ﺍﯾﺴﯽ ﺑﮯ ﺣﺮﻣﺘﯽ ﻧﮩﯿﮟ ﮐﯽ ﮨﻮﮔﯽ ﺟﺘﻨﯽ ﺍﺳﻼﻡ ﮐﮯ ﺩﻋﻮﮮ ﺩﺍﺭ ﺍﮨﻞ ﺑﺪﻋﺖ ﻭ ﺷﺮﮎ ﺍﻭﺭ ﻣﻠﺤﺪ ﮐﺮﺭﮨﮯ ﮨﯿﮟ
ﺁﺋﯿﮯ ﻗﺮﺁﻧﯽ ﺗﻌﻮﯾﺬﺍﺕ ﮐﯽ ﻣﻤﺎﻧﻌﺖ ﮐﯽ ﭼﻨﺪ ﻭﺟﻮﮨﺎﺕ ﻣﻼﺣﻈﮧ ﻓﺮﻣﺎﺋﯿﮯ ۔
◉ ﯾﮧ ﮐﮧ ﺍﮔﺮ ﺗﻌﻮﯾﺬ ﻟﭩﮑﺎﻧﺎ ﺟﺎﺋﺰ ﮨﻮ ﺟﺎﺋﮯ ﺗﻮ ﺗﻌﻮﺫ ﮐﺎ ﻣﺴﻨﻮﻥ ﻃﺮﯾﻘﮧ ﺧﺘﻢ ﮨﻮﺟﺎﺋﮯ ﺍﻭﺭ ﻣﺴﻠﻤﺎﻥ ﻗﺮﺍٓﻥ ﺳﮯ ﺑﺎﻟﮑﻞ ﺑﮯ ﺗﻌﻠﻖ ﻭ ﺑﮯ ﻧﯿﺎﺯ ﮨﻮﺟﺎﺋﯿﮟ ﮔﮯ۔
◉ ﯾﮧ ﮐﮧ ﺍﮔﺮ ﯾﮧ ﻣﺸﺮﻭﻉ ﻋﻤﻞ ﺳﮯ ﮨﻮﺗﺎ ﺗﻮ ﻧﺒﯽ ﮐﺮﯾﻢﷺ ﮐﯽ ﻗﻮﻟﯽ ﻓﻌﻠﯽ ﺍﺣﺎﺩﯾﺚ ﺳﮯ ﺛﺎﺑﺖ ﮨﻮﺗﺎ ، ﺟﯿﺴﺎ ﮐﮧ ﺭُﻗﯿﮧ ﯾﻌﻨﯽ ﺩﻋﺎ ﭘﮍﮪ ﮐﺮ ﭘﮭﻮﻧﮑﻨﮯ ﮐﺎ ﺣﮑﻢ ﺷﺮﻋﺌﯽ ﻧﺼﻮﺹ ﺳﮯ ﺛﺎﺑﺖ ﮨﮯ ﺟﺴﮯ ﺷﺮﮐﯿﮧ ﮐﻼﻡ ﻧﮧ ﮨﻮﻧﮯ ﮐﯽ ﺻﻮﺭﺕ ﻣﯿﮟ ﺍﺱ ﮐﯽ ﺍﺟﺎﺯﺕ ﺩﯼ ﮨﮯ، ﭼﻨﺎﻧﭽﮧ ﻓﺮﻣﺎﯾﺎ :
‏« ﺍﻋْﺮِﺿُﻮﺍ ﻋَﻠَﻰَّ ﺭُﻗَﺎﻛُﻢْ ﻻَ ﺑَﺄْﺱَ ﺑِﺎﻟﺮُّﻗَﻰ ﻣَﺎ ﻟَﻢْ ﻳَﻜُﻦْ ﻓِﻴﻪِ ﺷِﺮْﻙٌ
ﻣﺴﻠﻢ ﻣﻊ ﻧﻮﻭﯼ، ﮐﺘﺎﺏ ﺍﻟﺴﻼﻡ، ﺑﺎﺏ ﻻﺑﺎﺱ ﺑﺎﻟﺮﻗﯽ ﻣﺎﻟﻢ ﯾﮑﻦ ﻓﯿﮧ ﺷﺮﮎ : 14 ؍ 187
’’ ﺗﻢ ﻟﻮﮒ ﻣﺠﮭﮯ ﺍﭘﻨﮯ ﺟﮭﺎﮌ ﭘﮭﻮﻧﮏ ﮐﮯ ﮐﻠﻤﺎﺕ ﺳﻨﺎﻭٔ، ﺍﮔﺮ ﺍﺱ ﻣﯿﮟ ﺷﺮﮎ ﻧﮧ ﮨﻮ ﺗﻮ ﮐﻮﺋﯽ ﻣﻀﺎﺋﻘﮧ ﻧﮩﯿﮟ۔ ‘‘
ﻟﯿﮑﻦ ﺍﺱ ﻃﺮﺡ ﮐﯽ ﺑﺎﺕ ﻧﺒﯽﷺ ﻧﮯ ﺗﻌﻮﯾﺬﻭﮞ ﮐﮯ ﺑﺎﺭﮮ ﻣﯿﮟ ﻧﮩﯿﮟ ﮐﮩﯽ ‏( ﻟﮩٰﺬﺍ ﻣﻌﻠﻮﻡ ﮨﻮﺍ ﮐﮧ ﮐﺴﯽ ﺑﮭﯽ ﻃﺮﺡ ﮐﺎ ﺗﻌﻮﯾﺬ ﺟﺎﺋﺰ ﻧﮩﯿﮟ ‏)
◉ ﯾﮧ ﮐﮧ ﺟﯿﺴﺎ ﮐﮧ ﺷﺮﻋﺌﯽ ﺭﺍﮦ ﺳﮯ ﻓﺘﻨﮧ ﻭ ﻓﺴﺎﺩ ﮐﺎ ﺳﺪِﺑﺎﺏ ﻭﺍﺟﺐ ﮨﮯ، ﺗﺎﮐﮧ ﺷﺮﮐﯿﮧ ﺗﻌﻮﯾﺬ ، ﻗﺮﺍٓﻧﯽ ﺗﻌﻮﯾﺬﻭﮞ ﮐﮯ ﺳﺎﺗﮫ ﺍﺱ ﺣﺪ ﺗﮏ ﺧﻠﻂ ﻣﻠﻂ ﻧﮧ ﮨﻮﺟﺎﺋﯿﮟ ﮐﮧ ﺷﺒﮧ ﮐﯽ ﻭﺟﮧ ﺳﮯ ﺷﺮﮐﯿﮧ ﺗﻌﻮﯾﺬﻭﮞ ﺳﮯ ﺑﮭﯽ ﺭﻭﮐﻨﺎ ﻣﺸﮑﻞ ﮨﻮﺟﺎﺋﮯ
◉ ﯾﮧ ﮐﮧ ﻟﻮﮔﻮﮞ ﮐﺎ ﻗﺮﺍٓﻥ ﺍُﭨﮭﺎﺋﮯ ﭘﮭﺮﻧﺎ ﺍﺱ ﺑﺎﺑﺮﮐﺖ ﮐﺘﺎﺏ ﮐﮯ ﻟﯿﮯ ﺍﯾﮏ ﺍﻣﺮِ ﺗﻮﮨﯿﻦ ﮨﮯ ﺟﻮ ﻟﻮﮒ ﻧﮧ ﺍﺱ ﮐﺎ ﻣﻌﻨﯽ ﺳﻤﺠﮭﺘﮯ ﮨﯿﮟ ﻧﮧ ﮨﯽ ﺍﺱ ﮐﯽ ﻋﺰﺕ ﮐﺮﺗﮯ ﮨﯿﮟ ﻣﺤﺾ ﺷﻔﺎﺀ ﮐﯽ ﺍﻣﯿﺪ ﭘﺮ ﺍﺳﮯ ﮔﻠﻮﮞ ﻣﯿﮟ ﻟﭩﮑﺎﺋﮯ ﭘﮭﺮﺗﮯ ﮨﯿﮟ، ﻭﮦ ﻟﻮﮒ ﺍﻟﻠّٰﮧ ﺗﻌﺎﻟﯽٰ ﮐﮯ ﺍﺱ ﻓﺮﻣﺎﻥ ﻋﺎﻡ ﴿ﻛَﻤَﺜَﻞِ ﺍﻟْﺤِﻤَﺎﺭِ ﻳَﺤْﻤِﻞُ ﺍَﺳْﻔَﺎﺭًﺍ١ؕ ﴾ ﮐﮯ ﺗﺤﺖ ﺍٓﺟﺎﺗﮯ ﮨﯿﮟ ‏( ﺟﺲ ﮐﺎ ﻣﻄﻠﺐ ﯾﮧ ﮨﮯ ﮐﮧ ﺍﻥ ﮐﯽ ﻣﺜﺎﻝ ﺍﻥ ﮔﺪﮬﻮﮞ ﮐﯽ ﮨﮯ ﺟﻮ ﺷﺮﯾﻌﺖ ﮐﯽ ﮐﺘﺎﺏ ﺍﭨﮭﺎﺋﮯ ﮨﻮﺋﮯ ﮨﯿﮟ، ﻧﮧ ﺍﺳﮯ ﺳﻤﺠﮭﺘﮯ ﮨﯿﮟ، ﻧﮧ ﮨﯽ ﺍﺱ ﭘﺮ ﻋﻤﻞ ﮐﺮﺗﮯ ﮨﯿﮟ ‏) ﮐﯿﻮﻧﮑﮧ ﻭﮦ ﻧﮩﯿﮟ ﺟﺎﻧﺘﮯ ﮐﮧ ﺍﺱ ﻗﺮﺍٓﻧﯽ ﺗﻌﻮﯾﺬ ﻣﯿﮟ ﮐﯿﺎ ﮨﮯ
◉ ﯾﮧ ﮐﮧ ﻣﻌﻮﺫﺍﺕ ‏( ﺳﻮﺭﺓﺍﻟﻔﻠﻖ ﺍﻭﺭ ﺳﻮﺭﺓﺍﻟﻨّﺎﺱ ‏) ﮐﮯ ﺫﺭﯾﻌﮧ ﺩﻡ ﻭ ﺩﻋﺎ ﮐﯽ ﺳﻨﺖ ﺗﺮﮎ ﮐﺮﺩﯼ ﺟﺎﺋﮯ ﮔﯽ ، ﺟﻮ ﻟﻮﮒ ﻗﺮﺁﻧﯽ ﺁﯾﺎﺕ ﮐﻮ ﮔﻠﻮﮞ ﻣﯿﮟ ﻟﭩﮑﺎﺗﮯ ﮨﯿﮟ ﺗﻮ ﺍﻧﮩﯿﮟ ﯾﮧ ﻟﭩﮑﺎﺋﯽ ﮨﻮﺋﯽ ﺁﯾﺎﺕ ﮨﺮﮔﺰ ﺑﮭﻼﺋﯽ ﻧﮧ ﭘﮩﻨﭽﺎﺋﯿﮟ ﮔﯽ ، ﺍﮔﺮ ﺍﻥ ﻟﭩﮑﯽ ﮨﻮﺋﯽ ﺁﯾﺎﺕ ﺳﮯ ﺷﻔﺎﺀ ﺣﺎﺻﻞ ﮨﻮ ﺳﮑﺘﯽ ﺗﻮ ﺟﻮ ﺷﺨﺺ ﭘﻮﺭﺍ ﭘﻮﺭﺍ ﻗﺮﺍٓﻥ ﮨﯽ ﻟﭩﮑﺎﻟﮯ ﮔﺎ، ﻭﮦ ﮔﻤﺎﻥ ﮐﺮﺳﮑﺘﺎ ﮨﮯ ﮐﮧ ﺍﺏ ﻣﻌﻮﺫﺍﺕ ﺍﻭﺭ ﺍٓﯾۃ ﺍﻟﮑﺮﺳﯽ ﻭﻏﯿﺮﮦ ﭘﮍﮬﻨﮯ ﮐﯽ ﮐﯿﺎ ﺿﺮﻭﺭﺕ ﮨﮯ، ﺟﺐ ﭘﻮﺭﺍ ﻗﺮﺍٓﻥ ﺍﭘﻨﮯ ﮔﻠﮯ ﻣﯿﮟ ﻟﭩﮑﺎ ﮨﻮﺍ ﮨﮯ۔
ﺧﻮﺏ ﺟﺎﻥ ﻟﯿﺠﯿﮯ ﮐﮧ ﻗﺮﺍٓﻥ ﺗﻌﻮﯾﺬﺍﺕ ﺑﻨﺎ ﮐﺮ ﻟﭩﮑﺎﻧﮯ ﮐﮯ ﻟﯿﮯ ﻧﺎﺯﻝ ﻧﮩﯿﮟ ﮨﻮﺍ ، ﯾﮧ ﺳﺮﺍﺳﺮ ﺭﺷﺪ ﻭ ﮨﺪﺍﯾﺖ ﮨﮯ ، ﻗﺎﺭﯼ ﮐﮯ ﻟﯿﮯ ﺷﻔﺎﺀ ﮨﮯ ، ﺍﺱ ﮐﺎ ﻧﺰﻭﻝ ﺍﺳﮯ ﺳﻤﺠﮫ ﮐﺮ ﭘﮍﮬﻨﮯ ﮐﮯ ﻟﯿﮯ ﮨﮯ ، ﺍﺱ ﭘﺮ ﻋﻤﻞ ﮐﺮﻧﺎ ، ﺍﺱ ﮐﮯ ﺍﻭﺍﻣﺮ ﻭ ﻧﻮﺍﮨﯽ ﮐﻮ ﺑﺠﺎ ﻻﻧﺎ ، ﺍﺳﮑﯽ ﺍﻃﺎﻋﺖ ﮐﺮﻧﺎ ﺍﻭﺭ ﺍﺱ ﮐﯽ ﺑﺎﺗﻮﮞ ﮐﯽ ﺗﺼﺪﯾﻖ ﮐﺮﻧﺎ ﺍﻭﺭ ﺍﺳﮑﯽ ﻣﺜﺎﻟﻮﮞ ﺍﻭﺭ ﻗﺼﺎﺋﺺ ﺳﮯ ﻋﺒﺮﺕ ﭘﮑﮍﻧﺎ ﮨﯽ ﺩﺭﺍﺻﻞ ﺍﺳﮑﺎ ﺣﻖ ﺍﺩﺍ ﮐﺮﻧﺎ ﮨﮯ ۔ ﯾﮧ ﮨﻤﺎﺭﮮ ﭘﺮﻭﺭﺩﮔﺎﺭ ﮐﯽ ﻃﺮﻑ ﺳﮯ ﮨﮯ، ﻟﯿﮑﻦ ﺍﺳﮯ ﺗﻌﻮﯾﺬﻭﮞ ﻣﯿﮟ ﺍﺳﺘﻌﻤﺎﻝ ﮐﺮﻧﮯ ﻭﺍﻟﻮﮞ ﻧﮯ ﺍﻥ ﺳﺎﺭﮮ ﻣﻘﺎﺻﺪ ﮐﻮ ﺑﮯ ﻣﻌﻨﯽ ﮐﺮﺩﯾﺎ ﺍﻭﺭ ﺍﺳﮑﮯ ﺍﺻﻞ ﻣﻘﺼﺪ ﮐﻮ ﭘﺲ ﭘﺸﺖ ﮈﺍﻝ ﺩﯾﺎ ۔
ﻭَﻣَﺎ ﺫٰﻟِﮏَ ﻋَﻠَﯽ ﺍﻟﻠّٰﮧِ ﺑِﻌَﺰِﯾْﺰٍ ․
ﺍِﻥْ ﺍُﺭِﯾْﺪُ ﺍِﻟَّﺎ ﺍﻟْﺎِﺻْﻠَﺎﺡ ﻣَﺎ ﺍﺳْﺘَﻄَﻌْﺖُ ﻭَﻣَﺎ ﺗَﻮْﻓِﯿْﻘِﯽْ ﺍِﻟَّﺎ ﺑِﺎﻟﻠّٰﮧِ
ﻭَﺍﻟﺴَّــــــــﻻَﻡ ﻋَﻠَﻴــْـــــــﻛُﻢ ﻭَﺭَﺣْﻤَـــــــــﺔُﺍﻟﻠﻪِ ﻭَﺑَﺮَﻛـَـــــــــﺎﺗُﻪ

Share: