Ali Raziallahu Anhu ne kitni Shadiyan ki aur kitne Bete They?

Kya Ali Raziallahu Anhu ke kitne Bete aur Betiya thi?
السلامُ علیکم ورحمتہ اللہ وبرکاتہ کیا حضرت علی رضی اللہ تعالیٰ عنہ کے 18 بیٹے تھے روشنی ڈالیں جزاک اللہ؟
اور کتنی شادیاں کیں؟

جواب تحریری
علی کرم اللہ وجہہ الکریم نے مختلف اوقات میں نو شادیاں کیں اور ان کے علاوہ آپ کی کئی باندیاں بھی تھیں۔ آپ کا پہلا نکاح جگر گوشہ رسول حضرت فاطمہ سلام اللہ علیہا سے ہوا، اور ان سے تین صاحبزادے امام حسن، امام حسین اور امام محسن علیہم السلام پیدا ہوئے۔ حضرت محسن رضی اللہ کا بچپن میں ہی وصال ہو گیا۔ سیدہ فاطمہ علیہا السلام سے حضرت علی کرم اللہ وجہہ الکریم کی دو صاحبزادیاں زینب کبریٰ اور ام کلثوم کبریٰ رضی اللہ عنہا پیدا ہوئیں۔ جب تک حضرت فاطمہ سلام اللہ علیہا بقید حیات رہیں آپ کرم اللہ وجہہ الکریم نے کسی اور سے نکاح نہ کیا۔ حضرت فاطمہ رضی اللہ عنہا کے انتقال کے بعد مختلف اوقات میں آپ کے درج ذیل نکاح ہوئے

ام البنین بنت حرام عامریہ رضی اللہ عنہا: ان سے چار فرزند حضرت عباس، حضرت جعفر، حضرت عبداللہ اور حضرت عثمان رضی اللہ عنہم پیدا ہوئے۔

لیلیٰ بنت مسعود تیمیہ رضی اللہ عنہا: ان سے دو بیٹے عبیداللہ اور ابوبکر رضی اللہ عنہما پیدا ہوئے۔

اسما بنت عمیس خثیمہ رضی اللہ عنہا: ان سے یحییٰ اور محمد اصغر رضی اللہ عنہما پیدا ہوئے۔

ام حبیبہ بنت زمعہ رضی اللہ عنہا:،ان سے حضرت عمر اور سیدہ رقیہ رضی اللہ عنہما پیدا ہوئے۔

امامہ بنت ابوالعاص رضی اللہ عنہا: ان سے محمد اوسط رضی اللہ عنہ پیدا ہوئے۔

خولہ بنت جعفر حنفیہ رضی اللہ عنہا: ان سے محمد اکبر رضی اللہ عنہ پیدا ہوئے، جو محمد حنفیہ کے نام سے معروف ہیں۔

ام سعید بنت عروہ رضی اللہ عنہا: ان سے ام الحسین اور رملہ کبریٰ رضی اللہ عنہما پیدا ہوئیں۔

محیاۃ بنت امراءالقیس: ان کے بطن سے ایک بیٹی پیدا ہوئی جو بچپن ہی میں فوت ہو گئیں۔

متعدد با ندیوں سے پیدا ہونے والی آپ کی اولاد کے نام درج ذیل ہیں:
حضرت ام ہانی، حضرت میمونہ، حضرت زینب صغریٰ، حضرت رملہ صغریٰ، ام کلثوم صغریٰ، حضرت فاطمہ، امامہ، حضرت خدیجہ، حضرت ام الکبریٰ، حضرت ام سلمہ، حضرت ام جعفر، حضرت ام جمانہ رضی اللہ عنہم اجمعین۔

ابن کثير، البدايه و النهايه، 7: 332، بيروت، مکتبه المعارف

ابن قتيبه، المعارف، 1: 210، القاهره، دارالمعارف

ابن کثير، الکامل في التاريخ، 3: 262، بيروت، دارالکتب

Share:

Read More

Salaf Ke Aqwal, Sunahri Nasihten

Salaf Ke Aqwal, Sunahri Nasihten

اقوالِ سلف
۔─━══★◐★══━─
🌷علامہ حافظ ابن قيم رحمه الله نے فرمایا :
زہد یہ نہیں کہ آدمی دنیا کو ہاتھ نہ لگائے جبکہ دنیا اس کے دل میں آباد ہو...
بلکہ زہد یہ ہے کہ دنیا میں ہاتھ ہو مگر وہ دل میں آباد نہ ہو.
طريق الهجرتين 454
🌷حضرت ابن عبدالبر رحمہ الله نے فرمایا :
امام شافعی رحمہ اللہ سے پوچھا گیا کہ آدمی گھٹیا کب ہوتا ہے.
انہوں نے فرمایا :
‏ بہت زیادہ بولنے، ساتھیوں کے راز افشا کرنے اور ہر ایک پر اعتبار کرنے سے آدمی گھٹیا ہوجاتا ہے.
الانتقـاء 159
🌷حضرت اﺑوﺣﺎﺗﻢ رحمه الله نے فرمایا :
نفع بخش تجارت اللہ کا ذکر ہے
جبکہ نقصان دہ تجارت لوگوں کا تذکرہ ہے.
بهجة المجالس 86

Share:

Read More

Mashoor Sahaba Ke Chand Nam.

Kuchh Mashoor Sahaba-E-Karaam Ke Nam.

مشہور صحابہ اکرامؓ کا محتصر تعارف:
( 1 ) حضرت ابوبکر صدیق رضی اللہ عنہ:
نام :         عبداللہ
کنیت :      ابو بکر
لقب :       صدیق و عتیق
ولادت :     50 قبل ھجری
والد :        عثمان
والدہ :       سلمی
پیشہ :       تجارت و سیاست
وفات :       سن 13 ھجری
مرویات :    142

( 2 ) حضرت عمر رضی الله عنہ:
نام :           عمر
کنیت :        ابو عبداللہ
لقب :          فاروق
ولادت :       40 قبل ھجری
والد :          خطاب بن نفیل
والدہ :        ختمہ بنت ہشام
پیشہ :        جہاد و سیاست
وفات :       23 ھجری
مرویات :     537

( 3 ) حضرت عثمان رضی الله عنہ:
نام :           عثمان
کنیت :        ابو عمرو و ابو عبداللہ
لقب :          ذوالنورین
ولادت :       47 قبل ھجری
والد :          عفان
والدہ :         اروی
پیشہ :          تجارت
وفات :         35 ھجری
مرویات :       146

( 4) حضرت علی رضی الله عنہ:
نام :            علی رضی الله عنہ
کنیت :         ابوالحسن و ابواتراب
لقب :           اسداللہ و مرتضی
ولادت :        23 قبل نبوت
والد :            عمران , یعنی ابو طالب
والدہ :          فاطمہ
پیشہ :          جہاد
وفات :          40 ھجری
مرویات :       536

( 5 ) حضرت عبداللہ بن مسعود رضی الله عنہ:
نام :           عبداللہ
کنیت :        ابو عبدالرحمان
لقب :          خادم رسول
ولادت :       31 قبل ھجری
والد :           مسعود
والدہ :         ام عبد
پیشہ :         درس تدریس
وفات :        32 ھجری
مرویات :     848

( 6 )حضرت عبداللہ بن عباس رضی الله عنہ:
نام :           عبداللہ
کنیت :        ابوالعباس
لقب :          حبرالامہ و ترجمان القرآن
ولادت :       3 قبل ھجری
والد :          عباس
والدہ :        ام الفضل
پیشہ :        درس و تدریس
وفات :        67 یا 68 ھجری
مرویات :     1660

( 7 ) حضرت عبداللہ بن عمر رضی الله عنہ:
نام :           عبداللہ
کنیت :        ابو عبدالرحمن
لقب :          فقیہ امت
ولادت :       11 قبل ھجری
والد :           عمر فاروق
والدہ :         زینب بنت مظعون
پیشہ :         تدریس و خطابت
وفات :        73 یا 74 ھجری
مرویات :     2630

( 8 ) حضرت عبداللہ بن عمرو رضی الله عنہ:
نام :           عبداللہ
کنیت :        ابو محمد و ابو عبدالرحمان
لقب :          کاتب حدیث و فاضل حدیث
ولادت :       7 قبل ھجری
والد :          عمرو بن عاص
والدہ :        ریطہ بنت منبہ
پیشہ :        دعوت و تبلیغ
وفات :       63 یا 65 ھجری
مرویات :    760

( 9 ) حضرت جابر بن عبداللہ رضی الله عنہ:
نام :          جابر
کنیت :       ابو عبداللہ
لقب :         صاحب الشجرہ
ولادت :      19 یا 20 قبل ھجری
والد :         عبداللہ بن عمرو
پیشہ :        درس و تدریس
وفات :        74 ھجری
مرویات :    1540

( 10 ) حضرت انس بن مالک رضی الله عنہ:
نام :            انس
کنیت :        ابو حمزہ و ابو ثمامہ
لقب :          خادم رسول
والد :          عاءل بن نضر
والدہ :        ام سلیم
پیشہ :        فتوی نویسی
وفات :        93 ھجری
مرویات :     2286

( 11 ) حضرت ابو ھریرہ رضی الله عنہ:
نام :            عبدالرحمان
کنیت :        ابو ھریرہ
لقب :          فقیہ امت و حافظ حدیث
ولادت :       19 قبل ھجری
وفات :        59 ھجری
والد :          عامر بن عبدوی
پیشہ :        اشاعت حدیث
مرویات :     5374

( 12 ) ابو سعید خدری رضی الله عنہ:
نام :            سعد
کنیت :        ابو سعید خدری
لقب :          صاحب الشجرہ
ولادت :       12 قبل ھجری
والد :          مالک بن سنان
والدہ :        انیسہ بنت ابو حارثہ
پیشہ :        درس و تدریس
وفات :       74 ھجری
مرویات :    1170

( 13 ) حضرت عائشہ رضی الله عنہا:
نام :           عائشہ
کنیت :        ام عبداللہ
لقب :          صدیقہ
ولادت :       9 قبل ھجری
والد :          ابو بکر صديق
والدہ :        ام رومان بنت عامر
پیشہ :        دعوت و تبلیغ
وفات :       58  ھجری
مرویات :    2210

( 14 ) حضرت ابو امامہ باھلی رضی الله عنہ:
نام :           صدی
کنیت :        ابو امامہ
لقب :          صاحب الشجرہ
ولادت :       21 قبل ھجری
والد :          عجلان بن وھب
پیشہ :        جہاد
وفات :        86 ھجری
مرویات :     250

( 15 ) حضرت ابو موسی اشعری رضی الله عنہ:
نام :           عبداللہ
کنیت :       ابو موسی
لقب :         حافظ حدیث
والد :         قیس بن مسلیم
والدہ :       ظبیہ بنت وھب
پیشہ :       تجارت و جہاد
وفات :      44 ھجری
مرویات :   360

( 16 ) حضرت سعد بن ابو وقاص رضی الله عنہ:
نام :          سعد
کنیت :      ابو اسحاق
لقب :        فاتح عراق
ولادت :     25 قبل ھجری
والد :        ابو وقاص
والدہ :       حمنہ بنت سفیان
پیشہ: جہاد
وفات :       55 ھجری
مرویات :     271

( 17 ) حضرت عقبہ بن عامر رضی الله عنہ:
نام :           عقبہ
کنیت :        ابو حماد
لقب :          شاعر اسلام
والد :         عامر جھنی
پیشہ :        خطابت و شاعری
وفات :       58 ھجری
مرویات :     55

( 18 ) حضرت میمونہ بنت حارث رضی الله عنہ:
نام :           میمونہ
کنیت :        ام عبداللہ
لقب :          ام المومنین
ولادت :       23 یا 29 قبل ھجری
والد :          حارث بن حزن
والدہ :        ھندہ بنت حزف
پیشہ :        دعوت و تبلیغ
وفات :       51 ھجری
مرویات :     10

( 19 ) حضرت ابو قتادہ انصاری رضی الله عنہ:
نام :           حارث
کنیت :       ابو قتادہ
لقب :         فارس رسول الله
ولادت :      16 قبل ھجری
والد :        ربعی بن سلامہ
والدہ :       کبشہ بنت مظہر
پیشہ :       جہاد
وفات :      54 ھجری
مرویات :   170

( 20 ) حضرت حذیفہ بن یمان رضی الله عنہ:
نام :           حذیفہ
کنیت :       ابو عبداللہ
لقب :         صاحب سر رسول الله
والد :         حسیل یعنی یمان
والدہ :       رباب بنت کعب
پیشہ :       درس و تدریس
وفات :      36 ھجری
مرویات :   223

( 21 ) حضرت سہل بن سعد رضی الله عنہ:
نام :         سہل
کنیت :      ابو عباس
لقب :        ساعدی
ولادت :     6 قبل ھجری تقریبا
والد :        سعد بن مالک
پیشہ :      درس و تدریس
وفات :      100 ھجری
مرویات :   10 تقریبا

( 22 ) حضرت عبادہ بن صامت رضی الله عنہ:
نام :           عبادہ
کنیت :        ابوالولید
لقب :          قاری القرآن
ولادت :       39 قبل ھجری
والد :          صامت انصاری
والدہ :        قرةالعین بنت عبادہ
پیشہ :        دعوت و کتابت
وفات :        34 ھجری
مرویات :     181

( 23 ) حضرت سمرہ رضی اللہ عنہ:
کنیت :         ابو سلیمان
لقب :           بصری
ولادت :       8 قبل ھجری
والد :           جندب بن ھلال
پیشہ :         جہاد
وفات :        54 یا 58 ھجری
مرویات :     130

( 24 ) حضرت عباس بن عبدالمطلب رضی الله عنہ:
نام :          عباس
کنیت :       ابو الفضل
لقب :         ساقی حرمین
ولادت :      56  قبل ھجری
والد :        عبدالمطلب
والدہ :       نتیلہ بنت جناب
پیشہ :       دعوت و تبلیغ
وفات :      32 ھجری
مرویات :    35

( 25 ) حضرت زید بن ثابت رضی اللہ عنہ:
نام :          زید
کنیت :       ابو خارجہ
لقب :         مفتی مدینہ
ولادت :      12 قبل ھجری
والد :         ثابت بن ضحاک
والدہ :        نوار بنت مالک
پیشہ :        قضاء و فیصلہ
وفات :       45 ھجری
مرویات :    92

( 26 ) حضرت معاذ بن جبل رضی الله عنہ:
نام :           معاذ
کنیت :        ابو عبدالرحمان
لقب :          امام الفقہاء
ولادت :      18 قبل ھجری
والد :         جبل بن عمرو
والدہ :        ھندہ بنت سہل
پیشہ :        سیاست و یدرس و تدریس
وفات :       17 یا 18 ھجری
مرویات :     157

Share:

Read More

Ashaab-Kahaf Kaun Aur Kitne They?

Isa Alaihe Salam Ke Bad unki Qaum ka Hal Kaisa Tha?

اصحاب_کہف
اصحابِ کہف کون تھے؟ ان کی تعداد کتنی تھی؟ وہ کتنا عرصہ سوتے رہے؟ اور ان کے نام کیا کیا تھے؟
ان عظیم لوگوں کے بارے کچھ دلچسپ و عجیب ۔
حضرت عیسیٰ علیہ السلام کے آسمان پر اٹھا لئے جانے کے بعد عیسائیوں کا حال بے حد خراب اور نہایت ابتر ہو گیا۔ لوگ بت پرستی کرنے لگے اور دوسروں کو بھی بت پرستی پر مجبور کرنے لگے۔ خصوصاً ان کا ایک بادشاہ ''دقیانوس''تو اس قدر ظالم تھا کہ جو شخص بت پرستی سے انکار کرتا تھا یہ اُس کو قتل کرڈالتا تھا۔
اصحابِ کہف شہر ''اُفسوس''کے شرفاء تھے جو بادشاہ کے معزز درباری بھی تھے۔ مگر یہ لوگ صاحب ِ ایمان اور بت پرستی سے انتہائی بیزار تھے۔ ''دقیانوس''کے ظلم و جبر سے پریشان ہو کر یہ لوگ اپنا ایمان بچانے کے لئے اُس کے دربار سے بھاگ نکلے اور قریب کے پہاڑ میں ایک غار کے اندر پناہ گزیں ہوئے اور سو گئے، تو تین سو برس سے زیادہ عرصے تک اسی حال میں سوتے رہ گئے۔ دقیانوس نے جب ان لوگوں کو تلاش کرایا اور اُس کو معلوم ہوا کہ یہ لوگ غار کے اندر ہیں تو وہ بے حد ناراض ہوا۔ اور فرط غیظ و غضب میں یہ حکم دے دیا کہ غار کو ایک سنگین دیوار اُٹھا کر بند کردیا جائے تاکہ یہ لوگ اُسی میں رہ کر مرجائیں اور وہی غار ان لوگوں کی قبر بن جائے۔
مگر دقیانوس نے جس شخص کے سپرد یہ کام کیا تھا وہ بہت ہی نیک دل اور صاحب ِ ایمان آدمی تھا۔ اُس نے اصحاب ِکہف کے نام اُن کی تعداد اور اُن کا پورا واقعہ ایک تختی پر کندہ کرا کر تانبے کے صندوق کے اندر رکھ کر دیوار کی بنیاد میں رکھ دیا۔ اور اسی طرح کی ایک تختی شاہی خزانہ میں بھی محفوظ کرادی۔ کچھ دنوں کے بعد دقیانوس بادشاہ مر گیا اور سلطنتیں بدلتی رہیں۔ یہاں تک کہ ایک نیک دل اور انصاف پرور بادشاہ جس کا نام ''بیدروس'' تھا، تخت نشین ہوا جس نے اڑسٹھ سال تک بہت شان و شوکت کے ساتھ حکومت کی۔ اُس کے دور میں مذہبی فرقہ بندی شروع ہو گئی اور بعض لوگ مرنے کے بعد اُٹھنے اور قیامت کا انکار کرنے لگے۔ قوم کا یہ حال دیکھ کر بادشاہ رنج و غم میں ڈوب گیا اور وہ تنہائی میں ایک مکان کے اندر بند ہو کر خداوند قدوس عزوجل کے دربار میں نہایت بے قراری کے ساتھ گریہ و زاری کر کے دعائیں مانگنے لگا کہ یا اللہ عزوجل کوئی ایسی نشانی ظاہر فرما دے تاکہ لوگوں کو مرنے کے بعد زندہ ہو کر اٹھنے اور قیامت کا یقین ہوجائے۔
بادشاہ کی یہ دعا مقبول ہو گئی اور اچانک بکریوں کے ایک چرواہے نے اپنی بکریوں کو ٹھہرانے کے لئے اسی غار کو منتخب کیا اور دیوار کو گرا دیا۔ دیوار گرتے ہی لوگوں پر ایسی ہیبت و دہشت سوار ہو گئی کہ دیوار گرانے والے لرزہ براندام ہو کر وہاں سے بھاگ گئے اور اصحابِ کہف بحکم الٰہی اپنی نیند سے بیدار ہو کر اٹھ بیٹھے اور ایک دوسرے سے سلام و کلام میں مشغول ہو گئے اور نماز بھی ادا کرلی۔ جب ان لوگوں کو بھوک لگی تو ان لوگوں نے اپنے ایک ساتھی یملیخاسے کہا کہ تم بازار جا کر کچھ کھانا لاؤ اور نہایت خاموشی سے یہ بھی معلوم کرو کہ ''دقیانوس''ہم لوگوں کے بارے میں کیا ارادہ رکھتا ہے؟
''یملیخا''غار سے نکل کر بازار گئے اور یہ دیکھ کر حیران رہ گئے کہ شہر میں ہر طرف اسلام کا چرچا ہے اور لوگ اعلانیہ حضرت عیسیٰ علیہ السلام کا کلمہ پڑھ رہے ہیں۔یملیخا یہ منظر دیکھ کر محو حیرت ہو گئے کہ الٰہی یہ ماجرا کیا ہے؟کہ اس شہر میں تو ایمان واسلام کا نام لینا بھی جرم تھا آج یہ انقلاب کہاں سے اورکیونکر آگیا؟
پھر یہ ایک نانبائی کی دکان پر کھانا لینے گئے اور دقیانوسی زمانے کا روپیہ دکاندار کو دیا جس کا چلن بند ہوچکا تھا بلکہ کوئی اس سکہ کا دیکھنے والا بھی باقی نہیں رہ گیا تھا۔ دکاندار کو شبہ ہوا کہ شاید اس شخص کو کوئی پرانا خزانہ مل گیا ہے چنانچہ دکاندار نے ان کو حکام کے سپرد کردیا اور حکام نے ان سے خزانے کے بارے میں پوچھ گچھ شروع کردی اور کہا کہ بتاؤ خزانہ کہاں ہے؟
''یملیخا'' نے کہا کہ کوئی خزانہ نہیں ہے۔ یہ ہمارا ہی روپیہ ہے۔ حکام نے کہا کہ ہم کس طرح مان لیں کہ روپیہ تمہارا ہے؟ یہ سکہ تین سو برس پرانا ہے اور برسوں گزر گئے کہ اس سکہ کا چلن بند ہو گیا اور تم ابھی جوان ہو۔ لہٰذا صاف صاف بتاؤ کہ عقدہ حل ہوجائے۔ یہ سن کریملیخا نے کہا
کہ تم لوگ یہ بتاؤ کہ دقیانوس بادشاہ کا کیا حال ہے؟ حکام نے کہا کہ آج روئے زمین پر اس نام کا کوئی بادشاہ نہیں ہے۔ ہاں سینکڑوں برس گزرے کہ اس نام کا ایک بے ایمان بادشاہ گزرا ہے جو بت پرست تھا۔ ''یملیخا'' نے کہا کہ ابھی کل ہی تو ہم لوگ اس کے خوف سے اپنے ایمان اور جان کو بچا کر بھاگے ہیں۔ میرے ساتھی قریب ہی کے ایک غار میں موجود ہیں۔ تم لوگ میرے ساتھ چلو میں تم لوگوں کو اُن سے ملادوں۔ چنانچہ حکام اور عمائدین شہر کثیر تعداد میں اُس غار کے پاس پہنچے۔ اصحاب ِ کہف ''یملیخا'' کے انتظار میں تھے۔ جب ان کی واپسی میں دیر ہوئی تو اُن لوگوں نے یہ خیال کرلیا کہ شاید یملیخا گرفتار ہو گئے اور جب غار کے منہ پر بہت سے آدمیوں کا شور و غوغا ان لوگوں نے سنا تو سمجھ بیٹھے کہ غالباً دقیانوس کی فوج ہماری گرفتاری کے لئے آن پہنچی ہے۔ تو یہ لوگ نہایت اخلاص کے ساتھ ذکر ِ الٰہی اور توبہ و استغفار میں مشغول ہو گئے۔
حکام نے غار پر پہنچ کر تانبے کا صندوق برآمد کیا اور اس کے اندر سے تختی نکال کر پڑھا تو اُس تختی پر اصحاب ِ کہف کا نام لکھا تھا اور یہ بھی تحریر تھا کہ یہ مومنوں کی جماعت اپنے دین کی حفاظت کے لئے دقیانوس بادشاہ کے خوف سے اس غار میں پناہ گزیں ہوئی ہے۔ تو دقیانوس نے خبر پا کر ایک دیوار سے ان لوگوں کو غار میں بند کردیا ہے۔ ہم یہ حال اس لئے لکھتے ہیں کہ جب کبھی بھی یہ غار کھلے تو لوگ اصحاب ِ کہف کے حال پر مطلع ہوجائیں۔ حکام تختی کی عبارت پڑھ کر حیران رہ گئے۔ اور ان لوگوں نے اپنے بادشاہ ''بیدروس'' کو اس واقعہ کی اطلاع دی۔ فوراً ہی بید روس بادشاہ اپنے امراء اور عمائدین شہر کو ساتھ لے کر غار کے پاس پہنچا تو اصحاب ِ کہف نے غار سے نکل کر بادشاہ سے معانقہ کیا اور اپنی سرگزشت بیان کی۔ بیدروس بادشاہ سجدہ میں گر کر خداوند قدوس کا شکر ادا کرنے لگا کہ میری دعا قبول ہو گئی اور اللہ تعالیٰ نے ایسی نشانی ظاہر کردی جس سے موت کے بعد زندہ ہو کر اُٹھنے کا ہر شخص کو یقین ہو گیا۔ اصحاب ِ کہف بادشاہ کو دعائیں دینے لگے کہ اللہ تعالیٰ تیری بادشاہی کی حفاظت فرمائے۔ اب ہم تمہیں اللہ کے سپرد کرتے ہیں۔ پھر اصحاب ِ کہف نے السلام علیکم کہا اور غار کے اندر چلے گئے اور سو گئے اور اسی حالت میں اللہ تعالیٰ نے ان لوگوں کو وفات دے دی۔ بادشاہ بیدروس نے سال کی لکڑی کا صندوق بنوا کر اصحابِ کہف کی مقدس لاشوں کو اس میں رکھوا دیا اور اللہ تعالیٰ نے اصحاب ِ کہف کا ایسا رعب لوگوں کے دلوں میں پیدا کردیا کہ کسی کی یہ مجال نہیں کہ غار کے منہ تک جا سکے۔ اس طرح اصحاب ِ کہف کی لاشوں کی حفاظت کا اللہ تعالیٰ نے سامان کردیا۔ پھر بیدروس بادشاہ نے غار کے منہ پر ایک مسجد بنوا دی اور سالانہ ایک دن مقرر کردیا کہ تمام شہر والے اس دن عید کی طرح زیارت کے لئے آیا کریں۔
( یہ واقعہ تفسیر خازن کے حوالے سے پیش کیا گیا، ج۳،ص۱۹۸۔۲۰۰)
اصحابِ کہف کی تعداد میں جب لوگوں کا اختلاف ہوا تو یہ آیت نازل ہوئی کہ :۔
قُل رَّبِّیۡۤ اَعْلَمُ بِعِدَّتِہِمۡ مَّا یَعْلَمُہُمْ اِلَّا قَلِیۡلٌ (پ15،الکہف:22)
ترجمہ قرآن:۔ تم فرماؤ میرا رب ان کی گنتی خوب جانتاہے انہیں نہیں جانتے مگر تھوڑے۔
حضرت عبداللہ بن عباس رضی اللہ عنہما نے فرمایا کہ میں انہی کم لوگوں میں سے ہوں جو اصحابِ کہف کی تعداد کو جانتے ہیں۔ پھر آپ نے فرمایا کہ اصحاب ِ کہف کی تعداد سات ہے اور آٹھوں اُن کا کتا ہے۔
(تفسیرصاوی، ج ۴ ،ص۱۱۹۱،پ۱۵،الکہف:۲۲)
قرآن مجید میں اللہ تعالیٰ نے اصحابِ کہف کا حال بیان فرماتے ہوئے ارشاد فرمایا کہ:۔
(پ15،الکہف:9۔13)
ترجمہ قرآن:۔کیا تمہیں معلوم ہوا کہ پہاڑ کی کھوہ اور جنگل کے کنارے والے ہماری ایک عجیب نشانی تھے جب ان جوانوں نے غار میں پناہ لی پھر بولے اے ہمارے رب ہمیں اپنے پاس سے رحمت دے اور ہمارے کام میں ہمارے لئے راہ یابی کے سامان کر تو ہم نے اس غار میں ان کے کانوں پر گنتی کے کئی برس تھپکا پھر ہم نے انہیں جگایا کہ دیکھیں دو گرہوں میں کون ان کے ٹھہرنے کی مدت زیادہ ٹھیک بتاتا ہے ہم ان کا ٹھیک ٹھیک حال تمہیں سنائیں وہ کچھ جو ان تھے کہ اپنے رب پر ایمان لائے اور ہم نے ان کو ہدایت بڑھائی۔
اس سے اگلی آیتوں میں اللہ تعالیٰ نے اصحاب ِ کہف کا پورا پورا حال بیان فرمایا ہے ۔ جس کا تذکرہ اوپر ہوچکا۔
اصحابِ کہف کے نام:۔
ان کے ناموں میں بھی بہت اختلاف ہے۔ حضرت علی رضی اللہ عنہ سے روایت ہے کہ اُن کے نام یہ ہیں۔ یملیخا، مکشلینا، مشلینا، مرنوش، دبرنوش، شاذنوش اور ساتواں چرواہا تھا جو ان لوگوں کے ساتھ ہو گیا تھا۔ حضرت علی رضی اللہ عنہ نے اُس کا ذکر نہیں فرمایا۔ اور ان لوگوں کے کتے کا نام'' قطمیر ''تھا اور ان لوگوں کے شہر کا نام ''افسوس''تھا اور ظالم بادشاہ کا نام ''دقیانوس''تھا۔
(مدارک التنزیل ،ج ۳، ص ۲۰۶،پ۱۵،الکہف:۲۲)
اور تفسیر صاوی میں لکھا ہے کہ اصحاب ِ کہف کے نام یہ ہیں۔ مکسملینا، یملیخا، طونس، نینوس، ساریونس، ذونوانس، فلستطیونس۔ یہ آخری چرواہے تھے جو راستے میں ساتھ ہو لئے تھے اور ان لوگوں کے کتے کا نام ''قطمیر'' تھا۔
(صاوی،ج۴،ص۱۱۹۱،پ۱۵،الکہف:۲۲ )
اصحابِ کہف کتنے دنوں تک سوتے رہے:۔
جب قرآن کی آیت وَ لَبِثُوۡا فِیۡ کَہۡفِہِمْ ثَلٰثَ مِائَۃٍ سِنِیۡنَ وَازْدَادُوۡا تِسْعًا ﴿۲۵﴾ (پ۱۵،الکھف:۲۵) (اور وہ اپنے غار میں تین سو برس ٹھہرے نواوپر)نازل ہوئی۔
تو کفار کہنے لگے کہ ہم تین سو برس کے متعلق تو جانتے ہیں کہ اصحاب ِ کہف اتنی مدت تک غار میں رہے مگر ہم نو برس کو نہیں جانتے تو حضور اقدس صلی اللہ علیہ وسلم نے فرمایا کہ تم لوگ شمسی سال جوڑ رہے ہو اور قرآن مجید نے قمری سال کے حساب سے مدت بیان کی ہے اور شمسی سال کے ہر سو برس میں تین سال قمری بڑھ جاتے ہیں۔
(صاوی،ج۴،ص۱۱۹۳،پ۱۵،الکہف:۲۵)

Share:

Read More

Kya Muawiya Rz aur Yazid se Nafrat Karni Chahiye?

Ali Raziallahu Anhu aur Hussain Raziallahu Anhu se Mohabbat Iman ka Hissa Hai.
بےشک علی اور حسین رضی اللہ عنہما سے محبت دین وایمان میں سے ہے لیکن اس کا ہرگز یہ مطلب نہیں کہ معاویہ رضی اللہ عنہ اور یزید سے نفرت کی جائے بلکہ یہ ایمان اور اخلاق دونوں کے منافی ہوگا۔
برے سے برے مسلمان کو بھی دعا دیں گے تو نیکی ملےگی اور گالی دیں گے تو گناہ ہوگا اور یہ تو خیر صحابہ وتابعین میں سے ہیں۔
اگر ہمارے مابین کوئی اختلاف رونما ہو جاتا ہے تو ہم اس کو نظر انداز کرکے جلد از جلد آگے بڑھ جانے کی بات کرتے ہیں اور اسی میں الجھے رہنے کو اتحاد امت اور تعمیر قوم وملت کے منافی سمجھتے ہیں، لیکن صحابہ وتابعین کے آپسی اختلاف کے ساتھ بعینہ یہی برتاؤ کرنے کو ہم اب تک تیار نہیں ہوئے، آخر یہ دہرا معیار کیوں؟

Share:

Read More

Kya Tarikhi Waqyat Adal o insaaf se Darj kiye Gye Hai?

Kya History me Darj Sari Batein Pathher Ki Lakeer Hai?
کچھ لوگ تاریخ میں درج باتوں کو پتھر کی لکیر سمجھ لیتے ہیں حالانکہ اس میں سچ اور جھوٹ دونوں کا احتمال ہی نہیں ہے بلکہ وہ تضاد واختلاف اور غلط بیانی سے بھی پُر ہے اور اس کے لکھنے اور بیان کرنے والوں میں سے اکثریت کا نظریہ اور نیت بھی شک کے گھیرے میں ہے۔
لہذا مسلمانوں کو چاہئے کہ صحابہ وتابعین اور اور دیگر سلف صالحین کے بارے میں کسی بھی تاریخی روایت پر اعتماد کرنے سے پہلے اس کی تحقیق کر لیں، اس کو شریعت کے ترازو میں تول لیں اور عدل کی کسوٹی پر پرکھ لیں۔

Share:

Read More

Sahaba-E-Karaam Ko Lan Tan Karne walo Jra Gaur karna.

Sahaba kiram rz ko Bura bhala kahne wale jra Gaur Kare?
صحابہ کرام رضی اللہ عنہم کو برا بھلا کہنے والے نام نہاد مسلمانو! ذرا سنجیدگی سے غور کرو کہ:
جب صحابہ کرام کو رسول صلی اللہ علیہ وسلم کی رفاقت اور شاگردی کے لئے خود اللہ تعالی نے منتخب فرمایا ہے، تو پھر اللہ کا انتخاب غلط کیسے ہو سکتا ہے؟
اور جب صحابہ کرام کی تعلیم وتربیت خود رسول صلی اللہ علیہ وسلم نے براہ راست فرمائی ہے، تو بھلا رسول کی محنت کا نتیجہ برا (Bura) کیسے نکل سکتا ہے؟

Share:

Read More

Amir Muawiya R.z kaun they unki Halat-E-Zindagi

Amir Muawiya R.Z Ki Ta'aruf

امیر معاویہ کے حالات زندگی
نام ونسب
ابو عبد الرحمن معاویہ رضی اللہ عنہ بن ابو سفیان رضی اللہ رعنہ بن صخر بن حرب بن عبد شمس بن عبد مناف قریشی۔ آپ رضی اللہ عنہ کا سلسلہءنسب پانچویں پشت میں حضور اکرم ﷺ سے ملتا تھا ۔
حليه مبارك
سروقد ، لحیم وشحیم، رنگ گورا، چہرہ کتابی ،آنکھیں موٹی گھنی داڑھی، وضع قطع، چال ڈھال میں بظاہر شا ن وشوکت اورتمکنت مگر مزاج اور طبیعت میں زہد وتواضع، فرونتی، حلم برد باری اور چہرہ سے ذہانت اور فطانت مترشح تھی۔
پیدائش
حضور اکرم ﷺ کی بعثت سے تقریباً ۵ سال قبل پیدا ہوئے ۔
اسلام قبول کرنے سے پہلے
حضرت معاویہ رضی اللہ عنہ سردار قریش ابوسفیان کے صاحبزادے تھے ، آپ رضی اللہ عنہ کا شمار قریش کے ان 17 ِافرا دمیں ہوتا تھا جو لکھنا پڑھنا جانتے تھے ۔
اسلام کے دامن رحمت میں:
حضرت معاویہ رضی اللہ عنہ نے اپنے قبول اسلام کااعلان فتح مکہ 8 ھ کے موقع پر فرمایا ، لیکن اس سے بہت عرصے پہلے آپ رضی اللہ عنہ کے دل میں اسلام داخل ہوچکا تھا ،جس کا ایک اہم اور واضح ثبوت یہ ہے کہ آپ رضی اللہ عنہ نے جنگ بدر، جنگ احد، جنگ خندق اور صلح حدیبیہ میں لاحصہ نہیں لیا ، حالانکہ آپ رضی اللہ عنہ جوان اور فنون حرب وضرب کے ماہرتھے
قبول اسلام ظاهر نه كرنے كي وجه

” میں عمرةالقضا سے بھی پہلے اسلام لاچکا تھا ، مگر مدینہ جانے سے ڈرتا تھا ، جس کی وجہ یہ تھی کہ میری والدہ نے مجھے صاف کہہ دیا تھا کہ اگر تم مسلمان ہوکرمدینہ چلے گئے تو ہم تمہارے ضروری اخراجات زندگی بھی بند کردیں گے “ (طبقات ابن سعد ؒ)
خدمت نبوی ﷺ میں
اسلام قبول کرنے کے بعد حضرت معاویہ رضی اللہ عنہ کے شب وروز خدمت نبوی ﷺ میں بسر ہونے لگے آپ رضی اللہ عنہ کے خاندان بنو امیہ کےتعلقات قبول اسلام سے پہلے بھی حضور اکرم ﷺ کے ساتھ دوستانہ تھے ۔
دار الامن
یہی وجہ تھی کہ فتح مکہ کے موقع پر آپ ﷺ نے دار ابو سفیان رضی اللہ عنہ کو دارالامن قراردے دیا تھا ،
آپ ﷺسے رشته داري
نیز حضرت ابو سفیان رضی اللہ عنہ کی صاحبزادی اورحضرت معاویہؓ کی بہن حضرت ام حبیبہ رضی اللہ عنہا حضور اکرم ﷺ کے حرم میں داخل تھیں ۔
كاتب وحي
حضور اکرم ﷺ نے حضرت معاویہ رضی اللہ عنہ کو نہ صرف کاتبین وحی صحابہ رضی اللہ عنہم میں شامل فرمالیا تھا بلکہ دربار رسالت ﷺ سے جو فرامین اور خطوط جاری ہوتے تھے ، ان کو بھی آپ رضی اللہ عنہ لکھا کرتے تھے ۔
”حضور اکرم ﷺ کے کاتبین میں سب سے زیادہ حاضر باش حضرت زید بن ثابت رضی اللہ عنہ اور ان کے بعد حضرت معاویہ رضی اللہ عنہ تھے ۔ شب وروزکتابت وحی کے علاوہ آپ رضی اللہ عنہ کا کوئی شغل نہ تھا “ (علامه ابن حزم، جامع السیر )
حضور صلی اللہ علیہ وآلہ وسلم نے جلیل القدر صحابہ رضوان اللہ تعالی علیہم اجمعین پر مشتمل ایک جماعت مقرر کر رکھی تھی جو کہ ” کاتب وحی ” تھے ان میں حضرت معاویہ رضی اللہ تعالی عنہ کا چھٹا نمبر تھا۔ حضرت شاہ ولی اللہ حدث دہلوی لکھتے ہیں کہ حضور صلی اللہ علیہ وآلہ وسلم نے حضرت معاویہ رضی اللہ تعالی عنہ کو کا تب وحی بنایا تھا۔۔۔ اورآپ صلی اللہ علیہ وآلہ وسلم اسی کو کاتب وحی بناتےتھے جو ذی عدالت اور امانت دار ہوتا تھا(”ازالتہ الخفا ازشاہ ولی اللہ”)*دور خلافت راشدہ ؓمیں آپؓ کے جہادی کارنامے*

حضرت ابوبکر صدیق رضی اللہ عنہ کے دور خلافت میں شام کی طرف جو لشکر بھیجےگئے آپ رضی اللہ عنہ اس کے ہراول دستے میں شامل تھے ۔
حضرت عمر رضی اللہ عنہ کے دور خلافت میں گورنر شام کی حیثیت سے آپ رضی اللہ عنہ نے روم کی سرحدوں پر جہاد جاری رکھا اور متعدد شہر فتح کئے ۔
حضرت عثمان رضی اللہ عنہ کے دورخلافت میں آپ رضی اللہ عنہ نے عموریہ تک اسلام کا پرچم لہرا یا ۔ آپ رضی اللہ عنہ کا ایک اہم جہادی کارمانہ قبرص کی فتح ہے ۔ شام کے قریب واقع یہ حسین وزرخیز جزیرہ اس حیثیت سے انتہائی اہمیت کا حامل تھا کہ یورپ اور روم کی جانب سے یہی جزیزہ مصر وشام کی فتح کا دروازہ تھا ۔
حضرت فاروق اعظم رضی اللہ عنہ نے سمندری مشکلات کے پیش نظر آپ رضی اللہ عنہ کو لشکر کشی کی اجازت نہیں دی تھی ، لیکن حضرت عثمان رضی اللہ عنہ نے آپ رضی اللہ عنہ کے عزم کامل اور شدید اصرار کو دیکھتے ہوئے اجازت مرحمت فرمادی ۔ آپ رضی اللہ عنہ نے یہاں حملہ کرنے کی غرض سے 500 جہازوں پر مشتمل بحری بیڑہ تیار فرمایا ۔ جب اہل قبرص نے اتنے عظیم بحری بیڑے کو قبرص میں لنگر انداز دیکھاتو ابتدا میں کچھ شرائط پر مسلمانوں سے صلح کرلی، لیکن موقع پاکر عہد شکنی کی اور مسلمانوں کے خلاف رومیوں کومدد فراہم کی چنانچہ آپ رضی اللہ عنہ نےدوبارہ حملہ کردیا اور اس اہم جزیرے کو مسخر کرلیا ۔
یہ اسلام کا پہلا بحری بیڑہ تھا اور باتفاق محدثین آپ رضی اللہ عنہ اور آپ رضی اللہ عنہ کے اس بیڑے میں شامل مجاہدین ہی اس حدیث کا مصداق ہیں جس میں حضور اکرم ﷺ نے بحری جہاد کرنے والوں کو جنت کی خوشخبری دی ہے ، علاوہ ازیں افرنطیہ ،ملطیہ ،روم کے متعدد قلعے بھی آپ رضی اللہ عنہ نے فتح کئے ۔
*عہدے ومناصب اور خلافت:*

آپ رضی اللہ عنہ 18 ھ سے 41 ھ تک تقریباً 22 سال گورنری کے منصب پر فائز رہے ۔ آ پ نے 19 سال تک 64 لاکھ مربع میل یعنی آدھی دنیا پر حکومت کیزاس اجمال کی تفصیل یہ ہے کہ 18 ھ میں آپ رضی اللہ عنہ کے برادراکبر حضرت یزید بن ابو سفیان رضی اللہ عنہ طاعون کے باعث شہید ہوگئے ،چنانچہ ان کی جگہ حضرت عمر فاروق رضی اللہ عنہ نے آپ رضی اللہ عنہ کو دمشق کا گورنر مقرر فرمایا ۔
حضرت عثمان رضی اللہ عنہ نے فلسطین ،اردن اور لبنان بھی آپ رضی اللہ عنہ کی گورنری میں دےدئیے ۔ اس طرح شام کا صوبہ اور اس کے مضافات کے تمام علاقے آپ رضی اللہ عنہ کی عملداری میں آگئے*حضرت حسن اور امير معاويه*

41 ھ میں حضر ت حسن رضی اللہ عنہ کی خلافت سے دستبرداری پر آپ رضی اللہ عنہ خلیفۃ المسلمین بنے ، تمام مسلمانوں نے آپ رضی اللہ عنہ کے دست حق پر ست پر بیعت کی ۔ آپ رضی اللہ عنہ کا دور خلافت تقریباً 20 سال پر محیط ہے ۔
*بطور خلیفہ خدمات جلیلہ:*

1) آپ رضی اللہ عنہ کے دو رخلافت میں فتوحات کا سلسلہ انتہائی برق رفتاری سے جاری رہا اور قلات ، قندھار، قیقان ، مکران ، سیسان ، سمر قند ، ترمذ،شمالی افریقہ ،جزیرہ روڈس ،جزیرہ اروڈ ،کابل ،صقلیہ (سسلی ) سمیت مشرق ومغرب ،شمال وجنوب کا 22 لاکھ مربع میل سے زائد علاقہ اسلام کے زیر نگیں آگیا ۔ ان فتوحات میں غزوہ قسطنطنیہ ایک اہم مقام رکھتاہے ۔ یہ مسلمانوں کی قسطنطنیہ پر پہلی فوج کشی تھی ، مسلمانوں کا بحری بیڑہ سفیان ازدی رضی اللہ عنہ کی سرکردگی میں روم سے گزر کر قسطنطنیہ پہنچا اور قلعے کا محاصرہ کرلیا ۔
2) آپ رضی اللہ عنہ نے فوج کو دو حصوں میں تقسیم کیا ایک حصہ موسم سرما میں اور دوسرا حصہ موسم گرما میں جہاد کرتا تھا ۔آپ رضی اللہ عنہ نے فوجیوں کا وظیفہ دگنا کردیا ۔ ان کے بچوں کے بھی وظائف مقرر کردئیے نیز ان کے اہل خانہ کا مکمل خیال رکھا ۔
3) مردم شماری کےلئے باقاعدہ محکمہ قائم کیا ۔
4) بیت اللہ شریف کی خدمت کےلئے مستقل ملازم رکھے ۔ بیت اللہ پر دیبا وحریر کا خوبصورت غلاف چڑھایا ۔
5) تمام قدیم مساجد کی ازسرنو تعمیر ومرمت ،توسیع وتجدید او رتزئین وآرائش کی ۔
6) حضرت امیر معاویہ رضی اللہ تعالیٰ عنہ نے سب سے پہلا قامتی ہسپتال دمشق میں قائم کیا۔
7) نہروں کے نظام کے ذریعے سینکڑوں مربع میل اراضی کو آباد کیا اور زراعت کو خوب ترقی دی ۔
8) نئے شہر آباد کئے اور نو آبادیاتی نظام متعارف کرایا ۔
9) خط دیوانی ایجاد کیا اور قوم کو الفاظ کی صورتمیں لکھنے کا طریقہ پیدا کیا۔
10) ڈاک کے نظام کو بہتر بنایا ، اس میں اصلاحات کیں اور باقاعدہ محکمہ بناکر ملازم مقرر کئے ۔
11) احکام پر مہر لگانے اور حکم کی نقل دفتر میں محفوظ رکھنے کا طریقہ ایجاد کیا۔
12) عدلیہ کے نظام میں اصلاحات کیں اور اس کو مزیدترقی دی ۔
13) آپ نے دین اخلاق اور قانون کی طرح طب اور علم الجراحت کی تعلیم کا انتظام بھی کیا۔
14) آپ نے بیت المال سےتجارتی قرضے بغیر اشتراک نفع یا سود کے جاری کرکے تجارت وصنعت کو فروغ دیا اور بین الاقوامی معاہدے کئے۔
15) سرحدوں کی حفاظت کیلئے قدیم قلعوں کی مرمت کر کے اور چند نئے قلعے تعمیر کرا کر اس میں مستقل فوجیں متعین کیں۔
16) حضرت امیر معاویہ رضی اللہ تعالیٰ عنہ کے دور میں ہی سب سے پہلے منجنیق
17) کا استعمال کیا گیا۔
18) مستقل فوج کے علاوہ رضا کاروں کی فوج بنائی ۔
19) بحری بیڑے قائم کئے اور بحری فوج ( نیوی ) کا شعبہ قائم کیا ۔ یہ آپ رضی اللہ عنہ کا تجدیدی کارنامہ ہے ۔
20) جہاز سازی کی صنعت میں اصلاحات کیں اور باقاعدہ کارخانے قائم کئے۔پہلا کارخانہ 54 ھ میں قائم ہوا ۔
21) قلعے بنائے ، فوجی چھاؤنیاں قائم کیں اور ” دارالضرب “ کے نام سے شعبہ قائم کیا ۔
22) امن عامہ برقرار رکھنے کےلئے پولیس کے شعبے کو ترقی دی جسے حضرت عمررضی اللہ عنہ نے قائم کیا تھا ۔
دارالخلافہ دمشق اور تمام صوبوں میں قومی وصوبائی اسمبلی کی طرز پر مجالس شوری قائم کیں ۔
ابو اسحق السبیعی رحمہ اللہ فرماتے ہیں بلاشبہ وہ مہد ی زماں تھے *حضرت معاویہ رضی اللہ عنہ احادیث وآثار کے آئینے میں : *
1) میری اُمت کا پہلا لشکر جو سمندر میں جہاد کرے گا، ان (مجاہدین) کے لئے(جنگ) واجب ہے (صحیح بخاری ٢٩٢٤)۔۔۔یہ جہاد سیدنا معاویہ بن ابی سفیان رضی اللہ عنہ (کی خلافت) کے زمانے میں ہوا تھا (دیکھئے صحیح البخاری ٦٢٨٢۔٦٢٨٣)۔۔۔ اور اس جہاد میں سیدنا معاویہ رضی اللہ عنہ شامل تھے (دیکھئے صحیح بخاری ٢٧٩٩۔٢٨٠٠)۔۔۔
2) سیدنا عبداللہ بن عباس رضی اللہ عنہ نے فرمایا میں بچوں کے ساتھ کھیل رہاتھا کہ اتنے میں رسول اللہ صلی اللہ علیہ وسلم تشریف لائے میں یہ سمجھا کہ آپ میرے لئے تشریف لائے لہذا میں دروازے کے پیچھے چھپ گیا تو آپ نے میری کمر پر تھپکی دے کر فرمایا۔۔۔جاؤ اور معاویہ کو بُلا لاؤ وہ (معاویہ رضی اللہ عنہ) وحی لکھتے تھے۔۔۔ الخ(دلائل النبوۃ للبہیقی ٢\٢٤٣ و سند حسن)۔۔۔
3) جلیل القدر تابعی عبداللہ بن عبیداللہ بن ابی ملیکہ المکی رحمہ اللہ سے روایت کہ معاویہ رضی اللہ عنہ نے عشاء کے بعد ایک رکعت وتر پڑھا پھر ابن عباس رضی اللہ عنہ نے فرمایا کہ!۔ انہوں نے صحیح کیا ہے وہ فقیہ ہیں (صحیح بخاری ٣٧٦٥)۔۔۔
4) صحابی عبدالرحمٰن بن ابی عمیرہ رضی اللہ عنہ سے روایت ہے کہ نبی صلی اللہ علیہ وسلم نے معاویہ رضی اللہ عنہ کے لئے فرمایا کہ!۔۔۔ اے اللہ!۔۔۔ اسے ہادی مہدی بنادے اور اس کے ذریعے لوگوں کو ہدایت دے (سنن الترمذی۔٣٨٤٢ وقال؛ {ھذا حدیث حسن غریب} التاریخ الکبیر للبخاری ٥\٢٤٠، طبقات ابن سعد ٧\٤٨٧، الآحادوالمثانی لابن ابی عاصم ٢\٣٥٨ ح ١١٢٩، مسند احمد ٤\٢١٦ ح ١١٢٩ مسند احمد ٤\٢١٦ ح ١٧٨٩٥ وھوحدیث صحیح}۔۔۔ یہ روایت مروان بن محمد وغیرہ نے سعید بن عبدالعزیز سے بیان کر رکھی ہے اور مروان سعید سے روایت صحیح مسلم میں ہے۔{ دیکھئے ١٠٨\١٠٤٣ وترقیم دارلسلام ٢٠٤٣}۔۔۔
5) سیدنا عبداللہ بن عباس رضی اللہ عنہ نے فرمایا کہ!۔مارایت رجلا کان اخلق یعنی للملک من معاویہ۔
6) میں نے معاویہ سے زیادہ حکومت کے لئے مناسب (خلفائے راشدین کے بعد) کوئی نہیں دیکھا... (تاریخ دمشق ٦٢\١٢١ وسند صحیح، مصنف عبدالرزاق ١١\٤٥٣ ح٢٠٩٨٥)۔۔۔
7) عرباض بن ساریہ السلمی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا کہ!۔اللھم علم معاویۃ الکتاب والحساب، وقد العذاب۔اے میرے اللہ!۔ معاویہ کو کتاب و حساب سکھا اور اُسے عذاب سے بچا۔(مسند احمد ٤\١٢٧ ح ١٧١٥٢ وسند حسن، صحیح ابن خزیمہ ١٩٣٨)۔۔۔
8) ابراہیم بن میسر الطائفی رحمہ اللہ سے روایت ہے کہ عمر بن عبدالعزیز رحمہ اللہ نے کسی انسان کو نہیں مارا سوائے ایک انسان کے جس نے معاویہ رضی اللہ عنہ کو گالیاں دی تھیں انہوں نے اسے کئی کوڑے مارے۔ { تاریخ دمشق ٦٤\١٤٥ وسند صحیح}۔۔۔
9) 1۔اے اللہ ! اسے ہدایت یافتہ بنا اور اس کے ذریعہ اوروں کو ہدایت دے (
10) *حدیث مبارکہ* )
11) اے اللہ ! معاویہ رضی اللہ عنہ کو کتاب وحساب کا علم دے اور اسے عذاب سےمحفوظ رکھ ( *حدیث مبارکہ* )
12) اے اللہ ! اس کے سینے کو علم سے بھر دے ۔ ( *حدیث مبارکہ* )
13) حضرت امیر معاویہ رضی اللہ تعالی عنہ کے بارے میں حضور صلی اللہ علیہ وآلہ وسلم نے فرمایا کہ اے اللہ معاویہ رضی اللہ تعالی عنہ کو ہدایت دینے والا، ہدایت پر قا ئم رہنے والا اور لوگوں کیلئے ذریعہ ہدایت بنا۔( جا مع ترمذی)
14) حضور صلی اللہ علیہ وآلہ وسلم نے ایک اور موقع پر ارشاد فرمایا کہ معاویہ رضی اللہ تعالی عنہ بن ابی سفیان رضی اللہ تعالی عنہ میری امت میں سب سے زیادہ بردبار اور سخی ہیں۔(تطہیرالجنان)۔
15) حضرت امیر معاویہ رضی اللہ تعالی عنہ نے جب اپنے اسلام قبول کرنے کا اعلان کیا تو حضورصلی اللہ علیہ وآلہ وسلم نے انہیں مبارکبا د دی اور”مرحبا۔۔۔۔۔۔” فرمایا”(البدایہ والنہایہ ص ٧١١ج٨)
16) معاویہ رضی اللہ عنہ کا ذکر بھلائی کےساتھ کرو۔ ( اسے حدیث سمجھنا غلط فہمی ہے ) ( *حضرت عمر فاروق ؓ*)
17) لوگو ! فرقہ بندی سے بچو ۔ اگر تم نے فرقہ بندی اختیار کی تو یاد رکھو معاویہ رضی اللہ عنہ شام میں موجود ہیں ۔ ( *حضرت عمر فاروق رضی اللہ عنہ* )
18) معاویہ رضی اللہ عنہ کی امارت کو برا نہ سمجھو کیونکہ جب وہ نہیں ہوں گے تم سروں کو گردنوں سے اڑتا دیکھو گے ( *حضر ت علی رضی اللہ عنہ* )
19) میں نے معاویہ رضی اللہ عنہ سے بڑھ کر امو ر سلطنت وبادشاہت کے لائق کسی کو نہیں پایا۔ ( *حضرت عبد اللہ ابن عباس رضی اللہ عنہ* )
20) میں نے معاویہ رضی اللہ عنہ کے بعد ان سے بڑھ کر حق کا فیصلہ کرنے والانہیں پایا ۔ ( *حضرت سعدؓبن ابی وقاص*)
21) میں نے معاویہ رضی اللہ عنہ سے بڑھ کر برد بار ،سیادت کے لائق ، باوقاراور نرم دل کسی کو نہیں پایا ۔( *حضرت قبیصہؓ بن جابر* )
22) اگر تم معاویہ رضی اللہ عنہ کا زمانہ پاتے تو تمہیں پتہ چلتا کہ عدل وانصاف کیا ہے؟( *امام اعمش* ؒ)
مسند بقی بن مخلد میں امیر معاویہ رضی اللہ عنہ کی بیان کردہ ایک سو تریسٹھ
احادیث موجود ہیں دیکھئے سیراعلام النبلاء (٣\١٦٢)۔۔۔
22رجب المرجب 60ھ میں کاتب وحی، جلیل القدر صحابی رسولصلی اللہ علیہ وآلہ وسلم ، فاتح شام و قبرص اور 19سال تک 64 لاکھ مربع میل پر حکمرانی کرنے والے حضرت امیر معاویہ رضی اللہ تعالیٰ عنہ 78 سال کی عمر میں وفات پاگئے۔ حضرت ضحاک بن قیس رضی اللہ تعالیٰ عنہ نے آپ کی نماز جنازہ پڑھائی اور دمشق کے باب الصغیر میں دفن کئے گئے۔

• Rab Aur BAnde Ke Bich wasta.(Part 1,2) 
• Rab Ar Bande Ke Bich ki doori. (Part 03) 
• Rab Aur BAnde Ke Bich Doori. (Part 04) 
• Rab Aur Bande Ke Bich Ki Doori. (Part 05) 
• RAb Aur BAnde Ke Bich Ki Doori (Dumiya Me Minister se milne ke liye hme Uske Secratery se milna Hota hai To Kya Allah Direct Dua KAise Qabool karega (Part 06) 
• Rab Aur BAnde Ke Bich Ki Doori. (Part 07) 
• Allah Aur Uske BAnde Ke DArmiyani Wasta. (Part 09) 
• Rab Aur Uske BAnde KA DArmiyani wasta. (Part 08)
• Kya Islam TAlwar Se FAila HAi??? (Part 07) 
• Insaan Kya HAi? Shaitan YA FArishta
• Sabse Acha Amal Acha Akhlaq (Character) Hai.

Share:

Read More

Khajoor Ke Darakht Ke Badle Jannat Me Darakht.

 Abu Dhada Raziallahu Anhu Ki Azmat

Musnad Ahmed Hadees # 11903
۔ (۱۱۹۰۳)۔ عَنْ أَنَسٍ أَنَّ رَجُلًا قَالَ: یَا رَسُولَ اللّٰہِ! إِنَّ لِفُلَانٍ نَخْلَۃً وَأَنَا أُقِیمُ حَائِطِی بِہَا فَأْمُرْہُ أَنْ یُعْطِیَنِی حَتّٰی أُقِیمَ حَائِطِی بِہَا، فَقَالَ لَہُ النَّبِیُّ ‌صلی ‌اللہ ‌علیہ ‌وآلہ ‌وسلم  ((أَعْطِہَا إِیَّاہُ بِنَخْلَۃٍ فِی الْجَنَّۃِ۔)) فَأَبٰی فَأَتَاہُ أَبُوالدَّحْدَاحِ، فَقَالَ: بِعْنِی نَخْلَتَکَ بِحَائِطِی، فَفَعَلَ، فَأَتَی النَّبِیَّ ‌صلی ‌اللہ ‌علیہ ‌وآلہ ‌وسلم  فَقَالَ: یَا رَسُولَ اللّٰہِ! إِنِّی قَدْ ابْتَعْتُ النَّخْلَۃَ بِحَائِطِی، قَالَ: فَاجْعَلْہَا لَہُ فَقَدْ أَعْطَیْتُکَہَا، فَقَالَ رَسُولُ اللّٰہِ ‌صلی ‌اللہ ‌علیہ ‌وآلہ ‌وسلم  ((کَمْ مِنْ عَذْقٍ رَاحَ لِأَبِی الدَّحْدَاحِ فِی الْجَنَّۃِ۔)) قَالَہَا مِرَارًا، قَالَ: فَأَتَی امْرَأَتَہُ فَقَالَ: یَا أُمَّ الدَّحْدَاحِ! اخْرُجِی مِنَ الْحَائِطِ فَإِنِّی قَدْ بِعْتُہُ بِنَخْلَۃٍ فِی الْجَنَّۃِ، فَقَالَتْ: رَبِحَ الْبَیْعُ أَوْ کَلِمَۃً تُشْبِہُہَا۔ (مسند احمد: ۱۲۵۱۰)

سیدنا انس بن مالک ‌رضی ‌اللہ ‌عنہ  سے روایت ہے کہ ایک آدمی نے آکر عرض کیا: اے اللہ کے رسول! فلاں آدمی کا کھجور کا ایک درخت ہے، میں اس درخت کا ضرورت مند ہوں تاکہ اس کے ذریعے اپنے باغ کی دیوار کو سیدھا کر سکوں، آپ اسے حکم دیں کہ وہ یہ درخت مجھے دے دے اور میں اپنے باغ کی دیوار کو مضبوط کر لوں۔ نبی کریم ‌صلی ‌اللہ ‌علیہ ‌وآلہ ‌وسلم  نے اس سے فرمایا:  تم یہ درخت اسے دے دو، اس کے بدلے میں تمہیں جنت میں ایک درخت لے دوں گا۔  اس نے اس بات سے انکار کیا۔ یہ بات سن کر سیدنا ابو دحداح  ‌رضی ‌اللہ ‌عنہ  نے آکر اس آدمی سے کہا کہ میرے پورے باغ کے عوض تم یہ ایک کھجور مجھے فروخت کر دو، اس نے ایسے ہی کیا، پھر سیدنا ابو دحداح  ‌رضی ‌اللہ ‌عنہ  نے نبی کریم ‌صلی ‌اللہ ‌علیہ ‌وآلہ ‌وسلم  کی خدمت میں آکر عرض کیا: اے اللہ کے رسول! میں نے وہ ایک کھجور اپنے پورے باغ کے عوض خریدلی ہے، آپ یہ کھجور اس ضرورت مند کو دے دیں، میں کھجور کا یہ درخت آپ کے حوالے کر چکا ہوں،رسول اللہ ‌صلی ‌اللہ ‌علیہ ‌وآلہ ‌وسلم  نے فرمایا:  جنت میں کھجور کے کتنے ہی خوشے ابو دحداح  ‌رضی ‌اللہ ‌عنہ  کے لیے لٹک رہے ہیں۔  آپ ‌صلی ‌اللہ ‌علیہ ‌وآلہ ‌وسلم  نے یہ بات متعدد مرتبہ دہرائی، ابو دحداح  ‌رضی ‌اللہ ‌عنہ  نے اپنی بیوی کے پاس آکر اس سے  کہا: اے ام وحداح! باغ سے باہر نکل آؤ، میں نے یہ باغ جنت کی ایک کھجور کے عوض فروخت کر دیا ہے۔ اس نے کہا: آپ نے تو بڑے فائدے والا سودا کیا۔

Sahih Hadees
Is Hqdees Me Abu Dahda Raziallahu Anhu Ki Fazilat Ka Zikr Hai

Share:

Read More

Tabain Aur Sahaba Ki Fazilat

 Tabain Aur Taba Tabain Ki Azmat

Musnad Ahmed Hadees # 12528

۔ (۱۲۵۲۸)۔ عَنْ أَبِی سَعِیدٍ الْخُدْرِیِّ قَالَ: قَالَ رَسُولُ اللّٰہِ صَلَّی اللّٰہُ عَلَیْہِ وَسَلَّمَ: ((یَأْتِی عَلَی النَّاسِ زَمَانٌ یَغْزُو فِئَامٌ مِنَ النَّاسِ، فَیُقَالُ: ہَلْ فِیکُمْ مَنْ صَاحَبَ رَسُولَ اللّٰہِ صَلَّی اللّٰہُ عَلَیْہِ وَسَلَّمَ؟ فَیَقُولُونَ: نَعَمْ، فَیُفْتَحُ لَہُمْ ثُمَّ یَغْزُو فِئَامٌ مِنَ النَّاسِ، فَیُقَالُ: ہَلْ فِیکُمْ مَنْ صَاحَبَ مَنْ صَاحَبَ رَسُولَ اللّٰہِ صَلَّی اللّٰہُ عَلَیْہِ وَسَلَّمَ؟ فَیَقُولُونَ: نَعَمْ، فَیُفْتَحُ لَہُمْ، ثُمَّ یَغْزُو فِئَامٌ مِنَ النَّاسِ، فَیَقُولُونَ: ہَلْ فِیکُمْ مَنْ صَاحَبَ مَنْ صَاحَبَ أَصْحَابَ رَسُولِ اللّٰہِ صَلَّی اللّٰہُ عَلَیْہِ وَسَلَّمَ؟ فَیَقُولُونَ: نَعَمْ فَیُفْتَحُ لَہُمْ۔)) (مسند احمد: ۱۱۰۵۶)
سیدنا ابو سعید خدری  ‌رضی ‌اللہ ‌عنہ  سے مروی ہے کہ رسول اللہ  ‌صلی ‌اللہ ‌علیہ ‌وآلہ ‌وسلم  نے فرمایا:  لوگوں پر ایک ایسا زمانہ آئے گا کہ لوگ جنگ میں شامل ہوں گے، اسی دوران پوچھا جائے گا کیا تمہارے اندر کوئی صحابی ہے؟ جواباً کہا جائے گا جی ہاں! سو وہ فتح یاب ہو جائیں گے، اس کے بعد پھر جنگ ہو گی، اسی دوران پوچھا جائے گا کہ کیا تمہارے اندر کوئی تابعی ہے؟ وہ کہیں گے: جی ہاں! چنانچہ وہ بھی فتح یاب ہو جائیں گے، اس کے بعد پھر لوگوں میں جنگ ہو گی، اسی دوران پوچھا جائے گا: کیا تمہارے اندر کوئی تبع تابعی ہے؟ وہ کہیں گے: جی ہاں! تو وہ بھی فتح یاب ہوں گے۔
Sahih Hadees इस हदीस मे सहाबा ताबई और तबे ताबईन रजिअल्लाहो अन्हो की फजीलत का जिक्र है

Share:

Read More

Umer Bin Khataab Raziallahu Anhu Ki Fazilat.

 Umer Bin Khattab Rai Allahu Anhu ki Azmat

Musnad Ahmed Hadees # 12198

۔ (۱۲۱۹۸)۔ عَنْ عَبْدِ اللّٰہِ بْنِ عُمَرَ قَالَ: سَمِعْتُ رَسُولَ اللّٰہِ ‌صلی ‌اللہ ‌علیہ ‌وآلہ ‌وسلم یَقُولُ: ((بَیْنَا أَنَا نَائِمٌ، أُتِیتُ بِقَدَحِ لَبَنٍ فَشَرِبْتُ مِنْہُ، ثُمَّ أَعْطَیْتُ فَضْلِی عُمَرَ بْنَ الْخَطَّابِ۔)) قَالُوْا: فَمَا أَوَّلْتَہُ یَا رَسُولَ اللّٰہِ؟ قَالَ: ((الْعِلْمُ۔)) (مسند احمد: ۵۸۶۸)

سیدنا عبد اللہ بن عمر  ‌رضی ‌اللہ ‌عنہ  سے مروی ہے کہ رسول اللہ  ‌صلی ‌اللہ ‌علیہ ‌وآلہ ‌وسلم  نے فرمایا:  میں سویا ہوا تھا کہ میرے پاس دودھ کا ایک پیالہ لایا گیا، میں نے اس میں سے نوش کیا اور پھر بچا ہوا عمر بن خطاب  ‌رضی ‌اللہ ‌عنہ  کو دے دیا۔  صحابہ کرام نے کہا: اے اللہ کے رسول! آپ نے اس کی کیا تعبیر فرمائی؟ آپ  ‌صلی ‌اللہ ‌علیہ ‌وآلہ ‌وسلم نے فرمایا:  علم۔ 
Sahih Hadees
Is Hadees Me Sayaidna Umer Bin Khataab Raziallahu Anhu Ki Fazilat Ka Zikr Hai.

Share:

Read More

10 Jannati Sahaba Ka Nam

DUS (10) JANNATI SAHABA KE NAAM
Abdurrahman bin awf Raziyallahu anhu se riwayat hai ke Allah ke Rasool ne farmaya:
1⃣ AbuBakr (raziyallahu anhum),
2⃣ Umar (raziyallahu anhum),
3⃣ Usman (raziyallahu anhum),
4⃣ Ali (raziyallahu anhum),
5⃣ Talha (raziyallahu anhum),
6⃣ Zubair (raziyallahu anhum),
7⃣ Abdurrahman bin awf (raziyallahu anhum),
8⃣ Sa'ad (raziyallahu anhum),
9⃣ Sa'eed (raziyallahu anhum)
🔟 aur Abu Ubaida bin Jarrah (raziyallahu anhum)  jannat me hain (jannati hain) .
TIRMIZI: 3747 📚.  SAHEEH HADEES

Share:

Read More

Gustakh-E-Sahaba Aur Salaf Rahimahullah ki Ghairat.

Sahaba KI Shaan Me Gustakhi Aur Ahle Hadees Ki Gairat.

Imam Asim Al-Ahwaal Rahimahullah (Al-Mutawaffah: 142 Hijri) jo Madain shahar ke qaazi bhi rahe hain woh farmaate hain:

أتيت بِرَجُل قد سبّ عُثْمَان فضربته عشرَة أسواط قَالَ ثمَّ عَاد لما ضَربته فضربته عشرَة أُخْرَى فَلم يزل يسبه حَتَّى ضَربته سبعين سَوْطًا
(1)“Mere Pas Ek shakhs laaya gaya jis ne Sayyiduna Uthman Radhiallahu Anhu ko gaali di thi, main ne use dus (10) kode lagaaye, us ne dobarah gaali di main ne dus kode mazeed lagaaye, phir woh dobarah aisa karta raha yahan tak ke main ne use sattar (70) kode maare.”
*(Al-Ilal wa Ma’rifat-ir-Rijaal Li-Ahmad: 1/428, Hadees No: 948 Wa-Sanaduhu Sahih)*

*➋* Ibrahim bin Maisarah bayan karte hain:
مَا رَأَيْتُ عُمَرَ بْنَ عَبْدِ الْعَزِيزِ ضَرَبَ إِنْسَانًا قَطُّ، إِلَّا إِنْسَانًا شَتَمَ مُعَاوِيَةَ، فَضَرَبَهُ أَسْوَاطًا
“Main ne kabhi nahi dekha ke Sayyiduna Umar bin Abdul Aziz Rahimahullah ne kisi insaan ko maara ho siwaaye ek shakhs ke jis ne Sayyiduna Mu’aawiyah Radhiallahu Anhu ko gaali di to unhon ne use kode lagaaye.”
*(Sharh I’tiqaad Ahl-is-Sunnah Lil-Laalkaayi: 2385, Wa-Sanaduhu Hasan)*

*➌* Abul Futooh Izz-ud-Deen Ibn-e-Abi Talib (Al-Mutawaffah: 653 Hijri) jo ke Sayyiduna Hasan bin ’Ali Radhiallahu Anhuma ki aulaad mein se the unhon ne ek raafizi An-Najeeb Yahya bin Ahmad Al-Hali Ibn-ul-Ood ko Sahaba-e-Kiraam Radhiallahu Anhum ko gaaliyan dene ki wajah se gadhe par bitha kar Halb shahar ka chakkar lagwaaya tha.”
*(Tareekh-ul-Islam Liz-Zahabi: 14/749)*

*➍* Sayyiduna Abdullah bin Al-Hasan bin Al-Hasan bin ’Ali bin Abi Talib Radhiallahu Anhum Ajma’een ne ek (gustaakh-e-Sahaba) raafizi se kaha:
وَالله ان قَتلك لقرابة
“Allah ki qasam tumhaara qatl qurbat-e-ilaahi ka zariya hai.”
*(Tareekh Ibn-e-Ma'een Riwayat-ud-Doori: 3/248, Hadees No: 1162, Wa Sanaduhu Sahih, Tareekh-e-Dimashq Li-Ibn-e-Asaakir: 27/377)*

*➎* Sayyiduna Hasan Radhiallahu Anhu ke potey Sayyiduna Ibrahim bin Al-Hasan bin Al-Hasan bin ’Ali bin Abi Talib Rahimahumullahu farmaate hain:
دخل علي المغيرة بن سعيد وأنا شاب، وكنت وأنا شاب، أشبه برسول الله صلى الله عليه وسلم , فذكر من قرابتي وشبهي وأمله في , قال: ثم ذكر أبا بكر وعمر , فلعنهما وبرئ منهما , قال: قلت: يا عدو الله , أعندي؟ قال: فخنقته خنقا , قال: فقلت له: أرأيت قولك للمغيرة , فخنقته خنقا , أخنقته بالكلام أم بغيره , قال: بل خنقته حتى أدلع لسانه
“Meri jawaani ke dino mein mere paas Mugheerah bin Sa’eed aaya, main choonke jawaani mein shakl-o-soorat mein Rasoolullah ﷺ se bahut mushaabihat rakhta tha, to us ne meri Rasoolullah ﷺ se rishtedaari, Aap se mushaabihat aur mere mutalliq apni khwaahishaat ka izhaar kiya, phir us ne Sayyiduna Abu Bakr aur Umar Radhiallahu Anhuma ka tazkirah kiya to un par la’nat ki aur bara’at ka elaan kiya, main ne kaha: Aye Allah ke dushman! Mere saamne tu aisa karta hai??? Farmaate hain: Main ne badi mazbooti se us ka gala daba diya. (Rawi kehte hain) Main ne poocha: Gala dabaane ka matlab ke aap ne use baaton se chup kara diya??? Farmaaya: Nahi balki main ne us ka gala itni mazbooti se dabaaya ke us ki zabaan bahar nikal aayi thi.”
*(Kitab-uz-Zu’aafaa Lil-Uqaili: 4/179 Wa-Sanaduhu Sahih, Meezan-ul-Aitedaal Liz-Zahbi)*

Yaad rahe ke yeh wahi Mugheerah bin Sa’eed hai jo nihayat bure aqaaid-o-nazariyyaat ka maalik tha, Hafiz Zahbi Rahimahullah is ka naam zikr karne ke baad farmaate hain:
لَعنه الله
“Is par Allah ki la’nat ho.”
*(Tareekh-ul-Islam Liz-Zahabi: 3/317)*

Imam Ibn-e-Adi Rahimahullah farmaate hain:
المغيرة بْن سَعِيد هذا لم يكن بالكوفة ألعن منه
“Mugheerah bin Sa’eed se bada la’nati poore Koofa mein nahi tha.”
*(Al-Kamil Fi Zu'aafaa-ir-Rijaal: 8/73)*

Hafiz Ibn-e-Hazm Rahimahullah ne bhi is ke mutalliq kaha:
لَعنه الله
“Is par Allah ki la’nat ho.”
*(Al-Fasl Fil-Milal Wan-Nihal: 4/141)*

Imam A’mash Rahimahullah bayan farmaate hain:
قُلْتُ لِلْمُغِيرَةِ بْنِ سَعِيدٍ: أَتُحْيِي الْمَوْتَى؟ قَالَ: لَا. فَقُلْتُ: فَعَلِيٌّ؟ قَالَ: وَالَّذِي أَحْلِفُ بِهِ لَوْ شَاءَ أَحْيَى عَادًا وَثَمُودًا وَقُرُونًا بَيْنَ ذلك كثيرا
“Main ne Mugheerah bin Sa’eed se poocha: Kya tu murde zindah kar sakta hai, bola: Nahi, main ne kaha: Sayyiduna ’Ali Radhiallahu Anhu kar sakte hain??? Kehne laga: Allah ki qasam! Agar woh chaahein to qaum-e-Aad aur Samood aur un ke darmiyaan halaak hone waali saari bastiyaan zindah kar den.”
*(Al-Ma’rifah Wat-Tareekh Lil-Fasawi: 3/50 Wa-Sanaduhu Sahih, Al-Muttafiq Wal-Muftariq Lil-Khateeb: 3/1938, Kitab-uz-Zu’aafaa Lil-Uqaili: 4/179)*

Ek doosri riwayat mein hai Imam A’mash farmaate hain main ne us se kaha:
ومن أين علمت ذاك قَالَ لأني أتيت رجلا من أهل البيت فتفل فِي فيِّ فما بقي شيء إلاَّ وأنا أعلمه
“Tujhe yeh kaise pata chala?? To kehne laga: Main Ahl-e-Bait ke ek shakhs ke paas gaya us ne mere munh mein naqal kiya (phoonk maari) jis ki badolat main har har cheez ko jaan gaya.”
*(Al-Kamil Fi Zu'aafaa-ir-Rijaal: 8/73 Wa Sanaduhu Sahih)*

Isi tarah Imam A’mash Rahimahullah hi bayan farmaate hain:
أتاني المغيرة بْن سَعِيد فجلس بين يدي فذكر عليا وذكر الأنبياء ففضله عليهم ثُمّ، قَال: كَانَ علي بالبصرة فأتاه أعمى فمسح يده على عينيه فأبصر ثُمَّ قَالَ لَهُ تحب أن ترى الكوفة فَقَالَ نعم فأمر بالكوفة فحملت إليه حَتَّى نظر إليها ثُمّ قَالَ لَهَا ارجعي فرجعت فقلت سبحان اللَّه العظيم سبحان اللَّه العظيم فلما رأى إنكاري عليه تركني وقام
“Mugheerah bin Sa’eed mere paas aa kar baith gaya phir Ambiya-e-Kiraam Alaihimussalam aur Sayyiduna ’Ali Radhiallahu Anhu ka zikr kiya aur Sayyiduna ’Ali Radhiallahu Anhu ko un se afzal qaraar diya. Phir kehne laga: Jab Sayyiduna ’Ali Koofa mein the to un ke paas ek andha aaya, unhon ne uski aankhon par haath phera woh dekhne laga, phir Sayyiduna ’Ali Radhiallahu Anhu ne us se poocha: Koofa shahar dekhna chaahte ho??? Us ne kaha: Ji Bilkul. Aap Radhiallahu Anhu ne Koofa ko hukm diya woh un ke paas aa gaya yahan tak ke us shakhs ne dekh liya phir aap ne Koofa ko hukm diya ke waapas laut jaao to woh waapas chala gaya. (Imam A’mash) farmaate hain main ne kaha: Subhanallah-il-Azeem Subhanallah-il-Azeem. Jab us ne mera inkaar dekha to mujhe chhod kar uth khada huwa.”
*(Al-Kamil Fi Zu'aafaa-ir-Rijaal: 8/73 Wa Sanaduhu Sahih)

Share:

Read More

Sahaba jaisa Imaan Lane Se kya Murad Hai?

SAHABA JAISA IMAN LANE KO KAHA GAYA HAI.*

 *Pesh ki ja rahi ayat me Allah Ta'ala ne baad walo ke liye kaha ke aap SAHABA jaisa Iman laye to hi apka Iman qubul kiya jayega.*



فَإِنْ ءَامَنُوا۟ بِمِثْلِ مَآ ءَامَنتُم بِهِۦ فَقَدِ ٱهْتَدَوا۟ ۖ وَّإِن تَوَلَّوْا۟ فَإِنَّمَا هُمْ فِى شِقَاقٍۢ ۖ فَسَيَكْفِيكَهُمُ ٱللَّهُ ۚ وَهُوَ ٱلسَّمِيعُ ٱلْعَلِيمُ

*"Agar wo tum jaisa imaan laaye to hidaayat paaye aur agar muh mode to wo sarih (khule) ikhtilaf me hai, Allah Ta'ala unse anqareeb aap ki kifaayat karega aur wo khoob sunne aur jaanne wala hai"*.

(Surah 2 Baqarah: Ayat 137)

 *Is ayat me Allah ne SAHABA ke liye "Tum" ka lafz istemaal kiya hai.*

Mufassirin ne likha hai ke yaha "Tum" se murad sahaba hai kyunke jab ye Nazil huyi us waqt Nabi (SallallahuA'layhiWaSallam) aur SAHABA  Imanwale the.

Kahena ka matlab ye hai ke SAHABA ka Iman dusro ke liye KASOTI hai. Jiska bhi Iman SAHABA ke Iman se judta ho aise Imam wale ko Haqiqi MUMEEN kaha jayega warna uske Iman me kamzori aur Gumrahi hogi.

Isi tarah ki aur ek ayat Surah Nisa'a ki ayat number 115 hai. Is ayat me bhi Nabi aur Sahaba ke raaste ko HIDAYAT kaha gaya hai.

 *Sahaba Jaisa Iman lane se kya MURAD hosakta hai❓*

 Qur'an wa Hadees aur Sahaba ki Seerat ko padhne se pata chalta hai ke SAHABA JAISA IMAN LAANE se Murad ye ho sakta hai ke IMAN laane me SAHABA ke SUNNAT(TARIQE) ko apnaya jaaye.

Yani ....

1. Allah aur Rasool (SallallahuA'layhiWaSallam) ki itteba ko hi apne Zindagi ka maqsad banaye rakhna.

2. Jin chizo par Iman lane ko kaha gaya un chizo par waise hi Iman laya jaise ALLAH AUR RASOOL ko matloob hai.

3. Ikhtilaf ke waqt Quran Wa Sunnat ko apna Peshwa banaye rakhna.

4. Qur'an Wa Hadees ko waise hi samja jaye Jaisa Allah ke Nabi (SallallahuA'layhiWaSallam) Sahaba ko samjakar gaye. Yani Qur'an Wa Hadees ka ilm Sahaba ki sanad se le.

5. Akhlaq, siyasat aur digar mamlat me Rasool (SallallahuA'layhiWaSallam) ki pairawi ki jaaye jis tarah Sahaba ne Rasuloollah (SallallahuA'laihiWaSallam) ki pairawi ki thi.

Shortcut me aisa kaha jasakata hai ke DEEN ko SAMAJNE aur us par AMAL karne me SAHABA ke TARIQE ko apnaya jaaye yani jis tarah unone Allah aur Rasuloollah (SallallahuA'laihiWaSallam) ki pairawi ki thi usi tarah baad wale Musalman bhi Allah aur Rasool ki pairawi karne me Sahaba ki Pairawi kare.

 Wallahu Alaam bis Sawab.

•············••●◆❁❁◆●••············•
            

Share:

Read More