Parda aur Hijab: My Life my Choice wale musalmano ka anjaam kaisa hoga?

Musalmano ko Kiske tarike pe chalna chahiye?

Islam me "meri Zindagi meri marji" Ka tassawur.

Kya Zina karne wale se Zina ka badla Zina hi hoga?

Jab Misr Mallika (Queen) Party me Apna burqa Utarkar Nangiyaar ho gayi aur dusri auraton ko bhi waise hi karne ka announce ki.

Transgender kaise paida hota hai aur isse Muslim Muashare par kya asar hoga?

Kya deen ki dawat ke liye Fake profile social media par bana sakte hai?

موضوع; "دروازے ضرور کھلے رکھیں"

تحریر; Afzal Hanif

#الحیاء_تحریری_مقابلہ

↙دروازے ضرور کھلے رکھیں! لیکن وقت کی بھیک کبھی نہ مانگیں کیونکہ اُن لوگوں کیلئے کئی کلومیٹرز چلناجو لوگ آپ کیلئے دو قدم نہ چل سکیں....!

↙سراسر بیوقوفی ہے تعلق میـں جن چیزوں کا تعاقب کرنا پڑے وہ کبھی آپ کی ہوتی ہی نہیــں.

↙ہمارے رویے بھی عجیب ہیں. توجہ اللّٰہ کی طرف نہیں ہے، اپنے معاملات اور خواہشات کی طرف زیادہ ہے...!

↙حالانکہ اللّٰہ نے ہمیں جو پرچہ زندگی حل کرنے کے لیے دیا ہے اُس کو حل کرنے کی ترکیب نبی اکرم صلی اللّٰہ علیہ وآلہ وسلّم کے ذریعے ہمیں دے دی گئی ہے...!
↙لیکن اِسی مقام سے ہی ہماری کوتاہی شروع ہو جاتی ہے کہ ہم اُس ترکیب پر عمل نہیں کرتے...!

↙ہم اِسی لیے تو اِس کوتاہی سے باہر نکلنے میں ناکام ہیں...!

↙کہ ہم ڈاکٹر کی دی ہوئی دوائی استعمال کرتے وقت ترکیب کا پرچہ تو ضرور دیکھتے ہیں...!
↙لیکن زندگی کا پرچہ حل کرتے وقت اللّٰہ رب العزت کے دیئے گئے احکامات یا دی گئی ترکیب کو نظر انداز ہی کر دیتے ہیں...!

اللہ رب العزت ھمیں اپنے احکامات پہ چلنے کی توفیق دے اور صراط مستقیم رستہ اختیار کرنے اور اسی پہ ڈٹے رہنے کی ہمت دے آمین ثم آمین۔

آپکی دعاٶں کا طلب گار; افضل حنیف

Share:

Read More

Parda aur Hijab: Hijab ke khilaf Failaye ja rahe hai Propagainda ke bich Pakistani Captain jo Parde me rahkar Jahaz udati hai.

Parda aur Hijab ko lekar Liberal gang ka propaganda.

Hijab karne wali Karnataka ki Muskan aur Pakistan ki Captain jo Parde me rah kar Aeroplane flight karti hai.

Transgender act kya hai jo Pakistan me laya gaya hai?

Jab Misr Ki mallika (Queen) ne Apna burqa utar kar fenka.

Kya Deen ki Dawat ke liye Fake id bana sakte hai?

پردہ اور حجاب

مریم مختیار

#الحیاءتحریری مقابلہ
پردے کی اہمیت

پردے کے احکامات قرآن پاک میں کئ مقامات پر آئے ہیں.
القرآن

پردے کا اندازہ اس بات سے لگایا جاسکتا ہے کہ اللہ تعالیٰ کا فرمان عالیشان ہے
اے نبی صلی اللہ علیہ وآلہ وسلم فرما دیجئے اپنی ازواج مطہرات کو اور اپنی بیٹیوں کو اور مومن عورتوں کو
کہ ڈال لیا کرو اپنے اوپر اپنی چادریں یہ زیادہ قریب ہے کہ وہ پہچانی جائیں اور انہیں ایذا نہ دی جائے .
سورت الاحزاب آیت نمبر 59

تو یہاں پہ کتنے پیارے انداز میں اللہ تعالیٰ نے حضور صلی اللہ علیہ وآلہ وسلم سے خطاب فر ما کر فرمایا کہ اپنی بیویوں اور بیٹیوں کے ساتھ ایمان والی عورتوں کا ذکر فر مایا قربان جائیں اس عظمتوں والے رب پر کہ جس کا کتنا بڑا احسان ہے ہم پر
اللہ تعالیٰ یہ پسند نہیں فرماتے کہ کسی مومن عورت پر کسی غیر کی نظر پڑے.

تو جب اللہ تعالٰی یہ پسند نہیں فر ماتے
کوئ بھی ایمان دار یہ پسند نہیں کرتا

یہاں پہ اک بات عرض کرتی چلو کہ اکثر دیکھا گیا ہے عورتیں سج سنور کر دوپٹہ گلے یا بعض اوقات غائب بھی اپنے گھر کے مردوں کے ساتھ چل رہی ہوتی تو بہت دکھ ہوتا ہے یہ دیکھ  کر کہ کیسے مرد ہیں جو ساتھ ہوتے ہوئے بھرے بازاروں میں نہائت دکھ کا مقام ہے۔

تو ایک شعر
تو جب کبھی غیرت مسلم کا خیال آتا ہے
سنت زہراء راضی اللہ تعالیٰ عنہ اپکے پردے کا خیال آتا ہے۔

اور اسی سورت کے ایک مقام پر ارشاد باری تعالیٰ
اور اپنے گھروں میں ٹکی رہو اور اپنی زینت نہ دکھاتی پھرو جیسا کہ زمانہ جاہلیت میں دستور تھا۔
سورت الاحزاب آیت نمبر 33

اس آیت سے اندازہ ہوتا ہے قرآن پاک نے پردے سے پہلے دور کو دور جاہلیت سے تعبیر فرمایا ہے پردہ جدیدیت کی علامت ہے نہ کہ جاہلیت کی ۔

القرآن
پردہ صرف عورت کیلئے نہیں ہے مرد کی آنکھ کا بھی پردہ ہے
اور فرما دیجئے ایمان والے مردوں سے کہ اپنی نگاہیں نیچے رکھیں اور اپنی شرم گاہوں کی حفاظت کریں زیادہ ستھرا ہے انکے لئے
اور فرما دیجئے ایمان والی عورتوں سے اپنی نظریں نیچے رکھیں اور اپنی شرمگاہوں کی حفاظت کریں اور نہ ظاہر کریں اپنی زینت مگر جو ظاہر ہو اس میں سے اور ڈال لیں اپنی اوڑھنیاں اپنے سینوں پر ۔
سورت نور آیت نمبر 31

پہلے تو دوپٹہ گلے میں ہوتا تھا لیکن اب تقریباً وہ بھی غائب ہو چکا ہے جو نہائت افسوس کا مقام ہے.
پردہ عورت کے وقار حیا نسوانیت کی علامت ہے۔

ایک شعر عرض ہے۔

حسن کردار سے نور مجسم ہو
کہ ابلیس بھی تجھے دیکھے تو مسلماں ہو جائے

پردے کو کسی بھی قسم کی قید سے منسوب کرنا بالکل غلط ہے ۔
ہمارے صحابہ کرام رضوان اللہ علیہم اجمعین کے دور میں ایک واقع ملتا ہے۔

کہ حضرت ام خلاد ایک خاتون ان کا بیٹا شہید ہو گیا تھا کسی غزوہ میں تو ان کے بارے میں پو چھنے حضور صلی اللہ علیہ وسلم کے پاس آئیں تو انہوں نے نقاب ڈالا ہوا تھا صحابہ کرام رضوان اللہ تعالیٰ بھی بیٹھے ہوئےتھے
تو لوگوں نے کہا اتنے صدمے میں انہوں نے نقاب ڈالا ہوا ہے
منتقبه
تو انہوں نے فر مایا کہ میں نے بیٹا کھویا ہے حیاء نہیں ۔

یہ تھی ہماری تہذیب ہمارا تمدن ہماری ثقافت ہمارا فخر قرآن نے حجاب کا جلباب کا خمار کا ذکر فریا ہے
سبحان اللہ قربان جائیں اپنے اسلاف پر اللہ تعالیٰ ہمیں ان کے نقش قدم پر چلتے کی تو فیق عطا فرمائے آمین

عصر حاضر میں بھی ہماری مائیں بہنیں بیٹیاں ہیں کہ جنہوں پردے کی لاج رکھی ہوئ ہے ان میں واضع مثال ہماری باپردہ پائلٹ شہناز لغاری کہ جس کیلئے فضاؤں کو اللہ سبحانہ و تعالٰی نے مسخر کر دیاہے وہ پردے میں رہ کر فضاؤں میں اڑان بھر رہی ہیں ایک ویڈیو ان کی میری نظر سے گزری جنرل مشرف لوگو سے ہاتھ ملا ر ہے مردوں عورتوں سے لیکن جب انکی باری آئ تو انہوں نے دیکھا کہ یہ پردے میں ہیں انہوں خود جھک کے سلام کیا بغیر مصافہ کئے تو عورت اپنی عزت خود کرواتی ہے اسی طرح کی کئ اور مثالیں ہم نے سنے ہیں۔

شہید فائٹر پائلٹ مریم مختیار حجاب کے ساتھ اپنی ڈیوٹی انجام دی اور شہادت کے مر تب پر فائز ہوئیں
تو پردہ ترقی کی راہ میں رکاوٹ نہیں بلکہ
پردے میں رہ کر پردہ دار خاتون نہائت احسن طریقے اپنی ڈیوٹی انجام دیتی ہے۔

ہمارے پڑوس ملک بھارت میں کیوں بھول جاؤں اپنی ان بہن کو کہ جنہوں نے اتنے بھیڑیوں کے درمیان پردے کی حفاظت کی اور نعرہ تکبیر بلند کیا۔

میری مسکان بیٹی

یہاں میرے آنسوں نکل رہے ہیں۔

میں کیوں بھول جاؤ مروةشيرينى کو جس نے پردے کی خاطر قربان ہونا پسند کیا لیکن پردہ نہیں چھوڑا
تو آج تک 4 ستمبر پوری دنیا میں حجاب کا دن منایا جاتا ہے۔

تو اس طرح کی بہت سی مثالیں ہمیں ملتی ہیں اللہ تعالیٰ ہماری بہن ,بیٹیوں کو پردے کا شوق دلائے آمین

پردہ غیرتی مسلم کا امین ہے عورت کا لفظی مطلب ہی چھپا ہوا ہے عورت بذات خود ہیرے کی طرح انمول ہے وہ ہر رشتے میں خوبصورت  ہے۔

عصر حاضر میں دجالی میڈیا ہماری نوجوان نسل کو یہ باور کرانے میں مصروف ہے کہ پردہ ترقی کی راہ میں رکاوٹ ہے ۔

نام نہاد پروفیسر ہود بائی نے کچھ عرصہ پہلے ایک بیان دیا کہ آج کل کوئی بھی نارمل لڑکی نظر نہیں آتی مطلب کہ وہ ایک باپردہ عورت کو ابنارمل قرار دے رہا ہے لیکن ہماری باپردہ بہنیں ہر میدان میں آگے آرہی ہیں یہ ان مغربی تہذیب کے دلدادہ لبرلر کے منہ پر طماچہ ہے۔

حجاب مسلم عورت کی پہچان ہے

آج کل سکول کالج اور یونیورسٹیوں کی بچیاں ماڈرن ہونے کے باوجود بھی اپنی پہچان قائم رکھے ہوئے حجاب اوڑ کر جاتی ہیں ماشاءاللہ

ہمارے یہاں نام نہاد لبرلر طبقہ ہماری بچیوں کے پردے اتروانے میں مصروف ہیں جبکہ غیر مسلم معاشرے میں عورتیں پردہ حجاب کو لے کر بہت مسائل کا شکار ہیں ان ترقی یافتہ آزادی کے علمرداروں کو ایک گز کے ٹکڑے سے تکلیف ہوتی ہے۔

حجاب مسلم عورت کی بہچان ہے
عورت کی خوبصورتی حیاء میں اور تحفظ حجاب میں ہے .

اسی پہ اکتفا کرتی ہوں اور ساتھ دعا کرتی ہوں میری بہنوں پردے کی حفاظت کرنا ہر میدان میں.

اللہ حافظ
از قلم مریم مختیار

Share:

Read More

Parda aur Hijab. Aaj sabse jyada Burai aur Be hyayi kin chijon se fail rahi hai?

Aaj sabse jyada be hyayi kaise fail rahi hai?
Muhabbat ke nam par Fahashi ko firog diya ja raha hai.

Deen ki dawat dene ke liye Fake id banana kaisa hai?

Muslim Duniya me Fahashi ki shuruwat kahan se hui? History

Transgender Act kya hai? Transgender kaise paida hota hai?

#الحیاء_تحریری_مقابلہ
از قلم ؛ عالیہ جٹ

انسان پہاڑوں سے بھی زیارہ مضبوط ہے جس کو کوئی نہیں ہلا سکتا اور خاص طور پر عورتیں کو حیا کے معاملے میں.

جب حیا کا پردہ ہٹا تو تمام پردے ہٹ گئے ,اور پردے کے ہٹنے میں سب سے اہم کردار ہم خود ہی ادا کرتے ہیں .

جیسے انسان میں قوت مدافعت اچھی ہونے کی وجہ سے کوئی بیماری attack نہیں کر سکتی اور اگر اٹیک کر بھی دے تو immune system پرفیکٹ ہونے کی وجہ سے اس بیماری کا کوءی اثر نہیں ہوتا

اسی طرح انسان کا اگر اپنے نفس بیمار ہے تو تبھی وہ برائی, بدی, فحاشی, بد نظری, بےحیائی اور دینی و اخلاقی برائیوں کو قبول کرے گا.

آج جو چیز حیا کو ختم کر رہی ہے وہ محبت ہے وہ محبت جو سوشل میڈیا, گلیوں محلوں میں, بازاروں میں اور کالج و یونیورسٹی میں پائی جاتی ہے اس محبت میں بس دیوانہ پن پاگل پن ہوتا ہے.

ورنہ جو اصل محبت ہے وہ تو حیا کو اور بڑھا دیتی ہے عزت کو بڑھا دیتی ہے۔

جیسے اللہ اور اس کے رسول کی محبت, شوہر یا بیوی کی محبت, ماں یا باپ کی محبت ,بہن بھائیوں اولاد کی محبت . جب ہم ان کی محبت کسی کو بتاتے ہیں کہ کس قدر ہمارے ناز نخرے لاڈ اٹھائے جاتے ہیں تو ہمارے سر فخر سے بلند ہو جاتا ہے۔

Share:

Read More

Parda aur Hijab: Be hyayi naslo me safar karegi.. Isse bachne ke liye kya karna chahiye?

Be hyayi ko kaise khatam kiya ja sakta hai?

Be hyayi ka naslo me safar karna.

نحمدہ ونصلی علی رسولہ الکریم
بسم اللہ الرحمن الرحیم
الحیا تحریری مقابلہ
السلام علیکم!

عنوان : بےحیائی کا نسلوں میں چلنا

شاید کہ اتر جائے تیرے دل میں میری بات

میرے محترم بھائیو اور بہنو

ھم نے اس پر فتن دور سے اپنے آپ کو بے حیائی سے کیسے دور رکھنا ہے اس بات کو سمجھانے کیلئے میں آپ کے سامنے تین مثالیں رکھنا چاہتا ہوں.

1- ایک اللہ والے نے ایک واقعہ سنایا ہے جو اس کے سامنے واقع ہوا ہے کہ وہ کہیں تبلیغی سفر پر جس گاڑی پر جا رہے تھے تو اس گاڑی کا کلینڈر گاڑی کی چھت‌ سے نیچے آ گرا اور مرنے لگا تو اس اللہ والے نے اس کے کان کے قریب کلمہ طیبہ پڑھنا شروع کیا تو دیکھا کے اس نوجوان لڑکے کے ہونٹ حل رہے تھے تو اللہ والے نے سمجھا کہ آیا یہ کلمہ پڑھ رہا ہے اور جب ہونٹ لڑکے کے کان کے قریب کیے تو وہ یہ کہ رہا تھا...
لاڑی اڈا . لاڑی اڈا .لاڑی اڈا

تو اس اللہ والے نے یہ بات سمجھائی کہ آخر میں وہی الفاظ زبان سے نکلتے ہیں جن کو ساری عمر دنیا میں بولا جائے تو یہ انتہائی خطرے کی بات ہے یہ مثال اس وجہ سے دی ہےکہ ھم اللہ سے ہونے کو بولیں اور ہماری زبانون پر دین اور ایمان کے تزکرے ہوں.

2. دوسری مثال جو حیا کے حوالے سے میں دینا چاہوں گا وہ یہ کہ غار ثور کے منہ پر کبوتری نے انڈے دیے تو اسکی یہ اچھائی نسلوں میں چل رہی ہے کہ جو کبوتر مکہ معظمہ اور مدینہ منورہ میں ابھی تک ہیں علماء سے سنا ہے کی یہ وہی کبوتری کی نسل آ رہی ہے جس نے آقا مدنی صل اللہ علیہ وسلم کو بچانے کیلیے غار پر انڈے دیے تھے اور تو آج بھی انکا احترام کیا جاتا ہے تو جو لوگ وہاں گئے ہوۓ ہیں وہ اس بات کو جانتے ہیں.

3. تیسری مثال یہ علماء نے دی ہے کہ جب ابراہیم علیہ السلام کو آگ میں ڈالا گیا تو گرگٹ نے اس آگ کو بھڑکانے کیلئے پھونک ماری تھی جس برائی کی وجہ سے آج تک گرگٹ کو مارنے پر اجر و ثواب ملتا ہے اور اسکی
اس برائی کی نحوست آج تک انکی نسلوں میں چل رہی ہے.

تو اب ان مثالوں سے یہ بات واضح ہوتی ہے کہ اگر گھر کا کوئی فرد چاہے وہ باپ ہو چاہے وہ ماں ہو اگر وہ کسی برائی اور بےحیائی میں ملوث ہیں تو انکو یہ بات یاد رکھنی چاہیے کہ انکی بے حیائی بھی نسلوں میں پھیلے گی. تو اس لیۓ میری ان تمام بہنوں اور بھائیوں سے گزارش ہے کہ اپنی نسلوں کیلئے ہدایت کا انتظام کر کے جائیں کیونکہ ماں بچے کی پہلی درسگاہ ہوتی ہے اور اگر ماں حیا والی اور ایمان والی ہو گی تو اسکی نسلیں بھی حیا والی ہی بنیں گیں.

کیونکہ کسی نے کیا خوب کہا ہے کہ

جیسی کرنی ویسی بھرنی
نا جانے تو کر کے دیکھ
جنت بھی ہے دوزخ بھی ہے
نا مانے تو مر کے دیکھ

تو محترم بھائیو اور بہنو اپنی نسلوں کو بے حیائی سے بچانے کیلئے خود حیا والے بن جاو اللہ کی قسم آپکی نسلیں حیا والی بنیں گی. اس میں اور جس چیز کا عمل دخل ہے وہ حلال لقمہ ہے جو آپکی نسل کو حیا والا بناتا ہے.

از قلم : محمد یاسر نعیم بلوچ

Share:

Read More

Parda aur Hijab: Islam me Haya aur Imaan ki ahamiyat, Sharm o haya kin logo se karni chahiye?

Sharm o Haya Kahan Par hai?
Sharm o hya Kaisi honi chahiye, kaise Haya aayegi?
Parda aur Imaan ke sath sath Sharm o haya honi chahiye.

Pakistan ki wah Captain Jo Chehra dhank kar Jahaz udati hai.

Ladke Ladkiyo ka Inbox me Social media par Chating karna haram hai.

Aaj Muhabbat ke qasme khane ke bad bhi Nakam kyu hai?

Muslim Ladkiyaan Gair Muslim ladko se bhag kar kyu Shadi kar rahi hai?

Aurat se Ilm wapas lene se Jahalat Naslo me fail jayegi aur Parda chhin lene se Be hyayi Naslo me safar karegi.

#الحیاء_تحریری_مقابلہ
عنوان : اصل میں شرم و حیاء ہے کیا؟

ازقلم ؛ عبدالله شاہنواز ورک

آپ کو پتہ ہے #شرم_و_حیاء کسے کہتے ہیں؟
شرم و حیاء کیا ہے؟
اسلام میں اس کے بارے میں کیا احکامات ہیں؟
انبیاء کی کیا سنتیں ہیں؟
حضور صلی اللہ علیہ وسلم کی کیا احادیث ہیں؟

پوسٹ پڑھنے کے بعد اپنے آپ سے عہد کریے گا کہ ہم ان شاء اللہ ، شرم و حیاء کے پیکر بننے کی کوشش کریں گے اور اپنے نبی کریم صلی اللہ علیہ وسلم کی سنت اور احادیث پر عمل پیرا ہوں گے ان شاء اللہ ❤️

#حیاء کے لغوی معنی وقار، سنجیدگی اور متانت کے ہیں۔ یہ بے شرمی، فحاشی اور بے حیائی کے خلاف ضد ہے.

تمام انبیا باحیا تھے اور حیا کو پسند کرنے والے تھے۔انبیا کرام کی زندگی سے بھی ہمیں حیا کی اہمیت ملتی ہے۔ہر دور میں اللہ نے اس معاشرے کا سب سے باحیا شخص بطور نبی مبعوث کیا ہے۔

اسلام میں شرم اور حیاء کی بہت اہمیت ہے،

⚡#قرآن میں سورہ القصص میں ایک واقعہ ہے.

حضرت موسیٰ علیہ سلام کا جس میں ایک باحیاء لڑکی کا ذکر ہے کہ وہ کس قدر حیاء سے چلی کہ اللہ نے قرآن میں اسکی شرم و حیاء کو بیان کر دیا۔۔۔ جب حضرت موسیٰ علیہ سلام نے ان لڑکیوں کی بکریوں کو پانی پلایا تو جب وہ گھر واپس گئیں تو ان کے والد نے ان سے کہا کہ اس نوجوان کو بلا کر لاؤ۔۔۔

"پھر ان دونوں میں سے ایک شرم و حیا سے چلتی ہوئی (آئی) وہ کہنے لگی کہ میرا باپ آپ کو بلاتا ہے تاکہ وہ بدلہ دے جو آپ نے ہمارے جانوروں کو پانی پلایا ہے۔" (القصص-25)

🎀مطلب چال میں بھی شرم ہونی چاہیے۔۔۔

آئیں ہم پیارے نبی حضرت محمد رسول اللہ صلی اللہ علیہ وآلہ وسلم کی #احادیث کو دیکھتے ہیں۔۔۔۔

تقریباً 10 احادیث نبوی صلی اللہ علیہ وسلم کو دیکھتے ہیں جن میں شرم و حیاء کے بارے میں تزکرہ ہے۔۔۔

⚡رسول اللہ ﷺ نے فرمایا: ایمان کی ستر سے کچھ زیادہ شاخیں ہیں، ان میں سب سے افضل لا إله إلا الله کہنا، اور سب سے کم تر راستے سے ہڈی ہٹانا ہے ۲؎، اور حیاء ایمان کی ایک شاخ ہے ۳؎ ۔

Sunnan e Abu Dawood#4676

⚡نبی اکرم ﷺ نے اشج عصری رضی اللہ عنہ سے فرمایا: تم میں دو خصلتیں ہیں جو اللہ تعالیٰ کو محبوب ہیں: ایک حلم اور دوسری حیاء ۔

Sunnan e Ibn e Maja#4188

⚡رسول اللہ ﷺ نے فرمایا: حیاء ایمان سے ہے، اور ایمان کا بدلہ جنت ہے، اور فحش گوئی «جفا» ( ظلم و زیادتی ) ہے اور «جفا» ( ظلم زیادتی ) کا بدلہ جہنم ہے ۔
Sunnan e Ibn e Maja#4184

⚡رسول اللہﷺ تخلیہ میں بیٹھی ایک کنواری دوشیزہ سے بھی کہیں بڑھ کر صاحبِ حیا تھے۔ حضورﷺ کو جب کوئی چیز ناگوار گزرتی تو ہم آپﷺ کے چہرے سے بھانپ لیا کرتے تھے۔ “
— (بخاری و مسلم)

⚡حیاء اور ایمان دونوں ساتھ ساتھ ہوتے ہیں، ان میں سے اگر ایک بھی اٹھ جائے تو دوسرا خود بخوداٹھ جاتا ہے.

(ابی شیبۃ، ابن. "ما ذکر فی الحیاء". کتاب الادب. صفحات برقم: 05352، 5/312)

⚡نبی پاک ﷺ نے فرمایا: بے شک ہر دین کا ایک خُلُق ہوتا ہے اور اسلام کا خُلُق شرم و حیاء ہے۔

(باب الحیاء". سنن ابن ماجہ، کتاب الزہد. صفحات برقم:1814، 2/9931.)

⚡حضرت ابو ہریرہ رضی اللہ تعالی عنہ بیان کرتے ہیں:نبی پاک ﷺ نے فرمایا: پہلی شے جسے اس امت سے اٹھا لیا جائے گا وہ حیاء اور امانت ہے پس تم ان دونوں چیزوں کا اللہ تعالی سے سوال کرو!

(باب فضیلۃ الحیاء و جسیم خطرہ، 213". مکارم الاخلاق للخرائطی. صفحات ص: 111)

⚡رسول اللہ ﷺ نے فرمایا: بےحیائی جس چیز میں بھی ہو اس کو عیب دار بنا دے گی، اور حیاء جس چیز میں ہو اس کو خوبصورت بنا دے گی ۔
(سنن ابن ماجہ-4185)

⚡رسولِ خدا ﷺ نے اسی لیے ارشاد فرمایا:
"جب تجھ میں حیا نہ رہے تو جو چاہے کر۔ “
(البخاری-3484)
🌘#Message / Moral:

🎀اگر ہمارے اندر حیاء ہے تو یہ ایمان کی نشانی ہے
🎀 حیاء اور شرم جنت میں جانے کا ذریعہ ہیں
🎀 اگر ہم شرم و حیاء والے بن جائیں تو اللہ کے محبوب بندوں میں ہمار شمار ہو گا۔۔۔

🎀 ہمارے نبی کریم صلی اللہ علیہ ایک کنواری لڑکی سے بھی زیادہ شرم حیاء والے تھے، ہمیں بھی ویسا بننا ہے.

🎀 اگر ہمارے اندر حیاء نہیں رہے گی تو ایمان بھی نہیں رہے گا.

🎀 اسلام کی پہچان شرم و حیاء ہے۔۔۔ ہمیں اپنے اندر حیاء کو ڈیویلپ کرنا ہے۔۔۔

🎀 ہمیں اللہ سے دعا کرنی ہے کہ اللہ ہمیں شرم و حیاء والا بنائے.

🎀 حیاء ہمیں خوبصورت بنا دے گی

🎀 بے حیائی کسی بھی چیز کو عیب دار بنا دے گی
🎀 اگر ایک بندے میں حیاء ہی نا رہے پھر وہ جو مرضی کرتا پھرے۔۔۔

ان سب احادیث نبوی صلی اللہ علیہ وسلم سے واضح پیغام ملتا ہے کہ ایک مومن کو حیادار ہونا چاہیے، شرم و حیاء کا پیکر ہونا چاہیے، بے حیائی سے دور رہنا چاہیے، اللہ کی رضا حاصل کرنے کے لیے شرم و حیاء لازمی ہے۔۔۔

اب حیاء بہت سی چیزوں میں ہوتی ہے،
جیسا کہ غیر محرم کو دور سے ہی پتہ چلنے پر نظروں کو جھکا لینا ،یہ حیاء ہے
غیر محرم سے کوئی بات کرتے
جیسا کہ غیر محرم کو دور سے ہی پتہ چلنے پر نظروں کو جھکا لینا ،یہ حیاء ہے
غیر محرم سے کوئی بات کرتے ہوئے نظر کو جھکانا یہ حیاء ہے.

اپنے بڑوں سے ادب و احترام سے پیش آنا، یہ حیاء ہے
گھر والوں سے اچھے طریقے سے پیش آنا ، یہ حیاء ہے

بے حیائی اور فحاشی کے امور سے حفاظت، حیاء ہے.

اسلام عبادات کا ایک محکم نظام دیتا ہے جس کے ذریعے حیا کو تقویت ملتی ہے۔

اسلام نظروں کو پست رکھنے اور عورتوں اور مردوں کو اپنے ستر کے حصوں کو ڈھانکنے اور چھپانے کاحکم دیتا ہے۔ آزادانہ اختلاط مرد و زن پر پابندی عائد کرتا ہے، بے حیائی اور بے شرمی کے کاموں پر سزاؤں کا اعلان کرتا ہے۔

اور اللہ ہمیں کہتا ہے کہ تقویٰ کا لباس اوڑھو، اسی میں خیر ہے۔۔۔

وَلِبَاسُ التَّقْوٰى۝۰ۙ ذٰلِكَ خَيْرٌ۝۰ۭ (الاعراف:۲۶)

عبداللہ شاہ نواز ورک
Abdullah Shahnawaz Virk

Jazak-Allah u khaira ❤

Share:

Read More

Tanhai aur Ham: Tanhai me hone wale Gunaah ka jayeza, Imaan aur Hya ki ahmiyat.

Tanhai hame kyu nahi Pak saaf hone deti?

Ga de aur fehash Videos Dekhne wale Logo ki Tanhai kabhi Pak nahi hoti?
Aakhir ham sab se tanhai me hi kyu Gunah hote hai?

Aurat se Agar Ilm wapas le liya jaye to kya hoga?
Tanhai me Ladkiyo se bat karne ki Sja.

Western Country ka Islam aur Musalmano ke khilaf failayi ja rahi pareganda.

Ladko se chhup chhup kar bate karne wali ladkiyaa bad me kyu afsos karti hai?

اسلام علیکم ورحمتہ اللہ وبرکاتہ ۔۔
موضوع . تنہائی کے گناہ ۔۔
تحریری مقابلہ۔۔

ہماری تنہائی ہمیں آخر کیوں برائی میں ہی دھکیل کر لےجاتی ہے؟
منفی چیزیں ذرا سی تنہائی ملنے پر کیوں ہمارے ذہن میں آجاتی ہیں؟___

جواب سادہ سا ہے کہ ہمیں بدنظری کی عادت ہے چاہے وہ ڈراموں کے ذریعے ہو پہلی نظر کا بہانہ بنا کر کسی کو دیکھنا ہو یا پھر میمز کے ذریعے ہو یہ سب چیزیں ہماری شہوت کو بھڑکاتی ہیں اور ہمیں جب موقع میسر آتا ہے تو ہم جلتی پہ تیل ڈالتے ہیں فحش مواد دیکھ کر___

اگر بدنظری چھوڑ دی جاۓ تو خیالات بھی پاک ہوجاٸیں گے اور تنہائی بھی لیکن ان چیزوں کو بھی چھوڑنے کے لیۓ نیت چاہیۓ کیونکہ اگر آپ اللہ سے اچھے کام کی توفیق چاہتے ہیں تو اس کا دارومدار بھی اس بات پر ہے کہ آپ اپنے ارادے سے کتنا مخلص ہیں.

اگر آنکھ کی حفاظت ہو تو تنہائی میں بھی برے خیالات نہیں آ سکتے کیونکہ آنکھ پاک ہوگی تو خیالات پاک ہونگے بس آج سے ہی بدنظری چھوڑ دیں ورنہ یہ آپ کو تنہائی کا گناہگار بنانے میں کوئی کسر نہیں چھوڑے گی.

Share:

Read More

Parda aur Hijab: Muslim Ladkiyaan Hijab Aur Parda karna Kyu Chhor rahi hai, Tum kaun hoti ho judge karne wali mai kuchh bhi Pehnu?

Musalman Mard kaise Be Gairat hote ja rahe hai?
Muslim Ladakiyon Hijab kyu Pehanana chhor rahi hai?
Musalman Auraten kya apne Deen ko bhul gayi hai, kya unhe Apne Deen se Jyada European Culture se Muhabbat hai?

اسلام وعلیکم ورحمتہ اللہ وبرکاتہ

موضوع # پردہ اور حجاب
القلم Lado Rani
الحیا تحریری مقابلہ

پردہ اور حجاب عورت کو آپشن نہیں دیا گیا کہ وہ کرے یا نہیں بلکہ فرض کیا گیا ہے.

کچھ دن پہلے میری طبعیت خراب ہو نے کے پیش نظر مجھے ڈاکٹر کے پاس جانا پڑا کافی رش تھا میں پرچی بنوا کر بینچ پر اپنی باری کے انتظار میں بیٹھ گئی اور کلینک کا جائزہ لینے لگی کافی لوگ جن میں خواتین بچوں کے ساتھ اور کچھ مرد حضرات بھی
پھر میری نظر ایک لڑکی پر جا کر رک گئی وہ کلینک کے گیٹ پر کھڑی اپنی فائل دیکھ رہی تھی اس کا لباس کافی چست اور باریک اور دوپٹہ گلے کے ساتھ چپکا ہوا بال کھول کر پھیلا رکھے تھے اور چہرہ میک اپ سے مزین ۔

اب اچانک میری نظر گیٹ سے باہر گئی تو دیکھا کہ کافی مرد حضرات اسے گھور رہے تھے دعوت تماشا تو وہ خاتون خود بنی ہوئی تھی بازار کے درمیان کلینک ہونے کی وجہ سے باہر رش کافی رہتا ہے ۔

ایک لڑکا ائسکریم بیچنے والا اپنی سائیکل کھڑی کر کے اس خاتون کو سر سے پاؤں تک مسلسل گھورے جارہا تھا۔

اور یہ ہر چیز سے بے نیاز کھڑی دعوت نظارہ پیش کر رہی تھیں۔

کافی برا لگا میرا دل کرے کہ میں خود جا کر اس کا دوپٹہ نیچے سرکا دوں کیونکہ مجھے شرمندگی ہو رہی تھی۔

میں نے ھمت کری اور اس کے پاس جا کر کھڑی ہو گئی اس نے مجھے دیکھا تو میں نے سلام کیا اس نے جواب میں مسکراہٹ سے وعلیکم السلام کہا۔

میں نے پوچھا آپ مسلم ہو؟
کہتی الحمداللہ

تو پھر۔ میں نے کہا آپ کا لباس بھی مسلم ہونا چاہئے ۔

اسے غصہ آیا اپ نے عبایہ پہنا ہوا تو آپ کو سرٹیفکیٹ نہیں مل گیا؟

بولی آپ کون ہوتی ہیں مجھے جج کرنے والی یہ میرا اور میرے اللہ کے درمیان معاملہ ہے آپ کو کس نے حق دیا ہے میرے ذاتی معاملہ میں اس طرح سے بولنے کا ؟

یہ میرا ذاتی مسئلہ ہے ۔

میں نے جواب دیا یہ حق مجھے میرے دین نے دیا ہے کہ اگر کہیں کوئی غلطی دیکھو اسے روکو اور تم ایک مسلم عورت ہو اللہ نے عورت کو بہت تعظیم دی ہے اس کی تخلیق کو تو فرشتوں سے بھی چھپا کر رکھا ہے اور نامحرم فرشتوں سے بڑھ کر نہیں ہیں کہ انہیں اپنا آپ دکھایا جائے ۔

آپ بہت انمول ہو آپ کی خوبصورتی بہت قیمتی ہے اسے غیر مردوں کو دیکھا کر میلا نہیں کرو ان کی آنکھوں کی غلاظت سے آپ کو کیا تسکین مل رہی ہے؟ مجھے اچھا نہیں لگا جس طرح سے مرد اپ کو گھور رہے تھے بس اپ دوپٹہ سینے پر پھیلا لو یہی کہنا تھا اور جزاک اللہ کیہ کر اپنی جگہ پر آکر بیٹھ گئی ۔

بولا تو اس نے بہت کچھ مگر میں نے نظر انداز کر دیا اور سر جھکا کر اپنی باری کا انتظار کرنے لگی تھوڑی دیر بعد میں نے سر گھما کر اسے متلاشی نظروں سے دیکھا تو میں بے اختیار کھڑی ہو گئی۔

وہ سب سے آخری بینچ پر اپنے موبائل فون میں گم بیٹھی ہوئی تھی اس کا دوپٹہ پھیل کر نہ صرف اس کے وجود بلکہ سر کو بھی ڈھانپ رہا تھا ۔

مجھے بہت خوشی اور اطمینان ہوا کہ کچھ تو میری بات کا اثر ہوا اور مجھے لگا میں ٹھیک ہوں مجھے کسی میڈیسن کی ضرورت نہیں ایسا اطمنان محسوس ہوا۔

مختصر بات ہے جناب: آج دراصل مردوں کی غیرت کمزور ہوتی جارہی ہے ورنہ سوال ہی پیدا نہیں ہوتا کہ یہ خواتین اس طرح باہر بے پردہ گھومتی نظر آیئں، دن بدن ٹرینڈ بڑھتا جا رہا ہے کہ جو عورت مکمل پردہ کرتی تھی اب وہ آدھے پردے پر آگئ ہے اور جو آدھا پردہ کرتی تھی اس نے ہلکا سا دوپٹہ گلے مین لٹکا لیا ہے اور بعض تو اللہ معاف فرماۓ بغیر دوپٹہ لوگوں کی توجہ کا مرکز بنی ہوئ گھوم رہی ہیں ۔

مذید کہوں تو لباس ایسا کہ نیچے سے اوپر تک کا سارا گوشت واضح نظر آرہا ہے۔ میری سمجھ سے باہر ہے کہ کیسے ان کے والد صاحب یا بھائ یا شوہر یہ گوارہ کرلیتے ہیں؟

کیسے انکا دل مطمئن ہوجاتا ہے کہ ہماری بہن بیٹی یا بیوی بے پردہ ہوکر باہر نکلے اور باہر کے کتے ان سے آنکھوں کی جنسی تسکین حاصل کریں؟؟

، ارے یہ فیشن نہین بے حیائ ہے ہماری بہن بیٹیوں کو بے پردہ دیکھ کر باہر کے شیطان اپنی آنکھیں ٹھنڈی کرتے ہیں، دل روتا ہے کہ یہ ہیں رسول اللہﷺ کی بیٹیاں کہ اگر رسول اللہﷺ نا ہوتے تو آج بھی ان لڑکیوں کہ زندہ زمین مین دفنایا جارہا ہوتا مگر رسول اللہﷺ آۓ اور عورتوں کی عزت قائم کروائ

عورت کی حرمت قائم کروائ،
عورت کی عصمت قائم کروائ،
عورتوں کے حقوق سے آگاہ کیا

، اور ساری دنیا کو بتایا عورت کو ہر روپ مین معزذ و محترم ہے مگر مین اپنا رونا کہاں جا کر روؤں کہ آج یہی لڑکیاں بے حیائ اور بے پردگی میں بہت آگے نکل چکی ہیں اب انہین انگریزوں کی ثقافت پسند ہے ۔

یہ رسول اللہﷺ کی زندگی
، یہ رسول اللہﷺ کی قربانیاں،
یہ رسول اللہﷺ کے آنسو
، یہ رسول اللہﷺ کی تکالیف بھول چکی ہیں
، یہ پردے کے فضائل بھول چکی ہیں
یہ قرآنی احکامات بھول چکی ہیں
، یہ فرمان رسولﷺ بھول چکی ہیں،
جو خواتین کے حقوق، عزت و عصمت کے لیۓ بتاۓ گۓ، یہ بے پردگی کے عذاب بھول چکی ہیں،
ایسی خواتین سے پردہ پر لاذمی سوال و جواب

جو خواتین کے حقوق، عزت و عصمت کے لیۓ بتاۓ گۓ، یہ بے پردگی کے عذاب بھول چکی ہیں۔

ایسی خواتین سے پردہ پر لاذمی سوال و جواب ہونے ہیں اور شدید سزا کی حقدار ٹھہریں گی مذید یہ کہ باپ بھائ بیٹا اور شوہر بھی لپیٹ مین آجایئں گے، لہذا مکمل پردہ کرکے باہر نکلا جاۓ کہ عورت کے جسم کا کوئ بھی عضو واضح نا ہو، جو عورت با پردہ ہوکر گھر سے نکلتی ہے اس پر اللہ تعالی اور فرشتے مسلسل رحمت بھیجتے ہیں جب تک وہ گھر واپس نا آجایئں اور آخرت مین ایسی عورت کے لیۓ خوب انعامات کا وعدہ کیا گیا ہے۔

دوسری طرف کوئ خاتون بے پردہ گھر سے نکلتی ہے تو اللہ اور فرشتوں کی مسلسل لعنت برستی ہے کہ جب تک وہ گھر واپس نا آجاۓ۔

عورت کی اصل عزت ہی پردے میں ہے، کھلی چیزوں پر مسلسل مکھیاں آتی ہیں اور گندہ کرکے چلی جاتی ہیں جب کہ چھپی ہوئ پیک اشیاء مکھیاں اور کیڑے مکوڑوں سے محفوظ رہتی ہیں۔

مجھے یاد ہے بچپن میں قرآن مجید پرھانے والی باجی کے گھر جاتے تھے تو ان کے گھر کے مرد حضرات گھر سے باہر چلے جاتے تھے کہ بچیوں نے پڑھنا ہے تو ان کی آواز ان کے کانوں میں نہ پڑے اتنا خیال رکھا جاتا تھا پردے کا میں نے کبھی اپنی باجی کو ننگے سر نہیں دیکھا تھا سر پر دوپٹہ ہونے کے باوجود جب کبھی ان کے والد محترم گھر میں اتے تو فورا دوپٹہ ٹھیک کرنے لگتی کہ کوئی بال نظر نہ آئے۔ انہوں نے کبھی بھی کوئی کپڑے دھوے بغیر نہیں سلائی کئے تھے کہتی تھیں غیر مردوں کے ہاتھ لگے ہیں
یہ معیار تھا پردے کا کہ ان کی آواز تک کبھی کسی نامحرم نے نہیں سنی تھی۔

مجھے یاد ہے کہ اس دور میں کبھی کسی نے مجبوری میں چھت پر جانا ہوتا تھا تو اونچی آواز لگائی جاتی تھی کہ پردہ کر لیں تاکہ صحن میں بیٹھی خواتین اندر چلی جائیں۔

دور تو آج بھی وہی ہے وہی لوگ ہیں بس اخلاقیات بھول چکے ہیں۔

چل دوڑ زندگی پلٹ واپس لے چل
اب اس دور میں ہمارا گزارا نہیں

Share:

Read More

Parda aur Hijab: Apne Maa Baap se chhup kar Be hyayi ke kamobesa ko anjaam, Allah ke hukm par Amal nahi karna bhi be Hayayi hai.

Parda aur Imaan: Alla lho ke hukm ki Na farmani karne wali Ladkiyaan.

#الحیا_تحریری_مقابلہ
تحریر: فحاشی، بے حیائی اور خشیت الٰہی (اللہ کا ڈر)

ازقلم: اریج_چاندنی

سورہ الرحمن آیت 46
ترجمہ :
🌹 اور اس شخص کے لیے جو اپنے رب کے سامنے کھڑے ہونے سے ڈرا دو جنتیں ہیں🌹

زندگی ایک آزمائش ہے اور زندگی تب مشکل بنتی ہے جب کچھ بھی زندگی میں آنکھیں بند کرکے بغیر سوچے سمجھے کیا جاتا ہے.

صرف غیر محرم سے تعلق بنانا، ملنا، بات کرنا بے حیائی نہیں ہے. مرد ہو یا عورت سرعام تنگ لباس پہنا، چھپ کر موبائل کا غلط استعمال کرنا، ماں باپ کے سامنے حرام کاموں پر بھی حوصلے سے بحث کرنا، نکاح کے نام پر منگیتر سے تعلقات بڑھانا، بھائی بہن کا ایک دوسرے کے سامنے اللہ کی حدود کو توڑنا، والدین کا مغربی لباس پر اولاد کو سراہنا، نیز ہر وہ ناجائز کام جس کا کرنے سے پہلے اللہ کی ناراضگی کا نہ سوچا جائے بے حیائی ہے.

🥀یہ سب تب ہوتا ہے جب انسان کو اللہ کے احکام کا پتا ہوتا ہے مگر اسکے حساب کو بھول جاتا ہے اس لیے ہی روزانہ ہزاروں ذلت و بدنامی کے قصے سامنے آتے ہیں.

وجہ صرف اللہ کے ڈر کا نہ ہونا ہے جب انسان اللہ کے حکم کو "کوئی بات نہیں" کہہ کر ٹال دیتا ہے اور اپنی مرضی کرتا ہے تو پھر اللہ کی پکڑ سامنے آتی ہے جس کی نشانیاں ارد گرد نظر دوڑانے سے مل جاتی ہیں
سورہ النور آیت 19

ترجمہ :

🌹 جو لوگ مسلمانوں میں بے حیائی پھیلانے کے آرزو مند رہتے ہیں ان کے لیے دنیا و آخرت میں دردناک عذاب ہے اللہ سب کچھ جانتا ہے اور تم کچھ بھی نہیں جانتے.

دوسری طرف جو لوگ اپنی من چاہی خواہشات کو اللہ کی پکڑ کا سوچ کر چھوڑ دیتے ہیں وہ کامیاب اور پرسکون نظر آتے ہیں.

سورہ النازعات آیت 40_41
ترجمہ :
🌹 ہاں جو شخص اپنے رب کے سامنے کھڑے ہونے سے ڈرتا رہا ہوگا اور اپنے نفس کو خواہش سے روکا ہو گا- تو اسکا ٹھکانا جنت ہی ہے 🌹

✨ اللہ سے ڈرنا انسان کو کامیاب اور اللہ سے نہ ڈرنا انسان کو برباد کر دیتا ہے اب یہ آپ پر ہے کہ آپ کونسا راستہ چنتے ہیں.

جزاکم اللہ خیرا و احسن!

#اریج_چاندنی
#Areej Chandni

Share:

Read More

Parda aur Hijab: Be hyayi ke kamo me Shamil rahne wale logo ko Gunah karne se Dar nahi lagta.

Gunah karte hue logo ko Gunah mahsoos Hi nahi hota ke mai Gunah Kar raha hoo.
Buraiyon karne logo ka Qayamat ke din Sza.

#الحیاء_تحریری_مقابلہ
ازقلم ۔۔آنیہ بتول

گناہ کو گناہ نا سمجھنا اور محسوس ہی نا کر پانا کہ ہم کس نافرمانی میں مبتلا ہیں بہت بڑی سزا یے ہم اسے نامحسوس کن سزا کہہ سکتے ہیں جس میں ہم بڑے دلیر ہوکر گناہ کرتے ہیں اور پھر خود کو جسٹیفائیڈ بھی کرتے ہیں .

اس کا نقصان یہ ہوتا ہے کہ ہمیں توبہ کا خیال بھی نہیں آتا اور توبہ کا خیال نا آنے کے باعث مسلسل اس گناہ میں مبتلا رہ کر اپنا نامہ اعمال سیاہ کرتے رہتے ہیں .

آج کل ان گناہوں کی فہرست لمبی ہے جسے ہم اپنی زندگی میں معمول کی طرح لیتے ہیں اور پھر اسی پر ڈھیٹ ہوجاتے ہیں. استغفِرُللّٰه

حرام کما کر اس پر خوشی محسوس کرنا
حرام دیکھ کر اس پر خوش مطمئن رہنا
ناجائز حرام تعلقات میں مبتلا رہ کر خود کو خوش نصیب سمجھنا.
کسی نامحرم کی محبت پر فخر محسوس کرنا

رشوت سفارش کے بدلے کام کروا کر خوش ہوجانا ۔۔اپنے حسن کی تعریف کے لیے بےپردگی اختیار کرنا
اپنے وقت کو ڈراموں فلموں میں دیکھ کر برباد کرنا اور پھر اسے انجوائے منٹ کا نام دے دینا .

یہ سب آج اکثریت کا طرز عمل ہے اور اپنی روٹین میں شامل کرکے بنا کسی شرمندگی کے جی رہے ہیں کہ اکثریت اسے گناہ بھی نہیں سمجھتی ۔۔
انسان گناہوں کو معمولی سمجھتا ہے تو اپنے حق میں برا کرتا ہے.

ابن القیم رحمہ اللّٰه کہتے ہیں :

انسان گناہوں کا ارتکاب کرتا رہتا ہے
حتٰی کہ وہ انہیں حقیر اور معمولی
سمجھنا شروع کر دیتا ہے
یہی ہلاکت اور بربادی کی نشانی ہے
[ الجواب الكافي ]

آٹھ بج گئے یہ ڈرامہ لگا ہوا کون کون دیکھ رہا ہے ؟؟

(پوسٹ کی تو کمنٹ باکس میں پندرہ لوگوں کے جواب۔۔ جو نہیں دیکھ رہا ہوگا وہ بھی دیکھے گا۔۔۔آپ کی وجہ سے جتنے لوگ اس وقت ڈرامہ دیکھنے میں مصروف ہونگے سب کا وبال آپ پر ہوگا )
اس چیز کو گناہ نہیں سمجھا جاتا جبکہ کسی کو برائی پر لگا دینا بھی گناہ ہے اور اس کے علاوہ یہ اعلانیہ گناہ کے زمرے میں بھی آتا ہے۔

لڑکی کی پوسٹ (یہ ہیرو مجھے پسند ۔۔ بڑے فخر سے بتانا میری پوری گیلری ان تصویروں سے بھری ہوئی ۔۔
سمجھایا تو جواب آیا لو جی اس میں کیا ۔۔میری کونسا بری نظر ہے ایسے کچھ نہیں ہوتا اپ اپنی سوچ کے دائرے وسیع کرو۔

یعنی سمجھانے والا دقیانوسی سوچ کا مالک
ساتھ نیچے کمنٹس میں مسلمان گھرانے کی پیداوار اپنے فیورٹ نام نہاد ہیروز کی تصاویر بھیج رہی ہوتیں ہیں استغفار۔

ایسی پوسٹس سوشل میڈیا پر آپ کو گردش کرتی نظر آئیں گی ۔۔

پوسٹ لگانے والی نہیں سوچے گی اس کی ایک پوسٹ لگانے کی وجہ سے کتنے لوگوں نے کتنا وقت ضائع کر دیا اور گناہ پر مبنی باتیں کیں وہ یہ بھی نہیں خیال کرے گی یہ سب گناہ اس کے زمہ ۔۔لیکن بروز قیامت اس عمل کا بھی حساب ہوگا۔

#القرآن
ترجمہ
جب اعمال کے دفتر کھولے جائیں گے, جب آسمان کی کھال کھینچ لی جائے گی, جب جہنم کی آگ بھڑکائی جائے گی اور جب بھشت قریب لے آئی جائے گی تب ہر شخص معلوم کر لے گا کہ وہ کیا لے کر آیا ہے۔

(سورۃ التکویر،۱۰تا۱۴)

زندگی ہمیں اس لیے تو نہیں ملی اسے فضول چیزوں میں برباد کر دیں ۔

انجوائے کرنا یہ ہوتا ہے ؟
ایسے انجوائے کرنے کا کیا فائدہ جو بروز قیامت آپ کو تباہی کے دہانے پر کھڑا کردے ہم کیوں نہیں خیال کرتے یہاں ہمارا کوئی عمل بھی ضائع نہیں جائے گا
ہمارا تو ایک ایک لمحہ قیمتی ہے خدارا اپنی زندگیوں کو ایسے برباد نا کریں ۔

آج فراغت نصیب ہے مہلت ہے تو اس زندگی کو اچھے کاموں میں لگائیں زندگی تو گزر ہی جانی ہے لیکن جو ہم اس زندگی میں عمل کرتے ہیں وہ رہ جانے ہیں اور ان اعمال کی بنا پر ہمیں آخرت میں جنت جہنم کا فیصلہ سنایا جائے گا۔

اگر کوئی بھی ان گناہوں میں مبتلا ہے وہ آج ہی سے توبہ کرے جو شخص سچے دل سے توبہ کرتا ہے اللّٰه اسے معاف کردیتا ہے۔
#القرآن

ترجمہ ۔۔
البتہ جن لوگوں نے جہالت (بے علمی) کی بنا پر برے عمل کیئے، اور پھر توبہ کر کے اپنے عمل کی اصلاح کر لی، تو یقیناً توبہ و اصلاح کے بعد تمہارا رب ان کیلئے غفور اور رحیم ہے۔

(سورۃ النحل ۱۱۹)
مختصر بہت مختصر زندگی پلک جھپکتے ہی گزر جائے گی اسے ضائع نا کریں اس کے مقصد کو سمجھیں۔

Share:

Read More