Jahaiz Dene Ke Bad Betiyon Ka Haque Aur Muashera (Society) Ki Soch
DEENI LIHAAZ SE:
find all Islamic posts in English Roman urdu and Hindi related to Quran,Namz,Hadith,Ramadan,Haz,Zakat,Tauhid,Iman,Shirk,daily hadith,Islamic fatwa on various topics,Ramzan ke masail,namaz ka sahi tareeqa
Nikah se jude masayel janne ke liye click kare.
Aaj jyada Umar hone ke bawjood bhi Padhi likhi ladkiyo ki Shadi kyo nahi ho rahi hai?
Kya Hame Dusri Shadi ko Aam nahi kar dena chahiye?
Mard ke Liye 4 Shadiya kyu jaruri hai?
Dusri Shadi ki Haisiyat rakhte hue bhi Biwi Shadi karne nahi deti.
➖ دوسری شادی کے مسائل ➖
شادی انبیائے کرام کی سنت ہے ، اللہ کا فرمان ہے :
وَلَقَدْ أَرْسَلْنَا رُسُلاً مِّن قَبْلِكَ وَجَعَلْنَا لَهُمْ أَزْوَاجًا وَذُرِّيَّةً وَمَا كَانَ لِرَسُولٍ أَن يَأْتِيَ بِآيَةٍ إِلاَّ بِإِذْنِ اللَّهِ لِكُلِّ أَجَلٍ كِتَابٌ(الرعد: 38)
ترجمہ: ہم آپ سے پہلے بھی بہت سے رسول بھیج چکے ہیں اور ہم نے ان سب کو بیوی بچوں والا بنایا تھا ،کسی رسول سے نہیں ہوسکتا کہ کوئی نشانی بغیر اللہ کی اجازت کے لے آئے ،ہر مقررہ وعدہ کی ایک لکھت ہے ۔
جو مسلمان نبی کی اس سنت سے اعراض کرے وہ مسلمان نہیں ہے ۔ ام المومنین حضرت عائشہ صدیقہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا:
انِّكاحُ من سنَّتي ، فمن لم يعمَل بسنَّتي فليسَ منِّي ، وتزوَّجوا ، فإنِّي مُكاثرٌ بِكُمُ الأممَ ، ومن كانَ ذا طَولٍ فلينكَح ، ومن لم يجِد فعلَيهِ بالصِّيامِ ، فإنَّ الصَّومَ لَهُ وجاءٌ(صحيح ابن ماجه:1508)
ترجمہ: نکاح میرا طریقہ ہے اور جو شخص میرے طریقے پر عمل نہیں کرتا، اس کا مجھ سے کوئی تعلق نہیں۔ شادیاں کیا کرو کیونکہ میں تمہاری کثرت کی بنا پر دوسری امتوں پر فخر کروں گا، جو (مالی طور پر) استطاعت رکھتا ہو وہ (ضرور) نکاح کرے اور جسے (رشتہ) نہ ملے، وہ روزے رکھا کرے کیونکہ روزہ خواہش کو کچل دیتا ہے۔
جس نے طاقت رکھتے ہوئے شادی کرلی اس نے سنت پر عمل کیا ،جو طاقت رکھنے کے باوجود شادی نہیں کرتا وہ تارک سنت ہے ،اس میں وہ لوگ بھی داخل ہیں جو شادی کی عمر کو پہنچ گئے اور گناہ میں واقع ہونے کا خطرہ ہے مگر بعض دنیاوی مقاصد کی برآوری کے لئے شادی میں ٹال مٹول کرتے ہیں ۔ مخلوط تعلیم حاصل کرنے والے یا اختلاط کی جگہوں پہ رہنے سہنے والے اس قسم کے بہت سے لوگ ناجائز طریقے سے شہوت رانیاں کرتے ہیں۔ اس مرحلے میں سرپرست کی ذمہ داری ہے کہ وقت پہ اپنے ماتحت کی شادی کرا دے تاکہ شرمگاہ کی حفاظت ہوسکے جوکہ نکاح کے ایک اہم مقاصد میں سے ہے ۔
نبی ﷺ نے فرمایا:
يا معشرَ الشبابِ ! من استطاع منكم الباءةَ فليتزوجْ . فإنه أغضُّ للبصرِ ، وأحصنُ للفرجِ . ومن لم يستطعْ فعليه بالصومِ . فإنه له وجاءٌ(صحيح مسلم:1400)
ترجمہ : اے جوانوں کے گروہ! تم میں سے جو کوئی شادی کی استطاعت رکھتا ہو وہ شادی کر لے، یہ نگاہ کو زیادہ جھکانے والی اور شرمگاہ کی زیادہ حفاظت کرنے والی ہے اور جو استطاعت نہیں رکھتا تو وہ روزے کو لازم کر لے ،یہ خواہش کو قابو میں کرنے کا ذریعہ ہے۔
اگر مرد نے ایک خاتون سے شادی کرلی تو اس نے سنت پر عمل کرلیا ، رہا مسئلہ دوسری شادی کا تو یہ بھی مردوں کے لئے مباح ہے ۔ قرآن میں اللہ نے پہلے دو شادی کا ہی ذکر کیا ہے پھر تین، پھر چار، ان میں انصاف نہ کرسکنے کی صورت میں ایک کو اختیار کرنے کا حکم ملا۔
فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلا تَعْدِلُوا فَوَاحِدَةً(النساء:3)
ترجمہ: اور عورتوں میں سے جوبھی تمہیں اچھی لگیں تم ان سے نکاح کرلو، دو دو، تین تین ، چار چار سے ،لیکن اگر تمہیں برابری نہ کرسکنے کا خوف ہوتو ایک ہی کافی ہے ۔
تعدد ازدواج کی حکمت :
۔ • ─┅━━━━━━━┅┄ •
پہلے دھیان میں یہ رہے کہ شادی کی حکمت مسلمانوں کی تعداد بڑھانا جس پر نبی ﷺ بروز قیامت فخر کریں گے ، اسی طرح شرمگاہ کی حفاظت بھی شادی کے مقصد میں سے ہے ۔
٭ایک سے زائد شادی حکم الہی ہے اور اللہ کا کوئی حکم کسی مصلحت کے بغیر نہیں خواہ ہماری محدود عقل اس کا ادراک کرے یا نہ کرے۔
٭ قدرتی طور پر دنیا میں عورتوں کی تعداد زیادہ ہے اور باہر مردوں کے کام کاج ،مسائل ،جھگڑا لڑائی ،قتل و فساد کے سبب مرد ہی کا زیادہ نقصان ہوتا ہے، اگر ہر آدمی ایک شادی پر اکتفا کرے تو بقیہ عورتوں کی شادی کا مسئلہ پیچیدہ ہوجائے گا۔ آج جہیز کی لعنت کا ایک سبب لڑکیوں کی کثرت ہے ، اگر لڑکیاں کم ہوتیں تو لڑکے پیسہ دے دے کر شادی کرتے۔ لڑکیوں کی کثرت کوئی مسئلہ نہیں ہے بشرطیکہ لوگ متعدد شادیاں کرے ، آج لوگوں نے شادی چھوڑ کر زنا کا راستہ تلاش کیا تو اللہ نے ان میں ایڈز کی بیماری پھیلا دی۔
٭ خواتین پہ بعض مخصوص مراحل آتے ہیں اس وقت مرد اپنی بیوی سے دور رہتا ہے اس صورت میں کثرت جماع والا شخص یا تو دوسری شادی کرے گا یا زنا کا راستہ اختیار کرے گا یا پھر بیوی ہی سے ناجائز طریقے سے فائد ہ اٹھائے گا ، ان تمام صورتوں میں دوسری شادی جائزو اولی ہے ۔
٭ بعض مردوں میں قدرتی طور پر شہوت زیادہ ہوتی ہے ایسے حضرات کے لئے بھی جائز راستہ دوسری شادی ہی ہے ورنہ غلط راستہ اختیار کرے گا۔
٭بعض لوگوں کو ایک بیوی سے اولاد نہیں ہوتی رہتی ہے ، مایوسی میں زندگی گزار رہا ہوتا ہے مگر دوسری شادی سے بہت سارے لوگ صاحب اولاد ہوجاتے ہیں۔
٭ بیوہ یا مطلقہ یا عمر رسیدہ عورت (کسی بیماری کے سبب یا عیب کے سبب یا رشتہ طے کرتے کرتے کافی وقت گزرگیا اور آج ایسا بہت دیکھنے کو ملتا ہے خصوصا جو لڑکی کالی یا معذور یا غریب ہو)سے شادی کرنا لوگ معیوب سمجھتے ہیں ، اگر ان سے کوئی شادی کرلے تو ایسے مرد کو حقارت بھری نظروں سے دیکھا جاتا ہے ۔ ایسی عورتوں سے شادی کرنا جہاں ان کے ساتھ احسان وسلوک ہوتا ہے وہیں شادی کے مقاصد بھی پورے ہوتے ہیں۔
٭ تعدد ازدواج سے پر فتن دور میں شرمگاہوں کی حفاظت پر قوی مدد ملتی ہے ۔
فضیلةالشیخ مقبول احمد سلفی حفظہ اللہ
کیا دوسری شادی کے لیے پہلی بیوی سے اجازت لازم ہے
─┅━━━━━━━━━━━━━━━┅
ایک سے زيادہ شادی کرنے کے لیے پہلی بیوی کی رضامندی شرط نہيں ، اور نہ ہی خاوند پر فرض ہے کہ وہ جب دوسری شادی کرنا چاہے تو اپنی پہلی بیوی کو راضی کرے ، لیکن یہ مکارم اخلاق اور ایک اخلاقی فریضہ اور اس سے حسن معاشرت ہے کہ وہ اس کا بھی خیال رکھے اور اس کی تکلیف کوکم کرنے کی کوشش کرے جوکہ اس جیسے معاملے میں عورت کی طبیعت میں شامل ہوتی ہے ۔
اور اسے اچھی اور بہتر ملاقات اور ملنے میں مسکراتے چہرے اور اچھی بات کہہ کر اور اگر کچھ مال میسر ہو اور اس کی ضرورت تو وہ بھی دے کر راضی کیا جائے ۔ دیکھیں فتاوی اسلامیۃ
( 3 / 204 ) ۔
مستقل فتوى كميٹى كے علماء كا كہنا ہے:
" خاوند پر فرض نہيں كہ اگر وہ دوسرى شادى كرنا چاہتا ہے تو پہلى بيوى كو راضى كرے، ليكن يہ مكارم اخلاق اور حسن معاشرت ميں شامل ہے كہ وہ پہلى بيوى كو راضى كرے، اور اس كے احساسات كو سمجھ كر اس تكليف كو كم كرنے كى كوشش كرے، كيونكہ عورتوں كى طبيعت ميں شامل ہے كہ وہ اس كو راضى و خوشى تسليم نہيں كرتيں، خاوند پہلى بيوى سے خوش رہے اور بہتر طريقہ سے ملے اور اچھى بات چيت كے ذريعہ اس كا دل بہلائے اور اسے راضى كرے، اور اسى طرح اگر اسے مال دينے كى ضرورت ہو اور اس كے پاس مال ہو تو بيوى كو مال دے كر اسے راضى كرے.
اللہ تعالى ہى توفيق دينے والا ہے.
اللہ تعالى ہمارے نبى محمد صلى اللہ عليہ وسلم اور ان كى آل اور صحابہ كرام پر اپنى رحمتيں نازل فرمائے " انتہى
الشيخ عبد العزيز بن باز.
الشيخ عبد الرزاق عفيفى.
الشيخ عبد اللہ بن قعود.
ديكھيں: فتاوى اللجنۃ الدائمۃ للبحوث العلميۃ والافتاء ( 18 / 402 ).
مرد کو دوسری شادی کی ضرورت ہے ۔ جبکہ پہلی بیوی دیندار ، فاضلہ اور
حقوق نبھانے والی وفا شعار ہے ، لیکن دوسری شادی کی بات پر طلاق مانگتی ہے
─┅━━━━━━━━━━━━━━
عورت كے ليے يہ جاننا ضرورى ہے كہ اس كا اللہ سبحانہ و تعالى كے احكام ميں سے كسى حكم كو ناپسند كرنا بعض اوقات كفر بھى ہو سكتا ہے، يا پھر وہ اسے كفر كى حد تك لے جا سكتا ہے جس كى بنا پر دين اسلام سے ہى خارج ہو جائے.
شيخ صالح فوزان حفظہ اللہ سے درج ذيل سوال دريافت كيا گيا:
جو شخص خود بھى چار شادياں كرنا ناپسند كرے اور دوسروں كو بھى اسے ناپسند كرنے كى ترغيب دلائے ايسے شخص كا حكم كيا ہو گا ؟
شيخ كا جواب تھا:
" كسى بھى مسلمان شخص كے ليے جائز نہيں كہ وہ اللہ سبحانہ و تعالى كے مشروع كردہ كو ناپسند كرے اور لوگوں كو اس سے نفرت دلائے، ايسا كرنا دين اسلام سے ارتداد كہلاتا ہے كيونكہ اللہ سبحانہ و تعالى كا فرمان ہے:
يہ اس ليے كہ انہوں نے اللہ تعالى كے نازل كردہ كو ناپسند كيا تو اللہ نے ان كے اعمال ضائع كر دے محمد ( 9 ).
چنانچہ معاملہ بڑ خطرناك ہے، اور اس كا سبب يہ ہے كہ ايسے لوگ كفار كى باتوں سے متاثر ہوتے ہيں، حالانكہ كفار كا تو كام ہى دين اسلام سے نفرت دلانا ہوتا ہے، اور وہ ايسے شبھات پيدا كرنے كى كوشش كرتے ہيں جو مسلمان كے ليے نقصان دہ ہوں اور بے وقوف قسم كے ايسے مسلمانوں ميں رواج پائيں جن پر دين اسلام كے احكام مخفى ہيں.
اور ان دينى احكام و قوانين ميں چار شادياں كرنا بھى شامل ہے، كيونكہ اس ميں مرد سے پہلے عورت كے ليے مصلحت پائى جاتى ہے "
ديكھيں: المنتقى من فتاوى الشيخ الفوزان ( 3 / 251 ).
ليكن يہ لازم نہيں كہ جب خاوند دوسرى شادى كرنے لگے تو وہ غيرت كھاتے ہوئے يا پھر ناراض ہو كر وہ اس شرعى قانون كو ہى ناپسند كرنے لگے؛ بلكہ كچھ عورتيں تو ايسى بھى ہيں جنہيں يہ معلوم ہے كہ يہ چيز اللہ كى شريعت ميں سے ہے اور اللہ نے جو شريعت نازل كى ہے اس پر ايمان بھى ركھتى ہے اور اس كے دين كو بھى پسند كرتى ہے.
ليكن پھر وہ نفس كى كمزورى كى اور اللہ كى حلال كردہ كو حرام كيے يا پھر اس كى شريعت كو ناپسند كيے بغير خاوند كى ايك سے زائد شادياں كرنے كو ناپسند كرتى ہے.
خاوند كى جو يہ نيت ہے كہ وہ كسى بيوہ يا مطلقہ يا كسى ايسى عورت سے شادى كر لے جس كى شادى كى عمر جاتى رہى ہے اس پر اس كا مشكور ہونا چاہيے، يہ نيت قابل تعريف ہے، اور لوگوں كى جانب سے اسے ايسا كرنے كى ترغيب دلائى جانى چاہيے تھى، اور اسى طرح بيوى بھى اسے ابھارتى كہ تم ايسا ضرور كرو، كيونكہ يہ تو بہت ہى اچھے اخلاق ميں شامل ہوتا ہے.
بيوى كو چاہيے كہ وہ جو كچھ اپنے ليے پسند كرتى ہے وہى دوسرے كے ليے بھى پسند كرے، وہ اپنے ليے تو پسند كرتى ہے كہ اس كا خاوند بھى ہو اور اولاد بھى، تو اسى طرح اسے يہ اپنے علاوہ كسى دوسرى عورت كے ليے پسند كرنا چاہيے.
بلكہ اگر اس كى بيٹى اس حالت ميں ہوتى جس ميں دوسرى خواتين ہيں تو وہ تمنا كرتى كہ كاش اس كا بھى كوئى خاوند ہو جو اس كى سترپوشى كرے چاہے وہ شادى شدہ ہى ہو، اور چاہے ايك سے زائد شاديوں والا ہى ہو، اس ليے اسے علم ہونا چاہيے كہ عورتوں اور ان كى ماؤں كا احساس اور جذبہ يہى ہوتا ہے.
ثوبان رضى اللہ تعالى عنہ بيان كرتے ہيں كہ رسول كريم صلى اللہ عليہ وسلم نے فرمايا:
" جس عورت نے بھى بغير كسى حرج كے اپنے خاوند سے طلاق طلب كى تو اس پر جنت كى خوشبو حرام ہے "
سنن ابو داود حديث نمبر ( 2226 ) سنن ابن ماجہ حديث نمبر ( 2055 ) علامہ البانى رحمہ اللہ نے صحيح ابن ماجہ حديث نمبر ( 1685 ) ميں اسے صحيح قرار ديا ہے.
ہم عورت كو نصيحت كرتے ہيں بلكہ ہر اس عورت كو جس كے خاوند نے دوسرى شادى كر لى ہے كہ پہلى بيوى كو اللہ كے حكم پر راضى ہونا چاہيے، اور اللہ تعالى سے دعا كرنى چاہيے كہ اس سلسلہ ميں اس كے دل ميں جو غيرت پائى جاتى ہے اسے ختم كر دے، اور اسے صبر و تحمل سے كام ليتے ہوئے اپنے خاوند كے پاس ہى رہنا چاہيے.
کیا خاوند کے لیے چھپ کر شادی کرنا جائز ہوگا
۔❖ • ─┅━━━━━━━━━━━━┅┄ • ❖
خاوند پر واجب نہيں كہ وہ اپنى بيويوں كو بتائے كہ وہ اور شادى كريگا، ليكن اگر شادى كر لے تو پھر اسے بتانا واجب ہے؛ كيونكہ بيويوں كو شادى كے بارہ ميں نہ بتانے سے وہ سوء ظن اختيار كر كے سمجھيں گى كہ اس كے كسى سے غلط تعلقات ہيں؛ اور اس ليے بھى كہ بيويوں كو تقسيم ميں عدل كا مطالبہ كرنے كا حق حاصل ہے.
اور يہ اسى صورت ميں ہو سكتا ہے جب انہيں علم ہو كہ ان كے علاوہ اور بھى بيوى ہے، اور نئى بيوى كو بھى پہلى بيويوں جيسا ہى حق حاصل ہے.
اس ليے كسى بھى مسلمان شخص كے شايان شان اور لائق نہيں كہ وہ نكاح كے مقاصد اور حكمت اور احكام كو بھول جائے، اور اپنى شہوت كے پيچھے پڑ كر يہاں اور وہاں شہوت پورى كرتا پھرے، اور پھر مصيبت تو يہ ہے كہ وہ اپنے اس عمل كو اسلام كى طرف منسوب كرتا پھرے!!
پہلى بيوى کا واپس آنے كیليے دوسرى بيوى كوطلاق دينےكى شرط
─┅━━━━━━━━━━━━━━┅┄
پہلى بيوى كے ليے اپنى سوكن كى طلاق طلب كرنا حلال نہيں، سنت نبويہ صلى اللہ عليہ وسلم ميں اس كى بالنص ممانعت موجود ہے.
ابو ہريرہ رضى اللہ تعالى عنہ بيان كرتے ہيں كہ نبى كريم صلى اللہ عليہ وسلم نے فرمايا:
" كسى بھى عورت كے ليے حلال نہيں كہ وہ اپنى بہن كى طلاق كا مطالبہ كرے تا كہ اس كا برتن الٹ دے اسے تو وہ كچھ ملے گا جو اس كے مقدر ميں ہے "
صحيح بخارى حديث نمبر ( 4857 ) صحيح مسلم حديث نمبر ( 1413 ).
اور ايك روايت كے الفاظ ہيں:
" اور كوئى عورت بھى اپنى بہن كى طلاق كا مطالبہ مت كرے تا كہ وہ اس كے برتن ميں جو كچھ ہے وہ الٹ لے "
صحيح بخارى حديث نمبر ( 2574 ) صحيح مسلم حديث نمبر ( 1413 ).
حافظ ابن حجر رحمہ اللہ كہتے ہيں:
" قولہ ( لا يحل ) اس كى حرمت واضح اور ظاہر ہے " انتہى ديكھيں: فتح البارى ( 9 / 220 ).
اور ابن عبد البر رحمہ اللہ كہتے ہيں:
" عورت كے شايان شان اور لائق نہيں كہ وہ اپنى سوكن كى طلاق كا مطالبہ كرے تا كہ وہ اكيلى ہى خاوند كى زوجيت ميں ہو، بلكہ اس كے ليے تو وہ كچھ ہے جو تقدير سبقت لے جا چكى ہے نہ تو سوكن كى طلاق كى وجہ سے كوئى نقصان ہو سكتا ہے جو اس كے مقدر ميں تھا اور نہ ہى اس ميں كوئى زيادتى ہو سكتى ہے " انتہى
ديكھيں: التمھيد ( 18 / 165 ).
اور شيخ عبد اللہ البسام رحمہ اللہ اس حديث كے فوائد بيان كرتے ہوئے كہتے ہيں:
" اس حديث ميں سوكن كى طلاق كا مطالبہ كرنے كى حرمت بيان ہوئى ہے، اور اسى طرح سوكن كے بارہ ميں كينہ و بغض ركھنا اور خاوند كو اس پر ابھارنا، يا سوكن اور خاوند كے مابين فتنہ و خرابى پيدا كرنا تا كہ ان ميں شر اور خرابى پيدا ہو اور وہ اسے چھوڑ دے تو يہ حرام ہے.
اگر دوسرى شادى كا نتيجہ پہلے گھر كى تباہى ہو تو كيا دوسرى شادى كر لے ؟
─┅━━━━━━━━━━━━━┅┄
دين اسلام نے كوئى بھى ايسا عمل مشروع نہيں كيا جس سے فرد يا معاشرے كو ضرر اور نقصان ہوتا ہو، بلكہ دين اسلام نے جتنے بھى امور مشروع كيے ہيں ان ميں زندگى و تعمير اور اجتماعيت و طہارت و پاكيزگى اور عفت و عصمت اور بلندى كا قيمتى معنى پايا جاتا ہے، خليل اور كوتاہى تو ان مسلمانوں ميں ہوتى ہے جو اللہ كى شريعت كى صحيح سمجھ نہيں ركھتے، يا پھر سمجھتے تو ہيں ليكن وہ اس پر عمل نہيں كرتے، اور اپنى خواہشات كے پيچھے چل نكلنے كى بنا پر بدعملى كا شكار ہوتے ہيں.
اوپر جو كچھ بيان ہوا ہے ہم اس كى مثال يہ دے سكتے ہيں كہ ايك سے زائد شادياں كرنا بعض اوقات اس كے پہلے گھر اور بيوى كى تباہى كا سبب بن سكتا ہے، اس كا سبب پہلى بيوى پر ظلم كرنا اور اپنى خواہش كے پيچھےچلنا اور پہلى بيوى كو اس كے حقوق ادا نہ كرنا ہوتا ہے.
يا پھر اس كا سبب يہ ہوتا ہے كہ وہ اپنى پہلى بيوى كو اپنى دوسرى شادى كرنے كى خبر دينے ميں صحيح طريقہ اور تصرف اختيار نہيں كرتا،
ان عورتوں پر تعجب ہے كہ ايك عورت اپنا گھر اجاڑنے پر راضى ہو جاتى ہیں جسے اس نے اپنے پسينہ اور برسہا برس كى جدوجہد كر كے بنايا تھا، اور اپنى اولاد كى تباہى بھى اپنے سامنے ديكھ رہى ہوتى ہے، اور اپنے ميكے ميں ذليل ہونے پر راضى ہونا برداشت كر ليتى ہے، اور وہ اپنى بھابھيوں كى ملازمہ بن كر بھائيوں كے گھر ميں رہنے پر تو راضى ہو جاتى ہے، حالانكہ وہ خود اپنے گھر ميں ملكہ تھى ليكن صرف اس ليے وہ اس گھر كو چھوڑنا چاہتى ہے كہ اس كے خاوند نے دوسرى شادى كر لى ہے!
عقل و دانش كى مالك عورت كے ليے ممكن نہيں كہ وہ خاوند كى دوسرى شادى كى نيت معلوم ہوجانے كے بعد كوئى ايسا عمل كرے جو عقل كے منافى ہو، يا پھر خاوند ايسا اقدام كرے تو بيوى عقل كے منافى كوئى عمل سرانجام دے، بلكہ اسے صبر و تحمل سے كام ليتے ہوئے اللہ سے اجر وثواب كى نيت كرنى چاہے كہ اللہ اسے اس كے صبر كا اجر عطا كريگا، اور بيوى كو چاہيے كہ وہ خاوند كے ساتھ حسن معاشرت كے ساتھ پيش آئے اور خاوند كے پورے حقوق ادا كرتى رہے، اور اپنا گھر تباہ كرنے پر راضى مت ہو، اور نہ ہى اپنا خاندان خاوند كى دوسرى شادى كرنے كى وجہ سے تباہ كرنے پر تل جائے، كيونكہ دوسرى شادى تو اس كے ليے اللہ نے مباح كى ہے، اور اس كى بہت عظيم حكمتيں پائى جاتى ہيں، اگر خاوند اپنى بيوى كے حقوق پورے نہيں كرتا اور ان ميں عدل نہيں كرتا تو اللہ عزوجل كے ہاں وہ مجرم ہے.
دوسری شادی کب واجب یا حرام ہو جاتی ہے ؟
• ─┅━━━━━━━━━━━━┅┄
بعض اوقات يہ واجب بھى ہو جاتى ہے اور واجب اس وقت ہو گى جب اسے خدشہ ہو كہ وہ كسى حرام ميں پڑ جائيگا، اور وہ دونوں بيويوں كے مابين عدل كرنے پر قادر ہو تو اس كے ليے دوسرى شادى كرنا واجب ہے.
شيخ عبد العزيز بن باز رحمہ اللہ سے درج ذيل سوال كيا گيا:
ميں كئى سالوں سے شادى شدہ ہوں اور ميرے كئى ايك بچے بھى ہيں، اور خاندانى زندگى بھى اچھى گزر رہى ہے، ليكن ميں ايك اور بيوى كى ضرورت محسوس كرتا ہوں؛ كيونكہ سيدھا رہنا چاہتا ہوں اور ميرے ليے ايك بيوى كافى نہيں، كيونكہ ايك مرد ہونے كے ناطے مجھ ميں عورت سے زيادہ قوت پائى جاتى ہے، اور دوسرى چيز يہ كہ ميں كچھ مخصوص والى بيوى چاہتا ہوں جو ميرى پہلى بيوى ميں نہيں ہيں؛ اور اس ليے بھى كہ ميں حرام ميں نہيں پڑنا چاہتا،
شيخ رحمہ اللہ كا جواب تھا:
اگر تو واقعتا ايسا ہى ہے جيسا آپ نے سوال ميں بيان كيا ہے تو آپ كے ليے حسب قدرت و استطاعت دوسرى اور تيسرى اور چوتھى شادى كرنا مشروع ہے، تا كہ آپ اپنى عفت و عصمت كو بچا سكيں، ليكن شرط يہ ہے كہ اگر آپ عدل كر سكتے ہوں تو درج ذيل فرمان بارى تعالى پر عمل كرتے ہوئے دوسرى شادى كريں:
فرمان بارى تعالى ہے:
اور اگر تمہيں ڈر ہو كہ يتيم لڑكيوں سے نكاح كر كے تم انصاف نہ ركھ سكو گے تو اور عورتوں سے جو بھى تمہيں اچھى لگيں تم ان سے نكاح كر لو، دو دو، تين تين، چار چار سے، ليكن اگر تمہيں ڈر ہو
كہ عدل نہ كر سكو گے تو ايك ہى كافى ہے ۔ النساء ( 3 )
لیکن اگر بيويوں كے نان و نفقہ لباس و رات بسر كرنے ميں عدل و انصاف نہيں كر سكتا تو اس كے ليے دوسرى شادى كرنا حرام ہے.
کیا ایک دن میں مرد دو نکاح کر سکتا ہے ؟
❖ •─┅━━━━━━━━━━━━━┅┄ • ❖
انسان ایک دن میں دو خواتین سے نکاح کر سکتا ہے، جیسے کہ فرمانِ باری تعالی ہے:
( فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ )تم دو، دو، تین، تین ، یا چار ، چار جتنی تمہیں اچھی لگیں خواتین سے شادی کرو۔ النساء : 3
دو خواتین سے یکبار نکاح کرنا یا مختلف اوقات میں؛ اس سے کوئی فرق نہیں پڑتا، لیکن اہل علم دونوں خواتین کی رخصتی ایک ہی دن ؛ اچھی نہیں سمجھتے؛ کیونکہ ان میں سے ایک کا حق مارا جائے گا۔
امام یحی بن ابو الخیر عمرانی رحمہ اللہ کہتے ہیں:
"ایک ہی رات میں دو بیویوں کو خاوند کے پاس بھیجنا مکروہ ہے، کیونکہ دونوں کا حق اکٹھا ادا کرنا ممکن ہی نہیں، اس لئے اگر ایک کے ساتھ رات گزارے گا تو دوسری اجنبیت محسوس کریگی۔
اور اگر دونوں اسکے پاس آجائیں تو جس کیساتھ نکاح پہلے ہوا تو پہلے اسی کا حق ہوگا، پھر بعد میں دوسری کا، کیونکہ پہلے والی سبقت لے چکی ہے، اور اگر دونوں کیساتھ برابر عقد ہوا تو قرعہ اندازی کریگا، کیونکہ دونوں میں سے کسی کو کسی لحاظ سے بھی فوقیت حاصل نہیں ہے"انتہی
ماخوذ از کتاب:" البيان" از: عمرانی (9/520)
شیخ منصور بہوتی رحمہ اللہ کہتے ہیں:
"اگر کسی نے دو خواتین سے شادی کی تو دونوں کو ایک ہی رات میں خاوند کے پاس بھیجنا مکروہ ہے، چاہے دونوں کنواری ہوں یا بیوہ، یا ایک کنواری اور یک بیوہ؛ کیونکہ خاوند دونوں کا حق پورا نہیں کرسکتا، اور جسکی باری بعد میں آئے گی اسے نقصان اٹھانا پڑے گا، اور اجنبیت محسوس کرے گی، [لیکن پھر بھی]جو بیوی سب سے پہلے داخل ہوئی اسکا حق پہلے بنتا ہے، اسکا حق ادا کرنے کے بعد دوسری کے پاس جائے گا اور اسکا حق ادا کریگا؛ کیونکہ دوسری کا حق بھی اس پر واجب ہے، خاوند نے اس کے حق کی ادائیگی اس لئے نہیں کی کہ درمیان میں [پہلی بیوی کی وجہ سے]رکاوٹ تھی ، جسکی وجہ سے تاخیر ہوئی چنانچہ جب رکاوٹ زائل ہوگئی تو واجب ادا کرنا ضروری ہوگیا، اس کے بعد دنوں کی تقسیم شروع ہوجائے گی، اور جسکی باری ہوگی اسی کے حقوق ادا کریگا، اگر دونوں ہی بیویاں برابر داخل ہوئیں تو دونوں میں سے ایک کو قرعہ کے ذریعے ترجیح دیگا، اس لئے کہ دونوں ہی سبب استحقاق میں برابر ہوگئیں ہیں، اور قرعہ ایسی حالت میں باعث ترجیح ہوتا ہے"
ماخوذ از: " كشاف القناع " (5/208) ، اور دیکھیں: " المغنی- از ابن قدامہ " (7/242)
فضیلةالشیخ محمدصالح المنجد حفظہ اللہ تعالیٰ
طلاق کی نیت سے معینہ مدت کے لیے نکاح کرنا
۔❖ • ─┅━━━━━━━━━━━━━┅┄ • ❖
طلاق کی نیت سے شادی متعین وقت کے لئے شادی ہے، اور مؤقتا شادی کرنا غلط و باطل ہے، کیونکہ یہ متعہ ہے، اور متعہ بالاجماع حرام ہے، اور صحیح شادی کی تعریف یہ ہے کہ ہمیشگی اور رشتے کو برقرار رکھنے کی نیت سے شادی کی جائے، اب اگر بیوی صالح اور مناسب نہ ہو تو وہ اسے طلاق دے سکتا ہے، الله تعالى نے فرمايا: "فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ" [پھر یا تو اچھائی سے روکنا یا عمدگی کے ساتھـ چھوڑ دینا ہے]۔
لوگ ویزا لینے کا آسان طریقہ اپناتے ہیں کہ انسان امریکی عورت کے ساتھـ شادی کرلے، چنانچہ اکثر لوگ کسی عورت کے ساتھـ شکلی طور پر کسی عورت کو نکاح کرنے پر راضی کرلیتے ہیں، اور اس نکاح نامہ کے عوض اس عورت کو مال دیتے ہیں، اور ہمبستری کے بغیر شہریت کے حصول کے لئے آسان طریقہ اختیار کرتے ہیں، جس کا کسی پر بھی کوئی اثر نہیں ہوتا ہے، یہ شادی جائز نہیں ہے، کیونکہ یہ جھوٹ اور دھوکہ ہے، نیز غیر اسلامی ملک کی شہریت لینا جائز نہیں ہے، اور غیر اسلامی ممالک کی شہریت کے بارے میں ہم نے ایک فتوی جاری کیا ہے، اور اس کی عبارت یہ ہے: "کسی مسلمان کے لیے جائز نہیں کہ وہ کسی ایسے ملک کی شہریت لے جس کی حکومت کافر ہو؛ کیونکہ یہ ان کے ساتھـ دوستی اور جس باطل پر وہ قائم ہیں اس پر رضامندی کے اظہار کا ذریعہ ہے"۔
لہٰذا وقتی شادی متعہ ہے، اور یہ نکاح قرآن و حدیث اور اہل سنت و جماعت کے اجماع کی رُو سے باطل ہے،
➖چنانچہ صحيحين میں علی بن ابی طالب رضي الله عنه سے روایت ہے:
" بے شک رسول الله صلى الله عليه وسلم نے خیبر کے زمانے
میں نکاحِ متعہ اور پالتو گدھے کے گوشت سے منع فرمایا ہے "
صحيح بخاری،الحيل (6961) ، صحيح مسلم،النكاح (1407) ، سنن ترمذی،النكاح (1121) ، سنن نسائی،الصيد والذبائح (4334) ، سنن ابن ماجہ،النكاح (1961) ، مسند أحمد بن حنبل (1/79) ، موطأ مالك،النكاح (1151) ، سنن دارمی،النكاح (2197). بے
➖اور ايک روايت ميں ہے:
" خیبر کے دن آپ نے عورتوں سے متعہ کرنے سے منع فرمایا "
صحيح بخاری،المغازي (4216) ، صحيح مسلم،النكاح (1407) ، سنن ترمذی،النكاح (1121) ، سنن نسائی،النكاح (3366) ، سنن ابن ماجہ،النكاح (1961) ، مسند أحمد بن حنبل (1/142) ، موطأ مالك،الصيد (1080) ، سنن دارمی،الأضاحي (1990).
➖ اور صحیح مسلم میں نبي کریم صلى الله عليه وسلم سے ثابت ہے کہ آپ نے فرمایا:
میں نے تمہیں اجازت دی تھی کہ تم عورتوں سے متعہ کرسکتے ہو، اور اب یقیناً اللہ تعالی نے متعہ کو قیامت كے دن تک حرام کردیا ہے، تو کسی کے پاس اس قسم کی کوئی چيز(عورت) ہے، تو وہ اس کو چھوڑدے، اور جو کچھـ اس کو دے دیا ہے وہ اس سے واپس نہ لے۔
صحيح مسلم،النكاح (1406) ، سنن نسائی،النكاح (3368) ، سنن أبو داود،النكاح (2072) ، سنن ابن ماجہ،النكاح (1962) ، مسند أحمد بن حنبل (3/405) ، سنن دارمی،النكاح (2195).
یاد رکھیے وقتی شادی میں ازدواجی تعلقات زنا شمار ہوتے ہیں، اور جو اس کے باطل ہونے کے علم کے باوجود اس پر عمل کرے، تو اس پر زنا کے احکام لاگو ہوں گے، اور شرعی نکاح یہ ہے کہ انسان کسی عورت کے ساتھـ ہمیشہ کے لئے بیوی بنانے کی نیت سے شادی کرے، اور اگر وہ صالح بیوی نہ رہی، تو اسے طلاق دے سکتا ہے، چنانچہ الله تعالى نے فرمايا:
فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ ۗ ﴿٢٢٩﴾البقرة
ﭘﮭﺮ ﯾﺎ ﺗﻮ ﺍﭼﮭﺎﺋﯽ ﺳﮯ ﺭﻭﻛﻨﺎ ﯾﺎ ﻋﻤﺪﮔﯽ ﻛﮯ ﺳﺎﺗﮫ ﭼﮭﻮﮌ ﺩﯾﻨﺎ ﮨﮯ
الشيخ عبد العزيز بن باز.
الشيخ عبد الرزاق عفيفى.
الشيخ عبد اللہ بن قعود.
ديكھيں: فتاوى اللجنۃ الدائمۃ للبحوث العلميۃ والافتاء ( فتاوٰی/21140/12087/
وَبِاللّٰہِ التَّوْفِیْقُ
وَصَلَّی اللّٰہُ عَلٰی نَبِیَّنَا مُحَمَّدٍ وَآلِہ وَصَحْبِہ وَسَلَّمَ
وعلى آله وأصحابه وأتباعه بإحسان إلى يوم الدين۔
ھٰذٙا مٙا عِنْدِی وٙاللہُ تٙعٙالیٰ اٙعْلٙمْ بِالصّٙوٙاب
وٙالسَّـــــــلاَمُ عَلَيــْــكُم وَرَحْمَةُ اللهِ وَبَرَكـَـاتُه
Kya Tawaif ke Pas jo log jate hai unki Shadi nahi hui rahti hai?
Ager Shadi hui rahti hai to Wah paise se apna jism bechna Behtar samajhti hai bajaye iske ke wah Kisi Nek Mard se Dusri Shadi kar le, mager Yah use Kahi manjoor nahi hota ke hm Dusri Biwi banker rahe mager use paise ke liye Apna Jism bechna, Rat gujarna, kisi Ajnabi aur Gair Mard Ke Sath Jismani Talluq (Physical relationship) Qayem karna Acha lagta hai.
طوائف کے پاس جانے والا مرد کیا وہ نیک یا بغیر شادی شدہ رہتا ہے؟
مردوں کیلئے دوسری شادی کیوں ضروری ہے؟💢
میں نے دو ماہ کی کوشش سے اپنے ایک دوست کے ذریعےشہر میں جسم فروشی کا دھندہ کرنے والی خواتین سے ملاقاتیں کی.
ملاقات کے بعد جو رپورٹ تیار کی ( جس میں ہمارے صحافی دوست کی مدد بھی شامل ھے) اس کو مناسب انداز میں لکھنے کی کوشش کرتا ھوں. تاکہ بات سمجھ آسکے.... کہ ھم مردوں کی دوسری تیسری شادی کو عام کرنے کی محنت کیوں کر رھے ہیں. پاگلوں کی طرح دعوت دے رہیں ہیں خدارا جہنم سے بچ جاو دین پر آجاو. اور جو چیز اسلام نے جائز رکھی ھے اس پر آو. یہ ہی خواتین کو سمجھاتے ہیں مردوں کی دوسری شادی میں رکاوٹ بن کر گناہ گار نہ بنیں
رپورٹ کو مختلف اینگل سے تیار کیا گیا.. جس میں ایسے سوالات کیے گیے جس سے پتہ چلے جو مرد ان خواتین کو استعمال کرتے ہیں وہ کون ھوتے ہیں؟؟
ان کی عمریں کیا ہیں،؟؟
شادی شدہ ہیں؟؟
مالی طور پر کیسے ہیں؟
کس فیملی سے تعلق رکھتے ہیں؟؟؟؟
دین دار ہیں؟؟؟
نمازیں پڑھتے ہیں.؟؟؟؟؟ وغیرہ وغیرہ
تقریباً تمام خواتین جن سے ملاقات کی گئی سب کا ایک ہی المیہ تھا.. غربت.... پیسوں کی ضرورت گھر بار چلانا. کسی کا والد بیمار شوہر بیمار.. بے روزگار. گھر کے اخراجات مکان کا کرایہ وغیرہ....
ان خواتین نے آٹھ سے دس مرد رکھے ھوتے ہیں جو مختلف اوقات میں ان خواتین کو بلاتے ہیں.. اکثریت مردوں کی شادی شدہ.. اور چالیس سال کے تقریباً ...
جی غور سے پڑھیں اس لفظ کو "چالیس سال" .......
اچھی فیملی کے لوگ بھی شامل...... اعلی تعلیم بھی..... کاروباری بھی... مڈل کلاس بھی... بچوں والے بھی... ان خواتین نے بتایا شادی شدہ مرد شوق سے بلاتے ہیں. اپنے ہی گھر میں.. یا کسی ھوٹل... یا کہی اور... شادی شدہ مردوں سے مسلے مثائل نہیں ھوتے... وہ اپنے کام سے کام رکھتے ہیں. نوجوانوں کی نسبت بہتر ھوتا ھے.... نوجوان جذباتی بے وقوف اور بعد میں تنگ کرتا ھے.. بے روز گار ھوتا ھے تو پیسے ہی نہیں ھوتے جیب میں تو کیا فایدہ.
اتنی تفصیل لکھنا کافی ھے..
زنا کس قدر عام ھورہا ھے. اب زنا کے اڈے نہیں ھوتے ہر گلی محلے میں یہ سہولت موجود ھے. جس نے غلط کام کی طرف جانا ھے اسے کوئی نہیں روک سکتا.
ھم جب بات کرتے ہیں دوسری تیسری شادی کو عام کیا جائے تو اکثر خواتین پر یہ کسی کفریہ نظریہ سے کم نہیں ھوتا..
خواتین کو کیا پتہ باہر کیا ھوتا ھے برای کتنی کس انداز سے ہماری رگوں میں شامل ھوگئی ھے. یہ خواتین تو ہندوؤں کے کلچر سے نکل ہی نہیں رہی وہی سوتن وہی رسومات ذہنی غلامی دقیانوسی سوچ سے جڑی ہیں.. جو تھوڑی بہت قائل ھوتی ہیں تو اتنے سخت قسم کی شرائط لگا دیتی ہیں جس کا اسلام سے تعلق نہیں..
پھر جب کچھ نہیں سمجھ آتا تو کہتی ہیں ہمت ھے تو کر لو کس نے روکا ھے....
میں انتہائی زمہ داری سے کہتا ھوں جس مرد نے برائی کی طرف جانا ھے ان کی بیویوں کو ھوا بھی نہیں لگتی.. لاکھ جاسوسی کر لیں لاکھ اپنے دماغ کے فتنے کھول لیں مگر نہیں... ناکام ھونگی... جو نیک نظر آتے ہیں پردے کے پیچھے کیا ھے صرف اللہ جانتا ھے.
الزام تراشی نہیں زمہ داری سے کہتا ھوں.. بہت کچھ دیکھا ھے..
بھوک کا اعلاج روٹی ھے. اور بھوک گناہ گار کو بھی لگتی ھے نیک انسان کو بھی. اسی طرح شہوت گناہ گار کو بھی ھے نیک انسان کو بھی... شہوت کا اعلاج نکاح ھے اللہ نے نکاح ہی بتایا ھے ایک کرو دو کرو تین کرو... چار کرو.. اور پھر اس دور میں جہاں بے راہ روی فحاشی عریانیت عام ھے.
حدیثیں وعیدیں سنا کر جنت دوزخ کے فیصلے سنا دینا آسان ھے مگر جو حل. عمل بتا دیا اللہ نے اس پر عمل نا کرنا.... ایسے ہی باتیں کرتے رھے تو ہمارا معاشرہ زانی ھوجائے گا.. نکاح بوجھ ھوجائے گا زنا عام زندگی میں شامل ھوجائے گا....
اسلام.فطرت کے عین مطابق دین ھے. فطرت کے اصول میں جب جہاں انسان نے مداخلت کی بگاڑ پیدا ھوا ھے..
میرا تاریخی جملہ یاد رکھنا...." مرد ایک عورت کے لیے بنا ہی نہیں ھے۔
صرف یہ تحریر اصلاح کے لئے ہے، جو ہمارے معاشرے کی حقیقت بیان کرتی ہے۔
Aaj Muslim Muashare me Muslim ladkiyo ki shadi jald kyu nahi ho rahi hai?
Kisi behan ka ek fikar angez Tahreer.
Kisi ki Dusri aur tisari girlfriend ban sakti hai magar Dusri Biwi banne ko taiyar nahi, islam me char shadiyan karne ko kyu kaha gaya hai?
"" کسی بہن کی ایک فکر انگیز تحریر '"'
السَّـــــــلاَمُ عَلَيــْــكُم وَرَحْمَةُ اللهِ وَبَرَكـَـاتُہ
آج میں آپ سے ایک بہت ہی حساس مسئلہ پر بحث کرنا چاہونگی۔
یہ اس امت کا ایک بہت بڑا المیہ بن چکا ہے کہ "لڑکی کا رشتہ" یہ ایک حیران و پریشان کردینے والا مسئلہ۔
ایک باپ کیلئے اسکی بیٹی بوجھ ایک بھائی کیلئے اسکی بہن بوجھ بنتی جارہی ہے ۔
کیا ہم نے کبھی اس مسئلہ پر غور کیا ؟
آخر ایسا کیوں ہورہا ہے ؟
جس شخص کو دیکھو وہ اپنی بچی کے رشتہ کیلئے پریشان ہے۔
کیا اسکی اصل وجہ جہیز ہے؟
نہیں ہرگز نہیں اگر جہیز اصل وجہ ہوتی تو کتنی لڑکیاں ایسی ہیں جو اپنا جہیز تیار کر کے بیٹھی ہوئی ہیں مگر انکو کوئی بھی لائق رشتہ نہیں مل رہا آخر اسکی کیا وجہ ہے؟
شادی دفتروں میں بھی جائیں تو وہاں صرف لڑکیوں کی شادی کی درخواستیں ہوتی ہیں %80 لڑکیاں تو %20 لڑکوں کی درخواستیں ہوتی ہیں وہ بھی نا اہل ان خواتین کے کفو نہیں ہوتے الاماشاءاللہ اسکا مطلب ہے کہ یہ ایک بہت بڑا المیہ بن چکا ہے۔
اسکی کیا وجہ ہے آخر کوئی کیوں نہیں سوچتا؟
کہیں ہم اللہﷻ کے کسی حکم اور حضرت محمد ﷺ کے کسی فعل کو پس پشت تو نہیں ڈال رہے۔
اسلام کا کوئی حکم ایسا جس کو یہ امت بھلا چکی ہے؟؟
(فانکحوا ما طاب لکم من النساء مثنی و ثلث وربع فإن خفتم الا تعدلوا فواحدة)
"جی ہاں" یہ امت اپنے نبی کی نہیں بلکہ سابقہ جتنے بھی پیغمبر گزرے ہیں ان سب کی ایک مشترکہ سنت کو پس پشت ڈال رہی ہے وہ ہے "تعدد زوجات" کی سنت ۔ جس پر صحابہ کرام (رضی اللہ عنہم) نے خوش اسلوبی سے عمل کیا یہی وجہ تھی کہ ابتدا اسلام میں جب مسلمان کثرت سے میدان جنگ میں ذبح (شہید) ہوتے تھے مگر انکی عورتوں کو کسی پریشانی کا سامنا نہیں کرنا پڑتا تھا در در کی ٹھوکریں کھانا نہیں پڑتی تھی کیونکہ ان میں "تعدد زوجات" کا رواج بھی تھا اور وہ اس کو ثواب بھی سمجھتے تھے جیسے ہی کوئی خاتون بیوہ ہوتی تو کوئی اور صحابی انکو رشتہ کا پیغام بھیج دیتے وہ نکاح کے حریص تھے ہر شخص اپنی نکاح میں زیادہ سی زیادہ عورتوں کو رکھنے کا خواہشمند تھا ان پر خرچ کرنے کو سعادت سمجھتا تھا۔ اور پھر اللہﷻ اپنے فضل وکرم سے انکی اولاد میں بھی اضافہ کرتے ۔ یہی دوسری صورت حال کہ اگر کسی صحابیہ کی طلاق بھی ہوجاتی تو انکو آرام سے دوسرا رشتہ میسر آجاتا ۔ لیکن آج ہمارے معاشرے میں اس کے بالکل برعکس ہے طلاق یافتہ یا بیوہ کی شادی تو دور کی بات ہے اکثر کنواری لڑکیوں کو ہی کوئی رشتہ میسر نہیں آتا ۔ کتنی ہی لڑکیاں ایسی ہیں جو 30 سال 40 سال کی ہوگئیں مگر بغیر نکاح کے بیٹھی ہیں کتنی ایسی ہیں جو بوڑھی ہوگئیں اور کچھ اس امید پر اس دنیا رخصت ہوگئیں اب ہمیں جنت میں ہی اللہ پاک شریک حیات کی نعمت سے نوازیں گے۔😰
میں ان مردوں سے کہتی ہو جو نکاح ثانی کی استطاعت رکھتے ہیں وہ کریں اور خدارا اس سنت کو واپس زندہ کریں کیا یہ بہنیں بیٹیاں گھر میں بٹھانے کیلئے پیدا ہوئی ہیں؟
کیا انکا نان نفقہ زندگی بھر ان کے باپ بھائی پر ہے؟
خدارا! آج آپ کسی کی بہن بیٹی کو سہارا دیں گے تو کل آپکی بہن بیٹی کو بھی کوئی سہارا دیگا ۔
اللہ کی قسم کھا کر کہتی ہوں اگر ہم نے آج اس سنت کو رواج نہیں دیا کل کو ہماری نسل کا اس سے بھی برا حال ہوگا ۔۔ اس امت کے لوگ پھر بیٹی کی پیدائش پر خوش نہیں ہونگے بلکہ روئیں گے جو ہونا شروع بھی ہوگیا ہے۔😰۔ جس عورت کو قران نے کہا کہ "نساءکم حرث لکم" یہ عورتیں تمہاری کھیتی ہے تم اس سے فائدہ اٹھاؤ ۔
اس سے معلوم ہوتا ہے کہ عورت سے اصل فائدہ نکاح کے بعد حاصل ہوتا ہے ایک مرد کے عورت سے جو مفاد وابستہ ہو وہ باپ کے نہیں ہوسکتے پھر بھی وہ باپ اسے پال رہا ہے پڑھا رہا ہے جبکہ اسکا کوئی فائدہ وہ حاصل نہیں کریگا وہ مرد حاصل کریگا جو اس سے نکاح کرتا ہے ۔ پھر بھی نکاح کیلئے آج کا مرد تیار نہیں آخر کیوں ؟
صرف عدل شرط ہے کہ ان کو انکے حقوق دیئے جائیں اور یہ تو صرف اگر ایک بیوی ہو جب بھی ہے۔
اس پر لکھنے کوتو اور بہت کچھ ہےمگر اختصار کی وجہ سے آخری بات کر کے اپنی اس تحریر کو ختم کرتی ہوں۔۔ کہ جن مردوں کو اللہ نے استطاعت دی ہے وہ کسی کی بیٹی کا گھر بسا کر اس عظیم سنت کو دوبارہ زندہ کریں تاکہ آنے والی نسلوں کیلئے آسانیاں پیدا ہوں اور کسی کی بیٹی بوجھ نہ بنے ۔ وہ اپنے گھر کی ہوسکے ۔ "وما علینا الا البلاغ"🌹
🌷 مقصد زندگی وضروریات زندگی🌷
Larkiya job ke wajah se shadi kyu nahi karti hai?
Jis umar me Shadi karni chahiye us umar me shadi hoti nahi hai?
Job na mile to shadi nahi aur job na mile to koi ladki deta nahi.
Kisi ki Dusri aur tisari girlfriend ban sakti hai magar Dusri Biwi banne ko taiyar nahi.
Islam me char shadiyan karne ko kyu kaha gaya hai?
آج میری عمر شادی کی ہے اور میرا دل بھی کرتا ہے۔
مگر پڑھائی پھر جاب تب تک میں 30 یا 35 کی ہو چکی ہونگی جس عمر میں شادی کرنی چاہیے اس عمر کو بغیر وجہ کے گزار دیتے ہیں۔
کیا میرے ماں باپ ایک اور بیٹی نہیں پال سکتے؟
کیا لڑکی کے ماں باپ نامکمل پڑھائی یا جاب کے لڑکی نہیں دے سکتے؟
صرف میرا ہی دل نہیں کرتا۔
بلکہ میری عمر کا چاہے وہ لڑکا ہو یا لڑکی؟
مگر ایسا کیوں ہے؟
جب ہم بڑھاپے میں پہنچ جاتے ہیں تب ہمارے والدین شادی کرتے ہیں۔
اور پھر دھوم دھام سے تب خد شادی کرنے کا دل نہیں کرتا مگر ماں باپ کی اموشنل بلیک میلنگ کی وجہ سے شادی کر لی جاتی ہے؟
اخر ایسا کیوں ہے؟
کچھ لوگ مرد عورتیں انڈیپنڈنٹ ہوتے ہوے بھی شادی نہیں کرتے؟
مگر بدکاری ضرور کریں گے۔
میری اسلامی تعلیم تو خیر اتنی اچھی نہیں ہے۔
مگر دنیاوی تعلیم کی دو ڈگریاں چند ڈپلومہ ہیں۔
جاب نا ملے تو شادی نہیں۔
جاب نا ملے تو کوئی لڑکی نہیں دیتا۔
یا تو ایجوکیشن کی ڈیمانڈ رکھو۔ یا جاب کی۔ اگر تم جاب کرتی ہو تو تمہیں بھی جاب والا چاہیے۔
مگر ہم جاب کریں تو بغیر جاب انپڑھ سے بھی شادی کر لیتے ہیں۔
محترم والدین اپسے التجاء ہے۔
لڑکا پڑھ رہا ہے تو شادی کر دیں۔
جاب نہیں ہے تو بھی کر دیں۔
جس نے پیدا کیا ہے کیا وہ رزق نہیں دیگا۔ خد کرتے ہو اپ لوگ۔
اور پھر جب 30 یا 35 تک عمر جاتی تب تک وہ نوجوان فحش حرکات کرکے۔۔۔۔فلمیں دیکھ کر نہ جانے کیا کیا کرتے کرتی ہیں۔۔۔
اس طرح لڑکیاں بھی۔
برائے کرم معاشرے میں بغاوت کی بجائے سدھار لانے کی کوشش کریں۔
Kisi Musalman ke liye yah Sahi nahi ke Wah isteta'at Rakhte hue bhi Shadi na Kare.
Nikah Hmare Nabi ki Sunnat hai.
ﺑِﺴْـــــــــــــﻢِﷲِالرَّحْمٰنِﺍلرَّﺣِﻴﻢ
حَدَّثَنَا أَحْمَدُ بْنُ الْأَزْهَرِ، حَدَّثَنَا آدَمُ، حَدَّثَنَا عِيسَى بْنُ مَيْمُونٍ، عَنِ الْقَاسِمِ، عَنْ عَائِشَةَ، قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: النِّكَاحُ مِنْ سُنَّتِي، فَمَنْ لَمْ يَعْمَلْ بِسُنَّتِي فَلَيْسَ مِنِّي، وَتَزَوَّجُوا فَإِنِّي مُكَاثِرٌ بِكُمُ الْأُمَمَ، وَمَنْ كَانَ ذَا طَوْلٍ فَلْيَنْكِحْ، وَمَنْ لَمْ يَجِدْ فَعَلَيْهِ بِالصِّيَامِ، فَإِنَّ الصَّوْمَ لَهُ وِجَاءٌ .
रसूल अल्लाह ﷺ फ़रमाया: निकाह मेरी सुन्नत और मेरा तरीक़ा है, तो जो मेरी सुन्नत पे अमल ना करे वो मुझसे नहीं है, तुम लोग शादी करो, इसलिए की मैं तुम्हारी कसरत ( गिनती ) की वजह से दूसरी उम्मतों पर ( क़यामत के दिन ) फ़ख़्र करूँगा, और जो साहब इस्तिताअत हों शादी करें, और जिसको शादी की इस्तिताअत ना हो वो रोज़े रखे, इसलिए की रोज़ा उसकी शहवत ( ख्वाहिश ) को कुचलने का ज़रिया है।
Rasool Allah ﷺ ne farmaya: Nikah meri sunnat aur mera tareeqa hai, to jo meri sunnat pe amal na kare woh mujh se nahi hai, tum log shadi karo, isliye ke main tumhari kasrat ( ginti ) ki wajah se dusri ummaton par ( qayamat ke din ) fakhr karunga, aur jo sahib isteta'at ho shadi kare, aur jis ko shadi ki isteta'at naa ho woh roza rakhe, isliye ke roza uski shehwat ( khwahish ) ko kuchalne ka zariya hai.
رسول اللہ صلی اللہ علیہ وسلم نے فرمایا: نکاح میری سنت اور میرا طریقہ ہے، تو جو میری سنت پہ عمل نہ کرے وہ مجھ سے نہیں ہے، تم لوگ شادی کرو، اس لیے کہ میں تمہاری کثرت کی وجہ سے دوسری امتوں پر ( قیامت کے دن ) فخر کروں گا، اور جو صاحب استطاعت ہوں شادی کریں، اور جس کو شادی کی استطاعت نہ ہو وہ روزے رکھے، اس لیے کہ روزہ اس کی شہوت کو کچلنے کا ذریعہ ہے
The Messenger of Allah ﷺ said: “Marriage is part of my sunnah, and whoever does not follow my sunnah has nothing to do with me. Get married, for I will boast of your great numbers before the nations. Whoever has the means, let him get married , and whoever does not, then he should fast for it will diminish his desire.”
📜 Wazahat: islam ki nazar mein nikah mehez insani khwahisaat ki takmeel aur fitri jazbaat ki taskeen ka naam nahi hai. Insaan ki jis tarah bohat saari fitri zaroriyat hain bas isi tarah nikah bhi insaan ki ek ahem fitri zaroorat hai, isliye islam mein insaan ko apni is fitri zaroorat ko jayez tareeqay ke sath poora karne ki ijazat hai aur islam ne to nikah ko ahsaas bandagi aur Shaoor zindagi ke liye ibadat se tabeer farmaya hai. Nabi kareem ﷺ ne farmaya: Nikah momin ka aadha imaan mukammal kar deta hai baaki aadhe deen mein Allah se darta rahe [📗 Saheeh al-Targheeb wa’l-Tarheeb 1916 ].
📚Sunan ibne majah: jild 3, kitab Al-nikah 9, hadith no. 1846
●•~•~•~•~•~•~•~•~•~•~•~•~•~●