Aaj Kal Ladkiyaa Shadi karne se Kyu Dar rahi hai?
Aaj ke ladke Shadi kyu nahi karna chahate?
میں مردوں سے نفرت کرتی ہوں اس لیے کبھی شادى نہیں کرونگی۔
اس نے کہا میں ساری زندگی شادی نہیں کروں گی
میں نے مسکرا کر پیار سے اس بیٹی کو دیکھا اور کہا کیوں؟
وہ بولی میں نے اپنی ماں کے ساتھ اپنے باپ کا سلوک دیکھا ہے جس کے بعد مجھے اب مردوں سے نفرت ہو گئی ہے۔
بیٹی گاڑی چلاتی ہو ...؟
میں نے دھیان ہٹانا چاہا ...
ہاں انڈپینڈنٹ ہوں, اپنا کماتی ہوں اپنی گاڑی ہے وہ فخر سے بولی میں نے کہا روز گھر سے آفس تک کتنی گاڑیاں دیکھتی ہو؟ جو تمہیں کراس کرتی ہیں یا تم انہیں۔
اس نے کہا بیسیوں بلکہ شاید سینکڑوں مگر چچا جان یہ کیا سوال ہوا؟
میں نے کہا میری بچی ایک سوال کا اور جواب دے دو ان سڑک پر دوڑتی لاکھوں گاڑیوں میں سے کتنی کے روز ایکسیڈنٹ ہوتے ہوں گے؟
وہ بولی روز لاکھوں میں سے شاید پچاس یا سو ۔۔
میں نے کہا ان پچاس سو ایکسیڈنٹس کی وجہ سے تم گاڑی چلانےکا رسک کیوں لیتی ہو وہ بولی کیوں چھوڑوں ؟ لاکھوں گاڑیاں چل رہی ہیں چند ایکسیڈنس کی وجہ سے بھلا میں کیوں چھوڑوں ؟
میں نے محبت سے اسے دیکھا دل میں دعا کی کہ اللہ میرا یہ اگلا جملہ اس بچی کے دل میں اتار دے اس کے ماں باپ سکون میں آ جائیں اور ٹھہر ٹھہر کر کہا
میری اچھی بیٹی چند ایکسیڈنٹس کی وجہ سے گاڑی نہیں چھوڑتی چند برے یا ظالم مردوں کی وجہ سے شادی چھوڑ چکی ہو؟ یہ کیوں ؟
آخر لاکھوں کروڑوں مرد اچھے بھی تو ہیں ان کی شادیاں کامیاب بھی تو ہیں!
وہ پوری طرح میری بات کی گرفت میں آ چکی تھی ۔
تب میں نے شفقت سے اس کے دوپٹے سے ڈھکے سر پر ہاتھ پھیرا اور کہا بیٹی معاشرے میں درندے پھر رہے ہے اور شوہر تمہاری نفسیاتی جذباتی اور معاشرتی ضرورت بھی ہے ... اور محافظ بھی ...
ابھی جوان اور توانا ہو مگر جلد یہ سب ڈھل جائے گا بالوں میں چاندی اتر آئے گی, امکانات ختم ہوتے چلے جائیں گے, بھائی بہن سہیلیاں سب اپنی زندگی میں مگن ہو جائیں گی, تب تمہیں احساس ہو گا مگر اس وقت ٹرین چھوٹ چکی ہو گی پھر شاید کوئی بچا کھچا آپشن دستیاب ہو اور وہ ایک پچھتاوا بن کر رہ جائےگا ۔۔!
اس نے سر جھکا لیا اور کہا آپ میرے لئے دعا کریں ...
آپ لوگ بھی دعا کریں اللہ ہماری بچیوں کو “دین بیزار لبرل ازم “کے جالوں سے بچا لے۔۔۔!
منقول
No comments:
Post a Comment