Baitulkhola (Toilet) mein Bismillah kah Kar wuzu karna Kaisa Hai?

*ꙮToilet mein bismillah keh kar wuzu kar sakte hain?ꙮ*

*❀Sawaal:❀*
AS SALAMU ALAIYKUM​
​
sawal hain ki aksar logo ke bathroom( gusal khana) toilet se attech hotey hain toh aiesi halat mein gusal karne ke dauraan bismillah kaise pardi jati hain? Kyuki ghusal mein bhi wadhu karna hota hain aur Wadhu bismillah pardhey bagair ho nai sakta hain aur toilet mein bismillah pard nai saktey toh aiesi halat mein kya kiya jaye?​

*✿Jawaab:✿*
Walaikum Assalam Warehmatullahi Wabarakatuhu

Jab wuzu karne waali jagah toilet (jo ki qaza e hajat ke liye banaai hai na ki sirf ghusl ke liye) mein ho to wahan Allah ka zikr karna makrooh (na-pasandeedah) hai, bawajood is ke ki Bismillah padhna mashroo hai, is liye kuch ulama e kiram kehte hain ke woh dil mein Bismillah padh le lekin zabaan se alfaaz ki adaaigi na kare.

*Shaikh Ibn e Uthaimeen Rahimahullah kehte hain:*
Agar hammam mein ho to Imam Ahmed Rahimahullah kehte hain: Jab aadmi cheenk maare to dil mein Alhamdulillah kahe, to is se yeh nikala jaa sakta hai ki woh Bismillah dil mein padh le.
*(Dekhen: Ash-Sharh ul Mumti': 1/130)*

*Aur kuch doosre ulama ka kehna hai:* Bismillah ki mashroo’iyyat ghalib hai to is tarah woh kehte hain ki woh zabaan se adaaigi karega, to us waqt karahat nahi hogi.

*Shaikh Ibn e Baaz Rahimahullah kehte hain:*
Agar zaroorat paish aaye to latrine ke andar wuzu karne mein koi harj nahi, aur woh wuzu ke shuru mein Bismillah padh le, kiunki kuch ahl e ilm ke haan Bismillah padhna zaroori aur wajib hai, aur aksar ke haan takeedi amal hai, is liye woh Bismillah padh le to karahat khatm ho jaayegi kiunki Bismillah padhne ki zaroorat hone ke waqt karahat khatm ho jaayegi, aur phir insaan ko wuzu ki ibtida (starting) mein Bismillah padhne ka hukm hai, lehaza woh apna wuzu mukammal kare.
*(Dekhen: Majmoo’ Fatawa Ibn e Baaz: 10/28)*

*Aur Mustaqil Fatawa Al-Lajnah ke FatawaaJaat mein darj hai:*
Baathroom jahan qaza e hajat ki jaati ho wahan Allah Taala ke naam ka ehtram karte huwe zabaan ke saath Bismillah padhna makrooh hai, lekin us ke liye wuzu ke ibtida mein Bismillah padhna mashroo’ hai, kiunki aksar ahl e ilm ke haan dua ke saath Bismillah padhna mashroo' hai.
*(Fatawa Lajna Daimah: 5/94)*

Aur agar wuzu waali jagah Latrine se bahar ho (chahe woh uske saath attache ho) to wuzu karne wale ke liye Bismillah zabaan ke saath alfaaz mein ada karna mashroo’ hai, aur is haalat mein makrooh nahi, kiunki yeh latrine ke andar nahi hai.
والله أعلم بالصواب

*Fatwa Link:*
https://islamqa.info/ur/23308

*🌹Please Share with Our Muslims Brother and Sister.🌹*
-------------------

Share:

Read More

Muharram ke Fazail O Masail (Part 01)

 Muharram-ul-Haraam Ki Haqeeqat.

Sabse pehle baat yaha'n se chalti hai ke yeh Mahina muazzam aur mohatram hai ya Manhoos ?

 Baaz log is mahine ko manhoos samajhte hai aur iski vajah yeh hai ke inke nazdeek shahadat bahut buri aur manhoos cheez hai aur chuki Hazrat Husain Rd. Ki shahadat isme huyi hai isliye isme koi takreeb aur khushi ka kaam shadi, nikah vagerah nahi karte,

 iske bar-aks musalmano ke yaha'n yeh mahina mohatram, muazzam aur fazilat wala hai,

 Moharram ke ma’ani hi mohatram, muazzam aur muqaddas ke hai, Aam tor par yeh khayal kiya jata hai ke is mahine ko isliye fazilat mili k e Hazrat Husain Rd ki shahadat is me hui, yeh galat hai, is mahine ki fazilat islaam se bhi pehle se hai,

 Bani israa’il ko Hazrat Musa Alayhissalam ke saath Fir’on se isi din me nijaat hui, is nemat ko shukr ke tor par is din ke Roza ka hukm hua, aur bhi bahut si fazilat ki cheeze isme hui hai, Albatta yu kahenge ke Hazrat Husain Rd ki shahadat me zyada fazilat isliye hui ke aise fazilat wale maah me waqa’i hui,

Jab se yeh sabit hua ke yeh mahina aur din afzal hai to is me nek kaam bahut zyada karne chahiye, Nikah vagerah, Khushi ki taqribaat bhi isme zyada karni chahiye.

_*Shahadate Husain Rd
_*( Majmua ifadaat), 26*_
━━━━━━━••●❀●••━━━━━━━

Share:

Read More

Tahajjud ki Namaz Padhne ka Shahee Tarika .

TAHAJJUD KI NAMAZ PADHNAY KA SAHEEH TARIKA

Tahajjud Ki Namaz Kaise Padhe, Witr Padhne Ka Sahi Tarika

Shuru Allah ke Naam se:
Raat k kuch hisse me Tahajjud ki Namaz me Quran ki tilawat Karen ye Zyadati aap k liye hai Anqareeb aap ka Rab aap ko Moqam Mahmood me khada karega.
(Al-Bani Isra’il: 79)

NAMAZ-E TAHAJJUD:
———————————
Is Ko Raat Ki Namaz Bhi Kehtay Hain. Mahi Ramazan Me Ye Namaz Taraweeh Kai Naam Se Jaani Jati Hai. Darasal Tahajjud, Qiyamul Lail, Qiyami Ramazan Aur Taraweeh Eak Hi Namaz Kai Mukhtalif Naam Hain. Ye Namaz Agarchi Nafil Hai Lekin Fazilat Kai Aaitibar Se Is Kai Padhnay Me Kafi Sawaab Hai.

TAHAJJUD KI FAZILAT:
———————————
Hazrat Abu Umama (R.A) Riwayat Kartay Hain Ki Rasoolullah (salallahu alayhi wasallam) Ne Farmaya:
“Tahajjud Zarur Padha Karo, Kyunki Woh Tumse Pehlay Nek Logon Ka Tarika Hai, Aur Tumharay Liye Allah Kai Kareeb Ka Sabab Hai, Burayon Se Door Honay Ka Zariya Hai Aur Gunahon Se Baaz Rakhnay Wala Amal Hai.”
Hazrat Bilal (R.A) Se Bhi Isi M’ana Me Hadees Marvi Hai.
(Ibn Khuzaymah, Hadees: 1135)
(Tirmizi, Hadees: 3549)
(Bayhaqi, 2/502)

Rasoolullah (salallahu alayhi wasallam) Ne Farmaya Allah Ta’ala Raat Kai Pichlay Pehar (Yaani Eak Tihaayi Raat Ko) Aasman-e Duniya Par Tashreef Latay Hain Aur Farmatay Hain Ki:
“Me Badsha Hu’n Jo Mujhay Pukaray Ga Me Is Ki Dua Qabool Karunga, Jo Mugh Se Maangay Ga Me Isay Ata Karunga, Jo Mugh Se Bakshish Talab Karega Me Isay Baksh Dunga Aur Allah Ta’ala Fajr Roshan Honay Tak Isi Tarah Rehtay Hain.”
(Bukhari, Hadees: 1145)
(Muslim, Hadees: 758)
(Abu Da’wud, Hadees: 1315)

Hazrat Abu Hurairah (R.A) Kehtay Hain Me Ne Rasoolullah (salallahu alayhi wasallam) Se Suna Aap (salallahu alayhi wasallam) Farmatay Thay:
“Farz Namaz Kai Baad Sab Namazon Se Afzal, Tahajjud Ki Namaz Hai.”
(Muslim, Hadees: 1163)

NAMAZ-E TAHAJJUD KAI LIYE NIYYAT:
———————————
Rasoolullah (salallahu alayhi wasallam) Farmatay Hain:
{Inna Mal-A’maalu Bin-Niyyaati}
“Amalo’n Ka Daromadar Niyyaton Par Hai.”
(Bukhari, Hadees: 1, 54, 2529, 3898, 5070, 2520, 6689, 6953)
(Muslim, Hadees: 1907)
Wazu Kartay Waqt Dil Me Ye Niyyat Karen Ki Allah Kai Huzoor (Namaz Me) Hazir Honay Kai Liye Taharat (Wazu) Karnay Laga Hu’n Aur Phir Jab Namaz Padhnay Lagain To Dil Me Ye Qasad Aur Niyyat Karen Ki Sirf Allah Hi Ki Khushnoodi Kai Liye Us Ka Hukum Baja Lata Hu’n.
Niyyat Chunki Dil Se Taaluq Rakhti Hai Is Liye Zuban Se Ada Karnay Ki Koi Zarurat Nahe Aur Niyyat Ka Zuban Se Ada Karna Rasoolullah (salallahu alayhi wasallam) Ki Sunnat Aur Sahaba (R.A) Kai Amal Se Sabit Nahe Hai.

NEEND SE JAAGTAY WAQT PADHAIN:
Hazrat Aaisha (R.A) Farmati Hain Ki Rasoolullah (salallahu alayhi wasallam) Jab Raat Ko (Bistar Se Tahajjud Kai Liye) Uthtay To (Ye) Padhtay:
“Allahu Akbaru” Dus Baar (10), “Alhamdulilahi” Dus Baar, “Subhanallahi Wa Bihamdihi” Dus Baar, “Subhan-al Malikil Quddoosi” Dus Baar, “Astagfirullaha” Dus Baar, “La Ilaha Illallahu” Dus Baar, Aur Phir “Allahumma Auzubika Min Deeqid Dunya Wa Deeqi Yaumil Qiyamati” Dus Baar. Phir Kehhtay “Allahum Magfirli Wahdini Warzukni Wa Aafini” Phir (Wazu Wagaira Karkay) Tahajjud Shuru Kartay.
TARJUMA (Translation):

“Allah Sab Se Bada Hai, Sari Tareef Allah Kai Liye Hai, Allah Apni Tareef Samait (Har Aib Se) Pak Hai, Me Nihayat Hi Pakeeza Badsha Ki Paki Bayan Karta Hu’n, Me Allah Se Bakshish Talab Karta Hu’n, Allah Kai Siwa Koi (Sacha) Mabood Nahe, Aay Allah! Me Duniya Wa Aakhirat Ki Tanghiyon Se Teri Panah Maangta Hu’n. Aay Allah! Mujhay Muaf Farma, Mujhay Hidayat Ata Kar, Mujhay Rizq De Aur Aafiyat Se Nawaaz.”
(Abu Da’wud, Hadees: 5085, 766)
(Ibn Hibban, Hadees: 649)

RASOOLULLAH (SALALLAHU ALAYHI WASALLAM) KI TAHAJJUD KI KAIFIYAT.
————————————
Hazrat Huzaifa (R.A) Ne Nabi (salallahu alayhi wasallam) Ko Tahajjud Padhtay Dekha.
Wo Kehtay Hain Surah Fatiha Kai Baad Aap (salallahu alayhi wasallam) Ne Surah Baqara Padhi.
Phir Roku Kiya. Aap (salallahu alayhi wasallam) Ka Roku Aap (salallahu alayhi wasallam) Kai Qiyam Ki Manind Tha. (Yaani Qiyam Ki Tarah Roku Bhi Kafi Taveel Kiya).
Phir Aap (salallahu alayhi wasallam) Ne Roku Se Sar Uthaya. Aap (salallahu alayhi wasallam) Ka Qoma Aap (salallahu alayhi wasallam) Kai Roku Ki Manind Tha (Yaani Roku Ki Tarah Qoma Bhi Kafi Lamba Kiya)
Aap (salallahu alayhi wasallam) Ka Sajdah Aap (salallahu alayhi wasallam) Kai Qomay Ki Manind Tha (Yaani Qomay Ki Tarah Sajdah Bhi Kafi Lamba Kiya).
Aap (salallahu alayhi wasallam) Dono Sajdo Kai Darmiyan (Jalsa Me) Aapnay Sajde Ki Manind Baithay Thay (Yaani Sajde Ki Tarah Jalsa Me Bhi Der Lagai Aur Khub Itminan Kiya).
Pas Aap (salallahu alayhi wasallam) Ne Char (4) Rakaton Me Surah Baqara, Surah Aal-E-Imran, Surah Nisa Aur Surah Maeda Padhain.
(Abu Da’wud, Hadees: 874)

Nabi (salallahu alayhi wasallam) Ne Farmaya:
“Jo Shakhs Raat Kai Nawafil Me Do Sou (200) Aayaat Tilawat Karta Hai Wo Ita’at Guzaar Mukhlis Logon Me Shumar Hota Hai.”
(Sunan Darmi, Hadees: 3451)

Nabi (salallahu alayhi wasallam), Sari Raat Nafil Nahen Padhtay Thay.
(Muslim, Hadees: 746)

TAHAJJUD ME KIS TARAH SE QIRAAT KARAY.
————————————
Rasoolullah (salallahu alayhi wasallam) Raat Kai Nawafil Me Kabhi Siri (Aahista) Aur Kabhi Jehri (Buland Aawaz Se) Qiraat Farmatay.
(Tirmizi, Hadees: 449)
(Ibn Majah, Hadees: 1354)

Dono Tarah Nabi (salallahu alayhi wasallam) Se Sabit Hai.
  Jaisa Ki Eak Riwayat Me Hazrat Aaisha (R.A) Farmati Hain Ki:
“Baaz Auqaat Aap (salallahu alayhi wasallam) Siri Qiraat Farmatay Aur Baaz Auqaat Jehri Qiraat Farmatay.”
(Abu Da’wud, Hadees: 1274)
(Tirmizi, Hadees: 2924)
(Nasa’i: 1/99)

TAHAJJUD PADHNAY KA WAQT:
 Tahajjud Ka Waqt Isha Kai Baad Se Fajr Tak Hai.
(Bukhari, Hadees: 626)
(Muslim, Hadees: 736)

Albatta Afzal Raat Ka Aakhri Waqt Hai Jaisa Ki Hazrat Jabir (R.A) Se Marvi Hai Ki Rasoolullah (salallahu alayhi wasallam) Ne Farmaya:
“Bilashuba Raat Kai Aakri Hissay Ki Namaz Me (Farishton Ko) Hazir Kiya Jata Hai Aur Wahi Afzal Hai.”
(Muslim, Hadees: 755)
(Tirmizi, Hadees: 455)
(Ibn Majah, Hadees: 1187)

TAHAJJUD KI NAMAZ KA TARIKA:
 Sahi Muslim Ki Riwayat Me Hai Ki:
“Aap (salallahu alayhi wasallam) Tahajjud Padhtay Huway Har Do (2) Rakaton Me Salaam Phairtay Thay.”
(Muslim, Hadees: 736)

Hazrat Ibn Umar (R.A) Se Marvi Hai Ki Rasoolullah (salallahu alayhi wasallam) Ne Farmaya:
“Raat Ki Namaz Do (2) Do (2) Rakat Ki Surat Me Padhi Jaye.”
(Bukhari, Hadees: 990)
(Muslim, Hadees: 749)
(Abu Da’wud, Hadees: 1326)

Aap (salallahu alayhi wasallam) Qiyamul Lail Me Gyarah (11) Rakatain Padhtay Aur In Me Aath (8) Rakatain Tahajjud Hoti Aur Teen (3) Rakatain Witr Hoti Thi Aur Kabhi Terah (13) Rakatain Bhi Padhtay Aur In Me Aath (8) Rakatain Tahajjud Hoti Aur Panch (5) Rakatain Witr Hoti Jaisa Ki Hadees Se Sabit Hai.

Rasoolullah (salallahu alayhi wasallam) Ka Bil Amoom Witr Padhnay Ka Tarika, Hazrat Aaisha (R.A) Yu’n Bayan Farmati Hain Ki:
“Nabi (salallahu alayhi wasallam) Namaz-e Isha Se Fajr Tak Gyarah (11) Rakatain Padhtay. Har Do (2) Rakaton Kai Par Salaam Phairtay Aur Eak Rakat Witr Padhtay.”
(Muslim, Hadees: 736)

Hazrat Ibn Umar (R.A) Riwayat Kartay Hain Ki Rasoolullah (salallahu alayhi wasallam) Witr Ki Do (2) Aur Eak (1) Rakat Me Salaam Se Fasl Kartay.
(Ibn Hibban, Hadees: 678)
Yaani Teen (3) Witr Is Tarah Padhtay Ki Do (2) Rakaat Padh Kar Salaam Phairtay Aur Phir Uthkar Teesri (3) Rakaat Alag Padhtay.

Hazrat Aaisha (R.A) Se Marvi Hai Ki:
“Rasoolullah (salallahu alayhi wasallam) Raat Ko Terah (13) Rakaat Namaz Ada Farmatay In Me Panch (5) Witr Hotay Thay Aur In Pancho (5) Witron Me Tashahud Kai Liye Sirf Aakhri Rakaat Me Baithtay.”
(Muslim, Hadees: 737)
(Abu Da’wud, Hadees: 1338)
(Tirmizi, Hadees: 459)

Aksar Auqaat Aap (salallahu alayhi wasallam) Gyarah (11) Rakaat Qiyamul Lail Ada Farmatay Balki Aksar Auqaat Aap (salallahu alayhi wasallam) Ka Yahi Mamool Tha.

Hazrat Aaisha Siddiqa (R.A) Se Marvi Hai Ki:
“Ramazan Aur Ghair Ramazan Me Nabi (salallahu alayhi wasallam Raat Ki Namaz) Gyarah (11) Rakaton Se Zyada Nahe Padhtay Thay.”
(Bukhari, Hadees: 1147)
(Muslim, Hadees: 738)
(Abu Da’wud, Hadees: 1341)
فتح الباری 3/33 کتاب التہجد باب قیام النبّی باللیل فی رمضان وغیرہ

Is Hadees Se Ye Maloom Hua Ki Tahajjud, Qiyamul Lail, Qiyami Ramazan Aur Taraweeh Eak Hi Namaz Kai Mukhtalif Naam Hain.

Hazrat Umar (R.A) Ne Ubay Bin Ka’ab Aur Hazrat Tamim Dari (R.A) Ko Mahi Ramazan Me Gyarah (11) Rakaat Hi Padhnay Ka Hukum Kiya.

موطا امام مالک ص100- باب ماجاء فی قیام رمضان

Isi Tarah Ibn Imam Khuzaymah (Rahimahullah) Ne Hazrat Jabir (R.A) Ki Riwayat Se Hadees Layi Hai Ki Nabi-e Kareem (salallahu alayhi wasallam) Ne Ham Ko Mahi Ramazan Me Aath (8) Rakaat Padhaye Phir Witr Padhi.

صحیح ابن خزیمہ 2/138 باب ذکر دلیل بان الوتر لیس بفرض

Namaz-e Tahajjud Padhnay Wala, Witr Ki Namaz Muakhar Karay Aur Tahajjud Ada Karnay Kai Baad Hi Padhay.
Namaz-e Witr Darasal Raat Ki Namaz Hai Jo Tahajjud Kai Sath Milakar Padhi Jati Hai. Jo Loog Raat Ko Uthnay Kai Aadi Na Ho’n Wo Witr Bhi Isha Namaz Kai Sath Hi Padh Saktay Hain.

Rasoolullah () Ne Farmaya:
“Jisay Khatra Ho Ki Raat Kai Aakhri Hissay Me Nahe Uth Sakay Ga Wo Aw’wal Shab Hi Witr Padh Lay.”
(Muslim, Hadees: 755)
Taraweeh Ki NAmaj 8 Rakaat ya 20 Rakaat HAi? 
witr Ki NAmaj Kaise Padhe? 

Share:

Read More

Har Haal Me Allah Se Raazi Rahna.

 
   🍂🍃ﺑِﺴْـــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 🍂🍃

        *السَّلاَمُ عَلَيكُم وَرَحمَةُ اللّٰهِ وَبَرَكَاتُهُ* 
     
       ☆▬▬▬▬ஜ۩۞۩ஜ▬▬▬▬☆   

: HAR HAAL ME ALLAH SE RAAZI RAHO

♥ Mahfum-e-Hadees: Abu Hurairah (Razi’Allahu Anhu) Se Riwayat Hai Ki,
Rasool-e-Kareem (Sallallahu Alaihay Wasallam) Ne Farmaya
" Ek Tandurast Momin Allah Ta’ala Ke Nazdeek
Kamzor Momin Se Zyada Pasandeeda Aur Bhehtar Hai,

Har Cheez Me Bhalayi Talab Kar,

Jo Tujhe Nafaa De Usmey Ragbat Kar (Yaani Uskey Qareeb Ja)
Aur

Allah Se Madad Maang Aur Dil Na Haar ,..
"Agar Tujhe Koi Musibat Pahunche To Yu Na Keh Ki

"Agar Mai Iss Iss Tarah Kar Leta",
Bulki Ye Keh Ki

"Jo Allah Ne Muqaddar Kar Diya Aur Jo Usney Chaha Kiya",

Kyunki Lafz '‘Agar’' Shaitaan Ka Kaam Shuru Kara Deta Hai”.
(Sunan Ibn Majah, Vol 1, Hadees No.79 – Sahih)

      ☆▬▬▬▬ஜ۩۞۩ஜ▬▬▬▬☆

*🌴Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo🌴*

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  🌹JazakAllah  Khaira Kaseera🌹

      ☆▬▬▬▬ஜ۩۞۩ஜ▬▬▬▬☆

Share:

Read More

Maah-E-Muharram ke Do Rozey.

*Maahe Muharram Ke Do Rozey:*
_______________
*Tahreer: Hafiz Nadeem Zaheer Hafidahullah.*

Sayyiduna Abu Qatadah Ansari (Radhi Allahu Anhu) se riwayath hai ke Rasoolullah (ﷺ) se Yaume Aashurah ke rozey ke baare mein daryaft kiya gaya tou Aap (ﷺ) ney farmaya:
*((يكفر السنة الماضية.))*
"Ye guzishta saal ke gunhaon ka kaffarah ban jaata hai." [Sahih Muslim:1162]

Sayyiduna Abdullah Bin Abbas (Radhi Allahu Anhu) se riwayath hai ke jab Nabi-e-Kareem (ﷺ) madina tashreef laaye tou Aap (ﷺ) ney dekha ke yehoodi yaum-e-aashura ka rozey rakhtey hai, Aap (ﷺ) ney unse (rozey rakhne ki) wajah daryaaft ki tou unhune kahan: ye ek achchaa din hai, iss din Allah Ta'ala ney bani israeel ko unke dushman se najaat dilayee thi, Musa (Aalaihis Salaam) ney bhi is (din) ka roza rakkha tha, Nabi-e-Akram (ﷺ) ney farmaya: "Musa ke sath (munasibat ke etebaar se) main zyada haq rakhta hu." chunanche Aap (ﷺ) ney roza rakkha aur is ka hukm bhi diya. [Sahih Bukhari:2004, Sahih Muslim:1130]

Jamhoor ke nazdeek yaum-e-aashura se muraad muharram ka daswan (10th) din hai dekhiye.(Sharah Sahih Muslim Nawawi [8/12]

Sayyiduna Abu Huraira (Radhi Allahu Anhu) se riwayath hai ke Rasoolullah (ﷺ) ney farmaya: "Ramazan ke baad afzal roze Allah ke mahiney muharram ka roza hai." [Sahih Muslim:1163]
Ibtedaye Islam mein yaum-e-aashura ka roza farziyat ka darja rakhta tha, lekin jab ramazan ke rozey farz huwe tou aashure ki farziyat saqit ho gayee taham fazilat barqaraar hai.

*YAHOODIYO KI MUKHALIFAT... Magar kaise?*
Rasoolullah (ﷺ) ney yaum-e-aashura ka roza rakha aur is ke rakhney ka hukum diya (tou Sahaba kraam (Radhi Allahu Anhum) ney arz kiya: Aye Allah ke Rasool! Ye Yahood wa nasara ki tazeem wa takreem ka din hai, Rasoolullah (ﷺ) ney farmaya:
*((فإذا كان العام المقبل إن شاء الله صمنا اليوم التاسع.))*
"Aainda saal hum Inshaa' Allah 9 muharram ka roza rakkhege."(Sahih Muslim:1134)

Qarayeen Akraam! Is silsiley mein taqriban teen mauqif ma'roof hai,hutarteebwar in teeno ko m'aa dalail naql karenge, phir Rajeh mauqif bhi wazeh karenge. (Inshaa' Allah)

*1) Pehla Mauqif:* Sirf 9 Muharram ko roza rakha jayega, darj bala hadees bhi isi par daal hai, Neez iss hadees ke rawi Abdullah Bin Abbas (Radhi Allahu Anhu) se jab aashure ke rozey se mutaliq pouchaa gaya tou unhune farmaya: "Jab tum muharram ka chand dekh lo tou din shumaar kartey raho aur 9th (nawwi) tareeq ko roza rakkho." [Sahih Muslim:1133]
ye mauqaf rakhney walo ka kehna hai ke marfoo hadees aur Sahabi ke qaul se ye ta'yun ho jaata hai ke roza sirf 9 muharram ka rakha jayega aur isse yahood ki mukhalifat bhi ho jayegee.

*2) Dusra Mauqif:* Rosa 10 (dus) muharram ko rakhna chahiye, albatta yahoodiyo ki mukhalifat ki bina par 9 ya 11 muharram ka roza bhi milana chahiye aur in ki daleel darj zail hai: "Yaum-e-aashura ka roza rakkho aur yahoodiyo ki mukhalifat karo (lehaza) ek din pehle ya baad ka (bhi) roza rakkho." [Musnad Ahmed 1/241 H:2145, Ibne Kuzaima:2095]
lekin ye riwayath dawood bin ali ki wajah se zaeef hai, lehaza is riwayath se 10 aur 11 muharram ko roza rakhne ka istidlaal durust nahi, Taham 9 aur 10 ki wazahat teesre mauqif mein aarahi hai.

*3) Teesra Mauqif:* 9 aur 10 muharram ke do rozey rakhna mustahab hai aur in ke dalail darj zail hai:
1) Sayyiduna Jaber Bin Samurah (Radhi Allahu Anhu) se riwayath hai ke Rasoolullah (ﷺ) hamein  aashure ke rozey ka hukm detey, iss ki targheeb detey aur is ka (khoob) ehtemaam farmatey, Jab ramazan (ka roza) farz kar diya gaya tou na Aap ney humein is ka hukm diya, Na mana kiya aur Na iss ka (khaas) ahtemaam kiya."[Sahih Muslim 1128]

Hasan Basri (Rahimahullah) ney farmaya:
*((عاشوراء یوم العاشر.))*
"Aashura (Muharram ka) daswan (10th) din hai." (Musannaf Ibne Abi Shaibah 3/59 Wa Sanaduhu Sahih) Aur Jamhoor ke nazdeek bhi yehi musallam hai, jaisa ke guzar chuka hai.

Jab ye wazeh ho gaya ke aashura 10 muharram hai tou darj bala hadees se ye samhjna mushkil nahi ke Nabi-e-Kareem (ﷺ) ney 10 muharram, yani yaum-e-aashura ke rozey se kabhi mana nahi farmaya, lehaza iss ki mumani'at par mehaz adm se istidlaal durust nahi hai, Agar koi kahe ke Abdullah Bin Abbas (Radhi Allahu Anhu) ney 9 muharram ko bhi aashura qaraar diya hai tou ye sirf aashure (10 muharram) se nisbat ki bina par kaha hai,kyunke ke wo 9 aur 10 muharram ke roze ke qail hai, jaisa ke aage aaraha hai.

2)Sayyiduna Muaawiya (Radhi Allahu Anhu)  (apne daur-e-khilafat mein) madina aaye tou inhune aashure ke din kutba diya, phir farmaya: tumhare ulama kahan hai? Aye Madine walo! maine Rasoolullah (ﷺ) ko suna, Aap iss din ke bareme farma rahe they: "Ye aashure ka din hai, Allah Ta'ala ney iss din ka tum par roza farz nahi kiya (lekin) main rozey se hu, lehaza tum mein se jo chahe wo roza rakh ley aur jo chahe wo na rakkhe." [Sahih Muslim:1129] Sayyiduna Muaawiya (Radhi Allahu Anhu) ka Nabi-e-Kareem (ﷺ) ki wafaat ke baad aashure ke rozey se mutalliq logon ko aagah karna, is amr ki daleel hai ke Ahd-e-sahaba mein bhi 10 muharram ka roza mashroo tha aur ye maloom hai ke Nabi-e-Kareem(ﷺ) ney aashura [10 muharram hi) ko roza rakkha tha.

3) Yaume Aashura ke rozey se mutalliq Sayyiduna Abdullah Bin Abbas (Radhi Allahu Anhu) ney farmaya:
*((خالفوا الیهود وصوموا التاسع والعاشر.))*
"Yani Yahood ki mukhalifat karo aur 9-10 (muharram ko) roza rakho." (Al-Sunan Al-Kubra Lil Baihaqi 4/287, Musannaf Abdul Razzaq:7869 Wa Sanaduhu Sahih)

*Sayyiduna Abdullah Bin Abbas (Radhi Allahu Anhu) ke fatwa se darj zail umoor ka pata chalta hai:*

1) Aap ke nazdeek aashura sirf 9 muharram Nahi balke 9 aur 10 Muharram hai aur iss ki wajah tasmiyah hum bayaan kar chuke hai.

2) 10 muharram ka roza mashroo wa masnoon hai.

3) Yahood ki mukhalifat karne ki garz se 9 muharram ka roza bhi mashroo hai.

4) Abdullah Bin Abbas (Radhi Allahu Anhu) se marwi baaz riwayaath mein aur aap ke apne ek qaoul mein sirf 9 muharram ka zikr hai, jab ke darj bala qaul mein 9 aur 10 dono ka zikr hai, lehaza isi qaul par fatwa wa amal hoga, kyun ke adm zikr nafi zikr ko mustalzim nahi aur adme zikr se istidlal ahle ilm ko layeq nahi.

4) Sayyiduna Abdullah Bin Abbas (Radhi Allahu Anhu) se hi riwayath hai ke Rasoolullah (ﷺ) ney farmaya: "Agar aainda saal tak zindagi huwi tou main Inshaa' Allah 9 muharram ko roza rakhuga, iss andeshey ke paish-e-nazar ke mujh se yaum-e-aashura  (ke roze ki fazilat) Na reh jaaye." (Maujam Al Kabeer Lit Tabrani: 10817 Wa Sanaduhu Hasan)
Iss hadees se jahan ye maloom huwa ke yaum-e-aashura 10 muharram hai wahan yaum-e-aashura ke roze ki fazilat wa ahmiyath bhi wazeh hai.

*Ek Aajeeb Aiteraaz*
Baaz hazraat ye aiteraaz kartey hai ke jab 10 muharram ka roza rakh liya, phir yahood ki mukhalifat tou Na huwi, lehaza sirey se 10 muharram ka roza hi Na rakkha jaye.
Wazeh nusoos ke muaqabley mein is aiteraaz ki koi haisiyat nahi lekin hum ek pehlu se iss ka izalah karne ko koshis kartey hai.
Nabi-e-Kareem (ﷺ) ney sirf haftey ke din roza rakhney se mana kiya hai. (Sunan Abi Dawood:2421 Wa Sanaduhu Hasan)
Imam Tirmizi (Rahimahullah) mumaniath ki wajhe ye bayaan kartey hai:
*((لان یهود یعظمون یوم السبت))*
"Kyunke yahood haftey ke din ki ta'zeem kartey hai."[Sunan Tirmizi:744]
lekin agar haftey ke sath itwaar ka roza bhi rakh liya jaye tou ye jaiz hai. [Dekhiye Sahih Ibne Kuzaima, qabl hadees:2167] Wazeh rahe ke 10 muharram ka roza na rakh kar yahood ki mukhalifat murad nahi balke 10 ke sath 9 muharram ka bhi roza rakh kar mukhalifat sabit hogi.

*<<Rajeh Mauqif>>*
Pehle mauqif mein mazkoor Ahadees aur teesre mauqif ke dalail ki roo se hummare nazdeek rajeh yahi hai ke 9 aur 10 muharram ka roza mustahab wa masnoon hai.

*[Ishaatul Hadith,Shumara 123, Safa 26-30]*

Share:

Read More

Muharramul-Haraam ko Aaj Shirak O Biddat Ka Mahina Bna Diya.

MUHARRAMUL HARAAM–AAJ SHIRK AUR BIDAT KA GEHWARA

 Muharramul Haram ek aisa muqaddas mahina jisme Zaman-e-Jahiliyat mein bhi tamam tarah ki buraiya band kar di jati thi yahan tak ki ladaiya bhi multawi kar di jatithi lekin aaj Dushmanan-e-Islam ne apni takhreeb kari aur ghaleez harkato ko Ummat-e-Muslima ke andar ghol diya aur ise ek Shirk aur Biddat ka mahina bana diya.

Jidhar nikal jao nohe aur marsiye padhe ja rahe hain, har dusre ghar mein sog

manaya ja rha hai, har taraf haye hussain, haye hussain ki aaho baqa hai,

koi ghar mein Bibi Fatima ki kahani padhwa raha hai,

koi bibi zenab ki kahani padhwa raha hai,

ek taraf makkari aur dhong ke ansu hain aur dus ri taraf mithayi ki dukane saji hui hain,

ek taraf seeno aur peetho ko mara ja raha hai aur kata ja raha hai to dusri taraf fakeer, paiky, alam aur taziye banaye ja rahe hain,

har taraf ajeeb haal hai, har shakal par 12 baje huye hain.

Wo jo karte hain unhe karnedo musalmano, ye to un khabeeso aur ghaleezo par AZAAB hai ALLAH ka jo Qayamat tak jari rahega, ye aise he apna seena peet te rahenge kyun ki isi seene mein Amma Ayesha R.A. ka bughz bhara hai, Hazrat Abu Bakr R.A. bughz bhara hai, Hazrat Umar Farooq R.A. ka bughz bhara hai, Hazrat Usman-e-Ghani R.A. ka bughz bhara hai, aur tamam SAHABA R.A.A. ka bughz bhara hua hai aur saro ko isliye kat te hain ki isi dimagh mein Hazrat Hussain ko shaheed karne aur Ahle Bait ko badnam karne sazishe bhari hui hain.

FAKEER :

Ye fakeer banne ka system he nahi samjh aya aajtak, ye fakeer kyun banaye jate hain bache, agar ek fakeer ka bacha aa jaye to badi hikarat se dekhte hain lekin in das dinomein to bade bade ameer aur haisyat, shohrat aur paise wale apne abcho ko fakeer banate hain. Ye fakeeri ka to pasha HARAM hai islam mein phir ye kaise aya is muqaddas mahine mein?

PAIKY:

Kuch musalman kamar mein rassiyan bandhe aur ghantiyan latkaye bas daudte rahte hain nange pair, koi idhar bhaga ja raha hai, koi udhar bhaga ja raha hai, kuch group banakar yahan daudte hain kuch wahan daudte hain, aajkal to modern ho gaye to bikes par 3 – 3 aur 4 – 4 baithe kartab dikhate hue nikalte hain, subah se lekar sham tak sirf daudna aur sirf daudna he hai, na namaz ki fikr hoti hai aur na sunnato ki, farziyat ka kahin naam nahi, sunnato ke janaze nikle hue aur bs bhag rahe hain,
ALLAH jane ye DEEN ke liye bhag rahe hain ya DEEN se bhag rahe hain. Ye bhi kahin se sabit nahi hai Nabi A.S. se to mumkin he nahi hai aur SAHABA R.A.A. ne kabhi kiya nahi, na tabayi se na tabe tabayi se, na kisi Auliya ALLAH se, phir ye kaha se aya?

TAZIYADARI AUR ALAM:

Iski shuruat Taimoor Lang ke zamane mein hui aur Noor Jahan ke zamane mein parwan chadhi choonki Taimoor langda tha isliye wo Iran ja nahi skata tha in zalalat ke liye to usne yahi ye sab kuch banwa shuru kar diya,

yahi itihas humein Noor Jahan ke bare mein bhimilta hai ki wo Iran ki rahne wali thi aur yahan par Jahagir se shadi hui to Iran na ja sakne ki wajah se usne kuch iraniyo ko yahi bula liyaaur ye zalalat wale kam yahishuru kar diye aur aaj ka musalman ise sawab ka darja deta

ASTAGHFIRULLAH
ye sarapa biddat aur shirk mein mulawwis hone wale kam hain. Barelvi fikre maktab ke kuch log isme kuch zyada he mulawwis hain lekin shayd unhe ye nahi pata hai ki unke he firke ki ibtida karne wale Imam Ahmad Raza Sb. Ne apni kitab Fataw-e-Rizwiya mein fatwa diya hai

“Taziya dekhne wala, banane wala aur use bechne wala kufr ka murtakib hai”

isliye meri bareilvi hazrat se ghuzarish hai ki in ghaleez aur badtareen biddat se bahar nikle aur Hazrat Hussain R.A. ki shahadat ka asal maqsad samjhe.


Kuch musalman Muharramul Haram ki 10 tareekh ko bht sog wala din, kala din ya manhoos din mante hain ihaza unhe ye batana chahta hun ki

is din Hazrat Adam A.S. ki tauba qubool hui,

Isi din ye paida kiye gaye, isi din inhe jannat mein dakhil kiya gaya,

isi Arsh, Kursi, Aasman, Zameen, Shams, Qamar, Sitare aur jannat banayi gayi,

isi din Hazrat Ibrahim A.S. paida hue aur isi din inhe aag se nijat mili,

isi din Hazrat Moosa A.S. ki ummat ko firaon se nijat mili aur firaon apni qaum ke sath ghark hua,
isi din Hazrat Isa A.S. paida kiye gaye aur isi din inhe asman ki taraf uthaya gaya,

isi din Hazrat Nooh A.S. ki kashti joodi pahad par thehri,

isi din Hazrat Suleman A.S. ko mulk azeem ata kiya gaya,

isi din Hazrat Ynus A.S. ko machli kepet se nikala gaya,

isi din Hazrat Yaqoob A.S. ki beenayi di gayi,

isi din Hazrat Yusuf A.S. ko kuwey se nikala gaya,

Hazrat Aiyyub A.S. ki takleefo ko rafa kiya gaya,

isi din Aasman se zameen par sabse pahli barish hui,

isi dinka roza pichli ummato apr farz tha.

Itna sab kuch hone ke bad bhi agar koi ise manhoos ya sog wala ya kharab din kahe to woe k momin nahi ho sakta zarur aur isme koi shak na hoga kiwo shakhs Dushman-e-Islamhoga.
Niche kuch Hadees-e-Paak SAWW bhi de raha hun mulahiza farmaye…

Nabi SAWW ki hadees hai jiska mafhoom hai ki

“Jo apne gireban ko chak kare, munh peete, aur zaman-e-jahiliyat wali batein kare wo hum me se nahi”… (Sahih Al-Bukhari)

Nabi SAWW ki hadees 10 Muharram ke ziman mein hai jiska mafhoom hai ki

“Jo shakhs is din apne Ahlo ayal par farakhi se kharch kare, ALLAH iske sal bhar ki rozi mein barkat ata farmayenge”…
Nabi SAWW ki hadees ka mafhoom hai jisme Pyare Aqa SAWW ne marsiyah karne par mana farmaya hai…

ALLAH hum tamam momineen ko is pak mahineka taqaddus barqarar rakhne ki taufeeq ata farmaye, isme hone wale tamam Shirk aur Biddat se hamari hifazat farmaye…

AMEEN.
JAZAKALLAHU KHAIRAN KASEERAN KASEERAH

Share:

Read More

Nabi Sallalahu Alaihe Wassallam ki Qabr khuli kyu Nahi Hai?

 *Bismillahirrahmanirrahim* 

 *NABI SALLALLAHU ALAIHI WASALLAM KI QABR* 

 *Arabic* 

   ‏‏‏‏‏‏عَنْ عَائِشَةَ رَضِيَ اللَّهُ عَنْهَا، ‏‏‏‏‏‏عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ فِي مَرَضِهِ الَّذِي مَاتَ فِيهِ:‏‏‏‏ ""لَعَنَ اللَّهُ الْيَهُودَ، ‏‏‏‏‏‏وَالنَّصَارَى اتَّخَذُوا قُبُورَ أَنْبِيَائِهِمْ مَسْجِدًا""، ‏‏‏‏‏‏قَالَتْ:‏‏‏‏ وَلَوْلَا ذَلِكَ لَأَبْرَزُوا قَبْرَهُ غَيْرَ أَنِّي أَخْشَى أَنْ يُتَّخَذَ مَسْجِدًا.

 *Roman Urdu* 

  Hazrat Aisharadiyallahu anha se riwayat hai ke Rasoolullah sallallahu alaihi wasallam ne apne marz e wafat mein farmaya" Yahood (Jews)
aur Nasara (Christians) par Allah ta"ala ki la'nat ho ke unhone apne anbiya (prophets) ki qabron ko masajid bana liya. Aisha radiyallahu anha ne kaha ke agar aisa darr na hota to Aap sallallahu alaihi wasallam ki Qabr khuli rahti  ( aur hujre mein na hoti ) kyun ki mujhe darr is ka hai ke kahin aap sallallahu alaihi wasallam ki Qabr bhi Masjid na bana li jaye.

 *Urdu* 

  حضرت عائشہ رضی اللہ عنہا سے روایت ہے کہ نبی کریم صلی اللہ علیہ وسلم نے اپنے مرض وفات میں فرمایا " یہود اور نصاریٰ پر اللہ  تعالی کی لعنت ہو کہ انہوں نے اپنے انبیاء کی قبروں کو مساجد بنا لیا۔ عائشہ رضی اللہ عنہا نے کہا کہ اگر ایسا ڈر نہ ہوتا تو آپ صلی اللہ علیہ وسلم کی قبر کھلی رہتی  ( اور حجرہ میں نہ ہوتی )  کیونکہ مجھے ڈر اس کا ہے کہ کہیں آپ صلی اللہ علیہ وسلم کی قبر بھی مسجد نہ بنا لی جائے۔

 *English* 

  Narrated Aisha radiyallahu anha said, The Rasoolullah sallallahu alaihi wasallam in his fatal illness said, 'Allah ta"ala  cursed the Jews and the Christians because they took the graves of their Prophets as places for praying. ' Aisha radiyallahu anha added, Had it not been for that, the grave of the Rasoolullah sallallahu alaihi wasallam have been made prominent but I am afraid it might be taken (as a) place for praying.

 *Sahih Bukhari* 
 *Hadith : 1330* 

Share:

Read More

Subah Bedar hone ki Dua.

 
   🍂🍃ﺑِﺴْـــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 🍂🍃

        *السَّلاَمُ عَلَيكُم وَرَحمَةُ اللّٰهِ وَبَرَكَاتُهُ* 
     
       ☆▬▬▬▬ஜ۩۞۩ஜ▬▬▬▬☆ 

*✦ Subah bedar hone ki Dua*
---------------
✦ Rasool-Allah Sal-Allahu Alaihi Wasallam jab bedar hotey (yani Neend se jagte) to ye kahte
*الْحَمْدُ للهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ*
✦ Al-Hamdu lillahi Al-ladhi Ahyana bada ma amatana, wa ilaihin-nushur.
✦ ALLAH ke liye hi tamam taarifien hain jisne humein maut dekar phir se zinda kiya, aur usi ki taraf laut kar jana hai
Sahih Bukhari, Vol7, 6312
---------------
نبی کریم صلی اللہ علیہ وسلم جب اپنے بستر پر لیٹتے تو یہ کہتے ” تیرے ہی نام کے ساتھ میں مردہ اور زندہ رہتا ہوں اور جب بیدار ہوتے تو کہتے اسی اللہ کے لئے تمام تعریفیں ہیں جس نے ہمیں زندہ کیا ۔ اس کے بعد کہ اس نے موت طاری کر دی تھی اور اسی کی طرف لوٹنا ہے
صحیح بخاری جلد ۷ ۶۳۱۲
---------------
✦ रसूल-अल्लाह सल-अल्लाहू अलैही वसल्लम जब सुबह बेदार होते (यानी नींद से जागते) तो ये फरमाते 

*الْحَمْدُ للهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ*
✦ अल्हम्दुलिल्लाहि अल्लज़ी अहयाना बा'दा मा अमाताना व इलायहिन नुशुर
✦ अल्लाह के लिए ही तमाम तारीफें हैं जिसने हमें मौत देकर फिर से ज़िंदा किया और उसी की तरफ लौट कर जाना है 
सही बुखारी, जिल्द 7, 6312
----------------
✦ When the Prophet Sal-Allahu Alaihi Wasallam got up, he would say,
*الْحَمْدُ للهِ الَّذِي أَحْيَانَا بَعْدَ مَا أَمَاتَنَا وَإِلَيْهِ النُّشُورُ*
Al-Hamdu lillahi Al-ladhi Ahyana bada ma amatana, wa ilaihin-nushur.
Praise is to ALLAH Who gives us life after He has caused us to die and to Him is the return.
Sahih Bukhari, Book 75, 326

      ☆▬▬▬▬ஜ۩۞۩ஜ▬▬▬▬☆

*🌴Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo🌴*

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  🌹JazakAllah  Khaira Kaseera🌹

      ☆▬▬▬▬ஜ۩۞۩ஜ▬▬▬▬☆

Share:

Read More

Jo Shakhs Durud Padhta Hai Uske Liye Farishte Us Waqt Dua Karte Rahte Hai.

 
   🍂🍃ﺑِﺴْـــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 🍂🍃

        *السَّلاَمُ عَلَيكُم وَرَحمَةُ اللّٰهِ وَبَرَكَاتُهُ* 
     
       ☆▬▬▬▬ஜ۩۞۩ஜ▬▬▬▬☆   

*✦: Mafhum e Hadith: Jab tak Banda Durud padhta hai Farishtein Uske liye rahamt ki duayein Karte rahte hai*
------
*إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا*

✦ Al Quran : Beshak Allah subhanahu aur uske farishte Nabee Sallallahu Alaihi Wasallam par durud bhejte hain, Eh imaan walo tum bhi un par durud aur salam bheja karo.
Al Quran, Surah Al-Ahzab (33), Aayah 56

✦:Amir bin Rabia Radi Allahu Anhu se riwayat hain ki Rasool-Allah Sallallahu Alaihi Wasallam ne farmaya jab koi mujh par durud bhejta hai to farishte us waqt tak uske liye rahmat ki duayein karte rahte hain jab tak wo mujh par durud padhta rahta hai , ab bande ki marzi Hain ke wo kam padhe ya zyada.
Masnad Ahmed Hadees # 5715-Sahih
*✦ Allahumma Salli Ala Muhammed Wa Aali Muhammed*
--------------
القرآن:بیشک اللہ اور ا س کے فرشتے نبیِ صلی اللہ علیہ وآلہ وسلم پر درود بھیجتے رہتے ہیں ، اے ایمان والو! تم ( بھی ) اُن پر درود اور سلام بھیجا کرو
سورة الا حزاب(۳۳) آیت ٥٦

  عامر بن ربیعہ  ‌رضی ‌اللہ ‌عنہ سے  روایت ہے کہ رسول اللہ ‌صلی ‌اللہ ‌علیہ ‌وآلہ ‌وسلم  نے فرمایا جب کوئی مجھ پر  درود  بھیجتا ہے تو فرشتے اس وقت تک اس کے لیے  رحمت کی  دعائے کرتے رہتے ہیں  جب تک وہ مجھ پر درود پڑھتارہتا ہے  اب بندے کی مرضی ہے کہ وہ کم پڑھے یا زیادہ۔
مسند احمد ۵۷۱۵ صحیح
*اللَّهُمَّ صل على مُحمد و على آل محمد*
--------------
✦ अल कुरान : बेशक अल्लाह सुबहानहु और उसके फ़रिश्ते नबी सल अल्लाहु अलैहि वसल्लम पर दुरुद भेजते हैं , एह ईमान वालो तुम भी उन पर दुरुद और सलाम भेजा करो
सुरह अल-अहज़ाब (33) , आयत 56

✦ रसूल -अल्लाह सल्लल्लाहु अलहै  वसल्लम ने फ़रमाया जब कोई मुझ पर दुरुद भेजता है तो  फ़रिश्ते उस वक़्त तक उसके लिए रहमत की दुआएं करते रहते हैं जब तक वो मुझ पर दुरुद पढता रहता है अब बन्दे की मर्ज़ी हैं के वो कम पढ़े या ज़्यादा
मसनद  अहमद  हदीस  # 5715-सही
✦ *अल्लाहुम्मा सल्ली अला  मुहम्मद वा आली मुहम्मद*
----------
✦Al Quran : Verily ! Allah and His angels send blessings on the Prophet ( Sallallahu Alaihi Wasallam): O you who believe! Send your blessings on him, and salute him with all respect.
Surah Al-Ahzab (33), Aayah 56

✦ Narrated by Amir bin Rabia radi Allahu Anhu that Rasool-Allah Sallallahu Alahai Wasallam said the angels will continue  send blessing for the one who send blessing on me, as long as he continues to do so, now its up to the the servant, either he reduce or increase this.
Masnad Ahmed Hadees # 5715-Sahih
*✦ Allahumma Salli Ala  Muhammed Wa Aali Muhammed*

      ☆▬▬▬▬ஜ۩۞۩ஜ▬▬▬▬☆

*🌴Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo🌴*

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  🌹JazakAllah  Khaira Kaseera🌹

      ☆▬▬▬▬ஜ۩۞۩ஜ▬

Share:

Read More

Mushkil waqt Me Padhi Jane wali Dua

   🍂🍃ﺑِﺴْـــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 🍂🍃

        *السَّلاَمُ عَلَيكُم وَرَحمَةُ اللّٰهِ وَبَرَكَاتُهُ* 
     
       ☆▬▬▬▬ஜ۩۞۩ஜ▬▬▬▬☆   

👉🏻 *Nabi Kareem Sallallahu Alahiwa Sallam Pareshani ke waqt ye Dua padha karte The*
________________________

*📚 ḀḧḀDḕḕS 📚*

*بِسْمِ اللَّهِ الرَّحْمَـٰنِ الرَّحِيم​*

👉🏻 *Ibn Abbas Radhi Allahu Anhu se rivayat hai ki🌿🌸*

👉🏻 *Rasool Allah Sallallahu Alaihi Wasallam  pareshaani ke waqt ye dua Padha karte the🌿🌸*

👉🏻 *La ilaha illallahul-Azim- al-Halim,La ilaha illallahu Rabbus-samawati wal-ard wa Rabbul-arshil-Azim,*

*لا إله إلا الله العظيمالحليم،لا إله إلا اللهرب السموات والارض ،  و رب العرشالعظيم*

*Dua tarhuma:*

👉🏻 *ALLAH ke siwa koi Maabud nahi jo bahot Azmat wala hai, bardbar hai🌿🌸*

👉🏻 *ALLAH ke siwa koi Maabud nahi jo Aasmano aur zameen ka RAb hai aur Arsh-Azeem ka RAB hai🌿🌸*

👉🏻📚 *Sahih Bukhari, Vol 7, 6345,*

      ☆▬▬▬▬ஜ۩۞۩ஜ▬▬▬▬☆

*🌴Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo🌴*

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  🌹JazakAllah  Khaira Kaseera🌹

   ☆▬▬▬▬ஜ۩۞۩ஜ▬▬▬▬☆

Share:

Read More

Gair Aurat ko Dekhne wala Mard aur Gair Mard ko Dekhne wali Aurat pe Allah ki Laanat.

GAir Aurat Aur GAir MArd Ko Dekhne Walo KI Sza.

NABI KAREEM Sallalahu Alayhi Wasallam ne irshad farmaya
Jis gair aurat ko jan bujh kar dekha jaye aur jo aurat apne ko jan bujh kar gair mardo ko dikhlaye us mard aur aurat par Allah ki la’anat.
(Mishkat sharif Jild 2,Hadees 2991,Safa 77)

Sallalahu Alayhi Wasallam ne irshad farmaya
Jab gair mard aur gair aurat tanhai me kisi jagah sath hote he to unme tisra shaitan hota he
(Tirmizi sharif Jild 1,Bab 794,Hadees 1171,Safa 599)

        ☆▬▬▬▬ஜ۩۞۩ஜ▬▬▬▬☆

Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  JazakAllah  Khaira Kaseera

      ☆▬▬▬▬ஜ۩۞۩ஜ▬▬▬▬

Share:

Read More

Juma ke Din jannati log Jannat ke Baazaar mein Jayenge.

 
   🍂🍃ﺑِﺴْـــــــــــــﻢِﷲِﺍﻟﺮَّﺣْﻤَﻦِﺍلرَّﺣِﻴﻢ 🍂🍃

        *السَّلاَمُ عَلَيكُم وَرَحمَةُ اللّٰهِ وَبَرَكَاتُهُ* 
     
       ☆▬▬▬▬ஜ۩۞۩ஜ▬▬▬▬☆                 
Hadith : Jumma ke din jannati log Jannat ke Baazar mein jaynegey aur.

Urdu Translation:

Anas bin malik Radi allaho anho se rivayat hai ki Rasoollalah Sallallaho Alaihey wasallam ne farmaya jannat mein ek bazar hai jismein jannati log har jumaa ke din jama hongey phir shumali hawa(North wind) chalegi aur wahan ka gubar (jo mushk aur zafran hai) unkey chehron aur kapdon par padega jis sey unka husn aur jamaal ziyada ho jayega phir palat aayngey apney gharwalon ki taraf aur gharwalon ka bhi husn aur jamal badh gaya hoga so unsey unkey gharwaley kahnegy ki tumhara husn aur jamal hamare baad to bahut badh gaya hai phir wo jawab dengey ki Allah ki kasam tumhara bhi husn aur jamaal hamarey baad bad gaya hai

{Sahih Muslim , 7146 }

       ☆▬▬▬▬ஜ۩۞۩ஜ▬▬▬▬☆

*🌴Aye imaan waalo Allah ki itaat karo aur uske Rasool ki itaat karo aur apne Amalo ko Baatil na karo🌴*

Jo Bhi Hadis Aapko Kam Samjh Me Aaye Aap Kisi  Hadis Talibe Aaalim Se Rabta Kare !

  🌹JazakAllah  Khaira Kaseera🌹

      ☆▬▬▬▬ஜ۩۞۩ஜ▬▬▬▬☆

Share:

Read More